القصايد كلها بإسمك تغنت - الفصل 23 - بقلم gala q8 - مكتملة | روايتك

البآرت الثالث والعشرون عند حمد ,, بعد ما ركض مسافه طويله و كانت اول ركضه الساعه 10 بليل ,, وقف مكان بعيد , و حس ان ركض و ماله داعي يركض لان ابوه مو وراه ! تم يتلفت , حس شوي بخوف , اول مره راح يبات برا البيت !! قام يحاول يتلفت , فكر وين يروح ! يبي مكان في وايد ناس ولا يقعد بروحه ! فكر , ماكوو إلا البحر , وراح طلب له تاكسي و راح , اما عند حور و سامي و ابوها و الولد فيصل , فكآنوا قاعدين بالحديقه يشوون مثل امس واللي قبله واللي قبله بإختصار الثلاثه الايام اللي قبل , حور ماسكه المهفه و تهف على الكباب و سامي يمها , يسولفون اما طلال و فيصل قاعدين ورا و يزهبون السفره ( الصماط ) و يحطونه على الطاوله و يضحكون و يسولفون ,, حور بصوت واطي بحيث ان ابوها ما يسمعهم و تسولف مع سامي : تبيني اجذب و اقول لك اني ما خسرت اخواني ! سامي : هه , عيل انا احسن منج , لان ما عندي شيء افقده غيرج حور : ههههه ,, عساك ما تفقد غالي يا اخوي سامي : بس صج حور ما ودج ترجعين بيتكم ؟ حور : تبي الصراحه وله اخوه ؟ سامي : لا والله ! اكيد الصراحه ! حور و اهي تهف و تسمع صوت فيصل و طلال يضحكون التفتت على سامي و بصوت واطي قالت : انت ما تدري بلي احس فيه ! , مع اني عمري ما نمت بحظن ابوي من انولدت , بس احس ان ابوي اطيب من امي و عمي خالد مليون مره , احس ابوي طيب و انظلم بهالدنيا ! والدنيا قررت تظلمنا معاه ليش احنا عياله ! امي ما منعتني مره من حظن ابوي , بس الظروف و ادري ان ابوي مجبور على هالظروف , سامي : انا مثلج تقريبا , يعني اقصد ما عندي شيء افقده , امي عمرها ما التفتت لي يعني من كان عمري 5 سنين و انا بيد خالتي الله يرحمها لين صار عمري 11 سنه , و إنتي تدرين خالتي بدريه كانت لي الام و الاخت و الخاله والعمه , بس بعد ما ماتت , رجعت لحظن امي .. و امي عمرها ما هتمت لي , حور : تدري يا سامي , سمعت يقولون اللي الله يبليه يعني يحبه , احس ربي يحبنا و يحب ابوي بعد طلال راح لهم و وقف بينهم و حط ايد على كتف حور و الايد الثانيه على كتف سامي و يشم ريحه الكباب : وااااااااااااو ,, الريحه تشهي ههههههه حور : إي بابا , اكيد هذي من ايديني ههههههه سامي : اي بس انا اللي حطيتهم على الصيخ هههههههه يعني حلوين لانهم من ايديني طلال : ههههههههههه ,, زين يا الله سامي روح انت و حور و ييبوا البيبسي و باجي الاغراض بالمطبخ حور يا الله سمووي ,, ( وراحوا ) فيصل يطالع طلال : متى بتقول لهم ؟ طلال التفت و ابتسم : هدي بالك فيصل ! بقول لهم بس مو الحين , فيصل : عيل ؟! طلال : اول شيء اسمعني عدل , و بعدها ابيك تسوي اللي اقول لك عليه , فيصل : حاظر , ... عند خالد وريم , ريم قاعده بغرفه حور و مطلعه صندوق كبير و فيه ملابس حور و اهي صغيره و لبس العيد الميلاد , و صورها و مصاصتها و جوتيها واهي صغيره , و كل شيء يخص حور بالقوطي , خالد متسند على الباب و ريم بالارض تطالع الاغراض و تبجي ,, خالد : لي متى بتقعدين جذيه ! مرت 3 ايام وانتي بهالحاله ! ريم : تدري يا خالد اني تحسفت خالد : على شنو تحسفتي ! ريم : إني بديت نفسي عليها ! خالد قعد على السرير : تحسفتي انج شريتي حبنا ! تحسفتي لانج رجعتي لي ! ريم : خالد تكفا خلاص ! خالد وقف وبصراخ : رييمممم ,, انتي تدرين انج لي من الاول , و ان حياتج كلها لي انا مو لاي واحد ثاني بس انتي نويتي على نفسج و تزوجتي طلال ! ريم تبجي و تتكلم واهي مغمضه عيونها : تكفا خلاص بس خالد بصراخ : لاااا لازم تعرفين ان انا اولى من حور مليون مره ! حور ما راح تضيع من دونج لكن انا كنت بمووت من دونج ! ... حنين منسدحه بتنام بس سمعت صراخ بغرفه حور : بسم الله ! هذا ابوي ّ!!! ( قامت و ركضت عند غرفه حور وفتحت الباب ) خالد : سمعيني يا ريم , انا مستعد ابيع الدنيا كلها عشانج , لكن شوفي حور ! ما باعت ابوها عشانج ! فشلون تبينها تبيع الدنيا عشانج !! حنين طلعت و راحت غرفه حمد و طقت الباب كذآ مره و ما انفتح و فتحت الباب : حموود الحق ( دخلت مالقته ) وين حمووود !! طلعت و شافت ابوها يطلع من غرفه حور و يطلع برا البيت , ... حمد وصل البحر , و قعد بالكرسي و كان الجو شوي برد , توهق ما عنده شيء يدفيه حتى اللبس اللي لابسه لبس الطلعه مال امس , قعد لي الساعه 3 الفير , ومن بعدها حاول ينام , حط فونه صامت و اخذ فونه مع البوك ماله و دخلهم داخل ملابسه عشان ما ينباقون و نام , صآر بآجر الصبح الساعه 8 و حنين بغرفه حور نايمه بفرآشها و ريم نايمه يمها و الاغراض حوالينها , حنين قامت من النوم : ياربي , ياليتني بحلم مو بحقيقه , ودي ارجع انام و اقعد القى البيت مثل قبل ياربي ما ابي ابدي بحياه كلها مشاكل ! قامت و راحت تنزل بالدري , وراحت المطبخ والصاله و كل مكان بالبيت بس ماكو حس ,كلش , و اهي طالعه من المطبخ سمعت صوت بالصاله راحت تركض : يبأأ ,, حنين تطالع اعند الباب : خالتي مشاعل ! مشاعل تركض و معاها مريم و مشعل ,, مشاعل : حبيبتي حنوون ( وراحت تسلم عليها ) وين امج ؟ حنين : امي فوق بغرفه حور مشاعل : و وين ابوج ؟ حنين : ما ادري عنه امس طلع و شكله ما رجع البيت مشاعل : انا بصعد لامج ( وراحت ) مشعل : شلي صار ! حنين قعدت : اووف ما ادري ! ابو حور دخل بيتنا و عفس البيت فوق تحت , مريم : ليش شسوى بعد ! حنين : ما ادري ! لا تسآليني بس كان معاه ظرف و ما ادري شنو ! ما ادري !! مشعل : زين و وين حمد ؟ انا من امس وانا ادق عليه ما يرد علي ! حنين : ما ادري ! شكله طلع من امس , و ما ادري عنه وين راح ! انا حسبالي يا لك ! مشعل يطالع مريم و مريم تطالع مشعل : ! ,,, عند حمد قام من النوم وارقبته تعووره ... وقام يتلفت , حمد : انا ويني ! ( تذكر امس ) ويييه , ( طلع تليفونه و طالع الساعه و كانت الساعه 8:15 ) و كان الجو باارد , قام حمد و كمل المشي لين طلب له تاكسي , ... عند حور , قعدت الصبح و فتحت الدريشه , ولقت ابوها مع فيصل قاعدين و حاطين طاوله و فيها اوراق و حاله , و اخوها سامي بعيد قاعد يلعب بالكره بروحه , ابتسمت حور ابتسامه عادي , ورجعت لكبت الملابس و خذت من الملابس اللي ابوها معطيهم إياها , مع انهم وايد وسااع بس لازم تضطر تلبسهم , وفعلا لبست بنطرونها و لبست بلوزه من الكبت و كانت وسيعه شوي فآضطرت تلبس فوقه جاكيت عشان تغطي من جسمها فوق , و نزلت بالدري , و و راحت الحديقه ,, لقت ابوها حاط ايده على حنجه و يفركها و فيصل ماسك الاوراق و قاعد يحسب إلخ , حور : صباح الخير طلال : تعااالي بابا حور تعالي نقي , حور ابتسمت : شنقي ؟ طلال : شوفي اي لون احلى ؟ في شركه ودي افتحها بالبحرين و بصرآحه ودي اختار الوان حلوة , حور : اممم . ما ادري أي لون انت تحبه ؟ طلال : حور ابيج انتي تنقين , ( رفع اوراق ) هاج الاوراق فيهم جميع الالوان المتوفره اختاري براحتج واللي يعجبج عحي عليه دائره , و خاتاري لونين على ما انا اروح اقعد اخوج حور مسكت الاوراق : إن شاء الله ,, طلال راح , فيصل يطالع حور : وي شكله ملابسج وايد وسيعه ! حور تطالع ملابسها ولا صوب كتفها طايح و قامت عدلت ملابسها و لبست الجاكيت و صكرته : اي وايد وساع ما لقيت لبس قدي فيصل : ميخالف , باجر اخلي السايق يوديج انتي واخوج و يشتري لكم ملابس حور : اوكي ( قعدت و فيصل على يمينها و قاعد يحسب و اهي تطالعه , بعدها رفعت الاوراق و قامت تطالع الالوان , و نقت لونين مع بعض ) , حور تطالع فيصل و فيصل كلش مو معطيها ويه لان قاعد يحسب و مندمج بالاحسابات .. حور : فيصل فيصل يطالعها : هلا , حور : ادري مر علينا وقت يعني صار لنا 4 ايام وانت موجود فالبيت , بس انا الحين ما عرفتك منو انت .؟ فيصل يطالعها بنظره , : إنتي شايفه وقتها الحين ! حور انقص ويها : انا مو قصدي , بس ابي اعرف , واسفه لاني قاطعتك , حور وقفت : انا بروح عشان ما ازعجك ( وراحت دخلت البيت ) فيصل يطالعها : هههههههه ,, ( ورد على ورقته يحسب واهوا مبتسم ) , ... حور دخلت البيت , و اهي يعني عارفه بعض الاماكن اللي فالبيت بس في اماكن ما تدلها , شافت ابوها نازل بالدري طلال : ها حور ., نقيتي الالوان باباتي ؟ حور ابتسم : إي بابا , نقيتهم طلال : زين الحين وين بتروحين ؟ حور : ماكو . ودي ادل البيت بس مو عارف شيء فالبيت ! طلال : المشكله المدبره مالت البيت ماخذه إجازة , عيل ماكو غيري اخذج و اوريج البيت كله هههه حور ابتسمت : اي احسن , طلال مسك حور وراحوا وقفوا عند باب كبير , طلال : خل افتح لج هالباب حور : اوكي طلال فتح الباب و كانت غرفه كبيره , و فيها 3 منظرآت كبآر بشكل مثلث , و بيآنوا و كانت الغرفه متآلفه من الوان فاتحه و بآرده , مثل اللون الحليبي الفاتح و اللون الوردي الفاتح ,, حور : الله هالبيانوا حق منو ؟ طلال : بصرىحه هذا حق فيصل , حور :يبا فيصل 24 ساعه وياك ! طلال : إي فيصل الله يسلمج هذا يشتغل عندي بشركتي , و انا اعتبره ايدي اليمين , و إن شآء الله كلها جم سنه و اخوج اللي يمسك الشغل كله حور : اها , بس مو درجه انك تخليه عندنا بالبيت ! طلال : لأ , لازم اثق فيه و بعدين انا اللي جدامج ما اعرف عن شغلي اي شيء للاسف , و بعدين انا كنت عايش بروحي ! و اهوا ما عنده إلأأ ابو و اخوان اكبر منه , يعني اهوا فاضي لي و لـ شغلي بس حور : والله وناسه اشتغل نفس هالشغله ! طلال : اي يا بنيتي إذا تبين الناس تحت إيدج لازم تعطينهم و تشبعينهم اللي يبونه, و كملوا يطالعون باجي البيت , ... السآعه 3 وقت غدآهم , فيصل : امم اليوم الدياي مستوي اكثر طلال : إي انا موصي الطباخ يطبخه عدل لان سامي كان مشتهي دياي من امس هههههه حور تطالع فيصل , و تطالع ابوها طلال : ها حور اكلتي ؟ حور : إي قاعده اكل , وفيصل ما حط عيونه عليها ,, حور : اقول فيصل كلمنا عن الشغل ؟ نبي نعرف اكثر فيصل : والله يا حور ,, كلام الشغل وايد كبير عليج , و انتي توج ياهل ما راح تعرفين على الشغل عدل حور تطالع فيصل : :\ و سامي يطالع حور و طلال كآنه ما قال فيصل شيء غلط ! حور قامت : انا بروح غرفتي , سامي يطالع حور ويطالع فيصل , حور قامت وراحت غرفتها , و خذت معاها تليفون الصاله و قعدت و دقت على اخوها حمد , حمد : الوووو حور : قووه حمد شلونك ؟ حمد : آآخ ,, حور وينج ! حور : حمد شفيك ! حمد : انا طلعت من البيت حور : طلعت من البيت ! شتقصد! حمد : تهاوشت ويا ابوي و طلعت , حور : وين نمت ؟ حمد : رحت على البحر و نمت حور : حموود ! ليش رحت مناك ! على الاقل روح نام فبيت مشعل ! هذا اقل شيء تفكر فيه حمد : إذا رحت خالتي ما راح تخليني اطلع ! وانا ما ابي ارجع إلا ريلي على ريلج حور : حموود ارررجع البيت وله والله ما اكلمك ّ وبعدين ليش ما دقيت على فوني ! حمد : ما ادري , حور : خلاص تعال لي البيت منيه حمد : لا حور إبوج ما راح يرضى ! اهوا بروحه يكره امي وابوي ّ !! حور : لا حمد مالك شغل , على الاقل تونسيني شوي بدل هالفيصل اللي إملل حياتي حمد : فيصل ! و منو فيصل ! حور : اووف هذا واحد يشتغل مع ابوي بالشركه , لأا اقصد يشتغل عند ابوي و قاعد معانا بالبيت حمد : قاعد معاكم ! وسامي وينه ؟ حور : سامي موجود , بس ابوي يبي ياخذه عشان يعلمه حق الشركه , وانا ضايق خلقي , طبعا ما عندي شيء اشتغل فيه كلش ! وانت تدري الحين عطله ! حمد : زين قولي لي وين مكانج ؟ حور : لحظه انا مو حافظه العنوان ! ( طلعت و اهي تركض ) دقايق ويكون عندك العنوان ( طلعت لقت فيصل واقف عند الطاوله و ياكل عنب حور راحت له ) فيصل , عطني عنوان بيتنا فيصل واقف يطالعها و بكل برود واهوا ياكل : شحقه ؟ حور تطالعه و مستعيله : بسرعه يا الله قوول لي العنوان فيصل مشى عنها بكل برود و ياكل تفاحه حور تنرفزت وراحت له : فيصل ما تسمع وله شنو !! فيصل يمشى عنها : قولي لي ليش اول ! ( و نزل بالدري ) حور تطالعه و الحقته : اخوي بيي بشرعه قول لي فيصل ينزل بكل بروح : قلتي لابوج ! حور بصراخ : فصووووووووووووووول ! عطني العنوان خلصني ! فيصل التفت عليها : ماشي , قولي لابوج اول ( ولف وراح طلع برا الحديقه عند ابوها ) حور تطالعه : وييييعه زين ! .... عند بيت ام ناصر ( زوج امينه ) ام ناصر ( نوريه ) يايبه معاها حريم بالبيت متيمعين و بنتها منال قاعده و رهف و روان بعد , نوريه : وييييه يا ام غانم بصراحه سوارتج ما تييب الـ 100 دينار يايه تقولي لي شريتي بيت ! ام غانم :هووو . شكو السواره بالفلوس ! وبعدين يا ام ناصر انتي شعرفج إذا هالسواره بـ 100 وله 1000 !! نوريه : نعم ! شتقصدين يا ام غانم ! إني ما عرف حق الذهب والالماس ؟ ام غانم : الشاهد الله مو قصدي جذيه , بس شلون تعرفينها من غير ماتفحصينها ! نوريه : ويه ما همني ( لفت ويها بعيد ) إلا ام خالد إنتي مرت ولدج ما حملت ؟ امينه بعيد عن سوالفهم ( يااربي , شلون حال فيصل الحين ! وإذا ردى اني حامل شبيسوي ! امبيه انا ما غلطت ! انا متزوجه على سنه الله و رسوله و ناصر زوجي ! ) ام خالد : لا والله والحين اهما مسافرين يبون يغيرون جوو تدرين مسكينه هذا 3 واحد يطيح كل شيء الله كاتبه والحمدالله على كل حال ! نوريه تطالع امينه :إي مرت ولدي ناصر , حامل و يقولون بالشهر الـ 3 قريب الـ 4 , ام خالد : صج مبروك امينه ام غانم : مبروك يا نوريه واخيرا بتصيرين يده ؟ نوريه : إي والله كبرني ناصر , الفال لـ البنات , يارب ام خالد : إي عاد في وحده شايفه وحده من بناتج , بس بتكلمج بعدين نوريه : ويه سمعيني عاد , ما ابي اي ولد خرابيط ! ابيه اصيل و ابيه من عايله كبيره و هوامير , باجر بنتي تبي تتدلع عليه و تبي تربي ! خو ماابيها تطلع فـ بلاش ! ام خالد : والله انج تفكرين عدل ! اي عفيه عليج , ام غانم : يا الله انا بمشي الحين نوريه : ويه وين رايحه الحين ؟ ام غانم : برجع تدرين بو غانم ما يحب يقعد بروحه والحين رجعته من الدوام نوريه : ويييه خليه خلاص انتي كبرتي و لازم تشوفين نفسج بدال هالعبايه والحجااب المفروض تلبسين ستايلات شوفيني وانا شحلاتي والله مصغره نفسي ام غانم : والله يا نوريه انتي مو مهتمه بآحد لا بزوجج ولا بعيالج و تشوفين شكلج واايد و مهتممه بمظهرج , نوريه : قولي ما شاء الله ! ام غانم : يا الله مع السلامه , ( سلمت عليها و ام خالد قامت بعدها ) ... روان : امنووووه شفيج ! امينه : هاا ؟ ما فيني شيء رهف : ويييه شكلها البنت عاشقه اخووي ,, ههههههههههه يا بختك يا اخوي دام امنووه تحبك منال : إلا يمه صج ام غانم شفيها هذي ! نوريه تصب الشاي : خل تولي اقول بس خليني اركد راسي و اشرب لي استكانه شاي روان مسكت امينه و طلعوا برا ,, روان :تحبينه ؟ امينه : احب منو ؟ روان : منو غيره ! الخاين فهد امينه : روون تكفين ! روان : امينه خلينا نتكلم ! دام انج تحبينه ليش تزوجتي اخوي ناصر ! امينه : روواان تكفين مالي خلق شيء ! روان : سمعيني امينه , انا لمن خطبتج لاخوي لاني احبج واعتبرج اختي وانا ادري ان بقلبج في غير اخوي , بس هذا مو معناتها اني اسكت و اشوفج تفكرين بغير اخوي ! ترى انا مستعده اقول لاخوي انج تحبين قبله , بس احتراما لج سكت , امينه : روان تهدديني يعني ! روان : انا ما اهدد انا احذرج , إذا وصل الموضوع لاخوي و انج تفكرين بغيره فلي هنيه ما راح اسكت ! و قد احذر من انذر ( ولفت عنها ودخلت ) وامينه واقفه تطالع روان ! ,,,   #25