الفصل 2
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵الهروب الى النهر*
*❴🔢❵الـــبـــــــــــ❴الثاني❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#_الهروب الى النهر
بقلمي : ميس قباني
الجزء الثاني
.
.
.
صار الدنيا المغرب وح تبلش الدنيا تعتم قمت لحتى ارجع علبيت تمنيت لو انو الطريق يكون اطول او يكون عندي مكان روح عليه وما ارجع علبيت يلي كنت اعتبرو سجن بس لا بد اني ارجع عليه كل يوم ..
دقيت الباب فتحتلي ستي وفتت شتغلت بلبيت ونضفتو واعدت عل كنباي وانا ساكتة وستي كانت اعدة وشاردة
سالي : شبك ستي
ستي : اخخ يا بنتي
سالي : شبك سلامتك من الاخ والله مابريد شوف حدا عم يتوجع رغم انو الكل مابفرق عندو وجعي
ستي : حتى انا
سالي : اي اوقات بتعطفي عليي اوقات مابتحبيني
ستي : اي صح اوقات حتى انا مابطيق حالي ويابنتي انا مليت من ترباية الولاد ومالي بال اعد اسال هي شبك وهي شبك انا يلي فيني مكفيني صرلي حاملة همك 16 سنه ومتحملة عصبية ابوكي بسبب امك
سالي : طيب شبا امي شو عاملة امي
ستي : مافيني ياستي بعدك صغيرة ع انك تحملي هيك هم وتعرفي
سالي : اني اعرف ارحم من افكر امي عايشة او ميتة امي بتحبني او بتكرهني متلكن انا بدي حدا يكون جنبي ولو شخص يحسسني اني مابهون عليه دموعي رحمووني رحموووني
ستي : يا الله دخيلك ناقصنا يفوت ابوكي ويسمع بسيرة امك خلص يا بنتي خلص
"مافي فائدة ماحدا راضي يسمعني او يحس فيني لك كتير اوقات اتمنى حدا يمسحلي دموعي وكتير اوقات حس اني قوية ومالي بحاجة لحدا يمسح دموعي بس لما حس اني بحاجة لحنية الام كنت اضعف كتير وانهار كتير " ....
رحت اعدت بشباك المطبخ وصرت طعمي العصافير يمكن كانو تصرفاتي كتير طفولية وفاتت ستي ..
حنان : لك لاتوقعي يا بنتي
سالي : ستي حنونتي تعي عدي شوي بدي احاكيكي
حنان : ليش هيك صوتك وكأنك مخنوقة يا بنتي
سالي : هلء انتي كان عندك ام وتزبطلك شعراتك وتشكيلا همومك احكيلي عنا شوي كمان مابصير مابدي تحكيلي عن امي بدي تحكيلي عن امك الك بدي اعرف شو يعني ام
حنان : (غمضت عيونا وصارت تبكي )
سالي : بترجاكيي لا تبكي شو حكيت انااا يا روحي
حنان: ماحكيتي شي بس امي كامت اعظم ام واحن ام كانت ماتخلي حدا يضربنا لا بوردة ولابكلمة بس توفت من لما كان عمري 15 سنه وراحت وتركتني
سالي : الله يرحمها ..
ستي احكيلي شو يعني ام
حنان : الام يا بنتي هية اعظم شي بهالكون الله خلق الجنه تحت اقدامها بتصبر وبتتحمل كلشي لحتى تعيش اطفالا وما تظلمهم ومافي اطيب واحن من قلبها بتحس بوجعك وبتعرف شبك بلوقت يلي بتكوني انتي مابتعرفي شبك
سالي : بس امي انتو يلي ماخليتوها تحاربكم وتتحمل كلشي شي تربيني ب احضانها صح
حنان : انتي منين عم تجيبي هالحكي
سالي : ستي انتي هلء حكيتي شو يعني الام واذا امي مو متوفية ف انتو يلي حرمتوني منااا ببوس ايدكن بس خلوني ضما ولو لمرة قبل ما مووت
حنان : اجلي هالحكي لبعدين وبوعدك شوي شوي احكيلك عن امك من دون علم ابوكي اتفقنااا
سالي : اتفقنا
حنان : وهلء الي عندك خبر حلو
سالي : خبر حلوو !! شو هوو
حنان : بنت جيرانا حنين جاي بدا تتعرف عليكي وتلعب معك موافقة
سالي : اي موافقة هيييي
"صرت حس انو ستي عم تتحول من قاسية نوعا ما لحدا كتيررر حنون وطيبب وماتعصب عليي ابدا وتحن عليي
يمكن شفقة او طيبة انا مابعرف بس المهم انو صارت كتير منيحة معي " ..
اربت ستي وباستني من راسي ومسحتلي عراسي
سالي : ستي بتعرفي شووو
حنان : شو ياروح ستك
سالي : انتي اسم ع مسمى "حنان" انتي كلك حنية يا روحي
حنان : هههه لك تؤبريني يلا قومي لبسي وجهزي حالك وتعالي زبطلك هلشعرات الشقر الحلوينن ...
_______________
حنان : الله وسهلا فوتي بنتي ليش ما اجت امك معك
حنين : خالتو لانه ماما بتقلك انه اخي بلمشفى ومطرة قال تعيفني عندك
حنان : اي ياميت السلامه بتتسلي انتي وسالي بس خير شبو اخوكي
حنين : مريض شوي
حنان : سالي تعالي بنتي سلمي ع حنين
حنان : خديها وطلعو لعبو برا بتتسلو وانا ح اشتغل شوي بلبيت
"اعدو سالي وحنين وتعرفو ع بعض " ..
حنين : خالتو حنان امك ؟
سالي : لا هي ستي
حنين : لكان وينا امك
سالي : مابعرف وينا محدا بحكيلي بتعرفي شوو
اوقات بتمنى بس لو حدا يحكيلي عن ملامحا عن تصرفاتا كيف بتحكي كيف شكلا ماحدا بحكيلي عنا ولا ايا شي
حنين : بكيتيني والله
سالي : لا تبكي روحي بس دعيلي الله يجمعني مع امي بدي اياها والله مابدي شي من هلدنيا غيرا
حنين : سدقيني الله ح يجمعك فيا
" هالكلمه يلي سمعتا من حنين حسيتا ردتلي الروح حسيتا طمنتني وعطتني كمشة تفاؤل وامل وصرت اضحك بكل براءة وانا سعيدة ب انني ح اجتمع ب امي ..
يمكن فرحت هيك لانه اول حدا بقلي ح تجتمعي فيا كانو مايقلولي هالكلمه وانا كنت بتمنى هالكلمه يلي كنت بقدر اعرف من خلالا اذا امي ميتة او عايشة " ....
سالي : صحي ح تنامي عنا
حنين : اي ولله ومبسوطه لانه ح نام عنكن بس بالي مشغول ع اخي
سالي : خير شبو ليه
حنين : مرضان شوي او اقلك
سالي : اي شو
حنين : اخي ضابط وهو متصاوب بكتفو رصاصتين وهلء
هو بلمشفى وضعو منيح وامي عندو
سالي : ياربي الله يحميه ويشفيه زعلتيني عليه
وقمنا لعبنا شوي انا وحنين وتسلينا والتلا شو رايك نروح ع النهر
حنين : اي بروح حابةشوفو ولا مرة رحت عليه
سالي : بتعرفي انو انا كل يوم بروح وبقضي نص يومي هنيك بهرب دائما ع النهر
حنين : بتهربي ؟؟ ليش !!
سالي : بهرب من ظلم ابي وعياطو وكرهو الي بهرب من مللي بقعد لحالي هنيك برتاح
حنين : طيب قومي لنروح
سالي : يلا مشيي
___________
حنين : هلطريق المشوة فيه حلوة
سالي : اي كتيير هي اول مرة بمشي فيه مع حدا
حنين : وهالشي مدايقك ؟
سالي : لا بالعكس فرحانه فيكي
دائما انا بتمنى يكون عندي عيلة ام واب ساكنين مع بعض وعندي خوات ولما ازعل اروح اشكي لامي انا كتير بحاجتا (تبكي)
حنين : لا تبكي سالي بترجاكي
انا ح احكيلو لاخي عن قصتك وهو ح يساعدك
سالي : بيقدر يرجعلي امي
حنين : ان شاء الله ح يقدر
.
.
.
بعد مرور ثلاث شهور
كنت رايحة علنهر كالعادة هروبا من هالواقع والبيت الكئيب
بلاقي حدا قاعد محل مابقعد عند النهر ..
تطلعت فيه وماحكيت معو وقلت خليني امشي وارجع عالبيت احسن بلا ما اقعد ..
مجهول : تعي تعي لا تروحي صرلي من زمان حابب نلتقي بس هلء لقدرت اجي ونلتقى
انا خفت وصرت ااسرع بمشوتي وبعدين صرت اركد
ركد هو ولحقني وشدني من ايدي ..
سالي : بتترك ايدي ولا بصرخ وبلم عليك الدنيا كلا شو بدك مني انت ااة
مجهول : حكتلي عنك بس ماحكتلي انك مجنونه
سالي : مين هية هي يلي حكتلك عني اصلا انا مابعرف حدا
مجهول : ومابتعرفي حنين ؟؟
سالي : بعرفاا ايي وليش لتحكيلك عني
مجهول : انا الضابط ايمن اخوها لحنين وحكتلي عنك لحتى اقدر ساعدك
سالي : تسااعدني ب شو
ايمن : ب انو نعرف وينها امك ونعرف اذا بعدها عايشة او ميتة او مقتلولة
سالي : مقتووولة (تبكي )
ايمن : عم قول بجوز واذا مقتولة بدنا نعرف مين القاتل ابوكي بكرها كتير وانتي مابتعرفي السبب وممكن يكون بكرها لشي سبب وقاتلا
او ممكن تكون بعدا عايشة في عدة احتمالات مافيني اتهم حدا ولا فيني بلحظة اعرف وينا
سالي : بدي امي وبدي تكون عايشة
ايمن : بتحبي حقق واعرف وين امك واستدعي ابوكي ولا منتشارك انا وانتي ولحالنا منعرف وينا من دون مانفتح قضية
سالي : اي براي نتشارك انا وانت واذا ماقدرنا فتاح قضية لانه انا بخاف من ابي كتير واذا بيعرفني اني عم دور ع امي يمكن يموتني ب ارضي
ايمن : لا تخافي من شي ولا تحسسي حدا ب انو عم ندور ع امك
سالي : ايمن خلينا نحط ايدينا ببعض ونلاقي امي الله يخليك (تبكي)
ايمن : وحياة هالدموع لحتى لاقيا بس لا تبكي "مسح دموع سالي" ..
"وقت حط ايدو ع وشي ومسحلي دموعي حسيت بحنية بعمري ماحسيت فيا لما مسح دموعي بكيت بزيادة مابعرف على شو بس بكيت ع كلشي ع اني محرومة من كلشي انسانه منفية عن الكون ماعندا شي غير انو تقعد بليت وتبكي وتتحمل متاعب هلدنيا وبس تتعب تهرب عالنهر تمنيت ضمو لانو حسيتو حنون وابكي بحضنو واحكيلو اديش نظلمت واديش تحملت واديش بعدني عم اتحمل " ..
.
.
.
رجعت عالبيت وتزكرت كلام ستي لما قالتلي انو كل فترة ح تحكيلي شي عن امي ..
سالي : ستي انتي مو حكيتيلي انو كل فترة ح تحكيلي شوي عن امي
حنان : بس يابنتي اذا ابوكي دري ح يخرب لدني
سالي :اي ابي مش هون مسافر عندو شغل يعني منين ح يسمعنا او يدرا
حنان : طيب شو بدي احكيلك ولله ماعم اعرف
سالي : كلشي كلشي بدي اعرف
حنان : كلشي مافيني احكي بش يلي بدي قلك ياه انو امك جابتك وابوكي اخدك وبعدين صرتي عنا وامك ماشافتك ابدا ويمكن حكولا انك متي او انك عايشة مابعرف
سالي : يعني امي اذا كانت عايشة فهية هلء كمان مشتاقتلي ومابتعرفني عايشة او ميتة متل ما انا مابعرفا عايشة او ميتة
حنان : اي هاد يلي بعرفو
سالي : طيب تمام بس يلي بدي اعرفو ليش لحتى يفرقونا انا وامي او حتى ياخدوني مناا
حنان : هيك بكفي انا مافيني احكي شي
سالي : اي شو هالقصة الغامضة هي لك حاااج حااج بكفي انا بدي اعرف انا مين انا مين امي ماعم اطلب منكن شي
حنان : خلص سااالي خلص روحي من وشي وحاجتك عياط
"رحت ع غرفتي تسطحت ع تختي وصرت ابكي وفكر انو ايمتا هالشي ح يخلص كلشي الو نهاية ونهاية هالقصة شوو ايمتا بدي اعرف الحقيقة " ..
وغفيت من تعبي والدموع ملية وشي وصحيت الصبح بدلت تيابي ورحت عالنهر اعدت بس هالمرة مابس عم اهرب عالنهر لحتى ارتاح وشوف النهر يلي بحب الاعدة وانا عم اتفرج عليه هالمرة كنت عم انتظر ايمن يجي مابعرف ليش بس فعلا انا كنت بحاجتو كتيير ..
سالي : ايي بقى وينك ايمن صرلي ساعتين عم استناك هوووف مليت ولله مليت او مو مليت بس اشتقتلك ومليت من النطرة شكلك ما ح تجي قمت ورحت وانا حااسة حالي اني مكسورة لانه مااجا ..
*بعد مرور اسبوعين*
مايئست ابدا كنت كل يوم استناه يجي وارجع عالبيت مقهورة لانه ما اجا بس اكتشفت بهل اسبوعين يلي غاب عني فيهن اني انا كتير متعلقة فيه رغم اني شفت
و بس هالمرة
بس لما بدك تتعلق بحدا او تحب حدا ممكن من نظرة تحبو او تتعلق فيه مش بلضرورة مع مرور الوقت تحبو ..
كتار يلي وقعو بالحب من اول نظرة وكانت حكايتن احلا حكاية حب ......
.
.
.
.
بعد مرور 3 شهور
كنت رايحه عالنهر وصلت اعدت وتنهدت تنهيدة وجع ومسكت حجرات وصرت اشلفن عل نهر واحكي مع حالي وامسح دموعي
سالي : اخخ يا ايمن معقول انت كمان تركتني ليش جيت هاليوم وعلقتني فيك وقررت تساعدني اذا مابدك تجي وتغيب هالغيبة
حاج طولت كتير ولله ..
انا اشتقتلك اي اشتقتلك اشتقت لنظرتك الحادة وقت تحكيني وتكون عم توعدني تريحني وتلاقيلي امي بتعرف انت بتشبه الجنه برغم انه مابعرف شكلا بس علوصف يلي وصفو جمالا طلع متل جمالك لانه الجنة فيا كلشي حلوو وانت كلشي حلو فيك والجنة هية الامان وانت بلاقي عندك الامان ياربييييييي وصرت اصرخ وقول ايمن ايمن رجاااااع
ايمن: اذا انا بشبه الجنة لكان انتي شو بتشبهي
سالي : (التفتت والدموع مملية عيوني) ايمن هااد انت لا مو معقوول انت اجيت انا عم احلم اكيدد ..(وقعت عل ارض لانه مبقى اقدر اوقف ع رجلي صرت ابكي من الفرحه وغمضت عيوني وحطيت ايدي عليهن) ..
ايمن : (ركدت لعندا وضميتا ومسحتلا ع شعراتا ورفعت وشا وشلت ايدها ومسحتلا دموعا )
بكفي حاج بكي ليكني هلء انا ادامك
سالي : هلء انت ادامي وبكرا ويلي بعدو وبعد شهور بتختفي
ايمن : يا سالي عزريني كنت مشغول ب ..
سالي : بلا شغل بلا مشغول مابتقدر تجي يوم ب 3 شهور تتطمن عليي
ايمن : واذا التلك كنت مشغول بدي اعرف وينا امك
سالي : وقدرت تعرف شي ؟؟
ايمن : اي امك عايشة
سالي : ا ايممن انتت عنجد عم تحكي
ايمن : اي اي ومتأكد
سالي : طب كيف عرفتت
ايمن : مو مهم تعرفي كيف هي مواضيع سريةو ح قلك بس مو هلء بكفي انو طلعت عايشة
سالي : طيب وينا قدرت تعرف
ايمن : لسا
شوو ليش هيك وشك ازرق وطالع الدم من تمك شوو صاير معك ساااالي
سالي : مو مهم ايمن خلص
ايمن : احكيي ولا تخليني جن عليكي احكيي شوو هاد لك لك ليكي وشك ازرق
هلء ل نتبهت كنتي مخبية وشك مو مبين
سالي : (صرت ابكي اكتر)
ايمن وقف وفتح ايديه وصرخ يا الله شو اعمل شووو يا الله شو اعمل لاقدر احمي هالبنت ..
"يتبع" ....
توقعاتكم ::
بتتوقعو كيف ايمن عرف انو سيلين عايشة ؟؟
و
ليش حكالا انو ح قلك كيف عرفت بس مو هلء طيب ليه خبى عليها وقلا مواضيع سرية؟؟
بتتوقعو ايمن ح يحبا ل سالي ؟؟
*Mais Qabbani*