الفصل 3
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵التوقيت وما وراءه*
*❴🔢❵الـــبـــــــــــ❴الثالث❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#التوقيت_وما_وراءه_11_11_قصص
#التوقيت_وما_وراءه_11_11 #التوقيت_وما_وراءه_11_11_3
الحلقة الثالثة
@rwayate
كانت إيدي على إيد الباب.. ولوهلة كان بدي أطلع.. بس في شي منعني ورجّعني.. كنت شايفة نظرة أبو علي مصدوم وقلها ما فهمت شو حكيتي نورمان خانم؟.. سحبت كلامها بطريقة غريبة واوهمته إنها ما قالت ولا شي وكانت عينها لعندي على الباب.. حسّيتها شاكة اني عم اتطلع عليها منه.. لهيك بعّدت.. شفتها قرّبت من الباب وأنا هربت للسرير وعملت نفسي نايمة.. دخلت لعندي وبقيت ثواني وطلعت وقفلت الباب.. ما كان لازم أبقى بالغرفة بعد الكلام يلي سمعته وكان بدي أعرف إذا أبو علي رح يطلع على الأسطوح أو لأ.. مسكت التلفون واتصلت مع ياسمين.. قلتلها إرجعي على البيت بسرعة.. حكت إنها بالطريق.. فتحت باب الغرفة شفت أمي بتدخل على الحمّام.. راقبتها لدخلت وهربت بسرعة لباب البيت الخارجي.. شعرت إنها حسّت إني طلعت.. لهيك سمعت صوتها رجعت.. وبسبب إرتباكي تركت باب البيت مفتوح.. حاولت أطلع بالأصنصير بس كانو كلهم مشغولين.. فتحت باب الأدراج وهربت.. بس من قلة نومي وإرهاقي ما كنت قادرة أطلع 21 طابق!.. بعد طابق واحد وقفت أستنى الأصنصير بالطابق التلاتين.. وللأسف كان لسه مشغول.. بس يلي كان بدي ياه أهرب من أمي لحتى ما تشوفني.. وكنت متشوّقة أعرف أبو علي شو رح يعمل فوق.. باللحظة يلي كنت أستنى فيها بالأصنصير.. سمعت صوت صفرة صغيرة.. وكان الطابق كله فاضي وما معي حد.. لفّيت راسي بكل الإتجاهات ما شفت حد.. كان لازم أبقى أستنى لأني ما كنت قادرة أطلع.. كان في مراية صغيرة معلّقة بآخر ممر الطابق وبتكشف بشكل كامل على الطابق حتى من الزوايا.. رحت لعندها ورفعت راسي وبدأت أدقق.. الطابق فاضي والبواب كلها مسكّرة.. فجأة بنفتح باب.. بلف راسي وبمشي بإتجاهه.. بشوف غرفة فاضية فيها كنباية وحدة وساعة على الحيط.. بلاحظ إنه تقسيمات الشقة بتشبه شقتنا.. وأنا باخدني الفضول والتفاصيل الموجودة فيه وبقرر أدخل.. وقبل لأدخل برن تلفوني.. ياسمين.. بتبقى ترن وأنا مستغربة من البيت.. بكبس على التلفون وبتقلي أنا بالبيت انتي وينك؟.. ماما بتدوّر عليكي وبتقلك لو كنتي فوق إنزلي!.. بقلها في شقة غريبة فتح بابها قبالي.. بتحكيلي إنتي بأي طابق.. بسكّر التلفون وبنتبه على الساعة.. بتكون 11:11.. بتطلّع على ساعتي بتكون 2:22 الظهر!.. بقرر أدخل البيت بدخّل راسي لجوا بشوف صبيّة بعمري تقريباً بتحاول تنتحر بحبل معلّق بالسقف وتحت رجلها كرسي صغير.. وقبل لأقرّب منها بسمع صراخ قوي بصوت قريب!.. بنتفض وبرجع.. بعرف إنه الصوت طالع من الشقة يلي جنبها.. بتفتح الشقة وبطلع منها زلمة كبير ومرته بتصرّخ وبتحكيله إطلع شوف شو القصة بنفسك أنا متأكدة من الريحة!.. بحكيله شو المشكلة عمو؟.. بقلّي إنتي يلي كنتي؟!.. بحكيله أنا شو ؟.. بتقله مرته نفسها ؟!.. بقلّهم الشقة يلي جنبكم بسرعة لو سمحتو بسرعة!.. بتحكيلي المرة شو فيكي؟.. وشقة شو؟!.. بقلها في بنت بتحاول تنتحر هون جنبكم لحّقوها.. بلف راسي بشوف الباب مسكّر.. بتتطلع على زوجها وبتقله والله معك حق.. يلي قلته صحيح.. بتحكيلي انتي تعبانة حبيبتي؟.. شو كان صاير معك مبارح فهميني أنا متل أمك؟.. بروح بسرعة ناحية الشقة وبحاول أفتح الباب ما برضى يفتح.. بتقلي المرة شو بتعملي هالشقة مو مأجّرة.. بحكيلها وشو يلي شفته!؟.. بتطلب من زوجها يطلع لفوق.. بيحكيلها الأصنصير مشغول.. بتقلي تعالي لعندي خلينا نحكي أنا كان بدي أشوفك وأحكي معك.. بقلها زوجك رايح على الأسطوح صحيح؟.. شو كان في وليه كنتي تصرخي!؟.. وفهميني كيف هالشقة مسكّرة.. بتحكيلي عشان تعرفي كل شي ادخلي لعندي وخلينا نحكي.. بفكّر أدخل لعندها وقبل لأدخل بفتح الأصنصير.. بنتطّلع كلنا ناحيته وبنصرّخ.. بتقله لا تقرّب.. لا تقرّب.. وين أبو علي؟!.. مو اتصل معك وقلّك تلحقه.. احكي مع حدا مع مسؤول السكن.. مع أي حد بس لا تقرّب.. بنشوف جثة بالأصنصير.. ويلي شفناه كان جثة علي إبن الناطور.. شب عشريني بس ببين أصغر من عمره.. انا ببقى بصدمة وبتصير المرة تبكي وأنا مو عارفة إسمها ولا عارفة شو اناديها.. وبرن تلفون زوجها.. بيرد عليه وبسمع صوت أبو علي بقله ماي الخزان كلها دم!.. وأنا ومسؤول السكن وعُمال جنب الخزان اتأكدنا من بعد نزولهم إنه ما في حدا فيه!.. قلّه موجود جنبنا تعال شوفه بس خلّي أعصابك قوية.. بحكيله مين؟!.. بسكّر الخط وأنا ببقى اتمتم من صدمتي وأحكي مو معقول يأذيني.. علي؟!.. كيف مستحيل!!.. بتاخدني المرة من إيدي لبيتها وتلفوني بيرن.. خطيبي كرم!.. بفصل الخط عليه.. وبرجع يرنلي.. وبرجع أفصل.. بعده بترن ياسمين.. بتقلي كرم عنا.. انتي وينك انزلي بسرعة!.. بفصل الخط والمرة بتحاول تهديني.. بقلها أنا ما بهلوس إذا هاد كان بالخزان يبقى كلام ماما صح!.. لأنه ما في غيره كان عالأسطوح بس ليه يحاول يقتلني.. بسمع صوت أبو علي ببكي وبصرّخ وأنا بمشي وبفتح الباب.. بحكيله إبنك يأذيني ويساعدني عالموت ليش!!..
بتطلّع عليه بحقد وبركض لعندي وبحط إيده على رقبتي وبحاول يخنقني.. ببعدوه عني وأنا مصدومة.. بيحكيلي انتي يلي قتلتي إبني؟.. انتي مجنونة وأمك قالتلي كل شي!.. يا مجنونة قتلتيه واتهمتيه انه حاول يقتلك بليلة انتحارك!.. ورميتيه بالخزان!.. اتصلو بالشرطة وخليهم ياخدوها!!.. ببعدوه عني وبقله الله ينتقم منك.. أنا كيف فيني أعمل هيك؟!.. أنا ضحيه لإلو.. قالت مرة الجار البنت كانت هون بس فتح الأصنصير!.. هيّه ما كانت فوق وما بتعرف شي!.. ومستحيل علي يلي قتل!.. نحنا بنعرفه وبنعرف كيف ربيته.. فكّرو وما تتهوّرو بكلام بلحظة غضب!.. قلها بعد شو.. هالبنت مجنونة وانا شفتها بعيني بدها تنتحر وراقبت تصرفاتها وكلام أمها عنها بكل جيّة لإلي لعندهم.. وكلامها تلفيق.. قالتله وابنك ليه ليطلع فوق بهالوقت؟!.. بعدين هوه مو على أساس رايح المينا رحلة صيد وانت قلتلنا هالكلام؟!.. مو كان مختفي مبارح وأول مبارح عنّا وحضرتك عم تلبي طلبات السكان ؟!.. ليش ليكون فوق؟!.. صار يصرخ وأخد تلفونه ورن للشرطة!.. السكان بدأو يطلعو على صوتنا والكل بتطلع عليّه مستغربين.. وأنا واقفة وكأني مجرمة!!.. خايفة وقلقانة وبنفس الوقت بتطلع على الشقة يلي انفتحت فجأة.. وبحاول أربط أمور بس مو فاهمة ولا شي!.. مشتتة وضايعة.. وبدأو يشككوني بحالي حتى أمي!.. وصلت الشرطة للبُرج وتفحّصت جثة علي واخدوها وأخدوني معهم.. ماما مرعوبة من يلي صار وكرم مو فاهم شي من يلي صار وطول الطريق بقي يسأل.. وصلنا للتحقيق.. وقبل ليتهموني كنت بريئة بعد كلام الجيران.. واتحوّل الموضوع لصالحي بعد اتهامات أبو علي لإلي بالجنون.. وشهادة الطب الشرعي يلي رح تثبت الكلام.. رجعت على البيت وكرم ما نطق بحرف.. طلبت منه يتأجل العرس للساعة 11.. وخلّيته يحجز قبل ليطلع من بيتنا ويتغيّر الموعد بسبب ارهاقي.. وحسيّت هالموضوع صار لصالحي حتى يقتنع إني محتاجة وقت ونفسيتي تعبانة.. ولأني كنت عارفة ما رح يلغي الحفلة بعد التكاليف الكتيرة يلي دفعها.. طلع من البيت وماما مستغربة من يلي صار.. قالت كنت عارفة إنه كان بالخزان بس ما توقعت يكون علي!.. هاد ما إله بحدا وشب خدوم وطيّب.. أنا عاذرة أبو علي على تصرّفه وردات فعله عند الشرطة بسبب صدمته بس مو متخيّله إنه إبنه يكون هوه يلي لحقك لفوق!.. شفت ياسمين متدايقة ومتوترة من كل هالأحداث.. دخلت على غرفتها وقفلت بابها.. وأنا انفردت بماما.. قلتلها في شي غريب صار معي ومو لاقيتله تفسير.. حكتلي شو !.. قلت الطابق يلي جنب الجيران يلي ما بنعرف إسمهم لليوم!.. في باب شقة انفتح وشفت في بنت بتحاول تنتحر!.. وأول ما انقفل الباب بعد طلعت الجيران فتح الأصنصير وشفنا جثة علي!.. خبّروني إنه هالشقة مو مسكونة.. وأنا لهلأ محتارة.. معقول يلي صار إله علاقة بالماضي؟.. حتى التاريخ!.. قاطعتني وقالت لأ.. ولا ممكن.. عقلك الباطن بوهمّك انك شفتي هيك لأنه موضوع الإنتحار ما اختفى من بالك لليوم!.. بعّدتها عني واتطلعت فيها بإستهجان.. وكان بدي أقلها شو تفسير يلي قلتيه لأبو علي الظهر.. بس كنت متوقعة تنكر متل ما انكرت كلامها قدامه.. لهيك كان لازم أبدأ بنفسي أحل كل يلي عم بشوفه ويلي بصير بنفسي.. انزويت بالغرفة مع أفكاري وكنت مقررة قرار بكرا.. كنت حزنانة على نفسي وعلى كرم.. لأنه مش ذنبه إنه حبّني وبده يخطبني وأنا عم بفكر أبعده عني.. بس الكلام يلي فيني مش عارفة أطلّعه ولا لإنسان.. وفي صوت داخلي جواتي بقلّي طلعي كل شي للشب يلي شفتيه زمان لأنه ظهوره بحياتي كان بنفس هالشهر.. وإهتمامي لوجوده أهم من إهتمامي لإنسان خاطبته.. زادت الهواجس عندي.. وعيوني بقيّت على الساعة وطقّات عقاربها بتنخر بمخّي.. كنت بنتظر تصير 11:11.. لأحكي أمنية.. وكنت خايفة من نفسي تتحوّل الأماني جوّاتي لأمنيات شريرة.. من بعد ما كنت خايفة زمان من هالتوقيت ومن كلامي.. وكنت بتهرّب وبتناسى لكن حالياً ما بقي جواتي شي مخوّفني.. كان جواتي نيّة لشي بس أنا كنت بعرف إني تعبانة.. قبل لتوصل الساعة 11:11 نمت.. من شدة نظراتي وتركيزي عالعقارب دخت ونمّت.. قمت على صوت رنة التلفون.. على أرقام لسه بذاكرتي ما اختفو ولا رح يختفو.. ووقتها عرفت إنه الأمنية تحققت من النية يلي كانت جواتي.. ضحكت وكبست ورديت.. قلت نعم؟.. وبصوت خافت ومتردد رد عليّه.. ريحانة كيفك؟.. قلتله برغم اني عارفة الأسباب.. أنا بخير بس ليش رنيت بعد هالسنين؟.. بقليّ.. ما بعرف خطرتي ببالي فجأة أو ما بعرف شو يلي خلاّني ارنلك صدقيني ما بعرف.. المهم انتي بخير حسّيت انك مو منيحه!.. قلتله بخير بس انت كنت متوقع أرد عليك بعد هالوقت؟.. قال كمان ما بعرف لا تسأليني.. بس في شي حرّكني وخلّاني أقلب البيت على رقمك.. ضحكت وقلتله أنا عارفة من وين جبته.. من الدفتر الأزرق يلي مرسوم عليه بنت سمرة صغيرة.. يلي اشتريناه من المكتبة الخارجية يلي جنب الجامعة ووقتها حكيتلي الدفتر شكله لولد صف أول.. كيف أحمله عالجامعة!.. قلتلك لو عندك جرأة بتحمله عشاني!..
وبتتذكر وقتها شو يلي خلّاني أكتبلك رقمي عليه؟.. قال لا تكملي عرفت السبب!.. بس كيف كنتي بتعرفي؟.. قلتله لأني كنت عارفة شو يلي رح يصير.. وعارفة انه رح يجي يوم وتحذف رقمي وتحذفني من حياتك لهيك كتبته.. وقلتلك رح تنسى بيوم من الأيام اني كتبته بس رح يجي يوم وتتذكر الدفتر وتحكي معي.. بس غريب ليه محتفظ فيه لليوم؟.. قال كان بالكراكيب.. فظيعة كيف ما بتنسي.. ذاكرتك فعلاً خارقة.. قلي إنه خطب ورح يتزوج.. قلتله عم تخبّرني لأباركلك أو بتتطمن عليّه لتريّح ضميرك من بعد ما تركتني.. حكا يمكن هالسبب وبدي تسامحيني.. انتي بتعرفي شو كانت نيتي معك وعارفة ليه رحت.. مو عشان بنت تانية ولا عشان كنت بتسلى.. أنا تعبت معك.. كان صعب أكمّل مع بنت ما بتنسى أي تفصيل.. كلماتي محسوبة عالشعرة ولازم أعد للألف قبل لأتكلم أو أعمل شي معك.. لو جرحتك أو زعلتك ما بتنسي وبيبقى هالشي بذاكرتك للأبد.. متوقعة قديش صعب!.. حكيتله صحيح أنا شخصية لا تطاق وصعب أي حدا يتحمّلني.. بس بما انه صار يلي توقعته قبل 8 سنين.. أنا في إلك معي أغراض لازم تاخدهم.. استغرب وصار يفكر ويراجع نفسه.. شو الأغراض؟!.. حكيتله بكرا أنا عرسي.. بدي أشوفك واعطيك ياهم.. انصدم وتوقعت شو قال بقلبه.. مين الإنسان يلي قبل بهيك شخصية!!.. مين فيه يتحمّلني ويتحمّل مرضي الصعب!!!.. قفلت الخط معه.. انفتح الباب وانضوى الضو.. دخلت ياسمين وقالتلي ريحانة أنا خايفة.. سمعت ماما بتحكي مع حدا مو موجود.. قومي!!
يتبع..
Mahmoud Salloum