القصايد كلها بإسمك تغنت - الفصل 19 - بقلم gala q8 - مكتملة | روايتك

البآرت التاسع عشر ,, .... صآر الصبح , و حور ما نامت , نزلت بالدري رايحه المطبخ , وراحت عند الكبت تطلع لها قلاص , نزلت القلاص و لفت ويها وله تلقى ولد خالتها جدامها , مشعل واقف يم الباب و متسند عليه , حور : يمه ,, بسم الله الرحمن الرحيم ! خرعتني !! مشعل : هههههههههه ,, اسف , حور : امبيه ! شتسوي منيه !! مشعل راح و مر من جدام حور و اخذ قلاص بنفس المكان : ماكوبس بشرب ماي شنو حرام ! ( و راح عند براده الماي و قاعد يصب , حور راحت يمه تطالعه : شنو انت كل يوم هالحزه تنزل تشرب الماي ! مشعل ابتسم : تفضلي ( و مد قلاص الماي اللي صبه ) حور : إنت شدراك اني ابي ماي ! مشعل اخذ القلاص الفاضي من ايدها و عطاها اللي فيه ماي : ادري وبس حور : شدراك ! مشعل لف ويها و قام يصب ماي : ادري وبس حور : مشعل ! إنت تراقبني !! مشعل : شكو ! ( و قام يشرب ) حور : شنو شكو ! انا لاحظت شغله ! كل ما نمت فبيتنا لازم كل إسبوع تسوي فيني هالحركه ! يا توقف يم الباب يا تقعد يم الثلاجه و تنخش و تخرعني وله القاك قاعد على الطاوله كآنك نآطرني ! امبيه قمت اخاف منك ! مشعل شرب كل القلاص الماي و اخذ منها القلاص اللي كانت ماسكته : عطيني خل اشرب ( و شربه ) حور تطالع ايدها و تطالع القلاص : هيييي ! قلاصي ! مشعل و حلجه كله ماي : هههههههههههه ( و الماي طشر بالارض ) والله سامحيني عطشان هههههه حور : ابييي ماااي ! مشعل : زين ( و صب الماي بنفس قلاصه) تفضلي حور : ويييع ما ابي انت شارب منه ! مشعل ابتسم و قام يطالعها مده ,, حور : الوووووووو ,, شفيك تطالعني جذيه ! مشعل ابتسم و مشى لين الكبت و طلع قلاصين , و راح عند البراده و صب القلاصين : تفضلي حور : القلاصين حقي !! مشعل : لا يبآ , واحد حقي و واحد حقج ههههههه حور : هههههههههههههه امبيه مشعل ! بسك مااي !! مشعل : وليش بسي ! وبعدين انا توني ياي من النادي , يعني لازم اشرب مااي عشان ارتااح حور : توك ياي !!! مشعل : إي توني ياي , ماتشوفين عضلاتي ! حور : وااي إنتوا يا الصبيان ما ادري شلون صايرين !! حسبالكم البنت تحب المعضل وايد ! مشعل قعد فوق الطاوله اللي يم البراده : اشوا انا مو معضل نفس اللي ما ادري شلون صايره اجسامهم ! ولاني ضعيف نفس اخوج هالعصقول هههههه , حور : اقول مشعل , شرايك بـ فهد ؟ مشعل يطالعها : فهد !! حور : مشعل انت مثل اخوي , و بصرآحه ابي اتكلم معاك بموضوع مهم . مشعل : منو فهد ؟ حور : فهد اللي بالشاليه ! اللي ابوه رفيج عمي خالد ! مشعل : شعرفج فيه ! حور : يووووه لا تفهمني غلط مشعل , بس اهوا خطبني اكثر من مره , و كآنه ملزم علي , و بصرآحه انا لمن شفته بالشاليه ارتحت له , ما ادري حسيت الحين لازم اوافق , لا تسآلني شلي صار ! بس احسه حرام يعني اهوا خوش واحد و شكله يبيني يعني , ( نزلت راسها وابتسمت ) يعني بصراحه انا ارتحت له , يووه ,, قصدي يعني اهوا خطبني اكثر من مره مشعل يخزها : موافقه ؟ حور : شنو !! مشعل : إنتي موافقه ؟ حور : شفيك تكلمني جذيه !! مشعل وعيونه تلمع : حور .. إنتي مو تقولين اني اخوج ؟ حور بتردد : شفي ملامحك انقلبت اول ما طريته ؟ مشعل فهد فيه شيء ! مشعل بصوت حاد : حووور ! إنتي تبينه ! حور : آ .. مـ , ماادري مشعل : حور والله شاهد علي فهد خوش واحد و محترم و ما شفت منه شيء , ( نزل من الطاوله اللي كان قاعد عليها و حط القلاص و مشى ) حور : شفيه هذا ! اعوذ بالله ! , ,, السآعه 9 الصبح رغد قاعده تتريق بسرعه , سوسن : يمه رغد اكلي شوي شوي ! رغد : لا يمه ( تاكل و حلجها كله اكل ) انا متواعده مع هبوون رفيجتي فشله سوسن : اي بس مو تطلعين معاها و ما تقولين لي فاهمه ! رغد : يمه احنا كلنا محبوسين ! يعني وين بنطلع ؟ سوسن : زين , زين اكلي شوي شوي لين ياكل فهد ! رغد : لاااااااا يمه , فهد لا ياكل ريوق خل يقطني انا متآخره كل البنات مناك ! مسوين ريوق لنا وانا تآخرت ! سوسن : زين اختج دلول بتروح ؟ رغد : لا يمه وين تروح ؟! لا خليها عندج بالبيت سوسن : زين سوت , خل اقول لها تنادي حور رفيجتها هههههههههه رغد : حور ! ويييييه شخباري حور !! دلول الحين ما تكلمها ! سوسن : وي ليش ما يكلمون بعض ! و بعدين لا تقولين لاحد بيني و بينج , اخوج فهد خطبها رغد : كحححححححح كححح سوسن : وي بسم الله عليج شربي ماي ! رغد تشرب ماي : حور ! بتتزوج فهد !! سوسن : إي شفيها حور ! يا حليلها و يا حليل امها بس , كافي ان البنت رفيجه اختج دلال و طول عمرها كانت فبيتنا , و سوالفها تينن وانا هالبنت دخلت قلبي , عاد شرهت على فهد و كلمته عنها واهوا وافق رغد راح بالها بعيد ( معقوله فهد يبي يتزوج بعد ما حب امينه ! فهد معقوله بعد هالاشهر نساها ! هه , و يقولون الصبيان ما ينسون اللي يحبونها , واهما يطلعون من اول اسبوع ينسونها ) سوسن : رغوووود ! هوو وين راح بالج ! رغد : لا يمه ابد , بس انا شبعت , شكله ولدج ما يبي ينزل ! دلال نازله من الدري و تثاوب : صباح الخير سوسن : صباح النوور , رغد تصارخ : فهوووووووووود ., يا الله تآخرت على البنات !! دلال تتثاوب و تقعد على الكرسي : فهود برا سوسن : برا !!! رغد : لا يمه , هذي توها قاعده من النوم و شكلها حلمانه بـ فهوود راكب جيتي هههههههههه دلال مالها خلق احد : اووهووو ,, والله فهود برا , قال لي اقولج رغد : من متى قال ! انا ما شفته يا الجذابه ! دلال : قال من زمان بس انا رديت نمت و نسيت رغد : عمى بعينج ! و ليش ما تقولين !! ( قامت تلبس حجابها و نقابها ) عمى ,, خليتيني اتآخر ( و خذت جنطتها و ركضت ) ,, سوسن : هههههههه ,, وليش ما قلتي من قبل ! دلال : ويه يما ,, نسيت ! سوسن : االله يهديج بس الحين خليتي اختج تتىخر ! دلال : يماا ميخالف , سوسن : زين اليوم بنروح بيت عمتج دلال : مالي خلق اروح سوسن : دلوول ,, إنتي في بينج و بين بنت عمتج شيء ؟ دلال : أي بنت عمه بالضبط ! سوسن : بالله اي عمه انتي ما عندج إلا عمه وحده ! دلال : لا يمه قصدي من بناتها منو ! سوسن : انا قصدي روان ,, إنتي و روان و حور كنتوا مع بعض والحين اشوف ولا وحده تكلم الثانيه ّ!! دلال قامت تتذكر ,, يوم من الايام ( دلال و روان و حور و امينه قاعدين مع بعض بالحديقه ) , وفجآه ,, روان : دلوول و حورووه , باركوا على امينه دلال : مبروووك ,, بس على شنو ! روان تطالع دلال و بغرور تقول : خطبنا امينه حق اخوووي ناصر دلال تطالع روان جان تمسك روان و يروحون بعيد .. دلال : إنتي شلون تخطبين ناصر حق امينه !! روان بكل غرور تطالع فوق السمآ : اووف ,, بصراحه اخوج لعاب , و يحب يلعب على البنت , وانا البنت عاجبتني ., و امي كانت تدور حق ناصر مرا , وقلت لها عن امينه , و بس ناصر شافها و اعجبته ! بعد شنو !! دلال : بس إنتي تدرين ان امينه حب فهد و انا متآكده ان فهد يحب امينه ! روان : اوووه , والله خلاص ناصر احسن من اخوج هذا اللي بس يلعب بالبنات و بس دلال : بالبنات !! روان : إإي ,, تعرفين حنان دلال : وع حنان الوصخه ! شفيها !! روان : إي روان رفيجتي و لو سمحتي لا تقولين عنها وصخه ! الله يسلمج هذي يابت راس اخوج و جدامي كلمته , و إذا تبيني اعطيج رقم اخوج بعد انا مستعده ادق عليها جدامج , و احطه اسبيكر و بنفسج تسمعين شتقول عن اخوج ! ولا تييب لج صورتها وياااه !! دلال : ماتوقعتج نذله وحقيره هالدرجه ! روان : هههههههههههههههههههه ,, واي يا حليلج يا دلال , ترى هذي الدنيا , لازم يا حلوة تاخذين الشيء الزين للمستقبل والشيء اللي موزين تقطينه بحر يا شاطره , دلال تطالع روان ! وراحت عند امينه و حور ,, دلال مسكت حور : يا الله خلينا نمشي يا حور روان راحت وقفت يم امينه , امينه تطالع دلال بغرور : ليش تو الناس ! ما تبينا نستانس شوي ! دلال : هه ,, اللي يبيع اغلى انسان عندي , ابي الدنيا له , و الدنيا اللي اهوا فيها ما ابيها ! امينه : ههههههههههه ,, روحي خلي اللي باعني و قولي له و وصلي الحجي له ,, اني بعته و شريت اللي اثمن و اغنى منه , دلال ابتسمت ابتسامه انكسار و حزن و مسكت حور : يا ليتكم ما تكلموني لانكم جرحتوا شيء غالي على قلبي , دلال مسكت حور و طلعت برا البيت , عند سوسن و دلال ,, سوسن : ياربي على هالبنات ! كل ما كلمتهم راح بالهم بعيد ! بعد إنتي شتفكرين فيه ! دلوووول !! دلال : هلا يمه ! سوسن : قاعده اكلمج ! والله شكله صج بينج و بينها شيء ! دلال : لا يمه ما بيني و بينها شيء ! سوسن : زين دريتي خطبنا حور اخوج و إن شآء الله توافق دلال : حور ! حور رفيجتي ما غيرها !! سوسن : إي حور ! هوو ليش شفيها بعد ! دلال : لا والله ابد ما فيها إلا كل الخير , و زين ما اخترتي عاد صج حور مناسبه لـ فهد , بس يمه حور كبري يعني صغيره على فهد ! سوسن : وييييه يا يمه , حور مو صغيره وايد على فهد ! و بعدين فهد عمره 24 سنه و حور عمرها 18 دلال : يماااا ! بينهم 5 او 6 سنين تقولين ماكو فرق ! سوسن : ويييه .. ! دلول قومي واالله حسبالي عندج سالفه , دلال قامت : انا بروح انام ولا تقعدوني روحه بيت عمتي نوريه ( و صعدت غرفتها ) ,, .... فـ بيت طلال و سامي ( اخو حور من ابوها ) سآمي قاعد بغرفته و ماسك اللابتوب ,, امه دخلت ( هنادي ) هنادي لابسه نفنوف بيت ضيج و قصير و فتحت الباب على سامي فجآه , سامي : بسم الله ! هنادي : شقاعد تسوي ! سامي : يارب ! , قاعد على اللابتوب بعد شقاعد اسوي ! هنادي : قووم اقعد معاي فالبيت ! و دق على ابوك !! سآمي : ابوي ما راح يرجع جم مره دقيت عليه حتى ما يرد علي ! هنآدي : اووف شهالبيت ! و شهالابو اللي ما يدري عني ولا عن ولده ! و حتى عماتك من تهاوشت معاهم ما شفتهم !! سآمي : إنتي كل العالم نحشتيهم عنا !!! حتى ابوي اللي اهوا ابوي نحشتيه !! ( قام و طلع له جاكيت و طلع برا البيت ) هنآدي : تعال !ّ بعد وين بتروح انت ؟ سآمي لف طالعها : أنا بعد مالي قعده معاج ! ابيج تحسين شوي بالوحده يمكن يعني تحسين بلي يصير فينا ! هنادي : اقول لك اوقف و إن طلعت لا تدخل سآمي : ميخالف , انا هالسنه متخرج بإذن الله , و باجر بتطلع النتايج بعيش بشقه بروحي وله بشوف وين ابوي و اروح له , وله اقول لج بقعد عند اختي اللي مهتمه فيني من وانا صغير , ترى اهي اللي تصرف على اكلي و اهي اللي تجابلني و حتى على دروسي تدرسني هنادي : إي بنت بليسه بنت ريمووه , اللي خطفت قلب ابوك من 17 سنه , سآمي : هه ,, يمه انتي معقده , وله في وحده تقول لريلها انت قلبك عند ريم ! ريم اللي تقولين عنها ربتني و دخلتني بيتها و كل ما شرت لحمد شرت لي , ولا بعمرها قطت كلمه تجرح ولو اهي تدري بلي تسوينه بـ حور قبل جان انتي الحين معدومه بالحياه , بس حمدي ربج ان حور تسكت و ما تقول ! هنادي : ايا جليل الحيا انا امك , تكلمني جذيه !! سامي : امي ! هه ,, إنتي امي بالاسم بس وبالشهاده , بس بالصج حور اهي امي و اختي و بس ّ ! ( و طلع برا البيت ) ... فـ بيت حور و ريم و خالد , حور طقت الباب على امها ريم : تفضل حور دخلت : يمه قاعده ؟ ريم ابتسمت : هلا وغلا هلا بحبيبتي ,, حور : يمه مشغوله ؟ ريم : وي , انا اصير مشغوله وحور تبي تكلمني ؟ حور : يمه انتي تدرين ليش انا يايه اكلمج ؟ ريم : إي يمه , ادري حور : يمه انا , ريم : إي قووولي يمه , حور نزلت راسها : يمه انا فكرت وايد بالموضوع ... و موافقه على فهد , بس آآ ريم : بس شنو يا يمه ؟ حور : بس يمه يعني انا احس توني صغيره ! و احس ما اعرف شيء ! ريم : يمه بعد ما تملجين راح اقول لج كل شيء , و اعلمج كل شيء حور : يعني اوافق ؟ ريم : وييي يا يمه , والله كبرتي يا حور و كلرتيني وياج , إي يمه وافقي , فهد خوش ريال , و من عايله كبيره و بعد ابوه و امه دينين , و ابوه يا زينه بس , رفيج عمج خالد و رفيجه من ايام الشركات , و كل اعمالهم مع رعض الله لا يفرقهم عن بعض , حور : اميين يمه اميين , خلاص يمه قولي لهم اني موافقه , بس يمه ! آبوي ! لازم إيي !! ريم : آبوج , ! ....