الفصل أّلَثًـأّنِيِّ 2️⃣
طبعا كل التعليمات يلي حكوها انا بعملها كل ليله خاصةً إنه اهلي مش بالبيت يعني بضل لحالي ، بس لهي اللحظه انا مش فاهم إشي من اللعبه ، بس خلص دخلتها لأنه الفضول كثير قلتني لأشوف شو رح يصير ،،،
أول ما دخلت فَتْحَت شاشه فيها حروف وأرقام ومكتوب ملاحظه " اقرأ بصوت مسموع " وصحيح كانوا عباره عن مجموعة حروف وأرقام مش مفهمومه بس قرأتهم حتى أكتشف اللعبه ، بعدها كبست تابع ، وطلعت كمان شاشة وفيها كمان حروف وأرقام وكلام مش مفهوم وبرضه قرأته و كبست تابع ، بعدها طلعلي صفحة أجاوب فيها كم سؤال منهم ( اسمي وعمري وجنسي وهيك إشي) ، وبنهاية الصفحة مكتوب " الزائر في الطريق إليك " ما فهمت العباره وكبست تابع طلعلي صفحة مكتوب عليها بالخط العريض وبلون أحمر " سَيقرعُ جَرسكَ الآنْ كُنْ مستعدًا " انا تفرجت بالشاشه إنه شو هالمكتوب ! وكيف بده يعرف ! ومين رح يدق جرس بيتنا بهيك وقت ؟