الفصل 1
*ـ ࢪواية. حياه العاصم🥳🥀↻≯🍒⸙•♡»»)) 1/2/3/4
غرام الروايات
تابع قناة غـ͓̽ـرٍآمـ͓̽ـ آلَرٍوٌآيـ͓̽ـآتـ͓̽ـ 🧚♀️📚💅💫 في واتساب: https://whatsapp.com/channel/0029VakuN1aHwXbJf5jj7w0J
#سلوي_عوض
#حياة_ال_عاصم
بارت 1
في جنوب صعيد مصر حيث الجمال والروعه والقلوب الطيبه، حيث تقطن عيلة عاصم المكونه من الجده كريمه وعاصم بطل روايتنا وإخوته التوأم سامر وقمر، وابنه عمتهم شوق.
وفي الصباح نجد عاصم يستيقظ ليؤدي الفرض ثم يذهب إلى جدته.
عاصم: صباح الخير يا جده.
كريمه: صباح النور عليك.
عاصم: خواتي راحو الجامعه.
كريمه (تضحك): جامعه ايه دلوك ده؟ لسه الشمش منزلتش.
عاصم: عشان الموصلات ما انتي عارفه يا جده، بينا وبين الجامعه ساعه ونص، والاتوبيس مبيوجفش كتير.
كريمه: هبجا أديهم يركبو بيجوه.
عاصم: اجعدي انتي، جلعي فيهم.
كريمه: يا ولدي مش كفايه أتربو يتامي لا اب ولا ام؟ ما انته خابر امك ماتت وهيا بتولدهم، وولدي ابوك الله يرحمه حصلها على طول، مفاتش شهر على وفاتها ورجد جارها، لكن انته كت كبير.
عاصم: الحمد لله على كل حال، أروح أنا أشوف الزرع بتاع الناس.
كريمه: منه لله عمك، عايش ف مصر سلطان زمانه ومهملك للشجا يا ولدي. حتي الأرض يا دوبك اللي بتجيبه ممكفيش، لولاش بس حتتين الدهب بتوعي اللي ساندينا كنا موتنا من الجوع.
عاصم: حدش بيموت من الجوع يا جده، جوليلي بجا هتغدينا ايه النهارده؟
كريمه: هغديك باميه ويكه ولحم ضاني متجلب ف التوم لغيت مشكشك.
عاصم: وجرنين فلفل حاميين.
كريمه: وشوج بتخبز اهي عيش شمشي صابح.
عاصم: كان نفسي شوج تتعلم، بس هيا جالت كفايه الإعداديه.
كريمه: هيا مخها كده، واهي الحمد لله بتعرف تجرا وتكتب، وفلحانه وعمرانه ف البيت، ديه مربيه طيور وأنارب غير العنزه بتاعتها وعيالها.
عاصم: ربنا يكرمها.
كريمه: الله يرحم عمتك ناعسه وابوك.
عاصم: أنا فاكر ابوي يا جده، كان حنين جوي.
كريمه: اه يا ولدي، كان أحن واحد ف الدنيا، مش عامر اللي منه لله، كوش على كل حاجه.
عاصم: كده يعني؟ أديكي عطلتيني، زمان الرجاله جاعدين ف الأرض.
كريمه (تضحك): أرض أرض؟ اللي يسمع كده يجول ياما هنا وياما هناك، وهما تلت فدادين يا عمي.
عاصم: حلوين يا جده، الحمد لله، أحسن من غيرنا.
---
كريمه: ربنا يكملك بعقلك، سبحان الله كاني جاعده مع جدك عاصم الله يرحمه، ويديك طولة العمر وأفرح بيك وبعوضك.
عاصم: وبعدين معاكي، جولت لما أطمن على خواتي الأول.
كريمه: طاب هتروح الأرض على ريجك كده؟ شج ريجك الأول.
عاصم: مش جعان دلوك، وبعدين انتي عايزاني أفطر عشان معرفش آكل الويكا واللحم الضاني؟
كريمه: جبل يدان الضهر خلي غريب ياجي ياخد الوكل.
عاصم: ربنا يخليكي لينا يا جده.
كريمه: ويخليكم لي، ده انتو العوض اللي ربنا عوضني بيه عن اللي راحو.
عاصم: همشي أنا أحسن، لو جعدت جارك هتجيبي الجديم والجديد وتجعدي تبكي لتدمع عينا.
كريمه: عاصم اهو، شوفت؟ مش جولت أنا لتمسح.
(تمسح كريمه دموعها)
كريمه: خلاص اهه مش هبكي تاني.
(يقبل عاصم يدها ويتركها ليذهب إلى الأرض)
وهنا تدخل شوق على جدتها.
شوق: أنا خلصت خبيز يا جده.
كريمه: جدعه بت بتي.
شوق: هجهز الفطور على ما عاصم ينزل.
كريمه (تضحك): عاصم خرج راح الأرض، جهزي لسامر وجمر.
شوق: من عيني حاضر.
(تذهب شوق إلى المطبخ وتقول وهي تفكر)
شوق: اه يا سامر لو تحس بيا وبحبي ليك، ولا جلبي اللي بيفط مني ساعت ما أشوفك، ربنا يجعلك من بختي ونصيبي يا واد خالي.
---
شوق: بس ازاي يا شوج وهو ف الجامعه وانتي مكملتيش علامك؟ ياكن له هو دايما بيضحك معاي، وبيجول عليا أجمل من البنات اللي معاه ف الجامعه، وكمان بيجول إنه بيعزني جوي. ربنا يسامحك يا عمي عامر، لولاش كوشت على فلوسنا كان زماني اتعلمت، ياكن أنا جولت سامر وجمر يتعلمو وأنا مش مهم، وماله، ماهي الإعداديه بردك شهاده.
(تسمع شوق صوت جدتها)
كريمه: شوج!
شوق: حاضر جايه.
(تخرج شوق من المطبخ)
كريمه: جهزتي الفطور يا شوج؟
شوق: حالا هجهزه.
كريمه: طاب طلعي كيلين لحم ضاني واسلجيهم عشان هنعملو عليهم ويكا ورز.
شوق: من عيني حاضر.
كريمه: اطلعي صحي سامر وجمر عشان يلحجو جامعتهم يا بتي.
شوق (بفرحه): حاضر يا جده.
(تصعد شوق إلى غرفة سامر وتفتح الشباك)
سامر (بتأفف): ايه ده؟ مين اللي فتح الشباك؟
شوق: أنا شوج يا سامر.
سامر: وايه اللي دخلك أوضتي؟ وكمان بتفتحي الشباك؟
شوق: جدتي جالتلي أطلع أصحيك.
سامر: طاب روحي، وانا متنيل جاي وراكي.
شوق: طاب بس براحه، متزعجش على الصبح كده.
سامر: معلش يا ستي، صباح الخير.
شوق (بفرحه): صباح النور عليك.
سامر: على ما أخد دش جهزيلي لبسي ولمعي الجزمه.
شوق (بفرحه): من عيني.
سامر: تسلم عينك الا قوليلي معاكي فلوس
شوق: اه معايا خمس ميت جنيه محوشاهم من المصروف اللي بيدهولي عاصم
سامر: بخبث اصلي كت محتاج كتاب ولو قولت لعاصم هيسمعني كلمتين
شوق: له انا هجيبهوملك
سامر: بصراحه يعني انا خايف تقوللي لجدتك ولا اي حد ف البيت
شوق: له طبعا ده انته تاخد عيوني
سامر: تسلملي عيونك لتفرح شوق بكلام سامر
قمر: فها هيا قد استيقظت وأدت فرضها
قمر: يارب وفجني ونجحني عشان افرح جلب
عاصم: اخوي ده شجي وتعب علينا جوي ويارب يهديك يا سامر يا اخوي اجوم البس عشان اللحج أفطر
(اما عاصم فكان يجلس مع العم عوض)
عوض: عوض يعني انته جاي من فجر ربنا وتاعبنا معاك الا حتي ماشربنا بج شاي
عاصم: تعالي يا غريب هات المنجد والتنكه عشان نعملو الشاي خلي عمك عوض يحل عني غريب انا هعمل الشاي وأشرب معاكم
عاصم: بعد ما تملح الأرض وتذجيها هنبجا جرب الضهر تروح علي بيتنا تجيب الغدا جدتك كريمه طابخه ويكا ولحم ضاني
غريب: بفرحه صح كلامك
عاصم: اه يا اخوي صح تجري علي بطنك بالمشاوير انته غريب اروح اعملكم احلي كوبايتين شاي
عاصم: ايه يا عم عوض مش هتحكيلي عن ابوي النهارده ولا ايه علي الأجل تعمل بالوكل اللي جاي
عوض: بتجلب عليا المواجع انته اصل ابوك ده اغلي من اخوي عندي كان راجل طيب وحنين ورجوله الدنيا فيه طاب ده مره كان جدك عاصم مشيعه يجيب طلب
عوض: كنا ف نص الليل وكان فيه عصابه ولاد الليل بينزلو البلد بعد العشا
عاصم: عصابه ايه ديه
عوض: عصابه الجط
قاسم: الجط وعصابه عوض زي مبجولك كده
عاصم: طاب كمل عوض ومن حظ ابوك يجابله الجط بذات نفسيه كبير العصابه وساءله انته مين ورايح فين
عوض: جام المرحوم ابوك جاله انا عميره واد عاصم الخياط جامةالجط ضحك وجاله مخايفش منينا جام المرحوم عميره جاله واخاف من ايه العمر واحد والرب واحد هتعمل ايه يعني هتاخد روحي الجط جاله اسد ياعميره زي ابوك انا هبعت معاك راجل من رجالتي يوصلك تجيب طلبك وبعد كده يوصلك لبيتكم
عميره: جاله له خلي رجالتك انا لو محميتش نفسي مستاهلش اعيش
(وجاب طلباته وروح)
عاصم: الله يرحمك يا ابوي
عاصم: طاب وعمي عامر عوض ليه بس السيره العفشه ديه
عاصم: حكيلي عنه جدتي مرضياش تكلمني عنه كل ما اكلمها تجوللي جفل علي السيره ديه
عوض: معذوره يا ولدي اصل عامر طول عمره غدار وبيحب نفسه
عوض: ابوك وجف جاره كان بيراعي كل حاجه وخلاه هو اتعلم وخد شهاده عاليه ولما ابوك اتوفي عامر كوش علي كل حاجه وباع الأراضي والبيوت ولولاش جدتك كانت وارثه الأرض ديه عن ناسها كان خدها بردك
عاصم: هو ليه يعمل كده عوض شيطانه سايجه يا ولدي عاصم ده عمره ما جاه ولا حتي ساءل علينا بالتلافون
عوض: بجولك كل حجكم تجوللي يساءل عليكم عاصم بس بته بتتحددت مع جمر اختي علي التلافون وكأنهم أصحاب
عوض: اصل مرت عمك ست طيبه جوي وبت ناس واصلها كبير
عاصم: ده حتي جدتي عمره مكلمها
عوض: جدتك جويه وواجفه زي الوتد ربتكم وربت بت المرحومه عمتك
عوض: عاصم عمتي خديجه كانت طيبه جوي هيا وجوزها بس ياله الحمدلله الله يرحمهم عوض ويرحم جدك وابوك
عاصم: عمتي كانت طيبه جوي هيا وجوزها لولاش بس الكهربا اللي مسكت فيهم وجصفت عمرهم كان زمانهم عايشين معانا
عوض: امر ربنا يا ولدي
عاصم: الحمدلله على كل حال عوض ربنا يكرمك يا عاصم من حمده زاده
عاصم: بس عارف يا عم عوض انا مستغرب من عمي جوي يعني هو الحمدلله اللي عنده كتير جوي يكفيه ويزيد ومحليتهوش غير بت وحيده مخلفش غيرها ليه يطمع ف حاجتنا
عوض: عامر طول عمره بيحب نفسه وكمان بيكره الصعيد وكان عايزكم تعيشو معاه ف مصر بس جدتك جالتله له عيال ولدي هيعيشو ويموتو ف الصعيد زي ابوهم وجدهم بس عامر معجبهوش الحال
عاصم: تعرف يا عم عوض نفسي ربنا يكرمني واخلي خواتي مش ناجصهم حاجه وكمان البيت حيطانه شججت خالص عايز اشوف مجاول عشان نرممو الحيطان وله كمان جمر خيتي اللي كبرت خايف ياجيها عريس والله معارف هجهزها ازاي أن كانت هيا ولا شوج واللي زاد وغطي سامر اللي طلباته مبتخلصش والله لوفيه متبكي العين بس اعمل ايه
عوض: خليها علي الله انته عايز تنكد عليا عشان تاكل اللحم والويكا وحدك ولا ايه ليضحك
عاصم: ربنا يسامحك جلبت عليا المواجع اجوم اشوف حالي
(قاسم ملابسه ليرتدي جلابيه قديمه وينزل في وسط الأرض ليساعد غريب)
عاصم: ملحت هنا ياغريب
غريب: اه خلصت الناحيه الجبليه خالص
عاصم: طاب ريح انته وانا ها اكمل الناحيه الشرجيه#سلوي_عوض
#حياة_ال_عاصم
بارت 2
غريب: والله ما حد عاملها غيري، أنا عاوزك بس إنت ترضى عني.
عاصم: ربنا يرضى عننا جميعا.
غريب: فاضل قد إيه على أذان الظهر؟
عاصم: آه، عاوز تجري على بطنك إنت؟
غريب: طيب، وهو فيه وكل؟ زي وكل جدتي كريمة.
عاصم: لسه الساعة ماجتش تسعة.
غريب: يا مهون يا رب.
عاصم: يخرب بيتك بطنك مفطرتش؟ إياك!
غريب: لأ، فطرت.
عاصم: يبقى تروح تترزع جار عمك عوض على ما املح وازجيها.
غريب: لأ، أنا حلفت.
عاصم: يبقى تشتغل وانت ساكت، عيل رغاي.
(يتركه عاصم ويذهب ليجلس بجوار العم عوض)
غريب: آه لو تعرف يا عاصم أنا مستعجل على الوكل ليه. مش عشان أنا جعان، لأ، عشان أشوف شوج اللي خطفت قلبي وعقلي. آه، ولما بشوفها قلبي بيرقص من الفرحه. بس هانت يا شوج، أنا قربت أخلص تمن الشبكه والمهر، وأوضبلك الأوضتين بتوعي ونتجوز. آه يا رب، يا مجرب البعيد يا رب.
---
(أما في منزل عاصم)
كان سامر يجلس مع جدته على الطبليه.
كريمة: مالك يا سامر، موكلش ليه؟
سامر: ماليش نفس.
كريمة: ليه يا حبيبي؟
سامر: خلاص بقى مش مهم.
كريمة: هتداري على جدتك؟
سامر: أصل الصراحه نفسي أشتري تليفون غير اللي معايا، صحباتي في الجامعه كل واحد فيهم ماسك عده بشيء وشويات.
كريمة: بس كده؟ من عيني، أفطر وأنا هديك تجيب عده جديده.
---
سامر: جد يا جده؟
كريمة: جد الجد.
سامر: بس العده غاليه.
كريمة: مفيش حاجه تغلى عليك.
سامر: دي بتلاتين ألف جنيه.
كريمة: وإيه يعني، هبيعلك غويشه واديك حقها.
سامر: بس لو عاصم عرف هيزعل منينا، وحتى البت قمر برضه هتقعد تقوللي عيش عيشة ناسك.
كريمة: مش هيعرفوا، ابقى دسها منهم.
(يقبل يد جدته)
سامر: ربنا يخليكي لينا يا ست الحبايب.
---
كريمة: ويخليكم ليا يا نظري.
سامر: الرخمه جايه.
كريمة: لأ أنا كده أزعل منك، ما تقولش على أختك كده، طيب دي قمر ست البنات كلهم.
قمر: ربنا يخليكي لينا يا جده.
سامر: إيه اللي لابساه ده؟ عامله زي ما يكون عندك ميت سنه!
قمر: عشان أنا محترمه.
سامر: وإيه النظاره اللي واكله نص وشك؟ عامله زي أبله نظيره!
قمر: شايفه يا جدتي كلامه؟
كريمة: بيضحك معاكي.
سامر: لأ يا جده أنا بتكلم جد، طيب شوفي الفستان اللي لابساه ده من سنة جوم واجعد!
قمر: خليك في حالك.
كريمة: خدي السندوتشات ويلا روحي مع أخوك عشان ما تتأخروش.
سامر: الأتوبيس زمانه مشي.
كريمة: هاديكم تركبوا بيجوه.
سامر: أنا عندي فكره حلوه.
كريمة: قول يا أبو الأفكار الحلوه.
سامر: أنا بقول يعني نشتري عربية على قدنا ونروح بيها الجامعه أنا وقمر، بدل زحمة الأتوبيس، وكمان ال بيجوه لازم نوقف نستناه لما يحمّل، ولو محملش السواق بيدفعنا فلوس الكراسي الفاضيه.
قمر: يا سلام عليك! ونجيب عربية منين؟ إنت إيه مش حاسس بظروفنا؟
سامر: خلاص خلينا نتبهدل في المواصلات.
كريمة: ما تزعلش يا سامر، أنا هجيبلكم عربية.
قمر: منين يا جده؟ برضه هتبيعي دهبك؟ ده دهبك قرب يخلص!
كريمة: لأ يا بنتي، الكردان الدهب بتاع المرحومه أمكم لسه قاعد، ويجيب كتير، ده فيه ربع كيلو دهب جبناه زمان. ف عز الرخص بعشر تلاف، الدهب كان وجتها الجرام بخمسين قرش، شوف النهارده الجرام بخمس تلاف.
سامر: بفرحه، الله! ده هيبقا غالي أوي يا حبيبتي يا كركر.
قمر: بس كده! عاصم لو عرف هيغفلجها علينا.
كريمه: سيبي عاصم عليا أنا.
سامر: خلاص، مش هنروحو الجامعه النهارده، خليها بكره، الصراحه حاسس حالي مصدع شويه.
كريمه: اسم الله عليك يا نضري.
قمر: أيوه أجلع أجلع، ما هو اللي يلاجي جلع وميتجلعش تحرم عليه عيشته.
سامر: أنا عايز أكشف يا جده.
كريمه: من عيني، تعالي نروحو الصحه نكشفو.
قمر: يا لطخ! عايز تجرجر جدتك معاك وانته ولا عيان ولا حاجه.
سامر: (يمسك مقدمة راسه) اه يا جده، الصداع جامد.
كريمه: سلامتك، شاله أنا وانته لاء؟
سامر: بعد الشر عليكي يا نور عيني.
كريمه: هخش أغير عشان نروحو الصحه، وانتي يا جمر خشي ساعدي شوج ف الطبيخ وادبحو فروجه شامورت واسلجيها علي مناجو عشان أخوكي يشرب شربتها.
قمر: حاضر يا جده.
سامر: واقفه ليه يا جمر؟ متخشي جوه.
قمر: هطلع أغير.
سامر: بجولك يا جده، هاتي الدهبات وكمان هجعدك ف مطعم وافطرك أحلي فطور شندوتشات شاورمه.
كريمه: كيف يعني؟
سامر: ديه هتعجبك جوي.
كريمه: مع جذاذه ساجع.
سامر: والله ما حد مجلعني غيرك وبيوكلني الحلو كله.
كريمه: وهو أنا ليا غيرك؟
سامر: بس الصياغ بيفتحو بعد يدان الضهر.
سامر: نكون فطرنا وحلينا وحبسنا بالساجع كمان، وكمان أجيبلك جزمه طبيه عشان تريح رجلك.
كريمه: يريح جلبك دنيا وآخره يا سامر يا واد هناء.
سامر: ويخليكي ليا يا كركوره، ده الناس لما يشوفوكي معايا هيجولو خطيبته حلوه جوي.
كريمه: بس يا سامر عيب كده، أخوك الكبير.
قمر: انته ايه! معندكش ريحه الدم؟ عاصم متعلمش عشان احنا نتعلم، وحرم نفسه من كل حاجه عشانا، وف الآخر تبجا ديه جزاته؟ أمال لو فالح زي الناس كت عملت فينا ايه يا أخي؟ اتكسف علي دمك! ده انته كل سنه بتطلع بماده أو مادتين، جبر يلم العفش!
سامر: مالك انتي! بصي لروحك الأول وبعدين اتكلمي، وانتي عامله زي المراه العجوزه! وبعدين مين اللي تؤامك أنا ولا هو؟
عاصم: خلاص يا جمر، ربنا يهديك يا سامر، مهما كان انته أخويا الصغير.
سامر: كل شويه تصدعونا "أخوك الكبير ضحي عشانك، متعلمش عشانك"، وأنا مالي! هو أنا كت جولتله يضحي؟ حاجه غريبه! أنا طالع أتخمد، ياكش أنام مجومش تاني عشان ترتاحي يا عاصم انته والست الناظره!
عاصم: بعد الشر عليك.
كريمه: كده بردك؟ عايزني أموت بحسرتي عليك؟ استني متطلعش.
(تخرج كريمه مبلغ مالي من حقيبتها)
كريمه: خد يا سامر الجرشين دول وروح روج علي نفسك واشتري الملابس اللي كت عايزها.
عاصم: أروح أشوف الأرض أحسن ما أطج وأنا واجف.
(يتركهم عاصم ويخرج)
سامر: شايفه يا جده عمايل واد ولدك؟ معايزش يشوفني مبسوط أبداً.
قمر: يا ساجع يا اللي ما عندك هبابه دم!
كريمه: جمر، خشي علي المطبخ، اعمليلي كوبايه شاي تجليه وحليها جوي، حرجتو السكر اللي ف جسمي كله.
سامر: بعد الشر عليكي يا جلبي، ايه رأيك أجيبلك جاتوه وأنا جاي؟
كريمه: آه، هاتلي منيه، حلو جوي، ربنا يحلي دنياتك.
سامر: بس الفلوس ديه جليله.
كريمه: ياسلام! من عيني، خد يكفوك دول.
سامر: بس أنا هسهر مع صحباتي وأفرجهم العربيه الجديده والتليفون، آه، بس استني أصورك الأول عشان بتوحشيني وأنا برا. الله! شوفي طالعه جمر إزاي ف الصوره، يا أبوي كانك بت أربعتاشر سنه.
كريمه: يسلم خشمك اللي بينجط عسل، اشتري ملابس براحتك واسهر براحتك، بس أهم حاجه تجيبلي الجاتوه.
سامر: من عيني يا نور عيني.
كريمه: يا أبوي علي جمالك، والله عيونك الجميله ديه هتجنن البنته عليك. بطل بكش يا واد.
سامر: لاء وحياتك مبكش، ده انتي حلوه جوي، وعاوز لما اشتري التلافون اصورك واخلي صورتك خلفيه عشان بتوحشيني وانا ف الجامعه.
كريمه: يحلي ايامك ربنا يا سامر، ياضي عيني، ياله هخش اغير وشوفلنا عربيه خصوصي عشان نروحو مشوارنا.
سامر: احلي عربيه.
(كريمه تبدل ملابسها وتفتح صندوق الذهب لتأخذ الكردان)
كريمه: الله يرحمك يا هناء، ويرحمك يا عميره يا ولدي، ويبارك ف عيالكم.
ثم تخرج كريمه: ياله بينا يا ضي عيني.
سامر بفرحه: ياله، تعالي اءنجشك كانك عروستي.
كريمه بضحك: ماشي يا عريسي.
(يخرجو ويستقلو سياره من الموقف وبعد بصف ساعه)
سامر للساءق: ايوه اوجف هنا عند المطعم، هناكلو لجمه وناجوك، خليك مستني هنا وانا هروجك.
الساءق: حاضر يا باشا.
(ليدخل سامر المطعم ومعه جدته)
النادل: اتفضلو.
سامر: عايز اربعه شاورمه لحم واتنين ساجع.
النادل: حالا يا افندم.
كريمه: شاله يخليك ليا، موكلنلي الحلو.
سامر: ويخليكي ليا يا كركورتي.
(ليأتي النادل بالطعام)
سامر: افطري باءلف هنا وشفا علي جلبك.
كريمه: ديه حلوه جوي جوي.
سامر: بلعي بالساجع بجا.
كريمه: يا واد، هتعود علي كده؟
سامر: اتعودي، وانا كل يوم افسحك واوكلك الحلو كله.
(بعد أن انتهو من الطعام)
سامر: شيل الحاجات ديه وهاتلنا اتنين جاتوه واتنين عصير مانجه.
النادل: ثواني يا افندم.
كريمه: وايه ده كمان؟
سامر: حلويات اجنبي يا جده.
(بعد أن انتهو من طعامهم)
سامر: ايه رءيك؟
كريمه: وكل زي الشهد.
سامر: ياله بجا، زمان الصياغ فتحو.
(أما عاصم فكان يتحدث مع غريب)
عاصم: روح يا غريب هات الوكل من البيت ومتعوجش عشان الوكل ميبردش.
غريب: حمامه، غريب جايلك يا شوق، هملي عيوني بيكي يا فرحه جلبك يا غريب.
(ليصل غريب إلى منزل عاصم)
غريب: يا اخوانا، يا اللي هنا.
شوق: مين؟
غريب بفرحه: انا غريب.
شوق: تعالي يا غريب.
غريب: ازيك يا ست البنات؟
شوق: الحمدلله، خير؟ عايز حاجه؟
غريب: هاه.
شوق: هاه ايه؟ عاوز ايه؟
غريب: الوكل، عايز الوكل.
شوق: خليك عندك هجيبلك الوكل وجايه.
غريب: امال جدتي كريمه فين؟
شوق: خرجت مع سامر، راحو للدكتور.
غريب: خير؟ ف ايه؟
شوق: معرفش، خد الوكل اهو واتكل علي الله.
غريب: طاب عايز بج مايه، عشطان.
شوق: الزير عندك، اشرب منيه ومتعطلنيش.
غريب: وهو انا معطلك؟
شوق: اه، عاوزه ارج البيت.
غريب: اروج معاكي؟
شوق: كتر خيرك، ده شغل الحريم.
غريب: ايه، بجيت حرمه وانا معرفش؟
شوق: عشان خاطرك ابجا اي حاجه.
شوق: خد الوكل وامشي بدل ما اجول لعاصم.
غريب: اديني ماشي اهو، سلام يا ست البنات.
(شوق تتمتم)
شوق: ماله ده؟
قمر: ايه ده؟ انتي بتكلمي نفسك؟
شوق: ده غريب جاه خد الوكل.
قمر: اه، غريب ده واجع لشوشته فيكي.
شوق: بلاش الكلام الماسخ ده.
قمر: انتي اختي يا شوج، ومش عايزاكي تعلجي نفسك بسامر اخوي، ده لعبي ومش هينفعك، وانتي مش ف باله.
شوق: جمر، هتزعليني منك ليه؟ تعالي نروجو البيت، بس عارفه جلبي واكلني علي سامر جوي، ربنا يطمني عليه.
قمر: سامر مش عيان، ده بيمثل، ده اخوي وتؤامي، وانا عارفاه.
غريب: الوكل يا عاصم، وسخن واللحمه بتشكشك.
عاصم: ياله يا عم عوض.
(ليجلسوا ليتناولوا الغداء)
وبعد أن انتهوا من الغداء —
غريب: الصح الجده كريمه راحت للدكتور هيا والاستاذ سامر اخوك.
عاصم: جبر يلمك، ومجولتش من الاول ليه؟
غريب: عشان ناكلو الاول.
عاصم: طاب، معرفتش جدتي مالها؟
غريب: له، عوض اتصل بسامر يا عاصم واطمن عليهم، ده بهيمه لا يعرف يجيب خبر ولا يودي خبر.
(ليتصل عاصم بسامر، لكن سامر بيكنسل عليه)
عاصم: يا واد رن عليه مره اخري.
(ليغلق سامر هاتفه)
عاصم: انا كده جلجت، انا هروح اشوف شوج، تكون تعرف حاجه.
عوض: ابجا طمني يا عاصم.
عاصم: حاضر.
(أما سامر وجدته فباعو الكردان بمبلغ نصف مليون)
سامر: كده هجيب الايفون، أغلي ايفون، وهجيب عربية غاليه جوي تليق بيا.
كريمه: تتهني بيهم يا ضي عيني.
(أما عاصم فكان قد وصل إلى المنزل)
عاصم: شوج، يا شوج.
قمر: عاصم، جمر، انتي مروحتيش الجامعه، وجدتك مالها؟ ولما هيا عيانه مكلمتونيش ليه؟
قمر: اصبر بس، خد نفسك، جدتي زي الفل، ده سامر جالها أنه مصدع وراحو الصحه يكشفو.
عاصم: انا برن عليه بيجفل علي، وبعدين تلافونه اتجفل، هما بجالهم جد ايه خارجين؟
قمر: حولي تلت ساعات، اصبر شويه، لو مجوش نبجو نروحو الصحه نساءلو عليهم.
عاصم: هات العواجب سليمه يارب، هخش اسبح واغير وبعدين هشوف هعمل ايه.
(ليدخل قاسم دوره المياه ليتحمم، لتسمع قمر صوت كلاكسات سياره)
قمر: ايه ده؟ مين اللي عما يزمر كده؟
(ليدخل عليها سامر ومعه جدته)
قمر: عملتو ايه عند الدكتور؟
سامر بضحك: اشتريت أغلي ايفون ف السوج، وكمان عربية كبيره وغاليه.
(وهنا يخرج عليهم عاصم)
عاصم: خير يا اخوي، مالك؟
سامر: انا زي الفل، باركلي يا اخوي، اشتريت ايفون وعربيه.
عاصم: انته سخن يا سامر؟
سامر بضحك: جولتلك انا زي الفل، بتبشر عليا بالتعب ليه؟
كريمه: ايوه، اخوك بيتكلم صح، اشترينا تلافون اللي عليه تفاحه مجطومه، وعربيه عشان يروحو بيها الجامعه بدل بهدله المواصلات.
عاصم: هو ده وجت هزار يا جده؟
كريمه: له، والله انا بتكلم جد.
عاصم: وجيبتو الفلوسات منين؟
كريمه: ما انا اصلي بعت الكردان بتاع المرحومه امك.
عاصم بصدمه: ايه! يعني الكردان اللي شايلينه لجهاز البنات عشان سي سامر افندي؟ ليه كده يا جده؟ طاب كتي شاوريني حتي ولا خلاص مبجاليش عازه عنديكي.
سامر: ايه، جدتي وبتحبني، مضايج ليه انته يا اخي؟ افرح لخواتك، ولا عشان متعلمتش وانا ف الجامعه وانته جاهل؟
عاصم: كتر خيرك يا واد امي وابوي.
سامر: انا نفسي اللي اتجوزها تكون زيك ف كل حاجه اه لو الاجي واحده زيك يا كركر ده انا كت اخطبها واتجوزها علي طول
كريمه: طاب ايه رءيك ف شوج
سامر: شوج طاب هو في حد زيها ديه اجمل واحده ف الدنيا
وكانت شوق تستمع إليهم لتفرح ويرقص قلبها
كريمه: يعني ممكن تتجوزها سامر
سامر: وهو انا أطول اؤمري انتي بس بس بعد اذنك اخد الشهاده الاول
كريمه: يعني موافج
سامر بخبث: وهو يري خيال شوق
سامر: ده انا يبجا سعدني زماني
كريمه: خلاص كلها سنه وتتخرج بعدها اعجدلك عليها علي طول
سامر: اكيد طبعا
ليخرج سامر من المنزل
سامر: هههههه عبيطه البت شوج ديه فاكراني مش شايفها ولا جدتي كمان اللي عوزاني اتجوز البت العبيطه ديه بس كان لازم اخدها علي جد عجلها عشان تعملي كل اللي انا عاوزه وكمان شوج بتداري عليا لما اتاءخر وساعات بتفكلي زنجه بس احسن حاجه اني كت متعلم السواجه اروح اشتري كام طجم حلوين كده علي كام كوتش هروش نفسي علي الاخر
سامر: وبكره لما اروح الجامعه هجهرك يا معتز الكلب واعرفك مين هو سامر أن مخليت البنات كلهم يترمو تحت رجلي وفي فكره تانيه هرتبها ف مخي عشان اجيبله جلطه
أما عاصم فكان يجلس ف الأرض التي يمتلكونها
عاصم: سبحان الله انا مبرتاحش غير هنا وسط الزرع
عوض: العم عوض مطمنتيش علي الجماعه كده بردك سايبني جلجان عليهم
عاصم بتنهيده كبيره: كويسين الحمدلله
عوض: ايه التنهيده ديه كلها هتحرج الزرع يا ولدي
عاصم: تصدج يا عم عوض أن سامر اخوي بيعايرني عشان متعلمتش وبيجوللي يا جاهل وكمان جاللي اني غيران منه
عوض: ياراجل تلاجيه بيضحك معاك
عاصم: له كلامه مكانش ضحك ولا هزار ده كان بيتكلم بجد
عوض: ليه يعني ده بدل ميحمد ربنا انك علمته وكبرته وبديته علي نفسك ده انته كت بتجوش اللجمه من خشمك وتديهاله يا عيني عليك كت بتلبس جلابيه واحده شتا صيف عشان هو يلبس ويتعلم ولا سهرك بالليالي وشغلك ف أرضكم وأراضي الناس عمرك ما كليت اخص عليك يا سامر هو ده رد الجميل
عاصم: له يا عمي ده مش جميل ده واجب علي عوض؛ هتعيش طول عمرك كده تضحي عشان غيرك
عاصم: غيري دول خواتي ربنا يهديك يا سامر يا اخوي
عوض: طاب هو جالك كده ليه عشان يعني مروحتش معاه للدكتور
عاصم: دكتور ايه بس حدش عيان ده سامر خد جدته وراحو باعو كردان المرحومه امي اللي كنا شايلينه لجهاز البنات واشتري تلافون غالي جوي وعربية غاليه كمان
عاصم: ولما بعاتب جدتي جعد سامر يزعج ويجوللي اني غيران منه
عوض: له كده الست كريمه غلطانه
عاصم: اللي حصل بجا
عوض: ربنا يهدي النفوس
عاصم: يارب انا هبيت هنا ف الخص معايزش اروح
عوض: يا ولدي يجلجو عليك عاصم ولا حد هيحس اني مش موجود ف البيت من أصله
عوض: خلاص هبيت معاك ونشوو دره وناكلو لما نشبعو ياله فرصة عشان انا متعرك مع مرتي يا اخوي المرأة اتجننت جال عايزه تلافون جديد وجال عليه اللي اسميه النت ده جال عشان تتفرج عليه اجولها خشي عليه من تلافونك ده تجوللي مينفعش عايزه تلافون جال باللمس جال تلمسه يشتغل
عوض: التلافونات ديه بيبجا عليها عفريت صح يا عاصم؟
عاصم: ليضحك هم يبكي وهم يضحك وخالتي سكينه هتعمل ايه بيه وايه عرفها بالنت شكلها عاوزه تعمل البرنامج اللي الناس بيكلمو بعض عليه
عوض: كيف يعني عاصم ده برنامج اسمه الفيس ناس لا تعرفهم ولا يعرفون ويتكلمو معاك
عوض: ده اللي ناجص له وبتجول التلافون ده بكام الف يا بت المركوب ده احنا عايشين بالعافيه
عاصم: معلش عشان مخلفتوش يعني هيا عاوزه حاجه تسليها
عوض: ما عنديها تلافزون
عاصم: ده انا خايف جدتي هيا كمان تجول عاوزه تلافون باللمس
عوض: ليضحك ده شكلها شوطه وجاتنا ياولدي جوم جوم نصلو العصر ف الجامع
عاصم: حاضر بس انته هتبيت معايا عشان خايف تروح تعالي اروحك انا
عوض: كده برده وانا اللي بجول نسلو بعضينا#سلوي_عوض
#حياة_ال_عاصم
بارت 3
ونترك الصعيد ونذهب الي القاهره في فيلا عامر بمنطقة التجمع الخامس
نجد عامر يجلس مع نهله اخت زوجته في غرفه في اخر الفيلا هذه الغرفة مغلقه دائما ولا يدخلها اخد غير عامر ونهله
عامر: بقولك ايه يا نهله ابقي اطلعي شوفي اختك
نهله: انا عارفه مش عايزه تموت ليه بقالها عشر سنين عيانه ومبتتحركش وبرده عايشه
عامر: نهله اخر مره اسمعك تقوللي عليها كده
نهله: يا سلام ولما انت بتحبها بتتجوزني عرفي ليه واللي كنا بتعمله ده اسميه ايه
عامر: عشان انتي غبيه لاءن الجمع بين أختين جريمه يعاقب عليها القانون يعني لو حد عرف اننا متجوزين هنروح ف داهيه
نهله: خلاص نخلص عليها ونتجوز شرعي
عامر: وبعدين معاكي يا نهله؟
نهله: نهال ام بنتي الوحيده وانتي عارفه ان حياة متعلقه باءمها اوي ولو جرالها حاجه ممكن حياه يحصلها حاجه، وبعدين انتي ناقصك ايه؟ عايشه انتي وابنك احسن عيشه ومخليكي ست البيت كله واومرك ماشيه علي الكل
نهله (تقترب من عامر بدلال): اصل انا بغير عليك يا روميو
عامر: قولت كام مره متدلعنيش احسن تغلطي قدام حياه وتدلعيني
نهله: طاب انا عايزه اغير عربيتي
عامر: روحي بكره الاجنص واختاري العربية اللي تعجبك
نهله: وكمان طلب تاني
عامر: ايه؟
نهله: عاوزه عز ابني وحياه يتجوزو
عامر: مش وقته الكلام ده لما حياه تخلص دراسه
نهله: طاب حتي يتخطبو
عامر: اه عايزه تضمني ان كل حاجه تبقي بتاعتك انتي وابنك؟
نهله: حاضر ياستي يومين كده وأبقا اتكلم مع حياه بس تخلص بطوله التنس، ما انتي عارفه ان حياة بنتي بطله مصر ف التنس تلت سنين ورا بعض
نهله: اه ما انت مدلعها اوي وسايبها براحتها انا عارفه انت صعيدي ازاي
عامر (بغضب): اسمعي الدنيا كلها كوم وحياه بنتي كوم تاني فاهمه ولا لاء احنا بنقعد مع بعض وبنتبسط وبعملك كل اللي انتي عايزاه ولا عايزاني ازعل منك؟
نهله: لاء كله الا زعلك خلاص بقا متزعلش مني
عامر: خلاص نكدتي عليا انا هخرج من الباب اللي بيفتح علي الجراج وانتي بعد شويه ابقي اطلعي ورايا بس من الباب ده اللي بيطلع علي الهول اوعي تغلطي فاهمه
نهله: طاب متقعد معايا شويه ده انت واحشني
عامر: لاء ولو حبيبتي سيرة حياه تاني هطردك انتي وابنك من الفيلا
نهله: أخص عليك تطرد نهوله حبيبتك ما انت عارف اني انا روحي ف حياه عامر ايوه كده اتعدلي
نهله: يعني مش هتقعد معايا
عامر: قولت لاء
نهله: خلاص اللي يريحك
عامر: ابقي لمي ابنك مش كل يوم هلم وراه
نهله: ده بيتدلع عليك
عامر: بس دلعه زاد اوي انا هخرج من هنا واطلع اتطمن علي نهال وابقي حصليني علي فوق
ليخرج عامر ويتركها لتشعل سيجارتها وتتصل علي ابنها عز
عز: انته فين يا زفت
عز: انا بتفسح مع صحابي
نهله: الله يخربيتك هو ده اللي انا قولتهولك
نهله: عز ايه مش عاوزاني اتبسط ليه
نهله: مش قولتلك مليون مره خليك لازق لحياة زي ضلها ووقعها ف غرامك الخير ده كله هيضيع مننا
عز: يضيع ازاي وانتي متجوزه الراجل الكبير
نهله: بس انت بتقول ايه ده لو حد عرف هنروح ف داهيه اخلص تعالي عشان نتعشا مع بعض وخليك لطيف مع حياه يا كده يا ما فيش فلوس تاني
عز: ليه كده ده وز حبيبك
نهله: خلاص اسمع كلامي عز خلاص انا هتتيل واجي حياه وزفت ديه بت متكبره ورخمه
نهله: بس هتورث كل حاجه اتلحلح بقا ووقعها فيك وأبقا احضر معاها تدريبات التنس وشجعها واعمل نفسك مبهور بيها وابقا اطلع اقعد مع خالتك عشان هيا الطريق لحياه
عز: طيب يا ستي بس هغير العربية
نهله: اصبر شويه عشان انا هغير عربيتي بكره وانته بعدي بكام يوم
عز: ايوه لاعبه معاكي يا نهوله الراجل راضي عليكي
نهله: بطل قر يخربيتك ده لسه متخانق معايا
عز: ليه يعني نهله عشان بكلمه علي الكونتيسه حياه وكمان قاللي خلي ابنك يتلم مش كل شويه هفضل الم ف مصايبه
عز: ده ماله ده ايه يعني مش عايزني اعيش حياتي
نهله: متعيش براحتك بس من غير مشاكل وبلاش سهر وشرب
عز: ماشي ماشي سلام بقا
نهله: سلام يا فالح
لتغلق نهله الهاتف مع عز لتقول وبعدين ف الولد هيلخبطلي كل حاجه
نهله: بس انا مش هسمح لأي حد مهما كان إنه يبوظلي خطتي.
أما عامر فكان يجلس بجانب سرير نهال.
عامر: إيه يا حبيبتي، عامله إيه؟
لتهز نهال رأسها.
عامر: خدتي علاجك؟
وهنا تدخل عليهم حياه.
حياه: عامله إيه يا مامي؟
عامر: وإيه، مافيش بوسه لبابي؟
حياه: أحلى بوسه لبابي.
لتجلس حياه بجانب والدتها.
حياه: مامي حبيبتي، بعد يومين البطولة العربية للتنس، وبنوتك هيّا اللي هتفوز بالبطولة، مبسوطه يا مامي؟
لتبتسم نهال.
حياه: هيّا خالتو فين؟
عامر: مش عارف.
حياه: عايزه أعرف، ادّت العلاج لمامي ولا لسه؟ مش كان أحسن نجيب ممرضة عشان تاخد بالها من مامي؟
عامر: هشوف أنا الموضوع ده مع الدكتور.
لتدخل عليهم نهله.
نهله: أنا سامعه إنكم بتقولوا ممرضة؟ بعد إذنك يا عامر، مافيش حد هيخدم أختي غيري. أمال أنا سايبه بيتي وقاعده هنا ليه؟ مش عشانها؟
حياه: عشان مواعيد العلاج بس يا خالتو.
نهله: أختي أخدت علاجها، واتغدت، وغيرتلها كمان.
حياه: ميرسي أوي يا أنطي.
نهله: ميرسي على إيه يا نهال أختي؟ وإحنا ملناش غير بعض.
حياه: نفسي مامي ترجع زي الأول، تخف وتقعد معانا على السفره ونسهر ونسافر.
نهله: يلا بقى نسيب مامي لوحدها عشان ترتاح.
عامر: خليهم يجهزوا الغدا.
نهله: حاضر. يلا يا توتي، أنا عملتلك الإسكالوب اللي انتي بتحبيه وغرقان في صوص البوافر.
حياه: ميرسي يا أنطي، ربنا يخليكي ليا، دايمًا بتعمليلي كل حاجة بحبها.
نهله: توتي قلبي
نهال: آه يا بنتي لو تعرفي إن كل اللي جرالي بسبب أبوكي وأختي الوحيدة.
كانت نهال ست حنونة جدًا وكانت بتعطف على أختها، لإن جوز أختها كان فقير جدًا، وكانت نهله دايمًا بتشتكي من ضيق الحال.
وفي يوم من الأيام كانت نهال قاعدة مع حياه بنتها، لتدخل عليهم نهله بوش غاضب.
نهال: مالك يا نهله؟ فيكي إيه؟
نهله: أنا قرفت من العيشة ديه، البيت مافهوش أكل، والبيه جوزي اترفد من الشغل، عشان نعمل إيه؟
أنا خلاص هطلق منه، ده لولا إنك بتساعديني كنت أنا وابني موتنا من الجوع.
شايفة لبسي؟ فستاني مقطوع، شوفي القطع ده! أنا استلفت تمن التاكسي، شوفيلي حل معاه.
نهال: طلاق إيه بس؟ أنا هديكي كل اللي تحتاجيه، وكمان هخلي عامر يشغل جوزك معاه في الشركة، وهعملك مرتب شهري ليكي وإبنِك عز.
استني، أنا هطلع أجيبلك مبلغ محترم، بس بلاش كلمة طلاق ديه.
اقعدي واهدي.
نهله: طيب، بس أنا مكسوفة منك أوي، كل شوية أجي أخد منك فلوس.
نهال: انتي أختي الصغيرة وماليش في الدنيا غيرك، استهدي بالله.
لتتركها نهال وتصعد لتحضر لها مبلغ من المال، أما نهله فكانت قاعدة بتحقد على أختها.
نهله: أشمعنى هي عندها كل حاجة وأنا اللي مش لاقية؟
لتسمع صوت عامر من المكتب، كان بيتكلم في التليفون، لتدخل نهله عليه، فيقفل عامر الخط.
عامر: إيه ده؟ عندنا منوّرة يا نهله!
نهله: ده نورك انت.
عامر: عاملة إيه؟ وأخبار جوزك وإبنك؟
نهله: كويسين.
عامر: بس إيه الجمال ده؟ اللي يشوفك يقول لسه بنوته صغيرة.
نهله: دي معاكسه ولا إيه؟
عامر: آه، بصراحة أنا مستخسرك في جوزك، انتي تستاهلي أحسن راجل وأحسن عيشة.
نهله: حظي بقى، أعمل إيه؟
عامر: نغير الحظ ده.
نهله: قصدك إيه؟
عامر: قصدي اللي انتي عارفاه، ده أنا هعيّشك أحسن عيشة وهخليكي هانم.
نهله: طيب وجوزي؟
عامر: عادي، هنبقى مع بعض وانتي متجوزة.
نهله: ونهال؟
عامر: مالها نهال؟ مش هتحس بحاجة.
نهله: أوكي.
عامر: اتفقنا، تعالي بقى نِمضي الاتفاق.
ليقترب عامر من نهله ليقبلها، أما نهال فكانت قد أحضرت المال ونزلت.
نهال: الله، هي نهله فين؟ معقولة تكون مشيت؟ أشوفها عند عامر يمكن دخلت تسلم عليه.
لتقترب نهال من المكتب، فترى خيال جوزها وأختها محتضنين بعض.
لتفتح الباب عليهم دون ما يحسّوا بيها، وتلاقيهم في وضع يخليها تقع مغشياً عليها، وتصاب بجلطة رباعية في الحال.#سلوي_عوض
#حياة_ال_عاصم
بارت 4
عامر: نهال! نهال!
نهله: يا نهال!
(يخرج عامر ونهله على صوت ارتطام ليلاقوا نهال مغمي عليها)
عامر: روحي يا نهله ندهِي حد من الخدم عشان ننقلها على جناحها.
نهله: أنا خايفه لا تكون شافتنا.
عامر: مش وقته، روحي بس.
نهله: طيب.
(تروح نهله وتجيب واحد من الخدم عشان ينقلوا نهال على جناحها، ويتصل عامر بالدكتور)
الطبيب: للأسف جلطه رباعيه، ولازم تتنقل المستشفى فورًا.
عامر: اتصلوا بالإسعاف بسرعة.
(تجي الإسعاف وتاخد نهال، وبعد ما وصلوا المستشفى وأجروا الفحوصات)
الطبيب: للأسف يا عامر باشا، دي حاله جلطه رباعيه.
عامر: والحل؟
الطبيب: هنكتب على مجموعه حقن تعمل سيوله في الدم، بتتاخد تحت الجلد، ومعاها أدويه.
عامر: ينفع ننقلها البيت؟
نهله: آه ننقلها، وأنا هكون تحت رجلها.
الطبيب: مفيش مشكله بس أهم حاجه مواعيد الأدويه والحقن.
نهله: حضرتك اكتبلي المواعيد وأنا هنفذ تعليماتك.
الطبيب: تمام، وأهم حاجه العامل النفسي لأنه بيساعد في الشفا.
عامر: تمام.
(ينقلوا نهال جناحها)
حياه: مامي حبيبتي، مالها يا بابي؟
عامر: مامي تعبانه شويه.
حياه: مامي حبيبتي يا مامي!
نهله: متخافيش يا قلبي، مامي هتخف وتبقى بخير، بس الدكتور قال أهم حاجه الراحه النفسيه، وأنا هقعد معاها وأخد بالي منها. تعالي معايا نسيبها ترتاح.
حياه: لا، أنا هقعد معاها.
عامر: تعالي معايا يا نهله.
نهله: حاضر.
(يسيبوا حياه مع والدتها ويدخلوا المكتب)
نهله: اهي جاتلنا الفرصه يا عامر.
عامر: انتي هتجيبي ابنك وتقعدي معانا على طول، وأنا هشغل جوزك في الحسابات.
نهله: أنا عايزه أخلص منه.
عامر: هنخلص منه، بس اصبري.
نهله: بحبك انت.
عامر: أوعي حياه تاخد بالها من أي حاجه بينا.
نهله: لا طبعًا، ده سر ما بينا.
(تعود نهال للحاضر)
نهال: عمري ما كنت أتخيل إن أختي تعمل فيا كده، أنا خايفه قوي على حياه.
(أما حياه فكانت قاعدة على السفره مع أبوها وخالتها، ويدخل عليهم عز)
عز: أخباركم إيه؟
نهله: تمام إحنا تمام.
عز: حياه بطلة العالم في التنس وأجمل بنوته في الدنيا.
حياه: ميرسي يا عز.
عز: دي حقيقة.
نهله: اقعد اتغدى معانا.
عز: بعد الغدا هاخد حياه ونروح الديسكو.
حياه: أوكيه، بس هنروح بعربيتي.
عز: موافق.
عامر: بس متتأخروش.
حياه: هنرجع قبل الفجر.
نهله: خليهم براحتهم يعيشوا سنهم.
عامر: خلاص، بس على مهلك وإنتي سايقه.
حياه: أوك.
(أما في الصعيد، فكان سامر اشترى كل اللي محتاجه)
سامر: الله عليك يا واد يا أبو سمره، دي هتبقى جان الجامعه كلها. حبيبتي يا جدتي، أشتريلها الجاتوه وأروح.
(يبص على ساعته)
سامر: إيه ده؟ الساعه بقت تسعه! الوقت عدى بسرعه أوي.
سامر: آه وبالمرة أجيب حاجه حلوه للبت شوق المغرمه بيا. بت عبيطه أوي، فاكره إني ممكن أبصلها! سامر عاصم يتجوز عيله جاهله كل اللي تعرفه ف الدنيا باميه وملوخيه، وأقصى طموحها إنها تعمل صنيه كيكه! بس ياله، اهي بتداري عليا، وكمان ساعات بتديني فلوس.
(في الساعه ١١ يوصل سامر البيت، يلاقي شوق مستنياه)
شوق: حمدالله على السلامه.
سامر: الله يسلمك، بس أنا مكتش مسافر.
شوق: حضرتلك العشا، عاملين ويكا ولحم، وأنا حوشتلك مناب كبير.
سامر: جدعه، خشي سخني. أمال فين جدتي؟
شوق: قاعده ف أوضتها كانت بتصلي.
سامر: والبومه قمر شوج جمر؟
شوق: نامت من بدري.
سامر: وسي عاصم فين؟
شوق: اتصل وقال هيبيت ف الأرض.
سامر: طيب خدي، جيبتلك الحلويات دي مخصوص عشانك.
شوق: يخليك ليا.
سامر: حضّري العشا على ما أشوف جدتك.
شوق: من عيني.
سامر: الحلويات دي تاكليها لوحدك، متديش حد منها حاجه.
شوق: حاضر، هدسها ف أوضتي.
سامر: شاطره.
(يدخل سامر أوضه جدته)
سامر: كركوره الأموره، أبو سمره وصل.
كريمه: كده بردك يا واد عوجت جوي؟
سامر: مش، على ما اشتريت الحاجه، غمضي عيونك.
كريمه: أديّني غمضت.
سامر: خلاص، افتحي.
كريمه: وبعدين معاك يا واد!
سامر: ده الجاتوه بتاعك، وكمان جزمه طبيه عشان رجلك متوجعكيش، وجيبتلك حاجه على جدي كده — تليفون باللمس عشان أنزلك عليه الواتس ونتكلم فيديو أنا وانتي يا نور عيوني.
كريمه: يا حبيبي، بس ده غالي جوي.
سامر: الدنيا كلها متغلاش عليكي. ياله نتعشى وبعدين أشرحلك كل حاجه في التليفون الجديد، وكمان عشان تكلمي حبيبتك حياه بنت عمي.
كريمه: تعرف، مع إن قلبي غضبان على عامر، بس حياه بنتُه حاجه تانيه، نفسي تيجي وأشوفها.
سامر: ما أنا هخليكي تشوفيها.
كريمه: بجد؟
سامر: آه، هنتكلم معاها فيديو وتشوفيها براحتك.
كريمه: يارب ما أتحرمش منك يا سامر يا ضي عيني. والله نفسي كمان أطمن على نهال أم حياه، مسكينه ليها سنين راجده مبتتحركش. من لله عامر، ماهاينش عليه يسفرها بره تتعالج. وبجولك، صح يا سامر، عاوزاك تراضي خيك عاصم، بيحبك.
سامر: يا سلام بيحبني! وكل شويه يعايرني "ضحيت عشانكم وعملت وسويت".
كريمه: عشان خاطري يا سامر.
سامر: عشان خاطرك أموت نفسي.
كريمه: بعد الشر عليك! أوعى تقول كده تاني، والله أحاربك.
سامر: خلاص، مش هقول كده تاني.
كريمه: جيبت الملابس اللي كنت عاوزها؟
سامر: ده أنا جيبت لبس كتير أوي، وجيبت كل اللي أنا عاوزه وزياده كمان.
كريمه: وبجولك صح صاحب المحل اللي اشتريت منيه الملابس وانا بجيس الطجم صورني وجاللي انته تنفع موديل للاءعلانات وانا هنزل صورتك بعد اذنك علي التيك توك دعايه للمحل وانته كده هتتشهر وممكن كمان تمثل ف السيما.
كريمه: ايه التوك توك ديه اللي بنركبوه لما بنروحو مشاوير؟
سامر: ليضحك سامر لا يا جلبي ده برنامج علي النت وبيجيب فلوس كتيره جوي.
كريمه: يعني هتطلع ف التلافزون زي محمد رمضان؟
سامر: وهبقا أشهر منه كمان بس انتي ادعيلي ومتعرفيش حد بالموضوع ده.
كريمه: له داري علي شمعتك تجيد وانا اخاف عليك من عيون الناس وانته اشجر وجميل كده.
سامر: حبيبتي يا كركوره ياله بجا عشان نتعشو.
كريمه: له كل انته انا كلت.
سامر: خلاص مواكلش.
كريمه: خلاص ها اكل معاك بس بعد كده تصالح عاصم.
سامر: لما ارجع من الجامعه عشان هنتعشو ونكلمو حياه فيديو.
كريمه: بفرحه كده يبجا تمام جوي.
سامر: ليخرج سامر مع جدته اهي شوج حضرت الوكل ياله نتعشو بجا.
شوق: باءلف هنا وشفا علي جلوبكم اروح اعملكم الشاي.
كريمه: وه ماشاءالله نايب سامر من اللحم كتير.
شوق: اصل انا لجيت نفسي شبعانه فخليتله نايبي ياكله بالهنا.
كريمه: لتضحك كريمه أحبه واوكله وكلي.
شوق: بكسوف اروح اعمل الشاي.
الراوي: لتدخل شوق المطبخ لتخرج طبق من التلاجه لتاءكل جبن وعيش.
شوق: مادام سامر بياكل انا بشبع اعلج علي الشاي.
الراوي: وبعد نصف ساعه تخرج عليهم شوق بالشاي.
سامر: هناخده ف الاوضه عند جدتي عشان عاوزها ف موضوع.
الراوي: لتفرح كريمه ويخيل لها أن سامر سيطلب يدها من جدتها.
الراوي: ليدخل سامر مع جدته غرفتها.
سامر: هاتي بقا تلافونك عشان احطه ف التلافون الجديد وانزلك الواتس والفيس ونكلمو حياه.
كريمه: وايه ده كمان؟
سامر: برنامج علي التلافون يخليكي تكلمي الناس فيديو.
كريمه: زي التوك توك كده؟
سامر: شاطره وبعد وقت قليل.
سامر: انا نزلتلك كل حاجه اهو وكده هنتصل علي حياه.
الراوي: ليتصل سامر علي حياه ماسنجر.
حياه: ايه ايميل باءسم كريمه عاصم جدتي معقوله وفيديو كمان لتفتح.
حياه: ايه ده تيته حبيبتي وحشتيني.
كريمه: وانتي كمان يا جلب جدتك.
حياه: بس ايه فيس بوك كريمه ده؟
كريمه: سامر واد عمك شاله يخليه عملهولي.
حياه: حلو اوي عشان نكلم بعض علي طول بس اوعي الشباب يعاكسوكي.
كريمه: لتضحك كريمه بس يا بت.
كريمه: حياه مش ناويه ترضي عن بابا بقا؟
كريمه: لو جيبتي السيره ديه مش هكلمك تاني الا جوليلي امك عامله ايه.
حياه: زي ما هيا والله يا تيته ادعليها.
سامر: ايه مافيش ازيك يا ابن عمي؟
حياه: سوري ما اخدتش باللي اخبارك ايه؟
سامر: الحمدلله والله وحشتينا.
حياه: وانتو كمان.
سامر: ايه اخبار التنس معاكي؟
حياه: بكره عندي بطوله الساعه حداشر الصبح.
سامر: خلاص هكلمك بكره فيديو عشان افتخر بيكي جدام اصحابي بس ابجي افتحي عليا.
حياه: لو كسبت البطولة هرد عليك لو خسرت يبقا وشك وحش عليا ومتتصلش.
سامر: له هتكسبي البطوله.
حياه: طاب تصبحو علي خير عشان هصحي بكره من بدري باي.
سامر: باي يا بطله.
الراوي: ليغلق سامر مع حياه.
سامر: كده انتي اتعلمتي هبعتلك طلب صداجه علي الفيس عشان نكلمو بعض فيديو.
كريمه: ياواد هتفسد اخلاجي.
سامر: عيشي حياتك يا كركر وياله بجا كلي الجاتوه تعالي اما اوكلك.
كريمه: عارف يا سامر انته أغلى واحد ف أحفادي كلهم، حنين كده وطالع جميل يا واد، ده كفاية غمازاتك ولا ضحكتك اللي بتخلي الدنيا تضحكلي.
سامر: عارفه يا جده، نفسي أتجوز واحده زيك وتكون حنينة زيك، الصراحة أنا كان نفسي أجوزك شوج، بس الصراحة مش لايقه عليك، انته باشا ومتعلم ومتنور.
كريمه: عارف أنا عاوزه أجوزك حياه، بت متعلمة ومتنورة زيك.
سامر: وأنا كمان نفسي أتجوزها، بس عشان أرجع فلوسنا من أبوها.
كريمه: له حياة ملهاش صالح بأبوها، حياه وأمها قلوبهم طيبة مش زي الجاحد عامر جلبي، وربي غضبانين عليه ليوم الدين، لا يكسب ولا يربح، بس كل ما بدعي عليه بيتجبر أكتر، ربنا ينتقم منيه.
سامر: له له بعد الشر، مهما كان بردك ولدي.
كريمه: سيبك منه دلوك، خلينا ف حياه، مش عاوزه حد يعرف اللي جولناه دلوك، خليه سر بينا.
سامر: ايه؟ استني، تليفوني بيرن.
كريمه: رد، خير اللهم اجعله خير.
سامر: اه، أهلاً بحضرتك.
صاحب المحل: مبروك يا أستاذ سامر، الفيديو بتاعك علي التيك توك جايب مشاهدات عاليه أوي، وكمان في واحد صاحبي عنده مصنع ملابس طالبك عشان تعمله إعلان، وكمان عايز أحولك مبلغ، تليفونك ده عليه محفظه؟
سامر: آه عليه.
الرجل: خلاص، حالاً هحولك أربعين ألف جنيه، وعاوزك بقا تيجي تعملي إعلانات تاني، والحاجه اللي هتستخدمها ف الإعلان ديه جيفت مني.
سامر: تمام، اتفقنا، عاوزني امتى؟
الرجل: من بكره الصبح لو تحب.
سامر: تمام، أنا عندي جامعه، والساعه تلاته هكون عندك.
الرجل: تمام كده.
ليغلق سامر مع الرجل.
سامر: يا بركه دعاكي يا كركر.
كريمه: خير، فرحني.
سامر: صاحب المحل اللي اشتريت منيه الملابس هو اللي كان بيكلمني، فرحني وقاللي الإعلان بتاعي ضرب ف العالي، وكمان هيبعتلي أربعين ألف على محفظة التليفون بتاعي، وكمان هعمل إعلانات لصاحب مصنع وهيديني كل الملابس هدية.
ليقُبل يدها: ربنا يخليكي ليا، وعشان كده هجيبلك هدية حلوه.
كريمه: أنا عاوزه شرمه.
ليضحك سامر: قصدِك شاورما، هجيبلك، وكمان هجيبلك عبايتين حلوين عشان بعد كده تحضري معايا التصوير.
كريمه: صح، هتاخدني معاك؟
سامر: آه أمال إيه، ده انتي تميمة الحظ بتاعتي.
كريمه: يعني إيه؟
سامر: يعني انتي حظي الحلو من الدنيا.
كريمه: يعني مش هتصتلح مع خيك؟
سامر: أخلص اللي ورايا واصالحه، حاضر. بس أهم حاجه بكره على الساعه اتنين تكوني جاهزه عشان أفوت عليكي نروح سوا، ومتعرفيش حد كإننا رايحين أي مشوار.
كريمه: وبالمره نبجو نجيبو حاجه لشوج بت عمتك.
سامر: حاضر، بس كده من عيني.
كريمه: طيب وجمر خيتك؟
سامر: هبقا أديها فلوس تجيب اللي هي عاوزاه، هطلع أنا عشان أنام، تصبحي على خير.
كريمه: وانته من أهل الخير يا ضي عيني.
———
عاصم: جالس على الأرض بجانب العم عوض
عوض: مالك يا ولدي، سرحان في إيه؟
عاصم: في الدنيا، وفي سامر أخويا اللي مساءلش فيّا كأنه مصدق الساعه جربت عليه بعد نص الليل وهو متصلش يطمن عليا بالتليفون.
عوض: خليها عليك، انته الكبير.
عاصم: وهو الكبير ده مش من حقه يحس إن خواته خايفين عليه؟ ولا اتكتب عليا أتعب وأشقى، ولو اتكلمت أتعير بجهلي ويتقاللي محدش طلب منك حاجه؟
عوض: بجولك إيه بجا، أنا بطني اتنفخت من وكْل الدُرّه وكمان انته سهرتني، أنا هنام.
عاصم: ناس ما انته خالي البال.
عاصم: ومش عارف يعني، تعيش طول عمرك تدي ومش مستني مُجابل غير إنك تشوف خواتك في أحسن حال، لكن تلاقي إن كل اللي عملته وجع على الأرض.
عارف يا عم عوض، لو كان سامر أخويا اتصل واطمن عليّا كنت نسيت كل حاجه، لكن ده كان مصدّج.
ياله، ربنا يهديه.
لينظر عاصم إلى العم عوض ليجده قد راح في النوم
عاصم: بجا أنا بكلمك تروح مني ف النوم؟
ليسمع صوت شخيره
عاصم: هو ده اللي كان ناقصني! أنا عرفت دلوقتي ليه الخاله سكينه دايمًا بتتعارك معاك، يخرب بيتك ده انت مركّب زمّاره في زورك!