آلمـوت آلمـحتم - أّلفصّلَ أّلَسأّدٍس6️⃣ولاخير - مكتملة | روايتك

لفيت وجهي مش قادر أشوف إلي بالحمام ، وأول ما لفيت لقيت آخر الممر الكائن إلي حلمت فيه وعذبني ، ااه ااه هو نفسه كان واقف آخر الممر وبضحك ضحكه مستفزه وصوت ضحكته كان يرن بذاني ، ضليت صافن بتفرج فيه وهو بضحك وبعدها اختفى زي السراب ، ركضت لغرفتي بدون ما أعرف كيف تحركت رجلي ورحت أوقف اللعبه الملعونه ؛ فتحت الكمبيوتر وفتحت على الرابط وانا متوتر وإيدي بترجف من الخوف وأول ما فتحت طلعتلي شاشه سوده مكتوب فيها بالخط الأحمر العريض ( النهاية ) و تحتها بخط صغير " الموت المحتم لقد خالفت التعليمات " بهاللحظه طفى الكمبيوتر فجأه وصارت الشاشه سوده ، وبس صارت سوده كنت شفت خيالي فيها ، مرت لحظة صمت دقات قلبي كانت مسموعه واطرافي بترجف ، الدم تجمد بعروقي ، وعرقي بتصبب مني وتجمدت محلي بالكرسي ، وبلحظه شفت بالشاشه غير خيالي ، كان وراي حدا ضخم ، لفيت وجهي ، كان نفس الكائن ورجع اختفى أول ما لمحته ، و انا كتبت الي صار معي على تلفوني بحال صار معي إشي بالليل ، لأني سامع صوت خطوات بالممر رغم إنه لحالي بالبيت ، ((اهلي بحبكم سامحوني )) ________________________ عااجل : العثور على جثة شاب عشريني في غرفته وحسب تقرير الطب الشرعي سبب الوفاة سكتة قلبيه ... _______________________