الاول
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵انثى من زجاج*
*❴🔢❵الـــبـــــــــــ❴الاول❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#أنثى_من_زجاج
«الحياة تجارب ومصاعب .. عندما تتألم تُصبح أكثر حكمة .. عندما تفشل تصبح أكثر قوة .. وعندما تبتسم تُصبح أكثر تفاؤلا ً!»
#الجزء #الاول (1) :
رفع راسو بالغصب وهوي عم يضغط عليه وهمس بقلق: ولي وين انا شو صار اخ يا راسي حاسو قد الطبل
لك يا زينة حبيبتيي وينك!؟؟
ما متذكر شوصار امبارح
التفت حواليه واجت عينو ع الخزنة وقف ومشي بسرعة ب اتجاها
يزن: لك شو عم يصير مين فاتح الخزنة... ياربي زينة معقول خطفوا !!
ركض حمل جوالو عمل اول مكالمات
يزن: الو الشرطة مرتي انخطفت امبارح كان عرسي وخطفولي اياها
اجت الشرطة وبلشت التحقيقات عم يدورو ع زينة وما الها اي اثر
ويزن قاعد بالارض عم يبكي وما متذكر شي........
*
"في الكافيتريا"...
نور: معقول مابدك تعملي عرس حفلة صغيرة بس .. بدي البس فستان فرحتي يلي بتحلم فيه اي بنت.
تامر: بس انتي بتعرفي وضعي مابدي حدا يعرف من اهلي ومرتي وولادي.
رفت جفونا وردت بدلع : ولو ياعمري حفلة صغيري النا سوا.
تامر: خلص تكرم عينك واحلى حفلة.
حجزلا مطعم وجهزلا كل شي لتعمل حفلتا ووكل شي ع كيفا
لفت شعرا واتمكيجت ولبست ليلة بيضة ناعمة وحطتلا الكوافيرة الطرحة واجا تامر لياخدا
اول ما اجت عينو عليا رفع ايديه متفاجئ
تامر: ولي ع قلبي م احلاكي.
نور: تااامر حاج تخجلني.
تامر: اي والله بتطيري العقل.
فتحلا الباب وطلعت بالسيارة وراحو ع المطعم
سهرو سوا واتعشو وماقدروا يعزمو حدا مشان ما ينكشف تامر
وكملت السهرة السعيدة لوصلو لعش الزوجية
دخل تامر ودخلت هيي وراه وشافا ماشية ب اتجاه غرفة النوم اخدت طقم عراسي واتوجهت ع الحمام
تامر: لك وين رايحة
نور: ياعمري بدي غسل وغير تيابي شو بدك اياني ضل بالفسطان
تامر: لك تعي انا بشلحك اياه
بطرف عينا اتطلعت عليه وعلت نبرة صوتا : تاااااامر.
زم شفايفو وحواجبو وقلا: حاضر.. امرك.. يلا ناطرك
بعد دقايق دخلت ومعا كاسة عصير ومكسرات نور:حبيبي شراب من ايديي ياعمري
بعد الكاسة من وجهو بلش يتلمس وجها النابيض الناعم : هلق وقت الشرب
نور: يا الله منك ع شو مستعجل لسا الليل طويل هههههه
افتاح تمك يلاا.
تامر: ههههه اي دخيلوووو.
"تاني يوم"
تامر: لك شو في شو صاار وينك يا نوور
اااخ يا راسي ليش الشبابيك مفتوحة
_وفتل ع نور بكل البيت وما لقاها
تامر: ياربي لك وين جوالي.. مفاتيح السيارة!!!؟؟؟
معقول نور تعملا.. لا لاااا ما بتعملا بتحبني مستحيل اكيد صرلا شي
واتصل بالشرطة وبلشو يحققو
مرتو لتامر وولادو طبو عليه: ولك ياخاين اتزوجت عليي
والله لعوفك حياتك انا بفرجيك عم تضحك عليي مفكرني بنت صغيري بتستاهل وهاي تركتك وطفشت منك ياختيار
تامر: اكيد انتي عملتي فيا شي انا بفرجيكي
_وعلقووووا....!!
_________
عبير: ااااخ.
الشوفير: اسف اسف.
مازن: صرلا شي.
الشوفير: والله مابعرف.
مازن: لك ماشايف قدامك.
الشوفير: والله هيي طلعت قدامي.
مازن: يا انسة صرلك شي.
عبير: اخ يااجري ساعدني حباب.
مازن: اتفضلي.. شيلا معي ع السيارة.
عبير: شوي شوي اااخ.
مازن : يلا ع المشفى.
عبير: لا الشغلة مابدا مشفى هلق بطيب.
مازن :لا لازم نطمن عليكي.
عبير: خلص خلينا نروح ع شي دكتور بلا سين وجيم.
مازن: اي والله معك حق.
عبيرطالعة من عند الدكتور: شكرا الك ولزوئك.
مازن: ولو ماعملنا شي الحمد لله ع سلامتك.
عبير: الله يسلمك يااريييت كل الرجال متلك فيا شهامة.
مازن: شكرا خجلتيني..
عبير:يلا سلام صار لازم روح.
مازن : لا مابصير بدنا نتغدا سوا.
عبير:مابدي عذبك
مازن: لا انا مابقبل
عبير: طيب متل مابدك.
مازن: اتفضلي.
_وصلو ع مطعم فخم
مازن: شو بتحبي تاكلي
عبير: اممم. يلا ع زوئك
مازن: تكرمي، اذا في شي ما بتحبيه قولي
عبير: اوك
مازن: جبلي هيك وهيك وهيك و......
عبير: لك حاج حاج حرام مين بدو ياكل كل هالاكل
مازن: يلا مشانا بس هدول
عبير: انتي دائما هيك بتطلب حراام بتعرف انو الاكل البزيد بكبوه وفي ناس محتاجة اللقمة
مازن: والله معك حق ماشاء الله عنك
شقد عمرك.
عبير :25.
مازن: العمر كلو انا 31.
عبير: العمر كلو، شو بتشتغل.
مازن: رجل اعمال.
عبير: اي مبين عليك
متزوج؟؟.
مازن متبسم: لا، شكلك حطيتي عينك عليي 😉.
عبير رافعة حواجبا: والله فورا بتاخد وجه ماقصدي شي.
مازن: وانا عم امزح، بدك تتعودي ع مزحي، انتي مرتبطة؟.
عبير: لسا، حواليك شي واحد هههه.
مازن: من شو انا بشكي.
عبير: والله.. عين الله عليك.
مازن: يمكن هالصدفة جمعتنا.
عبير: جمعتنا!!؟
مازن مابتعرفي شو بصير بالايام
عبير: بس كيف بتفكر بهالتفكير ولسا ما بتعرف عني شي.
مازن: من وجهك عرفتك.
عبير: عرفت شو!!.
مازن: عرفت انك بنت حبابة وبنت عالم وناس وهلق منعرف البقية.
عبير: هلق كل البنات بتحكين هيك
مازن: مابدي اكذب عليكي اتعرفت ع بنات كتير بس مافي حدا عم يركب ع راسي
ع
بير: وشو في براسك.
مازن: انا بحب البنت يلي بتهتم بحالا ولجوزا وبس مابحب البنت يلي بتضحك للكل وبتلبس لتفرجي الكل
عبير: معناها انتي رجال محافظ
مازن: لا، انا رجال بحب مرتي تكون الي وبس وماعندي مانع تلبس يلي بدا اياه وتحكي شو مابدا بحدود الادب
عبير: حلو كلامك، الدنيا مليانة هيك بنات بس انتي عم تدور بالمكان الغلط
مازن: يمكن..، يعني هاي الصدفة يلي جمعتنا يمكن تكون المكان الصح.
عبير: مابتعرف الله شو رايد..
مازن: ان شاء الله تكون خير.
عبير: على فكرة ماتفكرني قعدت معك اني بقعد مع غيرك بس شفتك ابن عالم وناس مشان هيك قبلت
مازن :وكلي الله مافكرت بشي قلتلك هاي صدفة وجمعتنا ، احكيلي عن حالك؟
عبير: انا بنت دارسة وبشتغل ويتيمة ماعندي اهل عايشة بالبيت يلي تركولي اياه اهلي وبس...
مازن: الله يرحمن من زمان ميتين
عبير: ماكتير.. سكر ع الموضوع، احكيلي عنك انتي؟.
مازن: انا كبير العيلة عنا درست واستلمت شغل ابي لان ختير
وعندي اخ واخت اصغر مني وحياتنا عادية
عبير:ايوا يعني كبرت قبل وقتك
مازن: يعني هيك شي
عبير عيونا ع الساعة: كأني انا اتأخرت يلا صار لازم روح عندي شغل
مازن: تكرمي هلق بوصلك
عبير: لا، بروح لحالي مابدي عذبك
مازن: لا ما بصير بوصلك لوين مابدك بس قبل عطيني رقمك
عبير: هات جوالك ل اكتبلك اياه.
مازن: لوين نوصلك؟
عبير: ع السوق
مازن: لك شو بدو يمشيكي بالسوق انتي مافيكي تمشي ع اجرك
عبير: لا رايحة لعند رفيقتي
مازن: اي يلا لكن ع السوق
وصلا ونزلت وكل واحد راح بطريق
وكل يوم يدقلا ويحكو سوا ل اتعلق فيا كتير وبقيو ع هالحال فترة ويوم عن يوم عم تطور علاقتن..
اتصل فيا وقلا عزما ع العشا
وجهزلا مفاجئة حجزلا مطعم وحط طاولة بالنص وشموع وورد وناس عم تعزف هني دخلو الكل سفق وبلشت الاغاني.
عبير: ياااي شو حلوين، انا كتيير بحب الرومنسية.
مازن: عجبتك المفاجئة.
عبير: كتييير نيالي فيك.
وغمز الكرسون ليحطولن الغناي وعزما ع الرقص
مابعرف كيف بنظرة بتعمل هيك
بتاخدني ليك وبموت عليك
مابعرف شو اللي عم يسحرني هيك
لمسة ايديك ضحكة عينيك
حسيت بقربك بالامان
صرت بزمان غير اللي كان
عبير: شو حلو هالشعور بتشكرك ع هالسهرة الحلوة
مازن ركع ع الارض وطالع المحبس: بتتزوجيني.
عبير: اكيييد
لبسا المحبس شالا ودار فيا وكملو سهرتن ورجعا ع البيت
وتاني يوم بدقلا بدو يعرفا ع اهلو
امو ما كتير عاجبا وحتى ابو كان بدن يجوزو غير زواجة
بس اخواتو كانو حبابين ماحكو شي
مازن: انا مستعجل بدي اعمل العرس.
ام مازن: لك يا ابني ع شو مستعجل ما بدكن تعملو حفلة خطبة وتتعرفو ع بعض.
مازن: نحنا متعرفين ع بعض ماهيك حبيبتي
عبير: متل مابدكن
_ام مازن عيونا عم تطالع شرار بس هاد يلي بدو اياه ابنا ومتضرة توافق
ابو مازن: خلص اعميل يلي بدك اياه هاد اختيارك.
مازن: بدنا نحجز بالصالة.... واعزمو يلي بدكن اياه، عبير ما عندا كتير معازيم.
ام مازن: اي بدي اعملك احلى عرس واعزم كل العالم يا فرحة قلبي.
عبير: الله يقدرني ل اسعد مازن واسعدكن.
ام مازن: ان شاء الله.
ام مازن كانت بدا تخطبلو بنت اختا وماعاجبتا عبير
وبديو يجهزو للعرس وكل يوم تشتري يلي بتحبو متل ما بتتمنى اي بنت، وصالة فخمة ليموزين فسطان بشاحط طويل كلو ورد ناعم.
دخل مازن: اي شو هاد يا ارض احفظي ما عليكي معقول انتي بدك تصيري مرتي.
عبير: لكن انا مرتك الك وبس
نزلو وكانت عيون الناس علين وعبير بنت حلوة وشقية جننت الصالة
والناس يحكو عن حبن ورح يكونو كابل ناجح.
رقصوا وضحكوا وراحو ع البوفيه المفتوح اكلوا
كان عرس كامل مكمل وامو لمازن كان طاير عقلا صح بالاول ماعجبا بس لما شافت عبير كيف طالعة بفستانا الابيض وابنا مبسوط نسيت كل شي..
وانتهت الحفلة 🎈
طلعت بسيارة اللاموزين وراحت ع بيتا الفخم جنب بيت اهلو لتامر
مازن: والله لبكتيني بهالفسطان
عبير: يلا فايتة غيرو
_ دخلت ع الغرفة لابسة طقم عروس ركض مازن عليا ليشيلا
عبير : لا لا مابحب هالشغلات.
مازن: لكن شو بتحبي انتي عروس ولووو.
عبير: حباب تعال نقعد شوي بعدين منحكي بهالموضوع.
مازن: هيئتك بدك تعزبيني
وقعدو اتعشو وقضو سهرة حلوة
تاني يوم بفيق مازن ونفس السيناريو بينعاد وعبير ماموجودي.
مازن واقف ع الشباك وعيونو عم تقدح نار
بتدخل اموو: قلتلك يا امي هالبنت مانا من ملتنا شوف شو عملت فيك الله يعلم منين جاي
مازن: امي والله ماني ناقصك
ام مازن: هاد يلي مابيسمع كلمة اهلو
مازن تركا ونزل وبقي فترة نفسيتو تعبانة هوي حبا واتعلق فيا وشاف فيا مرتو حبيبتو وام ولادوا.
_____
في مخفر الشرطة
عمر: اكيد كل عالبنات وراهن راس كبير عم يخطط وهني بنفذو.
احمد: اكيد سيدي، وانا رح اعمل كل جهدي ل امسك طرف الخيط او اي شي يوصلنا لهالبنات
وانا مستعد ل اي اوامر بتطلبا.
عمر: بعرفك قد المسؤولية يلي عطيتك اياها
ا
لمحقق يلي قبلك ماساعدنا بشي
احمد: شكرا سيدي اذا الله راد رح تابع كل شي بنفسي وجبلك اخبار بتسرك
عن اذنك.
احمد محقق بقسم التحقيق واستلم هالقضية وقصة اختفاء البنات فجأة.
احمد بمكتبو: والله رح جن لسا كل يوم قصة شكل وبالاخير بتطلع بنت بدي اعرف هالشبكة مين رئيسا.
نادر: شقد النا اخدين عناوين البنات واشكالن ومعممينا وما وصلنا اي خبر.
احمد: انا لازم روح ع البيوت واسأل بنفسي.
نادر: بس ع القليلة يوصلنا شي خبر.
احمد: ما بهمني انا محقق ولازم اعمل شغلي واشرف عليه بنفسي.
نادر: انو شقد اخدين حزرن لابصمات ولا دلائل.
احمد: مارح اهدا لوقعن بين ايديي، انتي انتبهت احيانا بتكون السرقات صغيرة بس جوال سيارة او مصاري واحيانا بكون في خزنة فيا دهب ومصاري اكيد شبكة كبيرة وكل هالتعب وتطبيق الشباب بس مشان هالكام ليرة .
نادر: اكيد في كتير بنات ومشغلينا شو ماطالعت هالبنت منيح.
طلعو احمد ونادر وراحو ع اول عنوان...
بيت عادي ببناية دقو الباب فتحولو ناس
.... مين بتريد.
احمد: انا المحقق احمد بدي اسئل كام سؤال
انتو ساكنين هون جديد.
....اي من شهرين تقريبا.
احمد: وقبل مين كان ساكن.
....مابعرف لازم تسأل الجيران.
احمد: طيب شكرا.
احمد: دق دق
.... مين بتريد.
احمد: انا من مكتب التحقيق بدي اسئلكن كام سؤال.
احمد: بدي اسأل ع هاد البيت مين كان ساكن فيه قبل هدول
....كانت ساكنة بنت قعدت فيه كام شهر وتركت
احمد: لاحظتتو عليا شي غريب
....لا ابدا كانت هادية وطيوبة مع الكل وكتير تعتني بالناطور وتجبلن اكل واغراص.
احمد متفاجئ: هيي قعدت كام شهر لحقت تاخد وجه ع الناطور وتجيب اغراض.
.... كتير كانت طيوبة وبتحب الناس
احمد: طيب شكرا الك
احمد: معقول وحدي تسرق وتعمل هيك.
نادر: يمكن مغصوب ع امرن ماطالع ب ايدن شي.
احمد: مشي نروح ع البيت التاني.
راحو وسألو ونفس الحكي انحكى
البيوت كانت مفروشة وفخمة بيستأجروا لشهور وبيتركوا.
وسألو صحاب البيوت طلعو عم يستأجروا ب اسماء الشباب وبيستأجروا لشهور قليلة
وفي بنايتين راحو عليا وماعرفو البنت ب اي بيت ساكنة
احمد ما يهدا دائما تفكيرو بهالقصة، يدور ويفتل ليمسك طرف خيط
#مروةآغا
انتشرت القصة بكل البلد صارت الناس تحكي بالبنات والشباب خافت ع حالا
احمد: الو.. يلا جاي فورا
بيوصلو ع البيت كمان رجال مدووخ والبيت مسروق
احمد: شو صار معك
محمود: والله مابعرف اخر شي بتذكرو اني كنت سهران مع مرتي وفجأة معت شوف قدامي وفقت لقيت هيك البيت
احمد: بدك تحكيلي مواصفات هالبنت
محمود: شو بدي احكيلك بنت حلوة بفترة صغيرة وقعتني بحبا وبجمالا عيونا جسما ولا شعرا ااااه
احمد: انا ما فهمت شي، بدي تعطيني مواصفات لنلاقيا
محمود: شعرا اسود قصير حنطية الا شامة جنب خدا اليمين طويلة وضعيفة
احمد: طيب في شي علامات مميزة بجسما
محمود: ليش لحقت شوف شي ضليت اركض وراها شهور بالاخر تركتني وراحت ما طفيت النار يلي بقلبي
احمد: طيب طيب حاج تبكي والله قطعتلي قلبي رح لاقيا ورجعلك مصرياتك
نزل وهوي معصب وراح يسأل بكل مكان حكولو عنو كانت تتواجد فيه البنت او البنات يلي قبلا
وكل ماشاف بنت يشك فيا ويلحقا راسو اتشوش رجع ع بيتو تعبان امو خافت عليه قعدت طول الليل تقرالو قرآن...
الجزء الثاني (2) :
#أنثى_من_زجاج
فاق تاني يوم مصحصح وقعد بغرفتو فتح ورقة وبلش يكتب الاسماء.. الاشكال.. المواصفات.. الاماكن..
وحاول يطالع الشي المشترك ولاحظ انو الكل بحبو مساعدة الناس
احمد: بما انن بساعدو الناس معناها ممكن لاقين بهيك اماكن
لبس ونزل راح ع الحارات الفقيرة يسأل الناس منين بتجي المعونات وراح ع المراكز بقي عدة ايام يفتل من محل لمحل
لوصل لملجأ للايتام دخل لعند المديرة
احمد: يعطيكي العافة.
المديرة: ياهلا اتفصل .
احمد: حابب شوف اذا انتو بحاجة لمساعدة انا بدي ساعد.
المديرة :والله اتشرفنا فيك الحقيقة في وحدي مسؤولة ع البيت وما ناقص علينا شي
اذا حابب تساعد فيك تساعد غير مراكز.
احمد: فيني اعرف شوي عن هالبنت.
المديرة مستغربة: ليش!!.
احمد: لا بس انا حابب ساعدا بعمل الخير.
المديرة: انا ما بقدر ساعدك بهيك شي، على كلن هيي بعد كام يوم جاي بتشوفا وبتحكو.
احمد: ماشي شكرا الك يلا عن ادنك.
احمد جاب حراسة يراقبو الملجا لتجي وهوي كان يراقب بنفسو،
بعد 5 ايام شاف وحدي نزلت من تكسي ومعا ناس نزلو هدايا ودخلت وركضو عليها هالولاد يضموا
احمد: اكيد هاي هيي، استنوني..
...سيدي ارجاع
راح احمد وشاف الولاد كيف ملتفين حواليها يغنولا وهيي تضمن وتبوسن
استناها لخلصت ولحقا دارت ع بيوت وع ملاجئ تاني
ورجعت ع بيت بحارة صغيرة
وبقي براقب هالبيت ووين بتروح...
تاني يوم بتطلع من البيت بتركب سيارتا وبتروح ع محل بتنزل بدا تفتحو بيجيا اتصال بتحكي شوي وبترجع ع سيارتا وهيي راجعة بيطلع بوجها
احمد: يا انسة صرلك شي.
...لاعادي.
احمد: ما
شاء الله شو هالجمال.
...حل عني شو بدك.
احمد: لا عنجد معقول جمالك.
....انا ابدا ما فاضيتلك ترا ها حلللل عنييي.
احمد: ايه متل مابدك، بس شو اسمك؟
التفتت عليه وشعرا طار بالهوار وقالتلو:(قمر)
واجت سيارة فيراري صفت ونزل منا الشوفير وفتحلو الباب وطلع
هيي بقيت واقفة وصافنة، طلعت بسيارتا ورجعت ع بيتا ركضت بسرعة
دخلت ع بيتا راحت ع غرفةالنوم رفعت شعرا وفتحت خزانتا
قمر: شو تلبسي ياقمر شو تلبسي..
طالعت فستان اسود قصير لبستو نحتلا جسما نحت رسمت كحلتا وحمرتا 💄الحمرة متل لون الدم وفردت شعرا الطويل ع ظهرا
وطالعت كندرتا الحمرة العالي ونزلت ركبت بالسيارة
احمد عيونو طارو من وجهو
احمد: هلق هاي نفسا يلي طلعت من شوي.
... والله ياسيدي نفس الشعرات بس صارت بتجننن.
احمد: سكوت وكمل شغلك.
وضل يراقبا لوصلت ع بيت فخم نزلت منو ودخلت وبقيت كام ساعة وكان في كتير سيارات وعجقة،
صارت الساعة 10 وهوي عم يستناها، ولمحا طلعت ورجعت ع بيتا.
وبقيو هيك يراقبوا...
وكان احمد بيوم بالسوق وفجأة طلعت بوجهو
قمر :يه انتي هون.
احمد متلبك :ياهلا مين انتي.
قمر: ولو ما اتذكرتني.
احمد: اي اي هلق اتذكرت، كيفك.
قمر: الحمد لله بخير، يلي بشوفك المرة الماضي كيف لطشتني مابيعرفك هلق.
احمد: هلق مشغول والله راسي ما معي، استنيني بس اجاني تلفون،
الوو وينكن... هلق بتجيبو السيارة وبتجو،
اي رجعتلك.
قمر: ماقلتلي انتي شو اسمك؟
احمد: انا احمد.
قمر: اتشرفنا.
احمد: شو رئيك نشرب قهوي.
قمر: ياريت، بس شكلك ما فاضي خليا لغير مرة.
احمد :لا فاضي حكيتن قلتلن يشوفو الشغل
اتفضلي هاي كافيتيريا قريبة...
احمد:لوسمحت تنين قهوي،
شو بتشتغلي؟
قمر: بشتغل بمحل لانجري، وانتي؟
احمد: تاجر اذا بتحبي بساعدك.
قمر: لاا، المحل ما الي انا بس بشتغل، وبدي اترك الشغل ديقتلي خلاقي.
احمد: ليش!
قمر: بدي دور ع شغل جديد.
احمد : بساعدك اذا بتحبي.
قمر: لا انا شايفة شغل غيروا، وين بتسكن؟
احمد: عندي فيلا ع طريق الاوتستراد انا وحيد اهلي واهلي متوفايين.
قمر: وانا كمان اهلي اتوفو من زمان.
احمد: صرنا تنين ماحدا بحس فينا الا المتلنا.
قمر: اي والله الحياة صعبة.
احمد: كيف بتقضي يومك.
قمر: والله بهالبيت والشغل، وانتي؟.
احمد: وانا كمان هيك وبسافر بحكم شغلي.
قمر: صار لازم روح خلصت فترة الغدا.
احمد: طيب ع راحتك، اتفضلي وصلك
قمر: لا شغلي هون قريب
_وخلصت المقابلة وكل حكين كان تعارف
وكل يوم يطلعو ويفوتو ويحكو مع بعض.
احمد: والله ديقتلي خلاقي كل يوم طلاع وفوت ع قهوي واكل شرب 😓😏.
نادر: اي طول بالكانتي ما متعود، شو بدك احسن من هيك بنت حلوي وفيراري ههههه.
احمد: هههه اي حاجتك عاد بكرا باخدكفيت مشوار.
نادر: لازم جربا ههههه، والله حابب افهم كيف الا مزاج تطبق هالشباب شي بمللل.
احمد: اتعودت ماشفتا عايشةع برادة قلبا وعم تتسلى 😏.
نادر: يلا راح الكتير وما باقي الا القليل.
احمد: ما عرفان ايمات تجي اللحظة الحاسمة.
نادر: بس المشكلة انو البنت ماشفنا عليا شي غريب من البيت للشغل ومن الشغل للبيت، وحتى يلي عم يراقبو الملجأ ماشافو شي.
احمد: انا هاد الزاعجني 😏 ماشفت شي مامنيح حكيا كتير راكز وراقي مالاحظت اي غلظ وحلوة اسما قمو وهيي متل القمر ماعرفان شو اعمل،
بس انا حاسسني قلبي انا هيي من البنات.
نادر: شو هيئتا عاجبتك!!؟.
احمد: شو هالحكي هاد شغلي وبس.
ناد: لكن استعجل واعروض عليا الزواج.
احمد: اي لازم بس بركي ما قبلت وقالتلي استعجلت لسا ما اتعرفنا ع بعض
نادر: شوف هلق البنات بحبو المفاجئات.
احمد: بالله هاد الناقص لك شو نسيت انا بمهمة شو بدي اتجوزا عنجد.
نادر: اناوقلت مشان توافق بسرعة.
احمد: اي لاتخاف اذا براسا شي فورا رح توافق.
_ومضيت الايام ولساتن ع حالن وعلاقتن اتطورت
واحمد قرر يحكي معا بالزواج جهز لقعدة صغيري بمطعم...
قمر: شو هالسهرة الحلوة.
احمد: عجبتك.
قمر: ماتوقعتك رومنسي وبتحب هالشغلات.
احمد: ليش شو عرفك اني ما رومنسي.
قمر: لا بتحكي ولا بتضحك ودائما خجلان حركلي حالك شوي.
احمد: والله انا ما متعود هالشي جديد عليي.
قمر: 😎شو قصدك انا المتعودة!!؟ .
احمد: اكيد لا لي هيك فهمتنيني بس جد ما متعود.
قمر: بس فكرة حلوة عشا وشموع، ضلك اعملي هيك شغلات.
احمد: اكيد الجايات اكتر، انا الحقيقة بدي افتح معك موضوع.
قمر: اتفضل.
احمد: الحقيقة الحفلة اليوم ل اعرض عليكي الزواج.
قمر متفاجئة: ما كأنك استعجلت
احمد: مابعرف انا حست اننا قراب من بعض، ليش لنأجل الموضوع.
_قمر فتلت راسا ومسحت دموعا
احمد: شو صرلك اذا مابدك منأجلا لبعدين.
قمر: لا عادي، متل مابدك وانا كمان اتعلقت فيك وايمتى مابدك حدد الموعد.
احمد: طيب اتفقنا، بس ليش دمعو عيونك؟
قمر: مافي شي اتذكرت اهلي...
احمد: انا رح كون كل اهلك.
قمر: بتمنى.
احمد: عجبك العشا هاي الاكلات
يلي بتحبيا.
قمر: اي بشهي يسلم ايديك.
وبقيت كل فترة السهرة مخربطة وعيونا عم يدمعوا...
يتبع.......