طفلتي اليتيمه - *بارت40* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *بارت40* *ليلة_من_فبراير* ب ❤️ نهاوند ـ سمعت نغم صرخت كلبي وكع بالكاع من الرعب عفت كلشي من ايدي وصعدت اركض لكيت الحان متمددة بالكاع ولونهه ازرك وعيونهه مكلوبة صبا ونغم لازمين بطنهن ويتلون من الالم ووجهم احمر ميكدرن يحجن اتخبلت من شفتهن هيج اخض بالحان متتحرك ابد وخواتي بدن شوي شوي يفقدن الحركة راسا صرخت بدون وعي وبعالي صوتي خــــــووووووواتتييي مااااتــــن اااالحــــــكووووونييييي يااااناااس … شلت الحان بأيد وصبا بأيدي الثانية ما اكدر اشيلهن تلاثتهن عيني علئ نغم ميته خوف عليهه صارت بوجهي دعاء دعاء ـ ووج شبيج شنو صايرر ـ شيلييي نغممم لا تصفنيننن بسرررعه شيليهةة شافتهه هيج كامت تصرخ دعاء عطت بيهه كلتله شيلههه لاتضلين تصرخين حضنت خواتي ونزلت اركض وورايه دعاء تركض ابجي واصرخ الحكووووني خواااتي مادري شبيييهن ماعرف شلون وصلت للباب الخارجية وويايه دعاء ناصر ومنال اختفو مادري وين راحو طلعت بالشارع اركض مثل المخبلة. واصيح خواتي ماتن ساعدوني مشلول تفكيري وماعرف شسوي احس الحان انتهت بين ايدي شفت سيارة جاية بشارعنة ذبيت نفسي كدامة حتئ اوكفة .. ـ ووولج شدسوووين جان متوو ـ عفيية عـــموو الله يخييلك سااعدني اخذننةة للمستشفئئ ااااابووس ايديك خواااتي راح يروحن من ايدييي راح يموتن ـ ياستار ياستار شبيهن عمو شنو صاير ـ ماادري عموو الله يخلييك اااخذنة لااتتااخر.. ـ صعدي صعدي عمو بسرعه ـ خطية نزل فتحلنة الباب كعدت وخليت خواتي بحضني دعاء ـ اني ما اكدر اجي ماكايلة لاهلي ـ اي اي براحتج يلة عموو الله يخليك خواتي راح يروحن من ايدي .. اخذنة الحجي وطار بينة بين الافرع مشانة حتئ يوصل بسرعه اني ما اندل شي بس مجنت خايفة ابد اريد بس اوصل واشوف خواتي شبيهن الحان بيدي وخواتي ممددات يمي كل شوي اضربهن وانفخ بحلكهن واحرك بيدي علئ مكان كلبهن كوة يتنفسن والحان انفخ بحلكهه كلشي ما اعرف من الاسعافات الاولية بس شتجي فكرة ابالي اسويهه اريد بس اشوفهن يتنفسهن ثواني وصرنة بمستشفئ النعمان التعليمي نزل عمو وفتح الباب وشال الحان وصبا علئ جتفة وركض واني شلت انغام وركضت وراه دخلنة للمستشفئ وصاح الرجال بصوت قوي الحكو هالجال شووفو شبيهم واني وياه ابجي واصرخ انقذو خواتي الله يخليكم التمو السسترات واجو اطباء اثنين شالوهم ودخلو للردهه وهمة يصيحون خو ما منتولين كلتلهم لا بسس ماعررف شبيهم بقينة برة ماقبلو ندخل اني وعمو الحجي وياهم بس جنت اشوفهم من الشباك نيمو خواتي صبا والحان بنفس السرير وحدة بعكس الثانية ونغم بالسرير اليمهن وبدو يسوولهم اسعافات اولية خللولهن اوكسجين ومدري شنو بعد مكدرت اشوف لان صارو الاطباء كدامي وغطو علئ خواتي اباوع وميته بجي وادعي ربي ياخذ من عمري وينطيهم ـ لاتبجين عمو لاتخافين ان شالله مبيهم شي ـ ماعندي غيرهن عمو اذا يصير بيهن شي والله اموت وراهن ـ وين امج ابوج ليش لوحدج حايرة بخواتج ـ احنة يتامة عمو ابوية وامي ميتين من زمان ـ لا اله الا الله زين ويامن عايشين وين خوالكم عمامكم ليش مااخذوهن ـ عايشين وية عمامي بـ بس ميدرون يمكن طالعين ـ زين شنو صاير بيهن اكلن شي شربن شي ـ ما اعرف والله عمو ما اعرف اتغديتنة وكملنة عفتهن ونزلت اغسل مواعين اشو سمعت اختي صرخت اجيت لكيت هيج حالتهن ـ يجوز الاكل ملوث لو بي شي .. زين عدكم فيران جريدية بالبيت ـ لا ماعدنة بس برة بالطرمة وبالحديقة اكو ـ خاف راشين شي بللبيت سم فيران والبنات شايلات اكل من الكاع وماكلين ـ لالا ميشيلن شي من الكع يعرفن ـ كافي بجي عمو البجي ميسوي شي ادعيلهم الله ينجيهم ويسلمهم ـ امين يارب .. مسحت دموعي وبقيت واكفة اشوف عليهم كلبي واكف خاف يجيني خبر مو زين عنهن ادعي ربي وابجي ياربي بس عافيلي خواتي ماريد شي والله ماريد شي بس اريد خواتي يعيشن ماريد اخسرهن بعدني اعاني من خسارة امي عفية ربي اريد خواتي اخذ من صحتي وانطيهم يارب يارب احس نفسي نسيت الدعاء ماعرف ادعي بس كلمة ربي اريد خواتي ربي اخذ من صحتي لصحتهم اجتي سستر وفتحت الباب ركضت عليهه حتئ اعرف الاخبار عفـــية ســـت شبيهننن خووواتي الله يخليييج ااالله يخليج السستر ـ عمو انت ابوهن ـ لا والله اني ماعرفهن بس جبتهن بالسيارة ـ اني اني اختهن شنو صاير الله يخليج ـ روحو كصو باصات نحتاج ادوية اثنين حاليا شوي صارن زينات بس بقت البنية الصغيرة ـ عزةة بعينيي شبيهه الحاااان ـ هسة يجي الطبيب ويفهمج ـ حيلي انهد كعدت بمكاني ابجي واتخيل راح تروح اختي من ايدي السايق ـ راح اروح اكص باصات واجي ابقي هنا يمهم ـ عمو بس نرجع للبيت انطيك اجرتك ـ لاتفكرين بهالامور الدنية بخير خلي بالج من خواتج ـ راح الحجي ورديت وكفت علئ شباك الردهه اتفرج علئ خواتي وادعي هواي حالات وياهم بالردهه دقايق وحسيت بمغص قوي ابطني من قوتة حنيت ضهري ومكدرت اوكف عدل كمت كوة اجر النفس اقنع بروحي هسة تروح هالمغصة هسة تروح بس ماكو كلش قوية ثواني واستفرغت بالكاع مكدرت اسيطر علئ نفسي حسيت بخجل من وضعي بس مكدرت اتحكم بروحي التشنجات بمعدتي ترفض الاكل وكلة استفرغته اختننكت من الاستفراع حتئ خشمي انسد ـ هاها عموو خيررج شبيج يمعوودة ـ مكدرت احجي وياه اريد بس اجر النفس ماكو فايدة ـ يمعوودين دكااترتنة الحكوووونة الطفلة مدري شبيهةةة ـ طلعن يركضن السسترات عليه لزمني ودخلني للردهه كوة امشي يسحلنوبية سحل ما اكدر ارفع ضهري احس بطني راح تننفجرر من الالم ومعدتي تعصرني خلوني بالردهه وعيني علئ خواتي صبا ونغم رجع لونهن طبيعي وفاتحات عيونهن بس ذبلانات سودة عليه ومعلكين مغذي الهن لحونة لونهه جان ازرك هسة شوي احسن .. نيمني السسترات واجتي العاملة غسلتلي اجئ عليه الطبيب يفحصني كوة حجيت وياه عـ فية شبيهة الحان شبيهن خواتي الله يخليكم الطبيب ـ لا تخافين لاتخافين مابيهن شي.. ـ عفية عمو صدك ـ اكيد صدك .. انتي اختهن؟ ـ اااي عمووو اني اختهن شبيهن خواتي عفية شنو صاير ـ لاتخافين عادي هواي تصير حالات تسمم غذائي .. ـ تسمم ؟ ـ اي تسمم غذائي حاد تمددي خلي نشوفج لاتخافين ـ عفية يعني مابيهن شي يعني ميموتن ـ لا شنو هالحجي مابيهن شي اتلاحكنة الهن وهسة بخير هنة .. شنو اكلتو اليوم؟ ـ اتغدينة تمن ومركة ولبن ـ اللبن شلون طعمة ؟ ـ اجتي مغصة قوية مكدرت احجي ـ اهدئي اهدئي استرخي لا تخافين خواتج مثل الوردات هسة يسوولهن غسل معدة وكلشي يمشي تمام ـ ان شا الله ـ ماكلتيلي اللبن شلون طعمة ـ جان حامض وطيب ـ قريتي الاكسباير مالته ـ لا بس عادي مابي شي ـ الاكل امج ضامتة بايت لو طبخ اليوم ـ لا عمو .. اني .. طبختة اليوم ـ وين امج عنكم عايفتج تطبخين ـ امي.. متوفية ـ الئ رحمة الله يعني انتي الطبختي ـ اي ـ عفية شاطرة .. رين خاف عايفة الاكل مكشوف وعدكم حيوانات.. ـ لا والله عمو جان علئ الطباح ديستوي ورحت صبيت يعني مو مكشوف ـ اضاهر مامتغدية وية خواتج؟ ـ اتغديت بس ما اكلت هواي جنت شبعانة ـ من هاي حالتج خفيفة .. زين عدكم سم بالبيت ـ عزة سم مال شنو لا ماعدنة سم ـ سم فيران سم حشرات بخاخ مبيدات حشرية اي شي من هالامور ـ لالا عمو ماعدنة ـ خاف عدكم ومتدرين يجوز خواتج لاعبات بيهن ـ لا والله عمو خواتي هادئات ميسون هيج شي ـ هذا ابوج واكف برة ـ لا عمو هذا جابنة بالسيارة ـ وين ابوج لعد ـ عمو احنة ايتام بابا وماما اتوفو ـ اهاااا الله يرحمهم .. زين انتي هسة حسيتي بهالمغص لو صار فترة ـ يحجي وياية ويفحصني ويكتب مدري شنو بالورقة كلتلة لا ستوني حسيت بالمغص مابية شي ـ يعني انتي نقذتني خواتج مو ـ اي شفتهن هيج شلتهن وطلعت اركض بالشارع ـ عفية عفية ... والله انتي بطله زين عندج اسهال ؟ ـ لا ماعندي ـ هممم .. تعالو عليهه بنات خلولهه مغذي واريد تحاليل الدم بسرعه ـ راح الطبيب الاختي الحان خلولي مغذي وكعدت اباوع لخواتي الله لايعيد هذيج اللحظة يارب عافيهن وشافيهن يارب بكلام الطبيب شوي اطمنت ماعرف شكد بقينة بالمستشفئ يمكن صارلنة ساعه ونص خطية عمو الحجي ماقبل يعوفنة دخل يمنة بالردهه وكعد شوي بعيد عني رجال جبير بالعمر لحيته مشيبة ضعيف لابس بنطلون عريض وقميص سمعت صوت مو غريب عليه يصيح باسمي ـ وج خاله نهاوند ووينج ـ كعدت علئ حيلي شفت خاله ام عمر لابسة عبايتهه وادور بالوجوه رفعتلهه ايدي اريد احضنهه شافتني واجتي تركض عليه حضنته وكمت ابجي ابو عمر ـ ها عمو خير سلامات شنو صار ـ ماعرف عمو والله ماادري علئ غفلة. اتخربطن خواتي ام عمر ـ هسة شفنه الطبيب وسألناه كال الحمد لله صرتو بخير ولج ليش ماجيتي علينة خليتني افتر من مستشفئ لمستشفئ ـ مادري مافكرت بشي اول مطلعت لكيت سيارة عمو راسا وكفته واخذنة ابو عمر ـ ياعمو المن تقصدين ـ هذاك الرجال الشايب خطية ميقبل يعوفنة راح عمو ابو عمر اتشكر من الرجال واجئ سلم علينة يلة راح .. الله يوفقة يارب لو ماهو جان خواتي ماتن ام عمر ـ بفضل الله هو سبب صار بطريقكم الحمد لله والشكر علئ سلامتكم بناتي ـ كمت من مكاني ورحت لنغم وصبا حضنتهن وكمت ابجي هنة واعيات وحاسات عليه ويبجن ويايه بس مبيهن حيل .. عفتهن ورحت للحونة بعدهه نايمة والمغذيات بيدهه والاوكسجين بوجهه متت بجي يربي ايدهه صغيرونة وضعيفة الابرة مبينة جبيرة عليهه متتحمل هاي ياربي ام عمر ـ كافي خاله لاتضلين تبجين ـ ماكو غيرهه ماكو غيرهه هية هاي الحقيررة المجرمة تريد تمووت خواتي وتموتنة ـ خاله شهالحجي مو لهلدرجة. بنتي ـ لالا هية اني متاكدة. هية اسالي عمة.كميلة حطتلنة اشكال بالاكل والله حتئ نفط خلتلنةة ابو عمر. ـ خليج عاقلة عمو هذا كلامج يرادلة اثباتات والاثباتات مين تجيبيهه عبالج عدنة شرطة مثل قبل تجيب الحق من حلك السبع لا هالوكت المظلوم يرروح بالرجلين اذا ماعندج دليل لاتحجين شي لان راح تتبهذلون ـ يعني شلون اني خايفة علئ خواتي يعني ميسجنوهه ميسوولهه شي ـ يابنتي مجرمين وديطلعوهم انوب هيج قضاية استري علئ نفسج وخواتج ولاتحجين شي لان ماعندج دليل يروج حقج وحق خواتي ـ ميته قهر من هالحجي يعني ليش ماكدرر اخذ حقي وحق خواتي ليش يعني وصلت بيهه تقتلنه ومنكدر نسويلهه شي الطبيب ـ ها شلون صرتي ـ اهم شي خواتي ـ لاتخافين عليههن صارن احسن بهواي ـ والحان اشو بعدهه مغمضة ـ لان تعبانة جسمهه ميتحمل قررت نبيتهه هنا بس اليوم خاف يصير شي ياستار مضاعفات او شي نتلاحك الهه بس بقية البنات تكدرون تاخذوهم وتروحون ـ ديحجي الطبيب واجئ ارشد ارشد ـ شنوو صااير يمعودين ابو عمر انت هنا كلبت الدنية. يلة ليكتهن ليش ماحجيتن ليس ماكلتن خليتونة نطلع نركض مندري وين نروح خير دكتور شبيهم بنات اخووية ارشد ـ انت عمهن؟ ـ اي اي عمهن اني الطبيب ـ متسممات ومتاذيات وحاله الطفلة الصغيرة شوي تعبان .. ـ ليش ياعمو شنو اكلتو اليوم ؟ ـ ما اكلنة شي تمن ومرك ولبن ـ خاف الاكل بايت ومأذيكم ليش ماجيتي علينة ـ لا عمو الاكل مبي شي الطبيب ـ انتو نفس البيت ؟ ـ اي نفس البيت عايشين ـ شعجب بس البنات تتسمن؟ ليش انتو مبيكم شي ـ مو احنة كل عائلة طبخهه وحد ـ اها .. اوك .. نهاوند انتي شاكة بأحد ؟ يعني تتصورين احد حاطلكم شي بالاكل ـ خفت من كلام خاله ام عمر وزوجهه خاف صدك ميسوولهه شي وتطلع وتأذينة بالزايد ارشد ـ زين شنو بين يمك دكتور يعني تسمم من شنو بالضبط ـ تسمم غذائي قوي لان البنات التلاثة الصغار اجني متشنجات وحتئ التشنج لمعدتهن واصل خصوصا الطفلة اجتي تقريبا مثل الخشبة ـ عمو يعني تتصور بسبب نفط لو بنازين هيج يصير الطبيب ـ مستحيل تكدرون تاكلون هيج اكل لان الريحة تكون قوية مو صحيح؟ ـ اي صح ـ اذا شاكة بأحد كولي حتئ ارفع تقريركم للشرطة.. ـ باوعت علئ خاله ام عمر ودنكت راسي .. لا عموو ما شاكة باحد ـ اوك.. بما ان انت عمهن هاي لسته الادوية تجيبهه من الصيدليات الخارجية لان هنا مموجودة .. ارشد ـ اي هسة اجيبهن .. ـ اخذ اللستة ارشد وراح بقينة اني وخاله ام عمر وابو عمر والطبيب الطبيب ـ تكدرون تطلعون بس الطفلة الصغيرة اليوم تبقئ هنا ـ لالا عمو الله يخليك لا اني اريد اطلع ولا خواتي يصير نبقئ هنا سوية ـ متحتاجون تبقون بس الطفلة تحتاج ـ عفية. عمو ابوس ايدك الله يخليك خلينة سوية ماريد افاركهن ام عمر ـ ليش خاله نخليهن يمنة الطبيب ـ اوك اوك بس حاولو تنجمعون بسرير واحد او كلش سريرن لان نحتاج الاسرة دائما تجينة طواريئ بالليل و اهم شي خواتج تنطيهم سوائل دافية مو اكل صلب ولا ثكيل مجرد سواائل لان معدتهن تعبانة و هسة السستر تعلمكم علئ الاكلات ام عمر ـ اطلعي وية خواتج عمة اني ابقئ يم الطفلة ـ ابدد لا ما اطلع .. ـ زين ناخد خواتج يمنة ـ عفية خاله الله يخليج والله صارت بية. خوفة اخاف افاركهن خليهن كلهن يمي ابو عمر ـ لعد شلون تبقين هنا لوحدج وية. هالبنيات مترهم ام عمر ـ اني ابقئ يمهه ارجع ابو عمر يم الولد واني يمهه ماعوفهه.. ـ لا خاله ماريد اتعبج ـ لا ياتعب شنو هالحجي .. ابو عمر ـ اجة ابو محمد ارشد.ـ هاي الادوية الكتبهه الطبيب الاوقات مكتوبة علئ الادوية انتبهي عليهن ـاك اخذت الادوية وخليتهن يمي عمو ابو عمر خلة فلوس بيد ام عمر حتئ يروح من شاف هيج ارشد نطاني خمستالاف بيدي وراحو سوية ام عمر ـ متدرين شسويتي بية ادك عليج متشيلي افرفر اني وابو عمر بالردهات كوة لكيتج ـ طلعت مثل المخبلة خاله شلتهن وركضت ودعاء شالت نغم اول مطلعت صار بوجهي سيارة عمو الحجي ذبيت نفسي كدامهه حتئ يوكف وخطية اخذنة وجابنة لهنا ـ الله ينطي ويوكفلة ولد الحلال بطريقه همزين الناس الخيرة هواي وبعدهه بهالوكت.. ـ الحمد لله ـ هسة اطلع اشتريلكم من هاي المحلات البرة شوربة جاهزة واشوف بلكي العاملات يسووهه ـ شكرا خاله تعبتج ـ المهم انتو بخير ياخاله منريد شي ـ راحت خاله وجابت شوربات جاهزة اخذتهه لمطبخ المستشفئ جابت الاكل وبديت اوكل نغم وصبا بهالاثناء كعدت لحونة وفتحت عيونهه احس روحي ردتلي يمة بنتي حبيبتي راسا حضنتهه وبجيت الف الحمد لله يارب الف الحمد لله ـ الحمد لله هسة اطمنت عليكم يابنات فؤاد فدواتك ربي لفتاتك حلوة ـ وكلت لحونة شوي شوربة بس ماقبلت تاكل اكثر من خاشوكتين متشتهي تبجي من ايدهه لان الكانولة. بيهه مستغربة وخايفة منهه لان توجعه خليتهه بحضني وشربتهه الادوية كوة سكتهه ما اكدر اشتريلهم حلويات خاف مو زين رجعن خواتي نامن خليت نغم وصبا بنفس السرير واني ولحونة بسرير وخالة ام عمر خطية مقبلت تكعد يمنة تكول ماريد اضايقكم فرشت عبايتهه بالكاع وتمددت شلون اجازيج خاله ـ حافضي علئ نفسج وخواتج بخير وسلامة هاي اكبر مجازاة الي .. اكول بنتي ابوج مو عندة عم سهيل ؟ ـ اي يمكن ـ هذا مو علئ اساس زين وخوش ادمي ليش متروحيلة ـ وين الكاه ـ بلة اني شلون راح من بالي هالرجال خلي نرجع واخلي ابو عمر يزحلك ارشد بالحجي ونشوف وين يكعد روحيلة واحجيله ونشوف بلكي يسوي جارة ـ ياريت لان اخاف بعد ارجع للبيت اني وخواتي ـ لا خاله ممعقولة مرة عمج تسويهه ـ والله هية ورحمة امي ازدهار اني واثقة هية بس فلتت لان ماعندي دليل عليهه وخفت من كلامج ـ اي خاله هسة المظلوم يروح بلرجلين لان محد يسندة واذا تتهميهه بالاسم شلون تثبتين هية يعني تطلع بسهولة وذاك الوكت الله يعلم شسوي بيكم بعد ـ حسيت بتعب ونعست يمكن الادوية تنعس مادري ـ نامي خاله هاليوم جان مر وصعب عليكم نامي وارتاحي واني يمكم كاعدة ـ خليت راسي علئ اامخدة. وبحضني لحونة وغفيت صار ثاني يوم وكعدن خواتي يسولف ويحجن وحتئ لحونة كعدت علئ حيلهه وتشوف بوجهنهه وتبتسم واجانة الطبيب ـ ها شلونكم اليوم ـ الحمد لله عمو ام عمر ـ البركة بيدكم دكتور ـ رحم الله والديج .. حجية ترة التسمم مو من سم فيران او زرنيخ او هالسوالف حسب الشفته التسمم من اعشاب او بهارات زايدة او هيج شي .. ـ يا اعشاب ؟ ـ انتو شربتو اعشاب او حطيتو لغداكم بهارات ـ لا عمو والله ماعندي لا بهارات ولا اعشاب ـ ديرو بالكم عليهن هذني صغار خطية اكيد اي شي يشوفو ياكلو اكو اعاب تصير قاتلة كثرتهه لاتتقربون عليهه ام عمر. ـ ان شالله دكتور الله يحفظك ويخليك ماقصرت ويانه ـ اي اكل دسم ممنوع اي اكل صلب ممنوع حلويات هالفترة قلليهه خصوصا الحان لان معدتهه تعبانة دهونات حلويات دسم صلب ممنوعع كلة شوربات دافية او تشريب بدون دهن ذا تكدرين جيبيهن بعد اسبوعين نشوفهن ونجيكهن وان شالله خير ـ ان شالله عمو راح الطبيب وكمت لملمت الغراض وخاله خابرت علئ عمو ابو عمر اقل من ربع ساعه ومر علينة لازمة خواتي وشايلة لحونة وطلعنة خايفة شلون راح ارجع لنفس البيت ااخ يامنال شلون اخلج منج والله قتلج حلاال بس شسووي مابيدي حيلة وصلنة لبيت عمو ابو عمر ماقبل يذبنة ابيتنة كال غداكم يمنة راسا خاله خطية سوت صدور دجاج وسوتلنة غدة اترخصنة وطلعت منهم اني وخواتي دخلت للبيت شفت ناصر كاعد ـ ها شبهن خواتج ليش طلعتي بدون متحجين جان احنة اخذناكم ـ مكدرت احجي وياه احس روحي اريد الزمهم واقتلهم باوعت عليه واخذت خواتي وصعدت دخلتهن للحمام سبحتهن ووياية الادوية خليتهن علئ الرف بالحمام خاف تلعب بيهن هية لو بنتهه ويموتن خواتي سبحهتن وسبحت وطلعنة سوية اخاف اعوفهن وحدهن لو اعوف شي ناكلة لو نشربة دعاء ـ شنو شبيهن خواتج ـ متسممات من الاكل ـ يا عزا مين اجئ ااتسمم ـ الشياطين كلشي تسوي .. عفتهه ونيمت لحونة وخليتهه علئ الفراش ونغم وصبا كعدن يتفرجن تلفزيون وية دعاء.. نغم ـ اريد مي نونة ـ هسة اجيبلج حبيبتي ابقي هننا يم لحونة وصبا لاتعوفيهن فتهمتي .. ـ اي ـ اي شي يصير صرخي وعيطي لاتخافين ـ اي دعاء ـ اني يمهن ان شالله ماكووشي ـ همست بكلبي هو انتن اكبر مجرمات الله ياخذجن.. نزلت جوة اريد اروح للمطبخ قبل لا اوصل سمعت منال تحجي وتتأفف اخذني الفضول اريد اشوف شبيهه عصبية .. رحت وكفت قريب منهه اريد اسمع شتحجي منال ـ ولج شياطين سعلوات حتئ ماحصلن البزازين بسبع ارواح لا اتعدنهه واكثرر بعد وج عيني عدهن خمستالاف روح تدرين شكد طحنت جوزة بوة ( جوزة الطيب) وشكد خليت بقزرقطهن لا بقيت مركة لا بقيت تمن وحتئ اللبن حطيت بي بلكي يفطسن ويلحكن اهلهن وواخلص منهن تالي مثل الجلاب رجعن كلشي مبيهن عزة بعينهن مثل ابوهن الجلبب بسبع ارواح ولج ـ مستوعبت شنو جوزة الطيب شلون تقتلنة بيهه؟ عزة. بعينج يعني صدك تريد تقلتنة هاي لا ماعندي عقل يفكر بعد خلي اني اقتلهه ومن اقتلهه بعد محد يطالب عمامي يذبونة بالشارع وياذونة حتئ لو انعدم ميخالف المهم خواتي يعيشن مرتاحات واخلصهم من هالزباله وللحكاية بقية………… 🥀