القصايد كلها بإسمك تغنت - الفصل 29 - بقلم gala q8 - مكتملة | روايتك

البآرت التآسع والعشرون برآ بالحوش ,, فهد قاعد يسوي الخيمه و مطر و دلال ورغد قاعدين تحت الشرا ( الشجره ) و يضحكون و مستانسين فهد يطالعهم : الحين انا منا يكم تساعدوني وله تقعدون تحت الشرا ؟ دلال : ههههههههه امبيه فهيد ونااسه و بعدين ما نبي نمرض باجر ههههه فهد : استغفر الله , سكتي بس ( وقاعد يعدل العاموود ) ( دلال قامت تطالع اخوها و كسر خاطرها جان تروح و تمسك له العامود و اهوا يطالعها ابتسم و قام يعدل العامود من تحت بالتراب , و رغد طالعتهم جان تروح و تساعدهم و تشيل خامه مال الخيمه ) ... عند حنين و ريم و حور ,, حنين : ماشآء الله المطر من 3 سآعآت و اهوا يطق ما وقف , ريم : إي والله الحمدالله كل هذا من خير ربي حور : وي يمه دقي على احمدوه قال بيطلع مع مشعل البر حنين : وييييييييييييه شقدمي مشعل الله شقدمي ! ,, حور : ههههههههه إي والله انا اخر مره شفته يوم كان نايم فـ بيتنا , ريم : إي والله ,, شكلي باجر بسوي يمعه , منها تيي خالتج و عيالها و منها نقول لهم انج وافقتي على فهد حنين : صج ,, مبرووك ,, و اخيرا بيصير عندنا حفله ولا آنآ آخت العروس ! والله وناااسه , عاد بتكشخ اخر كشخه ريم : إي حنون إي حبيبتي كشخي , جود احد يشوفج و يخطبونج و افتك منكم اوووف , صج اللي يربي بنات يتعب حنين : وييييه ! تبين الفكه مني مره وحده ؟ ريم : إي وبس يبقى عندي اخوج و لي كبر أزوجه على كيفي و افتك منه و انا و ابوج نسافر و نطلع و نروح و نرجع و مالنا شغل فيكم , فككككه حور : ههههههه وييي يمه ! و إنتي من الحين مخططه حق بعد 10 سنين !! ريم : إي انا احب افكر حق المسقبل اما الماضي ماله مكان فبآلي , حور ( هه , إي واضح والدليل انج بديتي خالد على انا و ابوي و خالد كان ماضيج ّ! ) ... فبيت طلال فردوس فاتحه الدريشه و طلال قاعد يقرا الجريده فردوس : بصراحه الجو كتير يجنن , طلال : ويه شدعوه محسستني ان اول مره يطق مطر بالكويت ! فردوس قعدت يمه : لا مش هيك بس بصراحه وئتووو مو كالعاده ! طلال : امم , زين وين سامي ! ماله حس ! فردوس : شو نسيت إنووو راح لـ إموو ؟ طلال : اوووه صج نسيت ! فردوس : امم , إلا صحيح , شو صار مع حور ! طلال : ماكوو قبل شوي صكرته منها تقول انها وافقت على الريال و اول ما امها تقول للمرا انهم موافقين و على ما يحددون يوم و حاله فردوس نزلت راسها : اوكي حبيبي .. و انا ! راحى اروح عرسها ؟ طلال : ما ادري ! يصير خير بعدين فردوس : إن شآء الله , .... وبالفعل , مرت الايام و كآنت الايام حدها عاديه و الحمدالله نقدر نقول ان الامور مستقره , ولين اليوم اللي حددوا فيه الحريم يوم الملجه والعرس ! ... حور قاعده تطلع ملابسها اللي شاريتهم من السوق و تشيل من ملابس الكبت , حنين قاعده : و متى قرروا ؟! حور و اهي تفتح جنطتها : حددوا الملجه والعرس بنفس اليوم لان باقي إسبوعين وبنسافر حنين بققت عيونها : بتسآفرين وين ! حور قعدت يمها : اعتقد استرآليا , اهوا عنده شغل مناك و لازم نخلصه و اعتقد بنقعد مناك 4 اشهر , فعشان جذيه امه قالت لامي خل نخليها بسرعه صج ماكان في وقت حنين : امبيه ! و بتروحين و انتي متنقبه مناك ! حور : إي , ( تغيرت ملامحها ) بصرآحه احس اني تسرعت وايد و احس اني متحسفه إني بتزوج ! واي احس ما ادري شلون ! يعني حياتي بتتغير , تخيلي كنت سفور و فجآه اصير منقبه ! وبعدين انا ما اعرف الولد و راح تكون ملجتي و عرسي بنفس اليوم ! وبعدها بيوم جذيه راح نسآفر ! امبيه احس اني تسرعت , يعني لو اخذت لي واحد بيقعد بالديره جان قلت زين على زين ! بس احنا راح نسافر 4 اشهر ! حنين : بصرىحه حورووه راح افقدج و صج الله يعينج ! عآد إنتي ما تعرفين الولد شلون صاير ! زين و له مو زين ! حور : هيي لا تقعدين تخرعيني والله الحين اقول حق امي اني هونت حنين : يا الغبيه والله تسوينها . خلاص انثبري , زين متى بيييبون الدزه ! حور : اعتقد بآجر , وي عاد الحين خواته و بنات عماته والكل بيي , امبيه ما ادري شآلبس وله شسوي شعري ! حنين : آفآ عليج , خلينا انا و مريوم نضبط لج كل شيء , و من بآجر الصبح نروح نشتري كل شيء , حور : زين اقول لج , باجر اطلع و جذيه البس النقاب ! يعني اجرب حنين : كيفج , خل نقول حق مريوم اكيد تعرف له , حور مبتسمه : خلاص , عيل باجر الصبح على الساعه 8 نطلع من البيت و دقي على مريوم خل تيي حنين : إلأا صج عندج نقاب و له شلون !! ,, بآجر السآعه 9 حور واقفه و ما تبي تتحرك و حنين واقفه يمين ويه حور و ماسكه النقاب و مريم راكبه فوق كرسي و واقفه ورا حور تعدله لها , حنين : يا بقره يا مريووم بسرعه إيدي قامت تعورني ! حور بس تحرك عيونها : يا شقول خلصوووني ! احس جني متجبسه ! حنون شوفي الساعه جم الحين ! حنين : ما اقدر اتحرك ! مريوم لابسه ساعه قولي الساعه جم ! مريم حاطه جلاب بحلجها : دقيقه ( و تحرك إيدها تطالع الساعه ) الحين الساعه 9 حور : عمى إلا عمى , انا قايله بنطلع من البيت الساعه 8 و الحين ساعه كامله انا واقفه عشان تسوون لي النقاب ! ريم دخلت : هوو شفيكم تصىرخون ! حور : يما مو عارفين يسوون لي النقاب ! انا خايفه يطيح ريم : هههههههه وخروا عنها ( وراحت ورا حور و خلت حور تسوي مثل كبه بشعرها ( لان حور شعرها طويل ) و حطت النقاب فوق الكبه هذي و ربطته ) ريم : خلصنا حنين و مريم يطالعون بعض : !! حور : واااااااااااي واخيرا ! هالاغبيه ساعه يسوونه لي ! ريم : اي شيء ! حتى الياهل تعرف تلبسه ! حنين : المهم خلاص انا خلصت مريم : وانا بعد خلصت حور : خلاص انا بس باقي البس عباتي و حجابي و نطلع ريم : شننو يمه بتطلعين بالنقاب ! حور : إي يما قلت بجرب فيه يعني , إنزين يمه انا بروح اشتري حق اليوم ما عندي ريم : ويه يمه لا تتآخرين ترى بعد صلاه العشآ بيون , يمه ادري بسرعه بسرعه بس ميخالف دوري لج اي شيء لبسيه وشعرج سويه بالبيت لان إذا رحتي الصالون بتطولين حور : اي مريوم قالت بتسوي شعري و حنون بتحط لي مكياج تدرين بنتج تعرف تحط حنين : احمم احممم ( و بتكبر بتبتسم ) ريم : زين انا بروح عند خالتج تحت يايبه خدامتها اليديده وقاعده تسوي لنا العصير اللي امس سوته لهم تقول إينن , و بتسويه حق المعازيم حور : زين يا الله امشوا لا نتآخر حور مشت ومريم و حنين معاها ,, ... وبالفعل , حور طلعت و كان قلبها يرقع اول مره تلبس النقاب مره وحده ! و مريوم و حنين وياها و يستهبلون عليها , ... وبالفعل , وصلوا السوق , وتقريبآ افتروا مجمعين عشىن يدورون شيء حلو لييين اخر شيء , دخلوا محل لقوا نفنوفين حلوين و ناعمين حور : شوفوا هذا حلو !! بس ماتحسون يعني اللون وايد اووفر لانه احمر ! حنين : بصرآحه حوروه انتي قصيره و ضعيفه و الاحمر طالع عليج حلوو مريم : لا حورووه احسه صج وايد اووفر , اخذي الوان ثانيه مثلا برتقالي و اصفر شيء جذيه حنين : ويييع شنو برتقالي ! مو ناقص نحط اغنيه يا البرتقاله و تصير بنص الصاله ردح ! مريم : ويع سخيفه اقول سكتي بس حور : اوووف انا لو يايبه امي وايد احسن ! بروح البس الاسود بالوردي ( راحت لبست الاسود بالوردي و طلعت ) حور : هذآ وايد احلى صح ! حنين : امممم ,, إي هذا بعد حلو مريم : احس هذا اويد اذرب , و احس بعد كل شيء يمشي معاه يعني من ناحيه المكياج و جذيه وايد حلوو حنين : امم إنتي شرايج حوروه ؟ حور ابتسمت : بصرآحه حبيته , و بخاطري فيه مريم ابتسمت و حنين بعد , وحور استحت و راحت تبدل , ... فبيت ام فهد فهد قاعد ياكل عنب ,, دلال قاعده جدام الدزه وقاعده تصور : امبييه حدها زوغه الدزه فهد : ههههههه ,, شكو تصورين فلوس زوجتي ! دلال : ههههههههههه إقعد زوجتي مره وحده ! فهد : إي شتبين ! دلال : هههههههه كيفي بصور ولا بعد بحطها بالبي بي بخلي كل الناس تحسدها فيه هههه نزلت رغد : اووه هذي دزتها ؟ فهد يطالعها : إي رغد راحت يم الدزه تطالع : اممم والله روووعه والله ذووق , منو مسويها ! فهد : الله يسلمج هذي الوالده امس قالت لي اييب المبلغ و قعدت تسوي لي اليوم قبل الصلاه بسآعه خلصتها رغد : من صجها امي ! المفروض تكون مسويتها من امس ! فهد : اي امس و اي خرابيط ! الزواج بيصير بسرعه بعد متى تسويه ! ما يمدي ! رغد : لا والله صج امك ذووق , شوب شلون حاطه الفلوس و شوف شلون حاطه الذهب منيه و شوف الورد شحلاته , و لا الصندوق بروحه عجيب , دلال : لاا ,, طافج العطر والمبخر الموجود بعد داخل الصندوق ! فهد : و إنتي شدراج ! دلال : آحم , لان امس انا و ياها طلعنا و شريناه , و تراه غالي مو شوي و لا بعد مو من الكويت فهد : اوووه , يا خطيرره رغد : و انا ويني امس بليل ! دلال : احم , كنتي بدارج حاكره على نفسج و قاعده تدرسين حق الماده العله , وانا و امي طلعنا و رجعنا و ما طولنا بطلعتنا , سوسن نزلت : ها يمه شلونكم ! فهد قام و باس راسها : انا بخير , سوسن مبتسمه : إي اكيييد بخير يا يمه , دامك كلها جم يوم و ملجتك على حور اخييه و تييب لنا ذاك الياهل اللي يشيل اسمك و اسم ابوك يا بعد قلبي فهد ابتسم : إي بييب فرآس و اصير ابو فرآس سوسن ابتسمت إبتسآمه حزن : و ليش اخترت اسمه يا فهد ! فهد ابتسم و باس راس امه : يما , تتوقعين نسيت اخوي فراس ! لا والله ما نسيته ! ( فرآس اخو فهد التوآم بس توفى لمن وصل عمره 7 سنين و طبعآ فهد كآن يذكر آشيآء صآرت و الصور تشترك بينه و بين فرآس ) رغد : المهم , متى بنروح لهم يما ؟ سوسن : اليوم إن شآء الله بعد صلاه العشآ , و بيون عمتج و بناتها و مرت ولد عمتج امينه فهد انصدم ( امينه بتروح وياهم ! اكيد بتشوف حور !! آآآه يآقلبي , ليش دايما تطلع جدامي بكل شيء ! ليش ! ) دلال : الله ! شحقه الكل بيي !يمه غلطآنه !! ,, بعد دقي على خالتي خل تييب سلمى و بنات عماتها ! يما رايحين نودي الدزه احنا مو نتمشى ! سوسن : وي شفيج ! هذا السنع يا يمه , لازم يروحون و يشوفونها و يعرفونها اكثر ! على الاقل لازم تعرف منو هذول ! بنات عمه و بنات خالاته ... بـ محل الجواتي ( عزكم الله ) حور :اووف هذا حلو بس وسيع حنين : قلت لج اخذي هذاك اللي بالمحل الاول وايد احلى منه و بمقاسج مريم : لا حنون ويع ما يمشي ! حنين : بالعكس والله خل تكسر اللون مريم : لا حنون خلينا تفتر المجمع كله و نختار حنين : يا الغبيه ما باقي إلا حبتين ! حور : هييييييييييي , خلاص عاد ! والله تحسفت اني ييت وياكم حرام عليكم انتوا تبون تفشلوني جدام الحريم !! الحين شآختآر ! مريم : تدرين ! خلاص اختاري اللي بالمحل الاول حنين : لا مريوم صح كلامج خلينا نكمل المجمع كله حور : اقول الغلط مني انا اللي يبت ثنتين انا غاسله ايدي منهم , كل مره تشوشون افكآري !! ... عند ريم و مشآعل مشآعل : ويه من صجج ! والله انا قلت لمشعل ادخل الجامعه وايد احسن و اهوا يقول لا بدخل تطبيقي و بشتغل بالنفط , يقول وايد احسن , ( تطالع الساعه ) وينهم البنات ؟ بيتصير حزه الغدا و هذول لي الحين ما وصلوا ! ريم : اي والله بدز لهم مسج الحين و اشوف مشاعل : إلأا صج وين ريلج ؟ ريم : وينه بعد ! كالعاده بالشغل , بهالوقت ما يكون موجود بس إذا فضى رجع , مشاعل : زين شوفي البنات ريم خذت فونها : كاني بدز مسج ... دخل حمد البيت و معاه مشعل حمد : السلام , انا بروح انام لا تقعدوني مشعل : وانا بعد بنام لحد يقعدنا تكفون حمد ومشعل صعدوا مشاعل : هوو هذول من وين يايين هالحزه !! ريم : بعد من وين ! امس نايمين بالمخيم . و الظاهر توهم رادين , ( دزت المسج حق حنين ) المهم خل اقول لج سالفه وضحه رفيجه ام سالم , ,,,