القصايد على مثلك صغيرة مقام يلي اكبر من الشعار واقلامها - الفصل 15 | روايتك

عالم القصص والروايات 📚: <رواية ﺍﻟﻘﺼﺎﻳﺪ ﻋﻠﻰ ﻣﺜﻠﻚ ، ﺻﻐﻴﺮﺓ ﻣﻘﺎﻡ يلي ﺍﻛﺒﺮ .. ﻣﻦ ﺍﻟﺸﻌﺎﺭ ، ﻭﺍﻗﻼﻣﻬﺎ> 🔮🍃🔮🍃🔮 🍃🔮🍃🔮 🔮🍃🔮 🍃🔮 🔮 @ahgeel 👈👌🔮🍃 *🔮ــــــــــــــــــــــــــــــــــ🔮* بارت : 71 ‘ - ‘ نيّـارا بتعجب : البنت جالسة تقول لها بالصريح ترا زواجكم مدبر ما بينكم شعور ولا شيء ومجبورين على بعض .. سوار بإستغراب وهي تناظرهم : مو هي الحقيقة طيب ؟ نيّارا بسخرية : بما إن سلاف عصّبت بهالشكل ماهي الحقيقة ولا تقربها بشيء ، ولو كانت الحقيقة محد له دخل باللي بينهم . لتيـن وهي تسمع صوت جدها : دخلنا قبل لا يقلب علينا إحنا بعد .. _ « مجـلس الرجـال » تمدد تميـم وهو يناظر عذبي يلي يشتغل بالأوراق قدامه ورفع حواجبه بإستغراب : جدي ليه ما يبينا ؟ عذبي بسخريـة : عنده مخططات لتركي الله يسلمك ما يبينا نعاونه ، ظنه تركي يغترّ فينـا ما نصلح نجاوره.. ضحك رياض بتعجب : غيره يتمنى أحفاده وعياله إيد وحدة وهو مب راضي بهالشيء ! إبتسم سعود وهو يناظره : ما بيرضى لأنه يشوفنا نهدد وجوده وثروته طال عمرك ، هذا وما فينا واحد مُختل وإلا ماهو عاقل ولا هو قد المسؤولية والشغل لجل يصير كذا معانا بس وش نقول .. رياض بسخرية : جدك يبي له نفس عيال إبراهيم إستعراض مرجلة وإلا هم علومهم ماتقرب المرجلة شيء ولا هم يمّ المسؤولية والعقل بشيء ، أصغر شخص فينا أعقل من أكبر ولد فيهم . دخل سيف ووجهه ما يبشر بالخير أبداً ورفع سعود حواجبه : سيف كنت عندهم ؟ هز راسه بإيه وهو يجلس بجنب سعـود بهمس : يخوف .. رفع تميـم حواجبه بتعجب وهو يشوف سيف مخطوف الملامح والوجه ووقف عذبي مباشرة من خروج عمامه للساحة الخارجية ومن ملامحهم يلي ما كانت بعيدة عن سيف أبداً .. _ « بالداخـل » كانت الجلسـة عبارة عن مناوشات بين سلطـان وخالد وتركي ومحسـن ويرافق هالمناوشات توتر داخلي فضيع بجوف سُلاف تحاول قدر الإمكان إنها ما تبينه وفعلاً كان ما يبان ، كان خارجها صامت ما يوُضح شيء وحتى لمناوشاتهم كان يبيّن عدم الإهتمام لحد ما لُفت إنتباهها بسؤال من محسـن لتركي ، رفع سلطان حواجبه بتعجب : شلـون ؟ محسن وهو يعيـد سؤاله : أقول لتركي عسى الإسبوع يلي قضّاه عند نوال جاب ثماره ، لقيت لك حل توقفني فيه ؟ ضحك تركي بسخرية وهو يناظره : وإنت باقي تراقب هز راسه بالنفي بإبتسامة : أتأكد على مستقبل حفيدتي معاك بس ما أرضى لها الكلام .. سلاف بسخرية وهي تناظره : ومستقبلي يهمك يعني ؟ لف تركي لناحيتها ورجع أنظاره على جده : مستقبل سلاف ما يخصّك دامه معي .. هز محسن راسه بإيه بهدوء ، وعدل عكازه بنفس الوقت وهو يناظره : تركـي وش تبي بالضبط ، ناقصك شيء وأنا جدك ؟ ضحك بسخرية وهو يرجع جسده للخلف : إنت تعرف أنا وش أبي .. وقف محسن وهو يميّل شفايفه ويتوجه لناحية سلاف وتركـي وتغيّرت ملامح سلاف مباشرة من ترك سلاح على... _ #أكبر_من_الشعّار_وأقلامها 🔮👈 #القصايد_على_مثلك_صغيرة_مقام_بلي_اكبر_من_الشعار *🔮ــــــ #يتبع👇ــــــــ🔮* 🔮📚 @ahgeel 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮 <رواية ﺍﻟﻘﺼﺎﻳﺪ ﻋﻠﻰ ﻣﺜﻠﻚ ، ﺻﻐﻴﺮﺓ ﻣﻘﺎﻡ يلي ﺍﻛﺒﺮ .. ﻣﻦ ﺍﻟﺸﻌﺎﺭ ، ﻭﺍﻗﻼﻣﻬﺎ> 🔮🍃🔮🍃🔮 🍃🔮🍃🔮 🔮🍃🔮 🍃🔮 🔮 @ahgeel 👈👌🔮🍃 *🔮ــــــــــــــــــــــــــــــــــ🔮* بارت :72 ‘ - ‘ من ترك سلاح على الطاولة قدام تركـي : هذا اللي تبيـه ؟ هاك . ضحك بسخرية وهو يناظره لثواني ، ومد إيده للسلاح وهو يوقف ووقفت سلاف معاه مباشرة : تـركي .. تركي بسخرية وهو يعشّق السلاح : هذا يلي صوّبته لراسي قبل كم سنة ، ودك أصير مثلك ويكون كذا ؟ تغيّرت ملامح سلطان من فوهة السلاح يلي صارت مُلاصقة تماماً لجبين أبوه ، وضحك تركي بسخرية وهو يحس بدمه يغليّ بداخله ولف لناحية عمامه وهو يرمي السلاح خلفه : بيني وبينه كلمة رأس إذا تسمحون . خرج سلطان بدون كلمـة وتبعوه أخوانه رغم الخوف يلي مُستقر بداخلهم لأن تركي أبداً مو هادي بالنسبة لأنظارهم ، ضحك بسخرية وهو يشوف إبتسامة محسن باقية على ثغره : لعلمك بس ما بتنتصر وأنا موجود ، بدل القضية بخسّرك عشرين وبدل المليون بخسّرك ملايين لين أرجعك لأصلك ويصير مالك ذكر بالدنيا . هز محسن راسه بالنفي وهو يتقدم بجنب سلاف : دامك حفيدي أنا دايم لي ذكر يا تركـي ، وإنت كُل ذكر لك بيكون معـي ، ذاك تركـي يلي سجنه جده ثلاث سنين ، إيه المحامي اللي وقف ضد جده بالمحاكم ، إيه إيه تركي حفيد محسن ، كذا بيكون كلام الناس ياولدي . تغيّرت ملامح تركي مباشرة وهو يشوف تغيّر ملامح سلاف المباشر ، لفت لناحية جدها بذهول وتغيّرت نبرتها مباشرة : إنت مو طبيعـي .. هز محسن راسه بإيه بهدوء : مو طبيعي للي يختار دربه ضدي ، وراك ياتركي ما قلت لزوجتك شيء عن سواياي فيك ؟ محسن الظالم ضد حفيده ضحك تركي بسخريـة وهو يناظره ومد إيده لذراع سلاف يبعدها عنه وإنحنى بهمس لجده : خلك قد إنك دخلتها بهالموضوع ، خلّك قد صراحتك هالمرة . دخل سيـف يلي ملامحه كانت شاحبة من كثر رعبـه لأنه شافهم وشاف تركي وقت رفع السلاح لجبين جده ، توجه لسلاف مباشرة وهو يضمها وإبتسم تركي وهو يلف أنظاره لمحسن مُستغل إنشغال سلاف مع سيف : لا أوصيّك خله ما يخطي رصاصته هالمرة .. ضحك محسن بسخرية وهو يناظره : ما يحتاج رصاصة ، شهادتك لا إنسحبت تهجد بدون رصاص وعُنف ياتركي . إبتسم تركي وكان بيتكلم لكن وقوف سلاف ونظراتها لهم أجبرته يغيّر جملته : نشوفك إن شاء الله .. ضحكت سلاف بسخرية وهي تناظرهم وما كانت قادرة تقول كلمة من هول الصدمة وودها بس تفهم الموضوع عدل وودها إن تركي ما يثور أكثر على محسن ، تعرف إنه هادي خارجياً بهاللحظة وحتى كلامه مع محسن بشكل هادي لكنها تدري إن داخله ثاير من غضبـه ، تدري إنه دمه يغلي لكنه يمسك نفسه عن التهور وهذا أكثر شيء لاحظته فيه وهي تناظره بهمس : نمـشي ؟ هز راسه بإيه وهو يمد السلاح لحضن محسـن بسخرية :.. _ #أكبر_من_الشعّار_وأقلامها 🔮👈 #القصايد_على_مثلك_صغيرة_مقام_بلي_اكبر_من_الشعار *🔮ــــــ #يتبع👇ــــــــ🔮* 🔮📚 @ahgeel 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮 <رواية ﺍﻟﻘﺼﺎﻳﺪ ﻋﻠﻰ ﻣﺜﻠﻚ ، ﺻﻐﻴﺮﺓ ﻣﻘﺎﻡ يلي ﺍﻛﺒﺮ .. ﻣﻦ ﺍﻟﺸﻌﺎﺭ ، ﻭﺍﻗﻼﻣﻬﺎ> 🔮🍃🔮🍃🔮 🍃🔮🍃🔮 🔮🍃🔮 🍃🔮 🔮 @ahgeel 👈👌🔮🍃 *🔮ــــــــــــــــــــــــــــــــــ🔮* بارت :73 ‘ - ‘ هز راسه بإيه وهو يمد السلاح لحضن محسـن بسخرية : وإذا مُصر على الرصاصة أنا ما عندي شيء أخسره لكن إنت عندك كثير تبيه وتعيش عشانه . سكتت لوهلة وهي تشوف البرود يلي بنظراته وإبتسامة محسن الساخرة ، بردت ملامحها من وصولها للباب معاه ومن صوت محسن وجملته يلي قطعت تقدّمهم " كنت تقدر تنهيني من قبل ياتركي وللحين تقدر بس قلبك ما يطاوعك ، قلبك اللي ما تقسّيه بيقتلك يوم من الأيام " كان بيلتفت لجده لكن إيد سلاف شدت على ذراعه بدون مقدمات وبهمس : لا تعطيـه غايته . ضحك بسخرية وهو كان يشك بشيء بجوف جده وتأكد منه بهاللحظة ، كمّل طريقه وتوجهت سلاف للداخل بالصالة الأخرى تاخذ عبايتها وأغراضها : سيـف .. توجه لناحيـتها وهو بداخله رُعب غير طبيعي ، إنحنت وهي تجلس بجنبه بتردد ومدت إيدها لوجهه : ما صار شيء وما بيصير ، صرت كبير ورجال تعرف إن يلي بالمجلس مو صح ، سوء تفاهم بينهم وحلّوه وإنتهى هز راسه بايه وهو يركض لأبوه يلي دخل الصالة ، وأخذت سلاف نفس من أعماقها ولازالت نظراتها تجاه سيف ، تحس داخلها كله يتألم من إنه شاف هالمنظر وإنه مخطوف الملامح وإنه لأول مرة يتعلق بأبوه بهالشكل ، تحس كل ضلوعها ودها تضمّه لأنها هي بنفسها إرتعبت كيف هو بهالعمر .. أخذت نفس بهدوء من عمّها فهد يلي تقدم لناحيتها بعد تردد وتفكير عميق : سلاف أبوي ليه ما تقولين لتركي بتجلسين مع البنات ؟ لين يهدأ شوي ثم يجيك وبكيفك وقتها .. هز سلطان راسه بإيه بتزفيرة وهو يمسح على جبينه : تركي دمّـه حار وعصبيته ماهي عدلة ، وقت يهدأ يجيك ضحكت بعدم تصديق لثواني وهي تناظرهم : يعني أتركه يروح لحاله يعصب ويثور ويتهور وبعدها أجي حوله ؟ أخذ خالد نفس من أعماقه وهو يناظرهم : روحي عند زوجك يابوك ، وخلّك معه مو ضده .. جلس أمين وهو يناظره ، وتوجّهت سلاف لعند سيف وأبوها وهي تقبّله وتخرج رغم سماعها لتهامس عمامها وجملة أبوها الوحيدة يلي طلعت منه " تركي ما يأذي سلاف لو بكلمة هالشيء كلنا عارفينه " .. أخذت نفس من أعماقها وهي تمشي لناحية سيارته : وليه كلهم عارفينه وما تعرفينه يا سلافي ليـه .. ركبت السيارة بجنبه وهي تدري إنه بينفجر من عصبيّته بهاللحظة وهالشيء واضح بشكل مُرعب بملامحه ، ميّلت شفايفها بعد تردد : تـركي .. لف أنظاره لها وعضّت شفايفها وهي ترجع أنظارها للأمام لأنه ما نطق بكلمة ورجع أنظاره لطريقه ، أخذت نفس بهدوء وهي تتمنى إنها ما تعصّبه أكثر بتصرفاتها يلي دايماً تستفزه ويتجاهلها لأنها لأول مرة تشوف غضبه بهالطريقة يلي ما تتوقع إنها مُستثناءة منها أبداً.. _ #أكبر_من_الشعّار_وأقلامها 🔮👈 #القصايد_على_مثلك_صغيرة_مقام_بلي_اكبر_من_الشعار *🔮ــــــ #يتبع👇ــــــــ🔮* 🔮📚 @ahgeel 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮 <رواية ﺍﻟﻘﺼﺎﻳﺪ ﻋﻠﻰ ﻣﺜﻠﻚ ، ﺻﻐﻴﺮﺓ ﻣﻘﺎﻡ يلي ﺍﻛﺒﺮ .. ﻣﻦ ﺍﻟﺸﻌﺎﺭ ، ﻭﺍﻗﻼﻣﻬﺎ> 🔮🍃🔮🍃🔮 🍃🔮🍃🔮 🔮🍃🔮 🍃🔮 🔮 @ahgeel 👈👌🔮🍃 *🔮ــــــــــــــــــــــــــــــــــ🔮*   #بارت :74 ‘ « بيـت سلطـان » بدلت ملابسها وهي تسمع صوت جوالها يدق : لتيـن؟ ميّـلت لتين شفايفها بتعجب وهي تتوجه لناحيتها ومدت الجوال بإتجاهها ، رفعت نيّارا حواجبها بإستغراب وهي تاخذه من يدّها : يعني ؟ لتين بتعجّب : وش يعني عذبي ليه يدق عليك بهالوقت ؟ ردت بهدوء وهي تأشر للتيـن إنها تخرج لكنها وقفت بمكانها بذهول : لا تستهبليـن ! مدت إيدها لتيشيرت لتين بهدوء وهي تسحبها للخارج وقفلت الباب بالمفتاح لأنها تدري إن لتين بترجع وما بتعدي الموضوع إنه عادي ، أخذت نفس بهدوء وهي تناظر نفسها بالمرايـا : عـذبي . ترك الملف من إيده وهو ياخذ نفس بالمثل : نيّـارا . جلست بمكانها وهي تعرف الموضوع يلي بيكون بينهم بهاللحظة لكنها تبي منه كلمة فقط ، ليه من الطفولة ما يحب أحد يقربها لكنه بنفس الوقت ما يحب يقول لها هو وش شعوره من أعماقه ، ليه دايم يقول غيرة رجّال على بنت عمه وليه هو يعصب ويحترق لهالقد لو أحد قرّب صوبها رغم إنه ما يبين أي شيء حول رغبته فيها وما قال ولا كلمة لا من طفولتهم ولا بوقتهم الحاضر إنه يبيها ، يرعبها شعور إنه بكل مره يعصّب ويحترق ويتجرأ بكل شيء معاها لكنه ما يقدر يبرر ويقول سبب لأفعاله .. تنحنح وهو يشتت أنظاره بعيد ولا كان يقدر يكتم هالكلمة أكثر رغم إنه يحسّها تجرح داخله كله قبل تخرج منه : أبيـك سكتت لثواني لأنها آخر كلمة توقعت تسمعها منه وخصوصاً بهالوقت ، كان ودها تقول شيء ودها ترد عليه لكنّها عجزت ، عجزت تنطق بكلمة وحدة من رجع ياخذ نفس ويمسح على جبينه : أبيك ، أبيك ويكفيني منك بهالوقت تدرين بهالشيء .. أخذت نفس من أعماقها وهي كل موازينها إختلّت ، تلمس بنبرته رغبة عظيمة وبنفس الوقت خوف وتردد كبير لكن كانت الرغبة أقوى من هالأشياء كلها ،أخذت نفس من وقع هالكلمة على قلبها وشعورها ومن إنه جاء كله ببالها بهاللحظة لدرجة تحس إنه قدامها ، حتى حركاته يلي يسويّها بهاللحظة تحس إنها تشوفها وتعرفها ، الأكيد إنه يمسح جبينه ، يغطي نصف وجهه ، يخلل إيده بشعره والأهم والمهم إنه هادي رغم كل هالأشياء ، شدت على مخدتها بإيدها وهي تشتت أنظارها بعيد من همسه : قوليلي أي كلمة ، لا تسكتين . رجّعت شعرها للخلف وهي ودها تقول كلمة لكنها عجزت تماماً ، عجزت تنطق بحرف رغم إن داخلها يمتلي بالأسئـلة بخصوص كل شيء وليه ما قال هالكلمة من بدري ، وليـه الحين وبهالشكل يلي هز كل أركانها .. رفعت أكتافها بتردد وهي تضم إيدها ، وهز راسه بالنفي وهو يوقف لأن ما وده بصمتها ولا وده يكون بعيد هالقد ولا يعرف ردها : بجيـك .. _ هزت راسها بالنفي مباشرة وهي تاخذ نفس : الوقت متأخر وغير الوقت لا تزيد العيـن علينا أكثر ، عذبي .. أخذ نفس من أعماقه وهو مو قادر يجلس بمكانه من كثر الشعور يلي بداخله ويلي ما يدري ليه فاض بهالوقت وجاب فيه العيد لدرجة إنه مو قادر يجلس بمكانه : ما يهمني الوقت ، والعين بتزيد بكل الأحوال بس ماعاد فيني حيل لا مكابر ولا صبر . _ « بيـت تـركـي » أخذت نفس من أعماقها وهي تشوفه بالجلسة الخارجية من وقت وصولهم لهاللحظة ، صار له قريب النص ساعة ما تحرك من مكانه والواضح إن غضبه أكثر من إنه يروّق بوقت بسيط ، عدلت نفسها ولبسها بعد تردد طويل وهي تزفر : سلافي ما بتعيشين بهالتردد ، ما بتعيشين . #أكبر_من_الشعّار_وأقلامها 🔮👈 #القصايد_على_مثلك_صغيرة_مقام_بلي_اكبر_من_الشعار *🔮ــــــ #يتبع👇ــــــــ🔮* 🔮📚 @ahgeel 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮 <روايـــــة ﺍﻟﻘﺼﺎﻳﺪ ﻋﻠﻰ ﻣﺜﻠﻚ ﺻﻐﻴﺮﺓ ﻣﻘﺎﻡ يلي ﺍﻛﺒﺮ  ﻣﻦ ﺍﻟﺸﻌﺎﺭ ﻭأﻗﻼﻣﻬﺎ> 🔮🍃🔮🍃🔮 🍃🔮🍃🔮 🔮🍃🔮 🍃🔮 🔮 @ahgeel 👈👌🔮🍃 *🔮ــــــــــــــــــــــــــــــــــ🔮* 💛 البارت : 75 + البارت 76 💛 ‘ - أخذت كاسين من عصيرها المُفضل وهي تتوجه لناحيته ، ومرت وهي تترك العصير على الطاولة قدامه وإختارت الجلوس بجنبه هالمرة بدل لا تبعد وتجلس عالكرسي الآخر ، كان يناظر بالفضا وقدامه بدون ردة فعل لوجودها ولجيّتها ، كان باله ماهو معاه من كثر الغضب والنرفزة يلي يحسّها بداخله وكانت تعرف هالشيء من تعقيدته لحواجبه يلي ما إنفكت لو جزء من الثانية ، ما كان ودها يزيد غضبه أو تستفزه بالأسئله من هاللحظة ولهالسبب ميّلت شفايفها وهي ترفع أقدامها للطاولة وتشرب العصير يلي بإيدها بدون كلام وبكل هدوء لكنّها همست : ولا يلتفت علينا حتى .. لف أنظاره لناحيتها وهو سمعها لكن وده تعيد قولها : قلتي شيء ؟ هزت راسها بالنفي بإبتسامة خفيفة وهي تكمل عصيرها : أقولك العصير لذيذ ، يمكن يغيّر مزاجك .. ما كانت منه ردة فعل وهو يرجع أنظاره قدامه ، وميّلت شفايفها بتعجب : شكلك معصب .. عدل جلسته بسخرية وهو يناظرها : لا ما تشوفيني أغني ضحكت غصب عنها وهي تهز راسها بزين : سمّعني طيب لف أنظاره لناحيتها ، وإبتسمت بخفيف وهي تكمل عصيرها لأنها عرفت إن جزء من غضبه تلاشى : لذيذ لا تفوته .. مسح على وجهه بإيده وهي قدرت بمُجرد الضحك إنها تبعد شوي من غضبه وبإبتسامتها كمّلت الباقي ، لف أنظاره لناحيتها وهو يشوفها مستمتعة بالعصير ومروقة بشكل غريب لدرجه إنها إبتسمت بخفوت من لفّته لها : وتقول لي أخبارك ؟ إبتسم بهدوء وهو يناظرها لثواني ، وميّلت شفايفها بخفيف : المفروض تقول والله بخير يا سلافي أخبارك يعني ما تسـ قطعت كلمتها من إنتبهت إنها قالت " سلافـي " وإنه هو يقولها لها وهز راسه بإيه : سلافي يلي نست كل شيء معي وباقي تذكر هالعصير ، أنا بخير الحمدلله . إبتسمت بتردد وهي تترك الكأس من إيدها : يمكن ما نسيت شيء ، يمكن باقي أذكر بس أنتظر التأكيد والمواجه منكم .. _ ميّل شفايفه بهدوء وهو يهز راسه بالنفي : التأكيد ما بيكون من أحد لك ياسلافي ، بيكون من نفسك لنفسك وقت تحسيّن إن اللي تذكرينه حقيقة ماهو وهم . ضحكت وهي تشتت أنظارها بعيد لأنه إستفزها بهالنقطة ولا هو جالس يساعدها تذكر شيء ، وإبتسم : الجو بارد لو ودك تدخلين .. هزت راسها بالنفـي وهي تتكتف وترجع جسدها للخلف ، وأخذ نفس من أعماقه وهو يرجع جسده للخلف ويتكي مثلها ، إستفزها بقوله إنه ما بيأكد لها شيء لكنها ما بتسمح لإستفزازه هذا يتركها تدخل وتتركه ، كانت تحس بنظراته وبقرب كتفـه من كتفها لكنها تمثل عدم الإهتمام وفضّلت تلعب بإيدها وتنشغل فيها بهالوقت أكثر من إنها تواجهه بشيء آخر .. سكتت لوهلة من إنحناءه قريب من كتفها وإنه إرتخى بكل هدوئه على كتفها ، مد إيده لإيديها وهو يفك تشابكها ، كانت أصابعه تمر بكل هدوء على عروق كفها وتتحسسها بشكل ترك داخل سلاف بفوضى ما تعرف كيف ممكن ترتبها ، سبب فيها شعور بهاللحظة مالها سيطرة عليه وتكره من أعماقها يكون فيها شيء ما تسيطر عليه ، رفع أنظاره لناحيتها : ليـه باقية جنبي ؟ رفعت أكتافها بعدم معرفة من تمدد بحضنها : إذا إستمريت بهالوضع بمشي الحين ، وش تنتظر مني ؟ إبتسم بهدوء وهو يغمض عيونه : أنتظر لحظة تهنيّنا سوا ، بارق أمل يشع في ليلك ضوى . ضحكت بسخرية رغم إنه وتّرها بهاللحظة مثل توترها بوقت حوارهم وأكثر ، كيف هو قبل دقائق معدودة كان بينفجر من غضبه وعصبيته بخصوص محسن ويلي صار وكيف هو الحين مروق بهالشكل .. أخذ نفس بهدوء وهو يرفع عيونه لناحيتها لكن نظراتها كانت مشتته بكل مكان ولا تنزل لعيونه يلي بحضنها : ما ودك تعرفين شيء ؟ هزت راسها بإيه لأول مرة وكانت على وشك تسأله لكنها تراجعت بسؤالها كله من لمحت إتصال بجواله ، كان منها ولهالسبب قررت تسكت لكنها ما تدري ليه إستفزها هالإتصال وإنه رد طبيعي ولا كأنها جنبه ، بما إنه نام عندها وبما إنها تتصل عليه بهالوقت ما بتكون أي شيء بالنسبة له إنما أكيد زوجته أو حبيبته وتمثّل شيء قريب منه ويجمعهم مستقبل وعلاقة سوا ، لو كانت كذا ليه يبيها هي وليه ينتظر لحظة تهنّيهم سوا مثل ما يقـول .. أخذت نفس بهدوء وهي تدخل للداخل من توجه للجهة الأخرى يحاكي نوال ، وميّلت شفايفها وهي تدخل المطبخ وتتأمله مع الشباك بسخرية : نواله تكفيـه ياسلافي ، ليه تحاولين بشيء ما تعرفيـن دربه .. تركت كأس المويا من إيدها وهي تصعد للأعلى ولغرفتها وما قدرت تقاوم فضولها وتلقي نظرة عليه من الشباك ، ميّلت شفايفها بعدم إهتمام من إنه باقي يحاكي :... _ #أكبر_من_الشعّار_وأقلامها 🔮👈 #القصايد_على_مثلك_صغيرة_مقام_بلي_اكبر_من_الشعار *🔮ــــــ #يتبع👇ــــــــ🔮* 🔮📚 @ahgeel 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮