القصايد على مثلك صغيرة مقام يلي اكبر من الشعار واقلامها - الفصل 2 | روايتك

عالم القصص والروايات 📚: 🍇🍃🍇🍃🍇 🍃🍇🍃🍇 🍇🍃🍇 🍃🍇 🍇📖🖌  @ahgeel 👈🍇🍃 📚عـ(القصص)ـالـ(والروآيات)ـم📚 📚 😍 📃 📖 روايـــــــــــــة ✍🏼 {القصايد على مثلك صغيرة مقام .. يلي أكبر من الشعار واقلامها } *🍇ــــــــــــــــــــــــــــــــ🍇* بارت : 6 ‘ - ‘ ميلّت بهية شفايفها بتأمل غريب لحفيـداتها وأحفادها كلهم وبتفحص شديد لأن ودها تدري بأحوالهم بس ما ودها تسألهم أبداً ، ناظرت سُلاف وهدوئها يلي صار مُعتاد من سنـة تقريباً رغم إنها كانت أكثرهم إيجابية وحيوية بمجالسهم وما كان مكانها هنا قد إنها كانت دايم بجنب محسـن ، وجهت أنظارها تجاه نيّـارا يلي كانت نظراتها متقطعة ومترددة تجـاه عذبي يلي كانت نظراته مُتقّدة تجاهها وكأن بجوفه كلام كبير وده يفـرغه .. مالت أنظارها تجـاه لتين وسِوار يلي لأول مرة يكونون هاديين بهالشكل وما يسولفون كالعادة بعدم إهتمام لأحد ، إبتسمت بخفوت وهي تشوف تميـم ورياض وسعـود يسولفون ومبتسمين بالطرف الآخر ، مرّت فترة مو هيـنة عليهم كلهم من آخر إجتماع لهم ولهالسبب كان إبتهاج بهيّـة بهاللحظة .. ميّل محسن شفايفه بإستغراب من دخول خالد وسلطان المستعجـل ونظراتهم تجاهه وما كان منه الاّ يحرك عكازه بكل هدوء ويتوجـه للخارج خلفهم ، رغم تبدّل ملامحه وتوتـره إلا إن إبتسامة هادئة إرتسمـت بمُحياه : حيّ تـركي ، يا مرحبـا إبتسم بسخرية لثواني وهو يناظر محسـن بسخرية : جيت لجل زوجـتي ماهو عشانك ولا عشان تحييّ بي تغيّرت ملامح خالـد مباشرة ، وزفر سلطـان لثواني : أبـوي تركي ، لو تركد شـوي وتجلس معانا هاليوم ثم ما يصير خاطرك إلا طيّب .. ميّل تركي شفايفه بإستغراب لحظي وضحك بسخرية وهو يوجه كلامه لـمحسن من شاف سكـوته وتوتر خـالد : ما بعد قلت للبنـت لأن كان عندك أمل تطلقها مني قبل لا أرجع ، تلعب يا محسن بس ما يدوم لعبك صدقني خـالد بهدوء وهو يمسح جبينه : ، إذا ماهو لجل جدك ولا هو لجلنا خلّه عشانها .. ضحك بسخرية وهو يعدل وقفته : ما فكرت قبل سنة ياعمي تبلّغها عشان ما يصير لها هالموقف ؟ زفّـر خالـد وهو يمسح جبيـنه ورغم إنه تراجع خطوة للخلف لجل يكلمها إلا إنه رجع ومد إيده لصدر تركي بشبـه تهديد : لأنها كانت موافقة بس ولأن ما ودي تنشب بيننا الحيـن ، لا تجبرني يا تـركي ميّل شفايفه بسخريـة لثواني وهو يناظرهم من خرجت بهيّـة : بلغـوهم يغطون إلاّ زوجـتي ، بدخل أسلـم .. توهّجت ملامح بهيّـة مباشرة وهي تمشي لعنده من دخلـوا محسن وسلطـان وخالد للداخل : يا حيّ هالطول وهالوجه ، يا حيّ تركـي كان وده يبتسـم لها هـي عالأقل لكنه عجز ، عجز يتكلّم أو ينطق بكلمة من ضمّته بدون لا تقول كلـمة زيادة وبدون لا تعاتبـه ليه ما يبتسم لأنها تدري إن كل شيء صار له يجبرها تعذره وتعذر عدم إبتسـامه .. إبتسمت بخفوت وهي تمسح على صدره :... _ #أكبر_من_الشُعّار_وأقلامها *🍇ـــــــــــــــــــــــ🍇* 🍇📚😍  @ahgeel 🍃✏️🍇📖 🍃🍇 🍇🍃🍇 🍃🍇🍃🍇 🍇🍃🍇🍃🍇 🍇🍃🍇🍃🍇 🍃🍇🍃🍇 🍇🍃🍇 🍃🍇 🍇📖🖌  @ahgeel 👈🍇🍃 📚عـ(القصص)ـالـ(والروآيات)ـم📚 📚 😍 📃 📖 روايـــــــــــــة ✍🏼 {القصايد على مثلك صغيرة مقام .. يلي أكبر من الشعار واقلامها } *🍇ــــــــــــــــــــــــــــــــ🍇* بارت :7 ‘ - ‘ إبتسمت بخفوت وهي تمسح على صدره : نوّرت دارك يمه .. _ « المجـلس » رفعـت حواجبها بإستغراب من تعالي أصوات أبـوها وعمها سلطـان مع جدها ، سكتت الأصوات كلها من تعالي أصواتهم وحتى العيـال يلي كانوا بالطرف الآخر وبعيد عنهم إضطروا يلفّون ويقومون من أماكنهم من علُو أصـواتهم سوا ، طقّت أصابعهـا بتوتر وهي تشوف دخول جدها وتوجهه المباشر له ورفع حواجبه بغضب وهو يشوفهم يناظرونه بإستغراب : وش تنتظرون ؟ وقف قدام سُلاف بهدوء وهو يناظر العيـال : على المجلس الثـاني .. لف أنظاره لسُلاف بهدوء وهو يهمس بأذنها : زوجك جاء ، هذا الموضوع يلي أجّلته عنك وهذا يلي ناسيته من بعد الحادث ولا تنطقين بحرف قدامه ، سلّمي عليه وبعدها أنا بفهمك كل شيء يابوك لكن لا تضعفيني قدامه . تغيّرت ملامحها من شدة ذهولها منه ومن الحقيقـة يلي إرتمت بوجهها بدون مقدمات وبدون وقت تستوعب فيـه أساساً ، لف محسن بهدوء من صوت الباب الخـارجي : يلي ما تكشف على تركي تغطّي ، حيّاك يا تركي مسكت سلاف جلالها وهي تلف للخلف بتدخل للداخل لكن كان أبوها قدامها ، توجّهت لناحيته ظناً منها إنه بيخليها تمر لكن بردت أطرافها كلها من دخلت إيد أبوها بذراعها ومن حنى راسه قريب من أذنها بهمس : لا تتوقعيّـنه هيّن علي الحين ، لا تكسريني قدامه وهو زوجك الحين لكن ما بيدوم هالوضع يا بنتي ، ما يدوم .. تغيّرت ملامح البنات مباشرة من دخول تركي وإن سُلاف بدون جلالها وتحت أنظار محسن وخـالد ، كانت الصدمة كلها إن خالد أخذ الجلال من إيد سلاف وتركه عالكنب وبهاللحظة فقط تكّونت إستفهامات كثيرة بداخل كل فرد بهالمجـلس ما عدا الأشخاص يلي يعرفون بالزواج وأساسه وليه كان .. بردت أطرافها كلها من نطقه للسلام وكأن صوته ما كان يقصد السلام على أحد قد قصده إنه يربكها ، ما قدرت تلف ظهّرها تجاهه ولازالت عيونها تواجه عيـون أبوها من هول صدمتها بهاللحظـة ، تراجع خـالد خطوة للخلف من كثر قهره بهاللحظة وكيف كانت عيـونها ونظراتها يلي مليّانه ضياع أشد من وقع السيـف لو صار على عُنقـه .. لفّت خطوتهـا للخلف بهدوء وهي تعدل نفسها ومكانها وقدرت تخفـي كل شيء وحتى إرتجاف جسدها لكنها ما قدرت تخفي رجفـة عيونها بهاللحظة أبداً ، ما قدرت تسيطر على أصابعها ما تتشابك ببعض ، ولا قدرت تركزّ على نفسها من خطواته يلي تقترب منها " بالهـون يا بنت عمّـي " وهالجملة يلي هزّت كيانها بهاللحظة من إنتبهت لعيونه وميّزتها ، هو قـالها بنفسه لها بالكوفي بهالصباح وعرفت بهاللحظة تماماً ليه يقـ... _ #أكبر_من_الشُعّار_وأقلامها *🍇ـــــــــــــــــــــــ🍇* 🍇📚😍  @ahgeel 🍃✏️🍇📖 🍃🍇 🍇🍃🍇 🍃🍇🍃🍇 🍇🍃🍇🍃🍇 🍇🍃🍇🍃🍇 🍃🍇🍃🍇 🍇🍃🍇 🍃🍇 🍇📖🖌  @ahgeel 👈🍇🍃 📚عـ(القصص)ـالـ(والروآيات)ـم📚 📚 😍 📃 📖 روايـــــــــــــة ✍🏼 {القصايد على مثلك صغيرة مقام .. يلي أكبر من الشعار واقلامها } *🍇ــــــــــــــــــــــــــــــــ🍇* بارت : 8 ‘ - ‘ ليه يقصد قوله لها ، ليه يقول لها بالهون وتاخذ كل شيء بالهـون لأنه أبداً مو هين عليها ، أبداً .. كانت تحس بحرارة الكون كله بداخلها بهاللحظة من إنه يسلّم عليهم من أمه يلي موجودة بهاليوم لأخواته يلي كانت ملامحهم رغم إبتهاجها مصدومة ولـزوجات عمامه بالتحيّة من بعيد وعلى بنات عمامه بالمثل من بعيد ، كان إقترابه منها هو المربك بهاللحظة بعكس شعـوره هو ، كان يحس بالذهول منها قبل الإنتصار من عمـامه وجده ، توقع إنه بيكون هاللقاء عادي وما بيكون شيء إنما يسّلم عليها وينتهي ويعلن إنتصاره وانتهائه من كل شيء ،.. بردت أطرافها كلها من إحتضان إيده لإيدها وتغيّرها المباشر لخصرها ، تغيّرت كل ملامحها من إنحناءه قريب عُنقها ، وهمسـه لها : قلت لك بالهون يا بنت عمـي ، بالهـون .. إرتجفت إيدها من موضعها على بطنه وتوها تنتبـه لمكانها أساساً بعكس تركي يلي لأول مرة يوقف هالقد بسلامه على أحد ولأول مرة يظلّ على إنحناءه لهالقد عند أحد ، تنحنح بهدوء وهو يجلس بجنبها من قامت عنه لتيـن تبعد له مكان وتمنّت سلاف كل المنى إن لتين تظل بجنبها وما تسمح له يجلـس هو بجنبها ويمسك إيدها بهالشكل ، ميّل شفايفه بهدوء وهو يلف أنظاره لناحيتها ، ولعيونها بالتحديد : يقولك ما تصير كل أمانيـنا حقيقة .. تغيّرت كل ملامحها وبهاللحظة بس قدرت إنها تحط عينها بعينه ، لوهلة ما كانت مستوعبة شيء غير جملته وهو نسى وجوده بوسط المجلس أساساً من حطّت عينها بعينه بهالشكل من صدمتها بمعرفته لجملتها والأشخاص يلي يعرفونها إثنين فقط والأكيد إنه ماهو منهم ، كانت نظراتها ثابتة لوسط عينه من ذهولها وهالشيء يلي تركه يفكر هل هي رغم صدمتها بهاللحظة تتصنع القوة وإلا هي فعلاً قوية ما يدري لكن بالحالتين ، ما بيتغيّر شيء بالنسـبة له .. إبتسمت بهية من توتر النظـرات بالمجلس بين سلطان وخـالد ومحسن يلي كانت أنظاره أساساً تجاه تركي وسُلاف ، تراجع خالد خطوة للخلف وهو يخرج من المجلس بأكمله ، وزفّر سلطان بهدوء وهو يتكي إيديه : تركي نروح المجـلس ؟ هز راسه بإيه بهدوء وهو يوقف ويخرج مع أبـوه متوجـه لمجلس الرجال ، ووقفت سُلاف مباشرة تتوجه للخارج لأنها ما بتقدر تتحمل نظرات محسن والكل لها وما تقدر تحس بشعور الضياع قدامهم أكثر من كذا .. لفت لتيـن أنظارها تجاه جدتها بهيّـة مباشرة : سلاف زوجة تـركي ؟ هزت بهيّـة رأسها بإيه وهي تزفر بهدوء : زوجته .. ضحكت نيّـارا لثواني بسخرية : كيف زوجته وهي نفسها مصدومة ولا تدري ؟ تستهبلون علينا ؟ _ #أكبر_من_الشُعّار_وأقلامها انتهى ؟🌚 *🍇ـــــــــــــــــــــــ🍇* 🍇📚😍  @ahgeel 🍃✏️🍇📖 🍃🍇 🍇🍃🍇 🍃🍇🍃🍇 🍇🍃🍇🍃🍇 🍇🍃🍇🍃🍇 🍃🍇🍃🍇 🍇🍃🍇 🍃🍇 🍇📖🖌  @ahgeel 👈🍇🍃 📚عـ(القصص)ـالـ(والروآيات)ـم📚 📚 😍 📃 📖 روايـــــــــــــة ✍🏼 {القصايد على مثلك صغيرة مقام .. يلي أكبر من الشعار واقلامها } *🍇ــــــــــــــــــــــــــــــــ🍇* بارت : 9 ‘ - ‘ ميّلت أم سيف شفايفها بهدوء وهي تخرج للخارج خلف سُلاف يلي كانت واقفـة بطرف بعيد وبدون لا تنحني وبدون لا يبيّن عليها نقطة إنكسار ، تعودّتها قوية ولهالسبب ما إستغربت وقوفها بهالشكل لكن بنفس الوقت جالسه تحس بالضياع بداخلها والصداع يلي بيتمكّن منها بهالوقت لأنها بتحاول تستوعب ، بتحاول تتذكر بنفسها بدون سؤال لكنها ما بتلاقي الجواب بعقلها ، ما بتلاقي إلا فراغ ونقطة غريبة من حياتها مالها تفسيـر .. تقدمت جميـلة جنبها بهدوء : ودك بشيء أقـوله لك ؟ ضحكت سلاف لثواني وهي تتأمل أبوها وعمامها بالطرف الآخر : ما فكرتي من وقت تو تفكرين ، ما يحتاج أعرف لأنه صار واضح متى صار هالشيء .. ميّلت جميلة شفايفها وهي تعدل لسلاف جاكيتها : ما ودك تعرفين شلون ، ووش السبب يلي تركك تاخذين تركي بـرضاك ؟ ضحكت لثواني وهي تناظرها : ما يهمني لأني ما ببقى معاه ، مثل ما أخذته برضاي مثل ما تقولين بتركه برضاي وبإختياري.. ميّل شفايفه بهدوء وهو يناظرها : مالك خيـار بهالموضوع للأسف ، خالتي تسمحيـن شوي ؟ هزت جميلـة راسها بإيه وهي تنسحب للداخل ، وميّلت سلاف شفايفها بسخرية : لا تجرب إنك تمنعني أو تسوي أي شيء يبقيني معاك ، كان بإختياري وبيبقى إختياري إني معاك أو بعيدة عنك ، ما أذكر وش الأسباب إيه ولا أذكر الوقت ولا ودي أذكره لأنك إنت ما تهمني ، ولا يهمني ليه كان بإختياري .. ضحك بسخرية من إنسحبت من قدامه : ما تغيّرتي ، نفس خوفك ونفس نظراتك ولهالسبب منتي صعبـة عليّ ومالك الإختيار قدامي ، ما لك مجال وإذا على إنك تبقين ، إيه غصب عن راسك بتبقين على ذمتي لحد ما تنتهي غايتي ماهو لجلك .. ضحكت بسخرية لثواني وهي تأشر له بيدها : أتوقع إنك ما عرفتني ، أو باقي ما تعرفني ، ما يصير شيء غصب عني ولا أبقى على شيء مجبورة . ميّـل شفايفه وهو يوجـه أنظاره لعيونها : ودك تبقيـن بإختيارك ؟ ناظرته لثواني وهي تعطيه ظهرها : إختياري واضح من الحين إذا ودك تبعد قبل لا أبعدك غصب . تعالت ضحكاته لثواني : مشكلتك تكابريـن ، كنتي تكابرين وللحين تكابرين وباقي بتكابرين ، تتوقعينه يدوم هالمكابر ؟ ضحكت بالمثل وهي تلف لناحيته بسخرية وثقـة يعرفها منها : ثقتك بنفسك محزنة ، انا ما أكابر بشيء أنا فعلاً ما تهمني ولا يهمني شيء من اللي تسوونه لأن بالنهاية إختياراتي هي يلي بتمشي عليك وعلى كل من يقول لا .. إبتسم بخفيف وهو يناظرها :حلوة ثقتك ، تعجبني . ناظرته بسخرية وهي تتوجه للداخل ، وميّل شفايفه بخفيف : تصعبّينها علي بهالشكل ، تصعبينها وهي سهله . _ #أكبر_من_الشُعّار_وأقلامها هنا صدق انتهى ، صايرين تنامون الليل والا باقي على خبري وتسهرون ؟🥺 *🍇ـــــــــــــــــــــــ🍇* 🍇📚😍  @ahgeel 🍃✏️🍇📖 🍃🍇 🍇🍃🍇 🍃🍇🍃🍇 🍇🍃🍇🍃🍇 🍇🍃🍇🍃🍇 🍃🍇🍃🍇 🍇🍃🍇 🍃🍇 🍇📖🖌  @ahgeel 👈🍇🍃 📚عـ(القصص)ـالـ(والروآيات)ـم📚 📚 😍 📃 📖 روايـــــــــــــة ✍🏼 {القصايد على مثلك صغيرة مقام .. يلي أكبر من الشعار واقلامها } *🍇ــــــــــــــــــــــــــــــــ🍇* بارت: 10 ' _ « مجـلس الرجـال » كان الجو عندهم عادي أكثر من مجلس الحريـم لحد ما تنحنح محسـن وهو يناظر عياله وأحفاده وإسترسل بحديثه يلي كان غريب على مسامعهم كلهم لكنه مو غريب على تركي ، الشيء الوحيد يلي كان يستغربه تركي هو وضوح محسـن بهالمرة وصدقه معاهم بقوله إن وده يرجعون يجتمعون حوله وحواليه وينهي التفرق يلي سببه بينهم ، ميّل محسن أنظاره وعكازه تجاه تركي وهو يوجه أنظاره لتركي ويركّز كلامه عليه : وتركـي ، تركي حفيدي الأول وإيدي اليمين وكل شيء قد ملكته وكنت أملكه ، غلطتي إني راوغتك يا تركي ، غلطتي إني سببت هالندبة بحياتك وإن كان لي من القدر عندك لو هالقد ودي إنك تسامحني وتسمح لي قبل لا تسامحني إني أعوّضك عن السنين يلي راحت .. ميّل تركـي شفايفه بهدوء وإكتفى بالنظرات فقط ، نظرات كانت توضح إن المسامحة بعيـدة عنهم وإن قبل لا تصير هالمسامحة فيه أمور كثيرة بينهم لازم تتعدل وتنحل ، الخداع مو سهل يرضى فيه أي شخص عاقل وخصوصاً لو إضطر إنه يراوغ ويدخل بمتاهات لجل يضمن نفسـه .. تنحنح تركي بهدوء وهو يناظره : بس ودي تعرف شيء أتوقع إنك عرفته من وقت ، أنا ما أتراوغ بسهولة ولا يمر علي شيء ما أفهمه .. سكت خالد وهو يتجرّع المرارة بجوفه بكل كلمة يقولها تركي ويقولها محسن ، كيف بنته بوسط هالأمور لكنه مو قادر يتكلم أساساً لأنه كان موافق وهي كانت موافقة لكن الحين مو قادر يشرح لها الأمور ولا يفهمها شيء ، خوفه وكل الخوف إنها تشد من طرف ، وتركي يشد من الطرف الآخر ومحسن بيشد بعد ، ما وده تشتد بينهم أبداً لكن كلهم شخصياتهم صعبـة وعنيدة وينتظر النهاية فقط .. _ « مجـلس الحـريم » كانت الأحاديث تتبادل من كل الإتجاهات وعن كل المواضيع وخصوصاً عن رجوع بيت فهـد من الكويت وإن صار لهم إسبوع وأكثر بالرياض لكنهم ما يتقابلون أبداً وتو يجتمعون مع باقي العائلة .. جهيّـر " أم تركي " : تمر علي الأيـام قبل والسنين قبل ، ما كنّا غير حول بعضنا وبجنب بعضنا والحين تغيّرت النفوس وتغيّر كل شيء ، الواضح إن عمّي وده يعدل الأمور ؟ هزت بهيّـة راسها بإيه وهي تناظر جهيّر بتمني : لو تتعدل كل الأمور يا جهيّـر ، كلها ونكون بخير جميع .. إكتفت جهيّر بإبتسامة بسيطة إرتسمت على ثغرها وهي تدري إن قصد بهيّـة بهاللحظة هو رجوعها لسلطان ولبيتها لكنها للأسف إنلوت ذراعها وإنخذلت بما فيه الكفاية وفوق تحملها ولكنها باقية معاهم ولا هو عشان فرد منهم قد ماهو لجل عيـالها وخواطرهم ، حتى هالإجتماع ... _ *🍇ـــــــــــــــــــــــ🍇* 🍇📚😍  @ahgeel 🍃✏️🍇📖 🍃🍇 🍇🍃🍇 🍃🍇🍃🍇 🍇🍃🍇🍃🍇