أسئلك بالله وش سويت فيني وش سر هالشوق اللي يجيني - الفصل 24 - بقلم فديتك h - مكتملة | روايتك

البارت الرابع والعشرين نوف : متعب ابوس ايديك كله ولا ابوي متعب وقف السياره بالطريف وبصراخ : وش هذي الانانيه هاه مافكرتي بموقف لولوه قوليلي .. اقولك انا حبيت لولوه بس ما سويت زيك تدرين ليه ؟ لاني فكرتت بموقفها وموقف وليد وبصراخ اكثر لاني ما ابي اضايقها ولا اضايقه .. مسح دمعته اللي نزلت نوف انصدمت من كلامه ومن دمعته متعب حرك السياره بسرعه وكانه حس بان انهزت رجولته بسبب هالدمعه وصل نوف البيت وهو حرك السياره مايدري وين يرووح ... الدكتور باستغراب : مافي اي سبب يدعي الحمى اللي اصابت المريض ام وليد : شلون يعني الدكتور : كل التحاليل سليمه مافيه شي ام وليد : طيب الحين شنسوي الدكتور : مافي الا اننا ننتطر ام وليد : طيب الدكتور طلع من عند وليد وام وليد قعدت تمسح على شعره وتقرا قران فجاه صدمها انه فتح عيونه واستفرغغ وضل يستفرغ الين حس انه ارتاح وتسند على السرير الدكتور اجا اول ماشاف المنظر حس انه مو مرض انه سحر لان اللي استفرغه كان شعر + دم ومادة لونها اسود بس ماعلق : الحين نغير له السرير ام وليد : ودوه غرفة ثانيه الدكتور : ان شاء الله غيرو غرفته والدكتور قال لهم يقرون عليه ... الساعه 2 الظهر الكل نزل على طاوله الطعام سوسن جالسه وماقاعده تاكل خالد همس لها : تبين ااكلك سوسن بتعب : لا خالد وهو يقرب منها الشربه : عشاني طيب سوسن وهي تبعد الملعقه اللي قربها منها وترض على اسنانها : قلت لك ما ابي ابو خالد بحده : خالد خلها براحتها خالد : يبه ما اكلت شي ابو خالد : خلها لو تبي بتاكل بكيفها سوسن تناظر في الصحن اللي قدامها وساكته خالد قام بعصبيه : لا مو بكيفها وسحبها من يدها بقوه حتى كانت بتطيح وتوجه للمطبخ سوسن : ااه يدي خالد سحبها من يدها اللي انحرقت خالد : علميني ايش فيك ترا انا مو مزهريه قدامك مو عاطيتني وجه سوسن باستهزاء : تعرف ليه ؟؟ وبهدوء : لانك ماتستاهل اعطيك وجه خالد مسكها من كتفها بقوه : ترا لسى ماعرفتي خالد سوسن وهي تناظر يدها اللي ماسكها : اكثر من هذا كله وش باقي خالد بتهديد : والله ياسوسن ان ماتتعدلين مابيصير طيب سوسن بضحكه : وش بتسوي ياحسره خالد وهو واصل حده اعطاها كف سوسن تناظر فيه بجمود ولا كانه صار شي وبضحكه : تتوقع بعد هالكفوف اتاثر من كثرها مااقدر اعدها خالد بعصبيه : احسن بعد عشان تتربين سوسن بحده : متربيه من قبل ما اشوف خلقتك خالد : متربيه تربية شوارع سوسن بضحكه : تربيه الشوارع تسواك وتسوى عشرر من امثالك خالد رفع يده يبي يضربها سمع صوت من وراه ابو خالد : لا اشوف يدك تنمد عليها مره ثانيه خالد ساكت ابو خالد بعصبيه : مو انت الغلطان .. انا الغلطان اللي قلت لك تتزوجها .. انا ما زوجتك هي عشان كل ماقالت كلمه ترفع يدك وبتهديد : شف والله ثم والله ياخالد ان اشوفك تمد يدك على سوسن مايصير لك طيب خالد : يبه ماتسمع كلامها ابو خالد : سمعت كلامها وسمعت كلامك ولا فيه احد يقول لزوجته تربية شوارع قول لي خالد : هي نرفزتني ابو خالد : اسكت ولا كلمه كل هذا وسوسن تناظرهم ببرود خالد : عاجبك انتي بعد ؟ سوسن ببرود وهي تمشي طالعه من المطبخ : اكرهك نزلت الكلمه عليه زي الصاعقه حس ببروده تمشي بجسمه خالد بسرعه : يبه ابي اسافر يومين مع سوسن ابو خالد : ومي ؟ خالد : بتقعد عندككم ابو خالد : بكيفك خالد بهمس : معقوله تكرهني ... لارا : اففف فيصلوه ابي اكل جوعانه فيصل بعناد : قلت لك اطبخي لنا لارا : يا اخي والله ما اعررف اطبخ تبي بيض ؟ فيصل : بيض غدا ؟ لارا : اسال نفسك تكفى اطلب لنا فيصل : اقول تعالي بس قام وسحبها وطلع من الشقه طالع للمطعم في المطعم بعد ماطلبو قعدو ساكتين وكان قدامهم عيله . الاب والام وولد وبنت الولد : مااام اي ام فيري هانقري الام : اوك انلي فايفز منت بعد 5 دقايق بالضبط قدمو لفيصل ولارا الاكل اللي طلبوه وكذلك العائلة اللي قدامهم لارا تاكل بهدوء وفيصل ياكل رفع نظره للرجال اللي قدامهم وكان يناظر لارا بنظرات غريبه والحرمه اللي معاه كان تاكل ولدها والبنت الصغيره قاعده تاكل بهدوء فيصل حس بالغيره بهمس : لارا خلصي بسرعه لارا : طيب بعد دقايق لارا بابتسامه : شبعت فيصل شاق الحلق : مستحيل لارا بنعومه : ههه شفيك فيصل راحت الابتسامه وبلع ريقه مسكها وطلع والرجال وراهم فيصل ماسك لارا وقاعدين يتمشون لارا : ههههه فصولي والله حركاتك تضحك وش اسوي يعني ولا فيه احد بهالزمن يضحك هالضحكه فيصل وعاجبه كلامها : يا اختي عليكي انا اضحك هالضحكه لارا : ههههههههه طيب طيب فيصل وهو يبتسم نفس الابتسامه اللي تعجب لارا وتضحكها وياشر على حديقه : شوفي لارا تناظر فيه ورافعه حواجبها لما ناظر فيها فرطت ضحك عليه فيصل ماد بوزه وباستهبال : انا دعلان ترا لارا وهي تقرب منه : ههههههه حبيبي فصولي لا تزعل فيصل : ايه العبي علي زي دايما حبيبي فصولي لا تزعل هذي الكلمه ماتغيرت من عرفتك لارا : ههههههههههههههههههههههههه ههههههههههههههههههههههههه هههههههههههه طيب طيب ههههههه فيصل : تعالي ندخل هذي الحديقه دخلوها وقعدو يتمشو ويسولفو ويضحكو الساعه 9 سلافه بقهر : سوسنوه ما ادري ليه احسك تكذبين سوسن بملل : والله والله ايش فيك قاعده احلف لك لو اني احلف لكافر صدقني سلافه : طيب وش كان ردت فعله سوسن : ما ادري ولا ابي ادري سلافه : سوسن من جد كرهتيه سوسن بضحكه : يا اختي اخوك موب صاحي عالطالعه والنازله تكفيخ سلافه : ههههههههههههه حلوه ذي بس تراه يحبك سوسن تنهدت : ما ابيه يحبني افف سلافه وهي رافعه حواجبها : سوسن في ايش تفكري سوسن : ابي اتطلق سلافه بشهقه : هئئ سوسن لا وش تتطلقين وتتركينا شلة الدب الفاسد والله مايصير تتركينا بعد ماتعودنا عليك سوسن : هذا هو اللي مخليني افكر زياده بالموضوع سلافه : سوسن جد تكرهين خالد سوسن : ما ادري سلافه : كيف ما تدرين تنهدت وهي تنسدح وتناظر السقف : يا اختي احس اني اكرهه فيه اشياء بس احبه بعد يعني اكرهه واحبه سلافه : طيب ليـ.. قطع عليها دخلو خالد خالد : سوسن قومي البسي عبايتك وانزلي سوسن ببرود : ليه ؟ خالد : اسالي ابوي لا تدخليني سوسن : طيب نازله سلافه بلقافه : ابوي ما قال سلافه تنزل خالد : لا ما قال سلافه : ليه كله سوسن ليه تحبونها وتكرهوني سوسن بغرور : قلتيها انا سوسن وانتي سلافه ويعع سلافه تضربها وبالغلط ضربت على يدها سوسن بصراخ : اااه خالد : يالغبيه ضربتيها على يدها سلافه : ما ادري اسفه سوسن والله اسفه سوسن تناظر في خالد ببرود : انت للحين هنا اطلع بس .. ايه نسيت انو سلافه سحبتني بيدي ولما فكيت الشاش انشال الجلد خالد طلع بدون مايرد سلافه تناظر بسوسن : وش فيك على اخوي سوسن : كلي تبن انتي واخوك قامت ولبست عبايتها ونزلت شافت ابو خالد تحت سوسن : عمي وين باروح ابو خالد : اطلعي الحين بعدين بتعرفين سوسن : ااه كل هالعايله غموض وطلعت ركبت سياره خالد ورا خالد بهدوء : تعالي قدام سوسن : ليه خالد : حلوه ذي ليه عشان نبعد عننا الشبهات سوسن بغباء : اي شبهات خالد : عشان النقاط مايقولون هذي حبيبته وناقزه ورا بعد سوسن : اي صح انا مو حبيبتك نزلت وكبت قدام تنهد خالد ومشى بسرعه توجه للمطار سوسن : افف وبعدين معاككم وش فيهه ليه جايبني هنـ.. رن جوالها سوسن : هلا رنو حبي رنا : هلا بعمري هلا بكل دنيتي سوسن بابتسامه : هلا بك حياتي رنا : كيفك ؟ سوسن : تمام وانتي ؟ رنا : تمام دامني كلمت سوسو حياتي سوسن : فديتك تسلميلي خالد : سوسن حبيبتي يلا الطياره بتقلع سوسن : حبيبتي رنا انا الحين طالعه الطياره باحاول اتصل عليك لما اوصل رنا : وين بتروحين سوسن : خالد وين بنروح خالد بهدوء : سويسرا سوسن : سويسرا رنا : طيب حياتي لا تنسين تتصلين سوسن : من عيوني قفلت وطلعو الطياره ... لارا : فيصلووه وجعع تعبت فيصل وهو يضربها على راسها ويلهث : وانا تعبت يالنشبه بس قلت نخفف وزن لارا بغرور : انا رشيقه مايحتاج اخفف وزن فيصل : احلفي انتي وذا الفيس لارا : والله انت وذا الخشمم فيصل : طييب نشوف مين يطلعك تتمشين وبعد مطلعك من الساعه 2 للحين وهذا جزاتي طيب يالارا طيب لارا :طيب انا اسسفهه بس جد جوعانه فيصل : مافي لارا : الله يخليك فيصل : اننسي قعدت تترجاه الين وافق وراحو المطعم عند لولوه قاعدين على الطاوله ريان بهدوء : لولو اذا تزوجتي لا تنسيني لولوه : لا مابنساك لا تخاف ريان : هذا كلام كل بنت قبل الزواج بعد الزواج ما عاد نشوف وجهها لولوه : لا لاتخاف عللي بانشب لكك ريان : ان شاء الله رغم احس وافي هو اللي بينشب لك لولوه ووجها احمر : ريانوه اسكت ريان بضحك : ماقلت شي كذبب لولوه : طيب طيب اسككتت ريان : ما قلـ.. ابو ريان : كل وانت ساكت ريان بزعل : تسكتوني عشانها ابو ريان : ايه نسكتك عشانها ريان : لي الله ... بعد ساعتين وصلة سويسرا كانت سوسن نايمه قومها ونزلو توجهو للشقه اول ماوصلو نااااااااااااامو توقعااتكم