الفصل 9
*ـ ࢪواية.حياه العاصم 🥳🥀↻≯🍒⸙•♡»»)) 27/28/29/30/31الاخير
غرام الروايات
تابع قناة غـ͓̽ـرٍآمـ͓̽ـ آلَرٍوٌآيـ͓̽ـآتـ͓̽ـ 🧚♀️📚💅💫 في واتساب: https://whatsapp.com/channel/0029VakuN1aHwXbJf5jj7w0J
#سلوي_عوض
#حياة_ال_عاصم
بارت 27
منيره: اه لو اللي ف بالي يحصل، وياسلام كمان البت جمر تتجوز الواد فادي ده، وتبجا الفرحه الكبيره، مافيش حاجه بعيده علي ربنا.
نهله: احنا هنمشي بقا، الوقت اتاءخر.
مراد: نفسي النهارده يخلص بقا، وبكره يجي بسرعه علشان تبقي مدام مراد.
نهله: ضحكه خليعه، طاب باي بقا علشان الحق اجهز نفسي.
عز: تجهزي نفسك لاءيه؟ ده مجرد كتب كتاب.
نهله: ما انا عارفه، بس لازم انا بدري.
مراد: خلاص هنمشي كلنا، والجماعه هينزلو ضيوف عندنا علشان يحضرو حفله كتب الكتاب.
ليتحرك الجميع ف اتجاههم الي القاهره.
علاء: برافو عليك يا استاذ مراد، عرفت تبلفها.
مراد: هيا لسه شافت حاجه، بكره إن شاء الله ترجع شحاته زي ما كانت، والحق يرجع لاءصحابه.
عاصم: بس بردك انا جلجان، ديه ممكن تجولك اجرا جسيمه، الجواز شكلها حويطه جوي.
مراد: حويطه بس طاب، ديه فيها الخبث كله، بس متقلقش، انا هظبط كل حاجه.
عندي واحد صاحبي مأذون، هخليه يطلع عقد جواز سليم، وبخفه يد هنبدله بعد ما نهله تشوفه وتمضي التنازل عن كل حاجه، وحقكم يرجعلكم يا عاصم ونهال وحياه ياخدو نصيبهم.
عاصم: والله العظيم مهناخدو مليم من الفلوس ديه.
مراد: بس انتم ليكم حق فيها.
عاصم: بس لمؤاخذه يعني، الفلوس ديه دخلت عليها فلوس حرام، وحد الله بينا وبين الحرام.
يحيي: الله يباركلك يا عاصم.
علاء: بس لازم تعرفوا مدام نهال وبنتها بمصدر الأملاك والفلوس ديه، وهما ليهم حق الاختيار.
يحيي: يتنهد، بس حياه تخف الاول.
عاصم: إن شاء الله هتطيب وتبجا زي الفل، وانا اللي هجوزهالك، وعلي الله تزعلها.
يحيي: ازعلها؟ ده انا كل املي ف الدنيا أنها تخف واتجوزها.
مراد: تعالي جنب ابوك يا يحيي.
يحيي: مش فاهم.
عاصم: اصل عمي مراد هو كمان غرجان ف حب الست نهال.
يحيي: اه قولتلي
مراد: يعني اقولك سر تقوم تفضحني؟
عاصم: ياراجل ده انته المفروض تشكرني اني شيلت هم كبير من علي جلبك.
مراد: بس ادعو ربنا يتم شفاهم علي خير.
الشباب: اللهم امين.
علاء: بس ايه نهله عامله نفسها ناصحه اوي.
سهيله: ممكن بقا اعرف ازاي بسبورك الاجنبي غير المصري؟
علاء: سهله جدا، عملت حيله كده ونفعت.
مراد: ده انا كنت حاطط ايدي علي قلبي.
علاء: احنا ربنا واقف معانا علشان بنرجع حق ناس اتظلمت.
عاصم: سيبك انته، اهم حاجه اني بجالي اخوات ماشاء الله يشرحو الجلب.
مراد: وبقالك اب كمان، وعلاء وسهيله كمان زي ولادي.
مراد: بس يا سهيله، هنبطل بقا القضايا اللي تحت السلم ديه، انتي يا بنتي محاميه شاطره.
سهيله: خلاص والله همشي عدل بعد كده.
مراد: خلاص، يبقا معانا ف المكتب.
سهيله (بحزن): نفسي خطيبي يرجعلي.
عاصم: انتي مخطوبه؟
يحيي: كانت مخطوبه لمعيد ف الجامعه، بس والدته كانت رافضه يعني علشان مستوي عيله سهيله بسيط، يعني والدها موظف ووالدتها ست بيت، فوالدته خلته فركش الخطوبه وخطب بنت خالته، لكن هو وسهيله لسه بيحبو بعض، علشان كده سهيله اختارت الطريق السهل.
مراد: سيبي الموضوع ده عليا، انا نخلص من اللي احنا فيه وانا هظبطلك كل حاجه.
سهيله: بجد يا استاذ مراد؟
مراد: انشاء الله.
علاء: يعني كلكم فيكم اللي متجوز واللي هيرتبط، وانا بعد ما افرح بيكم هاخد بنتي واسافر ونرجع للوحده تاني أنا وهيا بس.
عاصم: طاب ما تصفي اعمالك ف بلاد برا وعيش ف مصر، صدجني الغربه صعبه جوي، وبلدك اولي بيك وبتك تتربي وتكبر ف بلدها وسط ناسها.
علاء: ربنا يسهل.
يحيي: ايه ده، معقوله وصلنا؟
مراد: فعلا، مخدناش وقت.
سهيله: علشان بس كنا بنتكلم ف محسناش بحاجه، انا هنزل أخد تاكسي علشان اروح بقا.
مراد: لاء، انتي هتقعدي معانا كام يوم، ولو كان علي والدك اتصلي عليه وهاتيه، انا هكلمه.
سهيله: ده شرف عظيم اوي يا استاذ مراد.
مراد: اولا، استاذ ديه ف الشغل وبس، تقدري تقوليلي عمي زي عاصم وعلاء.
مراد: تعالو بس ندخل الاول نرتاح.
عاصم: وإلله انا خايف ادخل احسن الاجي منيره خلصت علي جمر اختي.
علاء (يضحك): منيره طول عمرها شقيه ودمها خفيف.
عاصم: جري ايه يا عم علاء، خف تعوم.
علاء: شكلك بتغير اوي، ديه اختي يا ابني.
مراد: وبعدين يا أولاد.
أما شوق فكانت تجلس مع حور تحكي لها حواديت وتمشط لها شعرها.
شوق: ماشاء الله شعرك جميل، بصي كده ف المرايا شوف عملتهولك ازاي.
حور: الله جميل اوي، ميرسي يا شوشو.
شوق: وكمان بتجلعيني؟
حور: تعرفي اني عمري ماقولت كلمه "مامي" ديه ابدا، اسمحيلي اقولهالك.
شوق: بس كده باباكي ممكن يزعل.
حور: لاء، بابي بيحبني ومش بيزعل مني ابدا.
شوق: خلاص براحتك يا جلبي.
وهنا تدخل عليهم منيره.
منيره: يا سلام، جاعدين تلعبو وانا جاعده لحالي زي الجرده؟
شوق: مش جمر جابتلك تجعد معاكي؟ جولتي عاوزه اجعدي لحالي؟
منيره (بتغير كلامها): بجولكم ايه؟ تاجو نلعبو.
حور: اه انا عاوزه العب، بس هنلعب ايه؟
منيره: هنلعبو ايه؟ اجولك انا، استخبي وانتو دورو علي، واللي تمسكني فيكم هيا اللي تكسب.
وهنا تدخل عليهم قمر.
قمر: هو انتي هنا يا منيره؟
منيره: انتي شايفه ايه؟
قمر: اصل الجماعه جم، شوفتهم من البرانده.
منيره (بفرحه): صح جم هيه!
قمر: والله انتي مهبله،
منيره: اوعي، طاب من جدامي خليني اشوف جوزي أصله وحشني جوي.
قمر (تضحك): روحي يا اختي.
حور: ياله بينا يا شوشو، احنا كمان ننزل علشان بابي وحشني.
---
شوق: من عيني يا حبيبتي.
مراد: (كان يتصل بالطبيب الألماني ليطمئن منه علي حاله نهال).
الطبيب: الحالة وصلت وعملنا لها تشيك أب كامل، بس الغريب إن الحاله دي مكانتش بتاخد أدوية من سنين، فإحنا هنبدأ معاها من النهارده.
مراد: طيب حضرتك أنا حولتلك مبلغ على حسابك، وأنا تحت أمرك في أي حاجه تحتاجها، أهم حاجه عندي إن نهال تخف وترجع زي الأول.
يحيي: (كان بيتصل هو كمان على الطبيب المعالج لحياه).
الطبيب: الحمد لله أقدر أقولك إن الحالة نفسيًا اتحسنت، ولسه طالبه مصليه ومصحف وإسدال صلاة.
يحيي: ربنا يطمنك يا دكتور، ومتشكر لحضرتك جدًا.
الطبيب: العفو يا أفندم ده شغلي.
(يغلق يحيي مع الطبيب لينظر لعاصم فيجده يضحك).
يحيي: خير، ما تضحكنا معاك.
عاصم: أصل إنت وأبوك كل واحد فيكم بيتصل يطمن على اللي ليه.
علاء: كده برضه يا عاصم؟ يعني إنت مش عاوز تطمن عليهم؟
عاصم: له طبعًا عاوز أطمن.
منيره: (نازله) تطمن على مين يا عاصم؟
عاصم: أعوذ بالله! جيتي منين إنتي؟
منيره: طلعت من الفانوس.
(ليضحك الجميع على منيره).
علاء: أمال فين حور يا منيره؟
منيره: نازله مع شوج. ده إيه يا أخويا، دخلتلك عليهم لجيتلك شوف! مجعدة حور على رجلها وبتحكيلها حواديت. طيبة جوي شوج ديه وحنينة.
علاء: آه فعلاً، باين عليها.
عاصم: بكرة يا عمي الحكم ف القضيه.
مراد: آه، ربنا كريم وأقدر أجيبلهم حكم مخفف.
الجميع: آمين.
(تنزل حور مع شوق لتجري على والدها).
حور: بابي حبيبي، وحشتني.
علاء: مش قولتلك تعالي معايا؟
حور: إنت وحشتني شوية صغنين بس، طنط شوق قالتلي حواديت جميلة، وطنط المجنونة دي كانت عاوزه تلعب معايا.
منيره: عاجبك كده يا سي عاصم؟ اهي البت مبتجولش عليا غير المجنونة!
علاء: عيب يا حور، دي عمتك منيره.
حور: خلاص، متزعليش طنط منيره المجنونة.
شوق: لأ يا حور، الصغير لازم يحترم الكبير، يعني تقولي طنط منيره بس.
حور: أوك، طنط منيره.
منيره: ماجلتوش! عملتوا إيه؟
مراد: كل حاجه تمام.
عاصم: بكرة إن شاء الله مش عاوز المح طرف واحدة فيكم، عشان بكرة هنعمل تمثيلية كتب الكتاب.
منيره: بخبث، آه حاضر، هنجعده ف أوضنا.
قمر: (كانت بتتحدث مع فادي).
فادي: إنتي بقالك كتير مش بتيجي الجامعة ليه؟
قمر: أصلنا في مصر.
فادي: خير؟ في حاجه؟
قمر: حاجه عائلية.
فادي: وأنا هبقا من العيلة.
قمر: اللي هو إزاي يعني؟
فادي: يعني هتقدملك واخطبك من أخوكي.
قمر: طيب قبل ما تتقدملي لازم تعرف كل حاجه.
فادي: قصدك سامر؟ أنا عارف كل حاجه وده ميعيبكيش.
قمر: طيب وناسك هيوافقوا؟
فادي: عارفين وموافقين كمان، لأنهم عندهم ثقة في اختياري. قوليلي بقا بتعملوا إيه في مصر؟
(لتقص عليه قمر كل ما حدث).
فادي: ابعتيلي اللوكيشن بتاع المكان اللي إنتو قاعدين فيه.
قمر: ليه يعني؟
فادي: عشان هاجي أوجف معاكم.
قمر: بس عاصم مش هيرضى.
فادي: ابعتي، وأنا مش هعرفه إنك إنتي اللي بعتيلي.
قمر: حاضر.
(ترسل له قمر الموقع).
فادي: وصل تمام، وكمان عشان أبقا جار عاصم ف المحكمة، محدش عارف القدر مخبي إيه.
قمر: ربنا يستر.
فادي: يارب.
(وفي فيلا عامر).
نهله: خلاص يا واد يا عز، كلها بكرة وأبقا حرم الأستاذ مراد السيوفي، وكمان شريكه ف مشروعه غير اللي عندنا وغير نص الفيلا بتاعته.
عز: أيوه بقا، إنتي كده شوطتي ف الجون.
نهله: طيب أنا هطلع أنام علشان أستعد، ما أنا عروسه بقا.
عز: أحلى عروسه. وأنا كمان رسمت على سكرتيرة الخواجه ووقعتها ف غرامي علشان بعد كده تنقلي كل أخبار...#سلوي_عوض
#حياة_ال_عاصم
بارت 28
نهله: طول عمرك شاطر وناصح طالع لاءمك.
عز: بس انا مستغرب ليه طلبتي تشوفي باسبور الخواجه؟
نهله تضحك بغرور: علشان اتعودت طول عمري اني مااثقش ف حد علي طول.
عز: طاب ازاي هتتجوزي مراد وانتي كنتي متجوزه عامر؟
نهله: قصدك يعني حلال وحرام؟ لاء يا حبيبي عادي يعني جوازي من عامر هو اللي كان حلال، اصلا ينفعش يجمع بين أختين، بس سيبك انته، اهم حاجه الفلوس وبعد كده كله عادي.
عز: فعلا احنا كده خدنا كل فلوس عامر غير اللي هناخده من مراد غير موضوعي مع سهيله، تعرفي انا ناوي اني اخليها تنقلي كل اخبار شغل الخواجه وأبيع المعلومات للمنافسين.
نهله: هو ده ابني حبيبي.
عز: تربيتك يا ناني.
نهله: بس اللي هيجنني البت حياه خدت امها وراحت فين؟ حاجه تقلق، بس اكيد في حد ساعدها، بس يا تري مين اللي ساعدها؟ ماهي لو وراها حد كل اللي بنيته هيتهد، والغريبة أن تليفونها شغال برن عليها مش بترد.
وكانوا يتحدثون وهم غافلون عن وجيده التي تراقبهم.
وجيده تدخل المطبخ وتتصل بمراد: وتقوله كل ما سمعته.
مراد: وبعدين بقا ديه كده؟ ممكن تلخبطلي كل تخطيطي. طاب اقفلي انتي يا وجيده واستني مني تليفون.
وجيده: حاضر يابيه.
عاصم: فيه ايه يا عمي؟ شكلك المكالمه ديه زعلتك.
مراد: يقص عليه كل ما قالته له وجيده
عاصم: محلوله.
مراد: ازاي بس؟
عاصم: دجيجه اعمل تلافون.
يتصل عاصم علي العم عوض.
عوض: اخبارك ايه؟ ايوه يا عم من لجي أحبابه نسي أصحابه.
عاصم: بطل رط، عاوزك ف موضوع مهم.
عوض: خير.
عاصم: فاكر الخط الجديم بتاع خالتي سكينه؟
عوض: اه فاكره، ماله ده؟
عاصم: عاوزك تركبه ف عده.
عوض: ما انا ركبته ف العده الجديمه بتاعتها لما جيبتلها عده جديده وخط جديد عليه نت.
عاصم: هتحكيلي جصه ابوزيد؟
عوض: مش بجولك اللي حصل.
عاصم: المهم، انا هديك نمره تلافون، هتتصل بيها من الخط الجديم وتكلمها، تجولها انك جريب حياه من ناحيه الاب، وجيت مصر خدتها من البيت هيا وامها.
عوض: طاب فهمني مين اللي انا هكلمها؟
عاصم: يا ابوي عليك، لازم تجعد علي الخبر… منيره! هات التلافون ده يا عاصم.
تأخذ منيره الهاتف عنوه.
منيره: اسمع يا عم عوض يا رطاط، انته وفتح مخك معاي. عاصم هيبعتلك نمره خالت حياه، واحده ملعونه اسميها نهله. هتتصل عليها وتجولها انك واد عم حياه، ولما عرفت أن عامر انتحر خطفت حياه وامها العاجزه عشان تنتجم منيهم. ولما تكلمها تجولها انك مش عاوز حاجه من الأملاك والفلوس بتاعت عامر، انته بس كت عاوز تنتجم منه. بس هو غار جومت خطفت مرته وبته، وتجولها بالاءماره كان عنديكم حفله ف اليوم ده، وانك لجيت حياه مدمنه بودره، وانك بتعذبها هيا وامها لغيت ما يموتو. بس! وتجفل علي كده. وعلي الله تغلط ف حرف، جسمابالله اجي الصعيد واجول لمرتك انك كت عاوز تتجوز سعديه بت عواد ابو الجديم.
عوض: خلاص حاضر، ابعتو النمره.
منيره: اصبر! جول النمره يا عمي.. اتملي ياعم عوض، وعلي الله تلخبط ف حرف! اجولك خليني معاك علي التلافون اسمع المكالمه. خلص ياله.
طبعا يحدث كل هذا وسط ذهول الجميع وبعد أن أخذ العم عوض رقم نهله ها هو يسمي الله ويتصل علي نهله ليبلغها كل ما قالته له منيره.
نهله: خليهم عندك إنشاالله تعمل عليهم ملوخيه.
(وتغلق الهاتف في وجه العم عوض)
منيره: كده تمام ياست البنات.
منيره: تمام روح نام بجا اللي زيك جاعد لدلوك ليه.
(وتغلق الهاتف مع العم عوض وهي تضحك)
منيره: نهله ديه ماصدجت وجالتله خليهم عندك اعمل عليهم ملوخيه.
مراد: برافو عليكي ده انتي عملتي فينا معروف كبير كان ممكن الخطه كلها تتلخبط.
منيره: اي خدمه.
عاصم: طاب ياله بجا كلنا لازم نرتاح وننامو عشان الجضيه الصبح.
علاء: تعالي يا حور علشان ننام.
حور: لاء انا هنام مع طنط شوشو.
علاء: كفايه تعبتيها طول النهار.
شوق: مافيش تعب ولا حاجه.
منيره: متسيبها معاها بتجولك بتحبها ايه الرخامه بتاعتك ديه.
عاصم: يعني اجصلك لسانك عشان متتكلميش تاني.
علاء: سيبها انا واخد علي غلاستها وطوله لسانها.
حور: طنط شوق انا جعانه وعاوزه اكل هو انتي بتعرفي تعملي مكرونه وايت صوص.
منيره: طاب ديه شوج احسن واحده تعملها.
شوق: هو انا فاهمه اسمها عشان اعملها؟ ليه كده تكسفيني جدام البت لما معرفش اعملها؟
منيره: انتي يا بجره مش معاكي تلافون حديث؟
شوق: اه شاالله يخليه عاصم جابهولي.
منيره: خلاص خشي علي اليوتيوب واكتبي مكرونه بالوايت صوص هتلاجي الطريجه.
شوق: وانتي تعرفيها منين؟
منيره: والله ما حد مجدر جيمتي فيكم.
شوق: تعالي يا حور نعمل المكرونه بتاعتك ديه.
---
(تدخل شوق وحور المطبخ)
شوق: جوللي ف التلافون الوكل اللي انتي عايزاه.
حور: حاضر.
(تتعلم شوق الطريقه وتبدأ تعمل الأكلة)
حور: عارفه يا شوشو بابي بيحب المكرونه ديه اوي، ممكن نديله طبق؟
شوق: حاضر من عيني.
حور: طاب انا هرن عليه علشان ينزل ياخد ه طبق.
---
(تتصل حور على والدها)
علاء: ايه يا حبيبتي عاوزه تطلعي تنامي جنب بابي؟
حور: لاء عاوزه حضرتك تنزل.
علاء: ليه؟
حور: انزل بقا يا بابي.
علاء: طيب نازل.
---
(ينزل علاء المطبخ)
علاء: احنا تعبناكي معانا اوي.
شوق: لا مافيش تعب ولا حاجه.
حور: بس تؤمر.
شوق: اتفضل حضرتك انا غرفتلك طبق.
علاء: متشكر جدا.
شوق: اصل حور جالتلي انك بتحب الوكله ديه جوي.
علاء: فعلا.
شوق: بالف هنا وشفا.
حور: بابي انا قررت اني اقول لشوشو يا مامي.
علاء: ايه؟
حور: بليز يا بابي.
علاء: طيب زي ما تحبي.
---
(علامات استفهام على وش علاء وهو باصص لشوق ويفكر فيها… الحوار الداخلي محفوظ زي ما هو)
---
حور: بابي بابي انته مش بترد عليا ليه انا بكلمك من شويه؟
علاء: ايه يا حور؟
حور: انا خليت شوشو عملتلك عصير البرتقال اللي حضرتك بتحبه.
علاء: شكرا ليكي يا شوق.
شوق: الشكر لله. خلاص يا حور كلتي؟ ياله بينا نغسل أيدينا ونطلع ننام.
حور: وهتحكيلي حواديت تاني؟
شوق: حاضر من عيني.
علاء: طيب تصبحو علي خير.
---
(يصعد علاء يفكر، ويدخل عاصم ومنيره)
عاصم: طبعا انا لسه محاسبتكيش علي اللي عملتيه تحت ده وكسفتيني وسط الناس.
منيره: حاسبني بس انا معاييش فكه.
عاصم (بغضب): منيره.
منيره: سامعه ابوكي يا جمر بيزعجلي ازاي.
عاصم: معلش سامحيني يا منيره انا بس جلجان عشان ميعاد الجضيه بكره، وعمي مراد جاللي اكيد هياخدو حكم.
منيره: جول يارب يحلها ربنا. ياله ناملك شويه، الفجر جرب ييدن.
عاصم: له ها استني الفجر عشان اصلي واجعد اجرا قرءان لغيت ما ياجي الميعاد.
منيره: ربنا يسترها.
---
(يمر الوقت – مراد يصحى وينزل)
مراد: صباح الخير يا اولاد، فطرتو؟
عاصم: انا مليش نفس، افطرو انتو بالهنا. نطمن بس الاول وبعدين نبقا نفطر.
مراد: خلاص ياله بينا ونبقا نشرب قهوه ف الطريق.
---
(في المحكمة)
مراد: احنا القضيه الجايه.
(يشربو القهوه)
الحاجب: قضيه سامر!
(يدخلو)
عاصم (بحزن وهو شايف أخوه وجدته ورا السلك): ليه وصلتو نفسكم لكده بس؟
الحاجب: هدوء!
(مراد يترافع – القاضي ينطق الحكم)
القاضي: الحكم علي سامر عشر سنوات… وعلى كريمه سبع سنوات وغرامه نص مليون.
سامر: بريء انا بريء!
عاصم (يبكي): …
مراد: متقلقش، إن شاء الله ف الاستنءاف تظهر ادله جديده.
سامر: خرجني من هنا يا عاصم!
عاصم: جدتي يا جدتي مبتتكلميش ليه؟ متخافش يا سامر ف الاستنءاف عمي مراد هيجل كل حاجه.
سامر: انا خلاص ضيعت، انا مستقبلي اتدمر.
الشاويش: ياله يا مجرم ياله جاتك القرف!
وانتي ياست الشاويشه خدي الوليه العجوزه ديه… اشكال ما يعلم بيها الا ربنا.
عاصم: يا جدتي ردي عليا.
ليقترب منه مراد.
مراد: عاصم معرفش جدتك جرالها ايه.
عاصم: أكيد صدمه عصبيه.
مراد: ياله بينا، وانا هتقدم بطلب لنقل سامر لمصحه الإدمان، وهتقدم بطلب تاني لنقل السيده كريمه لمستشفي السجن.
عاصم: حاضر، انا واقف مكتّف مافيش في إيدي اي حاجه اقدر اعملها.
ليأخذه مراد.
يحيي: هون عليك يا عاصم، انا كنت متوقع حكم أكبر من كده.
علاء: فعلا ف القضايا اللي زي ديه احيانا الحكم بيوصل لمؤبد.
عاصم: الفضل يرجع لربنا ثم لعمي مراد.
مراد: فضل ايه بس؟ قول يارب.
عاصم: ماليش غيرك يارب.
مراد: معلش بقا يا عاصم بس لازم نعمل حفله ف البيت علشان الخطه تكمل.
عاصم: والله انا اللي ملاجيش كلام يوفيكم حقكم.
ليضحك يحيي.
يحيي: عيشت وشوفت ابويا عريس مزوّر.
مراد: كلمت الحلواني ووصيته علي الحلويات والذي منه.
يحيي: اه طبعا وزمانه كمان وصلهم البيت.
مراد: كده تمام، مش ناقص غير اني اتصل علي وجيده علشان اشوف لو عندها جديد.
وبالفعل يتصل مراد بوجيده.
مراد: ايه؟ فيه اخبار؟
وجيده: حضرتك كل حاجه ماشيه تمام.
مراد: طيب، عاوزك بعد المغرب تلمي حاجتك وتجيلي علي العنوان اللي هبعتهولك.
وجيده: حاضر يابيه.
أما نهله فكانت تنظر إلي المرايه.
نهله: ايه الحلاوه والجمال والشياكه ديه كلها يا ناني؟ لاء ناني هانم!
ادخل اوضه الزفته حياه واخد المجوهرات بتاعتها علشان ألبسهم.
اوه ده انا هبقا واو.
لتسمع صوت طرق علي الباب.
نهله: ادخل.
عز: اوبا، ايه القمر ده يا ناني؟
نهله: خليك ثواني وجايه.
لتخرج نهله الي جناح حياه، لتفتح صندوق المجوهرات الخاص بحياه وتلبس كل ما فيه.
ثم تذهب الى جناحها.
نهله: بص يا عز، شوف مامتك.
عز بصفير: الملكه ناني هانم!
عز: ياله يا ست الكل، فاضل ساعه علي ميعادنا.
نهله: أوك.
---
بعد ساعه تصل نهله الي فيلا مراد
نهله: شايف عامل ايه بيموت فيا
عز: ده اكيد عازم كريمه المجتمع
نهله: طبعا هو انا أقل منها
مراد: اهلا وسهلا بعروستي وابني اتفضلو الماءذون جاهز ياله يا ناني اقعدي هنا قصادي
الماءذون: ابدء ياسيدنا العروسه نورت حياتي البطايق من فضلكم
مراد: بطاقتي اهيه
نهله: وانا كمان بطاقتي
ليبدء الماءذون ف كتب الكتاب
نهله: ممكن اشوف القسيمه
الماءذون: اتفضلي يا عروسه
لتقرء نهله القسيمه اه تمام
وبخفه يد يبدل الماءذون المزيف الاوراق
الماءذون: امضي هنا يا عروستنا
نهله: امال فين عقد الفيلا
مراد: حالا هات العقود من المكتب يا يحيي
يحيي: حاضر
لتوقع نهله علي الاوراق
مراد: متشكرين يا استاذ نهله وانته مش هتمضي
مراد: اه طبعا
وهنا تنزل منيره ومعها قمر وشوق
لتقترب منيره من نهله وتتحدث اليها
منيره: الف مبروك يا عروسه
لتنظر منيره الى قمر وتقولي
منيره: جمر تعالى نبارك للعروسه
قمر: من عيوني
لتقترب قمر من نهله هيا وشوق ليمثلو أنهم سيقبلوها ثم يشلو حركتها
لتنقض عليها منيره لتنزع من كل المجوهرات
نهله: ايه الهزار البايخ ده مين دول
عز: اكيد ديه فقره ف الحفله يا ناني
منيره: بس يا واد انته اخرس خالص يا ابن امك
نهله: مراد اتصرف
مراد: (يضحك) خلاص كده الفيلم خلص برا خدي ابنك الحيوان اللي زيك ده واطلعوا برا
نهله: مراد انته بتقول ايه
مراد: اه نسيت اقولك اصلك مضيتي علي كل حاجه خدتيها من عامر ورجعتي شحاته تاني
اما حياه ونهال فهما ف امان
اه واحب اعرفك ده عاصم ابن اخو عامر
وده علاء زي ابني يعني مش خواجه ولا حاجه
اما البنات الحلوين دول اللي قلعتك المجوهرات تبقا مدام عاصم
مراد: والعسل ديه تبقا بنت عمتي عاصم
والسكـره ديه تبقا أخته
نهله: بصريخ انتو عملتو ايه انا هوديكم ف داهيه انا هسجنكم
مراد: (يضحك) قولت برا بدل ما اسجنك انا
انتي ناسيه انك كنتي متجوزه عامر عرفي
ادخلي يا وجيده جيبتي العقد
وجيده: اهو يا بيه
نهله: انتو عملتو عليا مؤامره
عاصم: احمدي ربنا اني هسيبك تمشي انتي والكلب ابنك بعد اللي عمله ف حياه
عز: ضيعتينا يا نهله ضيعتينا
نهله: انا هرجع لكم وانتقم منكم كلكم
مراد: طاب متنسيش وانتي بتنتقمي تدوري علي مكان يلمك انتي وابنك#سلوي_عوض
#حياة_ال_عاصم
بارت 29
وهنا تخرج نهله وولدها يجرون أذيال الخيبه.
عز:ممكن بقا تقوليلي هنترزع فين؟
قعدتي تقوللي دماغي وانا وانا.
نهله: اخرس بقا كنت هعمل ايه يعني؟ انا كنت عاوزه اضحك علي مراد.
عز: واديه هو اللي ضحك عليكي وعامله نفسك ناصحه.
اديكي لبستينا ف حيطه.
هنقعد ف الشارع نقول عشانا عليك يا رب.
نهله: لاء هنرجع شقتنا.
عز: عاوزاني بعد ما عيشت ف النعيم والعز ارجع تاني الشقه الحقيره ديه؟
نهله: ده كويس اني كنت بدفع الايجار.
قلب نفسك كده شوف معاك فلوس التاكسي؟
عز: احسن حاجه اني معايا عشرين ألف جنيه.
نهله: هيكفونا لغيت ما اتصرف.
عز: ايه ناويه تتجوزي مين المره ديه؟
نهله: لا مافيش جواز.
تعالي بس نروح شقتنا وهناك هقولك نعمل ايه.
---
: اما في فيلا مراد كان الجميع يضحكون.
قمر: بس ايه منيره طلعت داهيه وبلوه مسيحه.
منيره: بلوه تشيلك.
قمر: ده انا بمدح فيكي.
شوق: عشان المناسبه الجميله ديه انا هعملكم تورتايه.
حور: انتي بتعرفي تعملي تورته؟
شوق: اه بعرف اعملها.
حور: طاب انا عاوزه مكرونه ششاميل.
علاء: اسمها بشاميل يا حور.
حور: ايوه هيا ديه.
شوق: حاضر من عيني.
تحبيها فراخ ولا لحمه؟
حور: فراخ.
شوق: خلاص هنعملو صنيتين واحده فراخ وواحده لحمه.
حور: بابي بيحب ياكل جنبها فراخ بانيه.
شوق: مين يحب بانيه جنب المكرونه؟
الجميع: انا.
شوق: من عيني.
عاوزين اي حاجه تاني؟
منيره: اه عاوزين محشي ورج عنب.
شوق: بس كده حاضر.
---
مراد: كتر خيرك يابنتي بس كده هنتعبك معانا.
شوق: مافيش تعب ولا حاجه.
عاصم: طول عمرك خدومه واحسن طباخه ف الدنيا.
شوق: كتر خيرك يا عاصم.
علاء: انا كده هجهز نفسي علشان نسافر بكره.
منيره: بجولك ايه؟ ماتنجل شغلك وحالك هنا؟
احنا حبينا حور جوي وهيا كمان مش عاوزه تسافر، مش كده يا حور؟
حور: اه انا عاوزه مع طنط شوشو.
علاء: الصراحه انا اتعودت اعيش ف البلد ديه ونجحت هناك.
هبقا اجيلكم زياره وهنتواصل دائما، النت مخلاش حاجه.
---
منيره: متجعد ف مصر وكفاياك غربه عشان حور تنربي وسطينا.
ولا ايه يا حور؟ ابوكي عاوز يسافر بيكي وتعيشو لحالكم.
حور: ببكاء انا مش هسافر، انا هقعد هنا معاهم.
عاصم: صح يا علاء، بتك لازم تتربي وسطينا.
علاء: ربنا يقدم اللي فيه الخير
اما نهله وعز فها هم قد وصلو شقتهم المتواضعه جدا ف المنطقه الشعبية.
نهله: شوفلنا حد يكسرلنا الباب.
عز: مش معاكي مفتاح؟
نهله: المفتاح ف الفيلا مع كل حاجتي.
عز: انا معرفش حد هنا.
نهله: خليك أنا هااشوف.
لتنزل نهله الي القهوه.
نهله: معلش يا جماعه كنت عاوزه حد يكسرلي الباب.
المعلم فتوح (صاحب القهوه): ايه الست ام عز نورتي الحته.
نهله: شكرا يا معلم، بس كنت عاوزه حد يكسرلي الباب.
المعلم فتوح: انتو رجعتو تاني تنورو الحته.
نهله: اصل اختي اللي كنت براعيها اتوفت، وجوزها كمان مات من حزنه عليها، وانا مقدرتش اقعد ف الفيلا بعد موت اختي.
قام عز ابني قاللي تعالي نرجع شقتنا نفسيتك تهدي وبعدين نبقا نرجع تاني.
فتوح: الف حمدالله على السلامه.
خد يا واد عصفور روح مع الست هانم شوفها محتاجه ايه واعملهولها.
ولمؤاخذه يا ست ام عز بعد ماترتاحو هبعتلك الست حرمنا بلقمه علي ما قسم.
نهله: شكرا يا معلم فتوح.
فتوح: تعب ايه بس؟ انا بقول يعني اكيد الشقه متبهدله ومتربه.
فتوح: واد يا عصفور بعد ما تفتح الباب لست الكل ابقا خد معاك الولا زقله وعاوزكم توضبو الشقه وتخلوها فله.
عصفور: حاضر يا معلمي.
---
اما حياه فكانت جالسه علي سجاده الصلاه تناجي ربها.
حياه: يارب انا عارفه اني غلطت وعملت حاجات وحشه كتير، لكن انا رجعت وندمت وبستغغرك يا ربي عن حياتي اللي فاتت كلها، وانا يارب هبدء صفحه جديده.
ثم تنهض لتقرء ف المصحف، لتدخل عليها أسماء بالطعام لتجدها تقرء في كتاب الله.
حياه: صدق الله العظيم.
اسماء: حياه، في حد برا جايلك زياره.
حياه: مين؟
اسماء: ده استاذ يحيي تعرفي أنه كل شويه يتصل يطمن عليكي وكمان يفضل يوصي الدكتور عليكي، وبيجي من وقت للتاني.
ولما عرف اني انا قريبه منك فضل يقوللي خلي بالك عليها كويس. وكمان اداني مبلغ وقاللي ارجوكي تاخدي بالك منها كويس. واداني نمرته وقاللي لو حياه احتاجت حاجه تتصلي بيا فورا.
---
حياه: طاب اصبري البس الحجاب ودخليه.
اسماء: حاضر… الله شكلك جميل اوي ف الحجاب.
ممكن قبل ما اروحله اقولك حاجه؟
حياه: خير؟
اسماء: استاذ يحيي شكله يعني… بيحبك.
حياه: روحي يا اسماء.
لتخرج اسماء، وبعد عشر دقائق يدخل يحيي غرفه حياه.
يحيي: يطرق الباب
حياه: اتفضل.
يحيي: بسم الله ماشاء الله.
حياه: ازيك يا يحيي، اخبارك ايه؟
يحيي: سيبك من اخباري، انتي عامله ايه؟
حياه: الحمدلله ربنا كرمني ووفقني وقدرت اتغلب علي السم ده.
يحيي (بفرحه): انا ساءلت الدكتور وقاللي انك اتحسنتي اوي، وكلها اسبوع وتخرجي.
حياه: بس انا عاوزه اقعد هنا شويه.
يحيي: ليه طيب؟
حياه: يعني يحيي… اولا خلاص كل حاجه رجعتلك يعني كاءن مافيش حاجه حصلت.
حياه: يحيي اخبار مامي ايه؟
انا معرفش ازاي قلبي يطاوعني… لما كنا ف بيت واحد مكنتش بساءل عليها خالص.
وكانت الدنيا واخداني.
يحيي: ربنا غفور رحيم.
وبعدين طنط نهال بتتعالج ف المانيا، وانشاء الله هترجع احسن من الاول وهتمشي وتتكلم.
حياه: يارب يا يحيي.
يحيي: هاه، هتخرجي بعد اسبوع زي ما الدكتور قال.
حياه: إنشاء الله.
يحيي: خلاص انا هجيلك اخدك.
حياه: عاصم ابن عمي جاللي مره مع انكل مراد، مش كده برده ولا ده حلم؟
يحيي: هو فعلا جالك، وكمان ساعدنا كتير اوي ف أننا نرجعلك حقك.
دول حتي كلهم عندنا ف الفيلا.
حياه: كلهم مين؟
يحيي: عاصم والمدام بتاعته، واخته قمر، وقريبتهم شوق.
بس تقريبا هيمشو بعد كام يوم.
حياه: يارب يفضلو لغيت ما اخرج علشان اتعرف عليهم.
انا معرفش حد فيهم غير سامر وقمر.
يحيي: تعرفي أن عاصم ده انا حبيته جدا وبعتبره اخويا الكبير.
ويمكن لو حبيتي وافقت يبقا حمايا.
حياه: حبيبتيك مين ديه؟
يحيي: قمر اخت عاصم.
حياه: لاء.
يحيي: حياه بنت عم عاصم.
حياه: بس انا خلاص مبقيتش انفع لاءي حاجه.
انا هعيش حياتي كلها احاول اصلح اخطاءي واقرب من ربنا سبحانه وتعالى.
يحيي: اولا ربنا يوفقك.
وبعدين انتي خلاص خفيتي.
حياه: لكن لسه نفسي مكسوره وقلبي بينزف.
يحيي: خلاص اللي حصل حصل.
حياه: بس ازاي قدرتو ترجعو كل حاجه من نهله وابنها؟
يحيي: ده موضوع يطول شرحه، لما تخرجي بالسلامه هنحكيلك كل اللي حصل.
حياه: إنشاء الله.
يحيي: طاب انا جاتلي فكره حلوه.
حياه: خير؟
يحيي: تسافري الصعيد مع عاصم وتغيري جو.
حياه: انا فعلا محتاجه اغير جو وانسي كل اللي فات.
يحيي: إنشاء الله هتنسي وترجعي الليدي حياه.
عاصم: حياه كل اللي انا عاوزاه اني مرجعش للي فات.
يحيي: انا مش هضغط عليكي، بس عاوزك تخليني ف حساباتك.
انا فعلا بحبك ومن زمان، ونفسي توافقي تتجوزيني.
حياه: ربنا يقدم اللي فيه الخير.
---
مشهد عاصم ومراد
اما عاصم فكان يجلس مع مراد.
عاصم: عمي انا عاوز اطمن علي جدتي وعلي سامر اخوي.
مراد: للاءسف الاستئناف اترفض، لكن سامر ف مصحه السجن وجدتك لسه ف حاله ذهول تامه والزياره ممنوعه عنهم.
عاصم: كان نفسي اطمن عليهم جبل ما ارجع الصعيد.
مراد: كده هتفضو البيت علينا.
عاصم: عاشر يا ابن ادم مهما تعاشر مسيرك تفارج.
وهنا يسمعو صوت صريخ عالي.
عاصم: ده صوت جمر استر يارب.
ليصعد عاصم السلم وهو يجري ليجد شوق ملقاه علي الارض غارقه في دماؤها، وكان مراد قد صعد خلفه.
مراد: شيلها يا عاصم خلينا نوديها المستشفي.
ليحملها عاصم ويذهبو الي المستشفي.
عاصم: دكتور دكتور!
الممرضه: دخلوها ف الأوضه ديه، وانا هبلغ الدكتوره حالا.
وتحضر الطبيبه للكشف.
الطبيبه: حاله اجهاض ولازم نعملها عمليه لتنضيف الرحم.
عاصم: اعملي اي حاجه بس المهم شوج تكون بخير.
الطبيبه: إنشاءالله.
وبعد تلت ساعات…
الطبيبه: الحمدلله العمليه انتهت والمريضه ف الافاقه.
عاصم: يعني هيا بخير؟
الطبيبه: اه الحمدلله، لما تفوق هخليكم تطمنو عليها.
عاصم: شكرا لحضرتك.
عاصم: الحمدلله ربنا مرايدش للعيل يتولد وهو ولد حرام.
مراد: ربنا دائما عنده الاحسن#سلوي_عوض
#حياة_ال_عاصم
بارت 30
وهنا تتصل منيره بعاصم خبر ايه يا عاصم مالها شوج
عاصم: شوج سجطت
منيره: يا نضري يا خيتي
عاصم: الحمدلله كده احسن ليها
منيره: وهيا عامله ايه دلوك
عاصم: عملولها عمليه وهيا ف الافاجه دلوك الدكتور جال هتفوج وهتبجا زينه بس هيبجا فيه الم وهتاخد مسكن مع مضدد حيوي
منيره: طاب ابعتلي العنوان عشان اجي اطمن عليها وكمان حور بتبكي عاوزاها
عاصم: طاب خليكي انتي عشان متتعبيش
منيره: له حن عليك ابعته انا كويسه
عاصم: حاضر هبعتهولك حالا اهو بس خلي بالك وانتي جايه
لتغلق منيره الهاتف مع عاصم وتذهب الي غرفه علاء لتطرق علي الباب.
علاء: ادخل
وهنا تدخل منيره لتجد حور تبكي.
حور: طنط منيره انا عاوزه شوشو
منيره: شوشو ف المشتشفي
علاء: ليه
منيره: بحزن أصلها سجطت يا روحي وعاصم بيجول أنها تعبانه جوي وكمان عملولها عمليه كبيره انا هااروح اشوفها
حور: خديني معاكي يا طنط
منيره: تعالي يا حبيبتي
علاء: انتي في حد رايح معاكي
منيره: له رايحه وحدي
علاء: انا جاي معاكي
منيره: ماشي وكده كده عاصم بعتلي العنوان
علاء: طاب تمام
ليذهبو ثلاثتهم الي المستشفي لتتصل منيره علي عاصم.
منيره: انته فين
عاصم: معلش يا منيره اتصلوا بينا من السجن وجدتي تعبانه جوي هنروحو نشوفوها انا وعمي مراد اسمعي انا هتصلك علي يحيي ياجي يروحك
منيره: متشغلش بالك انا معايا علاء وحور
عاصم: علاء اش عجب يعني
منيره: اصل حور جعدت تبكي وعاوزه شوج فجولتلها تعالي معاي فعلاء جال يوصلنا هو
عاصم: طيب تمام اطمني علي شوج وابجي كلميني طمنيني
منيره: حاضر خلي بالك انته بس من نفسك
لتغلق منيره الهاتف مع زوجها لتتحدث الي علاء.
منيره: عاصم وعمي مراد راحو السجن عشان يطمنو علي الجده كريمه أصلها تعبانه شويه تعالي احنا نطمنو علي شوج
وبالفعل يدخلو غرفه شوق.
حور: طنط شوشو حبيبتي انتي تعبانه
حور: باءلم تعبانه شويه بس يا حبيبتي
منيره: الف سلامه عليكي يا شوج اجر وعافيه إنشاءالله
شوق: الحمدلله على كل حال علي جد ما انا زعلانه علي عيلي اللي راح مني لكن بحمد ربنا أنه راح عشان ميعيشش ف الدنيا وهو واد حرام
منيره: ربنا يعوضك خير متاجي معايا ياحور اروح اجيب عصير
علاء: خليكي انتي وانا اروح
منيره: اصلي عاوزه اخش الحمام كمان
لتخرج منيره وتتركهم.
علاء: الف سلامه عليكي شوق
شوق: الله يسلمك معلش تعبتك معايا
علاء: لاء مافيش تعب ولا حاجه
شوق: ممكن اطلب منك طلب هو صعب شويه بس انا عشمانه فيك
علاء: اتفضلي
شوق: ممكن تاخدني معاكم إنشاءالله حتي اشتغل خدامه عنديكم بس ابجا جار حور امانه عليك
علاء: لاء طبعا خدامه ايه اسمعي يا شوق وكويس أن احنا لوحدنا علشان اتكلم معاكي انا قررت انقل كل شغلي واعمالي هنا ف مصر وكمان ده بعد موافقتك طبعا انا هطلب ايدك من عاصم ونتجوز بس علشان تبقي عارفه ان جوازنا هيكون علشان حور بنتي بتحبك لكن انا الصراحه لسه ما حسيتش باءي مشاعر من ناحيتك لكن جايز مع الايام الحب يتولد مابينا بس لو وافقتي تحكيلي عل كل حاجه
شوق: انا فعلا عاوزه احكي مع اي حد غير اهلي عشان يجوللي انا غلط ولا صح والجواز انا موافجه عليه اهم حاجه اكون جار حور وانا هجولك علي كل حاجه
اما عاصم ومراد فها هم قد وصلو الي مستشفي السجن ليجدو كريمه قد فارقت الحياة
الطبيب: البقاء لله الحجه توفت بسكته قلبيه
عاصم: ليبكي عاصم علي جدته الله يرحمك يا جده اتبهدلتي ف اخر ايامك
الطبيب: احنا هنخلص إجراءات الدفن وتقدرو تاخدوها تدفنوها بس هيا طلبت طلب قبل ما تتوفي قالت إنها جالها ابنها عامر ف المنام وقالها عاوزك تدفني جنبي مش كفايه عيشت بعيد عنك ف الدنيا
الطبيب: لكن قالت إن ابنها عامر عايش
مراد: لاء فعلا عامر ابنها توفي وخلاص هندفنها جنبه علشان ديه وصيه متوفي ولازم نتفذها
عاصم: خلاص اللي تشوفه يا عمي مراد انا هتصل علي يحيى وعلاء علشان يبقو معانا
وبالفعل يتصل مراد علي يحيي ليبلغه بما حدث.
يحيي: حاضر انا جايلكم حالا
اما شوق فكانت قد قصت علي علاء كل ما حدث لها.
علاء: بحزن معقوله حصلك كل ده
شوق: انا نفسي اعرف انا ليا ذنب في اللي حصل
علاء: لاء طبعا انتي اتخدغتي واضحك عليكي لاءنك كنتي ساذجه بس اللي عاوز اعرفه انتي لسه بتحبي سامر ده
شوق: ابدا والله انا وكلت ربنا يجيبلي حجي منيه
ليســمع علاء صوت رنين هاتفه.
علاء: ايوه يا عمي
ليبلغه مراد بما حدث.
علاء: انا جاي حالا
شوق: في حاجه؟
علاء: للاءسف جدتك كريمه توفت
شوق: ببكاء الله يرحمها ظلمتني
علاء: سامحيها ياشوق هيا بين ايادي ربنا
شوق: ربنا يسامحنا كلنا
علاء: عن اذنك علشان اروح اقف معاهم
شوق: اتفضل
وهنا تدخل منيره ومعها حور.
منيره: فيه ايه علاء بيجري كده ليه
شوق: اصل جدتي كريمه اتوفت
منيره: لا حول ولا قوه الا بالله الله يرحمها متزعليش انتي لسه جايمه من عمليه والزعل عفش عليكي
شوق: علاء طلب يتجوزني
لتزغرت منيره بفرحه.
منيره: معلش اصل الفرحه نستني اتصل بجا علي ابوي عشان تطلجي منيه
شوق: انا حكيت لعلاء كل حاجه حصل معايا وهو جاللي أنه هيتجوزني عشان حور بته بتحبني وأنه هيعيش هنا ف مصر
منيره: اخبار حلوه اهي اصبري بجا اتصل علي ابوي
لتتصل منيره بالفعل علي والدها وتخبره بما حدث.
محسن: انا جاي مصر عشان اوجف جار عاصم
منيره: ماشي يا ابا
وبعد ساعات يتم دفن كريمه وسط حزن الجميع وهنا يصل محسن.
مراد: ياله يا جماعه نروح علشان الحج محسن يريح من السفر
عاصم: حاضر
وبالفعل يذهبو الي فيلا مراد ليجدو قمر ومنيره ف انتظارهم.
عاصم: جدتكم اتوفت
لترتمي قمر في حضن أخيها وتبكي شوق حزنا علي جدتها.
محسن: ادعولها حرام البكا
علاء: انا عارف ان الظرف مش مناسب بس انا بطلب ايد شوق منك يا عاصم
عاصم: ناخدو رءيها الاول
شوق: طاب
الحج محسن: عاصم الحج محدش طلجك بعد كتب الكتاب علي طول بس كان هيكتب العيل اللي نزل باءسمه والصراحة انا اللي طلبت كده
منيه: ومحدش كان عارف غيرنا احنا الاتنين بس
منيره: حلو جوي يبجا نكتبو الكتاب
عاصم: انتي ايه اللي خرجك من المشتشفي يا شوج
منيره: الدكتور جال خلال هيا ممكن تروح
عاصم: يبجا نسافرو الصعيد عشان تغيري جو ونشوفو مصالحنا
يحيي: اصبر بس كام يوم تكون حياه خرجت بالسلامه ونسافر كلنا سوا
مراد: وانته تسافر ليه انته كمان
عاصم: ما انته كمان ياعمي هتسافر معانا عمي عوض موصيني انك لازم اسافر معانا الصعيد نفسه يشوفك وبالمره تجعد معانا كام يوم ولو اني مهما عملت مش هجدر اردلك جميلك
مراد: تاني والله لو قولت كده تاني هزعل منك بجد
عاصم: له خلاص
مراد: طيب انا كمان عندي خبر حلو
منيره: خير يا وش الخير
ليضحك مراد.
مراد: مدام نهال جايه اخر الاسبوع وانشاء الله هتكون تمام التمام
عاصم: بجد يا عمي
مراد: اه والله
عاصم: اللهم لك الحمد والشكر
وتمر الايام واليوم هو يوم خروج حياه من المستشفي وكان يحيي قد انتهي من إجراءات المصحه لتخرج معه حياه ويذهبو الي فيلا مراد ليجدو نهال قد وصلت من المانيا وهيا في كامل صحتها
حياه: مامي الف حمدالله علي سلامتك
نهال: لتحضنها والدتها حياه حبيبتي وحشتيني اوي
حياه: وانتي اكتر يا مامي
نهال: الله انتي اتحجبتي
منيره: معجوله انتي جريبه عاصم وجمر
حياه: اه انا بنت عمهم
منيره: ده انتي حلوه جوي احلي من البت جمر بكتير يخربيت جمالك ده انا اللي واحده زيي زيك هتجنن علي حلاوتك
حياه: ميرسي ليكي اوي
منيره: خلاص انا غيرت رايي هسمي بتي حياه عشان تبجا حياه
عاصم: اسم جميل
قمر: مش كتي هتسميها جمر
منيره: طاب غوري بس بلا جمر خليكي واجفه يا حياه دجيجه وجايه
حياه: هيا راحت فين؟
عاصم: متاخديش عليها أصلها مجنونه شويه
قمر: جول شويات
وهنا تدخل عليهم منيره ومعها برطمان السكر وهيا تاءكل منه وتنظر الي حياه
حياه: بتعملي ايه؟
منيره: ببصلك واكل سكر عشان البت تطلع حلوه زيك
حياه: مش فاهمه
عاصم: جولنا متاخديش عليها
منيره: انا عندي ليكم خبر حلو
قمر: خير
منيره: انا خفيت خلاص ومبجاش عندي حاجه يوم ماكت بزور شوج ف المشتشفي عملت تحاليل وطلعت زي الفل
عاصم: مش انتي من بدري جايله انك خفيتي
علاء: مخلاص بقا ما انته عارف كل حاجه
منيره: عارف
ليقرب عاصم من منيره ليقبل رءسها
عاصم: الف حمدالله على سلامتك والله لاءدبح تلت عجول
محسن: فهمونا فيه ايه
عاصم: انا هجولكم كل حاجه
ليقص عليهم عاصم كل ما قاله له علاء
محسن: صح مجنونه زي ما عاصم بيجول
نهال: الف سلامه عليكي يا بنتي
مراد: بمناسبه الجمع السعيد ده انا بطلب ايد مدام نهال منك يا عاصم
عاصم: وانا موافج يا ولدي
مراد: نعم؟
عاصم: انته وولدك هتاجو معانا الصعيد اه وعلاء كمان وتطلبوهم مني وانا ابجا افكر
ليضحك الجميع علي عاصم
---
وبالفعل يذهبو جميعهم الي الصعيد
محسن: والله نورتو الصعيد كلاته
مراد: ده بنورك يا معلم محسن
وهنا يدخل عليهم العم عوض
عوض: مراد الغالي بالحضن يا شجيجي كده بردك متساءلش ف عوض صاحبك كل المده ديه يعني لولاش عاصم كان زمانا لسه منعرفوش حاجه عن بعض
مراد: وحشتني يا عوض ايه ده انته عجزت اوي ياراجل
عوض: انا عجزت لكن انته صلاه النبي عليك لساتك شباب
عاصم: له وهيتجوز كمان
عوض: يا راجل طاب الف مبروك
محسن: اجعد يا عوض عشان ناكلو لجمه
عوض: لما خلاف يا جي
وهنا يحضر خلاف
خلاف: الله اكبر استاذ علاء حمدالله على سلامتك
علاء: الله يسلمك
محسن: الحبايب كلهم متجمعين ربنا يزيدنا ما ينجصنا ابدا ياله يا منيره خدي البنته وجهزو الوكل
منيره: بس كده من عيوني
عاصم: منيره براحه علي نفسك خلي بالك علي جمر بتي
منيره: جمر مين ديه انا خلاص هسميها حياه زي العسل ديه والله انا لو راجل كت اتجوزتها
يحيي: خلي مراتك تخف يا عاصم انا بغير
ليضحك الجميع عليهم#سلوي_عوض
#حياة_ال_عاصم
بارت 31
منيره: تعالي معانا يا حياه.
حياه: حاضر.
يحيي: عاوزه منها ايه؟
منيره: متخافش، مش هخطفها. عاوزه بس اتفرج فيها عشان بتي تطلع جميله جوي كده زيها.
حياه: والله انتي اللي جميله.
شوق: طاب ياله عشان الناس جاعو.
منيره: ياله، علي فين؟ انتي تطلعي ترتاحي، ولما نخلصو نطلعولك الوكل. ياله يابت اتحركي.
شوق: حاضر.
حور: انا هطلع معاكي يا شوشو.
علاء: سيبيها ترتاح يا حور.
شوق: له، خليها تطلع معاي.
عاصم: طاب علي ما يجهزو الوكل تعالو بجا افرجكم علي المزرعه والمجزر.
يحيي: ياريت علشان انا بفكر ف حاجه كده.
علاء: نفس التفكير اللي عندي.
السرد: اما نهله فكانت تجلس في شقتها المتواضعة.
نهله: انزل يا عز دور علي شغل، القرشين اللي معانا قربو يخلصو.
عز: يا سلام، وهشتغل ايه بقا؟ صبي قهوجي ولا صبي جزار؟
السرد: ليسمعو صوت طرق علي الباب.
نهله: طاب قوم افتح يا فالح.
السرد: ليفتح عز الباب ليجد المعلم فتوح أمامه.
المعلم فتوح: اخباركم ايه؟
نهله: عايشين.
فتوح: اسمعي يا ست نهله، انا راجل ابن بلد واحب ادخل البيوت من أبوابها.
نهله: ايوه، مش فاهمه انته عاوز ايه؟
فتوح: انا طالب ايدك ف حلال ربنا، وهعيشك ف بيت احسن من ده… بيتي اللي علي اول الشارع.
نهله: الله! هو مش انته متجوز تلاته؟
فتوح: وماله؟ الشرع حلللي اربعه. وبعدين انا اقدر افتح عشر بيوت.
عز: القهوه الكحيانه ديه تفتح عشر بيوت؟
السرد: ليضحك فتوح.
فتوح: القهوه ديه لمؤاخذه… ستاره للشغل التاني.
نهله: وايه بقا الشغل التاني؟
فتوح: الاول اسمع رءيك ف الجواز.
نهله: موافقه… بس تجيبلي شبكه وتديني مهر محترم.
فتوح: بس كده؟ عيوني.
عز: قول بقا ايه الشغل التاني؟
فتوح: اصبر، بس الاول ارن علي الواد عصفور يطلعلي الشيشه وكوبايه قهوه ساده.
السرد: لتخرج نهله سيجاره من علبتها ليشعلها لها فتوح.
السرد: وهنا يتصل علي عصفور ليحضر ما طلبه منه.
السرد: وبعد عشر دقائق يطرق عصفور علي الباب.
فتوح: خش يا اه… حط الحاجه هنا ووريني عرض قفاك… بقولك استني.
السرد: ليخرج فتوح رزمه ماليه من محفظته.
فتوح: خد يا اه… هاتلنا كباب وكفته وفراخ مشويه وقذاذتين مشبرين.
عصفور: حمامه.
نهله: متقول بقا.
فتوح: بتاجر ف الصنف.
نهله: مش فاهمه.
فتوح: ف الكيف يعني.
عز: اه قصدك مخدرات؟
فتوح: بس متقولش مخدرات… انا بساعد الناس تفرح.
عز: وبتتاجر ف ايه بالظبط؟
فتوح: ف البني.
عز: ايه ده؟ ده ما بيجيبش فلوس… انا بقا عندي الاحسن.
فتوح: قول يا افندي.
عز: البودره… المذاج كله… وهناكل من وراها الشهد ونلعب بالملايين.
السرد: ليضحك فتوح.
فتوح: الله! ده الافندي معايا علي نفس الخط… بس انا معرفش تجار البودره.
عز: انا اعرف… ومستعد اوديك عند التاجر، بس تقل جيبك.
فتوح: الخير كتير… متقلقش.
نهله: طاب مش لما نكتب الكتاب الاول؟
فتوح: حالا… الماءذون يجي يكتبلي علي ست الكل.
السرد: لتضحك نهله.
نهله: شبكتي ومهري الاول.
فتوح: من عيني… انزلي عند السايغ اللي علي اول الحاره خدي منه اللي انتي عاوزاه.
نهله: بس ده بلدي اوي.
فتوح: هو في احسن من البلدي؟ عشان تمشي تشخللي بالغوايش… روحي بس انتي، وقوليله انك جماعه المعلم فتوح الجديدة.
نهله: بضحكه خليعه… أمرك يا تتح.
السرد: ليضحك فتوح.
فتوح: نهوله قلبي.
نهله: طاب فين بقا مهر نهوله قلبك؟
فتوح: ميت الف باكو… حالا يحضرو مهر نهوله قلبي.
عز: بعد كتب الكتاب هاخدك ونروح للتاجر.
فتوح: خليك حسيس يا ابن مراتي… خليها بعد بكره بعد الدخله والصباحيه.
عز: وهو انا هااجي معاكم البيت الجديد؟
فتوح: وماله… بس بعد ليله الدخله.
نهله: طاب ايه رءيك نعمل الشقه ديه مخزن لينا؟
فتوح: براوه عليكي… دماغك متكلفه.
نهله: انا بقا هادخل معاك شريكه… بالمهر بتاعي وبتمن شبكتي.
فتوح: ست واعيه وناصحه… مش المواشي اللي انا متجوزهم.
السرد: لتضحك نهله ضحكه خليعه.
نهله: حلوه مواشي ديه.
فتوح: الله! حلاوه علي حلاوه… ادي الحريم وله بلاش.
نهله: بس انا ليا عندك طلب.
فتوح: طلبات نهولتي أوامر.
نهله: تلبس بدل بعد كده… بلاش الجلاليب ديه… انته هتبقا رجل اعمال كبير.
فتوح: وجب يا حرمنا المصون.
---
السرد: اما مراد ويحيي وعلاء بعد أن رءو المزارع والمجزر…
يحيي: اتكلم انته يا بابا.
مراد: اسمع بقا يا عاصم… الولاد عاوزين يشاركوك وتكبرو شغلكم.
عاصم: يا سلام! طاب ده يبجا يوم المني… كده كده شوج شريكتي هيا ومنيره وجمر.
مراد: يعني زيدنا ف دقيقنا.
يحيي: وهنعمل احلي فطير.
علاء: انته همك علي بطنك كده علي طول؟
عاصم: نروحو بجا عشان انا جوعت جوي.
يحيي: ومين سمعك.
السرد: وبالفعل يذهبو الي المنزل ليجدو أن البنات قد أعدو لهم مالذ وطاب.
حياه: انا عاوزه اتكلم معاكم قبل مناكل.
يحيي: انا جعان اوي… ولما بجوع مبشوفش.
علاء: طاب ناكل الاول لحسن ياكلنا.
حياه: خلاص براحتك… انا كنت عاوزه اقول اني موافقه اتجوزك.
يحيي: بفرح… بجد؟ بجد؟
علاء: اظن كده انته شبعت.
يحيي: لاء… الاكل مالوش دعوه بالجواز يا فالح.
حياه: وكمان حاجه تانيه.
نهال: استني انتي يا حياه.
حياه: اسمعو يا جماعه… احنا هنتبرع بكل حاجه سابها عامر للفقراء… هما أحق مننا بالفلوس ديه.
عاصم: عافيه عليكي يا مرت عمي.
حياه: لكن انا عندي مبلغ بسيط كنت كسبته من مسابقه ملكه الجمال… والمبلغ ده كنت شايلاه ف مكان محدش يعرف عنه حاجه… ولو سمحت يا عاصم ممكن ادخل معاكم بنسبه صغيره ف شغلكم؟
عاصم: موافج طبعا.
مراد: طاب وانتي يا نهال مش هتريحي قلبي وتوافقي تتجوزيني يا حب العمر كله.
نهال: بكسوف… اطلبني من عاصم.
عاصم: يضع رجل فوق الأخري… بعد مناكلو تاجيني المندره انته وولدك وتطلبوهم مني.
يحيي: نعم يا حبيبي… ما احنا طلبناهم قبل كده ف مصر.
منيره: وماله اطليوهم تاني… ولا هما ميستاهلوش؟ ياله يا عروسه منك ليها… كلو عشان تطلعو فوج عندينا… عيب العروسه تجعد مع العريس جبل الشبكه.
يحيي: نعم يا اختي… متحوش مراتك عننا يا عم عاصم.
عاصم: مرهتي تبجا حماتك وحماه ابوك… يعني تسمعو كلامها.
السرد: لتمر الايام واليوم هو موعد ولاده منيره، وكانت منيره تشعر بآلام الوضع لتوقظ عاصم في منتصف الليل وهيا تصرح.
منيره: عاصم جوم انا بولد!
عاصم: نامي يا منيره الله يهديكي.
منيره: بجولك بولد يا راجل!
عاصم: بتولدي بجد؟
منيره: وهيا ديه فيها هزار؟ خلص وديني المشتشفي!
عاصم: حالا اهو.
السرد: ليحملها عاصم ويذهب بها المستشفي. وبعد ساعه تخرج الممرضه.
الممرضه: مبروك… بنيه زي الجمر.
عاصم: يخر لله ساجدا… والام عامله ايه؟
الممرضه: زي الفل الحمدلله.
السرد: وهنا يري عاصم الجميع ياءتون الي المستشفي.
عاصم: ايه اللي جابكم؟
محسن: بتبكي… ليه بتي فيها حاجه؟
عاصم: بفرحه… منيره جابتلي بت وهيا زي الفل.
الجميع: الف الف مبروك… تتربي ف عزك.
السرد: وبعد ساعه تخرج منيره الي غرفه الافاقه.
منيره: وهيا تحت تأثير البنج… اه يا عاصم… بس افوجلك… بتك طلعت عيني… بس طلعت حلوه زي حياه… مش زي البومه اللي اسميها جمر… ماشي يا جمر الكلب… انا تطلع عيوني ف الولاده وانتي تبجي عمه علي الجاهز… ماشي يا عاصم كله منك… انا عارفه الرجاله متحبلش ليه؟
السرد: ليضحك الجميع عليها.
عاصم: شايف بتك يا عمي.
محسن: معلش… طول عمرها لسانها طويل.
قمر: انا بومه؟ وجمر الكلب؟ ماشي يا منيره يا الكلب!
شوق: الحمدلله ما شتمتش عليا.
منيره: وانا يا عم علاء؟ مش خلاص حبيت البت شوج وجولتلي انك عشجتها من حنيتها علي الكل… متتجوزها بجا وخلصنا… ده انته بارد جوي… البت شوج غلبانه… مش حربايه زي جمر.
علاء: الله يكسفك… محدش ياءمنك علي سر ابدا… ده انتي فظيعه.
السرد: وهنا تفوق منيره.
منيره: الله! هو انا ولدت؟
عاصم: اه يا ام ميت لسان.
منيره: هيا ديه حمدالله علي السلامه بتاعتك؟
قمر: ده انتي شركتينا كلنا.
منيره: هو انا جولت حاجه ف البنج؟
علاء: لاء… مقلتيش حاجه خالص.
منيره: خلاص بجا… جلبكم ابيض… امال فين حياه بتي؟
عاصم: بيشطفوها وهيجيبوها عشان ترضعيها.
منيره: بتي طالعه زي العسل.
قمر: اه… مطلعتش بومه لعمتها… مش كده؟
منيره: مين يجدر يجول عليكي بومه؟ ده انتي جمر يا جمر.
شوق: انتي اللي لساكي جايله.
منيره: بطني وجعاني وعندي مغص.
قمر: نفسي ياجيكي مغص ف لسانك.
عاصم: بس يا بت… بعد الشر علي بنوتي الحلوه.
السرد: لتخرج منيره لسانها لقمر.
قمر: شايف بتطلعلي لسانها ازاي؟
منيره: حرام عليكي… هو انا جادره اتكلم؟
السرد: وهنا تاءتي الممرضه ومعها الطفله.
عاصم: هاتي بتي.
السرد: لياءخذ عاصم الطفله ليؤذن في أذنها ويعطيها لمنيره وينقد الممرضه مبلغا من المال.
عاصم: خدي وراضي زمايلك… حلاوه بتي.
الممرضه: كتر خيرك… تتربي ف عزك.
السرد: ليتصل محسن علي خلاف.
محسن: بجولك يا خلاف ادبج عجلين… حلاوه سلامه بتي وبتها.
خلاف: الف مبروك… وباركلي لعاصم.
عاصم: هاته يا عمي.
خلاف: عاصم ادبح عجلين كمان… حلاوه سلامه بتي ومرتي.
عاصم: الف مبروك… ربنا يديم الافراح عليكم دائما يارب.
عاصم: كتر خيرك عجبالك.
خلاف: بجولك انا عاوز اتجوز وجيده.
عاصم: يضحك والله يا عاصم بجيت ولي أمر الكل.
مراد: اسمع يا عم محسن، خلاف عاوز يتجوز وجيده.
مراد: بفرحه وجهازها كله عندي، البنت ديه تستاهل كل خير.
عاصم: خلاص يوم سبوع حياه الصغيره نعجدو للكل.
عاصم: وانتي يا جمر، فادي جاللي وطلب يدك مني وانا وافجت.
قمر: بكسوف اللي تشوفه يا اخوي.
منيره: يعني كلكم هاتمشو والبيت هيفضي علينا؟
مراد: لاء، كل اسبوع هنتجمع كلنا، بس علي الله ما تزهقوش مننا.
عاصم: ياريتكم تجعدو معانا العمر كله.
مراد: علشان اشغالنا يا ابني، لكن وعد والله كل اسبوع هتلاقونا عندكم نقضي معاكم خميس وجمعه وسبت.
نهال: انا بفكر نشتري بيت كبير هنا ونتجمع فيه كل اسبوع.
محسن: له يا ست نهال، المزرعه الجديمه اللي عندي فيها بيت كبير جوي يساعي من الحبايب الف.
---
عاصم: طاب ياله بينا نروحو عشان منيره ترتاح وترضع بتها.
منيره: مين اللي ترتاح؟ انا بجيت زينه وهروح معاكم.
قمر: يا بتي عشان الجرح.
منيره: جرح ايه؟
شوق: مش انتي والده قيصري؟
منيره: له، والده طبيعي.
عاصم: اه يا بت المجانين، لمؤاخذه يا عمي بتك جننتني، امال ايه البنج ده؟
منيره: تضحك بنج ايه؟
علاء: يعني مكنتيش متبنجه؟ وانا اللي فاكرك متبنجه علشان كده بتخترفي.
منيره: تضحك ما انا كان لازم اطلع اللي جوايا احسن ما اطج واموت.
عاصم: ربنا يعيني علي جنانك.
يضحك الجميع عليها
عاصم: طاب يا اختي انا هخلص إجراءات خروجك.
هنا تبكي الطفله
قمر: طاب رضعي بتك يا بومه.
منيره: بت انتي! اسميها حياه.
قمر: طيب يا اختي.
---
نهله: بعد الزواج من فتوح وذيع صيتها في البودر
عز: اسمعوني بقا، الراجل الكبير جاي النهارده من لبنان ومعاه الست عاليه الممثلة المعروفه وطالب يقابلنا.
فتوح: تمام، أمته؟
عز: بليل.
نهله: يبقا لازم تجيبلي طقم حلو علشان اقابل البوص.
فتوح: أمرك يا نهله قلبي.
في المساء
جوزيف: اهلا بيكم، انا عاوزكم تجهزو علشان في كميه بودره كبيره وعاوزكم تصرفوها.
عز: مش عاوزه تساءلي علي سامر يا عاليه؟
عاليه: سامر ده خلاص راح ف الوبا.
يضحك الجميع
بعد فتره
نهله: أكبر موزعه للبودر
المباحث تبدأ تراقبهم
نهله: بقولك ايه، انا بفكر أطلق من فتوح وارسم علي جوزيف، احسن انا بقرف قوي من فتوح ده.
يُسمع طرق
نهله: شوف مين يا عز.
يفتح… ثلاث سيدات
السيدات: فين نهله ديه؟
نهله: انا نهله هانم، انتو مين؟
ينهالو عليها ضرب
نهله: اه اه!
عز: اوعي منك ليها!
السيدات: عشان تحرمي تتجوزي جوزنا تاني وتقلعيه توبه وتمنعيه يجيي يشوفنا ويشوف عياله، ولو ما سيبتش الحته كل يوم من ده.
---
نهله: انا هخلي فتوح يطلقكم كلكم يا حوش يا زباله!
يصعد فتوح يلهث
فتوح: انا لما الواد عصفور قاالي انكم جيتو هنا يا حرابيء مصدقتش.
نهله: شايف عملو فيا ايه يا فتوح؟ الحوش دول! طلقهم.
فتوح: لاء طبعا، مينفعش.
نهله: خلاص طلقني انا.
فتوح: يستحيل، ده انتي بقيتي كل حاجه ليا يا نهله.
نهله: يا انا يا هما.
فتوح: انتي طبعا.
فتوح: روحو انتو التلاته وانتو طالقين بالتلاته، ياله غورو ف داهيه، جاتكم الهم… حريم علي تفرج واديها فرجت.
السيدات الثلاثه: طاب والله لا نخرب بيتك ونوريك.
#سلوي_عوض
#حياة_ال_عاصم
البارت الاخير
اما نهله بقولك ايه يا تتح احنا لازم نمشي من المنطقه الزباله ديه انته خلاص بقيت حاجه تانيه يعني نروح نشتري فيلا ونعيش فيها وتتصاحب علي الناس الكلاس.
فتوح: لاء مش فاهم.
نهله: قصدي الناس الأغنياء ورجال الأعمال.
فتوح: وانا هعرفهم ازاي دول؟
نهله: ديه بتاعتي انا بقا.
عز: وكمان في ولاد من ولاد الناس دول من كتر الفلوس والعز بيشترو البودره ديه بهبل يعني كده هنغير الطبقه.
فتوح: متخلو البساط احمدي واتكلمو كلام يتفهم.
نهله: قصدنا يعني مين جاور السعيد يسعد ومن النهارده اسمك بقا رجل الأعمال الكبير.
فتوح: لاء بس اسم فتوح ده بلدي اوي لازم نغيره خلاص بعد كده انته تاحي بيه وهنبقا نقول انك من أصول تركيه.
فتوح: حلو الكلام ده.
عز: ده انته بكره لما تشوف الناس دي عايشه ازاي هتعرف انك ما كنتش عايش سهرات وحفلات ورقص وشرب وحاجه اخر حلاوه.
فتوح: خلاص ناءجر فيلا لغيت منوضب نفسنا ونشنري فيلا.
نهله: عز عاوزاك تتصل بكل أصحابنا وتعزمهم بعد بكره علي بارتي.
فتوح: يعني ايه؟
نهله: يعني حفله وانا هتكلم مع مستر جوزيف ياءجرلنا فيلا من بتوعه وتكون جاهزه من كله خدم وحشم.
فتوح: اه كلميه عفارم عليكي.
سامر: اما سامر فقد كان في مستشفي السجن يتعالج من الهيروين ولكنه لا يستجيب.
سامر: انا ايه اللي عملته ف نفسي ده معقوله انا سامر عاصم نجوم النجوم مدمن اخر.
مريض آخر: علي سرير بجوار سريره متخرس يا ابني انته صدعت امي كل شويه.
سامر: وزفت متتخمد بقا ملعون اليوم اللي اتحطيت معاك فيه ف زنزانه واحده.
---
زوجات فتوح: اما زوجات فتوح فها هم قد ذهبوا ثلاثتهم الي رءيس المباحث ليبلغوه بكل شيء.
رئيس المباحث: للاءسف احنا مراقبينهم لكن مش عارفين نمسك عليهم اي حاجه حتي اخر عمليه بعد ما عرفنا ميعادها وجهزنا القوات العمليه اتلغت.
صبريه (الزوجه الثالثه): انا هقول لحضرتك على كل حاجه.
---
صبريه: انا سمعت فتوح بيتكلم مع واحد اسمه الخواجه جوزيف وكمان قاله أن من وقت مابدء يتاجر ف البودره وهو بقا اخر حلاوه والبركه ف نهله وف ابنها عز وكمان كان بيقوله سلملي علي نجمه النجوم الست الفنانه عاليه.
---
رءيس المباحث: انتي متاءكده من الكلام ده؟
صبريه: اه والله يا باشا.
رءيس المباحث: طاب ثانيه واحده.
(يتصل رءيس المباحث بزميله تيمور بيه رءيس مباحث العاصمه)
تيمور: اهلا بيك اخبارك ايه يا باسل باشا؟
باسل: الحمد لله بخير كنت عاوز حضرتك ضروري جدا.
تيمور: طاب طمني خير.
باسل: يقص عليه كل ما قالته له صبريه.
تيمور: معقول الصدفه ديه؟ انته عارف أن المتهم سامر عاصم كان اعترف عليهم وقال إنهم هما السبب ف كل اللي حصل؟
---
باسل: كده تمام اوي هما رجعو البلد لقضاهم.
باسل: انا عندي هنا زوجات فتوح والغرببه أنه متجوز نهله ونهله ديه قريبه مرات عامر عاصم رجل الأعمال اللي انتحر ويبقا عم سامر عاصم.
تيمور: تمام انا جايلك.
باسل: طيب ممكن اتصل علي يحيي السيوفي ده يبقى صاحبي وكمان ابن المحامي اللي كان ماسك قضيه سامر واكيد عنده معلومات.
تيمور: تمام اتصل عليه وانا جايلك ف الطريق.
باسل: تنور الدنيا يا باشا.
(يغلق باسل مع تيمور ويتصل على يحيي)
باسل: يقص عليه كل شيء.
يحيي: انا ف الصعيد لكن ها اجيلك طيران وهجيب معايا حياه خطيبتي لاءن عز وخالتها كانو هما السبب ف ادمانها البودر وهيا اكيد هتفيدك.
باسل: طاب ياريت بسرعه.
يحيي: ساعتين زمن ونكون عندك.
(ينزل يحيي من غرفته ويقص علي الجميع كل ما حدث)
عاصم: انا لازم اسافر معاك.
مراد: كلنا هنسافر علشان اطلب اعاده التحقيق ف قضيه سامر.
يحيي: اجهزي يا حياه علشان هتنزلي القاهره معانا.
حياه: حاضر.
علاء: وانا كمان جاي معاكم لاءن اسم جوزيف ده مش غريب عليا ولو كان جوزيف المنتج ورجل الأعمال اللبناني ده هيقصر علينا المسافه لاءني بعرفه معرفه شخصيه.
مراد: ايوه هو.
علاء: جميل اوي.
عاصم: علي بركه الله.
---
نهله: اما نهله فكانت تتحدث مع جوزيف في أمر الفيلا.
جوزيف: مش عارف ازاي واحده ف جمالك وشياكتك تتجوز الراجل الغير مهضوم هذا.
نهله: