الفصل 18
البآرت الثآمن عشر ,,
في شآليه فهد و ربعه ,, و طبعآ كالعاده نآصر معاهم ,,
فهد كان توه قايم من النوم شاف تليفونه لقى اكثر من 50 مكالمه من امينه , بس دز التليفون من الفراش لي الارض ,, و قام و شعره معفوس و قام يلبس بلوزته اللي فصخها امس من الحر اللي بالغرفه ,
عند ناصر و ربعه ( اللي اهما ربع فهد )
نآصر يطالع سعود رفيج فهد الروح بالروح : سعيود ,, شفيه فهود علي ؟
سعود : شفيه ؟!
نآصر : الحين انا اسالك تقول لي شفيه ! انت ما تحس انه ابتعد عني ! من اول ما انا رديت من شهر العسل و اهوا متغير ! وانا اخوك ما ابيه يبتعد عني بعد كل هالسنين !
سعود : لا شدعوه ! مافيه شيء بس لانك تزوجت شوي و ابتعدت عنه ,
نآصر : والله ما يندرى !
سعود : صدقني مافيه شيء ,, ( طالع صوب الباب ) كاهوا فهيد قام ,
فهد يفرك عيونه : السلام
سعود : اهلااااا بو سلمان ,,
فهد ابتسم : هلا والله ,
ناصر : واخيرا قمت من النوم ؟ شوف الساعه جم الحين ؟
فهد ابتسم : اي شكلي نمت وااايد ميخالف ,
ناصر : زين تعال اقعد شفيك واقف ؟
فهد : لا يبآ ,, ماني قاعد , بروح امشي شوي عشآن اصير نشيط هه .
سعود : إي زين سويت , شوي انا و نصور بو بدر نيي
ناصر يطالع فهد : غريبه ! العاده تسحبني معاك و نروح نتمشى مع بعض !
فهد : ميخالف , الحين سعود موجود يعني نخلي الريال و نمشي ؟
نآصر يطالع فهد !
وفهد يطالع نآصر : عن إذنكم ( وراح )
نآصر طالع سعود
سعود : ميخالف نآصر فهد شكله تعبآن .
نآصر من العصبيه قام وراح عند فهد و مسك بلوزته و بصرىخ جدام الحريم : إنت شفيك !! فهيد انا ناصر انا ناصر
فهد دز ناصر : وخررر عني ! انت اللي شفيك ! شكو تيي تمد إيدك علي !!
سعود يمسك فهد : خلاص فهد هدي ,
نآصر بصرآخ : إي , ما ادري شفيك أسال نفسك َ! انا اخوووك اخوووك يا فهد انا اخوووك مو بس ولد عمتك !
بشآليه خالد وريم ,
ريم طلعت برا : واي شنو هالصراخ ( طالعت الصبيان و من سعآده الحظ كان الشاليه لازق بـ شاليه ريم )
ريم دخلت تركض : خالد ,, الحق
حنين و حور و حصه عند طاوله الطعام قاعدين يحطون الاغراض !!
خالد : عسى ماشر شفيج !
ريم : الحق ولد عادل رفيجك !
حور تطالع امها وتقول بقلبها ( منو فهد ! اللي خطبني ) !
خالد : منو !!
ريم : يوووه عادل جم ولد عنده باالله !! ولده فهد
خالد بصوت عالي : إي شفيه !
ريم : متهاوش برامع واحد
خالد : شنو !! ( و يركض برا و حمد و مشعل و سامي و حسام طلعوا برا ))
و خالد راح مسك فهد و سعود راح و مسك ناصر ,, و قاموا يتكلمون ..
حنين و حور و حصه و ريم و مريم يطالعون بالجامه ,
حنين بصوت خفيف بس حور و حصه سمعوها : هذا فهد اللي خطب حوروه ! امبيه إينن
حور : ويعه سكتي
حنين : هههههههههه
ريم : اشششش سكتوا خل نشوف
حنين : يمه يعني إذا انا تكلمت انتي ماراح تشوفين ! بتظلم الدنيا !!
ريم : اشششششششش خلاص عااد ,,
...
السآعه 6 المغرب ,,
خالد و حسام و حمد و ح ( نآصر و سعود و فهد ) كلهم قاعدين برا حاطين طاوله و كراسي و قاعدين ,,
والبنات داخل الشاليه قاعدين ,,
ريم شايه صينيه الجاي : اووف ,, حور يمه تعآلي اخذي الصينيه وديها برا عند الرياييل
حنين قامت : خليني اوديها ,
ريم : لا قعدي خلي اختج الكبيره توديها
حور : يمه فشله فهد و ناصر و رفيجهم برا !
ريم : ميخالف يمه , احنا اهل ,
حور تطالع حصه اللي قاعده تضحك ,
حور : اوكي ماشي , ( و قامت و خذت الصينيه و ودتها برا عند ابوها و الرياييل ) ,,
طبعا حور ما طالعت فهد و فهد بس طالعها مثل ما يقولون اول نظره و لف ويهـآ , طبعآ اهوا شايف حور من زمان لان اهي رفيجه اخته ,
و دخلت حور داخل الشاليه بسرعه ,
مريم تنزل بالدري : اقول ما كملتي خالتي ليش الصبيان تهاوشوا ؟
ريم : والله ما ادري ! بس يقول خالد سوء تفاهم وبس ,
حصه : امبيه ريمووه , بصرآحه هذا اللي اسفه سعود إينن , شحلااته
ريم : هههههه استحي اخوانج برا مالنا خلق بعد . و إنتي تعرفين خالد مو هين إذا اسمعج هههههه
حصه : إي والله , الناس تقول اعوذ بالله من الشيطان الرجيم انا اقول اعوذ بالله من خالد الرجيم هههههههه
حنين : عاد كلش ولا ابووي هاا .. ترى ما ارضى
مريم و حنين و ريم : ههههههههه ,,
ريم : زين انتوا يا البنات ليش ما تطلعون تستانسون ؟
حنين : وين نروح ؟
ريم : يا غبراا ,, شنو وين تروحين ؟ بعد الشاليه فيه العاب و فيه ممشى و غير القواري , روحوا
مريم : إي والله احنا يايين نستانس والله ضيقه خلق من يينا و احنا قاعدين , !!
حور: إي والله ,, امشوا والله ملل ,
حور و مريم و حنين قاموا ,
حصه تاكل حب : انا بقعد مع امكم و انتوا روحوا ,
ريم : إي انتوا روحوا وبعدين انا و حصه نييكم يا الله ,
حور : زين , ( راحت ومعاها حنين و مريم ) ,,
... و طبعآ طول اليوم كان الوضع عادي , يلعبون و يتمشون و تدرون بنات و وناسه بالشاليه , و انتوا شايفين اشكال الشآليهات مثل الخيران و غيره ,
السآعه 11 بليل ,,
حور و حنين و مريم راجعين شاليهم ,
حور : اووف حررر ,,
حنين : حده انا اول ما ارجع بتسبح
مريم : وانا الثانيه
حور : لا والله انا اخيس بهدومي ! خلوني انا اتسبح اول وحده
حنين : غبيه ! روحي الحمام اللي بدار امي
حور : إي والله , خلاص انا بروح اللي بحمام امي ,
و كل وحده راحت و صعدت الحمام ( عزكم الله ) ,
حور بعد ما طلعت من الحمام ... قعدت تلبس و كان البلكونه مفتوحه , و سمعت واحد يغني ,
حور تسمع الاغنيه و تغني معاها , بعدين راحت عند البلكونه , و طلت من فوق و شعرها طايح على ويها ,,
فهد يغني و سعود قاعد جدام فهد ,
و حور تطالعه و منزله شعرها كله لي تحت ,
فهد يغني و ماسك العود و يدندن (حزين) و هذي كلمات الاغنيه ,,
غبنآ عن بعضنآ سنين , انا ويني و آهوآ وين !
آنآ آدري انا وياااه على هالحب محسودين , محسودين محسودين ,
تركني وانا محتااجه , و عمري انطفى سرآجه و قلبي بصده يتفآجآ مع ان كنآ احلى آثنين ,
محسودين محسودين ,
ابي اعرف عن اسراره و شنهي اخر اخباره ؟!
و شلي يدور بآفكآره , بعد ما غاب عني سنين محسودين محسودين ,
بعدها فهد وقف العزف .. قام يحس ان في ماي قاعد ينكب عليه مثل القطرات , توقع مطر , اول ما رفع راسه لقى حور منزله راسها و شعرها طايح و ماي اللي بشعرها ينزل عليه لوول ,,
فهد يطالعها و ابتسم نص ابتسامه و حور تطالعه منصدمه جان تركض داخل و تقعد على الفراش ,
حور : امبيييييه وووويع فشله :\ , امبيه ! شافني !! ( خذت الاستشوار و قامت تسوي شعرها ,,
سعود يطالع فهد : شفيك تطالع فوق و تضحك ! الححمدالله والشكر !
فهد : شفتها , ههههههههه
سعود : اشوف منو ؟
فهد : ههههههههههه المينونه
سعود يطالع حوالينه و بصوت خفيف : اللي كنت تحبها ؟
فهد : هههههههههههه لا شكو .. اللي اهلي كانوا بيخطبونها لي
سعود : من صجك !
فهد : إي والله
سعود يغمز حق فهد : حلوة ؟
فهد يطالع سعود و عبس ويها :,, مالك شغل ( قام و راح عند الجامه البلكونه و طقها )
ريم و حصه قاعدين ياكلون ككاو و كيك ,
طق طق طق << يعني صوت الجامه .
ريم : وي هذا ظل فهد جنه !
حصه : بقوم افتح له الباب
ريم : لا خلج , انا بفتح له ( و قامت ريم و فتحت له الباب )
فهد : السلام عمتي , عمي خالد داخل ؟
ريم : إي كاهو الحين إييكم بس دقايق و ايي
فهد : إن شآء الله بس ياليتج تقولين لهاني بكلمه بموضوع مهم .,
ريم : إن شاء الله خير ,
فهد : عن اذنج
ريم : إذنك معاك يمه , ( و راح فهد قعد بالكرسي و قعدت ريم ) ,,
بعدها بجم يوم رجعوا البيت , طبعآ ما صآر اي شيء يديد عند فهد و ريم و خالد و حور ,,
لكن ,, بعد ما ارجعوا صآرت آحداااث وايده ,,
...
حور : اقول لج ما ابيه !! لي متى بتحنون علي !
ريم : يمه , الولد يبيج و ما يبي غيرج
حور تذكرت سالفه الغنيه والشعر و قامت تضحك : ههههههههه
ريم : بسم الله عليج ! شفيج !
حور مبتسمه : يمه مافيني شيء ,, بس انا متآكده ان امه و ابوه مغصبينه !
ريم : والله العظيم يا حور محد مغصبه على شيء !
حور : اوكي ,, خلوني افكر
ريم استانست : وي هذي الساعه المباركه ,,
حور : يمااااااااا ! انا ما قلت موافقه ! قلت خلوني افكر !
ريم : إي يمه فكري مثل ما تبين فكري , جم حور عندنا
حور : شكو يمه ! خلاص انا بفكر واعطيج الجواب ,
ريم : زين فكري عدل يمه , ( و طلعت واهي مستانسه ,, )
...
نزلت ريم تحت الصآله عند حصه و حنين و مريم ,
ريم : آآآآآآآآآآخ يا ظهري ,,
حصه : ويه ريمووه عيزتي ,
ريم : بسم الله علي ! شكو اعيز ! توني صغيره
حنين : لا عميمه حصووص , امي يوم انها يابت حور كان عمرها 18 او 19 والحين لو بتحسبين ويه بتلقينها شباب , توووها
حصه : هههههه,, إذا امج شباب انا اطلع ياهل ,,
ريم : ويه حصوص ,, انتي يوم انج صغيره انا شايلتج , المفروض تناديني يمه هههههههههه
حصه : ههههههههه ,, إي والله مرت اخوي و شايلتني يوم اني ياهل ههههههه ,,
حنين و مريم يطالعون المجله : وااي نبي ياهل ,, ملينا و احنا نشوف اليهال اللي بالمجله !
حصه : إي خلي امج تشد حيلها و تييب لكم ياهل
ريم : وي بسم الله علي ! انا كبرت و مالي خلق بعد يهال و تعب !
حصوص : هههههههههه توج تولين صغيره !
ريم : يوووه عااد انتي لا تدققين بكل كلمه اقولها ! انا قصدي كبيره بالعمر بس صغيره بالقلب ! ههههههههه
حنين : والله امي زين تعرف ترد عليج ههههههههههه
حصه : اقول قومي روحي المطبخ ييبي لي ماي
حنين : خدامتج انا ؟
حصه : ايا جليله الحيا قوومي
حنين : اقول عمتي , ترى الفرق اللي بيني و بينج كلها جم سنه , يعني اقول لج حصيص و يخب عليج هههههه
حصه : ايا جليله الحيا ( تقط عليها المخده )
خالد : احممم ,,
ريم : حيآآك يا بو حمد ,
خالد : السلام عليكم ,
حنين قامت باست راس ابوها :وعليكم السلام بابا ,,
خالد قعد بين حصه و ريم : ها شلونكم ؟
حصه : تمام ,
خالد : و شلون امج يا حصه ؟
حصه : تمام ,
خالد : وين هي ما يت وياج ؟
حصه : وين هي بعد ؟ كالعاده فـ بيت خالتي , من مات المرحوم و اهي ما تطلع ولا تشوف احد
ريم : إي خذت حيلي , تكسر الخاطر ام حسام , ابوك صار له سنه و نص ميت , و اهي فبيت اختها لا تطلع ولا تشوف احد .
خالد : زين , و وين حمد و حسام ؟
ريم : حمد طلع مع مشعل السينما , تدري صبيان ما يقعدون بالبيت , و حسام اليوم قط علينا ملابسه وراح مع ربعه يقول مو متآخر ,
خالد : حصه كلمتي امج انج تقعدين عندنا بالبيت منيه دوم ؟
ريم تطللع حصه و حصه تطالع ريم بعدها طالعت خالد : خالد , انا امي لي الحين حيه ما ماتت ,, و اهي المسؤوله عني !
خالد : انا ما قلت شيء! بس امج فبيت اختها و اختها
عندهم اعيال شباب كبار , وامج مرا عوده , وانتي اختي ! كاهوا حسام وافق و زهبت له غرفه و لا بعد سويت له شقه فوق لي تزوج .
حصه : خالد انا راح ازوركم يوميا
خالد قاطعها : ولوو ,, اهي مو مسآله تزورينا وله لا ! اهي مسؤله انج تقعدين فبيت غريب و فيه شباب و عندج اخوان لا !
حصه تقاطعه : بس هالبيت مو غريب
خالد : خلاص ! انا قلت كلمه وحده و بس ! وانتي لازم تردين بيت ابوج , و تردين غرفتج و بيتج وله تقعدين عندي و بيتنا هذاك بيكون موجود ,
حصه : خالد انا ما اقدر اقعد بعيده عن امي !
خالد : انا كلمت امج بس امج عيت تيي ! انا شنو بيدي اسوي ! انا اخوج الكبير ولازم اتحمل مسؤوليتج
حصه خذت جنطتها : عن اذنكم ( و طلعت )
ريم : خالد حبيبي شفيك !
خالد : ريم , اليوم بالدوانيه ولد خالها القذر يتكلم عن اختي بالدواوين و عن لبسها ! انا ما حبيت اتكلم عشان اجرحها ,بس لازم اييبها عندي !
ريم : منو انت تقصد فيصل ؟
خالد : إي الخمار فيصل ! تخيلي يوصف اختي عند ربعي !
ريم : لا حول ولا قوه إلا بالله , و إنت شبتسوي !
خالد : انا ابي اييبها غصب منيه , و بالتالي بحجبها
ريم : إنت شقاعد تقول ؟ خالد !!
خالد : إي نعم , بحجبها , ولا تطلع لي بهالشكل !!
ريم : يااربيي ,,
خالد : خلاص سكتي البنات يمنا ,
ريم : خلاص خلنا نروح غرفتنا ,
خالد : يا الله ,
ريم و خالد صعدوا غرفهم ,
تم الوقت الكآفي إن حور تفكر بـ فهد ,
كانت تتذكر وايد مواقف عن فهد و اهله , و اخته اللي اهي رفيجه حور لمن كانت تكلمها عن فهد ! و لمن كان صغير شنو كان يسوي !! ,,
...
السآعه 12 بليل بالحديقه , فهد و اهله قاعدين ,
فهد : يبآ , يما , بتزوج
ابو فهد ( عادل ) حط استكانه الشاي : شنو ! و منو هذي !!
ام فهد ( سوسن ) : وي بالمبارك يمه , و منو هذي ؟
فهد ابتسم : حور بنت مرت خالد رفيجك يبا ,
عادل طالع فهد و فاتح حلجه : حور بنت خالد !!
فهد : إي يبا , بصراحه انا شفتها بالشاليه صدفه و اعجبتني
ام فهد : ويي يا يمه , قلنا لك هذي خوش بنت , و اهي رفيجه اختك دلوول الروح بالروح , و حتى اهي تعرف اختك رغد ,, واااي يا بختي يوم ان حور بتصير مرت ولدي ( كلووولللييييش )
عادل : نطري يا ام فهد , خلاص انا اكلم عمك باجر و اقول له نبي بنتك نبيها ههههههه
فهد : اي كلمه , بس انا امس كلمته
عادل : كلمته !!
فهد : بصرآحه اي , لان لقيت شغله برا الديره , و ابي اتزوجها و نسافر
عادل : اي ميخالف ! اشفيك مستعيل ! على ما تشتغل يبي لك 4 اشهر مع العطله !
فهد : لا يبآ , لازم اروح مناك بسرعه قبل العطله بـ شهرين , يعني جدامكم شهرين لين اسافر ,
سوسن : خلاص عيل انا بنطر إسبوع و بشوف راي البنت , و ياااربي يا حبيبي خل توافق , يااربي
عادل مستانس ,
...
ادري واايد صغير بس هذا الحين اللي عبرت اكتبه , سامحوني على القصور ,,
#20