القصايد كلها بإسمك تغنت - الفصل 15 - بقلم gala q8 - مكتملة | روايتك

البارت الخامس عشر سنه 2012 ,, صآر بآجر ,, حور لابسه نظارتها الطبيه و رافعه شعرها نصه عنقوص صغير و لابسه ملابس بيت و قاعده يم حمام السباحه و ماسكه كتابها مال الجامعه ,, فجآه شافت واحد من بعيد يمشي فصخت نظارتها طالعته : اوووووه اهلا مشعل مشعل ماسك سويجه وقعد جدامها : اهلا بنت خالتي حور : وين مريوم ؟ ليش ما يبتها ؟ مشعل : امس كانت عندج شتبين فيها الحين ؟ حور : شنو شبي فيها بعد ؟ ههههههه ,, مشعل وقف : يا الله انا اخليج درسي إنتي انا بروح ادخل اشوج اخوج هذآ اللي يحب النوم حور : زين ,, بس هذآ ويهي إذا لقيته قاعد هههههه مشعل : لا يمكن قعد لان قبل شوي كنت داق عليه ,, حور : زين ,, ( لبست نظارتها و مسكت كتابها ) مشعل شافها وابتسم وراااح ,, ... مشعل قاعد يطبل على الباب و يغني على لحن الجسمي صابر ( إللي سنتين وانا ناطر حمود متى بتيي باجر بيخلص الليل و ضنونك على جيتي وانا ناطر وانا صابر على ناطر وانا ناطر ) حنين ماسكه كوبها الشاي : اهلا ولد خالتي مشعل : اهلا فـ بنت خالتي القزمه حنين : ويعععععععععع خلاص عاد ,, شفيك انت ؟ اي قزمه شنو مو عاجبتك القزمه ؟ مشعل : لا عاجبتني ههههه ,, يقولون في حليب نيدو يستعملونه لليهال ترى ينفع تشربينه يمكن تطولين سانتي هههههههههه حنين دزت و طلعت : وخررر عن ويهي ,, مشعل يطالعها و يضحك : ههههههههههه ,, كنت اتغشمر يا الخبله ,, ( لف ويها لقى حمد ولد خالته نازل من الدري ) مشعل : أشوا حسبالي رديت نمت حمد : وين انام ؟ و هذي ازعجتني اتصالات ,, مشعل : منو ؟ حمد : الحب ,, المهم امش خلنا نطلع نغير جووو و اخيرا افتكينا من المدارس يوووووووه ,, مشعل : ههههههههه شنو خلصت يا الجذاب باقي لك يوم و تخلص امتحانات ,, حمد : ويييييييييييه ,, انا بالنسبه لي مخلص امتحانات ,, شنو اخر امتحان احصاء خلها على ربك اللي بيصير بيصير مشعل : ههههههههههه ,, امش بس ,, ( و طلعوا ) ... فبيت ثآني ,, امينه قاعده بالصآله و تفكر ,, امينه بقلبها تقول ( ـآآخر يا امينه ,, حلمج كل يوم عن يوم يتبخر ,, كله منك .. كل حلم كنت احلمه اليوم افقده بدقيقه ) ,, نآصر خل : قووه حبيبتي امينه ابتسمت : هلا حبيبي ,, نآصر : ها شفيج قاعده منيه بروحج ؟ ليش مو قاعده مع امي و خواتي تحت و عيالهم ؟ امينه : ابد حبيبي ,, بس انا ,, يعني ,, آآ شوي تعبانه ,, و التعب مو مخليني نآصر : تعبانه ؟ ( ابتسم ) شفيج ؟ امينه نزلت راسها : حبيبي ناصر .. يمكن يعني احتمال اكون حامل ,, امي قالت لي باجر الصبح بنروح الطبيب نآصر ابتسم : واخيراااا ,, و اخيرا بدر بيطلع ! ( مستانس ) امينه : ههههههه ,, حبيبي تو الناس ما ادري إذا الخبر صج وله لا ؟ نآصر مستانس :لا اااكيد صج ,, مو يقولون بعد الصبر مفتاح الفرج ؟ وانا متزوج من 4 سنين و ما يبنا ياهل و بإذن االله الياهل هذا بيي بالطريج ,, امينه :ههههههههههه ,, إن شاء الله ,, ... بنفس البيت تحت ,, نوريه : ههههههههههه , إي وانا اقول لها عرسكم بصراحه مو شيء منال : من صجج يمه ؟ امبيييه حده فشله ! رهف : اي والله يمه من صجج ! بس عاد تصدقين زين تسوين فيها هههههههههههه نوريه تطالع بنتها روان : رووون ,, خلج من هالتليفون و قعدي سولفي معانا روان تطالع الفون : يماا دقيقه انا مشغوله نوريه : ويييه بنات هالوقت ما ادري شيهمهم بالتليفون ! رهف : يما خليها ,, مراهقه بعد .. نوريه : المهم رهوف قولي لي شلونج مع ريلج ؟ رهف تحط استكانه الشاء على الطاوله : يماااااا ! خلصتي من كلام الناس يايه تسحبين مني كلام ؟ منال حطت الاستكانه و وقفت : ويه خل الحق على عمري و اروح ( مسكت روان ) روون امشي معااي روان : واااااي زين هدي إيدي ( و راحت مع منال ) نوريه : ايا جليله الحيا ,, قوولي شنو اخر اخبار زوجج ! و حيااتج !! رهف : شقول يا يمه ,, سمعي ,, نوريه تاكل حب : قووولي يا يمه ,, سامعتج ,, ... عند رهف و روان .. روان ماسكه الفون تطقطق بالبي بي ,, رهف : اووووووووف ,, انا يايبتج داري عشان تقعدين جذيه ! روان تطالع رهف : خلصيني شبغيتي ؟ رهف تعض على شفايفها : إنتي قاعده تكلمين حمد بالبي بي ؟ روان : إي قاعده اكلمه ليش ؟ رهف : بقول لج شيء روان : قولي شنو ؟ رهف : آنآ احب روان تطالع رهف : تحبين !!! رهف ابتسمت و تحرك راسها إي روان : منو ؟ رهف : شوفي بقول لج بس لا تقولين عشان سالفه الفرق بالعمر اوكي روان : هووو قوولي منو هذا ؟ رهف : مشعل و ولد خاله حمد روان منصدمه : امبيه ,, تدرين جم عمرج و جم عمره ؟ رهف : يوووووووه عاااد .. ادري انه عمره 18 وانا عمري 21 سنه بس انا احبه ,, روان : لا تكفين ,, و بعد الحب شنو ! رهف : اووف ماادري ! انا من شفته و احسه يجذبني صوبه ,, روان : امبيه ترى إنتي ما شفتيه إلا 3 مرات !! رهف : و بـ 3 مرات هذول حبيته ,, روان انا متآكده اني احبه مو اي حب ,, و اخاف يحب وحده و له خاطب ! روان : لا توه ياهل شيحب الحين ! و بعدين إنتي تبيني اضبطه لج ؟ رهف : إي تكفييين رووون .. انا مستعده اخلي كل الشباب لعيونه ,, انا والله العظيم احبه والله احبه ,, روان : ماشي انا بكلم حمد و حمد ما يرد لي طلب ,, بخليه غصب و له طيب يكلمج ,, شقلتي ؟ رهف : يمممممممممممممه فديتج ( و تلمها ) ,, .... عند حور و حنين ,, حنين تاكل برتقال : حورووه ,, حور قاعده تقرآ : مممم ,, حنين : تكفين خلي الكتاب و طالعيني حور قطت الكتاب بحظنها و فصخه النظاره : اوووف شتبين يا المزعجه ؟ حنين : اووف ... بآجر علي امتحان فيزيا و مو عارفه شسوي ! حور : شنو شتسوين ! قومي درسي و جابلي دروسج حنين : الفيزيا صعب ,, و مو قادره ادرس له احس محتاجه مليون ابله عشان اكمل دراستي حور : امبيه من صجج ! قوومي و اكيد بيصير صعب دامج قاعده تاكلين و بس .. ترى صرتي بطه حنين تطالع بطنها : لا عاااد ,, والله ما متنت و لا شيء ,, حور : اقول قومي خل ندخل بدا الجو يبرد ,, و بعدين انا يوعانه ,, امشي بطلب من المطعم حنين : تبينا نطلع بهالوقت ؟ حور : لا شكو بطلب من الفوون ,, خلصينا عااد حنين زين .. ( و قاموا و دخلوا داخل البيت ) ,, .... إي خل اعرفكم على حور و حنين و حمد و مشعل و مريم ,, الحين اقول لكم ,, الله يسلمكم .. حور ( عمرها 18 سنه ) بنت ريم و طلال ( تطلقوا ) حنين و حمد ( 17 سنه ) توآم عيال ريم و خالد ,, مشعل ( 18 سنه ) و مريم (17 سنه ) آخوان مشعل كبر حور و مريم اصغبر منه بسنه ,, ... بآجر الصبح و اخر يوم امتحان لـ حور و حنين و حمد .. حور قاعده تتعطر ,,و حاطه معزوفه ترك الراس ,, حنين لابسه ملابس المدرسه الضيجه و فاله شعرها و لابسه تاج فيه فيونكا و لابسه جاكيت مفتوح من جدام و حاطه سكارف و لابسه تسوس ,, و طبعا حاطه قلوز خفيف و كحل خفيف بعد اما حمد اللي نايم بملابس المدرسه من امس.. لانه ماله خلق يبدل و يدخل الحمام .. حنين دخلت غرفه حور و خذت العطر و ترش : قووه حور : خلي عطري و برااا حنين : واااااي زييين ,, حور : حنون روحي قعدي حمود قولي له ما نبي نتاخر بمر سامي بعد حنين : بعد !!! حور : إي بعد حنين : لا حبيبتي قطيني قبل لا تآخذينه وبعدين اخذيه لان اخاف اتاخر على الامتحان حور : يصير خير ( لبست نظارتها الشمسيه و البست التسوس ) انا تحت قومي اخوج حور طلعت و حنين راحت عند حمد .. حنين فتحت الباب و تسندت على الباب : حمود .. حمد : ............. حنين بصوت اعلى شوي و اهي تفتح جيس العلج : حموووووود حمد : ................ حنين بصراااخ مو طبيعي : حمووووووووووووووووووووووو ووود ابووووووي يا لك حمد نقز : منو ! ابوي ! لا ,, كاني انا قايم و لابس من امس لااا ,, اقصد من الحين لا اقصد من الصبح حنين تاكل العلج بدلع : امم .. زين قوم حورووه تحت .. ما تبينا نتاخر ,, ( وراحت تحت ) حمد : زين زين .. ( يفرك عيونه و بصوت عالي و اهوا خايف اصلا ) انا اعلمج يا بنت الذين بتخرعيني بآبوي ؟ ( بتردد و بصوت عالي ) انا ما اخاف خالد ( ابو حمد ) : قوووم خلصني حور تحت بتمر اخوها بعد بالطريج حمد طالع ابوه و بتردد : احم يبآ ,!! خالد ابتسم : رووح لا تتآخر على الامتحان وبعدين نتفاهم ,, حمد ابتسم : إن شاء الله ( اخذ كتابه و نسى القلم و نزل ) خالد : هههههه ... .... بالسيآره ,, حمد قاعد جدام و حنين ورا و حور تسوق السيآره ,, ترررن تررن .. حور تطالع حنين : هذا تليفون منو يرن ؟ حمد يطالع مخباته و طلعه : اووف تليفوني ,, ( و شكله مبهذل و ملابسه معفوسه و حالته حاله و شعره مرفوع لي فوق ) .. حمد : الوووو .. هلا مشعل ! لالا لا تيي خلاص حور قومتي و خذتني معاها ,, مشعل بالسياره ويمه مريم : ههههههههه ,. زين يسوون فيك والله اول مره تقوم مبجر حمد : اقول جب بس والله مالي خلق اوكي مشعل : زين عسآك ما نسيت آلتك وله قلم حمد يطالع و يفتر : اووووووووووه .. نسيت ما يبت لا آله حاسبه ولا قلم ( يطالع ايده و يبتسم ) هع يبت كتابي بس مشعل وصل مدرسه مريم و نزلت مريم وقال حق حمد : كتابك !! يعني اللي يقول بتدرس ؟ حمد فتح الجامه و قط كتابه : لا منو قال بدرس حور و حنين : ×.× حمد : خلاص قطيت كتابي ., مشعل : اي كتاب ! يا غبي انا كتبت لك رقم البنيه على هالكتاب ؟ حمد يطالع الكتاب ويطلع راسه برا الجامه و يدخلها مره ثانيه : آآآآآآآآحححح .., وليش ما قلت من الاول يا غبي ان رقم البنت بالكتاب حور و حنين : ×.× مشعل : وانا شدراني يا غبي انك بتقطه ؟ حمد : ويعه زين ,, خلاص انا بنطر إ نشاء الله البنت تدق علي حور و صلت بيت اخوها من ابوها , و اهوا كبر حمد و اسمه سامي ,, حمد نزل و صعد ورا و حنين قعدت جدام يم حور ,, حمد : خلاص اكلمك بعدين مشعل ,, مشعل : زين يا الله باي ,, سآمي نزل بالدري .. و ماسك كتابه و قلمه و آله الحاسبه .. و قعد ورا يم حمد .. سآمي : السلام .. حور : هلا وغلا بـ آخوي .. سآمي : هلا والله اختي ( و سلم على حمد ) سآمي : ها بو حموود إن شآء الله دارس ,, حمد : لا والله ويني و وين الدراسه ؟ سآمي : لا يكون بتعتمد على حسين و ربعه ؟ ترى والله ما ينفعونك كلش حمد : خلها على الله يا اخووي خلها على الله , ... فـ بيت نوريه ,, نزل ريلها سلمان و كان كاشخ و لابس قتره و عقآل و قاعد يعدل عقاله نوريه حطت الشاي على الطاوله و ركضت عنده و تطالعه من فوق لي تحت : وين طالع بالله ؟ سلمان : شنو وين بروح ؟ اكيد الشركه نوريه : لالا ,, انت خلك فالبيت ولدك ناصر يكفي يروح انت خلك سلمان : يا ام ناصر خليني اروح و بعدين إذا قعدت فالبيت شسوي ! نوريه : اقعد جابلني ,, ما يصير كل شيء على راسي ,, سلمان انت لازم تلقى لك حل الصبح شركه لي العصر و من بعدها تيي تنام لك جم ساعه و تطلع الدوانيه و ما ترجع إلا الساعه 11 او 12 و ترد تنام و بس هذي حياتك ؟ سلمان : صباح الله بالخير .. بسم الله الناس تقول صباح الخير حبيبي شلونك يا بو ناصر مو تقعدين تناشبيني بنومتي و قعدتي ( دزها ) وخر عني بس ( و راح ) نوريه حطت ايدها على خصرها : ماشي يا سلمان ,, انا تسوي فيني جذيه ! ( تكم عليه ) قطع اهووو .. وراحت تكمل شايها ,, ... بالامتحان ,, قآعه حنين , حنين تفكر و حاطه القلم فوق براطمها ( يآربي شنو اسم الاغنيه اللي امس سمعتها بقناه وناسه ؟! اممم ,, إإإي اغنيه راشد الماجد ,, يآ هواي و يا جنوني و يا هواي و يا جنوني فدييييتااا ,, ) الابله ماسكه بسكوت : بنات منو ما تفطرت و تاكل شويه بسكوت يعني هه يمكن يتحرك مخها ؟! حنين : إي ولي يعافيج ابله ابي بسكوت بس تكفين ييبي معاه شاي البنات : ههههههههههههه ,, < لوول يعني الكل يضحك على سخافتها الابله : سكوووووووت ! خلاص ,, ( راحت عند حنين و حطت البسكوت المالح على الطاوله حيل ) يا ماما ,, انتي بقاعه امتحان مو قاعده فبيتكم .. ياليت تاكلين وانتي ساكته ,, ( فتحت ورقه حنين ) و حلي بعد ,, ( الابله عطت حنين نظره و راحت ,, و حنين تقلدها شلون تتكلم بس بدون صوت ) ,, ... اما عند ابوووووووووو الشباب لوول ,, قصدي حمد .. حمد قاعد و حسين يمه و سآمي اخو حور الثاني قاعد ورا حمد .. حمد يآشر حق حسين و حسين يقول له ما اعرف ,, و سآمي تشتت افكاره منهم ! حمد : حسووون اكلمك ! شششششش ( يآشر له ) ششششش هييي حسين يطالع حمد : شتبي ! حمد : أبي الجواب رقم 2 السؤال الرابع ,, حسين : لحظه ما حليته ,, انطر لحظه ( و طلع ورقه برشومه و قطها على حمد ) الاستاذ لمح شيء طآر ,, راح عند حمد .. الإستاذ : إنت يا ولد ! حمد توهق ,, قام و قطها لي ورا على سآمي ,, سآمي بريئ ما يعرف سوالف الغش قام و توهق و حطها بـ بلوزته ,, حمد قام : منو انا ؟ الاستاذ مسك ورقه حمد و قال : تعال وراي ,, حمد : زين ,, ( مو خايف ؛< لان ما معاه شيء ) ... عند النآظر , النآظر : لإنت غشيت وله لا ؟ حمد : لا ما غشيت .. و انتوا فتشتوني لقيتوا معاي شيء ؟ الناظر : لااا حمد : حتى دلاقاتي فصختوني إياها ,, يعني إن شاء الله ما اخش شيء بـ دلاقي ! الناظر : لا حول ولا قوه إلا بالله .., شفت يا استاذ مرسي احنا ظلمنا الولد الاستاذ : بآه , بـآئه انا متآكد إنْ ده الطالب كآن معاه حآقه ,, بس يا الله دا اليوم حظك انت بكره ما آعرفش حظ مين ؟ الناظر : زين خلاص خل حمد يروح .. الاستاذ : حآآآآآظر .. ( و ماسك ورقه حمد ) و راحوا القآعه .. ... بعد سآعه الامتحان .. عند حنين و مريم ,, حنين : إي شفتي شصار ههههههههه مريم : إي انا مو بلجنتج بس شوي قريبه يمج حنين : أمبيه حده مصخره .. بس اوووووووووووووف واخيرا افتكينا من الامتحانات ! ما اصدق بصراحه مريم : إي حده ,, عاد امي و ابوي حجزوا لنا شاليه حقنا و حقكم ., حنين :واااااااااااااااااي فديتها خالتي اهي الوحيده اللي حاسه فيني ههههههه مريم : ويعه وانا و حورووه شنو ؟ حنين : مريوم .. تكفين طالعي هذي روان مريم : أي روان ؟ حنين : يوووه رووان بنت عمه دلوول .. شفيج ! دلول اللي قبل سنتين كانت معانا بالثانويه اللي عندها اخو اللي قالت انه يحب بنت عمه عرفتيها ؟ مريم : إإإإإإإإي تذكرتها ,, ( تطالع روان و راون تسولف و تضحك ) اهما ما يكلمون بعض صح ؟ حنين : إي ما يكلمون بعض كلش كلش كلش بعد مريم : ليش ! شصاير ؟ حنين مسكتها : إمشي البيت اقول لج .. ...   #17