القصايد كلها بإسمك تغنت - الفصل 20 - بقلم gala q8 - مكتملة | روايتك

البآرت العشرين ,, ... ترررررن تررررن ,, < ( صوت التليفون ) دلال نزلت بالدري ,, لين راحت عند التليفون : الو ,, هلا خالتي , إي عرفتج هههه ,, امي راحت بيت عمتي نوريه ,, إي ,, إن شآء الله , إن شآء الله ,, مع السلامه , ... عند رغد اخت دلال ( رغد الكبيره ) ,, مع صديقتهـآ ,, رغد لابسه نقابها و خايفه : وين يايبتنا ؟ انا ما قلت لامي بنطلع ! و امي موصيتني ما نطلع بروحنا و من غير لا استآذن منها عبير : واااي رغود .. شفيها يعني إذا طلعنا شويه ! امبيه لا تكبرينها و بعدين احنا وين يايين ! ترى كلها جمعيه رغد : اووف عبير ,, تكفين لا نتآخر والحين نهار و كل شيء واضح عبير : عيل متى تبينا نطلع ؟ زين اقول ليش لابسه نقاب ؟ قطيه استانسي ! رغد : يممه تبيني اقط نقابي ! انتي ينيتي ؟ عبير : وي شحقه ينيت ! احنا ديرتنا عادي تلبسين النقاب وله لا ؟ و بعدين عندنا ديمقراطيه , يعني المفروض انج تعيشين حياتج , رغد : اي اعيش حياتي صح مو بالشكل الغلط !! وبعدين احنا ديمقراطيتنا مو بس باللبس ! حتى بالتفكير , وبعدين انتي اللبس اللي لابسته عمره ما قال لنا الديمقراطيه لبسي جذيه ! عبير : وااااااااااي رغود امبيه ! هذا ستايل يديد و بعدين انا قاعده افكر اقط حجابي اصلا , رغد : تقطين حجابج ! تدرين ان اللي مو متحجبه تتعذب بنار جهنم ! و تدرين ان اللي تتحجب و تقطه تتعذب اكثر ! لانها تعتبر مثل المرتد عن الاسلام , عبير : يووووه .,. انا طالعه وياج عشان تسوين لي جذيه ! انا طالعه استانس مو حق عوار الراس ! اوووف رغد : عبير رديني البيت , ابي ارجع عبير : واااي , رغود مو من صجج !! رغد : لو سمحتي , انا امي ما عملتني اني امشي بطريج الغلط , عبير : واي رغود انتي لج شخصيتج , و بعدين الحريه اهم شيء بالحياه , لي متى بتمشين على هوا امج ؟ امشي على هوااج إنتي , إنتي و بس ! رغد : انا عاجبني تفكير و هوا امي , و لو سمحتي رجعيني البيت , عبير تحرك سيآرتها : زين زين ,, شفيج ! خلاص برجعج ,, ( و مشوا من المسافط ) , ... السآعه 1 الظهر , بمكان مظلم , قاعد و ماسك له كآسه , و لحيته واضحه , و مسمر , و المكان اللي قاعد فيه مو مضوي إلا بالشموع , يت له وحده لابسه لبس نفنوف سهره , قعدت وحده سمره شوي و شعرها اسود و ملامحها وايد حلوة و ضعيفه و ماسكه كاسه طبعآ تتكلم مكسر , فردوس : طلال ! طلال ماسك الكاسه و ما يحس بنفسه : نـ, نعم !! هاااا , فردوس : بدي اعرف , إمتى نسآفر ؟ طلال : موو الحين , خلينا باجر فردوس : يا الله ! , بدي مره بس ما تشرووب هااد ! , طلال يقوم و دايخ يروح يمين و يسار : خلاص , عطي الريال فلوس خل إييب لي 5 بطوله اليوم ( وراح الغرفه ) فردوس حطت الكاسه على االطاوله بدلع و بمكر : يآربي , شو هالحظ هاد ! ( حطت ايدها على بطنها ) , اصبُرْ يا طلال , بس اخْلصْ من ابني , بخلص منّك , طلال راح غرفته , و راح عند الكمودينا و فتح الرف و طلع صوره عرسه , طلال و اهوا سكران : آحبج ريم ,, احبج , إنتي حقي و ام عيآلي , بس لازم انتقم , لااازم , ( و راح طلع صوور قديمه , صار لها اكثر من 18 سنه ) ... عند ريم و خالد و حور و حنين و سامي بطاوله الطعام , و حنين عند التليفون ,, حنين : إي مريووم ,, زين , بتيون الليله ؟ إي ميخالف , انزين , يا الله بروح اتغدى , باي , ريم : ها تكلمين مريوم ؟ حنين : إي , اليوم الصبح مشعل قال حق مريوم تلبس و رجعوا البيت حور تطالع حنين : ليش ؟ شصاير ؟ حنين : ما ادري , مشعل كان متنرفز شكله متهاوش ويا حمد ! , حمد : اقول حنين سكتي ومالج شغل فيني , حور: متى بترجع خالتي ؟ حنين : باجر بترجع , ريم : ويه مشعل ما عنده سالفه ! جان ناموا هاللليله هنيه وباجر راحوا ! كلهم قعدوا على الطاوله إلا ريم راحت تييب الاكل من الصينيه و تحطهم على الطاوله , خالد : وين حصه ؟ ريم تحط المعكرونه : اليوم حصه استآذنت خالد : الحين إهي يت الصبح وراحت ! ليش ما قعدت وله ما تبي تشوفني ! ريم : لا يا بو حمد اهي ما قالت جذيه وبعدين عندي خبر حلو , حصه قررت تعيش عندنا , و حسام بعد قرر ,, خالد : والله زين اقتنعت ّ! ريم قعدت يم خالد : لا حرام عليك , اهي مقتنعه بس امها كانت رافضه , تدري امها كبرت و تبي من يجابها ! خالد : امها اصغر مني شنو اللي كبيره و تبي من يجابلها ! ريم : خالد , انا قصدي ان اهي من بعد موت ابوك ما تبي تطلع و لا تدخل و لو تشوفها يا خالد تحس انها اكبرت 50 سنه جدام , حور : إي والله كسرت خاطري , حتى حصه اخر مره شفناها تقول انه امها وايد تعبانه , ولازم ترجع لها مبجر , و تقول حتى قبل بيوم وفاه يدي , تقول بغت تدخل المستشفى , ريم : إي والله , والله ان امها تكسر الخاطر , عسى الله يصبرها , خالد : زين و ما عندكم اخبار عن هيثم ؟ حمد : انا قبل يومين كلمته بالمسنجر , خالد : المسنجر ؟ و هذا شيطلع ؟ حنين : ههههه ,, يبااا , هذا ,, حمد خز حنين : إنتي سكتي , ابوي كلمني انا مو انتي خالد يطالع حمد و ابتسم , ريم : حمد ! يمه شفيك خل اختك تتكلم !! خالد : خليه يا ريم , حمد ما قال شيء ! واهوا الثاج انا اكلمه , و حمد الحين ريال البيت , خليه حور تضحك : ههههههه ,, حمد و حنين و ريم و خالد يطالعونها , حور تغطي حلجها بإيدها : اسفه والله ههههههههههههه ,, ريم تطالع حور و تطقها شوي شوي : اششش ,, عمج هنيه حور : والله اسفه خلاص , ( تصكر حلجها ) ريم : إي عندي خبر وايد حلو , خالد : قولي شنو , ريم : حور انخطبت حور نزلت راسها , حنين و حمد : هههههههههههههههه ,, حور : شلي يضحك ! ويييع حنين : امبيه ما اتخيل حور تصير زوجه وفـ بيت ههههههههه حور : هـ هـ هـ هـ , ويع سخيفه خالد : ها وافقت ؟ ريم تطالع حور : إي وافقت على اللي خطبها , حمد : و منو هذا اللي خطبها ؟ ريم : قول إن شآء الله , فهد ولد عادل الـ ,,, حمد : فهد ما غيره !! ريم : إي فهد ما غيره , ليش شفيه ! حمد : لا مافيه شيء والله الريال والنعم فيه , خالد : حتى حور والنعم فيها , و متربيه تربيه , و كافي انها حلوة , و يا من حظه اللي يبيها , حنين تطالع حور و حست بغيره , حور مستحيه , و بدلع تقول : مشكور بابا , خالد : فديتج يا بابا , اكلي عدل , ( وابتسم ) , حنين : وااي شنو هالاحراج !البنت خدودها صاروا حمر ( طبعا تتطنز ) إلأا صج , الخطبه وين بتكون ؟ فـ بيتنا وله بيت ابوها ؟ ريم تخز حنين : حنين !! حنين : شفيج يمه ! انا ما قلت شيء ! وله نسيتي ان حور اختنا من ابونا ! و خالد ابوي و ابو حمد ! حور تطالع حنين و حنين تبتسم بـ ويه حور شفيج ! هذي الحقيقه والواقع , حور تطالعهم و قامت : سفره دايمه ( و قامت و صعدت غرفتها ) حنين : واي هالبنت شنو حساسه !! ريم : إنت ما تدرين ان حور حساسه ! و بسرعه تنجرح ! حنين : ليش يمه هذي الحقيقه ولازم اهي تتعايش بهالشكل ! ( قامت و صعدت غرفتها ) , حمد : استغفر الله ,, ( و قام راح عند حور ) ريم : ياربي هالبنت شكثر تغآر ! خالد وقف : و حور بعد حسايه ! ريم : بس بنتك قاصده تجرح اختها ! ياربي شسوي بهالبنت ! اصلا حور المفروض تتععود , انا اول مره اشوف وحده تغار من اللي اكبر منها , و لا حالتها وااايد احسن من حور ! خالد : هدي شوي , و خلي حور انا كلمها ريم وقفت : واانا الحين بروح اعلم بنتك حنين شلون ترد على اختها بهالشكل ! ( و راحت تصعد عند حنين ) خالد : ياربي , ( وصعد فوق والسفره صارت فاضيه ) , ... عند سامي , قاعد بالشارع , مو عارف وين يروح , شاف سياره ابوه يايه . سامي : يبا !! ( سفطت سيارة ابوه عند البيت و نزل و كان شكله غلط , ) سامي وقف و ابوه نزل من السيآره ,, سامي : يبا ! طلال : شفيك قاعد برا ؟ سامي : تهاوشت مع امي , انت وينك ؟ صار لك فتره ما تدري عنا !! طلال : كنت مسافر , زين تعآل معاي ( و مسك ولده من كتوفه و مشى ) ودخلوا البيت , هنادي كانت تتكلم بالتليفون : خلاص ادق عليكم بعدين . باي , ( طالعت طلال و سامي داخلين البيت ) هنادي : طلال !! طلال : سامي روح ييب ملابسك و تعآل يا الله , سامي يطالع ابوه و بعدين طالع امه و راح غرفته , هنادي : وين ماخذ الولد ! طلال : إنتي ما تعرفين تربين , وانا باخذ ولدي وبمشي هنادي : الحين إنت ياي من سفرتك عشان ولدك ! ههههههههههههه طلال : هه , وليش ما تصدقين يعني ! هنادي : لانك ما تحس لا فيني ولا بولدك ! طلال : هه شنو انا مو انسان ! انا انسان احس و لي مشاعر , و مشاعري ساعات تذبحني , هنادي : طلال , انا عشت معاك 17 سنه , يعني اعرفك عدل و خبز ايدي ! طلال : ههههههههههههههه ( قعد بالكرسي اللي يم الباب ) قصدج عشتي معاي 10 سنين , والسبعه الباجيه ماتدرين عن حياتي , هنادي قعدت بمكانها ( جدامه بالضبط بس بينهم مسافه طويله و بعيده ) وبتوتر قالت : شسوي لك يعني ! إنت طلعت و سافرت من غير لا ادري , و فوق هذا كله , كنت دايما تدز لنا فلوس حق حور و ولدك ما تدز له ولا فلس ! طلال طالع هنادي بنظره : هنادي , ولدج كنت ادز له فلوس قبل حور , و ادز له الفلوس واهوا بنفسه ياخذهم , فلا تقولين اني ما اعطي ولدج ولا فلس ! و بعدين هه , إنتي شعرفج بولدج ! اصلا ما تدرين عنه ! انا دايما اروح البنك , و صرفتي الفلوس اللي بالبنك كله ! هنادي متوتره : انا , آآ , سحبتهم طلال : سحبتيهم ! ليش !! هنادي : آآ ,, لآني كنت خايفه , طلال : هه ,, خايفه من شنو ! من اني اكلهم !! هنادي وقفت : كنت خايفه انك ترجع لـ ريم وانا ما ابيك ترجع لها , أهي انانيه خلتك و تزوجت رجل الاعمال الكبير , و خاصه لمن كتبوا بالجرايد ان ابوه التاجر العوود اللي له سمعه بكل ديره إنه توفى , و طبعا الرجل الاعمال الحين ورث وايد , وااايد وااااااااااااايد بعد , و إنت قطع هه , حافي و منتف ولعبت بالفلوس من طلقتها , طلال يتذكر , ( لمن دخلت ريم و طلال شاف الصور باللابتوب , ) و حور كانت تبجي , و طلال دخل على ريم , طلال اخذ راس ريم و قربه على اللابتوب وبصراخ يقول : شوووووووووفي ,, شووووووووووووفي ريم تدزه : ااااااي وخر عني ,, انا احب خالد ,, و خالد يحبني طلال يطالع ريم : تحبينه و يحبج ! ريم : إي ,, انا غلطه اكبر غلطه بحياتي ,, طلال انا احبه من زمان .. بس ما قدرت اسكت .. و انت السبب اللي خليتني ارجع له طلال منصدم : انا !! ريم بصراخ و بجي : إي انت ,, قبل لا اولد حور بشهرين بس .. ( وتآشر إصبعين ) بشهرين بس يا طلال ,, و إنت متغير علي ,, كلش ما حسستني بالاهتمام .. كاني اطلع و اروح و ارجع اكثر من شهرين ولا تسآل وين اروح و وين ايي ,, ! انا زوجتك طلال ,, عمرك ما حسستني انك تحبني و كنت وايد رسمي معاي ,, و كلمه احبج ما تطلع إلا بالشهر مره ! ( قامت تبجي و تمسح دموعها و ترد شعرها لي ورا ) .. طلال .. خالد طول عمره محسسني ملكه عنده .. و انا رفضته لاني كنت معجبه فيك و كنت صريح معاي بحبك .. بس لمن عشت معاك كنت رسمي وايد ,, و طلعت قبل الزواج عكس بعده !! طلال انا تزوجتك وانا صغيره لاني كنت محتاجه من يعطيني الحنان ! امي توفت و انا صغيره ( قعدت بالارض ) و ابوي ريال عود و كبير بالسن و ما يتحمل نفسه يا الله يا الله احنا نجابله .. و عانيت بطفولتي ولا ابي عيال يعانونها ,, طلال قعد يم الباب بالارض .. ريم كملت : و خالد طول عمره حاطني بعينه .. و كان بالنسبه لي قصه حب ما اقدر انساها ,, طلال منصدم و بصوت خفيف : إنتي شقاعده تقولين ! ريم تمسح دموعها : طلال .. تكفا خلني اعيش مع الإنسآن الصح ,, انا عشت معاك ما غير اقول إن شأء الله و لبيه و حآظر ., بس انا محتاجه لشخص اهوا اللي يقول لي لبيه و ان شاء الله و حاظر ,, و انت عمرك ما تقول لي هالكلام ,, انا صح غلطت غلطه عمري ,, بس ما ابي ابدل الغلط بالغلط ,, طلال نزل راسه بين ريله : روحي يا ريم الله معاج .. ( طالعها ) روحي و إنتي طــآلق ,, طــــــــــــآلق ,, طــــــــــــــــــــــــ ــــآلق ,, ريم تطالع طلال و منصدمه .. , ( وترن بأذونها طـــــــــالق طـــــــــــــــــــالق طــــــــــــــــــــــــ ــالق ) ..... طلال رجع لذكريآته بصوت ولده نازل و منزل معاه الجنطه , طلال يطالع سامي : يا الله يبآ خلنا نمشي ’, سامي و طلال مشوا بعدين طلال تذكر شغله والتفت على هنادي , طلال : هه , تصدقيني , إنج رجعتيني لشيء كبير و كنت ابي انتقم منه , والحين خليتيها برآسي , هنادي , إنتــــــي طـــــــــــــــــــــآلق , و رجعي بيت اخوج اللي كنتي فيه اول ما اخذتج , ولا تنسين تخلين البيت لان بعد يومين ببيعه , وله نسيتي ان هالبيت بيتي !! هنادي : إنت شقاعد تقول ! انا وين اعيش ! و اخوي متهاوشه معاه وين اروح !!! طلال : هه , انتي اخذتي بطاقتي البنك و الفلوس و كل شيء , وانا ما عندي غير هالبيت , خلاص روحي اخذي الفلوس و اشتري لج بيت هنادي : إنت ينيت ؟ فلوسي ما تكفي اشتري بيت ! و إذا بعيش بشقه لازم اصرف على حالي و اكل و حاله و إنت ما خليت شيء ! كل فلوسك قطيتها على اللي تشربه ! طلال بصوت عالي : مو مشكلتي , البيت بيتي و راح ابيعه بعد يومين , فدبري نفسج بعدها , طلال لفويها و اخذ سامي و طلع , هنادي قاعده مكانها مو مصدقه ! وين ترووووح !! ,, ... عند حور ,, حمد : خلاص عااد من صجج ! حور : حنين وايد تزعجني , انا قبل كنت ابجي و ازعل , الحين ما راح افكر لمجرد تفكير , ياربي هذي ساعات تشككني اني مو اختها ! طق البآب , حور : منو ! خالد دخل , : ممكن ادخل وله اطلع ! حور : لا شدعوه بابا , ادخل , خالد دخل : ها حمد عندج ! حور : إي قاعد عندي اكثر من ربع ساعه تقريبا خالد : إي , انا كنت بييج من زمان ,. من اول ما صعدتي بس قلت امر عليج بعدين قلت يمكن تنامين وله شيء , بس توني سمعت صوتج قلت اكيد قاعده , حمد قام : خلاص انا بطلع , إذا تبين شيء حور بلغيني حور : ماشي , حمد طلع , و خالد قعد يم حور ,, خالد : حور ... إللي صار تحت ترى بس لان اختج قامت تغآر منج , حور : شنو الشيء اللي زايد عندي و مو عندها عشان تغار ! خالد : كل إنسان عنده نظره غير الثانيه , في شخص تلقينه مو ناقصه شيء بس بييتم يغار , في شخص تلقينه ناقصته وايد اشياء بس يحمد ربه و يسكت , و حتى على غيرته يكتمها , حور : بس حنين وايد حالتها احسن من حالتي ! على الاقل اهي عايلتها وحده , انا صج مو ناقصني شيء بس اكيد لو كان ابوي يمي جان تغير حالي ! خالد ابتسم : حور , انتي تدرين ان لو ان امج ما تزوجت طلال جان كنتي بنتي حور : بس يابابا , طلال ابوي , و مستحيل انسى انه ابوي ! واهوا عمره ما ضرني , صج اني ما اشوفه إلأ بالشهر مره او مرتين , بس من الناحيه الماديه مساعدني ولا يعطيني اكثر من ما امي تعطيني , و لا غير انه فاتح حساب لي بروحي و اشتري و احط للي ابيه , خالد : ماعليه , زين , ما قلتي لي شرايج بـ فهد ؟ حور نزلت راسها وابتسمت : بابا !! خالد : حور , إنتي مثل بنتي ولازم اشوف طلباتج و كل شيء , عشان نقول لهم , خو انتي حور مو ببـلاش , حور : بابا , انا ما ابي الا الريال الزين اللي يحطني بعيونه , ما ابي شيء ! خالد : زين , و متى تبين تقابلينه و تقعدين معاه ! حور : ما ادري ! خالد وقف : زين , انا بروح اخلي امج تكلم ام فهد عشان تحددون الوقت , حور : إن شآء الله , حمد : حوووووووووور يمااا ,, حور : هذا مو حمد يصارخ تحت ! خالد : إي والله ( و ركض تحت ) حمد : يباااا خالد : شفيك تصارخ !! حمد : ابو حور تحت , و شكله متنرفز , خالد ابوها !! حمد : إي , ابوها حور نزلت : شفيكم ! خالد مسك حور من ايدها : تعالي وياي , و انت يا حمد قول لامك و اختك لا ينزلون تحت , حمد : إن شآء الله , ( وصعد ) ...   #22