القصايد كلها بإسمك تغنت - الفصل 25 - بقلم gala q8 - مكتملة | روايتك

البآرت الخامس والعشرون حور نزلت و مع اختها بعد ما ضبطت كل اغراضها ,, لقت امها و اخوانها ( حمد و سامي ) بالصاله اما ابوها بعد ما صعدت حور طلع برا ينطرها حور : وين ابوي ؟ سامي : ابوي برا ناطرج حور : اوكي خلوكم دقيقه ابي اسلم عليه قبل لا اطلع وابي اقعد معاه شوي حنين : تكفين حوور لا تتآخرين مريوم بتيي بيتنا حمد : يووه انا قايل حق مشعل ايي ياخذني , خلاص انا بروح اتصل عليه اخليه إيي ويا مريم ( وراح شوي بعيد ) حور : زين انا بروح عند ابوي و اييكم بعدها , ( طلعت حور لقت ابوها واقف مع فيصل ,, ) حور : يبآ طلال التفت عليها وابتسم : هلا ابوووي إنتي حور : يبآ لا تتضايق لاني بروح لامي , بس انت تدري انا تعودت على امي مهما سوت لي , صج اني مو راضيه على اللي سوته , بس والله ما اقدر اعيش بعيده عنها و اهي بعد وايد تعبت بغيابي و حنين قالت لي ان امي ما تنام الليل و ما تاكل شيء , وانت بنفسك شفتها طلال يمسح على راس حور : أدري يبا ,, خلاص رووحي بس لا تقاطعيني ّ! حور : لا يبا صدقني ما راح اقاطعك وبعدين انا ما عندي عذر عشان اقاطعك ؟ والحين عطله والله انك بتمل مني , إي يبا في شغله ما قلتها لك طلال : قوولي يبا حور تطالع فيصل : ابي اكلمك بروحنا بابااا طلال يطالع فيصل : خلنا شوي فيصل فيصل بهدوء : اوكي ( وراح شوي بعيد ) حور : يبآ في واحد خاطبني اسمه فهد و اهوا ياي من طرف ابو حمد .. بس انا برفضه لانه من طرفه طلال : لاا يبا ,, حوور إذا الريال زين و خوش واحد لا ترفضينه ! حور : بس انا ما ابي زوجي يعرف خالد هذا ! طلال : حوور انتي بتتزوجين الريال مو خالد ! حور نزلت راسها : يعني ما تتضايق إذا فكرت و وافقت عليه ؟ طلال ابتسم : حوور ... انا ما عمري فكرت اني ارفض لج طلب لا إنتي ولا سامي , إنتي يمكن لج نظره احنا ما نشوفها ! حور رفعت راسها : يبا انا اخاف اصير نفس امي , اتزوج شخص ما ابيه !!!!! طلال : !!! حور انتبهت لكلامها : يبا اسفه موو قصدي اتكلم عنك ! بس انا ما ابي اكون مثل امي ّ طلال لف ويها الصوب الثاني : اوكي براحتج يبا حور راحت جدام الااتجاه اللي لف ويها : يبا , لا تزعل مني ! يبا اسمعني طلال : حور ابي اقول لج كلام وابيج تحين هالكلام حلقه بآذونج حور : قول يبا طلال : إذا لم تستطيع أن تكون قلم رصاص لـ كتابه السعادهـ لــ أحـــد حاول على الأقل أن تكون ممحاهـلطيفه لـ إزلة الحزن عن شخص ما .. حور : تقصد ؟! آآآ طلال : خلي قصدج بالكلام فبآلج و باجر بتعرفين حور هزت راسها بإي : حاظر شافت امها و اختها و اخوانها نازلين من الدري و شافت دريشه الصاله اللي كانت فيها امها كانت فردوس تطل منها , فعرفت حور اكيد فردوس كلمت ريم بآي شيء كان , ريم : يا الله حور يما , خلينا نمشي وايد تآخرنا ! حور : إن شاء الله ( لفت على ابوها و باست راسه ) يبا انا بروح الحين , اشوفك باجر من الصبح بإذن الله طلال ابتسم : بإذن الله , ( راحت حور و ركبت السياره ويا امها و اخوها حمد و اختها حور ) ( اما سامي فرآح يفقد حور وااايد , و طلال بعد , ) ,,, دخلت حور البيت واهي مبتسمه من زمااان ما دخلت بيتها , يعني صار لها اسبوع او اكثر , ريم ابتسمت : عااد يمه حوور هذا بيتج قبل لا يصير بيتي , حور ابتسمت حنين : انا بروح داري , حاسه ان راسي يعورني ريم : إي خوو انتوا مو متعودين على القعه الصبح ! حنين : بصراحه إي الحين عطله منو يقعد مبجر شقدمي !! حنين راحت ,, حمد : وانا بطلع ريم : وين بتطلع ؟ حمد : بروح مع مشعل ريم : زين بس لا تتآخر حمد ابتسم : أكييييد دام حور ارجعت البيت ليش آتآخر ؟ حور تطالع اخوها و تبتسم : إي عاااد حمد ما ادري شفيه صايررومنسي معاي ههههههههههه حمد ابتسم : حوروه جبي , بس مستانس انج رجعتي حور : هههههه ,, حمد ابتسم : يا الله عن اذنكم , ... حور : يا الله يمه انا بروح غرفتي ريم : لا يمه تعالي شوي بقعد وياااج حور : يمه خليها بعدين ابي ارتاح لي شوي ريم : يمممه ابي اكلمج بموضوع فهد , حور : فهد !! ريم : إي يمه ,, ترى امه ملت و اهي تدق علي ! و ابوه كل يوم يكلم خالد وانا بعد مليت , ابي افرح فيج يمه حور : يمه ! ريم : يا يمه , قولي إنتي موافقه وله لا ؟ خو بعد ما يصير تفشليني جدام الناس ! حور ابتسمت : يمه ابشري , انا موافقه ريم ابتسم : وييييه يااا يمه يا حوور والله احسج كبرتيني وييه باجر اصير يده وانا بعدي هههههههه حور : ههههههه يا الله انا بروح غرفتي ريم : إي يمه روحي ارتااحي , ,, عند بيت عآدل و سوسن سوسن : كلوووووووووووووووووووليشش ششششش دلال طالعه من المطبخ : ويييه شصاير ! رغوود بتتزوج ؟ سوسن : لا يمه , حووور و اخيررا وافقت دلال مستانسه : جذابه حلفي يمه ! سوسن : استحي شنو جذابه ! إستحي انا امج ! دلال : ههههههههههه امبيه لا يمه بس لاني مو مصدقه عمري و حياتي كلها ما توقعت ان حوروه تصير مرت اخوي !! امبييه بصراحه والله وناسسسسه حوروه عاد تينن و طيبه تهبللل سوسن : إي يمه ,, عسى الله يكتب اللي فيه الخير دلال : اميييين والفآل حق رغوود عاد والله ذاك الساع بستانس اولا لاني ببقى بروحي بالبيت و بصير دلوعته و ثانيه بصير عمه و خاله بنفس الوقت والله وناسه والله لا اقعد ازف عيالهم 24 ساعه ههههههه سوسن : ويييه يا دلوول , انا اللي بصير يده , و بشوف عيال فهد , قبل اول ما ولدته كنت اقعده بحضني و اهوا بالمهاد و اقول له ابيك تكبر و تصير دكتور و له مهندس و بزوجك احلى و احسن بنت بالهدنيا اخخخ يا يمه , صج ما صار لا دكتور ولا مهندس بس والله انه بياخذ بنت ذهبه والله رغد نزلت بالدري : شفيكم ! لايكون يايبين لي خطاب ههههههههه سوسن : امييين يا رب الله يسمع منج و ازوجج ياارب , دلال : لا حبيبتي لا انا ولا انتي فهيد اخووج خطب و العروس وافقت رغد : صصصج بالمباارك , يمه تكفين انا قبل يومين سامعتج تدعين له تكفين ادعي لي اتزوج سوسن : إي يمه انا كل يوم ادعي لكم , وبعدين ما يندرى ليش كل ما يخطبج واحد مايصير نصيب , يمه هذي اكيد خيره , بإذن الله الله يكتب لج الخير دلال : إي يمه تكفين وانا بعد ههههههههه سوسن : وي دلوول توج صغيره عمرج 18 سنه !! دلال : كاهي حوروووه عمرها 18 كبري ليش ما قلتي صغيره ؟ و بعدين الزواج للبنت الصغيره ستر ! سوسن : عووووبه ما تسكتين ههههههه رغد : هههههههههه ... عند ناصر و امينه ,, امينه قاعده يم ناصر : حبيبي ناصر , ليش ما نسافر و نغير جو ؟ ناصر : ويييه والله زين اقتنعتي امينه : اي والله بصراحه احس ان ضايق خلقي و ودي اطلع اسافر على الاقل ابتعد عن حياتنا اللي كل مره نعيشها يعني ودي اغير و دي ابتعد شوي ناصر : افا عليج , انا الاسبوع الياي عندي سفره لـ تركيا تبيني اخذج وياي ؟ امينه : إي والله ناصر تكفا ودي اسافر لو اي مكان , ناصر ابتسم : افا بس تخلين شيء بقلبج ! خلاص راح اوديج من عيوووني امينه ابتسمت : تسلم لي عيونك يابو عيالي , ... عند سامي و فيصل و طلال و فردوس اللي قاعده يمين طلال ,, قاعدين بالسفره بس كانت السفره هاديه جدا جدا جداااا , محد يسولف ولا شيء , الكل ساكت يمكن فيصل و طلال ما حسوا بهالشيء !! لكن سامي حس بفقدان حور , يطالعهم يبي احد يسولف , سامي : يبا ضايق خلقي طلال يطالع سامي : ليش يبا ! سامي : يعني ! لا طلعه ولا عندي شغله اشغل نفسي فيها ! طلال : زين وين ودك تروح ؟ سامي : ما ادري ! انا ما عندي ربع ! يعني دايما اكون مع حمد اخو حور و ولد خالتها , يعني اغلب شيء معاهم , إنت تدر ان امي نفرت كل ربعي و حتى قمت استحي ادخلهم البيت , طلال : اممم سامي : إلا صج يبا عادي اروح لامي ؟ فردوس تطالع طلال : ! طلال : إي يبا رووح , بس من الحين اقول لك لا تتآخر عندها , لاني ما اثق بآمك و خوالك ! سامي : اهي عند خوالي ؟ طلال : إي عند خوالك ! انا كلمت خالك بعد ما بعت البيت سامي : اها , اوكي ( قام ) طلال : وين بتروح الحين !! سامي : بروح ابدل و اروح لها ومن بعدها بطلع بروح لـ حور , لان ضايق خلقي مو عارف شسوي ! طلال : زين بس كمل عشاك !! سامي : لاا يبا انا شبعت الحمدالله , طلال : بالعافيه يبااا , سامي : الله يعافيك , عن اذنكم , فيصل وقف : وانا بعد بقوم عشان اوصل سامي لان السايق اليوم ماخذ إجازه طلال : انزين وانت بعد كمل ! فيصل : إي ميخالف اصلا انت تدري اني ما احب اكل وايد ّ طلال : إي يا بو غآزي ( فيصل = بوغازي ;p ) فيصل : عن اذنكم , طلال : إذنك معااك فردوس : طلال , ميد هاد فيصل ! طلال : الله يسلمج هذا اللي يشتغل بشركتي و تقدرين تقولين ان هذا ايدي اليمين , وانا يبته البيت عشان يعلم سامي الشغل , إنتي تدرين اني مريض ولازم اتعالج وابي سامي يشتغل بشركتي من بعدي ابيه يكون ريال يعتمد عليه , و كنت اتمنى حور تكون عندي عشان اتعرف اللي لها و اللي عليها , بس ما قدرت اشوف امها تبجي جدامي و اسكت فردوس : طلال انت بتعريف اني انا حامل مو هيك ؟ طلال يطالعها : فردوس !! لا تخافين حقج بتآخذينه بعد عيني , ولو انا ادري انج ما تزوجتيني إلا عشان فلوسي وبس ! بس سمعيني ماراح تاخذين اكثر من نصيبج فاهمه !!! فردوس : ماشي ,, طلال وقف : الحمدالله ( وراح ) اما فردوس , اكيد تزوجته على شان فلوسه ! لكــنْ اهي انسانه و تحس بالغيره و تحس ان لها الحق عليه ,   #27