حسبي على اللي حال بيني وبينك يامشغلن بالي عن الناس وينك - الفصل 104 - مكتملة | روايتك

عالم القصص والروايات 📚: {روايــــة حسبي على الي حال بيني وبينك يامشغلن بالي عن الناس وينك} 💜🍃💜🍃💜 🍃💜🍃💜 💜🍃💜 🍃💜 💜 📖 @ahgeel 🍃📚 ..💜 *. #البارت_المائة_والاربعة* .. فواز حس انـه تفشل : انتظر بطلع اجيب لگ ثوب من ثيابي ماني مطول عليـك وطلع مستعجل وحور لفت بتلحـقه ودها الارض تنشق وتبلعها و سبقها مـصعب ومسك مـعصم يدها وهمس وهو يبتسم : تسوي جريمتها وتنحاش هو على كيفك حور رفعت عيونها تناظره وجتها ضحكه:  يضحك شكلك ياربيــه جد سوري بس طالع نكتـه هذا منظر واحد بيخطب استحى على وجهك ههههههههه مصعب قرب منها وهو يناظرها  وابتسم على صوت ضحكتها وصارت نتفه عنده راسها يوصل لجزاء بسيط من كتفه : سنفور افغصك هـنا ومحد يقدر يقول لي شيء بنهايه وصختني حور رفعت راسها تناظره ورفعت حجبها وهزت كتوفها ببراءة : احسن تستاهل محد قالك تحرجني تحمل نتائج فعايلك مصعب ابتسم : بالله مدري ويشنك مسويه تذكري ياحياتي حور حمر وجها وبتسحب معصمها منه بس هو ماسكه وهمست : بروح اتركني طولت مـصعب وهو يناظرها : بتركك بس عطيني وعد حور رفعت عيونها : والي هـو مصعب : تردين بنفس الـيوم ابي نملگ بأسرع وقت ممكن حور ضحكت وسبلت عيونها  وهي تسحب معصمها منه وتمشي للباب : على حــسب شطارتگ مثل ماتعرف انا بنت اهلي الوحيده انا ماضنتي يعطونك بنتهم بهذي الـسهولــه مـصعب عض طرف شفتـه : بدون شطانـــه حور طلعت وهي تبتسم ودخلت لصاله وكلهم واقفين يناظرونها حور ارتاعات : ويششش بسم الله في شيء غلط بشكلي العنود وهي تناظر ساعه : خبري الشوفه خمس دقايق مو 15 دقيقه وبعدين تعالي ليش تكبين العصير على خوي ياحيوانـه حور ضحكت : ههههههههههههههههه اخ بطني هههههههههههههههههههههههههههه يضحك الموقف ميعاد : وتضحك بعد اخونا جايك بكل اناقته توصخينه لــيش حور : كله منه الكلب تغزل فيني وخفت فواز يسمع وارتبكت وصار الي صار فواز شوي ويشنقني اووووف متحوش ومصعب ياعمري جالس يسلك الكلب نفخ علي عنده جعلني لمصعبي المتفهم دافع عني مو زوجك عديم الاحساس فشلني ميعاد ماتحملت وضحكت : هههههههههههههههههههههههههههههههه صدق اذا قالو شين وقوي عـين حور : تغطي بس ضحكتي من سرك ياحماره وتتغطى ميعاد فواز وهو شايل ثوب من ثايبه ولف لحور وهو يضغط على اسنانه : خل يروحون بفقع عيونك ثوبي هذا توني مفصله وفرحان فـيه يالكلبه حور كتمت ضحكتها : جعله فدوه لمصعب فواز عض لسانه : مكوفنك مكوفنك يابنت الذينــه الـعنود مشت تدفه : وهي صادقه ياجعله فدوة لــخوي اول مره تقول شيء صح فواز رفع حجبه ومشى طالع لمـصعب حور مشت تغير ملابسها ومـيعاد اتصل عليها سلمان وطلعت له بيمشون والعنود طلعت لـدورها ترتاح بعد تعب هذا اليوم وانتهى يومـهـم بالطافته . . بـعد اسبوع  بضبط تم عقد قران مـصعب على حــور . . هل يوجد أجمل من الحب الصادق المبنيّ على أساس الصدق والمحبة والاحترام المتبادل، هذا الحب هو من أروع العلاقات التي تكتمل وتتوّج بالزواج إن أراد الله له . . بعد مرور شهرين ميعاد كانت تتمالك نفسها بعصوبه شديدة وهي تبدل بين بناتها بشكل اسبوعي  تبديل بين الـطفلتين بقلب ام مكسور ه مقهور مجروح عاجزة مغلوب على امــرها خايفه ضعيفه  حاولت كثير تتكلم لسلمان يوصل الكلام لطرف لسانـها بتقول لـه بتحكي لـه بس التهديدات الي تجيها تمنعها هل المره هي تهدد بحياة اطفالها ماهي حياته ماهي حياة سلمان حياة بناته وميعاد ماقدرت تتحمـل الـوضع واجبرت نفسها تسوي مالاتطيقه نـفسها بدت تسرق اشيء من خزنت سلمـان بدون لاتعرف محتواها بدون لاتستوعب  ان كل شيء تاخذه من خزنته شيء ممكن يطيره وراء الـشمـس تدري بفعلتها هذي انها راح تخسر سلمان بس عشان تكسب بناتها كانت ضمه جود بشوق شديد لها بصدرها وغمضت عيونها بضيق الكون كـله ماتدري وش هو شعوره الحين بس هي جالسه تحاول تنقذ امومتها وبالمقابل جالسه  تخسر حبها بنفس الوقت ربما لا تعرف حجم الحب الذي يكنه قلب أمك لك ولكن عندما تتزوج وتنجب الأبناء ستعرف مقدار الحب الذي يكنه الآباء لأبنائهم ميعاد حست بهذك الـحب الشديد لبناتها مارتـجف قلبها هل كثر الا لبناتهــا وبس على رغم حبها الكبير لسلمان بس لايقارن بحبها لبناتها هم بكفه وهـو بـكفه شعور غريب ومختلف عن اي شعور مـرت فـيه قلبها يحترق في بعد طفلتها عنـها انفاسها تضيق من قل حيلتـها وقفت وهي تهد جود بـحضنها بتنومـها دخٰل عليها سلمان ووجها مـحمر وواضح عليه مـعصب ويكلم  ويصارخ بغضب شديدد : بوعبدالعزيز المعلومات هذي سريــه مره مستحيل يوصلون لـهـا كيف قدرو يوصلون لـهـا كيفففف ابي استوعب هي عندي في بيتي بغرفة نومي مستحيل يجون لهنا مستحيل كيف معهم النسخ الاصليه كــيف عقلي بيجه تجلطات مـيعاد قلبها قام يرقص بدو يحسون بدون يحسون  مشت ودخلت لـغرفتها وتحط جود بسريرها وجت بتتطلع لسلمـان بـس تمسكت بالكرسي الي جنبها بـسرعه وغمضت عيونها وهي تحس بالدوار  يغزو راسها دخـل سلمان وهو يدخل جواله بجيبه وانتب ه لميعاد ومشى لها مسرع ومسكها وعدل وقفتها وتم يناظرها بعيونه بخوف : مـيعاد انتِ بخير ميعاد تمسكت فيها وحطت يدها على راسها وهي مازالت تحس بدوخــه شديدة وسلمان : ميعاد لاتخوفيني هذي ماهي اول مره تدوخين فـيها ولاثانـي مـره مـيعاد همست وهي تفتح عيونها : انا بخير لاتخاف من قل النوم صدقني بنتك تصحني بنص الليل سلمان تنهد وحوط خصرها يحتضنها وميعاد حطت راسها على صدرها وتبتسم : اوووه انسب علاج لـي هو هنا سلمان تكلم بجديه : لازم نروح المستشفى ونشوف ويش فيك لو جود معك كيف بتسيطرين على الوضع او لوكنتي نازله من درج خذيها بجديه مـيعاد اخذت نفس عميق ورفعت عيونها تناظره : سلمان والله انك تبالغ  انا بخير لاتتوهم دوخه بسيطة وراحـت سلمان قبل جبينها ومسح بكفوفها على وجها : شسوي احبك واخاف عـليگ عشان كذا  بطلع من شغلي  بدري بكره وبمرك نروح للمستشفى مابي اعتراض مـيعاد رفعت عيونها لــه وهي تمسح على وجها بكفها اليمين : على امرك اذا هذا شيء بيريحك بسويـه تامر امر انت سلمان تنـهد وتركها : مضطر اطلع الحين عندي مشكله بشغلي بحلها وبرجع لگ ياكثرها المشاكل هذي الايام بشغلي ماهي راضيه تــخلص مـيعاد تصددت بعيونها عنه وهي تحس بقلبها يخفق بشده تحس بحسره تحس بوجع يسكن قـلبها حاولت تجفي دموعها على قد ماتقدر ومشت وضمت سلمان من جنب وهي تبي تهدي من الضجيج المتراكم داخلها : تـحلها ياروحي تحلها سلمان دفن راسه بشعرها وهمس : انا بس اشم ريحتك انسى كل شيء دعواتك وتبعد عنه مـيعاد وهو لبس وطلع وقبل جود قبل لايطلع ومشى مـيعاد عضت شفتها المرتجفه وهي تنتفض وبكت بقهر تشوفه ينقهر يعصب يعاني من المشاكـل ويجي يرمي راسه عليها يخفف من ضغط مشاكله عندها ومايدري انو هي سبب هذي الـمـشاكـل الي تهطل عليه هي سبب التلاعب الي جالس يمر فيه مابين القضاياء الي عنده مـيعاد غمضت عيونها بقوة ودموعها كست خدها وفزت بسرعه يوم حست بغثيان يرودها وركـضت لدورة الـمياه ترجع اكرمكم الله وطلعت وهي تمسح شفتها وتحس بتعب يـكسي جسدها اخذت نـفس عـمـيق وهي تفكر في شيء الي راح تسويــه ارهقها الـتفكير رفعت عيونها على معاذ الي دخـل عليه وقفل الـباب عليهم بسرعه ويناظر ميعاد الي واضح بوجها الـتعب : خلصت منهم وهو يرفع الـجوزات مـيعاد بـكـت  ونزلت راسها للارض وهي تلمس بطنــها وهمست : جيت اليوم بقول له  بس ماقدرت تلعثم لسانـي بينحرق قلبه بعدين راح ينـقهر يامعاذ معاذ : عن ايش لايكون عن حمـلگ مـيعاد اخذت نفس وبكت زياده وهي تشهق بصوت مكتوم : هو وقته هو وقته جروحي مابرت يامعاذ مره بدري مـره بدري ماني مستعده لطفل ثالث بحياتـي بناتي مازالو صغار بدري مره معاذ مشى لها وحضنها : هش انا مـعك ياميعاد لاتخافين احمد ربك على ماعطاك مـيعاد بكت وهي تشهق بضيق العالم كـله وهمست : معاذ خايفه بس ماني قادره اتحمل ابي اجتمع في بناتي يحتاجوني وانااحتاجهم معاذ تنهد : ميعاد ابي احطك بالصورة سلمان احتمال كبير يدخل الـسجن  يمكن اليوم او بكره او بعد بكرة كوني مـستعدة بس هو مابين لگ خايف يضايقك يحاول يحل الموضوع يثبت برائتها بس هو جالس يبحث عن ابرةفي كومت قـش ابيك تستعدين مـيعاد تحس راح تختنق وقفت وهي حطه يدها على عنقها وتحس بشوك معاذ تنهد ومسح وجها وهو منفعل : الكلابه الي ماخذين بنتك حاولة الحقهم بالمرات الي راحت بس ياميعاد ماقدرت يختفون فجاءة مالك الا هذا الـحـل تبعدين انت وبناتك عن المملكة بكبرها  مـيعاد هذا مايبي يضرك هو يبي سلمـان سلمان وبس مٰيعاد غطت وجها وهي ترتجف : انا السبب انا السبب راح يكرهني انا خسرة سلمان يامعاذ انا السبب كله منـي انا بكون نهايتـه انا  الي دخلته السجن انا الي بحرمه من وظيفته انا الي بنزل اخلاقه بالإرض قدام الكل بحرمه من بناته كل هذي انانيه مني اكره نفسي قسم بالله اعشقه واشرق بأسمـه بس بناتـي ابيهمممم مقدر اقوله الحين بينقهر بيكرهني شهقت بصوت تحاول تكتمـه وهي تأشر على جود معاذ بناتي يحتاجوني  مازالو صغار انااخترت بناتي بس ماني قادره اتحمل اشوفه يتدمر قدامي وانا السبب في تدمـره معاذ مشى لها ومسكها من كتوفها وهزها وهو يضغط على كتوفها : هشش هشش مو ذنبك انتِ كنتي تحت ضغط وتهديد والموضوع وجدوجود ياميعاد كل شيء خارج عن طاقتك  انتِ تصرفتي بدون وعي سلمان لو يهمونه بناته بيـعذرگ وراح يتحمـل عشانكم ادعي ربك انها فتره وتـعدي بوعبدالعزيز يثق بسلمان حتى لو الكل كذبوه بوعبدالعزيز ظهره قوي مو تارك سلمان بدون ماينقذه وفواز مـعه وعزام وانا كلنا مـعه وجنبه المهم الحين من تاخذين وجد تطلعين من الرياض بدون لحد يحس فيك وانا بكون مـعگ وتنتبهين لنفسك ولبناتك ولحملگ مـيعاد ارتجفت شفايفها ببــكيـه وشهقت بصوت مكتوم وكل جسدها ينتفض معاذ ضمها وتنهدددد بصوت عالي : فتره وتعـدي صدقيني يامـيعاد انتِ مو لحالگ انا مـعگ ميعاد تحس بالقوة بوجود معاذ قبل شيله همها لحالها بس الحين اخوها مـعها جنبها يدعمـها تقدر تستند عل يه بكل خطوه راح تخطيها . . قبل شهر كانت ميعاد طالعه بنص الليل وهي شايلـه جود بتسلمهم جود عشان تاخذ وجد وصادف هذاك اليوم انو معاذ كان جالس بسيارته بالظلام يفكر وشاف ميعاد طالعه من البيت وبحضنها طفلتها وشكلها مو طبيعي ابد وصلت سيارة وركبت مـعها وحركت وهو لحقهم بدون لايحسون ووقفو عند حديقه قريبه وشاف ميعاد وهي تسلم رجال طفلتها وتاخذ طفله ثانيه انصدم؟! وحركة هذيك السيارة وميعاد ركبت سيارتها وجلسة فيها ساعه ونص وبعدها حركة راجعه للبيت ولحقها معاذ وراح حشرها بالكلام صارخ عليها هوشها رفع يده عليها جن عليها بدون لايتفهم انفعل حتى انفجرت عـليه وكبت كل شيء لـه وهو انصدم بس ماتملك نفسه وضربها بجنون وهو معصب منها بعدها ادرك انها ماهي بوعيها ماهي قادره تتصرف بتركيز خوفها غطى على تركيزها تتصرف بدون تفكير تبي بناتها وبس اشفق عليها وعلى الحاله الي شافها فيه كانت اشبه بالمجنونه الي تبي ضناها تلوت عنده بترجي خوف من شيء مجهول وحاول يساعدها حاول يمسكهم بس ماقدر ابد صور احمد وبحث عنه بكل مكان بس ماحصل معلومات واضحه عـنـه . . مـيعاد رفعت عيونها تناظر مـعاذ : معاذ ويش بسوي بديره معرف فيها احد انا وبناتي وكرشتي استوعب مـعاذ مسك وجها : انا ابيك تكونين بخير ياميعاد في مكان امن انتِ واطفالگ بعيد عن المشاكل  انا لازم ادور الكلب الي استغل ضعفك  والي ورط اخوي بقذارتـه عشان اقدر اقول انتِ في امان مـيعاد همست : بيراقبني يامعاذ معاذ تنهد راح تطلعين من هذا البيت بدون محد يحس فيك لا من قريب ولا من بعيد ممكن تثقين فيني ميعاد نزلت عيونها للارض بضيق مـعاذ رفع عيونه لساعه ووقف ومد لها الجوزات : انا بمشي وهذي خبيها عن عيون سلمان ميعاد عضت شفتها بقوه معاذ همس: ميعاد محتاجك قويه منتي لحالك الـحين عندك ثلاث اطفال في ذمتك ياخوك فكري على هذا الاساس ومشى طالع تاركـها مشت ورمت نفسها بسريرها وتكورت على نفسها  وهي غايصه بتفكير عميق وبضيق تحس بتموت من حزنها قلبها بيوقف من ضيقتها هذا كان مجرد احساس فكرة انها تتـغرب لحالها وبوجود طفلتين مع حملها الي صار فجاءة كيف راح تتحمل كل هذي المسؤاليه  لحالها الفكرة لحالها متعبه ومهلكـة من كثر ماهي سرحانه ماحست بدخوله ماحست الا فيـه يدخـل جنبها بنفس الـبطانـيه ويغطيهم ويسحبها بيده ويضمــها لصدره كانت معطيته ظهرها ويحط دقــنـه على كـتفها وهمس : ويش تفكرين فـيه مـيعاد همست : فينا في حياتنا اشيء كثيرة انا وانت سلمان عقد حواجبه : في شيء مضايقك واصلك خـبر مـيعاد همست بصوت كتوم : سلمان انا اعرف كل شيء لاتحاول تخفي عني الوضوع الي جالس تمر فيه بشغلك ذا شيء يحرق لي قلبي لاشفتك تمثل قدامي انك بخير وماعندك مشاكل تضايقيني اكثر ممكن تشاركني سلمـان تنهدددد وتركـها وجلس على حيله ومسح وجها بكفوفه الي حمر بدقايق : من قال لگ ميعاد لفت عليه وجلسة تناظره : مو لازم احد يقولي اناارقبك سلمان تنهـد بصوت مسموع ميعاد لمعت عيونها بدموع : في احتمال سـجن سلمان حط يده على اسفل راسه وحط جبينه بين ركبه وتنهدددد : ميعاد مدري مــدري اوراق سريه مـره بخصوص قضيــه كبيرة حقت جريمة قتل معي مخبيها هنا بالبيت ياميعاد مدري كيف وصلت ليدين الناس الي ضد المجني عليهم كيفففف مدري ونشرو غسيلهم ياميعاد وانا الحين متهم اني جالس اسرب وهم قالو اني مساعدهم مقابل مبلغ كبير من المال وغير كذا هم نفسهم المجرمين محلوين لحسابي المبلغ الي قالوه بالمحكمة ميعاد كل شيء ضدي يامـيعاد دد مـٰيعاد ارتجفت بصدمــة من الحقاره الي وصلت بالشخص الي يبي يورط سلمان لهدرجه يكرهه حتى يحول لحسابه مبلغ ضخم مثل كـذا لهدرجه يبي يمسحه من الارض مـيعاد حست بكتمـه وقامـت بسرعه ركـض لدورة المياه وترجع كل مافي جوفها وسلمان وقف يلحـقها ميعاد غسلة فمها وبكت بصوت عــالي وتمسكت بالمغسله حتى طاحت على ركبها بالارض وهي تبـٰكي بصوت مرير وركض سلمان ويقومــها : مايجوز تبكين بالحمام انهبلتي ميعاد قومي بسم الله عليك ويقومـها وميعاد مشت معه وهي تترنح بمشيتها  متدمـره من جديت الوضع هي فعلين جالسه تخسره جالسه تدمره وتدمر نـفسها معه جالسه تدمر بيتها بس غصب عنها وجلسو على السرير وميعاد رمت نفسها بصدره وتمسكت فيها وبكت بصوت عـــالـي سلمان ضمها بشدة وغمض عـيونـه وهمس بصوت مرتخي هدته الدنيا : لاتبكين طلبتك لاتبكين مو وقت انهيارك ليش ماقلت لك خايف من انهيارگ ميعاد عشاني لاتبكين محتاجك قويه عشانـي انا ميعاد همست بكبته : ظـلم والله ظـلممممم سلمان مسح على ظهرها : جولة الباطل ساعة، وجولة الحق إلى قيام الساعة. الظلم ظلمات يوم القيامة لاتنسين ميعاد رفعت عيونها تناظره وهذي هي المره الثانيه وهي تلمح مدمعه الـقهر بعينـه وهمست : ربي ماراح يضيع لگ تعب لاتقهر نفسگ مابي اشوف هذي النظره منك طلبتك تحرقني كثير سلمان : ممكن نقضي ماتبقى من ايامي هذي بقرب بعضنا انا الـحين بنظرهـم مـجرم ياميـعاد من رجل عدالـة يسعى لتحقيق العدالـة الى مـجرم يشوه الــحق ويظـلل العداله يتلاعب بمنصبه عشان ايش عشان رقم معين من الــفلوس هل انا لي عين بالفلوس مـيعاد ضمته وهو دفن راسه بصدرها وهو يتنفس بغيض وانفاسه مثل الهب مثل الجمره الـملتـهبة ونزلت عيونها تناظره شافته نايم بصعوبه قدرت تقرب المخده له وتحط راسه عليها وتغطيه ووقفت وهي تعض شفتها بقوة وتمسك جوالها وترسل رسالة لهذاك الرقم  الي يتصل عليها احمد منـه : لازم نتكلم وائل رد : الموضوع ضروري ميعاد : شرايك !؟ وائـل : انتظري ومشت ميعاد لصاله شويات واتصل احمد : هلا بغيتي شيء اخت ميعاد ميعاد همست : ويش مشكلتك مع سلمان انت الحين سلمان ويش ضرك فـيه فهمني احمد رفع عيونه يناظر وائــل وائل كتب لـه واحمد قراء الي كتبه وائل : سلمان سرق مني حياتي لجل كذا انا لازم اسرق منه حياته سلمان دمرني ولازم ادمـره مـيعاد عصبت : كذاب واكبر كذاب سلمان مايضر نمله حتى يضرك انت ماتخاف ربك من دعوة المظلوم كيف تنام وانت مرتاح الضمير سألتك بالله كيف تنام وانت جالس تضرني وتضر زوجي ومخرب نظام بناتي ومبعدهم عن امهم احمد : متصله عشان تقولين كذا ميعاد : يا ظالم هل قلبك تجمّدت فيه مخافة الله، فأصبح يتلذّذ بظلم العباد بس مااقول الا الله يبليگ بسرطان يشغلك بنفسك سرطان ماله علاج لابالسماء ولا باالأرض يارب بعيد عني انا وزوجي وبناتـي حسبي عليك الله لايوفقك لادنيا ولا اخره اشوف فيك عجايب قدرتـه احمد وعيونه تناظر وجه وائل الي تلون : خلصتي فضيتي كل الي بداخلگ ميعاد منهاره وبكت مصدومه من بروده : دعوتي ماهزتك ماحركت فيك شعره لهدرجه ماتحس ويش قلبك انت ماتخاف من دعوة المظلوم ماتخاف انت احمد بهدوء : تصبحين على خير ميعاد صرخت : لــحظة لــحظة كلمه اخيرة احمد تنهد : سمي ميعاد : يا ظالم كم من حقّ حرمته، أصحابه سيأخذونه منك يوم الفصل لاتنسى وسكر منها احمد لف يناظر وائـل الي حمر وجــها وصار يتنـفس بسرعــه احمد : كلامـها يخوف ياوائل وهي صادقـه بكل حرف قالته تراجع ياوائـل انا مالي دخـل وقلبي اوجعني وائـل هز راسه في لا وهو يكتم فمه بكفوفه ونفخ خدوده وفتح ازرير ثوبه العلويه ويتنفس بسرعه : يوم قربت من هدفي اتراجع بإخر لـحظه مـستحـيل تحملت الكثير باخر لحظه انسحب ماني مرتاح حتى اشوف سلمان في سجن ماسويت كل هذا حب في مـيعاد حبها بقلبي مات من شفتها تزوجة صديق اخوي ومااحترمتني احمد عقد حواجبه : اجل وائـل ضحك بضيق : هي ماتحبني من البدايـه وكانت بنت الناس واضحه مـعي ومافي شيء بالقوة بـس سلمان يخطب بعد خطبتي ليش ويتزوج زوجتـــي لــيــش يدري انها كانت زوجتي واكيد هو الي زور تقريري ووهمني بالسرطان حتى خسرت ميعاد اكيد هو مابه غيرها ولازم احاسبه على قذارته احمد :ممكن مو هو ويش عرفك انت ليش متأكد لهذي الدرجه وائـل ضرب رجله بالارض وصرخ بعصبيه : عشانه كان هناك واخذ ميعاد قدام عيونـي وكانت معهم شرطة سمعت ان ميعاد كانت مخطوفه اخذها سلمان ومن بعدها خلصت عدتها وتزوجـها من خلصت العدة واضحــه يااحمد هو الي وهمني بالسرطان هو الي زور تقريري هو الي وراني موتي تبيني اشوفه متزوج زوجتي وينجب منها واسكت بحسرتي وانااشوفه سعيد بحياتـــه وانا ميت بحسرتي بإي حق مثل مادمر حياتي بدمر حياته واشتتـه ميعاد رغبتي فيها منتهيـه من زمـان وتحول حبي لها لكرهـ، موطايقها من خذت صديق اخوي وانا مو طايقها وسلمان راح يتعاقب على كل شعور مريت فيه راح يتحاسب على الايام الي كنت اعدها وانتظر فيها روحي تنقبض راح يتحاسب على كل نومه كنت انومـها وانا خايف بصحى منها ولالا على خوفي من تساقط شعري من ظهور اعراض جانبيه بجسمـي شعور الخوف الي سكن قلبي راح يحس فيه احمد : خل الناس لرب الناس يحاسبهم ياوائـل من انت عشان تحاسبهـم صدقني ان كان لك حق بتأخذه يافي الدنيا او بالاخرة كفايه ياوائـل ميعاد دعواتها صدقني ماراح تسلم منـها لاتنسى ان المظلوم له دعوة لاترد وائـــل عصب من احمد وصرخ عليه بحده : بسسس بسسسسس انا المظلوم انا المظلوممممم موهم سلمان يوم ملكتي جايي يبارك لي بقوة عين وبعد طلاقي منها يروح يتزوجها وهو يعرف انها كانت زوجتـي  ايش معنى هذا احمد مشى وربت على كـتفه وهمس بإذونـه : قلتها طلقتها ياوائـل ماعادت زوجه لك ماهي على ذمتك هذي هي وسوسة الشيطان اصحى ياوائـل اصحى على نفسك لاتغرق اكثر لاتنسى الشيطان هو العدو الأكبر للإنسان والذي يوسوس له ويغريه للوقوع في الظلم سواء كان على نفسك والا غيرگ انت مكسور مجروح لاتدخل في امور تدمرك وتدمر  الي حولگ وانت تفكر بنفسك بهذي الأنانـيه طفلتين ماتم عليهم شهر محرومين من حضن ودفاء امهم ويش ذنبهم في انانيتك ويش ذنبهم بحقدك وغرز اصبعه بصدره وهمس : هذي هي نفسك الإمارة بالسوء وهي الي تأمر أصحابها بظلم الآخرين وسلب حقوقهم انت جالس تحرم ميعاد من ابسط حقوقها والي هي بناتها قطعه منها ياوائـل ماحن قلبك لهدرجه ميت ضميرگ مارحمت حالها وائـل وعيونه تلمع مسح راسه : ضميري مو مـيت احمد : الضمير الحي يمنع صاحبه من الظلم، وانت ظالم ياوائـل ظــــــالـم وهذي ماهي اخلاقك ماخبرتك كذا وإذا مات ضمير الإنسان فإنه لا يهتم لإيقاع الظلم بالآخرين اصحى ياوائــل ميعاد اخت اعز صاحب عندك لهدرجه طلال ماله خاطر عندك سواتك في اخته تتوقع راح ترضيــه انت عندك خوات لاتنسى كما تدين تدان هذي كلمتي الاخيرة لك طلعني براء لعبتك القذرة هذي واتمنى تصحى وترجع وائـل الي خبرتـه مو كذا لاتنهزم امام نفسك لاصحيت من الحقاره الي انت طايح فيها بتحصلني قدامك ومعك وقتها سلام ومـشى تاركـه وائل دخـل اصبعها براسها وهو يخللها وعقدددد حواجبها يحس بناررررر بصدره مو عارف كيف يتصرف غضبه غيرته حقده معميته غبنتـه تنهدددد بقوة . . سكرت من احمد وهي تمسح دموعها الي ماهي راضيه توقف كل مافكرة ان سلمان راح ينسجن وهو مظلوم تبكي غصب عنها وهي اكثر وحده تعرف ويش معنى تدخل السجن وانت مـظلوم  ويش معنى تنحط في مكان مو مكانك والي مدمرها اكثر انو هي سبب من الاسباب  همست وهي تواسي نفسها بشيء هي واثقه فيه : مثل ماربي طلع برائتي وافرج عنـي بيفرج عــنه بعد هـو الظلم مصيره ينتهي بيوم من الايام مشت لغرفتها وقفت عند عتبت الـباب وهي تناظره كيف نايم يكسر الخاطر التعب واضح تحت عيونه وكاسيــه حتى لو ماتكلم شكله وحالته تحكي مـشت ميعاد وطفت الــنور ودخـــلت جنبـه وحطت راسها على صدره وغمضت عـيونها تحاول تنام بس النوم طار من عيونها رفعت نظرها تتأمـله بصمـت شديــد تدري انها راح تفقد دفاء صدره راح تفقد لذت تأمـله راح تفقد قربه تعي انها راح تبتعد عنه وهذا كان اختيارها هـي كانت تعتقد انو حبها هو المهم بحياتها بس طلعت غلطانه مافي شيء مهم الحين كثر قرب بناتها منها تبيهم معها تبيهم عندها تبيهم كلهم تحت نظرها  ضحت في ابوهم بس عشان تكسبهم مرت ساعه ساعتين حتى غفت بـحضنه بدون لاتحـس كم مر من الـــوقـت ماتدري سلمــان فتــح عيونــه على صوت جوالـه وهو منزعج منه وابعد ميعاد الي كانت نايمه على ذراعه وجلس على حـيله وتردد حتى يرد وبنهايه رد: هــلا بوعبدالعزيز : كنت نايم سلمان تنهد ونطق بسخريه : عطني الي عندگ بتجون تاخذوني راح تطلعوني من بيتي على هيئة مجرم بوعبدالعزيز : سلمان لاتحكي كذا معي مالي ذنب انا عبد مؤمور هنا طلبينك ياسلمـان اليوم لازم نـسلمگ ياولدي هذا انسب حـل سلمـان تنهد بـضيق : عطني ٤ ساعات بس اربع ساعات وانا بجيكم بنفسي بوعبدالعزيز : مابي اضغط عليك بس مابيدينا شيء ياسلمـان لاتتـأخـر  قدامگ بس ساعتين تاخرك ماراح يكون لصالحك بيجونك لعندك  ويتلونك قدام اهلك هذا الي اقدر عليه سامحني سلمان بصوت هادي همس : طـيـب وسكر منـه ووقف ومشى لـسرير جود وتم يناظرها لـٰفتره وانتظرها حتى صحت وابتسم بهدوء وهو يناظر عيونـها الي تناظره  وشالها واخذها لـصدره وقبل جبينها وغمض عيونه وثم حضنها وغمض عــٰيونـه وهو يحتضنها ويشم ريحتـها بـــعمـق وهمـس : اودعك اليوم  ياابنتي وانا احاول ان اخفي دموعي اودعك ورياح الحزن اطفات كل شموعي اعترف اني استسلمت لمصيري ورفعت راية خضوعي لـخنجر  الفراق المسموم اخترق دون رحمة ضلوعي اودع وانا اصرخ الما.. مع ان صوتي ليس بمسموع استودعكي الله ياابنتي التي لاتضيع عنده الـودائـع . . مـيعاد صحت فتحت عيونها وهي تدوره جنبها وتناظر مكانه خـالي جلسة على حيلها وسكتت وهي تسمع همـسه بتلك الـكلمات لبنتـه لطفلته الي تبلغ من الـعمر شهرين ونـص واتسعت حدقت عيونها بجمود وهي تشوفه مستسلم للأمر الواقع وجالس يودع طـفلته كتمت بكيتها داخـلها وبلعت  غصتها ومشى سلمان بجود وشاف ميعاد الي تناظره بعيون امتلت دموع ومشى وجلس جنبها وفتح حضنه لـها وهي رمت نـفسها داخل حضنه وتمسكت فيه وهمس سلمان : ابيك تعرفين شيء واحد اني مظلوم مهمها سمعتي كلام كثير من وراء ظهري لاتصدقينه ابد ثقتك فيني تزيدني قـوة مـيعاد همست : مجنون انت اصدق فيك كلام احد سلمان باس راسها وتنهد بشكل مكتوم وغـمض عيونه وهو حـضنهم بــصدره زوجته وبنته ورفع عيونه وهو يناظر ساعه : بنزل اودع امـي ميعاد همست : ماتدري سلمان ابتسم بنكسار : ماقدرت اقول ميدها مـيعاد وسكت ميعاد همست : عيونها سلمان مسك كتوفها بيده اليسار الان اليمين كانت تحمل جود : انتبهي لنفسك ولجود مدري لحد الحين كم هي المدة الي بقضيها بالسجن بوعبدالعزيز وفواز ماراح يرتاحون حتى تظهر برائتـي ماراح اطول تطمني برجع قبل لاتحبي جود وقبل لاتمشي جود وقبل  تنطق بابا كل هذي المراحـل بنشوفها كلنا مع بعضنا مـيعاد اخذت نـفس عمـيق وهزت راسها في ايه ورمشها يحمل دموعها سلمان ضمٰها بقوة وطـولو مره وهم حضنين بعض ثم بتدريج تركها ونزل جود بحضنها وهمس في ذونها : استودعكم الله الذي لاتضيع  عنده الودائع ومشى تاركــهم ووقفت بجمود وهي تحتضن جود بشدة وهي ترتجي منها القوة وتحسه مثل الحلم او الكبوس المزعج رمشت اكثر من مـره وهـي تحس بنار تحرقها وهي تناظره يطلع تاركـهمزوجها حبيبها ابو اطفالها صار ابو اطفالها الفراق نار ليس للهبه حدود لا يحسه إلا من إكتوى بناره ماتدري ممكن يكون هذا اليوم اخر يوم تجتمع فيها فيه اخر حضن راح يكرها لما يعرف الحقيقة نزل لعند امـه وهو يحاول يرسم ابتسامتـه المعتاده لكن هل مـره كانت ابتسامته بهتـه وجـه اصفر مرسم عليه تفاصيل التعب الي يحمـله قـلبه ياشين الظلم حتى لو بينت انك بخير عيونك ترسم الالم الي داخلك ومشى ورمى نفسه على فخذ امـه  وغمض عيونه ويحس تحتهم بجمر يحرقه من قوة حرارتهم لما يسكرها ام سلمان : هلا في الغالي هلا بروح امـه هلا في عزي ودنيتي هل بفخري هلا باولدي سلمان همس وهو يبتسم بشكل بهت : يمه الـعبي بشعري ام سلمان خلخلت اصابعها بشعره : ماطلبت شيء بس قل لي اول ويش خايف منه حتى تذب نفسك علي مثل هذي الذبـه سلمان ابتسم بهدوء وهمس : مشتاق لك مافي تفسير غير كذا ضحكة ام سلمان وهي تضرب كتفه : تعرف كيف تغلبني وصارت تلعب بشعره وهي تسوالف عليه وسلمان غمض عيونــه بصمت شديد ويستمع لسوالفها  وهو حس انه بيفقد هذي الحضات كـثير بعد نص ساعه صار جوالـه يــرن وفتح عيونه بضيق وتنهددد بشكل مكتوم ووقف ورد ثم سكر ومشى لعند امـه وجلس مقابل لهـا وحضنها بقوة ام سلمان استغربت حركاته وتصرفاته : سلمان يابوي فيك شيء سلمان : بسافر يايمـه واحتمال اطول مابيك تشلين هم ام سلمان ضاق صدرها : ياربيه بيشتق عليك قلبي الـحين متى بترجع ليش توك تعلمني سلمان : مدري متى ماانتهى شغلي اسف شغل طلع لي فجاءة ومشى وقبل راسها وحضنها وبعدها طـلع بصمت بعد ماودعها وتم فتره يناظر بيتهم وقابـل مـعاذ واقف عند الـباب ينتظره تنهد سلمان ومعاذ مشى له وحضنـه وسلمان شد عليه وهمس : امي وميعاد وجود ووداد ورابي كلهم امانـه عندك معاذ تنهد : كل هذوالي متحملهم لحالك يوه رحمتك من جد مسؤاليه توقعتك تستهبل لما تشد علينا سلمان ابتسم وضرب ظهر : وقتك الحين تشيل هذي مسؤاليه  بغيابي مـعاذ ميعاد اي شيء تحتاجه خلك تحت خدمتها طلبتك ياخـوي بنتي يامعاذ بنتي معاذ مسك كتفه ومسكه بقوة وحط عيونه بعيون سلمان : لاتفكر فيهم ولاتشيل هم انا عندهم  انت اطلع بسرعه كلنا نحتاجك سلمان ابتسم وتركـه ومشى طالع لمركـز الشرطة يسلم نـفسه من طلع سلمـان  وابعد عن الـبيت رايح لطريق مو طريقه لمكان مو مكانـه مـعاذ تنفس بـضيق وحس ثقل الحمل عـليه صعب انك تتحمل مسؤاليه اسرة كـامـله جدآ صـعب من معاذ الطايش الي موسؤالية الى معاذ الي صار برقبته ٦ اشخاص من امه لميعاد وبناتها لوداد ورابي حتى لو كانو متزوجات يبقى مسؤال عنهم  ركض طالع لميعاد ومثل ماتوقع حصلها منهاره كانت جلسه بالارض وتبكي بنهيارررررررر شديددددددددد وهي تحس روحها تنازع الـموت وحطه يدها على صدرها وتضغط وتزن : سامحنــي سامحنٰـي سامحني ياروحي انا السبب انا معاذ ركض لها وجلس مقابل لها ومسكها من كتوفها وهزها : مـيعاد اصحي اصحي مو وقت انهـيارك بعد ساعه بتاخذين وجد لاتنسين يلا قومي تحركي مو وقت انهيارك بنتك بترجع لگ اصحـي مـيعاد وقفت وهي تمسح دموعها الي ماهي راضيه توقف وهي  تمسح دموعها والعبرة خنقتها حتى النخاع ومشت تجهز اغراضهم وهمست : ابي اودع اهلي طلبتك معاذ تنهد : مافي وقت ياميعاد الطيارة موعدها بعد ٤ ساعات شوفت اهلك راح تخليك تنتكسين ماراح تفيدك وبتشككينهم فيك شوفي حالتك جهزتي اغراضكم ميعاد مسحت دموعها : شفها بالغرفه الـثانـيه انا بنزل تحت اشغل خالتـي معاذ : امي بتروح عند وداد تبي تشوف عبود لاتشيلين همها ركزي بنفسك بس مـيعاد سكتت وغمضت عيونها بضيق معاذ مشى لها وسحبها لحضنه ومسك وجها وهم يمسح دموعها من خدودها : مـيعاد ركزي معي راح تجتمعين في بناتك الي انتظرتيهم ٩ شهور اليوم راح تضمينهم كلهم لحضنك بتشمين ريحتهم ومابعدها كل شيء يسير صدقني سلمان  كلنا خلفه فكري بنفسك وبناتك تهداء الاوضاع راح ترجعين لبيتك وزوجك فيه وعد مني ميعاد مسحت دمعتها وهزت راسها في طيب ومشت وخذت طفلتها لحضنها وجلسة تناظر معاذ #يتبع { #رواية_حسبي_على_الي_حال_بيني_وبينك_يامشغلن_بالي_وينك } *💜ـــــ #يتبــع👇ــــــ💜* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜