تمنيتك نصيبي يانصيب الغير وتبقى حبيب الحلم لو النصيب يصيب - الفصل 2 - مكتملة | روايتك

عالم القصص والروايات 📚: ▇ـ▄▄▄💜 ▄▄▄ـ▇ 📖 رواية تمنيك نصيبي يانصيب الغير , وتبقى حبيب الحلم لو النصيب يصيب 💜 { البارت ال 6💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ . هيثم ضرب الطاوله بقوه؛خاطف اختي اللي تقول عنه ماهو حق مشاكل ومحترم ! عبدالله وهو شاك في الوضع؛صبر صبر ! خليني استوعب شوي ؟اختك اريج مع يوسف عبدالعزيز ؟؟ هيثم وهو متضايق ومعصب؛ايوه معه، عبدالله؛شقاعد تسوي انت هنا ليه ماتروح تدور على اختك وتأخذها منه ؟ هيثم؛دورت عليها بكل مكان في الرياض مالقيتها كان الارض انشقت وبلعتها انا ماجيت لك الا عشان تساعدني ، عبدالله؛هيثم ممكن تتفضل برا ، هيثم بصدمه : كيف ؟ عبدالله؛ماني بزر ينضحك عليه بسهوله انت اكيد غلطت عليه وخطف اختك !ماتوقع انه بيخطفها وانت ماسويت له شي اكيد صاير بينك انت وياه شي! هيثم بحده؛اَي كفو دافع عنهه وأنسى صاحبك هيثم طيب ، خرج من الغرفه وضرب الباب برجوله بقوه ركب سيارتهه وهو يحرك السياره متجهه لعند ابوه اللي طلبهه يجي للبيت . . عنـد امجـاد وصاحب هيثـم كانت قاعده في غرفه صاحب هيثم  تنتظره يجي من دوامهه فتح الباب صاحب هيثم ودخل وهو بملابس السباحهه ناظر في أمجاد وهو مشتاق لها كثير فتح ذراعه لها وركضت لعنده وهي تبوسه على رقبته وتحضنه بقوه؛اشتقت لك والله وكثير بعد اهخخ احبك قرب من شفايفها وباسها وهو يشدها له ويهمس بأذنها؛انا اللي اشتقت لك والله واشتقت لك كلك ، "صاحب هيثم  اسمـهه فيصل ولهم سنه على علاقهه مع بعض ومحد يدري عن علاقتهم" سحبها للسرير وهو يبوس شفايفها بعنف ويرميها على السرير ويكرز في رقبتها ويرجع يبوس شفايفها ناظر فيها وهو واقف قدامها وهيمان فيها؛مشتاق لك كثير ، بعـد مرور سـاعهه ونصف بعدت عنهه وهي تاخذ روبها وتغطي جسمها العاري واللي كانت فيه علامات ضرب وحرق بالروب ناظرت فيه وكان نايم توجهت للحمام الله يكرمكم وسندت جسمها على البانيو وهي تحس بالم قوي ومغص حاد في بطنها حطت يدها على بطنها وهي خايفه  تكون حامل اخذت لها شور خفيف وخرجت من الحمام وكان فيصل للحين نايم توجهت  لجيب ثوبه وأخذت لها ألفين ريال لبست ملابسها اللي كانت مقطعه ومرميه على الارض لبست عبايتها وهي خايفه تكون حامل بتروح بكرا للمستشفى وتسوي تحاليل حمل خرجت من البيت بعد ماخذت اللي تبيه ركبت سياره السواق وبهمس؛وديني لبيت هتون عبدالعزيز ، السواق بهمس؛قصدك بيت اهل هتون ؟ امجاد بقهر؛ماتفهم انت ايوه ، توجهه السواق لبيت اهل هتون وهو يسوق على مهله . . بعد مرور عده دقائق وصلو وقف سيارته وناظر فيها في المرايه؛انتظرك ؟ امجاد؛خليك دقيقتين واخرج لك ، نزلت من السياره وشدت على عبايتها بقوه توجهت لباب البيت ودقت الباب بقوه وناظرت في البيت وهي ودها تاخذه لها؛ هتون افتحي الباب انا امجاد حبيبه زوجك افتحي الباب ياروحي ! سمعت صوتها هتون وتركت الصحون على الدولاب ناظرت في امها وبهمس؛خليك يمه انا بروح اشوف وش تبي لاتجين بتفاهم انا معها، ام يوسف؛انتي اللي خليك انا اروح لها الحين وانتف لها شعرها قليله الادب، هتون؛يمه تكفين خليك هنا ، خرجت هتون من المطبخ وفتحت باب البيت وناظرت في امجاد وهي تحاول تستحقرها؛انتي من وين جايهه ؟ ضحكت هتون بسخريه وبقهر؛اكيد من المزبله حقتك يعني من وين جايه بالله، كملت كلامه وبقهر؛ماقدر اتحمل ريحتك الخايسه اختصري كلامك ، ضحكت امجاد وهي تناظر في هتون وترجع تضحك؛واضح انك مقهوره مني لان هيثم صار لي ، هتون؛قولي اللي عندك وانقلعي ، امجاد؛حابهه اقولك ان اليوم هيثم راح  للمحكمه وطلب ورقه طلاق لك وراح توصلك ورقه الطلاق بعد اسبوع ، هتون وهي مقهوره من جوا بس حاولت ماتبين قهرها وتقول؛ياحظي والله هذا  احسن خبر سمعته اليوم ، سكرت الباب وهي تقول بصوت عالي؛الحين ارجعي للمكان اللي جيتي منه، دخلت على البيت وكانت تبكي ناظرت فيها امها وعرفت انها كانت تمثل القوه . #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 📖 رواية تمنيك نصيبي يانصيب الغير , وتبقى حبيب الحلم لو النصيب يصيب 💜 { البارت ال 7💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ . سكرت الباب وهي تقول بصوت عالي؛الحين ارجعي للمكان اللي جيتي منه، دخلت على البيت وكانت تبكي ناظرت فيها امها وعرفت انها كانت تمثل القوه ركضت لعند امها وهي تحضنها بقوه وتشد عليها وتبكي وهي بتموت من القهر؛يمه تعبت وربي ماشفت الراحه من يوم ماتزوجت هيثم له سنتين وهو يعذبني ويحرق فيني، مسحت على ظهرها امها وأخذتها معها لغرفتها فتحت باب غرفه هتون وناظرت فيها وبهمس؛ارتاحي الحين وبعد اذان العصر بنروح للسوق انا وانتي يمكن تتغير نفسيتك شوي ، هتون؛مامعي فلوس كل اللي معي خرجت فيها صدقه عن ابوي وعنك ، ناظرت فيها امها وهي تبتسم؛يوسف قبل مايروح أعطاني مبلغ بسيط نروح ونشتري لحفيدي اشياء جديده ، ابتسمت هتون وبهمس؛تمام، . عنـد اريـج ويوسـف دخل يوسف على البيت وناظر في اريج اللي كانت قاعده على الكنبه وتناظر فيهه وواضح انها ملت كثير من القعده في البيت تكلم وبهمس؛جبت لك اشياء للطبخ اذا تبين تبسطين نفسك شوي بالطبخ ، اريج بحده : لا مابي اطبخ ولا شي ابيك ترجعني لاهلي ذَا اللي ابيه ، يوسف؛براحتك اقعدي فكري كثير ، ناظر في الكتب اللي جنبها؛حلو قريتي كم كتاب للحين ؟ اريج بقهر : مايخصك ! يوسف ؛شفيك منفسـهه ؟ اريج وهي تشد على المخده بيدها؛مايخصك ترا طفشت وانا اقولك مايخصك خليك في نفسك واتركني في حالي ! يوسف : الله يصبرني عليك بس ، اريج؛المفروض انا اللي ادعي مو انت اللي تدعي لاني اكتشفت فيك شي ماعمري شفته في احد غيرك ! يوسف بضحك ؛ احلفي ؟ اريج : مابحلف بس بقولك هو ، يوسف :لاا لاتقولين انا إنسان ماأهتم يعني لاتتعبين نفسك وتقولين ، اريج :أصلاً ماكنت بقول بس كنت بحمسك زي ماتحمسني وتكذب علي وتقول برجعك لأهلك اليوم بس كملي أكلك ، يوسف : شسوي انتي تعاندين حتى في أكلك قاعد اقولك كذا عشان تاكلين ومايصير لك شي وابتلش فيك ، طنشتهه وهي تفتح الكتاب اللي جنبها وتقعد تقرا فيهه وهي متجاهله كلامهه ومو مهتمه لهه ناظرت فيه وبهمس؛ممكن تسكت شوي ؟ يوسف : ليه اسكت ؟ اريج؛مو عارفه اقرا بتركيز من كثر كلامك! يوسف : اصلاً جيت بس عشان اعطيك الاكل ولا كنت برجع لشغلي ، اريج : تمام روح لشغلك ؟ يوسف : قاعده تطرديني انتي ؟ اريج : ايوه قاعده اطردك شبتسوي ؟ يوسف :خليني ارجع واوريك شبسوي فيك! اريج : ان شاءالله تروح وماترجع ، يوسف بحده : لاتدعين عليني ياتبن ! ناظرت فيه وبهمس ؛اخرج بس ، خرج من البيت وهو ناوي على شي ماتتوقعه اريج وراح يسويه بس يرجع من شغلهه . . عنـد عبـدالله في مكتبهه ، دخل عليهه يوسف وناظر فيه عبدالله وابتسم؛ياهلا والله تفضل تو مانور المكتب، ابتسم يوسف وتقدم له وصافحه باليد؛المكتب منور بوجودك والله ، قعد يوسف وناظر في عبدالله وبهمس؛بشرني كيف الشغل معك كل شي تمام ؟ عبدالله؛نقدر نقول ان للحين ماجربت الكرف اللي مريت فيه انت ومجموعتك، ضحك يوسف وناظر فيه وبهمس؛تجربه بعد كم شهر وتذوق طعمه زين ، عبدالله وهو يمد له الملفات؛شوف ذي الملفات اللي جات لي من دبي شركه كبيره تبي تتداول معنا وتشترك في الصفقه حقتنا، يوسف بهمس؛واثق فيهم قابلتهم ؟ عبدالله وهو يبتسم : قابلت واحد فيهم وحسيت انه هو اللي ماسك الشغل كلهه ، يوسف؛بخلي ذَا الشي عليك اذا انت مرتاح له وقع الاوراق وخلينا نشتغل معهم ، عبدالله وهو يسكر جوالهه؛أبشر وان شاءالله مايصير الا اللي يرضيك ويرضى الجميع، وقف يوسف بعد ماودع عبدالله وكان بينزل مع الدرج بس وقف وهو يشوف هيثم داخل للشركهه وبيده سلاح وواضح انه معصب، . #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 📖 رواية تمنيك نصيبي يانصيب الغير , وتبقى حبيب الحلم لو النصيب يصيب 💜 { البارت ال 8💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ . . وقف يوسف بعد ماودع عبدالله وكان بينزل مع الدرج بس وقف وهو يشوف هيثم داخل للشركهه وبيده سلاح وواضح انه معصب توجهه لمكتب عبدالله وفتح الباب دفع الباب برجولهه وناظر في عبدالله بحده وهو يوجهه السلاح عليه وقفو كل اللي في الاجتماع وهم خايفين وكل واحد يحاول يهرب وينقذ نفسه من الخطر اللي قاعد يصير قدّامه عبدالله وهو مصدوم من هيثم؛شقاعد تسوي انت نزل السلاح واطلع برا !كيف تدخل مكتبي بهذي الطريقه ؟ ومعك سلاح بعد استح على وجهك ونزل السلاح واطلع برا !. ضحك هيثم بسخريه وناظر فيه؛واذا مانزلت السلاح وطلعت برا قولي وش راح يصير ؟ راح تقتلني مثلاً ولا راح تتصل بالشرطه ويجون ياخذوني ؟سوي اللي بتسويه ماتهمني لا انت ولا اللي اعلى منك ! <يقصـد يوسف> كان واقف يوسف ورا هيثم ويحاول يسحب السلاح من هيثم ويأخذه منهه اشر لعبدالله عشان يشغل هيثم بالكلام ويقدر يستغله ويسحب يوسف السلاح منهه رجع هيثم  السلاح على ورا وقدر يوسف يسحب السلاح من يده ناظر فيه يوسف وهو يبعد عنه ويوجهه السلاح له؛اطلع برا ! عبدالله وهو يكلم الأشخاص اللي كانو موجودين في الشركه؛تقدرون تخرجون، خرجو وهم مصدومين من اللي قاعد يصير ويمكن مايكملون شغلهم مع شركه يوسف وعبدالله ، سحب عبدالله سلاحه من المكتب ناظر في هيثم وبحدّه؛احسن شي تسويه قبل ماقتلك تطلع برا الشركهه الحين ! هيثم؛صدقني راح تندم ياعبدالله على اللي سويته اجل انا تسوي فيني كذا ! اصبر علي كم يوم وراح تشوف وش راح اسوي فيك مو انا اللي تلعب معه ! ضرب رجوله هيثم بالارض بقوه وخرج من المكتب وهو معصب وواضح الحقد بعيونه عبدالله وهو يبتسم ليوسف؛جد مششكور على اللي سويته مدري كيف راح اوفيك حقك بس صدقني انا جنبك باي شي تبيه ، ابتسم يوسف لكلامه وقال؛مابينا اهم شي ماصار لك شي بس بسالك ؟ عبدالله : تفضل ؟ يوسف؛وش اللي صار بينك وبين هيثم ؟ ليهه كان بيقتلك ! عبدالله :طلب مني ارميك بالسجن وأشوف اَي عمل وصخ اقدر اورطك فيه طبعاً انا  كنت شاك فيه وفِي كلامه ورفضت ، يوسف ضحك بسخريه؛لهدرجه انا مهم عنده ششكلهه يفكر فيني ليل ونهار ، ضحك عبدالله على كلام يوسف وناظر فيه وبهمس؛اكمل ؟ يوسف بمقاطعه؛لا لاتكمل كلامك لانه مايهمني لا الكلام ولا راعي الكلام ، عبدالله : اجل عن إذنك انا عندي ظرف ومجبور اخرج الحين من الشركه، يوسف؛موفق، . . فـي الليل السـاعهه ٣:٤٠ وقف سيارتهه يوسف عند بيتهه اللي في حي غريب وبعيد عن بيت أهله نزل من  السياره وهو ناوي يخوف اريج ويعاقبها توجهه لعداد الكهربا وقرب منهه فتحهه وطفا الكهربا منهه وهو متعمد صرخت اريج وهي تشوف الأنوار مطفيه والمكيف مطفي خافت وأخذت عبايتها وهي ترجف ماتوقعت ان يوسف قاعد يلعب معها ، فتح باب البيت يوسف بمفتاحهه رجعت اريج لورا وهي خايفهه كثير وخافت اكثر لما شافت باب البيت انفتح صرخت وهي ترجع لورا ومو قادره تشوف الشخص اللي دخل مع الباب تعثرت رجولها في الدرجه الاولى وطاحت على ظهرها صرخت بالم وهي تتاوى من الم رجولها اللي وجعها بعـد مارجع يوسف الكهربا وصلحها فتح باب البيت مره ثانيه وناظر فيها وهو يبتسم : اشوفك خفتي ؟ رمت عليهه كوب المويه وناظرت فيه بقهر وحقد : الله ياخذك ياحقير ياوصخ كان باقي لي شوي وأموت من الخوف ! متخخلففف!!!، بوسف بعدم اهتمام :أتوقع ان ذا العقاب كان شوي سهل وبسيط العقاب الجاي صدقيني بيكون اصعب من ذا العقاب، ضحكت بسخريهه وبإستهزاء منه :عندك أمل أني اقعد عندك اجل ؟ يوسف وهو يقعد على المنبه ويحط يده على كتوف الكنب :ايي عندي أمل وكبير بعد وقفت وهي تعض على شفايفها بقوه من قوه الألم اللي حست فيهه في ظهرها رجعت لمكانها وقعدت على الكنبهه وهي تناظر فيه بحده وقهر ، #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 📖 رواية تمنيك نصيبي يانصيب الغير , وتبقى حبيب الحلم لو النصيب يصيب 💜 { البارت ال 9 💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ . . وقفت وهي تعض على شفايفها بقوه من قوه الألم اللي حست فيهه في ظهرها رجعت لمكانها وقعدت على الكنبهه وهي تناظر فيه بحده وقهر وقفت يوسف بهمس :سويتي عشاء ولا ماسويتي ؟ ناظرت فيه وبصراخ :خخخير أنا خدامه عندك عشان اسوي لك عشاء ؟ يوسف وهي يحاول يمسك أعصابه ويهدأ: احترمي نفسك وانتبهيي لكلامك ! ناظرت فيهه وهي منقهره انسدحت على الكنبه وحطت المخده على وجهها وسكتت ناظر فيها وتكلم بصوت عالي :قومي سويلي أي شي اكلهه،جوعان سوي اَي شي ، ناظرت فيه وبعناد :ماراح اسوي ! يوسف:راح تقومين تسوين لي عشاء اريج :قلت ماراح اسوي يعني ماراح اسوي ! يوسف بحده :غصبن عنك راح تسوين، سمعت كلامهه بس رفضت انها تقوم وقعدت تعانده لفت للجهه الثانية بحيث يكون ظهرها قدامهه حطت المخده على جههه أذنها  وطنشتهه وهي متجاهله وش قاعد يقول لها وتفكر كيف تهرب منه، يوسف بحده :هييي أنتي ! انا قاعد اكلمك توجهه لها وهو يسحب المخده من على  وجهها ويمسكها مع كتفها ويشد على كتفها بقوه ويوقفها قدامه :روحي للمطبخ وسوي لي عشاء فهمتي ؟ اريج بعصبيه :اترك يدي ياحيوان، ناظرت فيهه وكملت كلامها :ماراح اسوي لك عشاء خليني انام قوم انت سوي لك، سحبها مع كتفها للمطبخ وناظر فيها وبحده :بروح للسوبر ماركت اللي جنب البيت لو جيت ولقيتك من مسويه لي اكل ذبحتك اليوم هنا، ترك يدها وخرج من البيت وهو يمشي على رجوله متجهه للسوبر ماركت القريب من بيته دخل على السوبر ماركت واشترى الاشياء اللي كانو محتاجين لها أخذ الاكياس بعد مادفع الحساب وخرج من السوبر ماركت بيرجع لبيتهه انصدمم وهو يشوف سياره هيثم واقفه قريب من بيتهه ومعه اثنين من رجاله رجع لورا ووقف ورا البيت اللي بجوار بيتهه قعد يراقبهم من بعيد وهو خايف يكونو عرفو مكان اريج ناظر فيهم وهم يركبون السيارة ويحركون سيارتهم متجهين للطريق العام ، توجهه لبيتهه وفتح الباب بسرعه وناظر في اريج وهو مستعجل :جهزي نفسك بكرا الصبح بنروح من هنا ، طاحت الشوكهه من يدها ناظرت فيه وهي مصدومه :ليه بنروح من هنا ؟ يوسف بحده ؛قلت لك جهزي نفسك يعني جهزي نفسك وانتي ساكته كلامي واضح اريج ؟ ناظرت فيهه وهي مستغربه من كلاامهه ليه بيروحون بكرا من بيتهه معقوله بيتخلى يوسف عن اريج بهذي السهوله وبيرجعها يوسف لبيت أهلها . عنـد هيثم ، هيثـم وهو يصرخ على الرجال اللي معه بالسياره :الرقم اللي اتصلت علينا اريج منه كان موقعه في هذا الحي !!!يعني اريج اختي هي قاعده في واحد من بيوت هذا الحي الله يلعنك يايوسف! ضرب الدركسون بقوه وهو يصرخ بصوت عالي ومقهور :الحقيرر ذااا حسابه عندي ! ناظر في الرجال وهو يحاول يتمالك اعصابه: إذا رجعت واتصلت اريج فتح لي عيونك على الموقع وخرج لي الموقع بالتفاصيل !! ياويلك ذي المره لو راحت من يدي صدقني راح اقتلك في اللحظه الي ماحصل اختي فيها وراح اقتل زوجتك وبنتك ! ناظر في الثاني وهو يوقف سيارته ويعطيه صوره ليوسف؛أنت انزل واقعد راقب لي هذا الحي إذا شفت ذا الرجال تتصل علي وتلحقه فاهم ؟ نزل من السياره الرجال بعد مأخذ صوره يوسف معه وسلاحهه معه قعد يمشي طول ليله في الحي يدور على يوسف في الحي كلهه حس انهه تعب وانهلك كثير من المشي وقف عند بيت يوسف وقعد جنبهه على درجه البيت ونام عند باب بيت يوسف ، . . عنـد بيـت اهل هيثـم،، كان قاعد في مكتب ابوه ينتظره يجي بيتكلم معه في موضوع مهم وخطه يمك تنجح معهم خرج ابوه من الحمام الله يكرمكم وناظر في هيثم وقال بسخريه:جاي تطلب فلوس ؟ هيثم بقهر :لا جيت اقولك ان اختي لها كم اسبوع وهي عند يوسف ، ابو هيثم بعدم اهتمام :والمطلوب مني ؟ هيثم :يبه يوسف خاطف بنتك اريج شفيك! ابوه :وانت وش تبي مني الحين ؟ هيثم :لقيت خطه واتوقع انها راح تنجح بس يبي لها وقت ورجال قد الثقه ، ابوه : تكلم وش هي ؟ هيثم وهو يعقد حواجبه ويبدا يقول لابوه عن الخطه وهو متحمس لنتيجهه خطته القويهه ابوه :نقدر نقول ماهي بطاله بس ترا وراها سجن يعني لو غلطت بغلطه بسيطه راح تروح فيها انت ! هيثم :ادري عشان كذا قلت ماراح اسويه الا لما اقولك وتساعدني فيها م قدرت اسويها بدون علمك ، ابوه :بعطيك نص رجالي اللي واثق فيهم وانت خذ الحذر وانتبه يوسف ماهو سهل، هيثم ؛ أبشر بكون حريص ، خرج من مكتب ابوه واخذ نص رجال ابوه معه وبدا يقول لهم عن خطته وكانت فعلاً قويه بس بالنهايه راح نشوف اذا راح تنجح خطته او راح تفشل زي كل مره، . #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 📖 رواية تمنيك نصيبي يانصيب الغير , وتبقى حبيب الحلم لو النصيب يصيب 💜 { البارت ال 10 💜  } ▇ـ▄▄ @ahgeel ▄▄ـ▇ -/ تفاعل قبل لاتقراء ♥ . عنـد هتون وامها، كانت قاعده مع امها في غرفه ابوها وتساعد امها في لف ورق العنب مددت رجولها على الارض وحست بكسر في ظهرها صرخت وهي كانت متألمه؛يمهه ظهري ظهريي يوجعني والله يوجعنييي !!! ! حطت يدها على ظهرها وعضت على شفتهاالسفليهه بالم وتنزل دموعها الحاره  على خدها ، عدلت جلستها امها وناظرت فيها وهي تمد لها كوب المويه؛اشربي يمكن ترتاحين ، شربت قليل من الكوب وناظرت في امها وبخوف :اتوقع باقي شهر على ولادتي يمهه خايفه كثير خايفه اسقط في وقت ولادتي! حطت امها يدها على صدرها وبصدمه؛وش هالكلام اللي ماهو زين ياهتون !وش التشاؤم اللي نزل عليك !مو كنتِ متحمسه لوقت ولادتك ؟وش صار عشان تخافين وتقعدين توسوسين ؟ هتون بدموع :مدري بس احس كل ماقرب الوقت كل ماخفت اكثر واكثر . . عنـد عبدالله فـي الشركه ، كان قاعد على مكتبهه ويفكر في البنت الحامل اللي شافها عند بيت يوسف وبنفسه:اكيد متزوجه كانت  حامل الا ياعبدالله كانت حامل !؟ مسح على شعره وهو يتذكر شكلها البريء وشعرها اللي كان طويل وملفت للنظر وكانت لابسهه قميص احمر وقاعده عند حدود بيت اهل يوسف اخذ جوالهه ورد على يوسف :هلاا يوسف ؟ يوسف وهو بيخرج من بيته :عبدالله تقدر تروح لبيت اهلي اليوم وتعطيهم ثلاثه الف ريال مع المقاضي اللي بسيارتك، عبدالله وهو يوقف من المكتب :أبشر باقيلي ورقه وأخلص شغلي بعدها اروح لهم، يوسف :واذا سألتك امي او هتون عني لاتتكلم خليك ساكت او قول لهم اَي شي ، عبدالله وهو مستغرب :هتون ؟ يوسف :هتون اختي ، عبدالله بهمس :طيب خلاص اتفقنا ، انتهت المكالمهه ورمى عبدالله جواله على المكتبه مسح على شعره وهو ناوي يعرف اليوم اسم البنت اللي شافها عند بيت يوسف خرج من المكتب وهو يتوجهه لبيت اهل يوسف بسرعهه كان متحمس يشوف هتون مره ثانيه ماكان متوقع انها اخت يوسف أنصدم كثير بس بنفس الوقت فرح لانه راح يصير قريب منها من بعد اليوم ، عنـد اريج ويوسف ناظر في اريج اللي قاعده للحين تاكل:لك ساعه تاكلين ماخلصتي أكلك ؟ اريج بهمس :جوعانه من امس ماكلت شي تقدم لها وسحبها مع كتفها وناظر فيها وبهمس :روحي غسلي وجهك وأمشي قدامي، اريج بعناد :خليني اكمل الاكل بعدين أقوم سحبها لجهتهه اكثر واكثر وطاحت على صدره ناظرت فيهه وهي مصدومهه منه وسعت عيونها وتكلمت بحده ؛بعد عني ! وقفت وهي تاخذ عبايتها من المعلاق اللي فيه ثياب يوسف طبعاً عبايتها امتلت بريحه عوده يوسف ناظرت فيه وبهمس :بغسل عبايتي انتظر شوي ، يوسف بحده :اهجدي ؟! لازم نخرج من البيت الحين من اول وانتي قاعده تتأخرين ليه وش فيه ببالك ؟ اريج بإستغراب :وش فيه ببالي ؟ توجهه لعندها يوسف وقال :قاعده تعيدين كلامي ولا شسالفتك ! كانت بتتكلم بس قاطعها وهو يقول :خلاص اسكتي وأمشي قدامي ، خرجو من باب البيت وكان الرجال اللي منزله هيثم في هذا الحي قاعد على درجه باب بيت يوسف ناظر فيه يوسف وهو ناسي انه شاف هذا الرجال امس مع هيثم طبطب على كتفه وقال ؛ابعد عن الدرج وروح شوف لك مكان تنام غير ذَا ، صحى الرجال وناظر في يوسف فتح كف يده وشاف الصوره ناظر في يوسف وهو يبعد عنه ويرفع السلاح بوجهه ويصرخ ويقول: لا تحاول تهرب ! ناظر فيهه يوسف بدقهه وتذكر انه شافه مع هيثم امس وقف قدام اريج وقال:خذي مفتاح السياره وانتظريني ، اريج بخوف :لاا ، صرخ وهو يشوف الرجال قاعد يضغط على الزناد :اريج بلااااا عناد روحي للسياره !! توجهت للسياره وفتحت باب السياره بالمفتاح اللي معها ناظرت في يوسف وهي داخل السياره وقاعده ترجف من الخوف تخاف من صوت السلاح كثير حطت يدها على أذنها وهي تبكي وخايفهه يصير شي! يوسف :انت من رجال هيثم صح ؟ الرجال وهو يتصل على هيثم ويقول :لقيت يوسف وأختك هم الحين في نفس ،، قاطعهه يوسف وهو يسحب الجوال من  يده ويرمي السلاح على الارض ويضربه كف على وجهه قعدو يتضاربون لحتى ماطاح الرجال على الارض ناظر فيهه يوسف وهو قاعد يفكر في الهروب توجهه لسيارتهه بيفتح باب السياره بس ماحس الا بالرصاصة اللي جات في كتفهه غمض عيونهه وفتحت له اريج باب السياره وركب وهو يرجع السياره على ورا ويسوق بسرعهه يبي يهرب قبل مايجي هيثم ورجالهه ويمسكوهه، ناظرت اريج في كتف يوسف وكان ينزف بغزاره : وقف السياره قاعد تنزف انت ! . #نوقف هنا ونكمل معاكم غدا .. #تفاعل نااار #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ 📚عـ(القصص)ـالـ(والروآيات)ـم📚 يسعدنا مشاركـة الروايـة مع اصدقائكم لكن لا ابيـح ولا احلل نقل الروايـة وحـذف رابط القناة 👇👇 https://t.me/joinchat/AAAAAFdO1y-1PZ5SzX0BWg ▇ـ▄▄▄💜▄▄▄ـ▇