الفصل 31
البارت الحادي والعشرين
...
دخلت جناحها اللي بالفندق , و فهد ولد الاصيل يمها ,
فهد : حياج
حور خايفه و منزله راسها : مشكور ( و دخلت و شافت الصاله و كانت الصاله راقيه و بس الابجوره مفتوحه و التفافيخ الحمره طايره بكل مكان بالجناح
فهد ابتسم : لا تخافين ما راح اكلج هههه
حور ابتسمت و بصوت واطي قالت : لا عادي
فهد ابتسم , و مو عارف شيسوي لوول ,
فهد : زين تبين تبدلين ملابسج ! و له بتقعدين بهاللبس !!
حور ابتسمت وقالت بصوت واطي : امبلا ببدل ملابسي
فهد : حياج الغرفه الاولى غرفتنا
حور طق قلبها اول ما قال ( غرفتنا ) و مشت لين الغرفه ,
...
بعد 3 شهور ,, فــي استرآليـــآ
حور تتكلمم بالفون مع اخوها سامي ,
حور : احلف صج !! يعني صار عندي اخو صغير !! ههههههه بارك لابووي و قول له اني وايد مستانسه له .. إي مو انت كنت تبي لك اخو !! يا الله الله استجاب لدعائك و ياك اخوو شتبي بعد !! هههههه ,, زين و شلون فردوس ؟ شخبارها ؟ اااي الحمدالله , اي الحين الصبح مبجر , اي بتريق و برجع الديره , زين مع السلامه سلم عليهم كلهم ,
حور صكرت الفون و قامت تجهز الاكل : فهد ,, يا الله وينك ! خل نلحق على السوووووق
فهد طلع لها مبتسم : ههههههههه شفيج !! والله راح اوديج السوووق شفيج !!
حور : يوووه فهد نسيت ان اليوم بنرجع الديره !! انا ما توقعت بنرجع بسرعهه !! حسبالي بنطووول سنه !! ههههههه
فهد : لاا يبا تبيني اقعد برا الكويت سنه ! انا 3 شهور و مو مترقع هههههه
حور قعدت و يما فهد : زين حبيبي يا الله عشان ننزل نشتري حق اهلك و اهلي
فهد : ان شاء الله على امرج من عيووني ( و قام ياكل و حور مبتسمه و تطالعه )
حور : إي صج نسيت اقول لك فردوس قبل 3 ايام يابت اخو صغير لي هههههه
فهد : صجج بالمبارك , ها شنو ناوين تسمونه !!
حور : والله ما ادري !! ما سالت سامي , بس يمكن يسمونه عبدالرحمن ,
فهد : و منو عبدالرحمن ؟
حور : هذا يد ابوووي .. و ابوي شكله ناوي يعني مو متاكدده
فهد : زين و انتي شنو ناويه تسمين ولدنا ان شاء الله ؟
حور مبتسمه : اممم .. شوووف انا لي اول بنت و انت لك اول ولد زين ! والباجي نفكر فيهم بعديين شرايك ؟
فهد : دااام جذيه اي زين , انا مفكر اسمي ولدي فراس على اخوي التوام لي الله يرحمه ,
حور : لك اخو توام ؟
فهد : اي , مات و اهوا صغير تقريبا كان عمرنا 7 سنين , الله يرحمه
حور : الله يرحمه , و كان يشبهك !!
فهد : اي يشبهني , كانت امي كله تشتري لنا نفس الشيء هههههه , حتى بدلت السابيدر مان
حور : هههههههه , زيين قووم خلنا نبدل و ننزل و بالطريج نكمل سوالفنا
فهد : وااااااااااااي يا حبج حق السووووق ,
حور قامت ركضت الغرفه
فهد : هييييييي !! حوووور وين رحتي ! شدعوه ككل هذا عشان سوق ! انا لو اناديج من اليوم لي باجر ما تيين لي !! هههههههههه
...
فبيت ريم , < ام حور ..
ريم تبخر الصاله ,
حنين تاكل حب و يمها مريم : ويييه شدعوه !! ترى حور اختي اللي بترد مو الملكه اليزابيث !
ريم : وانتي شلي حارج ! يا جليله الحيا هذي اختج !!
مريم تضحك على حنين و تاكل حب ,
ريم : مريوم يمه دقي على امج قولي لها خل تيي تتغدا عندنا و خل تييب اخوج وياكم , و اي قولي لها بعد ابوج خل ايي
مريم تاكل حب : خالتي ابوي مسافر !!
ريم : زين عيل دقي عليها خل تيي و تييب وياها اخوج مشعل
مريم تاكل حب : خالتي مشعل بغرفه حمد فوق
ريم تطالع غباء مريم : زين خلاص قولي لها خل تيي !!
مريم مبتسمه : خالتي امي بالمطبخ ! هههههههههههههه
ريم : عمى بعين العدوو اقوول قوموا انتوا الثنتين و ذلفوا غرفكم ! قووموا !
حنين و مريم و اهما يقومون : ههههههههههه ,
وريم تطالعهم و مبتسمه : صج خبوول هالبنتين !!
...
بالسوووق عند حور و فهد ,
حور تطالع جنطه ماركه .
فهد : ها بخاطرج فيها ؟
حور : بصراحه خاطري اشتريها لامك , وايد حلووو اللون و احس الحريم الكبار يحبون لون البني , و البني يمشي مع كل شيء وله شرايك ؟
فهد : والله انتوا حريم و تعرفون لبعض , انا اعرف امي تحب اللون الاسود , بس زين غيري اللون و اشتري هذي و انا متاكد انها راح تعجبها الجنطه !!
حور ابتسمت : زين عيل باقي ثنتين ما شريت لهم
فهد يطالع الجياس اللي شايلهم : بعد باقي منو ما شريتي له !! هههههه
حور مفتشله : بعد منو ! حق اختك رغد و اهي بعد وصتني اشتري حق مرت ولد عمتك امينه , فشله تشوفني شريت حق حمواتها و اهي لا !!
فهد حس انه متضايق : كيفج حبيبتي , اللي تبينه سوويه ,
حور ابتسمت : تدري , انا قبل ما كنت اعرفك عدل , بس ,, بس الحين عرفتك انك طيب و حنون , و دوم تبتسم بويهي و حتى لمن غلطت ذاك اليووم و ما سويت لي شيء و لا حتى زفيتني بس ضميتني على صدرك و علمتني , وانا احبك جذيه الله لا يفرقنا عن بعض ’
فهد ابتسم بويها و حمس لها : خلصينا ابي ارد البيت , ترى تعبت وانا اشيل الجياسه !!
حور ابتسمت : هههههههه ..
...
و حور افترت كل السوووق و تقريبا خذت كل اللي بالسووق ماكو الا تقول حق فهد ابي اشتري السوق و اسميه باسمي بعد !! ,
...
و السآعه 5 ,, الكويت ,
فبيت ام حور ,
( ام حور و حنين و مريم و مشاعل ) معاهم ( ام فهد و رغد و دلال و نوريه و منال )
ام فهد : يا نووريه وين بناتج ؟ رهووفه و روان ؟
نوريه ( ام ناصر < ناصر زوج امينه ) : بعد وينهم !! بالبيت و مالهم خلق يطلعوون مكان
ام فهد : زين و امينه ؟
نوريه : امينه تعباانه من الحمل تدرين هذا شهرها !! يا خوفي توولد الحين وانا مو يمها ,,,
ام فهد : اااي الله يعينج ,
نوريه : اي والله ,,
( دخل حمد و وياه مشعل وسامي و وراهم حور و فهد )
ام حور :: كلوووووليش ,,
( و قاموا يسلمون على بعض , و سامي عيونه على حنين و حنين تطالع نظارته بس تحقره , اما حمد يطالع الحريم و يدور على روان < اللي كان يكلمها قبل و فهد يحاول ما يشوف امينه اذا كانت بالصاله ولا لآ , و عيونها كلها على امه و حور و بس !! )
...
قامت حور تفتح جنطتها بالغرفه و حوالينها الخبلتين عفووا , قصدي مريم و حنين ,
حنين و مريم منسدحين على الفراش عكس الناس و منزلين راسهم على القاع يالعون حور اللي قاعده على الارض و فاتحه جنطتها ,,
مريم : صج ما تستحين على ويهج اهل ريلج تحت و انتي فووق !
حنين : وويعه خل يولوون المهم حورووه قولي شسويتي !!
حور : اووووف نطروا شوي عن القرقا , وبعدين ابيكم تساعدوني بعطي اهله الصوووغه
حنين : تستهبلين !! عطيهم بعدين لي رحتي بيت اهله !
حور : لالا , فشله على الاقل انتوا اهلي موجودين ما ابي اعطيهم جذيه و بروحي !
حنين : حوروووه كيفج ,
...
حور نزلت و يا مريم و حنين و شايلين و ياها جياسه ,
قعدت حور والجياسه يمها ,
وبعد السوالف قالت ,
حور : خالتي ام فهد تفضلي هذي صووغتج يا الغاليه ( و باست راسها )
ام فهد : ووي يا بعد عمري ليش كلفتي على نفسج حبيبتي ؟
حور : لا كلافه ولا شيء , خالتي انتي الغاليه
حنين باستهبال : اي اكيد غاليه دام انها ام فهد ههههههه
الكل : هههههههه
حور مستحيه ,
و طلعت لامها : يمااا و هذي لج ( باست راسهها )
ام ححور : يا بعد قلبي يا يمه تسلم إيدج
حور : خالتي مشاعل و هذي لج انتي و مريووم و بعد مشعل ما نسيته يبت له شغيلات ههههههه
مشعل يطالع حور و مبتسم ابتسامه عاديه : مشكوره ما قصرتي يا بنت الخاله ,
حور لفت على نوريه : خالتي نوريه و هذي نقصه لج و لبناتج و حق امينه بعد تراني ما نسيتها كلشش ,
نوريه تطالع الجياسه : شدعوه عاد كلنا على جيسين !!
حور تطالع الكل : !!!
ام فهد مستحيه : هووو ام ناصر شفيج ! اهي على الجياسه وله على الهديه !
نوريه مو عاجبها شيء : وييييه , استراليا سافرت لها مليوون مره ولا عجبني فيها شيء ! و انا متاكده الشغلات اللي يبتيها ما راح تعجبني ولا راح تعجب بناتي و مرت ولدي ,, ( عفست ويها ) مشكووووووره ,
حور انصدمت : بس .. بس خالتي نوريه هذي نقصه والمفروض تتقبلينها مني !! آ .. آنآ , !! انا بس حبيت اييب لكم على ذوقي
مشاعل احترت : لا حور اللي موع اجبه خلااص يخلي اغراضه و يطلع !
ام فهد : الله يهداج يا ام مشعل ! شفيج ! نوريه بدت رايها و اذا يضايقكم كلامها مسحواها بويهي , !!
ام حور : لا حول ولا قوه إلا بالله ... زين يا ام ناصر إذا فعلا مو عاجبتج الاغرا ض خلاص تقدرين تخلينهم واحنا بنتبرع للفقار فيهم
ام ناصر : شتقصدين يا ام حووور !!
ام حور : مثل ما حور بنتي انا لي ولد و اسمه حمد يا ام ناصر !!!
ام ناصر : هه ...
ام فهد اتفشلت و وقفت : يزاكم الله الف خير , و يا يمه حنين ياليت تنادين لي فهد ولدي , ابي اكلمه شوي
ام حور وقفت : لا حشى والله حشى ما تطلعين وانتي زعلانه ! افا يا ام فهد ! انتي اللي داخل و كلنا طالعين ,
ام فهد : لا حشى يا ام حمد لاني زعلانه ولاني شيء , بس ,, آآ بس انتي تدرين حور تعبانه يت من السفر ولازمم ترتااح شوووي و ان شاء الله بترجع البيت ويانا اليوم و بنقعد معاها بااجر ,
ام حور : عيل خلاص بالاول تعشووا , !!
رغد و دلال منزلين راسهم اما ام ناصر عافسه ويها وام فهد متضايقه و تطالع ام ناصر بعين ,
...
بعد 3 ايااام ,
حور دقت على فهد : الووو .. فهد تكفا ودني الطبيب حدي منتشله و مصخنه .. انتا بعيد ؟ خلااص حبيبي عيل بروح ويا اختك رغد بخليها توديني .. لا ميخالف حبيبي خلاص خلك مناك انا بس شوي مسخنه مافيني شيء .. اوكي قلبي حط بالك على نفسك , مع السلامه
( و دقت على رغد )
حور : قووه رغد , تكفين تعالي شقتي مو قادره اقووم وديني الطبيب , ما ادري ! من ييت من السفره و بديت انتشل و مسخنه حدي والله حتى بالغصب فتحت عيووني , اي انا بغرفتي على الفراش نايمه . اوكي مع السلامهه , ناطرتج ,
...
عند الدكتوور ,
حور : شلون ما فهمت ؟
الدكتور : يعني يا حور لازم تسوين تحاليل , عشان نتاكد سبب سخونتج !!
حور : بس انا بالغصب ييت !! ما اقدر ايي باجر !
الدكتور : زين تقرين تسوين الحين التحاليل بس باجر تلع النتايج
حور : زين عيل بخلي زوجي ايي يشووف التحاليل
الدكتور : زين , براحتج ,
( راحت حور و سوت تحاليل و معاها رغد )
...
و اهي راده البيت رن فوونها وله اخوها سامي .
حور : هلا سامي
سامي : ها وينج ؟
حور : ويني بعد ! بالبيت
سامي : شفي صوتج ؟ فيج شيء !!
حور : ماكو بس شوي تعبانه و توني يايه من الطبيب , امر فيك شيء ؟
سامي : اي في شيء , ودي اتزوج
حور : شنو بتتزوج !!
سامي : إي بتزوج !!!
حور : و حاط عينك على وحده ؟
سامي : آآآه , إي يا حور اي
حور : ههههههههههه و منو هذي سعيده الحظ اللي بتاخذ اخوي !!
سامي متوهق : بصراحه , ودي اخطب ايد اختج حنين
حور : حنين !!!
سامي : إي حنين اختج !! ليش ما يصير اتزوجها ؟
حور : امبلاا لانها اختي ماهي اختك انت !!
سامي : اشوا اووووف حسباااااااااالي !!
حور : هههههههههههه سامي انت تحبها !!
سامي : تبين الصج !! إي و من زمان و قبل لا تتزوجين ,, بس ذاك الساع ماكان عندي فلوس و لا كان عندي بيت , اما الحين عندي شركه ابوي و صارت لي فتره اتعلم عليها و فيصل ما قصر معااي علمني ل صغيره و كبيره و قمت انا اللي اعلم فيصل الغلط , و اصله له , و بعدين ابوي صار له اشهر يعطيني معاش و يمعت و اقدر احطهم مهر لاختج !!
حور : والله و كبرت يا سامي , و صج انت اللي تستاهل اختي و اقر اتطمن عليها ادمها معااك و عندك و بين يدينك , بس انت تدري الراي الاول والاخير لها ,
سامي : حورووه ما تعتقدين خالد يرفضني لاني ولد طلال ! زوج امج الاولي !
حور : لا مستحيل يرفضك وانا متاكده بعد ! ترى خالد ما يفكر بهالطريقه نهائيا و بعدين الراي الاول و الاخير لاختي
سامي : خلاص انتي تفاهمي معاهم انا ما اعرف ,
حور : انت كلمت ابووي بالموضووع ! اخاف ابووي ما يوافق !
سامي : لا تخافين انا كلمت ابوي , مع ان عطاني محاضره شطووووووولها اني ياهل و ما اشتغلت و غيرره إلخ , بس اخر شيء اقنعته والباجي عليج
حور : خلااااص خل الباجي علي ,’
...
#33