طفلتي اليتيمه - *بارت46* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت46* *ليلة_من_فبراير* ❤️ نهاوند ـ قافلة بابي وحاضنة خواتي للصبح مكدرت انام مكابلتهن وكاعدة كل شوي اتخيل راح يجون علينة يسوون شي بينة من طلع النهار شوي أمنت ردت اضل كاعدة خاف خواتي يطلعن ويسوون بيهن شي بس كلش تعبت وبعد مبية اتحرك عيوني طبككت تماما يمكن غفيت ثواني او دقايق ما ادري بس كعدت علئ هووسة وعيطة وصراخ اليبــو بصوت عالي شفت خواتي مو يمي بس الحان نايمة وكعدت فازة وياية تخبلت وين نغم وصبا كمت اركض فتحت الباب لكيت وسام متمدد بالطرمة وامة مكابلته وتملخ بروحهه.. تبندت بمكاني ورجلية تخشبت الحان ختلت ورايه خايفة من المنضر الشافتة والصياح .. بدون وعي لطمت علئ وجهي عزززة هذا شبي امدد بالكاع طالع الدم من خشمة وحلكة وحتئ عينة طالع منهه دم ايدة سودة وردانه مشككات وويمة خشبة طويلة مشمورة بالكاع شنو صاير عزة بعيني وين خواتي اباوع لكميلة ودعاء كاعدات يم منال ويبجن وامه فاقدة تعيط وتصرخ وتلطم اريد اسألهن لساني نعكد من الخوف نزلت تركض ام محمد من فوك كلبي وكع علئ خواتي وين راحن راسا صرخت ووووين خوااتي صباااااا وووولج نغممممم وووينجن منال ـ لج ساااااقطةة كلبج علئ خوااااتج ولــــــج وليدي راااااح بسببكم يامجرمااات الله لا يوووفقج انتي ويااااهــــن ووولجن مااات ولديييدي بسببجننن وااالله اااليووووم ااقتلجننن ومحد يفكجن مـــن ااايديي ـ مفتمهت شلون مات وسام بسببنة بس من صحت علئ خواتي طلعن يركضن صبا ونغم جانن خاتلات ورة الغرفة مالتنة ويبجن مبين خايفات.. لزمت الحان وركضت عليهن هجمت علينة منال وضربتنة بالعودة الجانت بالكاع دافعت عن خواتي وحميتهن وبعدتهه عنهن ولو صارت الضربة بية وخلتني الوب لان باردة والضربة بهيج جو تأذي بس مو مشكلة اهم شي هنة مينضربن .. شنو صاااير فهموني ليش الضرررب اريد افتهم شنو صاير محد يحجي كاعدين و يبجون بس من شافوهه تريد تضربنة ركضت ام محمد وكميلة لزموههه منال ـ عوووفووني دمهننن مقابل دم اااابني وووولجن وووخررن عنيي اليوووم اااحبسسجن واخلييجن بالمصلخ كداامي يصللخون جلدجننن يااااسااقطاات ووولكم عووفووني علييهننن نهاوند ـ عزاا شعللليييهن خوااتي كوة تذبين مصايبج علينةة جريت خواتي وركضت دخلت لغرفتي وقفلتهه ولج ااحجي نغممم شصااير شبي وساام غفييت ثوواااني اكعد الكة الدنية مكلوووبةة نغم ـ أ أ أنـ أني صبا ـ كعدناج ماكعدتي ـ كافي بجي فهمووني شصااير ـ كعدنة من النوم جوعانات رحنة لحمام عمة كميلة وطلعنة نغسل برة ردنة نكعدج حتئ تسوين ريوك مكعدتي ـ شنو مكعدت ترة هية ثواني نمت .. صبا ـ لا صار هواي نايمة والله ـ عندي ساعه صغيرة نطتنياهه عمة كميلة شفتهه انصدمت عزا هاي ساعه تسعه الصبح لعد شكد نمت ومر وكت وكل عقلي ثواني نايمة لو دقايق نغم ـ مكعدتي .. وردنة نلهي نفسنه بين متكعدين ورحنة نلعب بالمي اني وصبا ما اعرف شلون انشمر مي علئ الدكمة مالت الماطور ـ خرررب حظي تلعبون بالميي بعز الشتةة صبا. ـ الجو حلو اليوم ومانكعنة روحنة من لعبنة نغم ـ والله مو متقصديين والله مو قصطني سوينة هيج جنة نلعب وطلع وسام حافي يريد يشغل الماطور اشو لزمة وكام يصيح اني وصبا خفنة من شكلة وركضنة بعيد و طلعت امة تكتلة بالخشبة قوي و من وكع بالكاع كامت ادك وتلطم وتصيح ليش منكعين الطرمة موتو ابني واجتي ضربتنة بالخشبة ـ عزااااا صخااام ضررربتكم كل هذا واني ناايمة من هاااي ذبتهه براسنةةة من االلله يطيييح حظجننن ااحنةة نااقصيين مصااايب هسةة وكت لعب بالمييي صبا ـ مو متقصدين والله ـ لميتهن يمي وهنة يبجن خايفات اسمع الصراخ البرة صار مو طبيعي اصواتهم عالية بالعياط يمكن اجتي خاله ام عمر يمهم لان صوتهه تهديئ بيهن وتبجي وياهن ثواني والتمو الشارع عليهم اصوات زلم بالباب يمكن ديشيلون وسام او يسعفو يارب مابي شي يارب ان شالله عايش والله تموتنة وتقتلنة ومحد يوكفهه اذا صار بأبنهه شي كعدت ورة باب غرفتنة اسمع هوسة الناس الموجودين سمعت رجال يصيح بعالي صوتة يكول بعد بي نبض شيلووو خلي ناخذة للمستشفئ اركضوو كلبي ركص من الفرحة ياربي عايش يارررب مابي شي يارب ياررب شراح يخلصنة يا الله شلون مصيبة هاي دخليك ررربي خلصنة منهه اضاهر ناصر وارشد طالعين لان ماسمعت اصواتهم .. سمعتهم من شالوه بالسيارة وراحو ... الحان من الخوف انحصرت و تحتاج حمام اريد افتح الباب وخايفة هسة وووكتهه تلعبن بالمييي اكو حمااار يلعب بالمي بعز الشتةةة شهر الثاااني موت برررد وولجن افررضن انتن انتلتننن ووين ااولي بييجن نغم ـ يااريت ننتل ونمووت ونخللص من هالعيششةة كلشي حرام عليينة كلشي ممنووع بشنو نلعب مدكليليي مي وانشمر مني مو متقصدةة والله العظيم مو متقصدة بس ردنة نلعب ماردنة شي صعب كلشي علينة حرام وممنوع بس بقئ الهووئ ماكطعوو عنة خلي يموتوونة ونخللللص ليش عايشيين ليشش بس للضرب والاذية والاهانة والناس كلهه تضحك علينة و تكرهنةةة يارب مووتني ياااررب مووتني ـ. لالالااا اااسم الله علييج نغممم لاهييج تحجين حضنتهه ومتت بجي مصدومة من حجيهه طفلة عمرهه تسع سنين كارهه حياتهه وتدعي بالموت هذاك اليوم صارت بسنة 1999 وهسة 2008 ااشافت من عمرهه حتئ هيج تحجي وج كافي حبيبتي كافي نغم كاافي ياعمري لاتضلين تبجين ـ اريد اموت واروح لبابا وماما اريدهم خلي يجون ياخذونة وياهم المن عافونة بس للاذيةة تعبتت من هالعيشةة تعبتت من كلشي بهالدنية اريد اعيش مثل صديقاتي مثل بنات خوالي وبنات عمامي اريد البس مثلهن واكل مثلهن والعب مثلهن واتفرج مثلهن ويصير عندي بيت مثلهن كافي ضرب واذية والله جسمي كام يوجعني من الضرب ليش بس احنة هيج حالنة ليش دائما كل المشاكل توكع براسنة اشو يومية تمطر ما انتل وسام بس اليوم علئ حظي يمووت والله ماجنت متقصدة اشمر مي علئ الدكمة مالت الكهرباء جنت العب اني وصبا وراح بالغللط والله مو قصديي ااذي احد ـ اعرف حبي اهدئي الله يخليج كافي لاتضلين تبجين وترجفين ـ عفية نهاوند لااتعوفينة هسة يحبسونة ويضربونة ـ عزا بس لاصدك تسوويهه وتذبنة سجن لا اسم الله الله لايكولهه الحان ـ يلةة نهاوند اريددد توالييت ـ اي اي تعالي .. اتقربت من الباب سمعت صوت نسوان يحجن وية عمة كميلة بس ماسمعت صوت منال من شنو خايفة قابل شسوينة هذا امر الله قابل ملك الموت يمشي علئ كيفنة. خلي اواجههم وشيريد يصير يصير قدر وصار وهذا امر الله وان شالله يطلع بعدة عايش ومابي شي استجمعت قوتي وفتحت الباب شفت نسوان المنطقة ملتمات ابيتنة وكاعدات بالطرمة عاد شلونهن هنة يموتن علئ المصايب .. امشي نغم روحي انتي وصبا والحان للحمام كدامي بسرعه.. طلعن خواتي ورحت وكفت يم كميلة شنو صاير عمة كميلة فهميني الله يخليج ام محمد ـ لج اانتي غير تلزمين خواتج عايفتهن مسربتاتت من الصباحيات يلعبن بالمي والولد راح بيهه ـ ماعايفتهن بس هنة صغار شسويلهن رادن يلعبن مووقصدهن هيج يسوون كميلة ـ علئ كيفج ام محمد ترة الصار قضاء وقدر وانتي مرة مؤمنة فـ ماكو داعي لهل حجي ام محمد ـ لكل سبب مسبب عيني كميلة ـ ثواني وطلعت دعاء وتعيط وتصرخ اخوية مات ركضت عليه حتئ تضربني ولزمنهه النسوان نشف دمي من الخوف وسام مات عزا بعيني يعني راح تنذب براس خواتي كل النسوان كامت تترحم علئ ابن عمي وتواسي دعاء وتحجي علينه دعاء ـ يااامجرماات الا نخبررر عليجن الشرطةةة ووالا يعدموجننن يااجلبااات ام. عمر ـ اهدئي خاله مو هيج ميصلح الميت يتعب من هالصياح كميلة ـ ترة النقطة مالت الماطور تلفانة من زمان البللك جان كلش خطر ومكسر وحالته حالة ويرادلة تضبيط متتذكرون بي واير طالع وكم مرة يحرك راس الواير مالت الماطور والله يسترنة جان يموع عليه ويصير فد مرة بس الله يسترنة من التايهات والله يام عمر هواي نبهت ناصر وارشد عليهه بس ماسووهه ولا دارو بالل ام محمد ـ ليش ادخلين ارشد بالموضوع احنة ماطورنة وحد شنو متدرين عود شدخلنة بيكم ؟ كميلة ـ لا كلش زين ادري ماطوركم وحد بس غير همة الزلم بهالبيت؟ عليمن اعتمد لعد علئ زلم الجوارين جبت بلك جديد من عندي اني اشتريته صارلي فوك الشهرين واتوسل بهذا وذاك حتئ يسوي ومحد يقبل وتالي هاي نتايجهه الولد راح خطية ام محمد ـ هنة لو مالاعبات بالمي ماجان صار الصار كل الذنب براس هالبنية وخواتهه ام عمر. ـ لعد بأيام المطر شلون؟ افرضي مطرت مو انشمر مي عليه شسوون ام. محمد ـ لو ماطرة جان دررة الولد ليش يلزم النقطة كميلة ـ اي من تمطر نشغلة بالخشبة نتوكالههه من بعيد منلزمة ام عمر ـ صددك جذب عمي هاي كهرباء يرادلهه صيانة دائما ميصير تتهاونون بهيج شي والله يا كميلة لو حاجية جان دزيتلج خالد لو عمر يسووهه همة يفتهمون بالكهرباء ـ ديحجون وطلعن خواتي كملن حمام واتلكتهن دعاء تريد تضربهن كوة جريتهه عنهن ودفعتهه .. رووحن بالغرررررفة ااامششششن جووة ركضن خواتي ودخلن ودعاء نزلت بية ضرب واني همين ضربتهه .. طلعت روحي منهه قابل بس هية عدهه ميت احنة يومية بسببهم ميتات الف مرة كوة فاككونة نسوان المنطقة هية دخلوهه جوة واني بالغرفة مالتنة خلوني قفلت الباب وكعدت يم خواتي شلون راح نطلع من هالمصيبة يالله الحان ـ اني جعت ـ عندي جبن وخبز اكلو الحان ـ وجاي اريد ووياه ـ ااالحاان موووكتج مدتشووفين بيا مصيبة احنة واكعين روحي اكلي الموجوود وسكتي ما اكدر اطلع اشغل القنينة مشفتي شصار برة يلة حبابة روحي اكلي الله يخليج وخليني بضيمي خطية راحت تتريك لحونة وضلينة كاعدين صبا ونغم مقبلن ياكلن صارت ساعه 11 الصبح واجوي اسمع صوتهم برة يتصايحون خصوصا منال هواي تعيط.. تأكدت وسام مات وبعد ميرجع حضنت خواتي وكعدت بزاوية الغرفة ناصر. ـ ياااابوية. ياااا ياابة ووولك يا ابنني كووم الموتة مو االك وولك بوية ووليديي ردتك تشيلني مو اني اشيلك ووولكم هذااا ااابني البجررر وولييدي حزاااام ضهرري راااح منيي خلللص مااات وميررجع بعد منال ـ هدوووني عليييهن اليووم ااااكتلهنن ووولكم موتووو اابني عوووفوني ووووينجنن يالجلاااب ااطلعننن من زاغوورجن خلي اشوف شغلي وياجن.. اااطلعنن ـ اسمع اصواتهم برة خصوصا منال صوتهه رعبني يمكن لو احنة كبالهه تنتلنة مثل ابنهه اجوي علئ الباب وكاموو يدكون بيهه قوي كلبي وكف وبس نبجي سمعت الناس يجروهه لمنال ودخلوهه جوة الوكت ثكيل يمر علينة بس كلش ثكيل الرعب العشناه بهذيج الايام بجفة وهالرعب لوحدة بجفة ثانية التمو الناس حتئ يدفنون ابنهم وسمعتهم يحجون يم الباب ابو عمر ـ شلون ادفنو الولد منتول والشرع يكول يضل 3 ايام بدون دفن يجوز يطلع عايش ارشد ـ ياريت .. بس الولد ماباقي بي شي صاحي كل اعضائة الداخلية متفجرة الاطباء كالو مستحيل يعيش لان الدم يجري من حلكة واذنة وخشمة وحتئ عينة .. راح الولد يابو عمر بعز شبابة وراح ـ متت بجي شكد ضربني واذاني وسام وجان يسمع كلام امة .. بس انقهرت عليه بعدة شاب ماشاف شي من حياتة والمصيبة بسببنة مات ياربي شلون راح نطلع من هالمصيبة ابو عمر ـ يلة اخوان يلة شيلو لاتخلو اكثر امة تتاذة خطية ـ سمعتهم شالوه وطلعو ويصيحون الا اله الا الله وصراخ منال ودعاء يتعالة وية اصوات الزلم اصواتهم حفرت براسي حفر ماشفت بشنو جايبي يمكن حاطي بتابوت خواتي علئ السمع خايفات ويبجن حايرة المن اهدئ اهدئ نفسي لو خواتي بهالمصيبة شوي والباب اندكت اكيد مو منال يجوز عمة كيملة لو خاله ام عمر لان الدكة. خفيفة ركضت فتحت الباب.. خالة ام. عمرر ام عمر ـ يا خاالة سودة علية شصاير بيجن ـ يعنيي صدك مات وسام خلص ـ اي خطية هسة راحو يدفنو الله يرحمة ياخاله ليش تلعبن بالمي بالشتة هو هذا همين لعب ـ وهسة شنو الحل خاف يسوون شي بخواتي عفية خاله لاتعوفينة ـ قضاء وقدر يعني شيسوون لاتخافون ماكو هيج حجي هسة يجي ابو عمر وهو يحجي وياهم كميلة ـ ها وج نهاوند ـ ها عمة بشري عفية ما هدئت منال ـ شبشر ولج من اخذو ابنهه كعدت وخنست وما سمعنالهة صوت بعد وهاي من تخنس يعني الله يستر منهه ومن خططتهه ام عمر ـ لاتخوفيهن ان شالله ما كو شي يمعودات هية جانت تحجي بساعة عصبية ومحروكة كلب اكيد تحجي حجي مخربط شوفي خاله بلكي يجي عم ابوج سهيل لا تفتوتين الفرصة ااحجي وياه وانتي كميلة همين احجي وسانديهه كميلة ـ شحجي وياه؟ كل عقلج اوكف كبال منال واعاديهه عمي اني ماعندي مكان غير هالبيت وعندي جهال اريد اربيهم وطالما منال بهالحاله اذا دافعنة عن نهاوند بالحرام تحركنة كلنة وميرفلهه جفن ام عمر ـ اذكري الله يمعودة شهالحجي كميلة ـ محد يعرف منال بكدي ـ حتئ لو .. اسمعي يانهاوند اذا تشوفي احجي وياه لاتضيعين الفرصة ـ شحجي وياه؟ ـ كليلة عمو هيج حياتنة هيج عيشتنة بس اني وخواتي واحجيلة شلون سممتكم منال هذاك اليوم ووياج تقارير المستشفئ شوفيلهيا كميلة ـ وتتصورين سهيل راح يصدك؟ اكيد راح ييسمع كلمة عمامهه ترة حجي الجهال يم الكبار ممسموع والتقارير ممكتوب بيهه اسم منال والله العظيم تنكلب عليهه ولا تنسين منال ضلت شهور طويلة تاخذ فلوس من سهيل عود علاج لنهاوند من حالتهه النفسية يعني اذا تحجي نهاوند هية التخسرر محد غيرهه يا ام عمر ام عمر ـ استغفرر الله مسدودة من كل. مكان .. كميلة ـ كوية منال محد يكدر عليهه ـ هسة انتي ابقي هنا يم خواتج لاتطلعين لاتخليهه تشوفج اليوم بعدهه عصبية واني كميلة نروح يمهم اكيد الناس راح تجي تعزي وتحتاج وكفتنة ـ ان شالله راحت ام عمر وكميلة وبقينة لوحدنة هواي نسوان حضرو بهاليوم طلعت اسود ولبست حتئ خواتي لبستهن تيشرتات سود وبناطيل كابوي بس بقينة كاعدات بغرفتنة خايفة اتحرك اي حركة اسمع النسوان كل شوي يرتفع صوتهن بالبجي والنحيب اتذكرت فاتحة ابوية وامي وكعدت ابجي وياهم ….. يمر الوكت ثكيل الدقيقة بسنة اصوات الجهال برة يلعبون بالطرمة وخواتي اتخبلن يريدن يطلعن يلعبن وياهم خصوصا الحان ـ خلييني اطلع يمهمم ـ وولج اكعدي والله يكتلووج ـ ماماما اريد اطلع العبب عوووفيني صبا ـ هسة مو هذول جهال ديلعبون خلي نطلع يمهم نغم ـ علمود يكهربوكم بالكهرباء وتموتن مثل وسام الحان. ـ ااارريد ااطلع ـ كامت تصرخ وتبجي الحان حاولت اسكتهه بكل الطرق مافاد صوتهه يرتفع ويضرب براسي احس راسي راح ينفجر خلص صبري منهه وضربتهه راشدي قوي ووكعتهه بالكاع غصت بالبجي من ضربتهه ممتعودة اضربهه متت قهر عليهه ركضت حضنتهه ومتت بجي وياهه ياربي شوكت تفررج شووكت كوة كعدن وسكتن خواتي بقيت اقشمر عليهن حتئ يسكتن صار العصر وخالة ام عمر جابتلنة الغدة تقريبا وية ساعه 4 العصر مكدرت اكل نفسي مسدودة دقايق وسمعت رجعو الزلم من المدافن الباب ماجانت مسدودة مالتنة مفتوحه شوي ودشوفهم ناصر وارشد متربين ملابسهم وشعرهم مترب ويبجون.. علئ ابوية مابجو هيج ولا هتمو حتئ علئ جدو حمزة وبيبي حورية همين مابجو هيج لعد شكد يحبون وسام والله نياله علئ هالحب كاعدات خواتي يتغدن واني مكابلة الباب اراقب بالناس دشوف شراح يصير ثواني وجفت علينة ناصر دفع الباب وانشمرت ليورة واندفعت بالكاع بيدة صوندة طويلة وغليظة واضح يريد يضربنة خليتهن ورايه وصرت كباله عمو والله ممتقصدات واالله ممتقصداات خواتي ناصر. ـ اليوم اصلخ جلددد من جلدجننن وولجن قتلتنن ااابني بأستهتااارجن اليوووم بس االله يحلصجن من ااايدي ـ راد يـضربنة والتمو عليه الزلم ولزمو ابو عمر ـ شنو هالحجيي ابو وسام هذا كفر حرام علييك هيج تحجي متؤمن بالقضاء والقدرر هذاا يوومة يا ابن الناس شعليهن هالبنات الايتام خطية ارشد ـ خلوو يمعودين عوفو يبرد نار كلبة الرجال دافن اابنة قابل دافن راس بصل خلو يبررد كلبة بييهن هالغبيييات ابو عمر ـ هذا شلون حجي مو انت الفاهم الواعي هيج تحجي يمعود اسكت لاتزيد غضب اخوك .. امشي اخوية ناصر واهداء رحمة الـ الله الله نطااك هالامانةة والله ااخذهه شنو تعترض علئ الله ـ حررركة كلبيي منوو يطفييهه لوو مالاعباات بالمييي جان وسام بعدة عايشش خلي يرجعوولي ابني واعووفهم ـ اذكر الله ياخوية شنو هالحجي هذا يوومة وهذا عمرة .. فاذا جاء اجلهم لايستأخرون ساعه ولا يستقدمون هذا كلام االله تجي انت تنكرة وتذبه براس هالييتامة امشي يا اخوية واذكر الله لاتخلي الشيطان يغلبك.. ـ اخذهم ابو عمر وطلعو من الغرفة همزين ما خلوه يضربنة هواي ناس اجوي يعزون ناصر من المنطقة بس ماشفت كرايب يمكن باجر يجون يجوز بعدهم ميدرون كلما ينحصرن خواتي اطلعهن بالختلة يروحن لبيت عمة كميلة ويرجعن ركض صار الليل والناس اغلبهه راحت البيت ما هداء من الناس لان ابيت ناصر ملتمين اخوة منال وخواتهه واولادهم اسمع الهوسة ابيتهم كل شوي يبجون لو يحجون بس الطرمة مابيهه احد ومابيهه صوت دخت من الجوع مماكلة شي من الصبح خواتي تعبن ونامن طلعت اريد افتح القنينة واسوي جاي واكل خبز وياه فتحت الباب علئ كيفي شفت الماطور مشلوع من مكانة ومشمور ثواني وتراوالي وسام بشكلة وهيئتة من مات كلة دم وايدة سودة واكفلي بالطرمة وكف كلبي من الخوف ركض سديت الباب وقفلتهة كمت ارجف رجف احس كلبي راح يوكف ... كلشي ماريد حتئ شبعت من الهبطة بقيت كاعدة عيني علئ خواتي ممرتاحة احس راح يصير شي كلبي يلعب كاعدة بالكاع ومنتجية علئ الحايط وايدي علئ خدي كل شوي اغفئ ثواني وافز علئ خواتي خاف يطلعن لو احد يدخل علينة تقريبا صارت ساعه ثنتين الا ربع نص الليل لزمتني مغصة قوية اخذت خبزة واكلتهه بعدني مابلعت اللكمة والشباك انكسر مالتنة خواتي فزن من مكانهن وكامن يعيطن من الخوف واني وياهن ماكدرت اشخص منو برة بس شمرولنة شي مثل المي وورقة بيهه نار وكعن علئ الطباخ والكاع المي والنار ثواني واشتعل الطباخ وبدت تزحف النار للكاع ارتبكت معرفت شسوي الصراخ مالتنة يمكن وصل لبيت ابو عمر سحلت خواتي ورحت يم الباب اريد افتحهه كوة احس ايدي راخية من الخوف فتحت الباب و طلعنة لكينة خوات منال واكفاتلنة ينتضرونة لزمونة موتونة ضرب وكتل واحنة نصرخ طلعت كميلة تركض تفزعلنة ونزل ارشد وام محمد واجوي بيت ام عمر وباقي الجوارين التمو علينة من صياحنة ولد ام عمر وباقي الجوارين التهو يطفون النار بالغرفة طلعو ذابين علينة نفط ونار حتئ يحركونة واني عبالي هذا مي ركضت كميلة دخلتنة لبيتهم العالم انخبصت بالصار وتعارك ابو عمر والجيران وياهم ابو عمر ـ صدددك جذذب شنوو هالتصررفات تريدون تقتلوون ااربع بنااات شنوو هالاستهتااار بحيااة الايتام ناصر. ـ مو احنة هية غبية ورادت تحركنة خالد ـ زين ليش الجامه مكسورة مال الغرفة منال ـ يعنيي فوك فجعتنة بابنه تذبوون مصايبهم براسنة ـ صار صياح بين الجوارين وبين عمامي مكدرت اسكت علئ كذبهم عفت خواتي وطلعت اركض اي اي انتوو كسرتوو الجاامه عليينة وذبيتولنة نفط وروقة كلهه ناار تريدون تحركوونة منال ـ لج لااتحجيين لاتسمعيني صووتج لو اقتلج ـ والله عمو ابو عمرر بس فتحت الباب لزمونة وموتونة كتل خواتهه لان اكيد جانن يعرفن بالصارر ام عمر ـ كافي ولج اسكتي ادخلي جوة يا خالة لاتضلين تحجين ـ جرتني كميلة ودخلنة كوة طفو غرفتنة من النار كميلة تكول قسم من الغراض احتركن وقسم لا بعدهن.. مارحت شفتهه اخاف اطلع برة خواتي فازات من الصار وبس يبجن ويرجفن لان جانن نايمات هالليلة جانت كلش مرهقة صارت بيهه هواي احداث مكدر عقلي يستوعبهه صارت ساعه 4 الفجر واني بعدني كاعدة حايط الغرفة مالت عمة كميلة علئ الهول مالت بيت ناصر كل اصواتهم تنسمع يمنة مصيرنة مجهول ماضل شي ماسوته بينة هالحية مرة عمي كميلة ـ هذا حلفانهه بكتاب الله الجذب اخذ ابنهه ـ ليش هية تعترف ـ حتئ لو متعترف كدامنه بس بقرار نفسهه تدري متشوفين شادة وياكم لان حلفت علمودكم ام عمر وام محمد خجلوهه واضطرت تحلف مو لان ابنهه مات منتول هيج متخبلة لا بس تدري هذا عقاب الله وابنهه راح بسبهه .. وياويلهه من الله لان طبت كتاب الله بالجذب فوكاهه ضربته ضرب مو خلت ايدهه عليه وحلفت مثل البشر عبالهه الله يفوتلهيا ـ شلون اتجفة شرهه مادري ـ عينج بعين الله شسوين حكم القوي علئ الضعيف بس القوي اكو الاقوة منة ان شالله لا تاخفين ان شالله بردا وسلاما ـ ان شالله.. تمددت عمة كميلة بالكاع وغفت وبقيت كاعدة لوحدي اسمعهم يحجون بس مدفهم الحجي باب الغرفة تطلع علئ الهول بس عمة كميلة قافلتهه وحاطة كومدي صغير عليهه اتقربت وتقرفصت فوك الكومدي اريد اسمع شيحجون منال واختهه ختام وناصر منال ـ كلمتي متنزل للكاعد بعد الثالث تنفذهه يا ناصررر ختام ـ ومنو يكول راح تقبل تتزوج ؟ اكيد كبرت وعرفت اذا تكول للشيخ ماريد اتزوج ميزوجهه منال ـ اي عادي الشماعية موجودة وربج ابقئ اخبل بيهه الئ ان تتخبل واذبهه بمستشفئ الامراض العقلية ختام ـ خليهه خدامة جوة ايدج وعلئ الاقل شايلة خواتهه ـ لالالااا خلي خواتهه اليي اني اريد نغيمة وصبية يصفن بيديي مو بسببهن مات ابني الجبير اني اريد اتصرف وياهن وبعين الكووية الصلفة تكول معليهن خواتي ..ماريد هالساقطة يمهن لازم اشوفلهه مصيبة وتروح ناصر ـ ادري شيكولون الناس اذا اكلهم تعالو اخذوهه وابني ماصارلة يومين ـ كلشي ميكولون انت معليك خلي هالسالفة عليه اني اعرف اتصرف بيهه ـ وكف كلبي من السمعتة يعني تريد تستفرد بخواتي الصغار اكيد تريد تعذبهن مثل مسوت بيه ويجوز تسوي بيهن اكثر ووشوف بيا مصيبة راح تشمرني لو اتزوج لو تخبلني اكيد قسمة عاوية مثل اهل صباح رحت اركض لعمة كميلة.. عمة عمةة كميلة ـ ها عمة ـ أ وين الجنطة النطيتجياهه ـ مال الفلوس واوراقكم؟ ـ اي ـ ليش شنو صاير ـ لا مصاير شي بس اريد اطلع صورة امي اشتاقيت الهه ـ بهذا الكومدي اليم الباب فتحي تلكيهن ـ رحت اخذت الجنطة وجيكت فلوسي والاوراق والتلفون وياهن.. ساعه اربعه ونص الفجر وين اخذ خواتي واروح بهالبرد بس لازم اتشجع واطلع منا والا راح نواجه مصير اسود هذا السمعته اكيد شي بسيط من المحضري النة هذول مستحيل يعوفونة الا اذا صار علينة شي وموتونة فتحت باب بيت عمة كميلة ورحت لغرفتي ضلمة والرعب كاتلني كتل كهرباء الغرفة احترك وكلشي ماشوف دخلت الغرفة محروكة نصهه البردة والفرش محروكة وكتب خواتي وجنطهن وقسم من الملابس ضويت بالتلفوت وجريت جنطة زينة خليت ملابس لخواتي واخذتلي غيارات عامي شامي امد ايدي واخذ خايفة من المكان ومن كلشي اخذت هدومنة ولبست قمصلة احنة اصلا مبدلات ولابسات بنطايل كابوي وتيشيرتات سود لبست حجاب من البرد واخذت كلاوات لخواتي لبست حذائي الرياضي واخذت تراشنوزات خواتي طلعت علئ كيفي اتسحب دخلت بيت عمة كميلة جنت خايفة لا احد يحس علينة ويبقينة حتئ من عمة كميلة جنت خايفة منهه لبستهن الترانشوزات وخليت الجنطة الصغيرة ابطن الجبيرة صارت تقريبا ساعه ستة الا ربع الصبح شاورت خواتي وكعدتهن اشرتلهن ميحجن بس بعدهن ماصاحيات نعسانات شوي بللت وجهن وكلتلهن كومن ويايه نروح لمكان حلو احسن من هذا نشتري حلويات وجبس بس لاتطلعن صوت ترة ميخلونة نروح لحظات ما اكدر اوصفهه من صعوبته فتحت باب بيت عمة كميلة وطلعنة عيني علئ باب بيت ناصر والدرج مالت بيت ارشد الجو شوي كشف مو كلش اظلم شلت هم شلون راح افتح الباب الخارجية بيهه صوت من تنفتح وخاف يكعدون ياربي شسووي ساعدني شاورت خواتي وكلتلهن ابد لاتطلعن صوت ترة يموتونة هنة اصلا خايفات من اهل هالبيت اخذتهن ووصلت باب الكراج فتحته علئ كيفي طلعت صوت الباب ووكفت ما فتحتهه اكثر طلعت خواتي وشمرت الجنطة وطلعت من فتحة صغيرة بالباب وعفتهه مفتوحه وواخذناه بركضة للافرع بقينة نركض الئ ان ابتعدنة شوي اوووووووف الحمد لله محد شافنة بقيت اتمشئ لراس الشارع بس متنة تعب من الركض الهوئ البارد دخل لرئتنة اني وخواتي وجمدنة حتئ حلكنة يبس ضايعه ما اعرف وين اروح كل شوي اتلفت خاف يلحكونة ويلزمونة شلون شسوي وين اولي ارجع لبيت خاله ام عمر لا ميفيد بالفترة الاخيرة ماكامت تكدر تسوي شي وياهم وين اروح اروح لبيت ام مهند واطلب السماح منهه وابوس رجلهه ما اعتقد ..مستحيل تقبل ترجعني حتئ خاله وداد متفيد وين اولي اني وخواتي بهالبرد وصلنة راس الشارع ووكفنة شوي حايرة وخايفة من المجهول خففت يمنة سيارة تكسي وعفتهه لان ماعرف وين اروح حتئ لو اصعد وين اكلة يودينة الحان ـ بردت بعد ما اكدر كلش باردة ـ سودة عليه دترجف البنية ضميتهه لحضني نغم ـ وين راح نروح نونة صبا ـ باردة نهاوند راح اجمد ـ يالله وين اخذهن البنات جمدن شلون يربي كركوك.. اي كركوك ماكو غير كركوك امي هناك خلص بغداد بعد ماعدنة احد بيهه ما الي غير امي شفت سيارة تكسي من بعيد جاية اشرتلهه ووكف وراسا صعدنة .. التكسي ـ وين اخذكم ـ للكراج العام مالت السيارت الياخذنة للمحافظات ـ النهضة لو العلاوي تقصدين؟ ـ الكراج الياخذنة لمحافظة لكركوك ـ اها النهضة ـ اي اي هوة النهضة ـ حضنت خواتي وخليت الجنطة يمنة خفت لا اانسة جنطة الملابس بالسيارة بلة الهدوم مو مهمة بس اهم شي الفلوس واوراقنة طلعت الجنطة الصغيرة ولبستهه هيج احسن حتئ لا تضيع مشينة هواي ما ادري هالسايق وين ماخذني بس مضطرة ائمن بي لان ما اندل .. قبل لانوصل الكراج والاتصالات صارت تركع عليه كل ثانيتين والتلفون يدك احس كلبي وكع برجلي اتلفت يمنة ويسرة خاف ورانة ديمشون طلعت التلفون وطفيته ورجعتة حتئ ماشفت منو ديخابرنة وصلنة مكان بي هواي سيارات وكومة ناس كلش هواي ـ اختي هذا كراج النهضة ـ ها .. اي شكرا.. طلعت فلوس التكسي ودفعلته ونزلنة شلت هم من شفت هالمكان وين راح نروح خاف يضيعن خواتي شسوي ياربي اسمعن بنات ااابد لاتعوفن ايدي كل وحدة تلزمني قوووي واني همين الزمجن ديرين بالجن تعوفني فتهمتن نغم ـ اي حاضر ـ خليت الحان بالنص ولزمتهه من اليمنة صبا ومن اليسرة نغم واني شلت الجنطة علئ جتفي و لزمت ايديهن منا ومنا والحان كدامي صارت حتئ لا يضيعين هواي سيارت موجودة اشكال اكو جبيرة واكو صغيرة واكو وسط و شباب يصيحون ديالئ صلاح الدين بصرة كركوك .. كمزت من سمعت اسم كركوك بس ما دعرف وينهه سيارات كركوك مدعرف الصرت مين دييجي الصوت واضح بس مدندل وين واخاف اتحرك من مكاني شفت ولد واكف علئ صفحتي يكلب بمجلة بيدة راسا سألتة .. عفية يولد الله يخليك وين سيارات كركوك ـ هذاك سيارة كركوك ـ يعني هذيج تاخذني لكركوك راسا ـ اي هية تاخذج اتذبج بالمركز ـ عـ عزا يامركزز ـ مركز مدينة اقصد كركوك مدينة كركوك ـ ها .. اي يعني هسة نصعد بهاي السيارة وهية تاخذنة ـ انتي اول مرة تاجين للكراج؟ ـ ها .. وانت شعليك ليش تسأل ـ لا تخافين.. بس مبين عليج خايفة تعالي اصعدي وحجزي مكان لان اني طريقي هماتين كركوك بس جنت انتضر صديق هسة يجي ـ اي .. يلة بنات امشو وياية ـ شوفي لو تاخذين اخر كوشن الكم حتئ توكعدن سويا وترتاحن بدون مضايقات ـ ها .. اي بس شلون اكو ولدين كاعدين ورة ـ اخوان بلا زاحمة عليكم خلو البنات يكوعدن مكانكم ـ ما مانعو الولد وتقدمو ليكدام كعددو خطية ـ رحم الله والديكم شباب مشكورين يلة صعدو بسرعة ـ شكرا .. صعدت خواتي وصعدت خليت الجنطة بين رجلي متوترة وارجف خايفة من المجهول كل شوي تجيني سالفة شكل براسي كمت اتخيل عمامي بين الناس يدورون عليه اذا يلكونة اكيد يقتلونة بحجة الشرف همة ناقصين غيرة وشرف ويصيرون براسي شرفاء تعبت نفسيا بهالساعات الراحت ما اعرف شلون اهدئ نفسي .. جنت اباوع من الشباك علئ هالولد لابس كابوي ازرك وقمصلة سودة ومناضر شمسية شكلة مبين مرتب وابن ناس اجئ ولد ثاني عليه سلمو علئ بعض وصعدو السيارة سوية كعدو بالكشن الكدامنة يسولفون ويحجون اني كاعدة علئ اليمنة بالاخير وهالولد كعد علئ يسرة السيارة مشت السيارة واحس روحي راحت وياهه مكدرت اسيطر علئ دموعي كل شوي ابجي وامسح بيدي الحان. ـ وين رايحين نونة ـ لمكان حلو نغم ـ يعني وين غير نعرف ـ لاتضلون تسألون مبية احجي صبا ـ راح نروح لخاله وداد ؟ ـ لا .. وكافي حجي لان صوتكم عالي وعيب من الناس .. طلعنة من بين هالسيارات الكومة والناس الخبصة كل شوي عيني علئ خواتي خاف ناسية وحدة لو ضاعت مني مادري شصار بيه اليوم مرعوبة من روحي وميتة خوف راسي كلش كام ياذيني من البارحة لا اكل ولا شرب ولا نوم مثل البشر احس عيوني تحركني وجسمي تعبان و مهدود حيلي اريد يخف الارتباك والهي نفسي بس مدعرف شسوي لحونة رجعت نامت بحضني ونغم وصبا همين نامن من خضة الطريق اذني صارت يم الناس بالسيارة بلكي اسمع اسم رحمة عبدالله لو ليث عبدالله او اي اسم من اسماء خوالي وخالاتي .. هالولد كدامي كاعدين ويسولفون بصوت عالي واحد اسمة اميل والثاني اسمة ياسر مادري شيحجون بس هواي سولفو بالسيارة وكل شوي يضحكون نيالهم شكد حلو الولد ميخاف مثل البنات ويكدر يعيش باي مكان اميل ـ تطلع لسنجار لو تبقئ يمنة ياسر ـ لا بعد اسبوع اروح لسنجار ما اليوم ـ خلصت البضاعه العندك ؟ اذا خلصت لا تكررهه بعد جيب غير شي مو خوش بضاعه ياسر ـ بقئ قليل ما هواي بس ما يخالف باجر اتسوك غيرهه اشأسويلهه نعتبرهه خساير ـ طول الطريق يسولوفن هالولد مرات انتبه لحجيهم ومرات لا تاخذني الصفنة علئ حالي الطريق شطولة مرينة بأماكن صحراء وخضراء اما السيطرات بكل مكان كل شوي واكفين علمود سيطرة دخت ونفسي لعبت من الطريق همزين شكلي جبيرة مثل البنات للكبار لو يدرون بينة كلنة قاصرين جان ماخلونة نروح لمكان يمكن ما اعرف وين وصلنة .. يم جسر كلـــش طويل وهواي سيارات وعليه شوي ازدحام عفية يولد احنة وين هسة .. ياسر ـ هذي جسر توز خورماتو ـ عزا لعد وين كركوكك ـ هية هذي كركوك هسة نوصل المركز مدينة شوفي من تعبرين الجسر ادخلين بقضاء التتوز .. ـ ها اي ..شكرا ـ العفو اهلا وسهلا ـ رجعت اصفن علئ حالي امسح بدموعي من الخوف وصافنة علئ خواتي شلون ياربي وين راح يصفئ بينة الوكت وين راح الكة امي بالهوسة خلص الجسر ووكفت السيارة .. كل عقلي وصلنة .. يلة نغم صبا اكعدو وصلنة ياسر. ـ لا هذا مو مركز مدينة هذا مطاعم هنا استراحه ـ شنوو مطاعم يعني ماوصلنة ـ بعد شوي نوصل كل مسافر يحتاج يرتاح استراحة يعني حمامات اكل شرب انزلو شوي حركو جسمكم صار هواي كاعدين صبا ـ اني جعت نونة الحان. ـ واني همين وااريد اروح للتواليت ـ فلوسي قليلات الكروة علئ 12 الف واحنة ماخذين الورة كلة وكل الفلوس العندي متوصل 130 الف يعني الكراوي اخذت نص الفلوس خجلت من هالولد ودنكت علئ خواتي اشاورهن.. بنات حبابات ماعدنة فلوس اصبرن شوي الله يخليجن نغم ـ غير نعرف وين رايحن ـ كافي نغم بعدين افهمج ياسر ـ اني اروح تحتاجون شي ـ لالا شكرا راح االولد وفرغت السيارة نغم. ـ وين رايحين نونة ـ اني انهزمت بيكم ومادري وين رايحين ما اجئ ابالي غير امي ـ امج؟ ـ مو تدرين بية اني من غير ام ـ زين وين راح تلكين امج؟ ـ هية هنا بكركوك هسة نسأل الناس وياخذونة ـ ان شالله يارب ـ مكدرت ابقئ ابيت عمج جانو ناوين علئ شر النة ـ يعني شلون ؟ ـ جانو يريدون يزوجوني واكيد قسمة مثل اهل صباح لو يذبون تهمة عليه ويكولون مخبلة ويذبوني وية المخابيل حتئ تستفرد بيكم منال ـ عزا منو كلج ـ محد كلي اني سمعتههن الفجر يحجن هية واختهه وناصر مفكرت بشي غير انقذكم منهم وماكو طريقة غير ننهزم من البيت معرفت وين اروح مالكيت غير امي كدامي بلكي يعرفوهه ونروح نعيش وياهه ـ ان شالله يارب الحان ـ اريد حمام عفيية ـ يبوو.. شفت الناس عايفين غراضهم بالسيارة نزلنة وعفت جنطة الملابس بس الجنطة الصغيرة شايلتهه دخلنة المطعم وسالت عن الحمامات ودلونة اخذتهن غسلتلهن وكملنة عدلت نفسي وغسلت وجهي من البجي عيوني مورمة.. خبصني خواتي جوعانات رحت اريد اشتري شي كلة غالي اخذت بسكت ورجعنة للسيارة وية رجعتنة رجعو الناس من المطعم وصعدو السيارة وصعد السايق كعدو كلهم ومشينة شوي ياسر ـ اتفضلي ـ باوعت عليه شايل بيدة بطلين مي واربع نساتل وبسكت مالح حاطهن بعلاكة بيضة.. لا شكرا اشتريت ما احتاج اميل ـ اخذوهن خطية هذول اطفال خلي ياكلون طريق طويل ـ اشتريت والله شكرا ياسر ـ ميخالف ضموهن ـ شكرا.. اخذو العلاكة خواتي و كامن ياكلن رادو الاجرة مالت السيارة وطلعت الفلوس ونطيتهه للولد كلت خلي اسالهم عن اهل امي همة من كركوك بلكي سامعين بيهم.. عفيية يولد ممكن سؤال اميل ـ اي اتفضلي ـ عفية متعرفون بكركوك ناس اسمهم بيت عبدالله… نطيتهم الاسم الكامل واللقب لجدي عندة. بنت اسمهه رحمة عبدالله وعدهه اخوه اسمهم ليث وقصي عبدالله ياسر ـ لا والله ... يعني اصلم من كركوك؟ ـ لا من بغداد وبالتسعينات اجوي لكركوك ياسر ـ لا والله مانعرف.. تريدين نسألج السايق هو يعرف كثير ناس ـ ياريت عفية خطية هالولد اثنينهم ماقصرو سألو السيارة كلهه بس محد عرفهم احس روحي متورطة شلون اذا مالكيناهم وين اروح حتئ فلوسي ميكفن أجر فندق عزة بعيني وين انام اليووم عبرنة جسر صغير كالو اسمة جسر داقوق صغير وكالو ماضل شي ونوصل مركز المدينة حضرت نفسي وخواتي والجنطة.. كل شوي هالولد يجيهم اتصال ويجاوبون بس ما افتهمت حجيهم مادري شنو هاللهجة مدري اللغة مالتهم بس اكيد مو عربي لان كلشي مفتهمت منهم .. ساعه ووحدة ونص الضهر تقريبا وصلنة نزلنة بمكان مثل كراج السيارات لازمة خواتي وواكفة بمكاني ماعرف وين اروح عزة بعيني شسويت بنفسي شهالورطة التورطتهه مكدرت اتحمل اكثر حسيت ثكل الجبال علئ ضهري وين حروح اني وهالبنات مدينة غريبة ماعرف احد بيهه ولا عندي فلوس كافية تعيشنة ياسر ـ شوف البنت هية وخواتهه باين حايرات خطية اميل ـ يعني شنسوي الهن ـ اشلون نتركهن مايجوز ماشفت يسألن عن اسم ناس ومالكتوهم اميل ـ لا يصير كلبك حنين امشي حباب شمدرينة منو هاي وشنو تريد وليش اجتي لهنا يمعود الناس تخوف ومتنحزر ـ مو كلهم ـ اغلبهم ـ شفت هالولد واكفين مسافة عني ويسولوفون .. ما اهتميت الهم طلعت الصورة مالت امي ولو مو كلش واضحت ورحت بين الناس اسال عنهه بلكي شايفيهه لو سامعين باسمهه سألت جم واحد وماعرفوهم انهاريت من هالوضع وكعدت بالكاع ابجي عزة بعيني وين راح اروح اني وخواتي نغم ـ ليش تبجين نونة شنو صار احنا ضعنة ماراح نلكة امج ـ اش نغم لاتحجين الزمي خواتج وخليني بمصيبتي دموعي خلصت من البجي ماكو دموع بس حرارة عيوني ورمت حاضنة خواتي وابجي ياسر. ـ يابنية يابنية تعي ـ يا الله هذا شلزك الي ..نعم اخوية ـ انتي ماتندلين اهلج؟ ـ انت هواي تسأل حباب روح الله يخليك ترة مالي خلكك واللع اميل ـ امشي يا ياسر خلصنة بعد شوي ويصير الليل ـ هالبنية كاسرة خاطري شلون اعوفهه شوفهم كلهم صغار ـ من سمعت راح يصير الليل شهكت بالبجي تعبانين وبردانين وجوعانين ابمكان غريب علينة اول مرة نجي اله شنو بعد نشوف اكثر من هيج ياربي ياسر ـ اذا تريدين فندق تباتين بي انتي وخواتج ..هسة نوصلج لفندق هنا مو بعيد ـ اخوية مو مال فندق اكيد غالية الفنادق ـ يعني انتي جاية هنا وما تعرفين احد؟ ـ اي .. ما اعرف اي بشر هنا ـ وهذا المرة التسال عنها ـ كرايبي وشالت من زمان يكولون اجتي هنا بس ما اندلهه وين اميل ـ فضهه ياسر ـ ما يصير نعوف هالبنات هيج وين نخوة .. هاي شبيك ـ روح اخوية مشكور هسة اشوف سيارة وارجع لبغداد ـ ماكو سيارت بعد لباجر الفجر منع تجوال ـ عزة بعيني شلون نسيت عزة. بعيني الله ياخذني علئ سوايتي هاي ـ كومي وياية اني اخذج للبيت مالتنة وللحكاية بقية……….. 🥀