الفصل 2
البآرت الثاني
...
خالد : خلاص لا تخافين .. ( مد ايده بيلمس ملابسها و اهي ارجعت ورا )
خالد : وي اسف والله مو قصدي .. بس كنت بشوف ملابسج مبلله وله لا ؟
ريم تلمس ملابسها : اي شوي ..
خالد : اكيد استبردتي من الماي اللي امس .. و شعرج بعد شكله مبلل .. ( وقف ) انا بروح اييب لج ملابس تبدلينهم بدل هالملابس ( وراح صوب الباب ولف عليها و ابتسم ) مو تنحاشين نفس امس ! صدقيني ما راح احد يقرب يمج .. و الحين بقفل الباب عشان محد يدخل عندج ( وابتسم ) وبخلي المفتاح عندج بدزه من تحت الباب و لا تفتحين حق اي احد إلا حقي انا فاهمه !
ريم ارتاحت : فاهمه ..
خالد قفل الباب وعطاها المفتاح .. << طبعا خالد مو غبي بس المفتاح هذا مو مفتاح الباب هذا مفتاح باب ثاني .. بس كان يبي يطمنهـآ و ما يبيها تنحاش ..
...
دلال طلعت و قعدت مع الشله البنات برا صوب البحر منسدحات و اللي حاطه تان واللي حاطه الايباد بآذونها و تسمع اغاني طبعآ ..
دلال : هاااي قييلز
البنات : هآآآيآآت .. اهلا ..
سآره : وينج من امس طافج نص عمرج امس عماد رقص رقص لا صآر ولا ستوى ..
دلال : شسوي بعد ! جابلت البنت اللي طاحت امس بالبحر
سآره : وي اي بنت !
دلال : اي امس انتي كنتي صوب المسبح ما دريتوا بلي صار .. امس صوب البحر حرام في بنت لقاها فيصل طايحه بالبحر و ساعدها و وديناها غرفه خالد الله لا يوريج جابلناها انا و خالد لي الصبح .. و اهوا نام بغرفته وانا يبت لي كمبل و نمت بالصاله
سآره تعدل قعدتها : نام بغرفته ! والبنت !!
دلال : البنت بفرآشه و اهوا قعد على طاولته و احط ايده على الطاوله و نام ..
سآره : شكو بغرفته !! ليش ما نامت بغرفه فيصل مثلا ! خو غرفه فيصل اقرب من غرفه خالد !
دلال : اوووه سارووه يعني شتفرق ! ترى كلهم يم بعض .. المهم قولوا حق حمد ما نبي حفله اليوم ..
دانه : وي ليش !!
دلال : لان اليوم اغلب البنات بيسآفرون تدرون الحين معطينا عطله لمده اسبوعين طاف اسبوع باقي اسبوع .. فالآغلبيه بيسافر بالله منو بيبقى ! ماكو لا بنات ولا شباب !!
خالد راح عند البنات : قووه بنات
البنات: اهلا ..
خالد مسك زند ساره قومي معاي
سآره قامت بدلع و راحت معاه بعيد
سآره بدلع و تسوي روحها زعلانه : نعم !
خالد : انا ياي لج اقول لج وخري عن ريم و عطيني كل صورها ولا ابي اشوف صوره لها عندج فاهمه !
سآره : ريم ! اي ريم ! لحظه لحظه !! ريم رفيجتي ! شكو بالموضوع !! و بعدين منو البنت اللي بغرفتك !
خالد ابتسم : لان ريم اهي البنت اللي بغرفتي :d
سآره : اصدمني اكثر !!
خالد : سآره خلصيني خليني ارتاح و خليني ارجعها بيتها
سآره : !!! خالد من صجك ! زين خل جابر يوديها او فيصل او سعود
خالد : لا جذيه ماراح اتطمن و انا واعدها اني انا اوديها .. وبنفسي .. عرفتي !
سآره : شنو ! خلاص راح ايي معاك ما راح اخليك بروحك مع البنيه
خالد : لا راح اخذ دلال .. مشكوره .. بس عطيني الصور وإلا .. !! ( يآشر عليها يعني تحذير )
سآره : و إلا شنو !!
خالد : وإلا راح افضحج مثل ما تفضحينها ! < وابتسم
سآره بققت عيونها : أي شيء صح !!
خالد : شقلتي !! ولا بعد ما ابي اشوف اي صوره لها عندج فاهما !!
سآره مشت و خالد وراها واهي طول الوقت تتحلطم .. دخلت داخل الشآليه و دخلت غرفتها الملونه باللون الوردي والزهري ,, و فتحت صندوق تحت سريرها و طلعت ظرف فيه صوور ..
خالد مسكه وفتح و طالع الصور و يطالع ضحكه ريم بالصور كانت وايد مملوحه مع غمزاتها ..
سآره : خلاص ارتحت !!
خالد طالعها وابتسم : اووف حده .. ( و لف و طلع من غرفه سآره و راح غرفه ريم و فتح الباب بالمفتاح )
ريم اخترعت و وقفت .. : بسم الله خرعتني
خالد ابتسم : تفضلي صورج
ريم ابتسمت و اسحبته من خالد و فتحت تطالع الصور واهي منصدمه : امبيه شلون لاعبه بصوري !
خالد قعد بالكرسي و حط ايده على الطاوله : يا بابا هذا اسمه فوتوشوب
ريم تطالع خالد : فوتوشوب ! شنو يعني !
خالد : شنو شنو يعني ! في احد بالديره ما يعرف الفوتوشوب ! هذا برنامج تحطين الصوره اللي تبينها و تسوين فيها اللي تبين حتى تقدرين تحطين لها مكياج و تكتبين يمها كلام و تطلع لج نفس الصور اللي بيدج .. بس اهوا شوي صعب يعني يبي له ناس تفهم له و فاضيه وايد عشآن تتعلمه ..
ريم : اها .. و هذا الفوت ما ادري شنو اسمه وين موجود ؟ و وين ينبآع ؟؟
خالد يطالعها و مستغرب و رافع حاجبه : باللابتوب بعد وين ! بالسما مثلا !!
ريم نزلت راسها : اسفه .. بس ما اعرف له
خالد طالعها : انتي ما عندج لابتوب بالبيت ؟
ريم انخجلت و هزت راسها بـ ( لأ ) وقالت : كان عندي كمبيوتر وبعته لانه خربان .. و مكسر
خالد كسرت خاطره ريم : اها .. كلميني عن حياتج
ريم : ما يحتاج اتكلم و لو سمحت ردني بيتنا
خالد ابتسم : انا ابي اساعدج بس
ريم : لو سمحت انا ما احب احد يساعدني .. ( اوقفت ) لو سمحت ودني بيتنا ..
خالد : بس انتي محتاجه احد يوقف وياج
ريم : لو سمحت انا مو محتاجه احد غير ربي ..
خالد : عيل ودي اتعرف على ابوج و اساعده
ريم تطالعه : لو سمحت يا .. إلا صج انت شنو اسمك !
خالد ابتسم : اسمي خالد
ريم : عآشت الاسامي خالد ..
خالد : عآشت ايامج ..
ريم : المهم اقول لك ردني البيت و ابوي ما يبي يتعرف على احد ولا احد يتعرف عليه فلو سمحت قطني بيتنا و خلاص
خالد وقف و حط ايده بمخباته : اممم .. دام جذيه خلاص بنشوف منو بيتعرف على الثاني انا اللي راح اتعرف على ابوج وله ابوج اهوا اللي بيتعرف علي :d
ريم : زين متى نمشي من هنيه !
خالد : آآآآمممم ( يطالع ساعته < مع انه ما عنده شيء بس قال ) .. والله رفيجي جابر ماخذ سيارتي .. اول ما يوصل راح اوديج
ريم : ياليت ما نتآخر ..
خالد : إلأا ما قلتي لي انتي قايله لابوج متى تردين البيت مع رفيجتج !!
ريم : بعد جم يوم اقصد بعد اسبوع
خالد ابتسم : حلووو ..
ريم رفعت حاجبها : شنو !!
...
بآجر ...
المغرب السآعه 6:30
ريم قاعده بروحها بغرفه خالد و تجابل التلفزيون لان خالد موصيها ما تطلع برآ ..
ريم : اوووف .. ملل .. قبل والله شحلاتي مع خواتي اخم وله اجابل كتابي و ادرس والحين بس تلفزيون و لا محكوره بغرفه كبر ايدي ..
انفتح الباب بس هالمره مو خالد ..
ريم انصدمت : دلال !! خرعتيني
دلال : ههههه .. وي اسفه سامحيني
ريم : شفيج !
دلال : ههههه شفيني بعد ! مافيني شيء .. بس خالد طرشني لج عشآن اقعد معاج شوي
ريم : آهآ ..
دلال : لا تخافين .. انا و خالد مو نفس حمد كلش .. و ترى حتى جابر خوش واحد بس ماخذ من اخوه حمد شوي .. ( وابتسمت )
ريم : جابر اللي كان معانا بالسياره اول مره !
دلال : اي .. هذا جابر .. اخو حمد .. جابر الصغير اصغر من حمد سنه ( وقعدت يم ريم بالفراش )
ريم : انا بفهم .. إنتوا شلون عايشين جذيه و شلي خلوكم توصلون لي هالمرحله !
دلال ابتسمت إبتسامه ضعف : آآآآخ يا دلال .. اغلبنا يينا مثلج انتي ..
ريم : مثلي !!!
دلال : إإي مثلج .. انا لمن كان عمري 13 سنه تزوجت واحد اكبر مني 20 سنه .. و كنت ياهل ما افهم شيء .. و كنت ابي اعيش حياتي مثل الكل .. بس جبروت ابوي و اخواني من ابوي خلوني اتزوج غصب .. و لمن صار عمري 15 سنه حملت و ولدت و يبت ولد و بعد ما يبته مباشرة تطلقت .. ما تميت إلا شهرين مع ولدي و قطيته عند ابوه ..
ريم : ليش !!! حرام
دلال : انا عمري 15 سنه لا شهاده ولا وظيفه نفس الناس .. وين تبيني اروح ! و شلون اربي ياهل عمره شهرين و انا ما اعرف حتى شلون اشيله ! امي ماتت بعد ما تزوجت بسنه و ابوي و زوجته واخواني من ابوي ما يدرون عني و لا عن هوى داري .. و ريلي كان خوش واحد والله بس كنت اكره العيشه معاه ..
ريم : و شلون وصلتي منيه !!
دلال : كنت ادور على شغل وانا عمري 15 سنه .. و كنت ياهل بعدي ما افهم .. تعرفت على مرا كبيره و اشتغلت عندها فبيتها خادمه .. و كانت هالمرا كل يوم تطلع تالي الليل و ترجع الصبح .. ويوم من الايام قالت لي ابيج تشتغلين عندي و تطلعين باليوم فوق الـ 500 دينار .. وانا على عماي و وافقت .. وتاليها تعرفت على جابر اخو حمد .. و كان اول شخص اعرفه .. و حبيته و حباني ..
ريم : صج ! و بعدين !!
دلال ابتسمت : هه شكلج اندمجتي
ريم : ههه .. بصراحه اي .. كمممملي
دلال : وبعدها حبيته من قلبي و حباني .. بس انا لمن ييت هنيه عشان الفلوس مو عشآن الحب ! ,, تميت فتره اتعرف على هذا و هذا و هذآك .. لين تهاوشنا انا و جابر و كرهنا حياتنا و حبنا انمحى خلاص ,,
ريم : وبعدبن !!
دلال : وبعدها كان خالد رفيج جابر ,,, وانا تعرفت على خالد من جابر و صرنا الثلاثي اللي ما نتفارق كلش .. وصآر خالد مثل اخوي اللي يحميني .. و كان دايما يوقف يمي حتى لو كنت انا غلطانه .. و جابر بعد بس جابر شوي غير ( و نزلت راسها )
ريم تتكلم و اهي رافعه براطمها شوي : وانتي تحبينه ؟
دلال تطالع ريم و رفعت براطمها : منو !!
ريم رفعت حاجبها : جابر !
دلال ابتسمت : آممم .. مآ آدري !!
ريم : انزين وباجي البنات شلون يوو !!
دلال : كانت كل وحده تسحب الثانيه من صديقاتها مثل ما صآر لج و لـ ساره .. على فكره خالد قال لي .. واي ترى خالد ما يخش عني شيء ههههههه ..
ريم : ههههههه .. شكلج وايد وياه
دلال : اووووه خالد يحسبني مثل اخته وااايد ..
ريم : الله يخليكم لبعض يا رب
...
فجآه دخل خالد ..
خالد مبتسم : هآ شتسوون ؟
دلال : ههههههه لا والله !! بعد انت شنو شايف ! احنا قاعدين نسولف
خالد : أكيد اكيد حشيتوا فيني ههههههه
دلال : هههههه اوووف وااايد
ريم ابتسمت ..
خالد : ههههههههههه .. ماشي دلووول انا اعلمج ..
دلال : ههههههه ..
خالد : ها ريمووه .. ضايق خلقج منيه ؟
ريم تطالع الغرفه و تتكلم جنها ياهل : امممم .. بصرآحه حده ملل .. ابي ارجع بيتنا ..
خالد : اووف انا كل ما كلمتج بين الكلمه والثانيه تقولين لي ابي ارجع بيتنا !
ريم : إإي ابي ارجع قعدتي مالها لزمه منيه ! ليش تحبسني !
خالد : بس عشان ابوج ما يشك فيج يا الغبيه .. بيقول هذي وصلت مبجر
ريم تبقق عيونها : غبيه !! خالد لو سمحت انا مو غبيه .. انت الغبي بدال لا تييب التليفون و تخليني اطمن اهلي علي .. وتقوم تحبسني !
دلال : ههههههههههه اي والله يا خالد طلعت غبي
خالد يطالع ريم شلون تتكلم : دلول إنتي جبي .. و ريموه منو الغبي !
ريم ابتسمت : احم .. يقولون انك غبي هههههههههه
خالد يطالعها و يطالع غمازتها و ابتسم ما قدر يتكلم ..
دلال انتبهت على خالد .. وابتسمت : خالد !! خلووود
خالد لف على دلال : هلا ؟
دلال اغمزت له .. و خالد فهمها ..
خالد طلع تليفونه : المهم .. هاج دقي على ابوج ..
ريم ركضت و خذت الفون و دقت ..
خالد آشر حق دلال يعني شوفيها شتقو و ما تقول ..
ريم اول ما دقت ردت عليها اختها ..
ريم : الوو هلا يبـآ
مشآعل : الووو منو ريموه ؟
ريم : اهلا شعووول
مشآعل : لا والله ! وينج من امس احنا مو قلنا لج اول ما توصلين تدقين على طول ؟ ابوي من امس يحاتيج
ريم تضآيقت : اسفه .. بس من كثر الوناسه نسيت ..
دلال تطالع ريم و شلون تتكلم اهي متضآيقه
مشآعل : لا زين اشوا انج مستانسه يا معوده غيري جو .. احسن منا ..
ريم : اي شلون مريوم ؟ و شلون ابوي ؟
مشآعل : آآهـ خليها على الله .. مريم كل يوم تمرض اكثر .. و ابوي نفس الحاله .. مريم محتاجه للعمليه ضروري وله حالتها بتصير مثل حاله امي الله يرحمها ..
ريم تضآيقت .. وقالت : خلاااص انا راح اييب لكم الفلوس بس متى تبينها تسوي عمليه ؟
مشآعل : اقرب وقت .. و اكثر مده بعد شهرين او ثلاث الدكتور يقول كل مره و حالتها تتنكس اكثر .. انا شكلي بشتغل خدامه فآي بيت و بشتغل اي وظيفه احصلها .. المهم اختي تقووم و صحتها تصير احسن ..
ريم التفتت على دلال : اوكي شعول اكلمج بعد شوي باي ( و صكرته )
ريم راحت يم دلال : دلول انتي مو قلتي لي انج كنتي تطلعين بالشهر فوق الـ 500 دينار ؟
دلال : اي ليش !!
ريم : انا بشتغل معاج ..
دلال منصدمه : شنو !!!!!!