القصايد على مثلك صغيرة مقام يلي اكبر من الشعار واقلامها - الفصل 3 | روايتك

عالم القصص والروايات 📚: 🍇🍃🍇🍃🍇 🍃🍇🍃🍇 🍇🍃🍇 🍃🍇 🍇📖🖌  @ahgeel 👈🍇🍃 📚عـ(القصص)ـالـ(والروآيات)ـم📚 📚 😍 📃 📖 روايـــــــــــــة ✍🏼 {القصايد على مثلك صغيرة مقام .. يلي أكبر من الشعار واقلامها } *🍇ــــــــــــــــــــــــــــــــ🍇* بارت :11 ' - ' حتى هالإجتماع بهالليلة مالها فيه لكن لجل تركـي هي موجودة وبتكون موجودة دايماً لو طلبـوها عيالها .. ميّلت بهية شفايفها بخفوت وهي تشوف إنسحاب البنات للخارج ، وسُلاف ما لمحتها من وقت أساساً ولا تستغرب إنها ما تشوفها خصوصاً بعد وقع هالصدمة عليها .. _ « مكـان آخر بالمـزرعة » كانت تمـشي بدون وجهة هالمرة ومليـانة تفكير بأكثر من شيء ولا ودها تتقدم بشيء ، أو تفعل شيء وتقول شيء وتندم عليه ، تحبّ الصبر حتى وأعصابها بهاللحظة ما تُضمن .. إبتسمت بخفوت من الجلسة البعيدة وهي تاخذ نفـس لأنها جلستها المُفضلة والمهجـورة يلي تشك إن فيه أحد بهالمزرعة يدري عنها من بُعدها : الواضح إن خُطاي دايم بتسوقـني يمّك ، لهالدرجة عزيزة عليّ إنتِ ؟ ميّلت شفايفها بخفيف وهي تمسح على أطرافها ، عزيزة عليها هالجلسة رغم إنها مُتهالكة وما يقربها أحد ، غريبة وبسيطة ويمكن هذا سر إعجابها الكبير بهالجلسة يلي كلها على بعضها كُرسيين من خشب وقبالهم طاولة بسيطة لكن بينها وبين سُلاف حكـاوي كثيرة وليـالي طويلة قضّتها هنا وبهالمكان .. جلست وهي تعدل الوشاح على أكتافها وتعتدل بجلستها لأن بالها وده يفكر بأشياء كثير ولا وده بشيء يعكر صفوه ، ميّلت شفايفها وهي تعدل شعرها وودها تستجمع كل قواها لجل تواجه تـركي لأنه واضح لها من البداية إنه مو هيّن ، وإن ما فيه شيء معاه يكون بالهـون مثل ما قال .. _ نفث آخر نفس من دخـانه وهو يتأملها بالجلسة يلي تعود تكون فيها دائماً ، للأسف إنه يعرف كل خطواتها ، وكل حركاتها وأقرب لها من أي شيء تتخيـله لكنها ما عندها علم بهالموضوع ، من أسباب هوسه الغريبة فيها طريقة حيـاتها المرتبة بشكل يصعب على شخص إنه يدور عليها غلطات فيها ، شغلها ومستقبلها قبل كل شيء وكان محسن قبل كل شيء عندها لكنه ما بيصير كذا لو رجعت تذكر السبب الحقيقي وراء زواجهم ، لو إجتمعت الخيوط بعقلها ما بتصير تحب أحد فيهم لكنه بهالوقت ما وده يجمّع هالخيوط ، ما وده تاخذ قرار بصفه لأنها ما تبيهم ولأن فيها غضب منهم ، وده تكون هي بصفه بإختيارها ثم تعرف حقيقة كل شيء .. تقـدم بخطواته لناحيـتها وهو يدري إنها مُستحيل تلتفت وتشوف مين يلي جـاء حولها لأنها تدري محد بيقربها إلا وهو يعرف إنها سُلاف ، ولأنها بهاللحظة أساساً ما تشوف شيء يستحق الإلتفات .. جلس بالكرسي الآخر وميّلت شفايفها بعدم إهتمام لأنها عرفت إنه هو ولا فيه شخص غيره ممكن يتجرأ ويجي يجلس عندها بهالشكل وخصوصاً إن الكل يدري إنها إذا جلست لوحدها ما تتحمل مخلوق يجي ويجلس عندها ، إبتسم بسخرية وهو يـ _ *🍇ـــــــــــــــــــــــ🍇* 🍇📚😍  @ahgeel 🍃✏️🍇📖 🍃🍇 🍇🍃🍇 🍃🍇🍃🍇 🍇🍃🍇🍃🍇 🍇🍃🍇🍃🍇 🍃🍇🍃🍇 🍇🍃🍇 🍃🍇 🍇📖🖌  @ahgeel 👈🍇🍃 📚عـ(القصص)ـالـ(والروآيات)ـم📚 📚 😍 📃 📖 روايـــــــــــــة ✍🏼 {القصايد على مثلك صغيرة مقام .. يلي أكبر من الشعار واقلامها } *🍇ــــــــــــــــــــــــــــــــ🍇* بارت :12 ‘ - ‘ إبتسم بسخرية وهو يرجع راسه للخلف ويناظرها ، يناظرها بشكل مطوّل لأنه يعرف إنها بتتنرفز وما بتتحمل وبتتكلم لكنها ما نطقت حرف طول وقت جلوسه يلي قرّب يوصل السـاعة ، ميّلت شفايفها بهدوء وهي تاخذ أغراضها وتوقف بعدم إهتمام له وضحك بخفيف : قوية ، أقوى من ظني .. إبتسمت بخفوت وهي تناظره : يكون بعلمك أعرف غايتك ونيّتك من هالجلوس ، أعرفها ولهالسبب مستحيـل تلقاها مني ، إيه أقوى من ظنك وماهو مره ولا مرتين ، كثير صدقني .. ضحك غصب وفعلاً كانت غايته إنها تتكلم ووتتنرفز لكنها ما سوّت ولا شيء لأنها ما بتحقق له غاية أبداً ، مهما كانت بسيطـة مثل الحكي : يكون بعلمك طيب إنك بترجعين معي يا بنـت عمي ، ويا زوجتي .. ضحكت بسخرية وهي تناظره : ويكون بعلمك إن هالشيء تحلم فيه الحين ، وحتى بعـدين إكتفـى بإنه يبتسم بخفوت ويمرّ من جنبها للداخل ، كانت حركه بسيطة لكنها تركت سُلاف ترجع خطوة وتفكر فيها أكثر من لو إنه تكلم ، زفّرت بسخرية : يعني إحتاري وفكري يا سلاف ، بعيـدة عن شواربك بس . _ « بالداخـل ، عنـد البنـات » زفّرت وجـد وهي تسمع صوت باب غـرفة سُلاف يتسكر : المفروض إني أقول لها صح ؟ المفروض إني قلت من وقت ولا سمعت كلام جدي هزت لتيـن راسها بالنفي بذهول : لحد هاللحظة أنا مو مستوعبة ، تركي له فوق الخمس سنوات بعيـد عنّا شلون رجع قبل سنـة وشلون تزوج سُلاف وشلون إحنا ما ندري عن شيء ! زفّرت نيارا بهدوء : هو تـركي يلي نعرفه ؟ هو أخونـا ؟ ميّلت سوار شفايفها : محسن وأسرار محسن ، وجد لسانك ما قدر طول هالسنة يقول لها حرف وهي صحبتك وكل وقتك معاها ؟ أخذت نفس وهي ترفع شعرها للأعلى من فرط توترها : مو كل الإعتماد كان على جدي ، كل ما قلتله بقول لها يعصّب وياويلك تتكلمين بحرف الموضوع عندي وأنا بنهيه ووقت يرجع تركي ما بيقدر يقول لها حرف ولا شيء لأنه بيكون مطلقها ، شوفيه رجع وهي على ذمته وأكلت هالصدمه ولا أحد قادر يقول لها كلمة للحين .. نيّارا بإستغراب : الشيء يلي ما فهمته ، هي أخذت تركي قبل سنة برضاها ليه ما قالت لنا وليه ما أحد يدري .. ضحكت وجد بسخرية : لأن جدك طول الله عمره ما كان وده تنطق حرف عن سبب زواجها ، جات لي بليلتها قالت لي إنها تزوجت تركي على ورق فقط ولسبب ما قالته لي لحد هاللحظة وإنها فترة وبتعدي بس شكل هالفترة طولت ، تدرون وش الصدمة بعد الحادث يلي صار لسُلاف والقصة يلي صارت وخوف جدي ؟ بعد الحادث سلاف كانت تذكر كل شيء كل تفصيل بحياتها ما تأثرت منه ولو شوي لكنها ما تذكر تركي ولا تذكر زواجها منه أبداً ، يلي صار قبل الحادث بساعات وإنها تزوجته ما تذكر .. _ *🍇ـــــــــــــــــــــــ🍇* 🍇📚😍  @ahgeel 🍃✏️🍇📖 🍃🍇 🍇🍃🍇 🍃🍇🍃🍇 🍇🍃🍇🍃🍇 🍇🍃🍇🍃🍇 🍃🍇🍃🍇 🍇🍃🍇 🍃🍇 🍇📖🖌  @ahgeel 👈🍇🍃 📚عـ(القصص)ـالـ(والروآيات)ـم📚 📚 😍 📃 📖 روايـــــــــــــة ✍🏼 {القصايد على مثلك صغيرة مقام .. يلي أكبر من الشعار واقلامها } *🍇ــــــــــــــــــــــــــــــــ🍇* بارت : 13 ‘ - ‘ سكتت نيّارا وهي تاخذ نفس عميق : وجدي بدل لا يكون معاها بعد الحادث قرر يصد ويبعد وهي أكثر شخص متعلق فيه .. لتيـن وهي تتأمل السقف : الأسرار ما تسوي خيـر .. هزت سِـوار راسها بإيه وهي تزفـر : يمكن هالأسرار خير لنا إننا ما نعرفها ، ما ودي أعرف شيء بس ودي نصحى وإحنا بخير وما ننصدم إن نيّـارا متزوجة عذبي بعد .. تغيّرت ملامح نيّـارا مباشرة وهي تناظرها ، إبتسمت سوار بإستغراب : لا تكونين صدق متزوجـته ؟ هزت راسها بالنـفي مباشرة بسخرية : تخيّـلي بس ! رفعت أكتافها بعدم معرفة ، وزفّرت وجد وهي توقف : بروح لها ، ما أتحمل أجلس أكثر لتيـن بتردد : أحس ودي أروح لتركي وأفهم منه ، سُلاف ما تتقبل أحد الحين ولا أتوقع إنها بتقول حرف أساساً .. ميّلت سـوار شفايفها لثواني : بعيـد عن كل شيء ، تشوفون سُلاف وتـركي لايقين لبعض ؟ أحس صعبين هزت نيّارا راسها بالنفي : مستحيلين مع بعض قصدك ، تركي عنيد وما يهمه شيء وبالمثل سُلاف وفوق العناد سُلاف فيها غرور بذاتها ما يتحمله تركي صدقوني . زفـرت وجد وهي تخرج من عندهم لغُـرفة سلاف ، دقت الباب مرتيـن ووصلها صوت سُلاف لكنه ما يسمح بالدخول إنما يسأل مين : أنا وجـد ، بتنامـين ؟ سكتت سُلاف لثـواني وهي فعلياً ما ودها بأحد : إيه ، وقت ثاني أحاكيـك دقت للمرة الثانيـة بتردد وبعد صمت قدرت تتكلم : ولو شـوي ؟ ما وصـلها الرد من سُلاف وزفرت من أعماقها وهي ترجع بخـطواتها للبنـات وكانت متـوقعه هالرد من سُلاف أساساً ، ما تحب يكون جنبـها أحد إذا حست إنها تضعف بهالشكل .. _ « عنـد سُـلاف » سكرت ستـاير غُرفـتها بعد ما كانت طول هالوقت متكيـة وتتأمل بأطراف المزرعة وإنتبهت إنه جـالس بنفس الجلسـة ويدخن ، رغم إنها ما سكرتها من أول ما لمحته وظلت على نفـس وضعها على إنها ما شافته لكنها بالحقيقـة ما زاحت أنظارها عنه لو ثـانية وحدة ، ودها تعـرف شخصيـته وتفهم أسبـابه ، ليه وده تكـون بصفه بإختيارها وليـه واثق بهالشكل ، سكّرت الأنوار وهي تتمدد على السرير وزفّرت بخفوت : وش نهايـتك ووش قصتك من الأساس ، ليه واثق كـذا .. سكتت لثـواني وهي تسمع صوت إشعار من زمـان ما سمعته ، تعـرف الشخص الوحيـد يلي يرسل لها وتعرف صوت هالإشعار من ميـن ، أخذت نفس بهدوء وهي تمد إيدها للجوال بعد تردد وبالفعـل كان إشعـار منه .. " خـاطرك فيه شيء ؟ " .. سكتت بدون رد وهي صارت تكره هالشخص رغم تعلقهـا الشديد فيه وخصوصاً بعد الحادث لأنه كان الوحيد يلي يجي ويشوف أحوالها ، الشخص الوحيد يلي ما .... _ #أكبر_من_الشعّار_وأقلامها *🍇ـــــــــــــــــــــــ🍇* 🍇📚😍  @ahgeel 🍃✏️🍇📖 🍃🍇 🍇🍃🍇 🍃🍇🍃🍇 🍇🍃🍇🍃🍇 🍇🍃🍇🍃🍇 🍃🍇🍃🍇 🍇🍃🍇 🍃🍇 🍇📖🖌  @ahgeel 👈🍇🍃 📚عـ(القصص)ـالـ(والروآيات)ـم📚 📚 😍 📃 📖 روايـــــــــــــة ✍🏼 {القصايد على مثلك صغيرة مقام .. يلي أكبر من الشعار واقلامها } *🍇ــــــــــــــــــــــــــــــــ🍇* بارت : 14 ‘ - ‘ الشخص الوحيد يلي ما يعرفها وما يعرف ضعفها وتقدر تتكلم عنده بدون لا تقصد نفسها هي وبدون لا يعرف إنها تتكلم عن نفسها ، كان ولا زال يقهرها إنها ما تعرف له أساس أو أصل ولو قربت تعرفه ينهي محاولاتها بجملة وحدة فقط " أنا مهما حسيتي إنك تعرفيني ، ما تعرفيني " .. سكتت لثواني وما تدري هالمرة ليه عُقدت أصابعها عن إنها تكتب حرف واحد ، غمضت عيونها وهي تاخذ نفس طويـل من رسالته " لا تكتبين وتمسحين ، خذي نفس وإتركي الباقي لا يهمك " .. سكرت جوالها وهي ترميـه بعيد من هالغريب يلي ما تعرف هو وش غايـته منها وليه كل وقت تكون فيه بعز ضعفها تلاقيه موجود حولها ، ليه كل ما حست إنها ضايعـه تلاقيـه أرسل لها جملة أو كلمة وليه كل ما حسّت بغضب تلاقيه أرسل جملة ثانية تاخذ غضبها كله وترميـه بعيد ، ما يعجبـها كونه يغيّر من قراراتها ويغيّر من إختياراتها بطريقـة هي ما لاحظـتها إلا قريب ووقت لاحظتها ما عادت تكلمـه أو بالأصح هو إختفى عنها وهي مُستحيـل تكلمـه من فراغ .. رفعت أنظارها بهدوء لناحـيـة الباب يلي يدق : ميـن ؟ فتحـه بدون لا يقول لها هو ميـن من عرف إنها صاحيـة وسرعان ما تغّيـرت ملامحها من دخل وسكّر الباب خلفـه بدون مقدمات ، إنتبـه لرجفة إيدها يلي خبّتها تحت اللحاف بهدوء وهو يجلس عالكُرسي يلي مقـابل لسريرها : نـامي براحتك . ضحكت بسخرية لثواني وهي تجلس : تدخل غـرفتي بهالشكل وتقول نامي براحتك ؟ هز راسـه بإيه بهدوء وهو يترك أغراضـه عالطاولة : ما تدرين هالغُـرفة قبل لا تصير لك تكون لمين ؟ ناظرته لثواني بعدم إهتمام وعرفت إنها كانت له ، ما كان عندها فضول عن هالقسم بالمزرعة أساساً وكانت حياتهم من سنين بالقسم الآخر يلي إحترق من وقت ومن بعده صاروا بهالقسم فقط .. دق الباب وضحك تركي بسخـرية : زوّارك كثير الظاهر ناظرته بعدم إهتمام وفتح محسـن الباب والنُور مثل عادتـه بدون لا ينتظـر جوابها : سُـلاف تغيرت ملامحه من تـركي يلي جـالس عالكُرسي ومن إنتبه لجلوس سُلاف عالسرير ونظرتها ، يعرف إنها متوترة بهاللحظة ويعرف إنها تكره تجلس مع شخص من الجنس الآخر بمكان لوحدهم مين من كـان يكون ، تتوتر وترتبك ويوضح عليها حتى لو كانت تكابر وتقـاوم : تـركي ؟ هز تركـي راسه بإيه وهو يناظر محسـن :  حتى على البنات تدخل بدون لا تدق الباب ، قبل لا تفتحـه مرة ثانيه تذكر إنها متـزوجة وإني موجود .. تغيّرت ملامح سُلاف مبـاشرة وضحك محسن بسخرية : يعني ؟ وقف تركي وهو يتوجـه لناحيـة محسن بهمس :... _ #أكبر_من_الشعّار_وأقلامها *🍇ـــــــــــــــــــــــ🍇* 🍇📚😍  @ahgeel 🍃✏️🍇📖 🍃🍇 🍇🍃🍇 🍃🍇🍃🍇 🍇🍃🍇🍃🍇 🍇🍃🍇🍃🍇 🍃🍇🍃🍇 🍇🍃🍇 🍃🍇 🍇📖🖌  @ahgeel 👈🍇🍃 📚عـ(القصص)ـالـ(والروآيات)ـم📚 📚 😍 📃 📖 روايـــــــــــــة ✍🏼 {القصايد على مثلك صغيرة مقام .. يلي أكبر من الشعار واقلامها } *🍇ــــــــــــــــــــــــــــــــ🍇* بارت : 15 ‘ - ‘ وقف تركي وهو يتوجـه لناحيـة محسن بهمس : يعني لا تجبـرني أكثر وإنتبـه خطواتك وين توديك ، زوجتي مالك كلمة عليها ولا أشوفك تحاول توصل لها أبداً .. ضحك محسن بسخرية : تتوقع إنها بتخضع لك يوم من الأيام أو بتصير بصفّك ؟ سُلاف أقوى منك إنت وهذا تحذيري لك ، إتركها وطلّق برضاك والباقي نحله بيننا إحنا الرجال .. إبتسم تـركي بسخرية : خوفك إنها تصير بصفّي يضعفك ، لهالدرجة عزيزة عليك هالبنـت ؟ ضحك محسن بسخريـة وهو يناظره : تحدّاني بكل شيء لكن بسُلاف لا تقـربني ، قربتني مره فيها وسمحت لك وللحين ندمان إني قدمّتك هالخطوة علي وتركتها تدخل بيننا ، لو تبيني أرجع لذنوبي قبل يا تركي لجلها رجعت ولا يرفّ لي طرف .. هز تـركي راسه بإيه : وأنا أقدر أسوي الأكثر لك ولها ولا يرف لي طرف ، تذكر هالشيء والله معـاك الحين .. تغيّرت ملامحها كلها من خروج محسـن ومن تقفـيل تركي للباب بالمفـتاح خلفه ، رجع جلس بمكـانه بكل هدوء وهو يناظرها : ما كـنتي بتنامين ؟ ضحكت بسخرية وهي تسحب روبها من جنبـها : كنت ، بس ماهو هنـا دامها غرفتك تهّـنى فيها .. تغيّرت نبـرته وهو يلف أنظاره لناحيـته من قرّبت صوب الباب : مافيك النوم تعالي وإجلسي قبالي ولا تجربين ولا تفكرين تخرجين من هالغرفة وإلا تروحـين للشايب .. ضحكت بسخرية وهي تلف أنظارها له : تهددني يعني ؟ هز راسه بالنفي وهو يرجع أنظاره للشباك : إذا ودك تفهميـنه تهديد ، ما أنصحك تجربين أعصابي من بدري ضحكت بسخرية وهي تفك قُفل الباب : أنا ما أنصحك تجرب تفرض كلمتك علي ، ما أشوفك شيء وما بشوف كلامك شيء .. خرجت من الغُـرفة وضحك بسخرية وهو يشعـل سيجـارة جديدة من بعـد خُروجها وكل محاولته بهاللحظة إنه يمسك أعصابه ، يعرف شخصيتها ويعرف كيف يتعامل معاها ويعرف إن لو ترك أعصابه تنفلـت عليها من أول فرض ما بيكون بينهم شيء خيـر أبداً ، ضحك بسخرية وهو يدفن رمـاد السيجارة بالطفـاية قدامه وما كانت إلا ثانيـة وحدة ورفس الطاولة بعيـد عنه ، أخذ نفس بهدوء وهو يفرك جبيـنه لأنه يحاول من وقت يمسك غضبه عن كل شيء ، عشـانها هي : تصعبّينها وهي سهلـه ، سهـله _ « بالصـالة » أخذت نفـس وهي تجـلس بالطرف وسرعان ما تجمّدت ملامحها من صوت شيء بالغُـرفة والواضح إنه يعّبر عن غضب شديـد منه ، سكتت لثواني وهي تشد على إيدها وتوقف بهمس : أتمنى إنك تجيني يوم بهالعصبيـة لجل أعرف كيف أتعامل معك ، أتمنى يوم من الأيام لكن مو هاليوم .. خرج من الغُـرفة وسرعان ما تغيّرت ملامحها من ملامحه ونظـرته : إرجعـي الغرفة ولا أشوفك تدوريـن هنا كذا ما تـ... _ #أكبر_من_الشعّار_وأقلامها *🍇ـــــــــــــــــــــــ🍇* 🍇📚😍  @ahgeel 🍃✏️🍇📖 🍃🍇 🍇🍃🍇 🍃🍇🍃🍇 🍇🍃🍇🍃🍇