أسئلك بالله وش سويت فيني وش سر هالشوق اللي يجيني - الفصل 29 - بقلم فديتك h - مكتملة | روايتك

البارت التاسع والعشرين لارا : وعد فيصل : وعد لارا قامت عشان تاخذ شااور اما فيصل ارتمى على السرير وهو يتذكر احساسه لما تكلم ياسر ويفكر وش سبب هالاحساس هل هو اعجاب . حب . عشق ولا ايشش ^ ^ ^ ^ عند لولوه ووافي كانو مجتمعين بالصاله شوق بابتسامه للولوه : تروحين معي السوق لولوه ردت لها الابتسامه : مالي خلق اروح والله شوق راحت ابتسامتها : قههر ابي اروح معك جمانه : انا اروح معك شواقه شوق : ما ابي اروح خلاص جمانه بقهر : ليه شوق : عشانك بتروحين مععي .. لو بتروح معي لولوه باروح لولوه تناظر في وافي وكانها تستاذن هز راسه بالرفض لولوه : اسفه حبيبتي مره ثانيه ان شاء الله جمانه : وجع شويقه يالكلبه غلطانه اني ابي اروح معك لولوه رافعه حاجب ومبتسمه عشان تقهرها ام وافي : وافي نسيت اقلك ان تذاكر سفرككم علي وافي : شدعوه يمه انا كنت باروح بعد شوي اشتري تذاكر ام وافي : افا عليك بس بتروح بعد يومين عشان بكره بنطلع كلنا للمزرعه وافي : ان شاء الله يممه شوق : وين بتروحون وافي ناظر في لولوه وابتسم بغموض : مفاجاه شوق وقفت : لولوه تعالي ابيك بموضوع لولوه وقفت ومسكت يدها وطلعو على غرفة شوق وقعدو يسولفون (سوالف بنات) ^ ^ ^ ^ الساعه 5 العصر صحيت لولوه وهي حاسه بسكاكين تنغرز ببطنها قامت بصعوبه ودخلت الحمام (اكرمكم الله) توضت وخرجت عشان تصلي العصر بعد ماصلت نزلت تحت شافت مي وخالد وسلافه جالسين راحت جلست جنب سلافه خالد : كيف البيبي يامي (قاصد عشان سوسن) مي بابتسامه خبث : الحمد لله حبيب اممه هادي خالد : لا حبيب ابوه مي : لا حبيب امه سوسن ابد مو مركزه بكلامهم حاطه راسها على كتف سلافه ومغمضه عيونها سلافه بهدوء وهمس : سوسن فيك شي سوسن رفعت راسها من على كتف سلافه : لا بس حاسه بوجع خفيف ببطني سلافه : سلامتك سوسن فتحت عيونها ببطئ وبابتسامه : الله يسلمك حبيبتي عم الهدوء دقايق قطع عليهم صوت جوال سوسن كانت تبي تقوم من عندهم بس حالتها مو مساعده فردت قدامهم سوسن بهمس : الو .....: هلا والله بهالصوت سوسن : مين؟ .....: افا ماعرفتينـ.. سوسن : قلت مين ؟ .....: انا اللي يموت فيك سوسن : ماتشرفنا فيك .....: افا ليه ؟ سوسن : شكلك متصل تستهبل .....: تقريبا ياروحي سوسن قفلت بوجهه ورمت الجوال على الطاوله اللي قدامها خالد يبي يقول مين هذا سبقته سلافه : مين هذا ؟ سوسن وهي ترجع ظهرها لورا وتغمض عيونها : واحد يستهبل اقوله مين يقول انا اللي اموت فيك سلافه : يموت فيك كثرانين اللي يموتون فيك خالد سحب الجوال وفتح الرسايل كانت فيه رسايل مو مفتوحه من نفس الرقم وفتح السجل شافت كل المكالمات الغير مستلمه من نفس الرقم خالد بشبه صراخ : مين هذا سوسن فتحت عيونها ببطئ : قلت لكم ما ادري خالد : لا اله الا الله مالقى الا رقمك عشان يتصل عليك خلى كل البنات واتصل عليك سوسن سكتت ماتبي ترد عليه عشان ما يتهاوشون لانها تعبت من الهواش معاهه خالد : اقلك مين هذا ؟ سوسن بصوت متهدج : خالد ارحمني لوجه الله ما ادري والله ما ادري خالد رحمها وسكت مي مبسوطه بهواشهم في اثناء استمتاعها اجتها فكرهه ابتسمت بخبث ^ ^ ^ ^ لارا : فيصلوه يا التبن لا تعيدها وبعدين كيف انت تسويها قدام الناس ماتستحي فيصل : هيه لا تقولين يالتبن احترميني انا مو وحده من البنات انا زوجك لارا رفعت حاجبها : ليه ماصرت زوجي الا امس فيصل بابتسامه خبث : ايه من امس اذا تبين كل يوم اكون زوجك عادي مافيها شي لارا عضت شفتها باحراج : جد ماتستحي على وجهك فيصل ضحك على شكلها وهي منحرجه : وبعدين كيف لا عاد تسوي هالحركه .. ترا لو اسويها قدام الكون كله مايقولون لي شي لانك ببساطه زوجتي لارا قعدت حواجبها وكانها تترجاه : فيصل الله يخليك لا عاد تسويها قدام الناس انتي ماشفتهم كيف يشوفوني كاني سويت جريمه وكله منك فيصل بابتسامه : ماسويت شي مسكت زوجتي من خصرها شفيها ؟ لارا : فيها وفيها .. انت مو مع زوجتك بالحالكم عشان تسوي هالحركات فيصل بخبث : يعني عادي اسويها اذا كنت بالحالي معك لارا قلب وجهها الوان حست بحراره تجري بدمها فيصل ضحك بصوت عالي وطلع من الصاله ولما وصل عندها بصوت عالي تجهززي عالعشاء بنروح عند اهلي لارا لما سمعت صوت الباب ابتسمت ^ ^ ^ ^ طلال وسعد قاعدين مع بعض سعد : انت متاكد انه اليوم بيطلعون طلال : متاكد ياشيخ انا توصلني الاخبار كلها من وحده من الشغالات سعد : خلاص اججل نفس اتفاقنا طلال : سعد تكفى ما ابي اغلاط سعد : افا عليك بس طلال : ابتسم ^ ^ ^ ^ لولوه وشوق لولوه : شوق ممكن سؤال شوق : تفضلي لولوه : مين الجوري الله يخليك علميني كل ما سالت وافي عصب علـ.. دخل وافي عليهم لولوه انتفضت من الخوف انه سمع شي شوق بعد خافت لان وافي اذا عصب ما يشوف احد قدامه وافي ببرود : لولوه تعالي ابيك لولوه قامت وهي خايفه دخلها الغرفه وببرود : ليه تبين تعرفين مين الجوري ؟ لولوه بارتباك : آآآ ما ابيي يي اع اعرف اعرف وافي بغموض : ليه تبين تعرفين لولوه : آ ابيي آآعرف لانن الكل يقوول لي يا الجووري وسكتت وهي مو عارفه كيف جاتها هالقوه عشان تتكلم وافي : مو لازم تعرفين ولو اسمع او اعرف انك سالتي حد مابيصير طيب فاهمه لولوه بخوف : فاهمه وافي تركها وطلع من الغرفه اول ماطلع تنهدت براحه : يارب رحمتكك ^ ^ ^ ^ ^ اشجان وغنج بالجوال غنج : بكره اشووفكك في السكول اشجان : يعع مو مصدقه انو بكره بتبدا المدرسسه افف الحمد لله اخر سنه غنج : بس احسن شي سوسن مععنا بنفس السكول اشجان : انا خايفه عليها من بنات مدرستنا جد مو شايفين خير غنج : ههههههه بتلاقيها من وين ولا من وين مسكينه اشجان : باتصل عليها الحين غنج : سلميلي عليها هالكلبه اشجان : ان شاء الله غنج : سي يا اشجان : تشاوو قفلت اشجان من غنج واتصلت على سوسن سوسن ردت بصوت عالي كعادتها : الوووووووو ياكبه وحشتيني اشجان : ههه على طول ياكلبه ؟ سوسن : على طووول اشجان : سلافه تقول انك تعبانه وش فيك سوسن : والله بالصبح كان بطني يعووورني والحين اخذت بروفين وخف الالم اشجان : لا تكون الست عندك سوسن : هههه لا لاتخافين واصلا مو الحين وقتها اشجان : اها بعد احسن سوسن : بكره بتروحين السكول اشجان : ايه سوسن : انا ما ادري كيف خالد خلاني ادخل الثانوي وانا اصلا مادرست المتوسط هع اشجان : ياحبيبتي اسم خالد ال..... لحاله شهاده لك سوسن : هههه المهم بكره مين بيوديك اشجان بتفكير : افا سوسن طلعتي اذكى منني ما فكرت فيها سوسن : ههه هذا هو الواقـ.. ااه اشجان بخوف : سوسن وش فيك سوسن وهي تغمض عيونها لان الالم زاد وتحاول تكون طبيعيه عشان ماتخوف اشجان : بس حسيت بنغزه ببطني اشجان وشوي وتصيح : سوسن روحي المستشفى الله يخليك سوسن ببرود : ما ابي اروحح وش فيككم انتو اشجان : طيب من متى الالم عندك سوسن : من اسبوعين تقريبا بس كان خفيف والحين زاد اشجان : سوسن الله يخليك روحي سوسن تنهدت : طيب بس مو الحين اشجان : متى ؟ سوسن : اشجان ترا مو رايقه يلا باي اشجان : يلا باي لا تنسي وعدتيني سوسن : تيب قفلوو ^ ^ ^ ^ اليوم الثاني الساعه 6 صحيت سوسن على المنبه قامت بكسل دخلت الحمام (اكرمكم الله) بدلت ملابسها ولبست المريول كان مريولها مخصر عليها ومن قدام كله ازرار لاخر بطنها نزلت تحت كانو قاعدين كلهم يفطرون يتغير النظام بالمدرسه يصير فطورهم الساعه 6 عشان اللي بيروحون المدرسه نزلت وكالعاده باست ام وابو خالد وجلست مكانها بمرح : صباااحو للحلوين باست خد سلافه وقعدت جنبها الكل : صباح الخير ابتسم خالد انا باوديكم اليوم سلافه : وناسسه ماني احب السواقين سوسن ابتسمت لكلامها سكتت وهي تفطر ^ ^ ^ ^ اشجان بعد مالبست نزلت تحت عشان تفطر ابو اشجان : يلا بسرعه عشان ماتتاخري اشجان : ابغى افطر ابو اشجان : افطري في المدرسه يلا بسرعه عندي شغل اشجان : طيب وطلعت مع ابوها توجهت للمدرسه غيداء وحوراء غيداء بنرفزه : حوراء يالتبن قوومي وش هذا كيس نوم حشى حوراء : اطلعي وقفلي الباب غيداء بصراخ : قووومممي حوراء : طيب طيب افف ماتخلون احد ينام وقامت وهي تسب وتلعن في غيداء دخلت الحمام وغيداء نزلت تفططر غنج كانت من اول صاحيه وقاعده تستشور شعرها بعد ماخلصت استشوار نزلت لابوها ابو غنج بابتسامه : جهزتي غنج وهي تدور حول نفسها : ايش رايك بابي ابو غنج : اميره بنظظري وست البنات غنج بابتسامه : الله يخليك لي ابو غنج : بتفطرين ولا تبين الحين تروحين غنج : لا ما ابي باروح ما ابي افطر ابو غنج : يلا ^ ^ ^ ^ الساعه 7 ونص الكل وصل سلافه وسوسن اول من وصل فسخو عباياتهم وقعدو يتمشو ويسولفون بعد دقايق وصلو حوراء وغيداء سلمو عليهم حوراء : افف الحين مقومتني من نومي عشان اجي هالمدرسه المعفنه غيداء بنرفزه : انقلعي اصلا غلطانه انا اني اقومك سوسن : ههه بنات من جدككم تتهاوشون عشان هالسالفه سلافه : جد ماتستحو على وجوهككم ماتو من يفكرون بهالطريقه وانتي ياحوراء لو ماخففتي هالنومـ.. ماكملت كلامها قاطعتها غنج وهي تحط يدها على كتفها غنج بعربجه : كيفكم شباب سوسن طيرت عيونها : وش شباب ؟ سلافه بابتسامه : ههه بتتعودي اشجان اجت وهي تلهث : ياحمير مجتمعين بدوني غيداء : ماغيرك والله ماحد قلك تتاخري قعدو يسولفون فجاه سوسن تذكرت شي وبصراخ : بنات بنات البنات باصوت متفرقه : خير .. هاه .. لبيه .. وش عندك سوسن : ما ابيه اروح اليوم المزرعه غنج : ليه ؟ بنستانس اشجان : صح والله كلنا بنكون موجودين فلله سوسن : ما ابي ما احب شوق هذي سلافه : ليه شفتيها قد ؟ سوسن : ايه بالمطار لما كنا راجعين انا وخالد من سويسرا اول ماشافها حضنته وقعدت تدلعع .. وبعد تقول خلودي حبيبـ.. سكتت لما انتبهت وناظرت في البنات كانو مبتسمين غنج : اها عشان كذا تكرهيها اشجان : ههههههههههههههههههههه بطني سلافه : من جدك سوسن عشان كذا تكرهيها حوراء : غيوره سوسن : ماغرت غيداء : الا غرتي سوسن : ماغـ.. تررررررررررررررررررررررن الجرس البنات صفو وبدت الابله تقول الفصول سوسن طبعا لحالها لانها مو في ثالث ثانوي حوراء وغيداء واشجان وسلافه بفصل وغنج بفصل انقهرت غنج وقالت باقول للابله تنقلني كل وحده راحت فصلها سوسن قاعده لحالها بملل اجت بنت عندها ابتهال : وش اسمك ؟ سوسن : سوسن وانتي ابتهال : انا ابتهال تشرفت سوسن : الشرف لي راحت ابتهال جلست مع شلة بنات وقعدو يسولفو دخلت الابله عندهم مايا : السلام عليكم البنات باصوات متفرقه : وعليكم السلام مايا : كيفكم صبايا ؟ البنات باصوات متفرقه : الحمد لله .. مناح .. بخير .. نزقح مايا : استلمتو كتبكم ؟ البنات : لا مايا : اها منيح من بكره راح نبدا بالمنهج ماتنسو تحضرو البنات : ليهه يا ابله مايا : مابدي نقاش البنات سكتو هاجر بجراءه : ليه يا ابله ما نناقش المفروض من الاسبوع الجاي البنات باتييد : ايه الاسبوع الجاي .. صح لسانك .. ايه مايا : لا يا حلوين هون من تاني يوم البنات : اففف سوسن ساكته من البدايه مايا عرفوني على اسمائككم البنات بدو يعرفون لما وصلت عند سوسن ناظرت فيها سوسن ببرود : سوسن فهد ال..... البنات استغربو لان واضح انها بنت عز بس عائلتها مو معروفه ^ ^ ^ ^ غنج نزلت عند الابله المسؤوله عن الفصول غنج : يا ابله ابي انقل من فصلي سهى : ليه ؟ غنج : مو عاجبني فصلي باروح عند بنات عمي الفصل الثاني سهى عارفه اسلبو غنج العربجي : طيب روحي الفصل الثاني وانا باسجلك معهم غنج : ثانكس يا مس سهى تنهدت : الله يعين عليكم ^ ^ ^ ^ صفففرت للفسحه نزلو كلهم سوسن استغربت من نضرات البنات لها كانو كثير بنات يطالعوها بنظرات غريبه نزلو الخمس بنات مع بعض راحت لهم سوسن سوسن بنات فيه شي بشكلي غلط سلافه : لا سوسن تدور حول نفسها متاكدين غيداء : مافيك شي ليه سوسن تنهدت وهي تناظر بالبنات اللي يطالعونها وكانو بكل مكان : شوفو كيف يناظروني حسسوني اني كلي على بعضي غلط حوراء تضحك : معجبين يالخبله سوسن تنهدت براحه : افف حسبت عندهم سالفه اجت بنت واضح انها بوي من قصتها ومشيتها الجوهره : السلام عليكم سوسن : وعليكم السلام الجوهره : ممكن اكلمك شوي سوسن : طيب وناظرت في البنات وبغمزه : باروح وبرجع لكم لا تسولفون بدوني راحو لجهة البرادات وكانو البنات هناك قليل الجوهره : كيفك ؟ سوسن : الحمد لله انتي كيفك ؟ الجوهره : تمام سوسن سكتت تنتظرها تتكلم الجوهره : بصراحه انتي عاجبتني سوسن بابتسامه خفيف : تسلمي من ذوقك الجوهره : ممكن اعرف اسمك ؟ سوسن بابتسامه : اكيد انا سوسن الجوهره : وانا الجوهره سوسن : تشرفت يا الجوهره الجوهره بابتسامه : الشرف لي حبيبتي راحت الجوهره وسوسن رجعت للبنات سلافه : وش فيــ.. ما امداها تكمل الا بنت ثانيه جايه منار : هاي بنات البنات : هايات منار تناظر في سوسن : ممكن اكلمك شوي سوسن ببرود : اوك راحو منار وسوسن سلافه : هههه مسكينه رحمتها غيداء : هع الحين مين بيفكها من ذولا المفاجيع عمرهم ماشافو وحده حلوه حوراء : جد بسم الله عليها يحق لهم يخقوون وهم يسولفون عن سوسن اجت بنت وقالت لسلافه ممكن شوي فرحت سلافه قالت يمكن يتصير معجبه او شي مو بس سوسن راحت معها ندى : لو سمحتي ابي اعرف اسم البنت اللي كانت واقفه معكم وشعرها بني وفيه خصل اشقر تحطمت سلافه وبهدوء : سوسن ندى ابتسمت : اوك شكراا رجعت سلافه للبنات وهي معصبه غيداء : وش فيك سلافه : حسبتها بتقول معجبه فيك طلعت تسال عن سوسن البنات ضحكووو عليها حوراء : هههههه حلووهه وخلصت الفسحه والبنات كله يسالون عن سوسن ويكلمونها هي تعبت اول ماوصلت الفصل تنهدت : الحمد لله جلست مكانها وغمضت عيونها لان الالم رجع لها دخلو البنات وهم يغنون ^ ^ ^ ^ اخر النهار طلعت سوسن من الفصل وهي تمشي بشويش عشان الالام اللي تجي وتروح نزلت تحت وقفت من البنات حوراء : بنات شرايكم كلنا نروح مع بعض غيداء : تعالو معنا سلافه : خلاص غنج : اتفقنا اشجان : اوكي سوسن : لا والله انا تعبانه البنات كلهم بصوت واحد : وش فيك سوسن : حاسه بالام ببطني والله البنات قالو خلاص سوسن ترجع البيت والباقين روحون عند حوراء وغيداء عشان يطلعون على المزرعه مع بعض انتظرو عشان البواب ينادي اسمائهم سمعو اسم رائد محمد ال..... غيداء : اكيد ابوي قال له يجينا غنج : يلا سمعو بعده اسم : خالد ال..... سوسن ابتسمت ولا شعوريا قالت بصوت مسموع : لبى الاسم وصاحبه البنات التفتو عليها سوسن حست على نفسها : وش فيككم البنات ضحكو عليها وهي لبست وطلعت مع خالد خالد : وين سلافه سوسن : تقول بتروح مع رائد خالد : اها طيب ليه مارحتي معهم سوسن وهي ترجع ظهرها لورا : لاني حاسه بآلام ببطني خالد : تبين اوديك المستشفى سوسن : لا شكرا خالد : براحتك عم الهدوء عليهم لما وصلو البيت بدلت عشان على طول بيروحون المزرعه بعد ما تكشخت نزلت لقتهم كلهم جاهزين ينتظرونها مي : كنتي تاخرتي زياده ست سوسن سوسن : والله انا كنت ناويه اتاخر زياده بس للاسف مافي شي اسويه عشان اتاخر مي : تنكتين ؟ سوسن : لا انكت انتي ايش فيك ؟ خالد بابتسامه : خلصتو هواش سوسن : لا لسى انتظر شوي ماجاوبتيني قوليلي وش فيك الا تهاوشين خالد سكت وهو يحاول يكتم ضحكته مي : والله انا عاجبني اني اهاوشك سوسن : مع نففسسك انتي هاوشي صرصور .. وبعد كبير عليك ام خالد : خلاص يابنات اعقلوو سوسن : والله يا عمتي هي اللي بدت من اول ما نزلت وهي تبي تهاوش ادري انها تبي تحتك فيني باي طريقه عشان كذا ممشيه لها الهوشه خالد وهو مبتسم : يلا امشو