القصايد كلها بإسمك تغنت - الفصل 21 - بقلم gala q8 - مكتملة | روايتك

البآرت الحادي والعشرين ... دخل خالد و ماسك بيده حور , و طلال يطالع حور , و يخز خالد , خالد ابتسم نص إبتسامه , طلال ابتسم : شلونك خالد ؟ خالد يطالع حور بعدين طالعه و عطاه نظره : اهلا , تفضل طلال قعد مكانه و حط ريل على ريل والظرف بإيده , و ويها ولحيته و شكله و شلون فاتح قميص ازراراته , يعني كان عالاخر شكله غلط , و حور تطالع ابوها و خايفه كآنها ما تعرفه ! خالد : احنا مو اتفقنا انك تشوف بنتك فبيتك ! طلال : ههههه ,, وهذا بعد بيت بنتي , وله يا حور راح تطرديني ! حور تطالع طلال و تشد على ايد خالد : لا ,, آآ ,, لا حياك يبا طلال رفع ايده : ما راح تيين تسلمين علي و تضميني ؟ حور تطالع طلال : يبآ وينك من سنه وشيء ! كنت قبل اشوفك كل شهر تقريبا ! الحين طولت وايد ! طلال نزل ايده بخيبه : كنت مشغول يبا , والحين ياي اخذج معاي خالد : بتاخذها ! طلال : إي باخذ بنتي جم يوم عندي ! وله شنو حرام وانا ما ادري ! حور : لا يبا مو حرام ! انا بنتك و من حقك تاخذني خالد يطالع حور : حور ! حور : ماادري ! , يعني مافيها شيء ! طلال : أكييد ما فيها شيء ! انا ما بديت بمشاكل ! و طلقت امها خلاص , لكن حور بنتي و شايله اسمي , وانا يمكن اخذها على طول خالد : هه على طول !!!! طلال : إي على طول , وله تبيني اخلي بنتي عند واحد غريب ! وانا بصراحه ما اثق فيك ! بنتي كبرت و من حقي اخذها ! خالد : اسمعني يا طلال ,. مو معناته انك طلقت امها خلاص بتنتهي المشاكل ! ترى انا اقدر ادخلك السجن , لكن احتراما لاعيالك بس بخليك عايش الحين ! طلال : هههههههههههههههههه تهددني !! ( طلع الظرف ) عيل اخذ هذي الهديه الاولى مني , خالد : هديه !! طلال : إي هديه ! هديه بسيطه , و هالهديه خلتني اتذكر البنت اللي خليتها عن امها الخاينه خالد قاطعه : طلااااااااااال ,, الزم حدودك احسن لك ريم و حنين نزلوا بالدري و حمد سبقهم وراح عند ابوه يسانده , و سامي اللي سمع الصراخ دخل و وقف يم ابوه , و حور متوهقه ! ’ خالد مد ايده و فتح الظرف , و اول ما طالع الصور انصدم وطالع طلال اللي كان يبتسم إبتسامه خبث , و حور و اخوانها يطالعون شكل خالد ! طلال : ههههههههههه , خل حور تعرف امها المتربيه ,, امها اللي خانتني وباعت حياه بنتها عشانك ! خل حور تعرف ان امها تحب واحد غير ابوها لمن تزوجته ! ليش انا كنت غلطت حياه امها ! خل تعرف ان انت خربت العايله اللي كانت بتتكون منها بنتي ! خل تعرف امها ضحت فبنتها بسبب منو ! و حور تطالع ابوها و ترتجف ,, طلال : خلها تعرف منو الشريف ! و منو السكير !! و منو اللي كانت تسهر معاه تالي الليل غيري !! خالد قط الصور و راح مسك طلال و قاموا بتهاوشون .. خالد : ياااااااااااااا حقيرر يا نذل ,, طلال : ههههههههه انا اربيك يا خالد خربت حياتي ( و قاموا يطقون بعض ) و حمد و سامي يطالعون بعض ! < يطقون بعض ! وله يفاككونهم و له يوقفون مكانهم !! حور تطالع و منصمده ! و ريم وحنين نزلوا من الدري , و يطالعون الهوشه ! حور نزلت بالارض و سحبت 3 صور من اصل 5 صور , وتطالع و منصدمه , و تطالع امها فجآه وقفت حور , و تحس ان الدنيا مفتره ففيها و تطيييح ,, ... السآعه 6:30 فبيت العمه نوريه و امينه و ناصر إلخ ,, امينه دخلت البيت و قلبها يطق , نوريه : هلا والله بجنتي حياج , امينه مو قاعده تسمعها , نوريه : وي امينه يمه شفيج ! امينه تطالع نوريه : وين ناصر ! نوريه تطالع امينه : شفيج يمه ! ناصر فوق شفيج ! امينه قامت تركض عند ناصر , نوريه : ويييه الحمدالله والشكر ! شفيها هذي ! ماكو إلا ادق على خالده اشوف شسوت بالعرس بعد ما طلعت امس , اكيد حشت فيني , ( خذت التليفون و قامت تدق ) ,, ... عند ناصر و امينه , نآصر : شفي ويهج معفوس ! امينه تطالع نآصر : ناصر انا حامل ناصر ابتسم : شنو !! شنو قلتي توه ! امينه وتحس بغصه : انا حامل , ناصر مسكت امينه من كتوفها : حبيبتي و اخيرا راح اصير ابو ! امينه : اي , ناصر مسك خدودها و رفع راسها : شفيج ! امينه ! امينه وخرت عنه و خذت نفس : ماكو بس شوي تعبانه . احس اللي فبطني تعبني وايد ناصر : ويه حبيبتي عن الدلع , توج حامل إلأأ صج بآي شهر حامل ؟ امينه : توني بدخل الثآلث , نآصر : يا الله ميخالف حبيبتي , باجر بشوف بنتي وله ولدي يركض جدامي و يزعجبنا منيه , و يصارخ ويه ههههههههههه ,, وايد قاعد احلم حق باجر , بس تدرين اول ما يكمل الـ 19 من عمره بشتري له شركه كبيره و بخليه يلعب فيها مثل ما يبي لين يتعلم , ههههههههه امينه التفتت و تضحك بس مو من قلبها : و شنو ودك تسميه ! نآصر : ويه اكيد إذا ولد بسميه بدر , مو يقولون ناصر بو بودر ! امينه : بس اخاف عمي سلمان يزعل ! نآصر : لا ابووي ما يزعل , و بعدين يدي اسمه بدر , عادي مو مشكله ! امينه : و إذا بنت ؟ نآصر : والله إذا بنت , ما ادري ! إنتي عليج بالبناات لان ادري ذوقج حلوو يا ,, يا حلوو هههههههههه امينه ابتسمت بس مو من قلبها , ... عند حور ., فتحت عيونها , لقت نفسها بغرفه صغيره و يمها اختها حنين و امها , حور : ويني فيه ! ريم تبجي : يمه انتي بالمستشفى ,, توهم خذوا منج تحليل دم . يمه لا تخافين كلنا يمج حور غمضت عيونها و قامت تدمع عيونها : يمه ,, قولي لي ان اللي شفته مو صج ! ريم قامت تبجي اكثر , و حنين تطالع امها و اختها ,, حنين مستغربه : شلي شفتيه !! لا تحسسوني اني ياهل !! قولوا لي حور تصكر على اسنانها و مغمضه عيونها : يممممممه ,, قولي لي صج وله لا !! ريم تبجي و تمسح دموعها بالكلنكس : إي يمه ,, اللي شفتيه صح ! ريم قامت تتذكر ,, تذكرون الصور اللي كانوا باللابتوب , صور ريم و خالد قبل الزواج ! قبل زواج ريم من خالد ! كانت تسهر معاه و لبسها فاضل , وله حور عمرها توها بالاشهر , و صور مخله , و عليها التاريخ بعد , إلخ , حنين : فهموووني شنو اللي بالظرف اللي امي خذته و خشته ! ريم طلعت من الغرفه , و حور قامت تبجي و تنفض , حنين : حوور .. ( تمسكها ) حوور حبيبتي هدي شوي , ( تصارخ ) يماااااااااااا ,, دكتوووووووووره ,, تكفووون تعالواااااااااااااااااا ( تلف على حور ) تكفين حور هدي ,, و حووور ترجف , ... فـ بيت سوسن و عادل ( ابو فهد ) سوسن تصكر التليفون : اووف ,, رغد يم امها : شفيج !! سوسن : قاعده ادق على ام حور , بس ما ترد لا بتليفونها ولا فالبيت ! رغد : وييييه ,, لايكون غيروا رايهم ! و ما يبون ولدج ! سوسن : شنو ! وي بسم الله على ولدي ! شناقصه ولدي عشان ترفضه ! رغد : شنو شفيه ! ولدج مافيه شيء ! بس يمكن ارفضته البنت ! سوسن : لا والله ! و بعدين دلال قالت لي ان امها اتصلت قبل جم يوم بس انا انشغلت , يعني شسوي ! رغد : ما يندرى . او يمكن تكون امها مشغوله ! إهي إذا بتشوف فونها بتدق , و خلاص سوسن : ماكو إلأأ جذيه , ... عند حور ,, ابوها طلال قاعد على يمينها , و حنين على يسارها , و حمد قاعد اخر السرير و سامي يم ابوه , حور تطالع حوالينهم , : وين امي ؟ حمد يطالعهم و بعدين طالعها : أمي مع ابوي , شوي و إيوون , حور تطالع ابوها : يبا قول لي شلون تطلقتوا ؟ طلال : حور إنتي شايفه هذا وقته ! حور تعدل قعدتها : يبا خلاص مافيني شيء انا هديت ( و قاعد تنزل من عيونها دموع حسره ) قوول طلال يطالع حمد و حنين , حمد يطالع طلال و كآن لايعه جبده : لا تفكر تطلعني ابي اسمع حنين تطالع حمد تطالع طلال : وانا بعد , ابي اسمع سامي يطالع حمد اللي شكله حاقد على طلال , طلال مسك ايد حور : سمعي يا حور , امج قبل كانت بنت جيرانا , واحنا كنا مثل ما تقولين سوالف اعيال فريج , و كنت من زمان معجب بآمج , و لمن كبرنا ابتعدت عني , بس اكتشفت انها رفيجه اختي , و انعجبت فيها اكثر , ( اخذ نفس ) ولمن صار عمري بالعشرينات , و امج توها ياهل عمرها 17 , يعني تقريبا 18 سنه , كلمت ابوها , و ابوها كان كبير بالسن شايب , و ماعنده إلا 3 بنات , و وحده منهم إلي اهي خالتج مريم الله يرحمها كبيره و مريضه و توفت من زمان , وبقوا مشاعل و ريم فبيت ابوهم الشايب , يراعونه , و بعد فتره , خطبت امج , و وافقت , وكان احلى يوم بحياتي , كنت اتمنى هالليله من عمري 11 سنه تقريبا , و لمن صار عمري بالعشرينات تزوجتها ! و مرت سنه مثل العسل , و كن احسها ساعات تتمل بقعدتها معاي , قلت يمكن لانها ما تعرفني عدل , بس , بعد ما يابتج , حسيتها ما تبيني , و تميت ابتعد عنها , و كانت دايما معاي نفسيه , و ما تطيق مني كلمه وحده قلت اكيد من الحمال , و قمت احاول ابتعد عنها عشان اوخر عن المشاكل , و كنت دايما اشوفها تخليج بغرفتج تبجين و اهي بالصاله قاعده ! و كانت دايما تقعد على اللابتوب , و بيوم يت البيت السآعه 10:30 , و لمن شفت صورها اللي باللابتوب و معاها واحد احتر قلبي , لان زوجتي مع غيري !! ( و يطالع حمد و حنين و بعدها بمده طالع حور و كمل كلامه ) حور : يعني امي تطلقت منك عشان عمي خالد ! طلال يطالع حمد و حنين : إي , لانها تحبه و يحبها , و خانتني عشانه حور : خالد خرب حياتي حسبي الله عليه ( و قامت تبجي ) حنين راحت يمها و تمسح شعرها : حوور حبيبتي خلااص ( و تحاول تلمها بس حور تدزها ) حور بصراخ و بجي : وووخري عني , وخررري , طلعي برااا طلعــــي حمد يطالع طلال و يطالع حور و طلع برا الغرفه وصكر الباب حيل , و عند حنين وخرت عن حور شوي شوي و قامت حنين تبجي اختها تدزها ! حنين طلعت و وقفت يم الباب , اما حمد راح , ... عند ريم و خالد , ريم طبعآ طآحت بعد ما طلعت من حور , و قعدوها بغرفه بعد ما تطمنو عليها , وصار فيها هبووط , خالد قاعد يمها بالفراش و ريم تبجي , خالد ماسك ايدها : ريم حبيبتي هدي شوي ريم : خالد اخاف حور تدري بالموضوع خالد : خل تدري , احنا ما غلطنا ! انا تزوجتج و شفيها إذا انتي غلطتي و تزوجتي ابوها ! ريم : خالد , اخاف حور تكرهني و تعيش عند ابوها ! خالد : اوووف , ريم لا تحاتين حور انا مربيها , و معطيها من حناني ما اعتقد بتكرهنا , بس إنتي هدي لا ينزل ضغطج نفس توه ! ريم تطالع خالد : ما قال لك ليش عطاك الصور ! و من وين طلعهم ! خالد : ماادري من وين طلعهم ! يمكن شاف الممري اللي كنتي حافظه فيه صورنا وله شيء ! ريم : لا , يوم اني تطلقت انا متآكده اني اخذت الفلاش والفلاش الحين عندي , خالد : خلاص انا راح اتصرف , مالج شغل منه , ريم : وبنتي ؟ خالد : لا تخافين بنتج الحين بترجع معاج , و مالج شغل فيها ! ريم قامت من فراشها : ابي اروح اشوفها خالد مسكها : حبيبتي دقيقه , اول شيء مسحي دموعج , ودامي يمج حور راح ترجع لج , ريم تطالع خالد : متآكد ؟ خالد : إي متآكد , ريم ابتسمت و تمسح دموعها : خلاص بروح لها خالد : يا الله مشينا , ,.. و بعد ما نزلوا من الاسنصير , ريم تمشي قبل خالد تبي توصل بسرعه لبنتهـآ , و لكن المفآجئه , لمن شافت حور ماسكه بإيد ابوها و سامي وراها , و حنين واقفه يم الباب , و حور عطتها نظره , ريم : حور وين بتروحين ؟ حور تمسك ايد ابوها طلال و تنخش ورا ظهره . ريم : ماما حوور وين بتروحين ! طلال : بنتي بتيي عندي ريم : مو بكيفك انا امها ! طلال : وانا ابوها , و بعدين حور خلاص تجاوزت العمر القانوني و اهي مسؤوله و تختار اللي تبيه ريم : مستحيل ! انا اللي ربيت حور ! و كبرتها و خليتها مره ! انت شلون فريت مخها ! ممستحيل تغيرها بهالسرعه ! إنت سشمسوي فيها !! طلال : ههههههههه ,, ريم , إنتي عندج اعيالج وانا عندي اعيالي و خلاص ! , و حور لازم تتم عندي , وخلاص انتي ربيتي بما فيه الكفايه , و حرمتيني منها بماا فيه الكفايه , وانا ما اقدر ابتعد عن اعيالي خالد مد ايده بيمسك حور لكن في ايد مرت و مسكته , خالد يطالع : سامي !! سامي يصك اسنانه : إي سامي , ( و دز ايد خالد ) حور اختي , وما راح اخلي اي غريب يمسكها فاهم ! خالد و ريم و حنين : !!!! طلال يبتسم لـ سامي : يا الله خلونا نمشي , طلال مشى و حور وراه و ماسكه بـ قميصه من ورا , و ريم تطالع حور و دمووعها اربع اربع , اما حور تطالع امها بـ عتب , و بعد حور سامي , ... مرت 3 ايام , و حور مو موجوده فـ بيت امها , طبعآ إهي و سأمي فبيت ابوهم , حور قاعده و مو عارفه شيء عن هالبيت اللي يضيع , فتحت باب غرفتها , تتلفت , تروح عند الممر اليمين وله الممر اليسار ؟ لقت ظل واحد مر ,, راحت له لقته دخل غرفه شافته لابس كبوس و بنطرون و بلوفر , حور قعدت و اهوا معطيها ظهره حور : سامي , تعال ابي اكلمك شوي , احس اني ضايعه بهابيت ! وايد كبير , وبعدين انت مو تول ان امك سحبت كل الفلوس ! عيل شلون شرا هالبيت !! التفت الولد : انا مو سامي ! حور تطالعه و وقفت من مكانها : امبيه ,, سوري إنت منو !   #23