الفصل 8
البارت الثامن
خالد : خلاص ذبحتوني
ام خالد : والله من فرحتنا
خالد : تسلمووون لي والله
وقعدو معاه يسولفون وكانه كان بغربه
...
عند طلال ومحمد
طلال يتصل على محمد
محمد : هلا طلال
طلال : خالد طلع من اللي سويناه كله
محمد : مسررع كيف عرفت
طلال : ههه افا عليك الاخبار توصلني اول باول
محمد : طيب يعني انتهى موضوعهم
طلال : هههه حلوه انتهى عاجبتني بس لا تعيدها لا اتوطى ببطنك
محمد : اجل شبتسووي ؟
طلال : ولا يهمكك هذي بداية الخير والله لخليه ينندم على اليوم اللي عرف فيه سوسونتي
محمد : طلال شكلك بتدخلنا بمشاكل خلاص خلهم بحالهم
طلال : حميد تبي تساعدني ياهلا بك ماتبي تساعدني فيه غيرك
محمد : اكيد باساعدك الله يعينني والحين سلام باروح اخذ شوور
طلال : سلام
قفل وقعد طلال يفكر بخطط
...
نرووح لشخصيه من زمان ما انذكرت بالروايه
نوف
ينطق باب غرفتها
نوف : تفضل
دخلت عندها رغد
رغد : نوف يقولك متعب تنزلين يبيك بموضوع
نوف : طيب
ونزلو الثنتين
متعب : نوف بما انك اكبر من باقي اخواتك باخذ رايك بموضوع
نوف : موضوع شنو ؟
متعب : لارا اجو لها خطاب وابي رايك
نوف : انت سالت عن الولد
متعب : ايه والله ماخليت مكان ماسالت
نوف : اجل القرار قرارها انا مالي دخل
متعب : كيف مالك دخل مو هي اختك
نوف : اختي بس انا مالي ومالها
متعب : الله يهديك وطلع من البيت
نوف : الله يهديني ؟ ليه شايفني مجنونه استغفر الله بس ناس متخلفين وطلعت غرفتها
اما لارا كانت تسمع الحوار
وطلعت بسرعه عند يارا
كانت يارا تبي تنام
لارا فتحت الباب بعربجه وصرخت : يااااغبيهه فاتك نص عمرك
يارا : وش فاتني
لارا وهي تجلس على السرير : اجو لي خطاب
يارا : كذابه
لارا وهي تغمض عيونها : والله يعني باحلم اليوم فيه جاي على الفرس البرتقالي يااااااي
يارا : هههههه امحق فرس برتقالي
لارا : الا اقول يا نسختي لو رحت بتضلين لحالك بعدي والله لا مابخليك لحالك
يارا : مين قالك باقعد انا باهج وراك مع فارس احلامي اللي جاي على الفرس التركوازي ياااه عجب عجاب
لارا : هههه والله وناسه بعدين لما ابي اروح تصيحين وتسوين مناحه واااي يافرحتتي
يارا ترميها بالخداديه : يافرحتك وانا اصيح هاه
لارا ترجع لها الخداديه بوجهها : اي اجل احززن
يارا : حشا ما انتي اختي عدوتي
لارا : ياااه اتخيل اكون عدوتك والله وناسه
يارا : غلطان من يسمع لكك انتي وخطيبك المعفن
لارا : بدينننا من الحين ترا والله ثم والله ثم والله لانسيك ملامح وجهك وما ادري تذكرين اسمك ولا لا
يارا : طيب ابي انام لو سمحتتي قفلي النور والباب يلا
لارا : لالالا انا مافيني نوم لا تنامين
يارا : واذا مافيك نوم وش اسوي لك انا
لارا : دام ربي ابتلاني انك طقمي اسهري معي
يارا : مع نفسسسك بقوه بعد
لارا : افف والله انك سخيفه وطلعت من الغرفه
ويارا قعدت تضحك على اختها وحبيبتها
...
نروح عند لولوه وريان
رايحين الملاهي
ريان : نلعب هذي واش بايده على لعبه
لولوه : لا حبيبي انا مو بايعه نفسي
ريان : ههههههههه تمسكي فيني
لولوه : لالا ما ابغى
ريان : طيب هذي
كانت لعبه تخوف بس مو قد اللي قبلها
لولوه : يلا
وراحو يلعبونها
ولولوه متمسكه في ريان
اثناء ماهم يلعبون حصل عطل باللعبه وصارت تتحرك بشكل عشوائي وبسرعه
وكل اللي كانو باللعبه يصارخون
فجاءه طاحت اللعبه
وكل اللي بالملاهي اجتمعو حول اللعبه وطلعو اللي فيها بس كانو كلللهم مصابين وحالات وفاه واغماء
...
خالد وهو قاعد بينهم حس بضيقه
خالد ابي مويه
راحت سوسن تجيب له مويه
وشرب بس ماراحت الضيقه تاكد انه فيه شي صاير
خالد : باروح اتصل على الشباب
راح اتصل عليهم كلهم وطبعا كلهم مايردون
تذكر خويه اللي مساففر (ريان) اتصل على رقمه طلع مقفل
خالد : ان شاء الله خير وراح عند اهله يكملو سوالفهم
...
تهاني تتصل على لارا
لارا : هلا توتو
تهاني : لارا فيكم شي
لارا : لا مافينا شي انتو فيكم شي
تهاني : لا كلنا تمام
لارا : انا حاسه بضيقه بصدري وخايفه يكون احد غالي صار له شي
تهاني : والله نفس حالتي ان شاء الله مو صاير شي
لارا : ان شاء الله يلا سلام
تهاني : سلام
راحت لارا لعند يارا
لقتها صاحيه
لارا : للحين صاحيه
يارا : مو قادره انام حاسه انه فيه شي صاير
لارا : لا تكفين لا تحسين احساسك دايم يصدق حسي انو مافي الا الخير
يارا : والله ما ادري
يلا ننام
ونامو لارا ويارا بعد فتره من الحوسه بالسرير
..
كان كل العيله حاسين انه فيه شي بس ساكتين
...
نروح عند سوسن
خالد : انا طالع انام ومسك يد سوسن
ام خالد : نوم العوافي
اما الشباب راحو كل واحد راح بيته
ام خالد طلعت تنام سلافه طلعت تنام
بغرفه خالد وسوسن
دخل خالد وهو ماسك يد سوسن
سوسن : خالد يدي باقي ابغاها
خالد : هههه اسف ما انتهت
سوسن : خالد انت زعلان مني
خالد : وليه ازعل من حياتي لا تكون بس سوت شي من وراي
سوسن : على موضوع طلال
خالد : هههه ماعاش من هو يخليني ازععل من قلبي وروحي وحياتي
هنا سوسن فطست من الخجل
خالد انتبه على خججلها وقعد يضحك
...
اليوم الثاني
الساعه 9
عند وليد
تهاني : ولود تكفى دق على لولوه من امس وانا حاسه بضيقه
وليد : حتى انتي ؟ انا بعد امس الساعه 11 حسيت بضييقه وما ادري ايش السبب تتوقعين صار لهم شي
تهاني بخوف : لا تخوفني تكفى ان شاء الله مافيهم الا العافيه
اتصل على جوال ريان ورد
وليد : سلام ريان
....: السلام عليكم ورحمة الله وبركاته انا مو ريان اخوي
وليد : وعليكم السلام والرحمه اجل مين يا الحبيب
....: انا دكتور بمستشفى ال........
وليد اتسغرب انه يتكلم بالعربيه بس سكت
وليد : ليه عسى ماشر اخوي
....: انت ايش تقرب له
وليد بكذب : اخوي
....: والله اخوك واختك كانو يلعبون في ملاهي ال...... وحصل عطل باللعبه وطاحت والحين الله اعلم بحالتهم
وليد قام من على الطاوله : نععم طيب احنا ساعتين بالكثير ونكون عندككم
.....: ننتظرككم لانه لازم نقول لكم عن حالة المريض
وليد : ان شاء الله اخوي
وقفل
وليد : تهاني لولوه وريان بالمستشفى انتبهي احد يعرف من البنات وانا راح اخبر الشباب وبنروح لهم
تهاني : طيب تكفى خلني اروح معك
وليد : تهاني تكفين لا تعطليني وانا باعطيك الاخبار اول باول
تهاني : ان شاء الله
وليد طلع البيت بسرعه واتصل على متعب
متعب : هلا وليد
وليد : متعب اسمع اذا عندك احد من البنات لا تبين لهم
متعب : ليه
وليد : ريان ولولوه في المستشفى انا باروح احجر التذاكر لنا وللشباب كلهم
متعب : طيب انا الحين اخبر الشباب
وليد : يلا سلام
متعب : سلام
متعب بدوره اتصل على خالد
خالد : هلا متعب م امس ادق عليك وماترد حاس بضيقه وخفت صاير لكم شي
متعب : للاسف احساسك صادق ريان بالمستشفى
خالد : نععم
متعب : هذا اللي صار انت لحين اطلع من البيت وروح للمطار وليد بيحجز لنا تذاكر الحين
خالد : طيب باكلم الوالده وبطلع
متعب : طيب سلام
خالد : سلام
خالد نزل لعند امه سوسن
خالد : يمه انا رايح بريطانيا الحين
ام خالد : بسم الله عليك ليه ياولدي
خالد : واحد من الشباب في بريطانيا بالمستشفى
ام خالد : اها ان شاء الله مافيه الا العافيه
خالد : ان شاء الله
وناظر بسوسن
خالد : انتبه لنفسك سوسن
سوسن : ان شاء الله
سلم عليهم وتوجه للمطار
كل الشباب اجتمعو
راكان : وليد متى الحجز
وليد : بعد نص ساعه
الكل كان منتظر مرت النص ساعه كانها دهر بالنسبه لهم
ركبو الطياره وتوجهو لبريطانيا
ساعتين مرت بالطياره ووصلو بريطانيا
كلهم راحو على المستشفى
الدكتور : ريان ال..... تجاوز مرحلة الخطر وحالته مستقره الحمد لله
وليد : الحمد لله طيب لولوه
الدكتور : لولوه ال..... للحين مالقينا منها اي استجابه
وليد : يااارب رحمتك
الدكتور : لا اوصيك يا اخوي بالصبر
وليد اكتفى بهز راسه للدكتور
الساعه 2 الظهر
نوف : لارو تروحين معي السوق
لارا : اكيد وش هالسؤال
يارا : وانا بتخلوني لحالي
نوف : روحي معنا
يارا : بعددي اختي اللي تحس فيني
نوف : ههه يلا قومو
وراحو مع السواق
وهم يتمشون
اجا واحد ورمى على يارا رقم
لارا : هههه فاضي الظهر يرقم
نوف : هههه اي والله
يارا : يممه لارا وش اسوي
لارا سحبت الرقم منها وقطعته ورمته ومسكت ايدها وسحبتها
سامي راح عند فيصل
سامي اللي رقمهم
وفيصل اذا مانتم ناسين بالتعريف اخو تهاني ووليد
سامي : لقيت لك 3 بنات يطيحون الطير
فيصل : تكذب
سامي : والله ما اكذب
راح فيصل مع سامي
وراحو نفس المكان اللي فيه لارا ويارا ونوف
نوف كانت بجهة المناكير تدور على لون فوشي
ولارا ويارا عند الاكسسورات
فيصل : اعطونا وجه
لارا لفت عليه وعرفت انه فيصل
وفيصل عارفهم بس مو داري مين هم
لارا بضحكه سخريه : هههه فيصل توصل فيك الحقاره تتحرش ببنات عمك
فيصل تتوهق بس حس بعصبيه من طريقة كلامها
فيصل : احترمي نفسك والله الحين من شعرك للبيت
لارا : لا عاد بصراحه جينتل مان تستقوي على بنات ههه وناظرت فيه من فوق لتحت وقالت بسخريه : يا ولد العم ومسكت يارا وسحبتها وراحو عند نوف
ولارا بتصيح من القهر ماتوقعت ولد عمها لهالدرجه واطي
نوف انتبهت لها
نوف : لارو وش فيك احد تحرش فيك
لارا : ولد عمك
نوف : مافهمت انتظري خليني اخذ اللي شريته واشرحي لي
بعد ما اشترت نوف مناكير طلعو من السوق وركبو السياره
نوف : وش صار
لارا : فيصل الواطي
نوف تعرفت حركات فيصل
نوف : فيصل حركاته ماتخلص لازم نتحمله
لارا بعصبيه : نوف حركاته ماتكون مع اهله
نوف : طيب هدي حبيبتي
لارا سكتت وهي تبي تنفجر من العصبيه
...
تهاني تتصل على يارا
تهاني : هلا يارا انتو بالبيت
يارا : لا انا ولارا ونوف طالعين السوق
تهاني بصراخ : يا خاينااات
يارا : ههههه انا ما اتدخل هم ما قالو نمر لتهاني لا تدخليني بالموضوع
تهاني : وجع نعم وجع مليت لحالي وانتو تفرفرون بدوني ما انتم بنات عمي
يارا : ههه طيب الحين نمر عليك
ومرو على تهاني وراحو سوق ثاني وطبعا مافي اسواق تخلو من المغازل والترقيم
...
نرجع لفيصل
فيصل : والله لاوريها كيف تتكلم معي بهالطريقه الحقيره
سامي : الحين انت من جدك قاعد تتحرش ببنات عمك ابوك وش بيسوي فيك
فيصل : هذا هو اللي خايف مننه لو تعلمه لارا عني بيحرمني من الفلوس وبيوقف حسابي
سامي : تستهبل كيف يوقف حسابك بدون بطاقتك
فيصل : يا غبي من متى احنا ناخذ بطايقنا كل شي عند ابوي
سامي : افا تهقى تعلمه ؟
فيصل : والله لارا تسويها
سامي : اسمها حلو
فيصل : احلف ؟
سامي : والله
فيصل : اقول فكر معي بحل لهالمشكله
سامي : تزوجها
فيصل يضرب سامي على راسه بخفيف : وش اتزوجها انت تعرفني اموت بالبنات تبيني اتزوجها وابتلش بالبيت
سامي : مين قالك كذا انت بتزوجها عشان تسكت وماتعلم عليك ابوك وتقدر تطلع وتخرج متى ماتبي من متى البنت لها كلمه عندنا
فيصل : تهقى ؟
سامي : اهقى ونص
فيصل : ما ادري بافكر بالموضوع
...
عند وليد والشباب
نزلو الشباب يجيبون لهم عصيرات
ووليد واقف عند غرفة ريان وتفكيره في لولوه
راكان : وليد تبي عصير
وليد : هات واخذ عصير وقعد يشرب
راكان : ان شاء الله ما فيه الا العافيه
وليد : انت سمعت الدكتور يقول تجاوز مرحلة الخطر انا خايف على لولوه
راكان بشك : تحبها
وليد ناظر في راكان
وراكان مبتسم لوليد وكانه يقول انا بير اسرارك
وليد : ايه يا راكان احبها والله احبها بس هي ما ادري تخيل اني اغار من اخوها عليها
راكان : تغار من ريان يادوب ههههه
وليد : مو بيدي والله
راكان : ان شاء الله انها بخير
وليد : الله يسمع منك ياراكان
شافو الدكتور داخل غرفة ريان وبعد 10 دقايق تقريب خرج وعلى وجهه ابتسامه
وليد : بششر يادكتور
الدكتور : اخوك بصحه وسلامه راح يصحى بعد نص ساعه عشان تاثير البنج
وليد ابتسم وكانه مو مصدق : الحمد لله يارب الحمد لله
اجو الشباب لما شافو وليد يكلم الدكتور
خالد : هاه بششر يادكتور تكفى لا تقول خبر شين طلبـ..
الدكتور قاطعه : خويكم تمام وراح يصحى بعد نص ساعه
كلهم من الفرحه صارو يحضنون بعض ويحمدون الله
بعد ماراح الدكتور
خالد : عشاكم على حسابي اليوم بمناسبه سللامته
متعب : متاكد ولا بعدين تسحب علينا
خالد : وش محسبني متعب انا قلت كلمه وما اعيدها
راكان : ترا زوجتك ذبحتني تتصل علي تقول وش فيه خالد مايرد خايفه عليك يادوب كل 5 دقايق تتصل
متعب ووليد : اي والله صح نسينا نبارك لك
خالد رافع حواجبه : تو الناس كان انتظرتو شوي
وليد : ههه السموحه منك
خالد : جوالي عالصامت ومن زمان ما شفت خلقته هع
طلع الجوال من جيبه وانصدم كانت 103 مكالمات لم يرد عليها و45 رساله غير مقروءه
حط الجوال قدام راكان
راكان شهق : هئ ماشاء الله وش ذا كله والله لو انك اليزابيث ما كان كل ذي المكالمات بجوالك
ضربه خالد على كتفه : تشبهني بمره الله ياخذك
راكان : بس تشبيه وش بك يا اخي
خالد : لا تشبه
متعب : كم فيه مكالمه
راكان : 103 و45 رساله
متعب : امااا عاد من مين
خالد : من حياتي
وراح وخلاهم يبي يتصل على سوسن
سوسن اول ما شافت ..خلودي يتصل بك..
ردت
سوسن بلهفه : الو خالد وينك ليه ماترد خوفتني عليك
خالد استانس انها خايفه حب يخوفها زياده
خالد حاول يغير صوته وخشنه : الو اختي
سوسن بخوف : هذا مو جوال خالد
خالد بنفس خشونه الصوت : الا جوال خالد بس خالد بالمستشفى وبين الحياه والموت
سوسن : نععم ليه وكيف ومتى وش فيه وش صار عليه امانه قولي وش فيه
خالد ماعاد استحمل وقعد يضحك بصوت عالي
سوسن : خالد
خالد باقي يضحك : هلا ياقلبي انا خالد
سوسن : ليه تسوي فيني كذا حرام عليك وقفلت الخط بوجهه
خالد : ههههههههههههههههه يممه بطني وراح عند الشباب وهو يضحك
يوسف : وش فيك تضحك
خالد قال لهم كل شي
بندر : حرام عليك هي جزاتها خايفه عليك
خالد : ههههههههههههههههههههههههه هههههه وش اسوي قلت اجرب
محمد : انا لو مكانها ادخل من التلفون واتوطى ببطنك بذمتك هي حركه
راكان : شباب وش فيك عادي هذا حب اخر زمن
خالد : علمهم يا اخوي ابد مايفهمون
مالك : هههه والله حركه باسويها مع زوجتي لما اتزوج
خالد : احلف
مالك : والله
رائد : روح راضيها لعنبو دارك بعدين تسويها مشكله على راسك
خالد : رائد يالحبيب زوجتي مو من هالنوع اول ما اوصل راح تحظني وهي ناسيه كل شي
راكان : هههه واثق اخونا
خال : اكيد ههه
...
نروح عند سوسن
سوسن : سلافه اتصلي على البنات خليهم يجونا
سلافه : طيب اتصلت عليهم كلهم وقالو بيجوون مع السواق
واجو اجتمعو البنات
سوسن : بنات فاتكم اليوم خالد سوا فيني مقلب
سلافه : وش صار
سوسن حكت لهم كل شي
غنج : بصراحه تستاهلين
حوراء : بعدي خالد عرف لك
غيداء : ههههه حلوه عادي مو من حقك تزعلين انتي قلتي بنفسك مقلب
بسنت : لا هذولا ماعندهم ماعند جدتي لازم تردينها له
سوسن : بعد قلبي اللي تفهمني كنت باقول ابي اردها له بس مو عارفه كيف
ليام : هذا اللي تبينه ؟
اشجان : موضوعك انتهى علينا احنا
سوسن : فديتكم يادوبات
جلنار : افا عليك شلة الدب الفاسد كلنا يد وحده
سوسن : بذمتكم هذا اسم شلة الدب الفاسد ؟
غنج : اجل وش تبينا نسمي شلتنا
سوسن : مدري
سلافه : ههههه لا حلو الدب الفاسد
غنج : حلو الدب الفاسد
وكملو سوالفهم
...
نروح لفيصل
راح لعند ابوه
ابو وليد استغرب بس سكت : هلا ولدي
فيصل : هلا يبه شلونك
ابو وليد : زين وانت كيفك ؟
فيصل : تمام الحمد لله
ابو وليد : الله يديم الحال
فيصل : يبه ابي اتزوج
ابو وليد : تبي تتزوج بشرط
فيصل : وش هو
ابو وليد : تترك حركاتك انا ما ابي اضلم بنت الناس
فيصل سكت لانه مايقدر يكذب على ابوه
ابو وليد : ياولدي والله مابتستفيد من هالطريق غير دعوات بنات الناس عليك
فيصل تذكر سلمى
سلمى بالسياره وتصيح
فصل حن قلبه عليها : خلاص سلمى لا عاد تصيحين
سلمى وهي منهاره : ما اصيح وانت اخذت الى ما املك ما اصيح بعد تقول ما اصيح وكملت صياح
حل الصمت عليهم بعد فتره
فيصل : انزلي وصلتي بيتك
سلمى بصياح : الله لا يسامحك الله لا يسامحك ودخلت البيت وهي تردد الله لا يسامحك
نرجع للواقع
فيصل : ان شاء الله يبه
ابو وليد : ابيك توعدني
فيصل : وعد يبه ..قالها وهو مغمض.
ابو وليد : مين هي اللي تبي تتزوجها
فيصل : لارا بنت عمي
ابو وليد : ان شاء الله باكلم اهلها
فيصل : تسلم يبه
وطلع وراح لخويه سامي
سامي : هاه بشر وش قال ابوك
فيصل : اذا تزوجتها ماعاد باقدر اخاويك
سامي : ليه ؟
فيصل : انا وعدت ابوي اتوب عن هالحركات
سامي : وبتترك
فيصل : اكيد انا ما اقدر اكذب على ابوي
سامي : هههه هذا حالككم كلكم خوافين
فيصل : مو خايف بس اني اكذب على ابوي مستحيل
سامي : انت الخسران موب انا
فيصل : طيب الحن انا باروح البيت
سامي : سلام
راح فيصل
وسامي راح بيتهم
...
محمد : متى بتبدا الخطه
طلال : انتظر خل الوضع يهدى شوي
محمد : بكيفك
...
في بريطانيا
الشباب دخلو على ران وكان صاحي
وليد : سلام ريان كيفك الحين
ريان : الحمد لله بس شوي الام
راكان : سلامتك ماتشوف شر
ريان : الشر ما يجيك
علي : خوفتنا عليك
ريان : اتغلى ههه
بندر : سلامتك
ريان : الله يسلمك
مشاري : فاتتك علوم وعلوم
ريان : وش فاتني
محمد : مابنقولك الين تقوم بالسلامه
يوسف : عشانا اليوم على حساب خويلد هو قال
خالد : يلعن النشبه ياشيخ قلت خلاص العشا علي ترا بابطل ذبحتوني كل دقيقتين العشا عليك انت قلت
متعب : لالا الصدق انك قلت احنا مانكذب
ريان : ههه خالد الله يعينك اليوم بتتمنى ان الكلمه ماطلعت منك
خالد : ههه شكلي والله
ريان : كيف لولوه
كلهم سكتوا
ريان : لولوه فيها شي
وليد : مافيها شي لا تخاف
ران : اجل ليه سكتو
وليد : ماتعرف اخوياك يموتون عشان يخوفون الواحد
ريان : خوفوني والله
وكملو سوالف
كانت لولوه على حالتها
وكان فيه عيون تناظرها من القزاز
بعد شوي دخل عندها الدكتور وبعض الممرضات
الدكتور خرج من الغرفه
.....: كيفها الحين
الدكتور : الحمد لله هي بخير بعد 12ساعه راح تقوم ان شاء الله
.... بفرحه : شكرا دكتور
الدكتور : العفو
...
تهاني رجعت البيت بعد تعب الاسواق
ونوف ولارا ويارا رجعو البيت
متعب يتصل على نوف
متعب : السلام عليكم
نوف : هلا متعب
متعب : هلا نوف كيفكم
نوف : الحمد لله كلنا تمام متى بترجع ترا تهاني قالت لنا انكم مسافرين بريطانيا تسافرون بدوننا هاه
متعب: ههه انا باقلك السبب
نوف : قول
متعب : لان ريان ولولوه كانو بالمستشفى والحين هم تحسنو وبكره راح نرجع كلنا
نوف : اها كيفهم الحين
متعب : الحمد لله كلهم تمام
نوف : الحمد لله يلا سلام
متعب : سلام
نوف قفلت وقال للارا ويارا
لارا : احسهم كذابين ماتحسنو لسى بالمستشفى
يارا : نفس احساسي
نوف : اقول يالطقم اسكتو ماعندكم سالفه لولوه وريان تمام
يارا : كانها سبتنا ؟
لارا : لا قاعده تمدحنا
وقعدو يكملو سوالف
مين اللي كان عند غرفة لولوه ؟
لارا هل راح توافق على فيصل ؟
نوف وتغيرها من ناحية اخواتها ؟
ريان وتهاني ؟
سوسن وخالد ؟
لولوه ووليد ؟