طفلتي اليتيمه - *بارت44و45* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت44* *ليلة_من_فبراير* ❤️ نهاوند ـ جنت واكفة بين الداير وحايط غرفتنة اشر الملابس وسمعت صوت علاء يحجي استغربت مستحيل علاء شيجيبة تقدمت يم الباب وشفتة متأنق ومبتسم واكف ووياه رجال غريب ماشايفته وديسلم علئ ناصر ناصر ـ عليكم السلام .. نعم تفضلو علاء ـ اني علاء جاي من طرف ابو مهند قبل فترة ردت اجي اخطب بنت اخوكم نهاوند وخالي توفئ بوقتهه وأجلناهه ـ ها .. اي اي.. اتذكرتك ـ واكفة صافنة عليهم ناصر بكل برود يعاملهم بحيث الرجال الي وية علاء كلة شنو منتفضل لو نبقئ واكفين بالباب من هيج حجئ يلة دخلهم خلصت شر هدوم علئ السريع وغيرت ملابسي لان تبللت لا ممعقولة يجي بدون موعد يجوز متواعد وية ناصر بس مين ياخذ تلفونة ؟ احتنال من ابو مهند اخذه ركضت علئ تلفوني اشوفة يجوز مراسلني واني مادري شفتة دازلي اكثر من خمس رسايل كاتبلي باجر اجي اني وعمي اخطبج.. عزةةة هذا جاي يخطبني المخبل ؟ كميلة ـ ها ولج نونة ووينج يكولون علاء خطيبج اجئ ـ منو كلج ـ شنو ماشفتي ؟ هسة اجتي دعيوة تركض عليه من باب المطبخ وكلتلي ـ والله ما ادري شجابة هذا ـ شنو ما ادري ؟ غير انتو بينااتكم متفقين يجي اليوم ـ بقيت ساكته معرفت شحجي وياهه شكد محتاجة بهالموقف شخص اكبر مني وكلبة علية يدليني الطريق الصح.. ـ يلة يلة كملي وامشي لبيت عمج ناصر دينتضروج ـ ينتضروني شنو؟ شسوي اروح ـ لج شنو شسوين غير جايين يخطبوج قابل جايين عليه يلة اني رايحه وتعالي ورايه لا تتاخرين ـ سكتت ماحجيت شي ماعرف شتصرف بهالموقف التفتت شفت نغم واكفة ومصدومة.. شبيج نغومة ـ راح تعوفينة؟ ـ وليش اعوفكم ولج شنو هالحجي ـ مو هذا علاء جاي يريد يتزوجج ـ اذا اتزوج انتن وياية ما اعوفجن لاتخافين ـ صدك يعني متعوفيينة ـ مستحيل .. اكو وحدة تعوف بناتهه وتتزوج بس الماعدهه عقل تسويهه .. واني مو منهن ـ ركضت عليه نغم وصبا والحان وحضنني .. حضنتهن وبوستهن مبين عليهن مصدومات من الخبر خايفات لا اعوفهن وحدهن حسيت بهاللحظة مسؤلية تجاهن كلش جبيرة.. اكثر من باقي الايام مستحيل افضل نفسي عليهن واعوفهن لان عشت هالشعور .. وكلش صعب مينحمل ومستحيل اخليهن يعيشنة مثلي .. مشطت شعري ورتبت نفسي وكعدت بغرفتي .. دزيتلة رساله لعلاء كلتلة اظاهر انتت موافق علئ شروطي واجيت؟ ـ احنة ابيت عمج تعالي وينج ـ اعرف انتو هنا .. وما اجي شعندي جاية ـ شنو شعندج غيرر اني هنا علموودج تعالي ـ ترة شرطي واضح كلتلك اريد بيت وحد ووياية خواتي يلة اقبل بيك ـ تعالي ونتفاهم مو مال تلفون عيب من عمامج كاعد بنصهم ولازم تلفوني ـ بغير شرووطي مستحيل اقبل ـ دتعاالي ونتفااهم هناااا ـ طفيت تلفوني وكمت لابسة دشداشة مترهم ادخل بنصهم هيج لبست ينطلون اسود وقميص شوي طويل احمر ومقلم باسود .. عدلت نفسي واخذت خواتي وطلعت من الغرفة ..وية طلعتي نزل ارشد ارشد ـ يكولون خطيبج هنا! ـ ها ـ ادرري شلون هيج يجي بدون موعد شنو ميعرف الاصول ؟ ـ مو ــ بعدني مكملت كلامي ورجع حجئ عليه ـ شلون تتفقون بيناتكم ومتنطونة خبر شنو طراطير احنة كاعدين هنا ـ ما اتفقت وياه علئ شي هو جاي لوحدة حتئ ما ادري راح يجي ـ يعني تريدين تقنعيني متدرين ـ والله العظيم ما ادري راح يجي ـ استغفر الله .. ـ دخل ارشد يتأفف لبيت ناصر ورحت اني لبيت كميلة خايفة من اي حركة اتحركهه خايفة ارفضة واخسر فرصة متكرر بحياتي خصوصا بوضعي محد رايديني ولا يقبل ياخذني او يفكر بية بسبب وضعي وخايفة اذا رفضتة يسويلي هوسة ويذب تهم عليه اشكال الافكار السودة اجتي بعقلي .. كل هالمخاوف بجفة وبيت ناصر بجفة ثانية خايفة لا يستفردون بية من ارفضة كلش احتاجيت امي ازدهار الله يرحمهه بهالموقف لو موجودة ماجان حرت هيج حيرة.. كميلة ـ ليش هيج خايفة شنو شبيج ـ لا مو خايفة .. ليش اخاف ـ دترجفين شوفي حالج دعاء. ـ طبعا ترجف غير حبيب الكلب هنا كميلة. ـ ههه اي هم صدك ـ بخت راح تتزوج التحبة قابل مثل حالي صرت مطلكة ـ منو كلج احبة؟ ومنو كلج راح اتزوج اصلاا ـ مو هو هذا نفسة خطيبج لو غيرة؟ ـ اي .. بس مو معناهه احبة ومدري شنو .. دنحجي ودخل ارشد ارشد. ـ وينج نهاوند ـ نعم ـ هذا وياه بس واحد من عمامة شنو مشايفنة بعينة لو محتقرنة حتئ يجيب بس عم واحد من عمامة ـ بقيت ساكته انحطيت بموقف زباله بسبب هالغبي .. عمو اني ما ادري راح يجي والله العظيم ما ادري واصلا ماريدة ـ شنوووو متريدي! ـ اي ماريدة وكلتله ماريدك بس هو تصرف بكيفة واجئ ـ شنو هو لعب جهال تضحكون علينة اريدة وماريدة شنو هالتفاهه هاي كميلة ـ علئ كيفك ابو محمد خلي نفتهم شبيهم .. زين ليش متريدي شنو صاير بينكم ـ بقيت ساكته معرفت شحجي كارهه نفسي من الشماته الراح اشوفهه بعيون دعاء وامهه… ماريدة لان كل واحد تفكيرة شكل وبعدين هو خطب بنت خاله ليش جاي يخطبني هسة دعاء ـ شنووو خااطب غيررج حبيب الكلب كميلة ـ خاطب غييرج ؟ زين ليش جاي لوحدة لا ابو لا امه لا احد بس عم واحد وياه ارشد ـ احجي الصدك ليش ما اجوي وياه.. شنو صاير؟ ـ امة متريدني ـ ليش ؟ ـ لان هيج ضروفي كلتلي اني ماريدج وراح اخطبلة بنت خالة من سمعت هيج كلتلة ماريدك بس هو مقبل يعوفني عاد كلتلة اني ما اتزوج بدون خواتي يريد يتزوجني يخليلي بيت وحدي ويايه خواتي علئ شنو اقبل بي اذا ميردوني ومستنكفين مني دعاء ـ هههههه يعني راح تنزلين علئ ضرة ـ منو كلج قبلت انزل علئ ضرة! ارشد ـ شنو هسة يلة عرفو بضروفج؟ ليش قبل مجانو يدرون بيج ! ـ يدرون .. بس من خالهم مات كالو ناخذلة بنت خاله احسن كميلة ـ دروح ابو محمد شوف شعندة جاي لعد... يجوز قبل بشروطهه دعاء ـ بخت .. راح تكعد بيت وحد لا عمة ولا حماية كميلة ـ يااابنت منال شبييج هسة هية صارت حتئ كاعدة وتتحسدين ـ راح ارشد وبقيت كاعدة بمكاني هذا الجنت اهدد ناصر ومنال بي حتئ لا يتعرضولي ويضربوني بهالحركة الغبية مالته راح يفضح كل شي ويعرفو هو مو سند ولاحزام ينشد الضهر ارشد ـ تعالي يابة تعاي هذا يريد يشوفج كميلة ـ يا شيريد منهه ـ الولد مبين رايدهه بس ماعندة امكانية.. امشي خلي نشوف كلامة شنو شوفي شنو يريد ـ هزيت راسي وكمت وياه.. عفت خواتي ودخلت للهول شفت ناصر كاعد ويضحك اتشائمت منة اكيد وراه مصيبة طالما يضحك.. كعد ارشد علئ القنفة وكعدت يمة ارشد ـ جان المفروض تجيب اهلك وياك ناصر. ـ اهلة حزانة علئ خاله اكيد ميكدرون يجون فـ تصير عادي يا ابو محمد هونهه وتهون ابو زهير ـ الظاهر اني ممكفي لو مو بالعين ارشد ـ لا مو هيج القصد ابو زهير بس الاصول اصول وانت ابو الاصول وتعرف الواجب ابو زهير ـ المشية الجبيرة وخبصة الزلم تصير لبنت البيوت مو للمطلكة ابو محمد المطلكة هالله الـ هالله يستروهه هذا ابنة وهذه بنتكم توافقون تنطونه نهاوند علمود نكمل فرحتنة و نجيب الشيخ يعقدلهم وكان الله يحب المحسنين علاء ـ عمي اني شاري بنتكم ورايدهه وجبت بس عمي ابو زهير الكم لان عندي شوي ضروف بالبيت ماكدرت اجيب الكل ويايه ـ بقيت ساكته واستمع الهم هذا ابو زهير من البداية هيج مستنقص مني تاليهه شلون بلة .. محجيت شي ردت اشوف شنو راح يحجون وعلئ شنو يتفقون بس عيوني تجدح نار وغيض من حجيهم عبالك مسوين عليه منية جايين يخطبوني ارشد ـ زين شلون تتزوجهه؟ اذا اهلك ماقابلين علاء ـ اتزوجهه واخليهه ابيت عمي فترة بين مارتب اموري وية اهلي ـ متحملت اسكت اكثر .. لا والله؟ ناصر. ـ اانتي اسكتتي احنة عمامج كاعدين لاتحجين بوجودنة ـ ليش راح تنطو بناتكم مثلا ارشد ـ شنو هالحجي الزمي لسانج كدام الناس عيب ـ لا مو عيب .. هاي حياتي مو حياتكم وبعدين اني اتفقت وياك اريد بيت وحد وخواتي ويايه ماعوفهن علاءـ واني ماكلت لا بس هسة ما اكدر ماعندي امكانية ـ لعد شكو جاي اذا ماعندك امكانية ؟ ابو زهير. ـ هاا شنو هالحجي هاي بدايتهه نتر ودفر هيج لعد ورة الزواج شلون؟ تصير بالتواثي عمي ذكري الله شنو هالعنتكة بكلامج ـ عمو انت تقبله علئ بنتك هيج زواجة ابو زهير ـ اي ليش لا شبي علاء ميتعيب ـ شيريد مني مو خطب زهراء بنت خاله جاي علية ليش ناصر.ـ ها انت خاطب همين ابو زهير. ـ مثنئ وثااث ورباع منو انتي حتئ تحرمين حلال الله شرعه! ـ بس اني عندي شروط ومستحيل اتنازل عنهه ـ عمو الي بوضعج متتشرط تحمد ربهه وتشكره الف مرة لان اكو رجال فكر يرتبط بيهه ـ حسيت بكسرة كلب وقهرة قوية محد من الكاعدين فزعلي لو ردة لابو زهير كمت علئ حيلي وحجيت خلص الحجي بينة ياعلاء ومنو جابركم تجون علية؟ منو ضاربكم علئ ايدكم اشفتوني متوسلة بيكم وابوس ايادي حتئ تزوجني لابنكم ابو زهير ـ شنو هذا الحجي؟ ـ وبعدين اذا هيج شايفيني قليلة بنضركم مستحيل تصير بيناننة قسمة علئ شنو اقبل علئ الذل والمهانة علاء. ـ اعقلي نهاوند اني شاريج ـ شاريني وتقبل بهالاهاانات عليه! اذا ترديني صدك مثل متكوول تجي تخطبني وية اهلك وتسويلي زفة وعرس وجهاز ونيشان وذهب ومهر وبيت لووحدي ما اكعد وية اهلك لان ميردوني وخواتي وياية مستحيل اعوفهن هاي طلباتي حالي حال البنات غير هالحجي انت بـ طريق واني بـ طريق الي يشوفني رخيصة اني اشوفة ارخص ناصر ـ معليكم بيهه الحجي ويايه ووية ابو ابو محمد ارشد ـ اصبرو عليهه بعدهه متعرف مصلحتهه ـ عفتهم يتوسلون بعلاء وطلعت لاكتني عمة كميلة ودعاء رادن يحجن ما وكفتلهن.. رحت للغرفة ركض شبعت بجي علئ حظي .. الكلام جان كلش قاسي عليه متحملتة .. نغم ـ شبيج نونة ـ مختنكة ـ شنو كالو وهيج انقهرتي ـ ماكالو شي حبيبتي روحي لعبي .. ـ ما اكدر اعوفج تبجين ـ مسحت دموعي وابتسمت .. شوفي والله مابية شي .. روحي جيبلي كلاص مي خلي اغسل وجهي حتئ اصير حلوة مثلج.. راحت نغمومة وراسا جريت تلفوني ميفيد البجي هسة وكت الفعل عندي رقم هنية وسنية خوات علاء بدون تفكير راسا خابرتهن .. هنية ـ الو ـ اني نهاوند ـ نهاوند شتريدين؟ ـ كولي لامج تلزم اخوج عني ماريدة وجاي يخطبني هو وعمكم ابو زهير ومصمم يقنع عمامي ـ شنووو جايي يخطبج؟ ـ اي وخرو عن طريقي ترة مالي خلك مشاكل ـ غيررر انتي ام المصايب اللفيتي عليييه ولج جان مثل الورردة المفتحة مدري شسوويتيلة وخليتي مثل الاعمئ يركض وراج ـ خلف الله عليج .. ـ وووج يمةة الحكيي شوفي وحيددج شسوووة ااخذ عمي ابو زهيررر ورايح يخطب ام السجووون ـ استغفر الله بالحالتين جاييني حجي .. ثواني وسمعت صوت ام علاء تعيط وتصيح تكول جيبولي التلفوون اليوم انعل والديه واشعل صفحة اهلة صدك ضحكت من هالجملة .. عيني يالحفافة لو صدك مثل متحجين اني لايفة علئ اخوج جان اليوم وافقت عليه وغصبا عن اهلج نتزووج بس اني ماريدة ولاعبة نفسي منة اخذو لخاطر الله ومنعو عني وخلي يمسح رقمي وكلولة خلي يصير عندة كرامة اضاهر زعرتو بي التكبر بس ماعلمتو علئ الكرامة.. خزصت كلامي وراسا سديت التلفون بوجهه حسيت نفسي سويت انجاز من خابرتهن بس متحملت الاهانات والاستنقاص مني رجات ابجي علئ حظي سمعت صوته بالكراج هو وعمامي جانو يضحكون وياه ومكيفين عليه سديت الباب وكعدت ماريد اسمع صوت احد منهم كلش كارهتهم .. راحو وخلصت من اصواتهم قبل المغرب اجتي عمة كميلة دتشوفني ـ شنو صار اشو اجيتي ركض ومقبلتي نحجي وياج اني هم كلت لدعاء عوفيهه بعدين نفتهم منهه جان واضح عليج مقهورة ـ لا خلي يولي خابرت اهلة وكلتلهم ابنكم هيج وهيج جاي بدون علمكم همة راح يتصرفون وياه ـ لج شيتصرفون؟ حددو مهرج بهالكعدة ـ هههه صدك والله؟ ـ اي والله شبيج ـ وشكد بلة المهر مالتي؟ ـ خمسمية الف مقدم ومليون مؤخر وكال ابو محمد راح تكعدين ابيت عمة لان بيت عمة بالارياف اطراف بغداد كاعد هناك ياخذوج تعيشين وياهم ـ ههههه تؤ والله خطية راح ينصدم من السويته بيه ـ شنو السالفة نهاوند ليش متريدي ـ لان محتقريني اتصوري عمة يكلي الي مثلج تحمد ربهه اجتهه هيج قسمة لا علاء ردة ولا عمامي ردو كلهم يشوفوني معيوبة كلهم يشوفوني مذنبة علئ شنو بعد افكر بزواج وطيحان حظ خلص نذرت نفسي لخواتي اني راحت عليه ما مكتوبلي اتزوج واكون اسرة واعيش مستقرة لان محد راح يحترمني او يقدرني ويغفر هالذنب للمتعلك بركبتي خواتي اولئ بية من الرجال الغريب ـ الرجال يكمل المرة والمرة تكمل الرجال اذا كل واحد يفكر يعيش لوحدة متصير حياة طبيعيه لان اثنينهم بحاجة بعض ـ اي عمة التقصديهم مو اني هذني دعاء لو بنات ارشد بنات عماد عايشات حياة طبيعية مو اني الحياتي كلهه مصايب وطيحان حظ ـ كولي يالله ان شالله تفرج ـ الله كريم.. عافتني وراحت عمة كميلة لبيتهه.. كادت اضحك وية روحي علئ عمامي خلي ينضربون بوري لو بناتهن تجيهن هيج قسمة يطردوهم من الباب بس اني لا مكيفين وكاعدين متفقين همين.. انتضرت لليل كلت اذا يخابر علاء يعاتبني او يحجي عليه معناهه بعدة عندة شخصية وية اهلة واذا لا يعني امه اخذت التلفون منة مثل الزعطوط صدك خلص الليل وطلع النهار وماكو خبر عنة مادري اضحك لو ابجي ليش ياربي هيج نماذج تركض وراية وتصير كبالي كعدت الصبح احس بنشاط وحيوية وديت خواتي للمدرسة ورجعت نضفت وطبخت وخلصت صار الضهر ورحت لخواتي ايام عادية تقريبا ماكو شي جديد وغريب انتبهت علئ بيت ارشد حركة غريبة ابيتهم يعني خالاتهه جايات وبعد بنات مادري منو و هوستهم واصلة ليجوة اخذت خواتي ورحت لبيت عمة كميلة اكلج عمة شنو صاير ابيت ارشد ـ ليش متدرين ـ شنو ادري ؟ ـ الجمعه الجاية مهرهه لجيداء ـ صدك ـ اي والله شلون ناس ناسبو حسب ونسب فد شي ـ خاف هذا الولد القبل فترة شفته جايبهه بالسيارة شوي حلو يمكن كالت اسمة سيف ـ اي صح اسمة سيف ـ لعد اشو ماكالو ولا حجو ـ يجوز بهاليومين ينطوج خبر ـ الله يسعدهم ـ تعالي نكعد برة بالطرمة اختنكت من البيت من يوم البنيتي غرفتج بالحديقة واني مفتقدة لكعدة العصرية ولو باردة بس حلوة الكعدة برة ـ يلة هسة اروح افرش الطرمة واسوي جاي ـ واني عندي كليجة مجمدة تذوب بالحلك جبتهه من اهلي ـ رحت لغرفتي طلعت جرجف جبير قديم ناطتينيا خاله ام عمر افرشة وكت اكل خواتي حتئ لايطشرن .. فرشتة وسويت جاي وكعدتنة بالطرمة وعمة كميلة دزت ابنهه علئ خاله ام عمر حتئ تجي يمنة والتمينة كلنة نشرب جاي وناكل كليجة الجو بي برودة بس محسينة بيهه لان لمتنة حلوة وضيعنة وكت بالسوالف نزل عمو ارشد من فوك يريد يطلع ارشد ـ اااستكاان جاي رحمة لوالديكم ـ راسا صبيتلة ونطيته .. ـ انكسر ضهري من تحضيرات المهر هذا مهرر وهيج لعد الزفة شلون ام عمر ـ تعيش وتزوجهن وتفرح بيهن ان شالله ـ ان شالله يا ام عمر اتمنئ ازوجهم كلهم وائمن عليهم وذاك الوكت خلي الله ياخذ امانته اعرف بناتي بدوني يتبهذلون ام عمر. ـ شوكت الزواج بالخير ـ مستعجلين اهل الولد يريدون هالجمعه المهر وورة اسبوعين او اكثر شوي العرس ـ اذا مخلصين كلشي ليش لا ـ اي ماعدهم شي كلشي جاهز بس الزفة والشكليات وهاي هية نهاوند ـ خوش علمود اشتري فستاين لخواتي بالحنة والعرس ـ لا عمو لا انتي وخواتج لا تجون ولا توصلون لخاطر الله خلي هالفرحة تخلص علئ خير يكفي الصار بدعاء بسببج ـ ضحكت بقهر حارلت ابتسم غصب عني .. صرت مشبوهه بنضر العالم ام عمر ـ لا حشاج وماعاش اليحجي هيج عنج ـ ياعمو اتفهمي وضعنه هسة انتي جبيرة مو صغيرة حتئ نفهمج وحدة وحدة ـ اي صح .. حاولت اسوي نفسي ممهتمة واستمر بالسوالف .. تريدون بعد جاي كلولي لا هاي هية منريد .. صبيت الي وكعدت اكل كليجة ذبيت حركتي بالاكل بهالايام علاء ومازن اختفو من حياتي ومن التلفون همين . الحمد لله خلصت من اثنين زعاطيط لايحلون ولا يربطون بس بقئ انمار كل فترة يرسلي مسج او يتصل يطمن عليه يكلي مشتاقلج ومم هالكلام ماجنت اهتملة هواي بس ماعرف ليش كلش مشدودة اله اتمنئ كامة حقيقي وحبة حقيقي ويفاجئني بيوم من الايام ويكلي اهلي موافقين عليج.. صار يوم الجمعه ورتبت خواتي وترتبت وكعدنة بالغرفة اندك الباب كمت فتحته شفت ارشد وام محمد كبالي .. نعم عمو ـ عمو ليش متروحين لبيت ام عمر؟ ـ ليش اني وخواتي كاعدين وساكتين بالغرفة مطالعين برة ام محمد ـ لا عيني لا روحي هناك لخاطر الله بس هالساعتين خاف خواتج يريدن تواليت يجوعن تطلعين مدري شسوين يشوفوج و تخربين فرحتنه ـ متحملت اسلوبهه وحجيت بأستهزاء وياهه.. ترة مو كل واحد عندة سيارة صار غني ويجيب ناس تنضفلة بيته لو يجتمع يم خاله ام مهند بس الطاكين يروحون هناك يجوز جماعتكم اصلا مشايفني ـ ان شالله لا شايفيج ولا يعرفوج بس للامان روحي هناك .. يلــــة حبابة فضيهه ماراح نكعد نتوسل بيج للصبح ـ ماروح لبيت خاله ام عمر عدهه ولد كبار ارشد ـ لعد وين تروحين ـ اضل ابيت عمة كميلة ـ هم خوش فكرة ام محمد ـ كميلة راح تحضر المهر ابيت ناصر يعني بيتهه راح يفرغ ارشد ـ كميلةة كميلةة كميلة ـ ها شبيكم ليش تصيحون ـ تخلين نهاوندة وخواتهه ابيتج بين ميفض المهر؟ كميلة ـ اي ليش لا خلي يجون ـ ماحجيت شي اخذت خواتي وقفلت غرقتي ورحت لبيت كميلة سألتني شنو صاير سولفت الهه الصار ـ اتعودي علئ هيج اساليب ترة هذا العادي مالتهم ـ متشوفيني لا بجيت ولا اهتميت ـ هذا التلفزيون اكعدو اتفرجو عليه ـ اوك.. راحو كلهم والتمو ابيت ناصر سمعت سوو المهر ابيت ناصر علمود الهول جبير مالتهم والا ام محمد متطيق منال ولا تحبهه خواتي من يسمعن هوسة وهلاهل وضحك وصفكة يروحن يركضن يريدن يشوفن منو العروس واروح اركض وراهن الزمهن ماريد تجينة حجاية جانت منال ودعاء كل شوي ييجن ابيت كميلة يشوفني نفسهن شلون عود مرتبات ولابسات وكاشخات ومكياج يجين يمي يضحكن عليه ويروحن عود لان محد يريدني اروح للمهر حركات مالت جهال شسويلهم .. ما انكر صار عندي فضول اشوف جيداء شلون طالعه وشنو لابسة بس عزة نفسي اكبر من هالقذارة الموجودة جوة خلص النهار وراحو اهل العريس ورجعت لغرفتي شفت جيداء يم باب غرفتي ما باركت الهه ولا اهتميت لميت خواتي ودخلت اسمعهه تحجي وية امهه ام محمد تكلهه شوفيهه كاتلتهه الغيرة راح اطك من حقدهه حتئ ماباركتلي مو تكول عني اصادق الولد بالجامعه خلي تشوف التصادق ولد اتزوجت وبعد اسبوعين زفتهه عمية العين عبالهه كلنة مثلهه الحمد لله سمعتنة مثل الخامة البيضة مو مثلهه خامتهه صايرة سيان تحجي وكلبي ينعصر عصر يعني صدك الله نصرهن عليه وهنة مأذياتني ؟ حاولت ما اهتم ولا ادير بال واسوي نفسي ممهتمة .. سويت عشئ لخواتي وكعدت اقريهن ماضل شي لنص السنة خابرتني خاله ام مهند تريدني اجي انضف بيت اختهه حكيمة لان خطوبه بنتهه سهام بعد جم يوم كلتلهه حاضر خاله باجر الصبح اجي عليكم حضرت نفسي حتئ اروح اشتغل ونطيت خبر لعمو ارشد علئ مكان شغلي صار ثاني يوم وخليت خواتي يم عمة كميلة وطلعت رحت كيات ووصلت لبيت خاله حكيمة تقريبا ساعه 8 الصبح مجنت متوقعه راح اشوف انمار بس اول ما انفتح باب بيتهم شفتة كدامي جان كاعد بالحديقة يتريك هو وامة دخلت وسلمت عليهم سويت نفسي ممهتمة بشوفتة اشو هو همين لابسني ولا باوع عليه بس ردلي السلام وابد مشاف بوجهي حكيمة ـ اريد تنضفين البيت اهم شي الاستقبال والهول والمطبخ واذا صار وكت علئ باقي الغرف افتري ـ ما الحك اليوم انظفة كلة ـ ميخالف سوي علئ يومين شكو وراج ـ اي عادي باجر همين اجي انظف ـ لا وعليمن رايحه رادة باتي يمنة ـ لا ما اكدر ابات خاله خواتي وين يضلن ـ يم عمامج .. مو الشغل هواي بردات واثاث اريد البيت تكلبي كلاب ـ خلي انظف ووين ما اوصل اوصل اذا مكدرت ارجع اكول لعمو ارشد واشوف شيحجي ـ يلة لعد ابدي بالاستقبال اريدة يبرج برج ـ دخلت للاستقبال وبديت انظف بردات ثريات تسعيف تنضيف اثاث كله وارض بوفية احس ضهري نكسر بديت من ساعه 8 ونص خلصت ب3 العصر بس جسمي مكسر تكسر اشوف علئ البيت وشايلة هم بكد شعر راسي شراح يخلصة جانت سهام فرحانة بروحهه راجعه من الصالون حافة وجهه وصابغه شعرهه شقارات طالعه حلوة البيت كلة مخبوص بيهه ابوهه وامهه اخوتهه واختهه وحتئ براء مرة اخوهه شلون علاقة بينهه وبين اخوتهه تخبل كل شوي يهلهلون يمهه ويصفكلوهه ويغنولهه زوجناهه وخلصنة منهه شكد حلو نيالهم حكيمة. ـ تعالي اتغدي ارتاحي حتئ تبلشين بغير شي ـ خاله هيج راح اتاخر شلون ارجع ـ خابري عمج اني احجي وياه ـ حاضر.. جبت تلفوني ولكيت انمار داك عليه سبع مرات تقريبا ارتبكت منهه كلت خاف تشوف الاسم خاله حكيمة فتحت تلفوني ومسحت المكالمات خابرت عمي ارشد وحجت وياه خاله حكيمة بس ماقبل ابات يمهم كلهه لا انتو جيبوهه بالليل وباجر الصبح تجيكم سدت التلفون ونطتنيا ـ شنوو هذا عمج شكد صعب عوذةة ـ اي هواي صعب ـ ابد ميقتنع يكول ميصير البنت تبات برة بيتهه مترهم .. ـ ضحكت بكلبي علئ هالرياء لعد لو تدري شمرونة بالشارع يومين جان شحجت ههه.. ـ يلة يلة تعالي خلصي الهول وباجر المطبخ هذني اهم شي كدام العين ـ بديت اشتغل بالهول نفس الشغل بس الهول مابي هواي اثاث ولا بي بوفية متروسة اغراض خلصت تقريبا ساعه تسعه بالليل بس صرت جنازة من الشغل حكيمة. ـ انطيج اجرة اليوم لو تخليهه باجر سوية ـ ماحبيت ابقي الفلوس يمهه كلتلة لا خالة عفية انطيني الفلوس لان كلش محتاجتهن.. اشو ماحجت شالت 100 وانطتني ـ هاي للهول. والاستقبال وباجر ان شالله حسب الشغل انطيج ـ ان شالله خاله.. زين منو يرجعني ـ هسة اشوف الولد بلكي موجودين .. يمة اوووس اانمار اااياااس وينكم اوس ـ هاا يمة ـ فارغ تكدر تاخذ البنية لبيتهه ـ اي عادي ماعندي شي .. يلة امشي ـ رحنة اني وياه للسيارة هو صعد وبقيت واكفة ماعرف وين اصعد اوس. ـ تعالي صعدي بالصدر يمي ـ هذا همين مثل اخو انمار نفس التفكير فتحت الباب وصعدت بالصدر يمة ثواني وركضت ورانة براء زوجته براء ـ اوووكف يابة وين رايح اوس. ـ ارجع لبنية لاهلهه ـ ااجي وياك .. اانتي اانزززلي منا وورجعي ليورة نهاوند ـ ابد مهتميت الهه لان جنت ميتة تعب ومطبكة عيوني نزلت ورديت صعدة ليورة طول الطريق تحجي وية زوجهه وهو لابسهه ابد ما انتبهت عليهم ولا اهتميت الهم بس واضح عليه نفسة لعبانة منهه هية صوجهه تتصرف مثل الطفلة اريد هذا وانزل اشتريلي ذاك هاي عود دائما فلوس بيدهه وتطلع تشتري هيج تسوي لعد لو مثلي اني وخواتي الخمستالاف نشوفهه شكبرهه جان شسوت .. من يمي اختنكت منهه ونفسي لعبت من تصرفاتهه ماصدكت وصلنة الاعظمية انسطرت سطر من حجيهه اوس ـ مين افوت وين طريقكم ـ بعدني ماجاوبت وعاطت بيه براء ـ ااانت شنو تسألهه ادري مو اني وياك كلي واني اسأألهه اوس ـ وشنو يعني واذا سألتهه شبيج ـ لا تتصرف هيج ويايه اووس لاتحجي وياهه.. انتي هيي وين طريقكم ـ منا ـ والله يا الله ماضل غير نشتغل سواقين عند الخدم اوس ـ ماكو داعي لهل حجي براء ـ شبيك اشو ضجت ؟ ـ اهووو اااش ااش ـ كعدت ادلي بأوس مين يفوت بين ماوصلت لبيتنة ميتة تعب هلكانه.. سلمت عليهم ونزلت ركض وعفتتهم دخلت للغرفة واجني خواتي عليه من بيت عمة كميلة .. مابية حتئ اسبح او اسالهم اتعشيتو لو لا راسا خليت راسي ونمت من التعب.. ثاني يوم الصبح كعدت سويت ريوك لخواتي نغم ـ اليوم همين تروحين ـ اي اكمل البيت ـ لعد لاتتاخرين تعالي من وكت ـ ليش صاير شي ؟ ـ لا ماصاير شي بس لاتتاخرين اخاف عليج ـ فدوة لليخاف لاتخافين يروحي ما اتاخر عليكم.. طلعتهم للمدرسة ورحت سبحت وطلعت لبيت حكيمة الطريق جان كلش ازدحام كوة وصلت كل واحد يحجي شكل بالشارع ناس يكولن اكو سيارة مفخخه وناس يكولون تفتيش ومسدود الشارع وصلت لبيت حكيمة تقريبا ساعه عشرة الصبح دخلت وبديت اشتغل بالمطبخ طول فترة الشغل انمار رايح راد كدام عيني بس ااابد ميعبرني ولا يشوفني بعينة عجيب هو هذا الجان يوومية يخابرني وهسة بين فترة وفترة يخابر يتمنئ يطلع وياية يموت روحه اذا ما ارد عليه وخابص روحه احبك واحبج اشو ولا عبالك هو حتئ بعيوني ميباوع كلش استغربت منة معقولة هيج يسيطر علئ مشاعرة ويايه.. خلصت تنضيف نص المطبخ بقئ شي قليل.. تقريبا صارت ساعه وحدة الضهر خابرني انمار شفت التلفون و ماجاوبت اخاف احد يسمعنة .. دورت اشو انمار ماكو وين راح .. بقيتة التلفون بجيبي واستمريت بالشغل بس لح بالاتصال اكثر من عشر مرات يخابر ومارد عليه حكيمة ـ ليش متجاوبين؟ ـ ها لا اني ماحب وكت الشغل اجاوب احد ـ لالا ميصير يجوز شي مهم يجوز خواتج بيهن شي ميصير متردين ـ سكتت نعرفت شنو اكلله رد دزلي مسج جاووووبي بسررررعه محتاجح بشغلة.. استغربت بشنو يحتاجني انمار؟ و شنو الشغلة هاي وهو يمي بالبيت .. ثواني ورد اتصل وجاوبت عليه .. الوو براء ـ واخيراا جاوبتي يااساااقطةةةة *البارت45* *ليلة_من_فبراير* ❤️ حكيمة ـ ليش متجاوبين؟ نهاوند ـ ها لا اني ماحب وكت الشغل اجاوب احد ـ لالا ميصير يجوز شي مهم يجوز خواتج بيهن شي ميصير متردين ـ سكتت معرفت شنو اكلله رد دزلي مسج جاووووبي بسررررعه محتاجج بشغلة.. استغربت بشنو يحتاجني انمار؟ و شنو الشغلة هاي وهو يمي بالبيت ثواني ورد اتصل وجاوبت عليه .. الوو براء ـ واخيراا جاوبتي يااساااقطةةةة ـ عزا منو انتي ؟ ـ يعنييي منوو قدررج الاسوود ياااكحبةة لج حقيرررررر مستغفلتنيي ااانتي ووويااااه حكيمة ـ ياستار شكو ـ اسألييهه لخداامتجج الحقيـــــــــــــررة ـ انصدمت من شفت براء شايلة التلفون وتحجي صوتهه بالتلفون يضرب بأذني بس شجاب تلفون انمار بيدهه مدفتهم شنو القصة وشبيهه هاي ويايه وليش تكول رجلي .. التم البيت كلة علينة سهام وريهام واياس وابوهم همين طلع من غرفته ابو اوس ـ خير ياستار شكو شصاير ؟ براء ـ االحكنني عــــمييي شوووف اااابنك يخااابر هااالسااقطةة يحجي وياهه كلاام غزززل وحبجيييات يخوووني وويااهه حكمية. ـ لا شنو هالحجي .. ابو اوس. ـ شنو السالفة ام اوس تعالي فهمييني حكمية. ـ خايب خلي افتهم اني اول شي وبعدين افهمك .. كولي نهاوند شنو القصة ـ ما اعرف خاله مادري شـ براء ـ ووولج ياالنذلـــــةة تسووين نفسجج فقيررررة يالساااقطة يابواكةة الزلمم يالخداااامةةة بالبيووت يالمجدييية بالشواارع يالمطلكة يالمسجوونة تريدين تاخذين رجلي منييي مستغفلينيي اانتي وويااه اليوووم اااقتلج واااشررب من دمممج يااانكسسسة ريهام ـ عزاا كافي شنو هاي الالفاظ براء براء ـ حرركة كلبيي منوو يطفييهه وولج يااا اام لرجووولة تريدين تبوووكين رررجلــــيي يالخداامةةةة يالباايرة وووولج كلج علئ بعضج خداااامة تكربين بالبيوووت وتنضفيين الخيسة يااخااايسةةة تشتغليين بأجررتج مثل الحماار بكرووتة وجاااية تريدين تخلين راااسج براااسي ترسمين علئ ررجلــــي وتبووكي ترريدين تااخذي منيي يالساااقطة حكمية ـ شنو هالحجي ؟ شنو دليلج انمار ـ خير ياستار شبيكم.. صوتكم واصل لبيت الفلاح برة شنو صاير فهموني براء ـ تعاال شوووف مصيببةة اخووك شوووف هاللكحبةةة الخدااامة التمدحوون بيييهه ليل نهاار طلع عدهه علااقة برررجليييي وتريد تاااخذةة ام السجووون انمار ـ انتي! عندج علاقة بـ أوس؟ ـ ردت اللطم من ردة فعل انمار يمكن صدكهه .. لالا انمارر والله العظيييم كذب ماكــو هيج شي شووف تلفوني مابي رقمه والله ماابي براء ـ لللج اانجببيي بووواكة الللزللم تنكررين عييني عييينج يالكبحيية لعدد هذااااا شنوووو بالتلفوون موو رقمجج من خااابرت منوو طلعع عفرريتج موو انتتي جاوبتينييي ـ شنو ابوك رجلج هاي شبيج يمعودة شنو معنئ كلاامج ترة هذا مو طبعي ولا ااخلاقي والله العظيم ـ لا تغشميييين روووحج يالللكحبةةةةة يالمجدييية يا ام السجووون طبعااااا انتي منو مكلبج تريدين تلووفيين علئ اوووس وتااخذي شاايفتةة فررصة ذهبية متتعوووض يخلصصج من مزبلللتج وفكررج العايشة بي ياللسااقطة ـ معرفت شلون اسكتهه وشنو اكلهه راسا كمت ابجي دموعي ماكدرت اسيطر عليهن انمار عبالك مصدك بمرة اخو وخاله حكيمة واكفة وخازرتني بعيونهه مستغربة من هالحجي .. اريد اكول لانمار احجي انطق بس لساني معكود تجاهه ماعرف ليش رفعت تلفوني بيدي وامسح بدموعي اخذو شوفو والله مابي رقم اوس حكيمة ـ احجي نهاوند شنو علاقتج بـ أوس ؟ براء ـ يكووون الله تنكر حتئ اافكسس عينـــــهه فكسسس بأصابعي هذنييي هااكم شوفو التلفوون من دكييت علييه جاوبتنيي ليش اجاووبني شجاب رقمهه بهالتلفوون اااحجي ووولج مو هذاا رقمججج حكيمةـ شو جيبي خلي اشوفةة ... اي صح هذا رقم نهاوند واني اكول ليش متقبل تجاوب اثاري حضررتج لايفة علئ ابنيي وتخافين تحجين؟ براء ـ لان تعررف نفسهه مسووية مسكوورة بكد رااسهه انمار ـ شوي اهدئو لا يسمعونة الجوارين شو جيبي هالتلفون خلي اشوفه .. براء. ـ هاك اخذةة شوف ـ اكلج ترة هذا مو مالت اوس ؟ شنو متعرفين تفلون رجلج؟ براء ـ هية هاااي المصيبة اني همين ردت اجذب علئ روحي بس ماكو فايدة هالتفلون ماالته الباررحة الطريق كلة. جان مرررتبك من وصلنة هالحثااله لبيتهه كلبي راسا لعبب منه ااالله رااد يوكعهمم بيديي وووويكشفهم هسة قبل لايطلع رحت لسيارته ودورت ولكيته تلفون شكبررة مابي بس هالررقم ليششش رقم امهةةة نهاوند ـ مو تلفوون اووس ؟ شكاعدة تحجيين اانتي شبيك انمارر اااحجي انت صددكت بحجيهه لو شنو معنئ تصرفاتك كافي عااد اعترف احجيلهم انمارـ اني! شحجي وعلئ شنو اعترف؟ حكيمة ـ شبيج يااابة اشو لفييتي علئ وولدي خيررج وولج براء ـ مووو كلتلججج هاي ســـاقطة ام الرجووولة ترريدلهه رجال يفوخهه شافت اووس كداامهه كالت تجرجرة الهه وهسة انمار ـ مدكدر استوعب موقف انمار هذا شبي مديقبل يحجي معقولة يشوفني بهيج حاله ويسكت ميدافع عني .. ليش ساكت وميكول هذا تلفوتي ورقمي.. اشو مستغررب شبييك عفية اااحجي والله تعبتت من المشااكل كوول هذا رقمك مو رقم اووس انت موو دائما تخابرني علئ هالرقم شبييك اااحجي انمار ـ ااني! هه يايوم خابرتج؟ وبعدين هذا مو تلفوني ـ كرهت روحي من نكر واستهزء بكلامي هذا شكد شايفني صغيرة بعينة .. ليش تنكرر وتستهزء من شنو خاايف احجيي لاهلك خلي يعررفون الجنت تحجيليياه بالتلفوون ليش تسكت وانت شايفهم هيج يهينوني ـ من شنو اخاف ؟ وشأنكرر.. شبيج ياابة ااصحي خيررج حكيمةـ شديصيرررر من ورااية؟ اااحد يفهمني انمار. ـ والله يا امي بريئ مثل برائة الذيب من دم يووسف لا شايفهه لهلبنية ولامخابرهه ولا حاجي وياهه بشي ـ انصدمت من انكارة لموضوعنه معقولة يوصل لهلدرجة بالجُبن .. حكيمةـ خلوووني افتهممم تعاالي ااحجي المننن جنتي تخاااابررين؟ ـ انعكد لساني من الخوف سمعت هورن سيارة بالكراج يدك بهستيرية وشخطة سيارة مشئ سريع عبالك .. تلفوني بيدي وصافنة ما اعرف شسوي بهالورطة براء ـ شتسأليييهه ام اوووس هيية هااي مال سؤاال هالمجدييية هالفكررر.. كلشش واضحة جانت تلعب علئ ررجلي ـ دكلجج موو رلججج موو ررجلجج هذاا انمااار جاان يخابررني ووااصلاا اني ماجنت نااطيته عيين لان اادري ماوراه فاايدة بس يكضي ووكت والله جان كلبي حااسس بهالشيي انمار ـ ترة الكدامج مو زعطوط حتئ تتبلين عليه وازيدج من الشعر بيت ترة هواي مار عليه امثالج خاف شفتيني جم مرة وصلتج بسيارتي وكعدت بالصدر لو سولفت وياج اتصورتي احبج وصدكتي نفسج وعشتي اللحضة ترة هالكلاوات مو عليه شمسوية مكسورة وجاية تريدين تطبين بلاويج عليةة براء ـ ييعني انتي مصااادقة الاخووة اثنينهم شكــــدد وصخةة لخااطر الله لاعندج عيب ولا حرام مصادقتهم اثنينهمم حتئ ياهو التووكعي تاخــذي وتخلي جووة ااايدج ووولــج يالحقيررة مالكيتي غيير رجليي ـ لا ابد والله العظيم ابد مو هيج ـ لااا بعد ما اتحمل وولكم عوووفووني علييهه اريد اشرررب من دمهه خلووني اااضرربهه واابرد كلبيي بيهه وخرروو عنييي ـ دفعت خاله حكيمة وكمزت عليه تريد تضربني صديت ضربتهه دفعتهه وبعدتهه عني وانمار اجئ اخذهه براء ـ ووولج وتضرربيني هميييين فوووك صلافتتج ياابواكة الزلمم تضربينن اسيادج يالخداامة انمار ـ كااافي ااهدئي صوتج نصي ترة انفضحنةة بين الجوارين بطلي خبال عاد براء ـ وفوكاههه تحجي علييية اني المتاذيية من هالسالفة كلهه تحجي هيج ويايه بمكان مالتزمون هالساقطة وتملخوهه تحجي علييه ـ الصياح بالبيت مو طبيعي البنات واكفات بعيد وابوهم كعد ميكدر يوكف بعد لان كلش سمين وهاي كل شوي تريد تهجم عليه وتضربني وانمار لازمهه وامهم نضراتهه تخوف ثواني واجئ اوس لزم زوجته حتئ تسكت اوس ـ كافي اهدئي وبلا هالخبال مالتج براء ـ اهااا ااجيييت يالافندييي تعاال كلييييي شنوو بينااتكم ـ كلشي مابيناتنه بطلي اوهاام ـ ناااوي يخبلنييي اابنكم وهالتلفووون شنووو ابو اوس ـ متسوه هالهوسة استهدو بالله حكمية ـ شلون متسوووة شكاعد تحجيي انت دتكلك ابنك عندة علاقة بالخدامة ـ تصير يابوية تصير هالامور مو شي جديد كافي لمو السالفة وكبري عقلج يابنتي براء ـ اااكبر عقليي شنو بمكان ماا ترززل ابنك واطيح حظهمم حكمية ـ طبعاااا عندك عااادي هالسوالف سوابقك تشهدلك .. شيطلـــع اااابن الجلببب غيرر جرووو مثلةة شيطلع مثلاااا حصااان ابو اوس ـ هنتيني كدام اولادي والغريبة همين.. عيب هالحجي حكيمة انمار ـ يمةة لاتغلطيين علئ ابوويـــة ـ اانجـــب انتت محد وواكع بالفضاايح غييريييي محد يلم زباالتكممم غيررري الشماااتة عندي كوومة وانتو كل واحد يفكر بنزوااته ومحد يفكرر بشكلنة كداام الناااس انمار. ـ شفت شسووويت بأستهتارك وولك ااحجي هذا تلفوونك لاتنكرر حكيمةة ـ واذا تلفوونة شنوو يتحااسب قابل ..تررة العييب عليهه هييية النطت مجال لهذا وذااك علمود تصعد علئ اجتافهم لو كل وحدة بااايرة وسااقطة تكررص نفسهه وتنجب وتكعد ماجان انجلبت الزلمم علئ نسوانهه نهاوند ـ متحملت كلامهم واتهاماتهم مسحت دموعي وفتحت تلفوني هذا رقم انمار والجان يحجي ويايه هو انمار اني ماكذبت عليكم ـ عمي والله مو ااااني لا تحطيهه براسي يابنت النااس حكيمة ـ بنت نااس منو وتحطهة براااسك شنو بابا بشرربة مي اضعيهه هية واهلهه ووولج ااااصحي علئ رووحج وكافي تخررطين حجي براء. ـ اااحجي ااوس هذاا تلفوونك لو تلفوون انمارر انمار. ـ اتحدااك تكول تلفوني حكيمة ـ جيبي تلفوونج انطينيااا ـ نطيتهه التلفون جرتة مني وراسا دفرتني ـ دكيي علئ هالتلفون براء خلي نشوف شكاتبة هالرخيصة ـ اتصلت براء علئ تلفوني طلع مكتوب انمار بتلفوني الولد ضل متفاجئ وفاتح حلكة واني ابجي ماعرف شحجي وشنو اكول وشلون ابريئ نفسي من هالمشكلة حكيمة ـ هنا يمي مكتووب انمار انتي شمكتوب يمج بالتلفون هذا احجي براء ـ كاتب .. الحلوة انمار ـ اوس احجي شنو السالفة ـ ما ادري ماعرف مالتمن هالتلفون انمار ـ لعد ليش من دخلت كأنو جاي وتعرف شصاير براء. ـ غيرر ااني خاابرته وعديتلة وصفييتلة لعد ليش ررجع حكمية ـ شتقصد انمار وضح حجيك اريد افتهم هذا تلفون منوو نهاوند ـ والله العظيم هذا انمار حتئ شوفو الرسايل شوفو هاي الرساله قبل لايسافر لتركيا شوفو شكاتبلي .. وهاي الرساله يكلي بيهه عيون انمار حكيمة ـ راح ينكلب راسي ووولكم ااعترفو منوو بيكم سووة هالسالفةة شعدكمم وووياهه انمار ـ انتي صدك تحجيين لو تتشااقين معقوولة تشكين بيه ليشش شنو شنااقصني حتئ نفسي تدني علئ خدامة؟ البنات تارسات شغلي واشكال والوان كدامي ما ينهزلي جفنن تالي اباوعلي علئ خداامة ااسالي هذا ابنج وشوفي شمسوي هو طوول عمرة يرركض ورة البنات شنوو هسة صار جديدة علليكم سوالفة اسالي شمسوي مكسوورة وذابهه براسي لك ااحجي عااااد لا اطيح حححظك سهام ـ عزاااااا وصخام اذا صدك اذا اهل خطييبي يدرووون بهللفضيحة يفصخون الخطوووبة ـ وين ماروح البنات يذبن فصخ خطوبتهن براسي .. حالي مثل التعلاكة التشيل مصايبهم راح اتفجر اريد ادافع عن نفسي مدكدر اوس ـ مو تلفوني براء ـ للليشش تكذذب هذاا اليوووم لكيته بسياررتك الباارحه من وصلنة هالخداامةة شفتك شكد مررتبك وشكدد تيااوعلهه عييينك مانزلتهه عنههه طول الطرييق تباوعلهه بالمرااية وولك ااني مو عمية لااا تحااول تكذبب حكمية ـ وولك ااحجي لاتضل ساكتت براء ـ ليش اااني عنديي صبررر بعد خللص صبررري من علاقااتك خلللص صبررري من ووصااختكك وتالي تخووني وية خدااااامة خدااااااااامة يااانااااس وووخر عنيي يااا كلببب ياا حقييرر تخووني وية الخدااامةة هذااا مستواية بنضرررك تخووني وية هالقذارةةة اليووم اقتلكم اثنينكممم وااالله ـ هجمت عليه وضربتني واجتي حكيمة وياهه خلوني بالكاع وداسو عليه اريد افك نفسي منهم مكدرت جنت كلش تعبانة من الشغل وجسمي كلة يوجعني تقرفصت بمكاني وكعدت ابجي بقن يضربني ويملخن بية استلسمت لقدري الماصيب مكتوبة علية وين ماولي حتئ مابية حيل ادافع عن نفسي لاتحركت ولا دافعت كل تفكيري صار يم خواتي خفت لا اموت ويتبهذلن ورايه انمارر ـ هووووب وووخروو عنهةةة لاتصيرون ولية مخاانيث علييهه شنو هالتصرفات بلة هذا تصرف نسوان مثقفات سيدات مجتمـــــع وووخررن عنهه كااافي حكمية ـ لعدد تستغفلنييي وتصااادق وولدي هاالتااايهه المكطمةة المااعدهه ااهل الشامررريهه بالشورااع لفيناهه اني واختي ورتبنااهه تالي تريد تااخذ وولدي منييي ام السجوون لج نسيتيي نفسج اانتي منو انمار ـ اوكفي براء جيبي التلفون لحظة خلي نفتهم نهاوند ـ وخرهم عني انمار بس بقيت بمكاني كاعدة امسح دموعي باوعت ايدي بيهه دم خرمشتني براء باضافيرهه ياربي شوكت يعوفوني صار كل همي اطلع من هالبيت وكفت علئ حيلي واخذت تلفوني اريد اكللهم اني رايحه ماكدر الخوف والغصة مانعتني احجي كوة سيطرت علئ نفسي وكلتلهم .. راح اروح انمار ـ لا متروحين اذا منخلي النقاط علئ الحروف ونكشف كلشي حكيمة ـ وووين اطلعيين عبالج بهالسوووله الطبة والطلعة ابيت حكيمة تصادقين ولدي ومدسترة امورج حتئ تصيرين جنتي شايفة نفسج انتي منو واحنةة منو ولج انتي والف وحدة مثلج نشتريج بفلوسنه ونذبج اكل للجلابنةة جايين هسة تخلين رااسج براسي ااحجي ووولج اعترفي كوولي لاتضلين سااكته من شوكت عينج علييهم انمار ـ شتعترف .. شوفي هذا العقد بأسم منو وشوفي الرقم نفس رقم هالتلفون بعدك تنكر يا اوس وتكول ماعندي علم بهالتلفون براء ـ طلعت الجيييفة بيييينت الخيييسةة ياااااووووصخخخ مشترري تلفون وحاطة بالدشبوول عبالك ماااراح اادرري لو مالكفگ ووولك جم بنية خااااايني ووياااهن واررجع اساامحك مثل الغبييية ووولك مااحارك كلبيي غير تخووني وية خداامة وووية هاااي ـ هالحجي هد حيلي يعني ماجان انمار اليخابرني جان اوس طول هالفترة مضحوك عليه ومصدكة هذا انمار وكل ماتضيق عليه الدنية ويظيمني الظيم اكول بلكي انمار يقنع اهله ويجي يخلصني اني وخواتي تالي يطلع اوس المتزوج ياحظج الاسود يا نهاوند حكيمة ـ جنتي متئ متئملة تصيرين مررة ابنني جنتي ارريد اعررف شلون خنتنية هيج ليش ماصارحتيني اني لو ميسوون ولج شنوو دتحلمييين انتي ـ لا.. ماحلمت اصير جنتج ولا حلمت اخذ واحد مثل ولدج والله مجان بالي يمه بس هو خابرني وكلي الرقم اخذته من امي وكلي اني احبج ومعجب بيج ورايد اتزوجج حكيمة ـ وانت كيفتييي ووين تلكيهه ـ كل بنية تحلم تتزوج قسمة زينة وتنستر ..يعني محلمت بشي حرام حكيمة ـ هذا الحرام بعينة حتئ الحلم بهيج سوالف علئ ولد الشوارع والفكورة حرام لاتباوعين لفوك لان تنكسر ركبتج وراح تنكسرر اليووم ـ والله العظيم ياخال مجنت اعرف هذا اووس هو كلي اني انمار ـ اااوس لوو انمااار ماكو فررررق المهم انتي صدكتي وردتي تصيرين جنة هالبيت ليش ماحجيتييلي ليش مااكلتييي حتئ اني اتصررف شلون تتجرأأين وتفكيررولو تفكيرر بواحد من ولديي انمارـ ليش ساكت اوس كافي تمثيل ترة انكشفت ليش استعملت اسمي شنو المغزة من هالتصرف براءـ اطررربني يالفحللل اااحجي اوس ـ ما كلت اسمك بقصد .. بس من خابرتهه كلتلي منو انت انمار عرفت عينهه عليك كلتلهه اي .. براء. ـ خبرررة بالسفاللة حضررتك حكيمة ـ كمل لاتسكت انمار ـ طلع كل البكلبك لو انت رجال اوس ـ خلص طالما كلشي انكشف خلي احجي صح بالبداية اتصورتهه وحدة سهلة بسبب وضعهه وضروفهه .. كلت حالهه حال العرفتهن والراح ااعرفهن بس بمرور الوكت شفتهه كلش ثكيلة حتئ رسايلي واتصالاتي مترد عليهن مو بيدي .. دخلت كلبي هالبنية براء ـ شنو.. دخلت كلبك؟ حكمية ـ سمممم بكلبك يالناااقص عايف بنت الحسب والنسب وجاي علئ هااي؟ ـ كلبي مال الهه شكد ااختبررتهه شد اغرريتهه بفلوس وهداية وطلعا وونساات بس ابد ما اهتمت مو بيدي احب البنية التثكل عليه رغم مقوماتهه ابد متشجع مسجونة مطلكة خدامة اهل ماعدهه بس دخلت كلبي والحب مو بالايد انمار ـ تحبهه ومستعمل اسمي وهية مصدكة اني الرايدهه وكاعد احجي وياهه شنو هالخربطة ولك مستحيت علئ روحك ـ ماجنت اكدر اواجهه واكلهه اني اوس هواي ايام حاولت بس مكدرت براء ـ وااااني ااكول شبيي رررجلي شاررد طووول الووكت مينااقش ولا يحجيي ولااا يدخل بشي مثل قبللل صاير هاادئ مطيع كلت يمكن الله عقلة وعاف سوالفة الخاايسة تاالي طلع يحب الخداامة يحظي الاغبررر حكيمة ـ ليش محسسيني احنة بمسلسل سلستي المدبلج ؟ تالي عمرك يا ابن حكيمة تحب خدامة بس العتب مو علييك العتب علييهه هيةة الائمنتهه ابيتي وضيفتهه واعتبرتهه وحدة من عدنةة تغدددرني ـ ماجانت نيتي اغدر بس انمار كلي انمار ـ مو اني .. هذاا اوس ـ هو كلي اني احبج وراح اقنع اهلي عليج بس ماريدج تحجين لاحد واني ما حجيت لان اخاف تفهموني غلط والله اني متربية وشريفة ومو هذا طبعي والله العظيم انمار ـ طاح حظك وحظ عقلك يا اوس سالفتك مال واحد جبان بالبدايته ردتهه علمود تشبع غريزتك بس من لبستك حبيتهه ولعلمك هذا مو حب بمجرد ما تاخذ حاجتك منهه تشمرهه جان استحييت عود انت الجبير وهيج تسوي وفوكاهه منتحل شخصيتي لو ما ورقة عقد السيم كارت جان انذبت براسي وشيخلصني بعد حكيمة ـ لا تضل تلوم ااخووك لوم هالساااقطةة الغدررت الايد النمدت االهه براءـ اني رايحه لاهلي هو مويحب الثكيلات والتلبسه راح اشوفه براء منوووو حكيمة ـ وووين برااء برااء ـ راحت براء زعلانة وحكيمة وبناتهه يركضن وراهه يريدن يقنعنهه تبقئ.. ضليت اني وانمار واوس شعور صعب ماعرف اوصفة جنت طول هالفترة مخدوعه كل عقلي هذا انمار اليخابرني فرحانة بروحي هيح شخص عينة عليه و يحبني ويريد يتزوجني تالي انصدم بـ أوس .. كلهه بجفة وكلام انمار عني بجفة ثانية كلامة كلش قاسي عليه صدك شناقصة حتئ يباوع علئ وحدة مثلي… كل عبر الدنية بية انمار ـ لو سوايتك هاي مسويهه اخونة الصغير اياس جان لكيتلة عذر بس انت شنو عذرك؟ اوس ـ ماعندي عذر ولا عندي كلام احجي واذا تريد تطلك براء بعد احسن من باجر اروح اطلكهه واشمرلهه مهرهه واخلص ابو اياس ـ والله احسن اطفر النهر ماطولة ضيك لاتصير مثلي وتالي حتئ احترام متحترمك انمار ـ شنو القصة ابو اوس بلة هاي نصيحه نهاوند ـ حسبي الله ونعم الوكيل عليك يا اوس ..عندك خوات وراح تشوف هالاذية السببته الي بدون ذنب لبست العباية الاسلامية وطلعت اركض من البيت.. لحكني حكيمة وسهام يمكن يريدن يضربني شفت الباب الخارجية مفتوحه اخذتهه بركضة بس اريد اطلع من هالبيت خايفة لايلزموني .. طلعت الباب اركض واخذت الشارع كلة ركض بيتهم بين الافرع ويحتاج مشي هواي جسمي كلة يوجعني مبية بعد اضغط علئ روحي واركض اكثر كمت اتمشئ شوي شوي واتلفت كل شوي لا يلحكوني كوة وصلت الشارع الرئيسي وكفت تكسي وراسا صعدت.. كل شوي ابجي علئ حضي ياربي شسويت حتئ يصير هيج عقابي بالطريق وخابرتني ام مهند خفت اجاوبهه اكيد وصللهه خبر بالصار دكت عليه اكثر من مرة معرفت شسوي بس ماريد اجاوبهه ابد ماريد خاف تسمعني حجي وما ااكدر احجي بالسيارة راسا طفيت التلفون وضميته مستغربة من نفسي شلون جنت مخدوعه بي شلون ماعرفت هذا اوس نفس صوت انمار بالضبط هو اني حتئ ما سامعه صوت انمار بالتلفون اكيد ينلعب عليه بسهولة خصوصا اصواتهم تتشابه وصلت البيت ودفعت الاجرة ونزلت احس روحي مسوية مصيبة جبيرة خايفة لا انكشف المصايب كثرت بهالشهر عليه دخلت للبيت سويت نفسي مبية شي كميلة ـ رجعتي من وكت مو كلتي عندي شغل واتاخر ـ اي مو جابو وحدة تساعدني ـ ها زين .. خو مو قسمو الاجرة بينكم ـ ها.. اي عادي المهم خلصنة لان بيت جبير ـ يلة. شسوين محد ياخذ رزق غيرة ـاروح اسبح عمة ـ روحي روحي عمة الحمام فارغ ـ دخلت سبحت وراسا رجعت لغرفتي قفلتهه علينة وكعدت ما اعرف ليش ممطمنة ولا مرتاحة حاسة راح يصير شي بس شنو ما ادري التلفون بعدة مقفول ماريد افتحه خلي اغير الشريحه احسن اشتري وحدة غير هاي واخلص من المشاكل ... والاعرفهم اخلي ارقامهم عندي وانطيهم خبر اكلهم غيرت خطي بس اهم شي اخلص من حكيمة وام مهند ولو اكيد راح يشوهن سمعتي وميسكتن عني.. الله كريم الله ميكطع برزق احد كل الجبهات نفتحت بوجهي بهالايام شكد نحسسة عليه هالسنة ربي خلصهه علئ خير صار العصر وراحو خواتي لبيت عمة كميلة يتفرجن تلفزيون كلبي مقبوض وممررتاحه اكيد هسة ام مهند لو زوجهه يخابرون عمامي عزااا بعيني شراح يخلصني منهم دقايق والباب مال البيت انخظت خظ سمعت صوت ام مهند تصيح فتحي الباب نهاوند .. كلبي انخمش حيلي انهد كوة سحبت روحي وطلعت طلع ناصر وزوجته وعمة كميلة وياهم فتحو الباب ووكفت وراهم ام مهند ـ ووينهه .. ووينهه ناصر ـ خير ام مهند شكو ـ ووين بنت اخووك منال ـ يمعزاية شمصخمة هالمرة ـ ليشش هييج ولج ليش تخوونين ثقتنةة بييج هااي تاليهه تغدرررينة ـ اريد احجي ماكو صوتي اختفئ كل العائلة طلعت تتفرج علئ مصيبتي ناصر ـ احجي ووولج شمسووية ـ ممسوية شي والله ام مهند ـ وبعين الوكحة تنكررين حاطة عيينج علئ ااابن اختيي وتكولين ممسوية شي منال ـ عزاااا مو كلتلكمم هاااي متتامن وولكم هااي مو رااحه ام مهند ـ ووولج طلعت مررة عمج تعررف بخيااستج وحقهه هيج تسوي بييج حاطة عينجج علئ ابن ااختييي اااني ابن ااختي يباااوع لخداامة؟ ليش ياابة شنااقصة نسيتي نفسج اانتي منوو ووولج شنووو هالصلااافة العنددج لاتخجلين ولا تستحيين ناصر ـ اني اادري بيهه ادبسزز وينراد نعيد تربيتهه من جديد ام مهند ـ والله عمي حقهمم عمامج هييج يسوون ويااج لان خبيييثة وووصووليةة خرربتي بيت ابن ااختي وخليتي مررتة تطلب الطلااك بس همة همين ماقصروو بيج خووش كتلة حصلتي منهم ولو مابرد كلبهمم منج بس ااني ابرد كلبهم وولج منو سوة سوايتج حااطة عينج علئ اثنيـــن ااخووة ناصر ـ هااااا ـ قاابل ااجذب علييك؟ ترريد اخابرلك ااختي وتسألهه بيتهم انكلب عززة بسبب بنت ااخوك عدهه علااقة بولد ااختي ولا حاجية ولا كاايلة علئ الصامت صاايرة تشتغل هاي اللساانهه مو الهه وكلشي تحجييي صايرة تضمضم ومتحجيي تريد توكعهمم وتستفررد بيهم نهاوند ـ مو هيج والله مو هيج ناصر ـ ااانجبي ياااسااقططةةةة ـ راسا اجئ وضربني ناصر التمن خواتي عليه و يبجن يمي خطية خافن من الموقف جان كلش صعب علينة .. مووهيج افتهموو يلة تضرربون ماسوويت شي والله العظيم موو مثل متحجييي ام مهند والله العظيم مو هيج ام مهند ـ نزلتي من عيينيي فد مررة لج ااخوة ااثنين حاطة عينج عليهم الكحاب ماسون سوايتج ووبعدين اانتي خللك خداامة شنوو نسيتي نفسسج اانتي منوو؟ نسيتي شلون ااجيتيني حال الظيم حالج حتئ سلابات ماعندج مثل النااس رتبتج ونظفتج وشبعت بطنج وسويتج بشر تالي هيج تسوين لج يمكصووفة الررركبة اليباووع للعاالي تنكسرر ركبتهةةة مصايب الدنية بييج وحاطة عينج علئ ولد اختيي لج تعرفين احنة منوو وانتي شنوو صددك كبحية و مااطمرر بيج كل وكفااتنة وياااج اني واختي لا انوب طمعتيي بالاكثثرر تريد تصير جنتنة بنت الفكور .. ناصر ـ عيب هالحجي ام مهند شنو بنت الفكر ـ ااش ااش ..انوب انت لاتخليني هسة اطلع كل خيستكم هااااج ااخذي ااجررتج ااحنة منااخذ حق الخـــــــدم مالتنة ووتفوووو علييج يااقليلةة ااصل ـ شمرتلي خمسين الف بالكاع وراحت بسيارتهه اجتي نغم شالتهن ودخلت للغرفة ناصر ـ لج ااااحجي شنو هالحجي السمعناه منال ـ ههههههه وين عصابتج يا ام عصااابة ليش مادزيتيهه الهن مو تكول كتلنج وماقصرن بيج مو جنتي تكولين اليدووسلي علئ اطررف يلكة روحه بالزباااله مشمورر اشو انطحنتي مثل الجلبة وتخافين تفكين حلكج كميلة ـ شنو صاير نهاوند احجي ـ مكدرت احجي بالتفصيل خجلت من نفسي .. ابن اختهه جان يريدني ومن عرفن كلبن الدنية ناصر ـ فضايحج هواي صارت بنت فؤاد لج ااحجي يريدج لوو بيناتكم علااقة اااااحجي ـ ماعندي علاقة والله ماعندي شي منال ـ كافي كافي موكت حجي اشتهرنة والناس كلهه سمعت خيستكم امشي ندخل للبيت ننتضر ارشد يجي حتئ نخلي النقط علئ الحروف هاي جابتلنة فضايح الهه اول مالهه تالي واني خايفة علئ سمعة بنتي من هالوصاخة .. ـ راحو منال وناصر ودخلو للهول بقت كميلة يمي وبنات ارشد وزوجته يتفرجن من فوك ويتهامسن عليه صرت فرجه للعالم لليسوة والميسوة كميلة ـ شسويتي احجي ـ ابنهم جان يريدني وهنة عرفن قابل شسويت كفرت ـ وهيج يسوون بس لان ابنهم رادج؟ ـ اني خدامة ومطلكة وام السجون وهمة ناس اثرياء اكيد يعتبروني مو من مستواهم ـ واذا تعرفين هيج ليش من البداية قبلتي بعلاقة وية ابنهم ـ ماقبلت بعلاقة بس هو لح عليه وكلت بلكي تتغير حياتي علئ عينة ـ ووينة الشفية ليش مادافع عندج ـ انتي كلتي شفية واكيد ميدافع عني ـ شوفي شراح تحوكلج منال الله يستر من الجاي هاي مستحيل تعديهه بسهولة ـ المبلل ميخاف من المطر شتريد تسوي خلي تسوي حاولت ابين نفسي متماسكة كدامهه بس بداخلي منهارة بقيت ساكته ماحجيت بوجه منو مصبحة اليوم كلة كتل وضرب واذية شوكت اخلص من هالمشاكل وارتاح عاد ـ يلة اني راحة اسوي عشة للجهال تحتاجين شي ـ لا عمة .. راحو كلهم وهداء البيت خواتي جاعن خطية طلعت برة اغسل البتيتة حتئ اكلي الهن دقيق ودخل ارشد .. ارشد ـ شنو صاير وراية ـ بقيت جامدة بمكاني معرفت شحجي ـ خابرني ناصر يكلي بنت اخوك سودت وجهنه… احجي شنو صاير ناصر. ـ تعال تعال لاتحجي وياهه تعال دنتتضرك.. ـ راح ارشد ودخل يمهم احس كلبي راح يطلع من مكانة اتقربت شوي من شباكهم و سمعتهه تحجي الحية ام راسين وية ناصر وارشد وصوتهه يلعلع منال. ـ ها شفتتتووو شمسووية بنت اخوكم شحجيت علئ المخبلة مو كلتلكم راح تكسر وجوهنةة وكلتلكم كلشيي متكدر تسوي مو كلتلكمم كذااابة يابة والله كذابة ماعدهه لا عصابة ولاصخاام جوة ايدهة بس انتو متصكدون ناصر ـ اني همين شاك بيهه كلشي ماكو بس همين ارجع واكول هاي نغلة متنحزر ـ شنو متنحزرر شفت ام مهند شلوون مرغلتهه بالكاع وقبلهةة ااختهه اشو مسوت شيي لو صدك عصابة جوة اايدهه جان محد كدر سحجس وياهه وبعدين تعااول ووين عقبكم لهااطر الله جوة ايدهه عصاابة وتشتغل خداامة بالبيووت ؟ ولكم يااولد عميي ووين عقوولكممم شلوون تقبلووهه بكد فردة القندرة و تلاعب بيينة هييج ؟ ناصر ـ والله طارت من بالي هالسالفة ـ اي بس شووف شلون بهذلوهه اليوم اشو خنست وكعدت مو جانت تكول اذبح واذب بالزبل ومحد يدري وقبلهم ام علاء شبعتهه بهذلة وحجي مكزكز من هذا اليعجب وانوب علاء جاب عمة واجئ يركض وشبعهه اهاين هناا كل هااي الاهانات وكلشي مسوت الهم شبيكم يااابة معقوولة بعدكم مصدكين بيهه حتئ عيييب علئ شااربكم تبقون خايفين دشوفوهه يم الغير كملة مفروكة ويمي تصير فرعون لا عيوني اني هيج ميصرفلي تلزموهه وتأدبووهه فتهمتوو ناصر. ـ و شنو المطلوب يعني شنسويله نهاوند ـ عزةةة بعييني كشفووني شيردون منييي شيريدونن ييياا الله شراح يسوون بيية عزة بعيني عزةة بعييني راح اروح بالرجلين ارشد ـ عقلي مشتت معقولة. نهاوند هيج تسوي منال ـ حقك ماجنت هنا وشفت الفضاايح ام مهند لمت امة لا اله الا الله عليينة وهاي اذا ما نشكمهه مثل قبل ترررة منكدر نسيطر عليهه بعد .. ـ مبين يريدون يتفقون عليه احس كلبي راح يطلع من مكانة ويوكف من الرعب عفت كلشي بيدي وتقربت اكثر علئ الشباك حتئ اسمعهم منال ـ هسة صدكت كلامي؟ مو كلتلكم هاي بووخة تجذب عليكم لا عصابة ولا نعال جوة ايدهه لو صدك عدهه شي جوة ايدهه جان من زماااان جابتهم علينة قابل تنتضرررنة ناذيهه ارشد ـ والله شنو اكلج اليدخل سجن كلشي يشوف ـ اي صح بس مو هاي الخبلة اللاكفة ويننهه وين جروخهه ام العصابة مشتهه عليكم وضحكت بعقولكم بس اني لا ماكدرت تمشيهه عليه ارشد ـ حتئ لو جذب شتريدون منهه كاعدة بغرفتهه هية وخواتهه كافية خيرهه شرهه منال ـ هااااا مو انت عمهه وهاي شرفك شنو هالحجي انووب اولا غرفتهه باب لوحدهه وتوالي الليل منعررف منو يدخل ومنو يطلع منهه كلنة نايمين وماحاسين علئ روحنة ويااغافلين الكم الله ـ مو لهل درجة منال ـ وواكثررر اكلك مصادقة كرايب ام مهند اااثنين اخوة تكلي مو لهلدررجة ولعلمك السالفة السوتهه قبل جم يوم عود شايفة شبح ومدري شنو كلهه كلاوات عبالكم عبرت علييية لا عييوني اني متعبر عليه هالكلاوات شايفه هواي منهه لعلمكم هاي جانت مدخلة احد يمهه بالغرفة وسوت هالهووسة كلهةةة حتئ خااف احنة نسمع صوت لو نحس بحرركة تغلبنةة وتصير هية الحجت بالبداية ونبهتنة حتئ لانشك بيهه ناصر ـ والله داهية انتي شلون فاتتني ارشد ـ لالا مو معقولة لان جانن خايفات من نزلت وشفتهن ـ اااي يمعوود كلة تمثيل بتمثيل وبعديين تعال اكلك انت عرفت شمسويه بنت اخووك قبل حم يوم لو لا؟ ـ شمسوية انوب ؟ ـ ناايم ورجلييك بالشمس عميي فضحتنة بالمنطقةةة كلهه فوك هالفضيحة قبل جم يوم عمر ابن ام عمر لازم ولد بالشارع وضاربة علمود بنت اخوك عود مصجمهه مدري ذابلهه حجاية ارشد. ـ شنو هالحجي ـ قابل اكذب عليييك اسال ناصر اسال ولد المنطقةة شلون عمر لازم الولد وملخة كتل ... زين شنو حاجي عليهه بلة؟ وليش عمر فازعلهه ارشد ـ ابن جيرانة عندة غيرة ـ يااغيرةة يااابة هية وحدة من اثنين متقبل ثاالثة ابدد لو بنت اخوك ناطيتة عين وخلتة هالولد هيج يتمادة لان انت عندك بنات واني عندي اشو متوصل احد يتعارك علمودهن بالشارع ناصر ـ بناتنة ثكيلات ومؤدبات شنو هالمقارنة ـ ااي طبعاا وولو عدهه شي هية وعمر جيرانكم وهيج دمه محروك عليهه وبالحالتين راسكم راح يصيرر بالطين ااكثر من ورة هالمطلكة ام السجون ولكم لموو عرضكم لمووهه هالساقطةةة لاتسويلنة فضيحة بعد فوك هالفضاايح الصارت ناصر. ـ المثلهه لازم لاتطلع ولا اطب واحنة هواي تساهلنة وياهه وخليناهه تتشتغل وتروح وتجي وتكسيات وكيات شوف اشكال شافت هاي وهية بمرحلة عمرية خطرة كلشي ممكن تسوي منال ـ شفت الفضاايح يا ابو محمد عيني هاي وجوددهه بالبييت هنا وياانه خطررر وخطااااء جبيير بحق بناتنه ارشد ـ لعد شتريدين وين نوديهه ـ شنو وين نوديهه نلكالهه مـــصيبة وونشمرهه بيهه ـ لا عاد يا منال كافي لهنا وبس البنية كاعدة وكافية خيرهه شرهه شضارتج اشو حتئ حمولة خواتهه شايلتهن ـ شدعوة يبو كلب الرهييف لاتخاف ماراح نموتهه ناصر ـ شنو براسج يدور منال ـ اني اكلك شنو براسي نهاوند ـ من هالجملة وبعد ماسمعت كلمة اتقربت اريد اسمع شيحجون ماكو صوت عزةة بعيني شراح يسوون بينة ياربي انقذنة تعرف بيينة وحيدين ماعدنة ضهر وماعدنة احد ربييي دخيلك شراح يسوون بينة صاحتلي الحان تريد اكل رحت وسويتلهه اكل شلون ماجان خايفة وارجف كلبي راح يطلع من مكانة ربي المن اشتكي المن اروح اني وخواتي قفلت باب الغرفة خايفة يسوولنة شي اليل كلة كعدت مكدرت انام من الخوف علئ شنو اتفقت وياهم ضدي وضد خواتي ليش مكدرت اسمع صوتهه بعد .. طول الوقت مترقبة شراح يصير وشنو تريد تسوي منال بينة كل شوي اتخيل راح يكسرون الباب علينة وياخذونة لمكان مجهول ويقتلونة اهذت اوراقي وفلوسي وتلفوني وضميتهن يم كميلة كلتله اي شي يصير ابد لاتطلعهن لان اعرف راح ياخذوهن من عندي وفعلا ثاني يوم اجوي عليه ناصر وارشد ورادوهن شبعوني كتل وماحصلو شي مني .. صارت ايامنة جحيم بهالايام ناصر ووسام بالطالعه والنازلة يضربوني اني وخواتي حاولت اكون قوية كدامهم بس مكدرت ضربوني واذوني وكلولي ننتضر عصابتج تجينة ممنوع بعد اطلع من البيت وممنوع ااودي خواتي وارجعهن من المدرسة حاولت عمة كميلة هالتكدر عليه تسوي يوم تاخذهن ويوم لا ايام كلش صعبة مرت علينة محد سندنة بيهه ولا احد وكف بوجهم وحمانة منهم حتئ خالة ام عمر ماكدرت تسوي شي بعد الهوسة مالت ام مهند صارت جياتهه قليلة كلش من غير ناصر هواي تجاوز عليهه وزوجهه تقريبا منعهه بعد تدخل بيتنة وحقه ما اكدر الومة.. صارت امتحانات نصف السنة وامتحنو خواتي العيشة صارت كلش صعبة الفلوس مقبلت اصرفهه جنت تقريبا مجمعه 120 الف عشت علئ مساعدات الايتام ومساعدات خاله ام عمر هالفترة انحرمن خواتي من كل الحلويات يبجن ويريدن وما اشتري حاسة راح يصير شي والفلوس هية متقذنة الوحيد خصوصا هسة ماكو شغل بعد صارت العطلة وتخضرو لزواج جيداء شوي بهالايام التهو عني وحارو ببنت اخوهم اليحبوهه حنة وعرس سووهه بنفس اليوم وهمين حبسونة ابيت عمة كميلة الناس تغني وتصفك برة واني وخواتي شابعات بجي ابجي علئ حظي وحظ خواتي متت قهر عليهن يريدن يحضرن العرس وميقبلون كلة. بسببي صارو يتسنكفون منهن شنو ذنبهن يتأذن هيج حاولت الهيهن والعب وياهن ماكو فايدة من صارت وكت الزفة التمن يم باب الهول مالت عمة كميلة علمود يشوفن العروسة وكفت وراهن اتفرج شوي من البردة شفتهه لجيداء من ورة تمشي وخواتهه شايلات البدلة ويمشن وراهه بدلتهه كلش جبيرة ومنفوشة وكفو اباب الحوش وابوهه باسهه من راسهه وكعد يحجي وية زوجهه سيف ما اعرف شديحجون بعدين حظنتهه امهه وكامن يبجن ثواني وصعدوهم السيارة وراحو بقو ناصر وارشد ومنال بالبيت طلعت اني وخواتي حتئ نرجع لبيتنة باوعت عليه منال وكالت هسة فرغتلج يابنت ناصر.. اخذت خواتي ودخلت اركض للغرفة مرعوبة من هالحجاية شراح تسوي بينة يا الله شنو ناوية علينة البيت محد بي بس همة واحنة لا عمة كميلة ولا ام محمد كلهم راحو زفافة صار الليل واني اخاف اطلع رغم رجعو من الزفة بس مرعوبة هالليلة جانت كلش طويلة الثانية بسنة تمر عليه قافلة بابي وحاضنة خواتي للصبح مكدرت انام مكابلتهن وكاعدة كل شوي اتخيل راح يجون علينة يسوون شي بينة من طلع النهار شوي أمنت ردت اضل كاعدة خاف خواتي يطلعن ويسوون بيهن شي كلش تعبت وبعد مبية اتحرك عيوني طبككت تماما يمكن غفيت ثواني او دقايق ما ادري بس كعدت علئ هووسة وعيطة وصراخ اليبــو بصوت عالي شفت خواتي مو يمي بس الحان نايمة وكعدت فازة وياية تخبلت وين نغم وصبا كمت اركض فتحت الباب لكيت وسام متمدد بالطرمة وامة مكابلته وتملخ بروحهه.. وللحكاية بقية………… 🥀