التوقيت وما وراءه - الفصل 9 - بقلم المجنون - مكتملة | روايتك

*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵التوقيت وما وراءه* *❴🔢❵الـــبـــــــــــ❴التاسع❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب ||روايات|| منوعة📚: #التوقيت_وما_وراءه_11_11_9 الحلقة التاسعة @rwayate كنت لسه رح أحكيله رن تلفوني.. كانت ياسمين.. وكان باين إنه صوتها خايف ومكركب.. قلتلها شو فيكي؟!.. حكت أنا وأمك حاسّين إنه في حدا عند باب البيت.. وكل ما بتطلّع بالعين الساحرة بختفي!.. أنا خايفة لحالي إرجعي بسرعة!.. قلتلها بتقولي هيك لأرجع وأمك عم تطلّع كلام من راسها لحتى تضل كابسة على نفسي بكلامها يلي متل السم!.. قوليلها ما بدي أرجع على البيت!.. انفعلت على الخط وصارت تقسم وتحلف وأنا قفلت بوجهها.. قليّ نوار.. أختك يلي شخصيتها مهزوزة؟!.. قلتله هيّه بذاتها.. أنا اسفة عطلتك بس عم يطلعولي كلام من راسهم لحتى أرجع على البيت بما إنه تأخر الوقت وأنا أول مرة بعملها.. قلّي ما صدقتيهم؟!.. بركي كلامها صحيح!.. قلتله أختي وبعرفها وباين من نبرتها إنها عم تكذب مو قلتلك شخصيتها مهزوزة وبتخاف من خيالها.. هالكلام تنقيل من ماما.. ومستحيل أصدقها لأنه أبو علي الناطور معسكر على الباب من بعد موت إبنه وبقفله بإحكام وأصلاً هلأ زاد خوفه أكتر على نفسه ليصيرله شي أو لبنته ومرته بعد شكّه بإنه ممكن يكون يلي قتل إبنه مستقصده!.. قلّي نوار وشافك بس طلعتي؟.. صفنت شوي وقلتله.. لأ!.. ما كان موجود.. والباب كان مفتوح!.. معقول أنا أنسى تفصيل؟!.. لأ أنا ما بنسى بذاكرتي محفوظ إنه ما كان موجود والباب مفتوح بس ما اهتميت وبس كان بدي أهرب من أمي!.. حكالي تمام يبقى انتي في شغلات معينة بتروح عن بالك بسبب أمور أهم.. وهاد يلي بدي أوصله!.. رجعت رنّت ياسمين وأنا قفلت الخط وعملته صامت وقلبت التلفون لورا وحكيتله لا تهتم اختي بتبالغ وباب البيت صعب جداً ينفتح!.. اتطلعت فيه وحكيتله الماضي طويل.. وأنا عانيت بحياتي من لمّا كنت صغيرة.. وحالياً رجع كل شي.. بالتواريخ والأرقام والتواقيت وهاد يلي مخوّفني.. قلي لو حكيتلك كلام بتصدقيني؟!.. قلتله بصدق!.. قال ما تشوفيني صحفي ومصوّر بس أنا خطير.. يعني ذكي متلك ويمكن أكتر منك!.. قلتله يمكن.. صار يضحك وقال حقك!.. بما انك الاولى دائماً ومتفوقة بس صدقيني أنا ذكي.. نسبة ذكائي عالية ولو حكيتيلي كل شي صار بحياتك أنا رح أحلل معك كل تفصيل صغير.. بس خلينا نلعب لعبة صغيرة لأقتنع بنسبة 100%.. شافني اتطلعت عليه بعصبية.. قليّ مصدقك!.. بس خلينا نلعب.. رح أسئلك أسئلة وانتي جاوبيني بسرعة البرق!.. قلتله طيب تفضل.. سألني أسئلة تاريخية من وقت الحرب العالمية الأولى والثانية والحروب يلي عاشوها العالم.. وصار يبحث بتلفونه عن أسئلة بقمة الصعوبة وأجاوبه فوراً.. انصدم وقال ممكن هالمعلومات براسي من زمان لهيك بدي أصعبهم.. بدأ يسأل أسئلة دقيقة.. كم شخص كان بالكوفي شوب بس دخلنا؟!.. وكم طلب قدّم الجرسون وكم طاولة في بدون لأعدهم.. جاوبت بدقة.. وحكيتله حابب تعرف بالتفصيل أشياء تانية؟.. وصلت هون الساعة 11:53 دقيقة.. بـ 11:11 كنت بمشي بالشارع وشفت عدة أشخاص.. ختيار.. مرة أربعينية.. صبيّة مع أمها الخمسينية.. وتنين ولاد مراهقين بال15 من عمرهم تقريباً.. وإذا بتحب بوصفلك أشكالهم مع ناس تانين شفتهم وشو كانو لابسين وكيف كانو يتطلعو وشو سمعتهم بيحكو.. وانا ماشية اتمنيت يفضى الكوفي شوب بعد ربع ساعه تقريباً من وصولك وهاد يلي صار وانت ما انتبهتله.. وصلت إنت 12:39 دقيقة.. حطيت إيدك على خدّك بتركيز بوقت 12:49 وكنت تحرّك ساعتك يمين شمال بوقت 1:14 دقيقة وهاد بعلم النفس توتّر.. ليه كنت متوتر؟.. طلبتلي عصير والجرسون ناداه ليروح يشتري قهوة من محل البن المغربي بعد 5 دقايق و11 ثانية من وصول الطلب وصرّخ عليّه لأنه تأخر بطلب لطاولة 9.. وصاحب طاولة 9 غادر.. كان يقلّه الجرسون السبب إنه..... اتطلع فيني نوّار وحكالي انتي عنجد مش طبيعية ريحانة!.. أنا مصدوم.. أنا ما كنت منتبه أبداً لكل هالتفاصيل!.. ولا ممكن انتبه لهيك شي.. انتي متى كنتي مركزة أصلاً.. أنا كنت مركز معك بالكلام ومنفصل عن العالم الخارجي ومو منتبه شو بيحكو وانتي عم تحكي معي وتشرحيلي قصة حياتك ومع هيك مركزة بكل هالتفاصيل الدقيقة!!!!.. قلتله لا تختبرني أنا حتى أحلامي يلي شفتهم بكل حياتي حافظتهم حلم حلم!!!.. شفته خاف واتطلع على ساعته وقال بعد 3 ساعات رح يطلع الفجر.. نحنا مش لازم نبقى هون.. حكيتله هالكوفي شوب بضل للصبح وفينا نبقى.. ليش وين بدك تاخدني.. حكى في عنا شقة فاضية صغيرة أمي كانت تاركيتها للخدم وحالياً غيّرت رأيها وبطلت تجيب خدم لهيك صارت ملجئ لإلنا الشباب من إزعاج العيلة!.. حكيتله يعني عندك اخوان غيرك؟!.. قال قبيلة.. تعالي نروح ونحكي براحتنا هناك بس لازم نضل على العتمة لأنه أمي رح تعرف إني فيها وتيجي تشوف.. شخصيتها متل اختك ياسمين بتخاف من خيالها.. قلتله اسفة بس مو عارفة خايفة.. قال مبيّن من شكلي إني إبن حرام؟.. حكيتله لأ بس جد مترددة.. حلفلي إنه ماخدني على بيته وأهله بنفس الطابق وبقي يطمنّي.. وياسمين ضلّت ترنلي وانا أفصل عليها برغم إنه صامت.. طفيت التلفون وطلعت بسيارته.. سيارة بسيطة وموديل قديم.. وصلنا البيت.. عمارة من تلات طوابق لازقة بعمارة تانية وفيها متل أسطوح صغير.. صار يقول نحنا مو عايشين ببرج متلكم.. كنت مترددة وخايفة أطلع معه.. كلام صاحباتي إني لسه ما بعرفه زاد خوفي وحكيهم كان محفوظ بذاكرتي.. بس أنا شجاعة وما خفت بحياتي حتى من التابعة يلي بقيت معي لليوم!.. شفته واقف بالعتمة جنب باب البيت.. وبحكيلي تفضلي ريحانة.. بسرعة لأنه حيّنا مكشوف!!.. دخلت بسرعة.. طلعنا أول طابق.. وقليّ هاد باب بيتنا والبيت الصغير جنبه تماماً بالعمارة التانية!.. مشيت معه لوصلت من طريق متل درج فرعي للعمارة التانية ووصلنا لبيت صغير.. حكيتله بس هالبيت ابعد شوي من بيتكم!.. قال لأ هاد كله بيتنا.. والبيت لازق فيه بس لأنه عتمة صعب أشرحلك كيف نظام البيت!.. طلّع مفتاح صغير.. وفتح البيت.. دخل ودخلت معه.. صار يحكي شبابيك البيت بتكشف لشقتنا لهيك امي ممكن تشوفنا لو ضوينا.. رح أشغّل فلاش التلفون.. طلبت منه أقعد على الأرض ونضل قريبين من الباب.. فتح ثلاجة صغيرة وحاول يضيفني.. رفضت وطلبت منه نحكي بالماضي.. صار يقول اول شي بدي تحكيلي عن سر توقيت 11:11 لأحكيلك يلي بعرفه.. قلتله الوقت يلي مات فيه بابا.. وبسمع كتير عن هالتوقيت.. كتير في ناس بتشوفه بالصدفة أكتر من مرة بدون قصد!.. وبتكرر معهم.. بس أنا بتكرر معي كتير إني أشوفه بشكل مبالغ وعدا عن هيك الأمنيات يلي بتصير حقيقة بلمح البصر!.. وآخرهم إنت!.. انبسطت وحكالي مبسوط إني كنت واحد من أمنياتك!.. بس شو يلي شدّك فيني؟!.. حكيتله شكلك يلي شبه بابا ومو ملاحظ إنه وجهك في مني؟!.. صار يقول طيب إنتي قلتيلي إنه امك حكتلك إنه ابوكي يلي مات مو هوه أبوكي الحقيقي وإنه والدك سافر وتركك بالرغم من إنه إسمك على إسم والدك زوج امك ووالد ياسمين!.. وشبهك من شبهه يلي فيه من ملامحي!.. كيف بتفسري هالشي؟!.. قلتله امي خربطتني.. هاد الشي يلي مو قادرة أعرفه ولهيك طلبت تساعدني لأنه ما بربطني فيك شي يعني انت بالنسبة لإلي شخص متل الورقة البيضة.. مو شخص بعرفني وبعرفه من قبل!.. وانا من سنين طويلة بحاجة أني افضفض!.. قليّ خليني احكيلك عن سر توقيت 11:11 بالبداية.. وآخرها رح نحكي عن الماضي.. من خلال خبرتي بالحياة وثقافتي وسفري صار عندي كم هائل من المعلومات يلي مخزّنه بذاكرتي.. من بينها هالموضوع يلي انتي حكيتيلي عنه.. رقم 11 يلي بتكرر بحياة ناس كتير مو بس بحياتك لكن معك بشكل مختلف.. حكيتيلي بعض من أحداث حياتك الماضية لكن تفاصيل ما عرفت حالياً.. ويلي عرفته إنه في حد سحرك وسحر أمك قبل حوالي عشرين سنة!.. تمام!.. في بعض العلماء الروحانيين يلي قرأت عنهم بيحكو إنه الأرقام المتكررة بحياة الناس بكون في إلها مغزى ومعنى أو إلها علاقة بمستقبلهم أو حتى ماضيهم.. وأبرز هالأرقام هي أرقام 11:11 أو هالتوقيت المتكرر يلي بشوفوه بعض الناس ومن بينهم إنتي.. وهالعلماء قالو إنه تكرار هالتوقيت بحياة الإنسان بشكل مبالغ هوه دلالة معينة على حياتهم يلي عاشوها من قبل أو تنبيهات لأشياء رح تصير معهم بالمستقبل.. لكن شو بالزبط هاد يلي ما حد بعرفه وبقي الموضوع غامض ومظلم وصعب يترجمه العقل.. ويلي بقصده العقل الباطن.. العقل الباطن يا ريحانة أوقات بلعب فينا!.. وبوجّهنا لأماكن نحنا ما بنكون متوقعينها.. على ما يبدو ذكاءك الخارق والحالة النادرة يلي إنتي عايشيتها كانت كمان سبب لدعم إستمرار ملاحظة هالتوقيت بعقلك لحد اليوم!.. إنتي إنسانة ما بتنسي ولا تفصيل وهاد شي نحنا ما بنختلف عليه ولا حد بيقدر يكذبك بعد كل الكلام بالكوفي شوب.. وعدم نسيانك يمكن كان نقمة لإلك.. من لحظة موت والدك لليوم.. لأنه التوقيت يلي مات فيه بقي محفور بعقلك الباطن لليوم لهيك كل ما بتشوفيه بتتذكري الماضي.. فهالشغلتين صارو مربوطين ببعض ومتلاصقين متل تنين توأم!.. وهاد سببه التزامن بين موت والدك وتكرار الوقت.. قلتله يعني مو صدفة؟!.. حكا هاد يلي نحنا مو عارفينه!.. هلأ نحنا مو أوقات بصير معنا حدث بحياتنا وبنحس إنّا شايفينه من قبل؟!.. هل هالشي صدفة ولا لعبة من العقل الباطن؟!.. قلتله صحيح.. برغم دراستي لعلم النفس بس ما لقيت تفسير للشي يلي بصير معي!.. سوى إنه صدفة من خلال تزامن الأحداث وتكرارها متل ما بقول فرويد!.. قلّي لازم نبحث بعلم الأرقام عن هالظاهرة خصوصاً إنه في كتير دلالات نفسية للأرقام مثل رقم 13 في ناس بتتشائم منه وبعتبروه مصدر للكوارث والمصايب.. وبسبب هالشي صعب تلاقي رقم 13 بغرف المستشفايات ولا حتى المطارات!!.. قلتله صحيح!.. طلبت منه يعطيني ورقة وقلم.. راح فتح خزانة وطلّع ورقة.. قلي لا تستغربي إني لقيت بسرعة اخي الصغير بدرس هون لأنه ثانوي.. اخدتها منه وقلتله انت نبّهتني على شي أنا ما كنت منتبهله وهلأ اقتنعت اني ما بنتبه لبعض الأمور فعلاً ولسبب!.. كتبت رقم 11 + 11 = 22 تاريخ وفاة بابا.. ولو نقصنا 22 من 11 برجع بعطينا 11 ولو نقصنا منهم 2 بصيرو 9 العُمر يلي كنت عايشة فيه وقت وفاة بابا !!.. ولو زدنا عليهم سنتين بصيرو 13.. ونحنا انتقلنا للبرج بعد سنتين بقرار من ماما!.. وكان عمري وقتها 13 وبتذكر اندعست متل هالأيام بشهر أكتوبر.. وكنت رح أموت.. وهلأ عمري 29 وبهالعمر فكّرت أموت.. ولو نقصنا وضفنا من هالأرقام بطلعلنا عُمر ماما.. ورقم منه بشبه تاريخ وفاة بابا.. حكيتله ماما مشتركة معي بلغز هالرقم!.. ولو أفكّر بأحداث تانية رح ألاقي إنه الرقم 11 عامل مشترك بكل أرقام وأحداث حياتي!.. قال حتى رقم 3 عامل مشترك!.. في ناس بتخاف من تكرارة لأنه في الآخر بيعطيهم نتيجة لأرقام شيطانية!.. طلبت منه أمشي وقلتله صعب أضل.. ماما بتعرف شي ومخبّية عليّه لليوم.. فتحت التلفون وأول ما فتحته وصلني مكالمة من الشرطي.. بخبرني إنه أمي انقتلت وياسمين بالمستشفى يتبع.. Mahmoud Salloum