آلمـوت آلمـحتم - أّلَفُـصّـلَ أّلَخِـمًأّسِ 5️⃣ - مكتملة | روايتك

ثاني يوم النهار مر بشكل طبيعي والشخوط كانت فعلاً موجوده مش وهم لهيك صورتها كنوع من الدليل ع كلامي ، وخلص قررت ما أرجع للعبه لأنها مؤذيه ، وصارت الساعه 12 بالليل ، وصلني مسج ع تلفوني ومسكته أشوف مين ، كان مسج من رقم مكون من 3 خانات بس ؛ فتحت المسج وكان مكتوب فيه " سنبدأ " سرحت شوي بالمسج وحكيت بحالي نبدأ ؟؟ مين إلي نبدأ ؟! وشو نبدأ ؟! شو يلي قاعد بصير !! وبهاللحظه سمعت صوت تكسير قزاز قووي جاي من المطبخ قمت بسرعه أركض حتى اشوف شو في ! بس ما كان في إشي ، كنت صافن بتفرج وما كنت ع بعضي بالمره توترت كثير قلبي كان يرجف ونَفَسي بتسارع وبلش جسمي يتعرق ، وبلحظه طار صحن قزاز من المجلى وانكسر بالأرض ، انا انصعقت من إلي بصير ، وعيوني لسا بتترقب كيف طار الصحن وانكسر بالارض ، ايدي ورجلي صاروا يرجفوا حسيت حالي رح أوقع ع الأرض وبنص تفكيري واستغرابي وتوتري انقطع تركيزي لما سمعت صوت صرخه جاي من الحمام صرخه عظيمه ومرعبه ، كان في حدا بصرخ ، بس مين ! انا لحالي بالبيت مين يلي بصرخ ؟! صرت امشي للحمام برجلين يا دوب حامليني من الخوف كنت أسحبهم سحب ع الأرض ، وبس وصلت كان فاضي ، بس الأغرب من هيك إنه مكتوب ع الحيط بخط كبير من الدم " الموت المحتم " ...