الفصل 7
البارت السابع
خالد دخل على سوسن لقيها على نفس وضعيتها (ايدينها على وجهها وماينسمع غير شهقاتها)
راح لعندها
خالد : سوسن حبيبتي اهدي والله ما اتحمل اشوف دموعك
سوسن : .....................
خالد : اليوم المفروض تفرحين ما تصيحين
خالد لما تاكد انها مستحيل ترد عليه طلع من الغرفه ونزل الصاله
فتح التي في على فيلم
نزلت ام خاالد
ام خالد : وش فيكك قاعد هنا
خالد "ياربي الحين شقول لها" : سوسن تعبانه حيل ونامت وانا مافيني نوم
ام خالد : خالد انت عارف انك تكذب على الدنيا كلها ولا تكذب علي انا امك واعرفك
خالد نزل عينه على الارض وواضح عليه الهم والحزن
ام خالد : انا اعرف كل شي انا كنت جالسه مع ام طلال وحكت لي
خالد يناظر فيها يحاول يفهم وش تبي تلمح له
ام خالد : خالد اتركهها والله ماراح تجيب لك الا الهم والغم
خالد : يمه اول شي اجلسي
بعد ماجلست
خالد : يمه انا ولدكك واكيد تبين لي الفرحه وماتبين لي الضيقه والله يمه بعد سوسن هو ضيقتي انا ما ابيها تحبني بس تضل معي
ام خالد تضايقت انو اللي حبها سوسن لانها مو من مستواهم بس فرحت انو ولدها بيفرح بقربها
ام خالد : الله يسعدكم ماعاد بيدي شي وانتبه من طلال شكله ناوي نيه ماهي بزينه
خالد : كيف يمه مافهمت
ام خالد : انت عارف انه قبل ماتتزوج سوسن كانت هي تموت بطلال وطلال كان يعشق التراب اللي تمشي عليها سوسن وبعد مابعدت عنه حالته تدهورت وامه تقول انه كان ينام ويصحى ومافي بلسانه غير كلمة والله لاخليك تندم يا خالد
خالد : طيب كيف عرف اسمي
ام خالد : اكيد من ابوها
خالد بضييقه الدنيا كلها : ااااااااااااااه يممه
ام خالد : بسم الله عليك من الآه لا تخاف سوسن راح تحبكك صدقني
خالد : ياليت يمه
ام خالد : الحين روح نام وان شاء الله راح تحبك
خالد : طيب وطلع للغرفه ينام
ام خالد بضيقه : ما توقعت راح نناسب من هالمستوى لاكن الله يسعدكك
وطلعت فوق
..
اليوم الثاني
عند ريان ولولوه
ريان : باتصل على الشباب عيب مانتصل ونشوف اخبارهم
لولوه : والبنات بعد اشتقتلهم
ريان : طيب اتصل على متعب
متعب : هلا والله باهل بريطانيا
ريان : ايه ما عاد اتكلم الا اني كنت ببريطانيا
متعب : هههه كل ذي همجيه
ريان : تقدر تقول
متعب : هههه كيفك يا ابو متعب
ريان : كثر لي منها اما ابو متعب
متعب : ليه عسى ماشر ماتبي تسمي فيني
ريان : والعياذ بالله
متعب : هههه طيب كيفك ؟ بتردد : وكيف لولوه
ريان : الحمد لله كلنا تمام امسك كلم لولوه
متعب بارتباك : هلا لولوه
لولوه : هلا متعوب
متعب : ههه كيفك ؟
لولوه : الحمد لله البنات عندك ؟
متعب : خذي يارا
يارا بهدوء : هلا لولوه كيفك اشتقتلك
لولوه بصراخ : يااااروو اشتقتلك موت موت موت يا دوباا
يارا : هههه انا اكثر كيفك ؟
لولوه : الحمد لله تمام كيفك انتي
يارا : الحمد لله لما سمعت صوتك
لولوه : فديتك اعطيني لارا
يارا تمد الموبايل للارا
لارا بعربججه : ارحبووووووووووووووووووووو ووووووووووو
لولوه : ياهلا والله اشتقتلك
لارا : انا اكثثثر والله
لولوه : فديتكك كيفك ؟
لارا : الحمد لله وانتي ؟
لولوه : تمام ياقلبي عندك نوف ؟
لارا : لا موب عندي خذي فهد ازعججني يبي يكلمك
لولوه : ههه هاتي خليني اكلمه
فهد : هلا باللي لفاني يا هلا به
لولوه : هلا والله باميرر العيله
فهد : احم احم ادري هلا بك
لولوه : ههه كيفك ؟
فهد : الحمد لله وبسرعه لولوه طلبتك طلبتك قولي تم
لولوه : تم
فهد : ابي دباب جديد اللي عندي اقدم موديل تكفين
لولوه : بس ؟ نجيب لك احلى دباب كم عندنا فهد احنا
فهد بفرحه : صدددق ؟
لولوه : والله اجيبلك انت حبيبي
فهد : واااااه ثانكيووو
لولوه : ههههه ولكم عندك سديم
فهد : لا بغرفتها تلعب
لولوه : اجل باي سلم عليهم كلهم
فهد : لا تنسين الدباب
لولوه : ههه من عيوني يلا باي
فهد : باي
ريان : افف مابغينا نقفل رصيدي راح
لولوه : هههه اتصل على تهاني اشتقتلها
ريان بربكه واضحه : ها لالا بعدين تهاني والباقين
لولوه : ههه ريان ايش فيك ؟
ريان : باقلك بس ما ادري اللي اسويه صح ولا غلط
لولوه : قول وانا اعلمك صح ولا غلط
ريان : بصراحه انا احب تهاني وهي ما ادري تحبني ولا لا وخايف اتقدم وترفض
لولوه : حركااات روري صار يحب
ريان : على اخر عمري اصير روري
لولوه : ههه خلاص انا با اجس لك النبض واشوف اذا هي تحبك ولا لا
ريان : كيف ؟
لولوه : شغل بنات لا تدخل فيه
ريان : ههه طيب
لولوه : الحين يلا اتصل
ريان : طيب واتصل على وليد
وليد : هلا والله باهل بريطانيا وحشتونا
لولوه بهمس لريان : افتح سبيكر
وفتح السبيكر
ريان : ههه هلا باهل السعوديه كلهم واحنا اشتقنالكم
وليد : كيفك وكيف لولو
لولوه "يالبى لولو منك"
ريان : احنا تمام كيفكم انتو ؟
وليد : كلنا تمام ناقصنا طلتكم
ريان : هههه طلتنا بعد 3 ايام ان شاء الله
وليد بفرحه : احلف ؟
ريان : ههه والله كل هذا اشتياق
وليد : اكيد مو لخشتك
ريان : اجل لمين ؟
وليد انتبه على كلامه وسكتت
ريان : وليد معي
وليد يفكر بكذبه يقولها : ايه معك
ريان : بتشتاق لمين يعني
وليد : باشتاق لملابسك قد لي 3 ايام ما لبست منها
ريان : ههه وانا اقول
لولوه عرفت انه يكذب وابتسمت
ريان : هاه خذ سلم على لولوه
لولوه : هلا وليد
وليد : هلا لولوه كيفك ؟
لولوه : الحمد لله وانت كيفك
وليد : الحمد لله بعد ماسمعت صوتك
ريان بهمس للولوه : انا بانزل اجيب موكا تبين معي
لولوه هزت راسها بنعم
وليد : فكرتي باللي قلته لك
لولوه : ايش اللي قلته لي
وليد : بالحديقه
خرج ريان من البيت ولا فكر يسمع كلام وليد ولولوه لانه باختصار يثق فيها ثقه عمياء
لولوه : لا ما فكرت اعطيني تهاني لو سمحت
وليد : براحتك خذي تهاني
تهاني : الو مين
لولوه : حياااااااااااااااااااااات ي قلبي عمري روحي اشتقتلك موووووووووووووووووووووووو ووووووووووووت
تهاني : لولوه ياقللبي والله اشتقتلك انا اكثر خلاص ارجعي باقلكك اشياء صارت مععي
لولوه : وانا بععد اشياء كثيره صارت ممعي وفرحانه موووت
تهاني : الله يسعدك دوم
لولوه : وياك نسيت اسالك كيفك ؟
تهاني : الحمد لله وانتي ؟
لولوه : الحمد لله رغد عندك ؟
تهاني : ايوه خذيها
رغد : هلا والله لولوه
لولوه : هلا والله كيفك اشتقتلك
رغد : وانا بعد اشتقتلك مووت
لولوه : كيفك حبيبتي
رغد : تمام وانتي ؟
لولوه : تمام الحمد لله يلا الحين مع السلامه سلميلي عليهم كلهم
رغد : طيب وقفلت
..
عند سوسن صحيت وراسها بينفججر والم في بطنها وظهرها
خالد انتبه لحركتها قام شافها ملتويه وايدها على بطنها
خالد تذكر شكل سلافه لما تجيها الشهريه وابتسم
قام عند سلافه وقال لها
سلافه دخلت بدفاشه شافتها على حالتها قعدت تضحك لانو نفس الشي صار معها
سوسن : استغربت من ضحكها
سلافه : قومي قومي
سوسن : وين ؟
سلافه : تعالي بس
دخلتها الحمام (اكرمكم الله) وعلمتها كل شي وسوسن تتمنى الارض تنشق وتبلعها من الاحراج
..
خالد اول ما سلافه دخلت عندها هو نزل وقال للخدم يسوون شربه
بعد ماجهزت الشربه اخذها وطلع لغرفتهم
وهو يبي يدخل طلعت سلافه تضحك
خالد : ايش بك
سلافه : فديتها منحرجه
خالد ابتسم : طيب وخري
سلافه شافت الشربه : يحليلي ماحد يشربنني شربه لما يصير معي كذا وانت من بدايتها
خالد : سوسو غير وخري بس خليني ادخل
سلافه : طيب وراحت غرفتها
خالد دخل عندها قالها تلعب باظافرها وهي جالسه على السرير
قرب من عندها وحط الصحن على الطاوله وجلس
خالد : كيفها قلبي اليوم
سوسن : ..............( للحين مستحيه )
خالد : هههه طيب يلا الحين باكلك بايدي
سوسن : خالد انا باكل
خالد : مين قال لك باخليك انا اللي باكلك
سوسن برجاء : تكفىخلني انا اكل ما احب احد ياكلني
خالد : ماتحبين بس راح تحبين بعدين يلا يلا بلا دلع
اكلها شوي
سوسن : شبعت
خالد ما كانه سمعها ياكلها
سوسن : خالد بتموتني خلاص شبعت
خالد ياكلها ولا كانه يسمعها
سوسن استسلمت له وقعد ياكلها وهي ساكته
بعد ما خلصت الشربه
سوسن مسكت بطنها : ااه حرام عليكك
خالد : ههه يلا نامي الحين
سوسن : طيب
ونامت
تابع
الساعه 5 العصر صحيت وكالعاده خالد يناظر فيها
سوسن "تبي تقول خالد ممكن سؤال" : طلال ممكن سؤ..وحطت ايدها على شفايفها
خالد تنهد وطلع من الغرفه
سوسن : افففففف ياربي ليه قلت له طلال الحين اكيد زععل
نزلت تحت شافت الكل مجتمع راحت جلست جنب خالد
ام خالد بابتسامه : هاه يمه سوسن نمتي زين
سوسن باستغراب من تغيرها : ايه الحمد لله
ام خالد : ترا الهدايا كلها تحت بالحديقه اذا تبغين اقلهم يطلعونها غرفتك
سوسن : لا انا بانزل بعد شوي
كملو سواليفهم وسوسن مستانسه بتغير ام خالد معها
طلال : كل شي جاهز
محمد (خويه) : كل شي جاهز
طلال : حمود ترا غلطه بسيطه تضيعنا
محمد : لا تخاف كل شي مدروس
طلال : تسلم لي باردها لك بالافراح ان شاء الله
محمد : افا عليك مابيننا شي مشكلتك هي مشكلتي
طلال ابتسم لصديق عمره
محمد : مثل ما اتفقنا الساعه 10 تبدا العمليه الساعه 10 وربع الشرطه توصل
طلال : خلاص اتفقنا
الساعه 9 بالليل
خالد باطلع مع اخوياي الحين
ام خالد : لا تسرع يمه
خالد : اصلا ما بروح بسيارتي هم الحين تحت ينتظروني
سوسن : انتبه على نفسك
خالد ابتسم : من عيوني
وطلع عند اخوياه
سوسن نزلت تفتح الهدايا
الساعه 10 وصل طلال لعند بيت خالد
وسوسن بالحديقه قاعده تفتح الهدايا
سمعت صوت طالع من برا
راحت وشافت حب حياتها
قربت منه هو وخويه وشافتهم عند سياره خالد سكتت تبي تسمع كلامهم
طلال : وين المخدرات بسرعه
محمد امسك واعطاه
طلال حط المخدرات بكفر السياره
محمد : يلا بسرعه قبل ماننكشف
طلال يلا وراحو
سوسن جن جنونها معقوله اللي تموت فيه يطلع كذا
على طول طلعت واخذت جوالها
واتصلت على خالد
بس مارد
سوسن : تكفى رد بسررعه وقاعده تمشي بالغرفه
ضلت 5 دقايق وهو ما رد
سوسن بتصيح من الخوف : يارب يرد
خالد : هلا حياتي
سوسن : خالد بسرعه ارجع البيت
خالد : سوسن وش فيك فيك شي
سوسن : ارجع البيت بسرعه طلال كان هنا
خالد اول ماسمع اسم طلال قال لاخوياه بياخذ السياره وطيران على البيت
مرت 5 دقايق وهو توه وصل
يعني 10 دقايق راحت باقي دقايق بسيطه وتيجي الشرطه
اول ما وصل سوسن حكت له كل اللي صار وراح عند الكفر يبي يطلع المخدرات لاكنن للاسفف اجت الشرطه وهو يحاول يطلع المخدرات
مسكوه وسوسن كانت معاه وشافتهم مسكوه
طلعت وقالت كل شي لام خالد وسلافه
وكلهم قاعدين على اعصابهم وهم مايقدرون يثبتون شي على طلال ومحمد
سلافه اتصلت على الشباب (اولاد عماتها وعمانها)وقالت لهم
راحو بيت خالد
وقعدو يفكرون وش يسوون وكيف يثبتون انو خالد ماله شغل
سوسن تذكرت موقف مع خالد
وقفو عند البيت بعد ماراحو السوق
سوسن شافت شي اسود عند الباب
سوسن : خالد وش هذا ومدت عليه
خالد : هذي كاميرا ابوي ركبها زمان عشان اللي داخل يشوفون اللي برا
نرجع للواقع
سوسن صرخت : لقيتها
الكل : وش وش
سوسن : مو فيه كاميرا ركبها عمي زمان عشان اللي داخل يشوفون اللي برا وش يسوون
ام خالد ابتسمت بفرحه : اي والله
وكلهم راحو يشوفون التسجيل
وشافو لما طلال ومحمد وصلو وسمعو كلامهم
اخذ راكان التسجيل وراح الشرطه
الشرطي : انت تقول مالك اي دخل بس اللي شفناه انك قاعد تشيل المخدرات من الكفر
خالد : والله مالي دخل هذا طلال والله طلال
اندق الباب
الضابط : فيه واحد يقول انه عنده دليل ان المتهم بريئ
الشرطي : دخله
خالد اول ما شاف راكان راح وحظنه
راكان : خلاص كتمتني
وخر منه خالد
اعطا راكان التسجيل للشرطي وبعد ما شافه
تقدرو تتفضلو وسامحونا بس هذا شغلنا
خالد ابتسم بفرحه
وطلعو
خالد : كيف قدرتو تعرفون
راكان : والله زوجتك المصون هي اللي قالت مو صح فيه كاميرات برا عشان اللي داخل يشوف اللي برا
خالد : الحمد لله يارب فديتها والله
راكان : لو تشوفها تقول مصيبه نزلت على راسها قاعده تدور بالصاله ومافي بلسانها غير كلمة يارب وخالد
خالد ابتسم ولما رجع
اول ما شافوه كلهم يسلمون عليه وكانه راجع من سفر
خالد : خلاص ذبحتوني
....
تتوقعون الشرطه تمسك طلال ومحمد ؟
هذي الانتقام الاخير ولا بدايه الانتقامات ؟
سوسن وموقفها من طلال ؟
سوسن وخالد ؟؟
وليد ولولوه هل القدر يجمعهم ولا لا ؟
نوف وعدم ظهورها بالبارتات ؟
ريان وتهاني ؟
انتظر توقعاتككم
وشكرا لكل المتابعينن