32 والاخير
البارت الثاني والعشرين , ( والاخير – بإختصآر )
...
فبيت حور ,,
حور : ليش يما ؟ سامي اخوي شفيه !!
ريم : يا يمه اخوج مافيه شيء على عيني وعلى راسي , بس اختج صغيره !! توها عمرها 17
حور : يماا ! إنتي على ايامنا تزوجتي وانتي كبرها !!
ريم بس يايمه انا لي ظروف غير ! تختلف عن ظروف اختج !! انا يومها كنت ياهل و مالي غير الله ثم اختج مشاعل , اما اختج عندها اخوج حمد الله يخليه و عنده اخت اللي اهي انتي و امها وابوها عايشين ! و مهيئين لها كل شيء تبيه ! و بعدين اخوج سامي صغير اهوا كبرها و لا لي الحين ما دخلت الجامعه !! و فوق هذا وين بيعيشها و من وين بيصرف عليها !
حور : يما اخوي سامي اشتغل بشركه ابوي و ماسك الحلال كله ! و يقدر يصرف عليها و لا بعد راح يعيشها حياه حلووة و كل طلباتها مستجابه !! و بعدين اخوووي مو مستعيل !!
..
بعد ساعتين عند سامي و حور , فبيت ابو سامي ..
سامي : شنووووووووووو !! و منو قال اني مو مستعيل !!
حور : ههههههه شفيك !! انا بس قلت لها جذيه شفيك !! عشان تفكر
سامي : تكفييين حووور تكفين كلميها انا والله احب حنين
حور : هووووو !! هههههههههههه استح على ويهك ! هذي اختي !!
سامي : وانا اخوووج و االللي بقلبي على الساني !! تكفييين قولي لها ابي اتزوجها
حور : شووف انا قلت لامي بعد انكم تملجون و تالي بعد ما تخلصون الثانوي رااح تتزوجون زين ؟
سامي : ااااااي تكفيين انا مواافق بس المهم تكووون لي برووحي !!
...
و مرت الايااام , و الاسابيع والاشهر والسنين ,
مرت سنه ونص
فبيت فهد و حور , حور يابت بنت قبل سنه و سمتها هاجر , و الحين اهي حامل و حلم فهد ايي له ولد و يسميه فراس ,
فهد طالع من غرفته : يا ام فرااس وينج ؟
حور طالعه من غرفتها لي الصاله و تتمشى شوي شوي و اهي حامل : لبيه
فهد يطالعها : وين بنتج ؟
حور تقعد بالغصب على الغنفه : عند خالتي تحت ليش ؟
فهد : لاا بس حسبتها نايمه , اقول مو من عادتها ,
حور : هههه اي بسم الله عليها ,, اقول فهد , اليوم بنروح نتغدا كلنا فبيت ابوي , اليوم بنقعد كلنا نتفق على عرس حنوون اختي على اخوي سامي
فهد : ههههههههه , باجر توقفين بالعرس يقولون لج انتي شتصيرين لهم ؟ تقولين لهم اخوي متزوج اختي !!
حور : هههههههههه , بسك عااد مااقدر اضحك , ضايق خلقي ما اقدر ارقص بعرسهم
فهد : ههههه
...
عند حنين و ريم ,,
حنين : يمااا شعري ارفعه وله انزله ؟
ريم تطالع حنين : لا خليه نازل احلى
حنين تفكر : زين و ممكياجي ؟
ريم : حطي لج خفيف !!
حنين : ياربي , و النفنوف متى ولدج اييبه من المصبغه !!
ريم وقفت : خلاص حنين يمه !! لبسي لج اي شيء ,
حنين : يما شفيج معصبه !!
ريم تطالع حنين : ما ادري يا يمه ! من قالت لي اختج ذاك اليوم ان ابوج يبينا كلنا نتيمع وانا ما اادري شفيني !! احسس , احس اني مخنووقه !!
حنين : يما ! احسج مو مرتاحه من سامي !
ريم قعدت يم بنتها : لا يمه , سامي عمره ما غلط !! و يكفي ان اخته حور حبيبتي !! , يم سامي خوش ريال و عمره ما رفع صوته او سوا لنا شيء او حتى ضرنا !! سامي انسان طيب و بتعرفينه عدل اكثر , و لو ما يحبج و شاريج , ما رفضناه اكثر من مره و يحن يبيج !!
حنين نزلت راسها و ريم ابتسمت ,
ريم : اذكر يوم ملجه اختج كنت اتمنى تتزوجين بعدها على طول , و سبحان الله كاج جدامي صرتي مرا ,
حنين ابتسمت ...
وفعلا بعد شهر تزوجوا ,
...
نهايه القصــه ,
سامي و حنين تزوجوا ,
اما حور تمت على حملها لانهها كانت بالشهر الخامس ! و كانت حاول فـ بنت , مو بـ فراس ;)
اما امينه عندها ولدين , الاول سموه فهد طلبا من ناصر زوج امينه , و الولد الثاني سموه بدر ,
فردوس ما عندها غير الولد اللي يابته قبل 3 سنين تقريبا ,
و حمد عاش قصه حب حقيقيه , بس لا تخافون مو من العايله ;)
...