طفلتي اليتيمه - *بارت42* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت42* *ليلة_من_فبراير* ❤️ ام عمر ـ دزيت عمر ابني يجيبلج مسواك وبعد من اليوم محد يخبث عليج اقتصدي بالاكل ولا تذبي وتبذرين بي واي شي تحتاجي اني يمج نهاوند ـ شكرا خاله الف شكر .. ـ الشكر لله بنتي .. يلة خاله اني اروح اخذي راحتكم ـ عافتنة وراحت خاله سديت الباب وبديت ارتب بالاغراض اول مرة بحياتي احس بالاستقلالية والامان.. كلش فرحانة بالغرفة خواتي يمي واكل عدنة الف الحمد لله والشكر .. قفلت باب الغرفة وكعدنة نرتب بغراضنة الغرفة يرادلهه شوي تنضيف طلعت دشداشتي القديمة وسويتهه وصلة مسح و بالحديقة بصفي حنفية صغيرة مكانهه بالضبط علئ الصبة مالت الكراج جانو يغسلون بيهه سيارة ناصر من جان عندة سيارة قبل الانفجار.. طلعت غسلت الوصلة ورجعت للغرفة امسحهه .. نغم ـ نونة لحونة جوعانة ـ ها ... اي حبيبتي هسة بيت خالة ام عمر يجيبولنة مسواك واطبخلكم صبا ـ شووكت مو صار الضهر متنة جوع ـ هسة يجون والله بس روحي العبي وراح تشوفين الاكل مستوي وجاهز .. راحن خواتي يلعبن جوة بالغرفة انضف وبالي يم الاكل شنو اسويلهم واني خلصت كل شي ماعندي حتئ القنينة خلصانة مابيهه الا اخضهه شلون خاف خاله ام عمر تتاخر ومتجيب الاكل .. لالا هية كالت هسة يجي عمر جايب مسواك حاولت ما ابقئ افكر بهلامر والتهيت انضف لان تعبني التفكير ما اكدر اشوف خواتي جوعانات واضل هيج ممسوية شي كميلة ـ اااي صلوات صلوات بالعافية علييكم ماشالله حلوة الغرفة ولامتكم علئ كدكم ـ هلو عمة .. اي الحمد لله ـ ولج لا تمسحين الغرفة وتبلليهه ترة يرادلهه كنس هذا تراب مدري برادة مو مال مسح ـ اي ادري خاله بس ماعندي مكناسة ـ تعالي صباوي روحي للبيت مالتي ورة باب المطبخ اكو مكناسة جيبيهه وتعالي.. اخذيهه الج باجر اشتري غيرهه صبا ـ اي هسة ـ راحت صبا تركض جابت المكناسة وبديت انضف كميلة ـ الطباخ زين مكانة هنا لاتغيري خلي يم الشباك خاف ينفس او شي لايخنكم لو ينفجر ـ هو اخاف من القنينة دائما اطفيهه ـ زين تسوين يرادلكم ميز للطباخ لان مترهم يبقئ هيج بالكاع يرادلكم هواي غراض كنتور او كومدي يلم هدومكم غراضكم ـ شوي شوي المهن ان شالله ـ اهم شي ديري بالج علئ خواتج هسة الطباخ ابطن غرفتكم مو مثل قبل بالطرمة من تطبخين طرديهن برة الغرفة خاف يكلبن الاكل هو وحار عليهن ياستار ـ اسم الله يارب .. ان شالله ماخليهن يتقربن للطباخ بلكي خاله ام مهند تلكالي شغل واكدر اشتري ميز وكنتور وباقي الغراض ـ اي عفية ان اشالله.. شوي شوي يلمن وتصير سوالف الايام الصعبة ـ ان شالله ـ يلة خلصي تنضيف معليج بية ـ ستوني خلصت تنضيف والباب اندكت كميلة ـ ياهلااا بابو وليد شلونك اخبارك خالد ـ عليكم السلام خاله ياهلا بيج الحمد لله بخير انتو شلونكم ـ بخير نسأل عنك.. عاشت ايدك والله ماقصرتو انت واهلك .. تعالي نهاوند اخذي المسواك من ايد ابو وليد ـ استغربت من اسمة شنو ابو وليد منو هذا ؟ اكيد عمة كميلة تعرفة .. رحت للباب شفته هذا ابن خاله ام عمر نسيت اسمة بس شكد متغير عن قبل صاير طويل بس كلش ضعيف ملامحة يشبه خاله ام عمر بالضبط عيونة وسط خشمة حلكة مو كلش كبار بس وجهه مربع مو مدور مثل امة .. اخذت المسواك منة وشكرته ورجعت خالد ـ جبتلكم قنينة غاز متروسة هسة اجيبهه بس طلعيلي الفارغه دفعيهه وخليهه يم الباب ـ حاضر.. رحت دخلت الاغراض و شلت المنظم ودفعت القنينه خليتهه بالباب رجع خالد شايل القنينة علئ جتفة ماقبل يخليهه بالباب ـ لالا خليني اددخل متكدرين تشيليهه ثكيلة سوي طريق ـ ابتعدت شوي عن الباب ودخلهه يم الشباك خلاهه واخذ الفارغة وراح هذا ابن خاله ام عمر ـ اي هذا خالد ـ يالله شكد متغير عن قبل هههه ـ طبعا يتغير الصغير يكبر قابل يبقئ علئ حجمة كلكم تكبرون وتكبرونة وياكم ـ بس شنو اتزوج اشو ماكالت خاله عدهه ولد متزوج ـ لاا خالد ممتزوج ـ لعد ليش كلتيلة ابو وليد ـ هههههه ولج الكنية لاسم خالد هية ابو وليد ـ يا واني عبالي اتزوجو .. ـ ان شالله يتزوجون استحقو زواج صارو كبار يحتاجون نسوات .. شو خلي نشوف شنو جابولج هاي كونية عشر كيلوات تمن.. وتنكة دهن وشكر يمكن يطلع بي خمس كيلوات شو خلي اشوف هالجيس شنو بي .. هاي بقوليات يمكن علئ كيلوين لو كيلوين ونص فاصولية عدس ماش باكلة يابسة لوبية حمرة وهاي جيس جبير شعرية وهاي تلث جياس حليب المدهش شو خلي نشوف شنو هاي جيبي قربي عليه… ـ هاي روبة ووياهه قواطي معجون وجياس ملح ـ اي خوش .. زين بلة قربي هالصندوك شنو بي ـ بتيتة وبصل يابس ـ اي كلش زيين هذا يصمخ بدون ثلاجة خوش مسواك بالعافية واذا تحتاجين شي تعالي علية ـ لا الحمد لله خاله هذا كلش كافي ـ شوي شوي بالمواد ولاتبذرين علئ كدكم اطبخي حتئ لو تطبخين مرتين باليوم بس اهم شي ميتبذر وينذب.. وهسة خلصتي من هالعكربة يعني الحمد لله الحال بدة يتعدل وياج ـ الحمد لله بس بقئ انقل خواتي للمدارس وارتاح ـ اي صح ماضل شي للمدارس زين مو كلتي ام مهند راح تنقلهن ـ اي هية كالت عدهه عرف يخلصهن بسرعه وحضرت الاوراق والصور مالت خواتي ـ لعد لاتخافين ان شالله سهلة .. ـ ان اشالله يارب .. راسا كمت طلعت الجدورة اريد اطبخ ـ شراح تطبخين؟ ـ والله مادري بس يمكن تمن ومركة عدس ـ لا عوفي البقوليات اليابسة شكد متبقئ برة متتلف اطبخي بتيبة روحه مو طويلة تتلف بسرعه ـ خاله مركة بتيتة ميحبوهه خواتي ـ اي عادي سويهه وية الشعرية مكعبات شلون التاجينة ووياه روبة وهسة اجيبلكم دبة طرشي اني جابستة وطماطة ويصير الاكل طيب ـ اي والله صدك .. كمت طبخت تمن وسويت التاجينة عزمت عمة كميلة ووجهالهه يمنة وجابت اكلهه علئ اكلنة وكعدنة سوية ناكل بسفرة وحدة نغم ـ احنة وين منروح نكعد ماعدنة تلفزيون مثل البشر والله مليت اريد اتفرج كارتون ضووجة ـ شوي شوي اجيبلج نغومة لا تحجين هيج ـ هوووف ملل كميلة ـ والله حقهه الطفلة .. تعالو يمنة تفرجو بين مالله يفرجهه عليكم ـ الله كريم اهم شي صار عندي باب اقفلهه عليه اني وخواتي ـ اي والله هذا اهم شي ـ هسة اجي عمة .. طلعت غسلت المواعين بالطرمة شفت منال واكفة وتباوعي بخزرة عين تخوف سويت نفسي ممهتمة الهه وراسا رجعت للغرفة خدرت جاي بالجدرية وصبيتة بالكلاصات مالت الجبن وقدمت لعمة كميلة ـ ماعندج قوري واستكاين مو ـ لا ماعندي .. بس هذا كافي علينة شسوي بهواي غراض ماعندي مكان ـ لا يجي يوم وتحتاجيهن يجوز يمر عليج خطيبج علاء بشنو تقدميلة بجدرية وكلاص جبين ـ سكتت ماحجيت خطية عبالهه بعدهم يريدون يخطبوني .. ـ وبعدين اني عندي خيررر من الله خواتي ونسوان اخوتي شالو وحملوني من عزلت من هالجلاب ـ حرامات نكول جلاب خطية وفية بس هذول وحوش ـ اعرفهم كلش زين عشرة عمر مابيهم خير كلهـــم زباله ـ بس عمو عماد زين ـ عمج عماد ابو اسلام من جان هنا زين بس من سافر خلص عبالك نسئ كلشي ونسئ اهله راح وكال عدوولي ـ هواي احن اله بس اخر مرة من خابرتو وكلتله منال اني وخواتي مهزومات كعد يرزل بية ويحجي ويغلط عليه هواي انقهرت منة وشلت بكلبي عليه اني تربيتة ليش هيج حجئ عليه ليش يصدك بيهم ـ شوفي نهاوند .. اني همين غلطت بحقج وحق خواتج من شمروكم بالشارع وبقينة اني وتوفيق ساكتين ونتفرج وما ادخلنة.. ووبصراحه ماعندي ااااي مبرر لافعالنه التخزي اني ماحجيت بوكتهه لان شفت عمامج ساكتين وهمة اقرب الج مني اني غريبة عنج مرة عمج مو اكثر وبصراحه همين ماحجيت لان منال مسيطرة علئ عمامج خصوصا ناصر وتوفيق جانت متحكمة بيهم مثل اللعابة بيدهة متتذكرين شلون جانت تسميني كدام توفيق ام اربع عيون لان البس نضارة لاجان يردهه ولا يصدهه بالعكس قنعته يتزوج علييه الاغم وتالي الله اخذه من دعواتي عليه ووبعدين حتئ لو حاجية كلامي لا يقدم. ولا يأخر لان اول وتالي كلمة منال هية التمشي والي يصير راح تعاديني اكثر من الاول وتكلب عليه توفيق اكثر فـ بقيت ساكته وارجع واكلج هذا مو مبرر ابد ولا كاعدة ابرر لنفسي لان خليت جهالي بهالموقف الله لايكولهه ان شالله اكبرهم وائمن عليهن والله ياخذ امانته ـ ان شالله ـ والله ياعمة هو الوحيد الجان يكدر عليهه فؤاد بكلمة منة تنسطر ويسكتهه وميخليهه تفتح حلكهه بعد ابد ما اعرف شنو السر وليش فؤاد الله يرحمة جان هيج يتعامل وياهه ـ شلون يعني شبي ابوية ـ يووو جان يكومهه بتفلة ويكعدهه بغلطة وياما وياما صارت مشاكل شكبرهه بين ناصر وفؤاد وناصر يقاطع فؤاد ويتعاركون وتصير سالفة شكبرهه بس فؤاد ماغير طبعه وية منال اذا يشوفهه كاعدة يتفل يمهه علئ الكاع ويروح جان يموت منهه ما ادري ليش بس هية ماجانت مبينة هالحقد عليه يعني نشوفهه تنقهر من هيج يتصرف وياهه بس ترجع عادية بعدين ـ عزة صدك جان هيج بابا يتصرف وياهه ـ اي والله اني اتذكر كلش زين حتئ جانت عمتي حجية حورية الله يرحمهه تلزمة تحجي عليه ترزله ميفيد بي تكلة عيب بنت عمك ومرة اخوك لا هيج تتصرف وياهه يكلهه لاتعلميني بيهه هاي شيطان لابسة ثوب ملاك والله هو الوحيد العرفهه شيطان وشكد رادت امه تعرف ليش هيج يعاملهه ماحجة ولا كال اصلا حتئ ماقبل امج تكعد يمهه وتحجي وياهه مو مثلنة جنة نكعد ونسولف وبس تجي هية راسا يأشر لامج يكلهه كومي فجانت تضوج منهم ـ استغربت من هالحجي اول مرة اسمعه ـ اي والله بس كلتلج عركات ناصر وفؤاد واصله لسابع جار ـ بديت انشط ذاكرتي شوي .. اي صح ابد مايوم شفت عمو ناصر وبابا مجتمعين سوية مو مثل بابا وعمو عماد اوتوفيق وارشد ـ هو كلتلج محد يكدر عليهه غير ابو اسلام وشوووي ارشد همين يكدر يوكفهه بس باليعجبة بالطخات مو علئ طول اشوفه يتجنبهه ـ والله ياعمة اني ما اعتب علئ منال حتئ لو جانت بنت عم ابوية بس تبقئ غريبة علية مستغربة من عمامي ليش هيج يعاملونة واحنة صغار وايتام ليش هيج اذونة واحنة بنات اخوهن ـ اعتقد هواي اسباب زرعت التفرقة بين الاخوان من تزوجت عمج توفيق جان دائما يتعارك وية فؤاد حجية حورية تكول رويسية ـ شنو رويسية ـ يعني واحد ورة الثاني جاي يسموهم رويسية و الحجي والحجية الله يرحمهم جانو مثال بالاخلاق والادب والطيبة والكل يمدح بيهم بعد اهلي شالوني ونطوني علئ صيت الحجي والحجية وحتئ اهل امج نفس الشي همين شالو ونطو علئ صيت حجي حمزة وحجية حورية بس الخطأ الارتكبو بتربية ولدهم وبناتهم حسب وجهه نظري وحسب معاشرتي الهم هية التفرقة وبنفس الوكت عمي الله يرحمة جان يتعامل بالامر والنهي وية ولدة وبناته يعني ميناقشهم ابد مثلا اكو امور حرام يسويهه البشر بس يحتاج الشخص يفتهم ليش حرام وشنو الاذية منهه عمي جان ميشرحلهم وهذا الكلام كلهم حجوه جان ميفهمهم ليش حرام وليش حلال خلص متسوي هالشي يعني متسوي هذا امر وهذول بشر وكل واحد طبع مترهم هيج تربية وية الولد وللبنات واكو شغلة ثانية همين انتبهت عليهه جان يجبرهم علئ اداء الواجبات لازم يسووهه غصبا عليهم يعني اتذكر مرة ضرب توفيق واحنة جنة ستونة متزوجين لان انتبه عليه يأخر صلاتة وتوفيق جان رجال شكبرة مترهم ينضرب كدام احد واصلا مترهم ينضرب حتئ لو بينة وبين نفسه فعمامج اكو بيهم انصاع مثل شفاء الله يرحمهه البنية جانت فقيرة ومتاذي احد ابد وقايمة بواجبات الدين كلهه وحبابة بينما عندج سهير همين تصلي وتصوم بس هالشي ماخلاهه تمتنع من النفاق والاذية وتتذكرين شكد جانت تاذي بحجيهه وافعالهه وشكد جانت تربط لحية بلحية يعني دينهه مافهمته صح وهسة روحي شوفيهه شلون عود صارت متدينة بعد وفاة ولدهه بالانفجار دائما الدين يربطو بالمصايب العندة مصيبة لو مقهور يعبد الله وبس تنفرج عليه نسئ كلشي محد متخذ الدين بحقيقته الايمانة الصحيحه لذلك تشوفين دينهم كشرر مو حقيقي ولا صحيح واني منهم طبعا ما ابري نفسي اذا ماحبينة الدين مستحيل نلتزم بي وهذا الصار وية عمامج وعماتج وحتئ ابوج ـ ابوية جان يحب الالحان والغنه شعجب جدي ماكدر عليه ـ لا مو قصة ماكدر عليه اني اتذكر كلش زين الصار جدج حمزة جان هواي يحب فؤاد لان كلش يشبة ابو حمزة يعني جدة لفؤاد حسب ميكولون نفس الشكل ودورة الوجه فما جان يحاسبه بشكل شديد مثل اخوته وبنفس الوقت الله يرحمة فؤاد جان اغلب وقته يخلصة ابيت عمامة لان شوي اقل تشدد من حجي حمزة هالشي خلئ توفيق والبقية يضوجون من فؤاد ـ ليش ـ يعني يكولون ليش احنة من نبات برة البيت تقوم الساعه علينة وليش فؤاد يبقئ ايام برة البيت وجدج يغض البصر عنة هاي تحز بالنفس لان فؤاد صغيرهم مو جبيرهم حتئ يكولون والله جبير ابونة وعادي يثق بي فتولدت نفور بيناتهم ـ يعني تقصدين جان يفرق بينهم؟ ـ يعني هيج شي مو تفرقه قوية لا بس هذول يتحاسبون بنفس السااعه فؤاد لا ميتحاسب ورة وين يلة يحجي وياه الحجي وحتئ من امج عافت ابوج بسبب الغنة ومدري شنو .. صح جدج زعل منة وطردة بوقتهه لان شافهه عيب بحقه هيج تطلع سمعه عن ابنة بس وراهه رجعه للبيت وسكت عنة وبدليل قبل انتي تعيشين وية عمج وزوجته وماكدر يجبر فؤاد يرجع زوجته او يتزوج مرة ثانية وياخذج يمة .. والله اتذكر ابو اسلام مرة تعارك وية زوجته وراحت زعلانة لاهلهه كعدلة بالباب ولازملة العوجية كلة متخطي رجلك للبيت اذا مترجع مرتك وجهالك لو اتبره منك ـ ها صدك ـ اي والله شوفي اني مو احجي علئ حجي حمزة الله يرحمة لا بالعكس جان رجال مثالي فد شي بالمنطقة الكل تحلف براسة بس ميمنع هو بشر وعندة شوي اخطاء بس ارجع واكول العيب مو بحجي حمزة لا العيب بولدة لان صارو زلم شطووولههم وهذا حالههم لايفكرون بطفل ولا يتيم وهمة واولاد حجيي حمزةة هذا بحد ذاته مصيبة ينعابون عليهه لان هيج حالهم ـ الفهمتة من كلامج عمامي جانو يغارون من ابوية لان جدي يفرق بمعاملته بينهم وجدي جان شديد بالصلاة والالتزام وية البقية عدا ابوية ـ حتئ وية ابوج همين جان شديد هواي ايام جان يجبرة يصلي ويصوم بس كلتلج اغلب وقت فؤاد ابيت عمة يبات فيزاغل ميدري بي شوفي بعض الناس يكونون مطيعين بالصغر لكن بس يكبرون يتمردون ميحبون الاوامر.. وطبعا هذا كلةة بجفة وزرع الحنية بين اولاد الحجي بجفة ثانية ـ ليش معقولة مازرعو حنية بينهم ـ مو بقصد مازرعو حنية بينهم شوفي انتي مو تحبين خواتج وتخافين عليهن .. هذا اكيد زرعته بيج امج ازدهار الله يرحمهه بقصد او غير قصد ـ اي جانت تحبني وزينة ويايه وهذني خواتي شلون اكرههن لو اعوفهن ـ عفية بالضبط بس ولد الحجي مابينهم حنية كل واحد يريد يحود النار لخبزتة وجدج وبيبيتج من اهل قبل شلون همة تربو ربو ولدهم بس كل وكت اله طريقته خطية الله يرحمهم فطنو لهلسالفة متأخر كلش لان صارو كبار بعد ميفيد الحجي وياهم ـ قابل همة يحتاجون حجي ؟ صارو كبار والمفروض يربون نفسهم ـ والله صحيح كلامج بس لاننسئ التعلم بالصغر مثل النقش علئ الحجر وهمة بصغرهم ماجان اكو حنية بينهم يعني حسب ماحجالي توفيق عن اهلة واخوته حنية مو قوية ـ هالكلام اذا صدك يعني تقريبا عرفت ليش يكرهونة ولو هو مو سبب قوي حتئ هيج يتصرفون ويانه بس ماكو غير تفسير لحقدهم ولا مبالتهم علينة.. بس ابقئ مستغربة من عمو عماد هو رباني خمس سنين ليش ميحن عليه ليش ميسأل عني ويتذكرني صح مو بنته اني بس بنت اخو ورباني وية جهاله معقولة ميحن الي ميذكرني ـ يخابر بس علئ اخوتة ارشد وناصر ومن جان توفيق عايش يخابرة بس مات خلص انتهت مهمته وبعد ماخابر ولا عبرنة ـ يلة الله لا يعوزني عليه شسويلة زين هو يعرف بية تزوجت ـ هههه اي منال جذبت براسة وهو صدكهه ـ صدك ؟ شنو كلتلة ـ كلتله زوجناهه لناس زينين بيهم خير زوجهه جادود يجد ويشتغل ويذب عليهه وخواتهه يم خالتهن تريدهن متقبل ناخدهن ـ وصدكهه ـ اي اكيد يصدك ببنت عمة قابل يشم كفة ايدة ومنو يكدر يكذبهه لمنال غير تلوف السالفة عليه وبعد شيخصلة يمعودة خليهه سكته.... يلة سولفنة هواي اني اروح اخبز تاخر الوكت هسة ادزلج جم كرصة بيد الجهال ـ راحت عمة كميلة وبقيت اني وخواتي اني بالغرفة وهنة بالكراج يلعبن التلفون دك اخذتة باوعت شو هالرقم غريب مابي اسم .. الو ـ الو مرحبا انتي نهاوند التشتغل عند ام مهند مو؟ ـ ها .. اي اني ـ نحتاجج تنضيفن بيتنة .. مابي هواي شغل لان جديد ستوهم طلعو منة العمال ونريد نشيل بي بس يرادلة هواي تنضيف وخصوصا الكاع يرادلهه جلف ـ اي ليش لا ميخالف ـ خوش لعد.. شكد تاخذين؟ ـ ها .. سكتت شوي محد سألني قبل شكد تاخذين.. يعني هو البيت شكبرة ـ البيت مو كلش جبير بس طابقين ـ سكتت معرفت شجاوب .. زين خلي اشوفة وبعدين اكلكم شكد اخذ ـ تمام ..حضري نفسج باجر بثمانية نجي وية ام مهند ناخذج ونروح ـ حاضر ان شالله بس وين بيتكم ـ مو بعيد قريب علئ بيت ام مهند ـ خوش لعد انتضركم سديت التلفون وحضرت نفسي حتئ اروح حجيت وية خواتي بالليل وكلتلهن رايحه باجر اشتغل لا تصيرين وكحات ولا تطلعن برة فتهمتن نيمتهن وكعدت اكلب بالتلفون انمار ابد ميمل شكد يتصل صح مرات اجاوبة بس اغلب الاحيان لا ماجاوبة بس شنو هالبشر ماعندة كرامة هذا عجيب اذا عود يحبني ليش ميتقدم ليش هالكد يلح بالتلفونات ويشوفني ماناطيته وجه خابص روحه يريدني اطلع وياه.. ثواني وراحت ايدي علئ رسايل علاء اقراهه وابجي شكد هاني واذاني حسبي الله عليه خليت راسي علئ المخدة وجبرت روحي انام باجر وراية كعدة من الصبح… ـــــــــــــــــــــــــــــــــــــــــــــــ خالد ـ اكلج يمة هاي البنية بنت اخو ابو محمد شكد عمرهه ام عمر ـ نهاوند تقصد ؟ ـ اي اي الاخذتلهه مسواك ـ يمكن 16 عمرهه هسة ـ حلوة الله يستر عليهه ـ ياا تخبل نونة وشلون معدلة ونضيفة واهم شي شريفة وخوش بنية ـ شدكولين تخطبيهه الي؟ ـ ليش انت مو علئ اساس جنت رايد وحدة وتحبهه! ـ لا مو احبهه احبهه هيج عادي بس صارت مشاكل وتفاركنه صار فترة تقريبا ـ شنو هاي اشو ماحجيتلي ـ يا امي مو كلشي احجي الج سالفة وراحت يعني علاقة مو جدية ولا علاقة حب قوية فماهتميت ـ وشنو هسة عود حطيت عينك علئ نونة ـ والله شايفهه اخر مرة من جانت تروح وترجع وية بنت عمهه للمدرسة جانت صغيرة ممبين شكلهه بس هسة لا تغيرت شلون صايرة ماشالله تبارك الرحمن ـ والله يايمة شكو بيهه ياريت تصير جنتي علئ الاقل حفيدة حجي حمزة وحجية حورية احسن نسب والله خوش بنية ومتتعيب ابو عمر ـ شكاعد تحجون صوتكم يدوي براسي دويي ام عمر ـ هاا كاعد بغرفتك وتسمعنه وتكول سمعي ثكيل كوة اسمع ـ غير صوتكم زرف راسي .. خير شبيكم ـ عيني ابنك يريد يتزوج ـ اي يالله بس منو ياهو منهم؟ ـ خالد يريد يعرس هههههه ـ خلي ازوج اخوك الجبير اول شي وبعدين انت مترهم ـ هاي شبيك يابو عمر قابل هنة بنات حتئ تمشيهن بالسرة وتخاف علئ مشاعرهن هذول ولد بأي وكت يتزوجون ـ اي ولك ماكلتلي المن تريد تتناسب ؟ ام عمر ـ ناس تعرفهم اكثر من اهلك.. ـ منو؟ ـ يريد نهاوند بنت فؤاد ـ اننجب لــــك اني انااسب هذوول ليش شناقصك ـ يا عزة ليش هيج تحجي بيت حجي حمزة يفوز الياخد منهم ـ شبيج يويل ام عمر يعني الياخد دعاء مثلا يفوز؟ المنطقة. كلهه تدري بيهه مركز شباب وجانت عدهه علاقة بولد الشارع كلهم واولهم قيس واخرهم ممعلوم منو هو هذا نسب بلة؟ فكرو عدل شوي ـ ونهاوند شعليهه بمصايب بنت عمهه وبعدين بنات ارشد شبيهن خوش بنات همين هيج تحجي عليهن ـ بلة شنو ااكول لعشييرتي من يشوفوني مخلي ايدي بيد ناصر وابو محمد ليش خلصت العوائل الزينة لو خلصن البنات حتئ اخلي ايدي بأيد هذوول ـ وشنو ذنبهه اذا هذول عمامهه ـ البنية همين معيوبة ترة مطلكة ومسجونة بقضية قتل يعني قسمةة ااابد مو تمام ام عمر ـ هاي صدك تحجي؟ مو انت التكول هالله الـ هالله بالايتام تالي هذا تفكيرك ـ ليش وشسويت اني؟ قابل قصرت تجاهم كطعت لكمتهم؟ الاكدر عليه والما اكدر عليه سويته لخاطرهن.. بس بهيج خطووة لاااااااا مستحــــيل وبعدين اني ماحجيت عن كل الايتام اني حجيتت عن حاله هالبنية فقــــط ـ وشنوو ذنبهه ليش تناأخذ بذنب عمامهه ترة همة الذبوهه بهالمصايب والله هية طفلة وماعدهه شي والله العظيم اصلا سباعية حافظت علئ نفسهه بنص هالذيابة والجلاب ـ ميخالف .. انتي مرة و تفكرين بعاطفة اني رجل اختلف افكر بعقليي مو كلبي افكر بنضرة عشيرتي واخوتي والناس لهل شي يتيمة اساعدهه اي بس مو معناهه انسابهم فتحي عقلج ام عمر اساعدهم وااسوي فوك الاكدر علييه بس اناسب هيج بشر لا مستحيل خالد ـ البنية ماشوفهه معيوبة ـ ولـــك مسجونة ابني انسجنت شهر كامل بتهمة قتل ومطلكة تعرف منو طليقهه صباح ابن ابو فلاح ابو الفاايز والفلوس الحرتن يعني جانت عايشة بنص الكواويـــد لك ليش تاخذ فضاله غيرك شناقصك متكليـــي ام عمر ـ والله العظيم حراام عليك هيج تحجي البنية دررة من الله والله العظيم ميصير والله العظي مصدوومة بيك صدمة عمري ابو عمر ـ يابة اسكتي مصدومة اي ميخالف خلي اصدمج ولا الناس تاكل وجهي خالد ـ ترة صباح كلنة نعرف بي مو رجال ام عمر ـ شلون مو رجال ولك؟ ـ شسالفة يمة المنطقة كلهه تدري بي لان هو ابو جان يحجي ويشهر بي ويسمي الخصي ـ الاعرفة مريض نفسي مو غير شي ابو عمر ـ اي صح اني همين سامع مو رجال .. ام عمر ـ شوف والله البنية اابد ماافكت حلكهه ولا حجتلي شي هسة سمعت منكم هو هيج معقولة بعدهه بنية نهاوند ابو عمر ـ بينة او متزوجه هيج قسمةةةة ماا اقبل علييه شوفلك غيرر عائلة ياا ابني ما خلصن العوائل والبناات خالد ـ اكسب اجر يا ابوية بيهه شكو بية اذا اخذهه البنية مبينة مسكورة خلي استر عليهه ابو عمر ـ اكلك لاتقنعني عود حبيتهه اول مشفتهه ـ لااا مو قصة حبيتهه بس يتيمة وكلت استر عليهه لان شفت امي هواي تمدح بيهه واليوم شفتهه كلت شكو بيهه اذا اخذتهه.. ام عمر ـ شنو يتيمة وتستر عليهة شنو هالحجي قابل شايفهه شايلهه ثوبهه وتمشي بالشارع البنية ساترة نفسهه ومتحتاج احد منكم ابو عمر ـ عاد انتي محامي عنهه صايرة ـ والله انت ظالم بنية ميعيبهه شي مرت بضروف فوك طاقتهه وغصبا عنهه مو بأرادتهه ليش هيج تمنع الخير عنهه مو حرام عليك اتخيل عندك بنية وتمر بهيج ضروف همين هيج تحجي ابو عمر ـ الله يساعدهه ما اكدر اكول غير شي بس الاية تكول تخيرو نطفكم ان العرق دساس .. هذول عمامهه ماعدهم غيره وخوالهه همين ماعدهم غيرهه وامهه حدث بلا حرج لحمة حمرة وشمرتهه وراحت الطفل اليجي منهه شيطلع؟ غارف الدياااثة من الطرفين ولكم حفيدي يطلع مطييي ديووث ليشش بابا سالفة الزواج بطلوووهه تريد تتزوج شوفلك وحدة حسب ونسب ولاتضل تحجي بهالمووضوع لا انعل وووادد ووالدك ـــــــــــــــــــــــــــــــــــــــــــــــــــــــ نهاوند ـ صار ثاني يوم وكعدت من الفجر طبخت وكملت وعفت الجدورة علئ جهة وكعدت نغومة وكلتله اجتي خاله ام مهند اني رايحه قفلي الباب ورايه طلعت لكيت رجال يسوق ووياه مرية وخاله ام مهند.. سلمت عليهم وصعدت بالسيارة عرفتني عليهم المرية اسمهه ايناس صديقة ام مهند طول الطريق خالع تمدح بيه وبشغلي كدامهم.. خاله هاي اوراق خواتي وصورهن ام مهند ـ ماليش؟ ـ مو كلتي تنقلين خواتي للمدارس اليمنة ـ اهاا اي عفية زين سويتي والله راح من بالي جيبي ـ اخذتهن خاله وخلتهن بالجنطة وصلنة للبيت الانضفة اني وام مهند وهذا الرجال وايناس كالت خاله احنة كاعدين بهذا البيت اشرت علئ بيت بصف البيت الديبنوه ام مهند ـ اي شي تحتاجي دكي الباب لو خابري احنة هنا يمج ننتضرج تخلصين ـ حاضر .. عفتهم ودخلت للبيت جان جبير ويخبل وريحه البناء بعدهة بيه بس متروس رمل وجص وسمنت وحصو ذبيت العباية الاسلامية وبقيت بالتراكسود بديت انضف من الطابق الفوك ونزلت جوة .. عطشت وجعت بس مادكيت الباب عليهم ولا خابرتهم جنت اشرب من مي التانكي واصبر نفسي من ايدكني الجوع .. بديت من ساعه 9 ونص للثنتين الضهر يلة كملته كلة.. نضيف البيت لا تسعيف ولا شي بس الكاشي والبيبان والشببابيك يرادلهن جلف خصوصا الشبابيك بيهه يمكن صبغ كملت كلشي وطلعت الكراج اغسله خلصت كلشي ولبست عباتي الاسلامية وطلعت كلش تعبان وهلكانة كوة امشي دكيت الباب وطلعت خاله ام مهند ووياهه ايناس ام مهند ـ ها كملتي ـ اي ايناس ـ اشو لا كلتي اريد مي لا كلتي جوعانة ـ اريد اروح خاله اتاخرت علئ خواتي ايناس ـ يا خطية بالهه يم خواتهه ام مهند ـ دتعالي تعالي دخلي ـ لا خاله خلي يشوفون البيت وينطوني حسابي تأخرت .. طلعو كلهم افترو بالبيت شافو نضيف اجئ الرجال وكلي شكد حسابج بقيت ساكته ماعرف شنو احجي ياربي شكد اخذ مادري .. اكلة خمسين الف لو اكثر ام. مهند ـ ترة شغلهه نضيف واليت جبير واشبابيك طلعن مرمر من النضافة خطية نونة تستاهل 150 الف تنطوهه ـ انصدمت من كالت 150 واني كاعدة افكر اكلله خمسين الف فرحت بلكي صدك تنطيني 150 ايناس ـ ياااا شدعوووة 150 شنو يمعودة ام مهند قابل عدنة اثاث لو اغراض هو فارغ وبس مسح يرادلة ام مهند ـ انتي كريمة وهية تستاهل خطية تعبت شوفي البيت وحكمي ـ 75 الف كلش كافي ام مهند ـ دخليهه 100 بالعدلةةة ايناس ـ لالا 75 كلشش كافي قابل شسوت يمعودة مو اختج كربت عليهه من الصبح لليل ونطتهه 30 مدري شكد ـ بقيت ساكتة مكدرت احجي بس احس روحي مهظومة من السعر مااشالله الله ناطيهم كومة ليش ميزيدون السعر عليه ليش يستكثرو بية والله حتئ مطلبت اكل ولا شرب منهم ايدي وكعت من التعب وجسمي صار خيوط ايناس ـ هاي ال75 وبالعافية عليج ـ اخذتهه وسكتت ماحجيت .. خاله اريد ارجع ام مهند ـ يلة ايناس دنرجعهه لبيتهه ايناس ـ خلي تاخذ تكسي مو نطيناهه فلوس وين بية ارجعهه بعد عندي انقل غراضي مبية حيل ام مهند ـ اني ماجايبة سيارتي شلون ارجعهه ؟ ـ عزةة خاله اني ما اندل ارجع لوحدي ـ لاتخافين شبيج اوكفي .. ـ راحت شوي بعيد ام مهند وخابرت بقيت واكفة انتضر بمكاني بس كلش حاقدة علئ هالناس يعني فوك الفلوس القليلة يريدوني اصرف من جيبي وارجع تكسي تقارن نفسهه بخاله حكيمة وام مهند علئ الاقل هذني ينطني اغراض واكل وشرب وياخذوني ويرجعوني خو مو مثلهه جلفة بخيلة كلشي ماكو دقايق وشفت سيارة علاء واكفة يمي يباوع عليه .. عزة خاله ليش هيج سويتي ام مهند ـ الوحيد الائمن عليج وياج ـ لا ماروح وياه شوفي غيرة ـ اصعدي نهاوند لا تعاندين اعتبري تكسي وبس معليج بي جان مشروع خطبة بيناتكم وانتهئ وراح شكو بعد تتكاطع الدنية ـ بس الحجي الكاله مينسي ـ انتي همين حجيتي خوش حجي وتعادلتو يمعودة صعدي الوكت اغبر ما ائمن عليج ادزج وية احد ما اعرفة المصيبة لا انتي تندلين ولا اني ائمن شمدريني شيطلع وين ياخذج علئ الاقل هذا اعرف اهله واعرفة نيكدر يسوي شي .. يلة خاله صعدي لا تتأخرين .. ـ فتحت الباب الورة وصعدت سلمت علئ خاله ومشت السيارة ابد ماشفت بوجهه ولا حاولت ادير وجهي عليه بقيت اباوع من الجامه علئ الشارع والمحلات علاء ـ معقولة لهل درجه وصلتي حتئ متريدين تباوعيت بوجهي ـ كلبي وجسمي يرجفن من يحجي ويايه ـ صدك نسيتيني وبعد هاي هية؟ ـ ماحجيت ولا جاوبته ـ نهاوند باوعي عليه جاوبيني ـ شتريد مني مو خطبت بنت خالك زهراء ـ منو كلج ام مهند ـ ماكو شي ينظم ـ انجبرت عليهه بس اني ماريدهه ـ الله يسعدكم ـ والله رايدج والكلب هاويج ـ حسيت بأنكسار فضيع اتمنيت ابجي الئ ان ارتاح ـ نهاوند الله يخليج باوعي عليه والله مشتاك لوجهج ولنظرات عيونج ـ حبست دمعتي وكوة تماسكت الله يخليك علاء وصلني ولا تضل تحجي كافي السمعته منك ـ ليش شسمعتي مني؟ ـ هههه ضحكت ودمعتي بعيني شنو نسيت شحجيت علية من جنت بالنجف ـ اتجاوزتي علئ امي شلون تريديني اسكت ـ علئ اساس امك متجاوزت عليه؟ ـ مرة مفجوعه واكبر منج ليش تخليني اعيد الحجي ـ حتئ لو مفجوعه واكبر مني مينطيهه حق تهيني اني همين مفجوعه بامي وابوية لا حجيت ولا كلت ولاذبيتهه براس احد رجاءا علاء اسكت وخليني اوصل للبيت لان كلش تعبانة ـ ميهون عليه اشوفج تشتغلين ببيوت العالم ـ ميهون عليك لو تستنكف .. ـ لو استنكف جان مافكرت بيج من الاساس ـ ما اكدر انسئ شلون عيرتني ـ اني؟؟؟ شوكت عيررتج ـ لاتسوي نفسك ناسي طلع تلفونك وشوف رسايلك راسا خفف السرعة وطبك علئ الرصيف ووكف.. شسويت ليش وكفت ـ يارسايل؟ شوكت عيرتج بهالشغل! ـ لاتسوي نفسك بريئ ومتعرف الحجي انت بنفسك راسلتني شنو جنت نعسان ومتتذكر شكتبت افتح تلفونك وشوف رسايلك واسلوبك ويايه وشوف استهئزائك بية وبشغلي ـ ااااني؟ ـ اااي انت طلع تلفونك وشووف راسا اخذ تلفونة وفتحه ورجع للرسايل .. ـ شحجيت ؟ وووين رساايلي بلة ـ يجوز ماسحهن شمدريني ـ شنو ماااسحهن اصغرر منج حتئ تتكذبيني دكلجج مااااررسلت شيي اننتتي رراسلتلييي كلام مينلبسس عليه ثووب ورغم هذاا سامحتج ـ سامحتتني شنووو اليسمعك يكول شو شمسووية هاك شوف الرساايل العندي انت دازهه من رقمك شوف شوف اسلوبك ويايه هذا رقمك لو لاا احجي.. اخذ تلفوني واخذت تلفونة كل الرسايل الي هو دازهن الي ماسحهن من تلفونة بس مبقي الرسائل الاني دزيتهن ـ لا لا لا اني ماكتبتلج هذني الررسايل لا كتبتلج لسانج طويل وجنتي تمثلين عليه ولا كتبتلج تتحمليهه وغضبا عليج ام خطيبج ولا كتبتلج خواتي يشرفنج لان مو مسجونات واالله العظييم ماراسل هييج رسايل ـ لعد منوو رسلهن الجني ـ اني بوكتهه رجعت لكيت تلفوني بي رساييلج هاجج اقري هاي الرساله لكيتهه من رجعت ـ ليش وين رحت مو جنت تحجي ويايه ـ ابووية اتخربط بوقتهه من جنت احجي وياج راسه كلش جان ياذي من تلاغينة اني وانتي كلش عصبت شمرت التلفون وطلعت اجيبلة دوة رجعت لكيت دازتلي هالرساله هاج شوفي اقريهه شكاتبتلي.. ميحتاج تذكرني بس اذا اني خدامة فـ هنة حفافات ترة وهمين من بيت لبيت يفرفرن اشايفين نفسكم بيت الباشا مثلا ومحد يكدر يحجي وياكم بابا انت خلك سواق تكسي وهنة حفافات للنسوان وتعرف كلش زين سمعه الحفافات شنو.. ووياهه كلمة طز.... شلون تريديني اتصرف ردت اخابرج امي ماقبلت وحلفتني بصحتهه بعد ماخابر عليج لان كامت تبجي واني ما اتحمل اشوف دموع امي وفعلا ماخابرتج ولا عاتبتج احتراما لامي وانتي همين لا خابرتي ولا دزيتي رساله عرفت خلص نسيتيني ـ دموع امك متكدر تقاومهه وتحترمه بس دموع بنات الناس لعبة بيدكم زين مسألت نفسك ليش نهاوند تدز هيج رساله ؟ شفت بدايتهه شنو مكتوب كتبتلك ميحتاج تذكرني يعني انت حجيت بس للاسف انت من يمي متفكر ابد اهم شي امك.. ـ الماعندة خير بامة ماعندة خير ببنات الناس ـ هاي هية .. اعتبر كلشي انتهئ الله يسعدك وية بنت خالك يلة علاء وكفتنه بالشارع مالهه معنئ اليشوفنه شيحجي ناقصة حجي اني .. ماحجئ شي ويايه بس مبين عصبي وعيونة اطفر شرار.. شغل السيارة ومشينة ـ بنت خالي ماريدهه من زمان اشوفهه مثل اختي ما اكدر اعتبرهه غير شي ـ ماجاوبته ـ لاتغلسين.. اجيب عمامي واخطبج ـ وزهراء ـ شعليج بيهه ـ يعني شلون شعليه بيهه ؟ ـ هية الاولئ وانتي الثانية ـ هاي علمود ترضي امك واني علمود ترضي نفسك؟ ـ اي ـ شنو انت تضحك عليه لو شنو فلمك ـ عادي الشرع حلل اخذ اربعه مو بس اثنين ـ طبق الشرع بعيد عني وبعدين اني ماريدك انت خطبت والله يوفقك كل واحد يروح لطريقة ـ اجيب اهلي واخطبج واشوف شلون متقبلين ـ لا عادي اقبل ليش ما اقبل اذا بيت وحدي وويايه خواتي تفضل اخطب ـ شنو هالحجي اشو تغيرت حتئ النبرة ـ لعد شتريد اكعد وية زهراء واهلك ابيت واحد وفوكاهه اعوف خواتي .. يمعود اسكت لخاطر الله شوكت نوصل راح اخابر خاله ام مهند ما اعرف وين وصلنة ـ.وصلنةة لاتخابرين ماخاطفج .. ـ والله يالله شايف روحه وصلنة راس الشارع حضرت نفسي وطلعت فلوس الاجرة بس وصلنة فتحت الباب وحطيت الاجرة علئ المشن اليمة ونزلت شكد صاح عليه ميريد ياخذ الاجرة بس ولا باوعت عليه بعد وراسا دخلت للبيت .. اوووف خلصت منة صح مقهورة بس احس نفسي قوية دخلت لكيت باب الغرفة مسدودة يمكن خواتي ابيت عمة كميلة.. فتحت الباب لكيتهن كاعدات يبجن ركضت عليهن .. هاها ليش تبجين شصااير نغم ـ طلعنة نلعب بالطرمة ضربنة عمو ناصر وكال طبو لغرفتكم لاتطلعون بعد ـ تؤؤ ااااااوف رجعنة لنفس المصايب يلة حبايب لا تنقهرون اليوم العصر روحو اتشرو صبا ـ صددك ـ اي هاي جبتلكم فلوس روحو اشترو اتغديتو لو بعدكم نغم ـ اي اتغدينة ـ عفية .. يلة مشو اسبحكم ابيت عمة كميلة حتئ اسبح واغسل هدومنة اخذتهم سبحتهم وسبحت وغسلت الملابس وطلعت شريتهن يم شباك غرفتنه .. كلش تعبانة مبية اتحرك رجعت لغرفتي شمرت تلفوني وتمددت علئ الفراش ونمت وويمي خواتي مر يومين واني بهالغرف بالليل خواتي يحتاجن حمام وبالليل همة كميلة تسد الباب وتقفلهه واستحي اروح ادكهه جنت اكعدهن بين الشباك والحايط يعني مو محصورات كلش بس بي بي بيهن وين اوديهن جهال ميتحملن مثلي .. جنت هواي اذب مي خاف تصير ريحة وياثر علئ الغرفة .. ورة يومين اجتي خاله ام عمر علينة جانت شوي ذبلانة ومقهورة مدري شبيهه كالت ابو عمر يريد يسوي البطاقة التموينية مالتكم حضرو اوراقكم كميلة ـ اااي يمعودة همزين عمامهه التحف ماسووهه علئ الاقل يصير عندج طحينات واني اعلمج علئ الخبز وتجين تخبزين يمي ام عمر ـ اي خطية ليش يبقون هيج ولو ماكو حصة مثل قبل كميلة ـ هالتمنات والطحينات همين يمشن جم يوم شنسوي .. يلة عمة امشي جيبيهن اذا جوة ايدج ـ اي موجودات هسة اجيبهن .. رحت للغرفة طلعتهن ورجعت بسرعه وكعت مني ورقة يم باب بيت عمة كميلة دنكت اجيبهه وسمعت عمة كميلة وخاله ام عمر يسولفن بية .. اتقربت اكثر عرفت خالد رايد يتزوجني وابوه ماقبل كميلة ـ هاي شنو صدك تحجين ـ اي والله ابد قافل ـ.واني اكول وينهه هاليومين مختفية ـ مااكدر اشوف بوجه نهاوند والله كلبي ينعصر عليهه اكول شذنبهه بس حكم ابو عمر شسوي بعد مو بيدي ـ ليش هو مويعرف البنت ويعرف اخلاقهه ـ كلش زين يعرف بس يكول صعبة والله شكد اتمنيت يقبل شكد حجيت وياه ماكو فايدة قافل .. نهاوند ـ متت قهر علئ نفسي اسمعهم وشابعه بجي صرت منبوذة من الناس كلهه الكل يشوفني زباله ما استحق اعيش عيشة كريمة والذنب مو ذنبي والله مو ذنبي لا اني الختاريت ولا اني الردت ورغم هذا الناس تعاقبني مسحت دموعي ودخلت سويت نفسي مسامعه شي .. انطيتهه الاوراق ورجعت بقيت بغرفتي شبعت بجي الئ ان ارتاحيت انمار وعلاء كل شوي يتصلون ويدزون مسج صح مرات اجاوب انمار ومرات لا اتحجج بالضروف بس احس بعد ماعندي طاقة لاحد ولا اريد احد ياريت انعزل عن الدنية كلهه ماريد بشر كملت خاله ام مهند الاوراق ونقلت خواتي للمدارس الي يم بيتنة الفلوس العندي مصارفتهن لا اشتريت كنتور ولا شي بقيتهن كلت خاف يخلص الاكل مين اصرف وورايه مدارس وبلاوي .. خاله ام عمر كل فترة تجيبيلي فلوس تكلي تبرعات للايتام وهية تكفلت تشتري هدوم المدارس لخواتي جنت فرحانة بمدراسهن عبالك اني رجعت للمدرسة مو هنة منغصات منال متخلص ما مبقيتني بحالي لو تذب الزبل والخيسة اباب غرفتي لو اشوف كوم حجار وحصو يم الباب مادري مين يجي او تسمعني حجي .. صار عدهه غرفة وبابهه علئ الدرب الله يعلم منو يدخل عليهه بنصاص الليالي اسمعهه واريد اروح اضربهه وتوكفني عمة كميلة واني همين خايفة منهه ليش اكذب بس مدتحمل حجيهه اشكال خبثت بس جنت اسكت… اكول ميخالف هواي خفت خباثتهه عن قبل متكدر تسوي شي غير بس الحجي كلت الحمد لله خلصت منهه صار دوام خواتي بالمدراس وبدة الجو يغير صارت الطلعه للحمام باليل صعبة خصوصا الليل صار طويل وخواتي يخافن من الظلمة لان منال اطفي الضوة اللي علئ الحديقة متقبل تشغله حتئ يبقئ الكراج اظلم سالفة الحمام بالليل ونروح لبيت عمة كميلة معاناة بحد ذاتهه جنت احاول اجمعهن سوية لان هلكت من الروحه والرجعه وهنة يخافن لوحدهن يروحن جنت كاعدة ادرس خواتي والجو بي برودة متلفات بالبطانية وكاعدة اشرح لنغومة رياضيات اتصل عليه رقم غريب مابي اسم اتعودت اجاوب الارقام الجديدة لان يخابروني علمود شغل كلت ايه يالله بلكي شغل.. الو ـ هلو نونة شلونج اخبارج ـ هالصوت مو غريب عليه .. ماعرف وين سامعته.. منو حضرتك؟ ـ شنو نسيتيني يابذاات ـ ماعرفتك ولا صغرا بيك ـ اني مازن حبيبج الاولي وللحكاية بقية……… 🥀