حسبي على اللي حال بيني وبينك يامشغلن بالي عن الناس وينك - الفصل 100 - مكتملة | روايتك

عالم القصص والروايات 📚: {روايــــة حسبي على الي حال بيني وبينك يامشغلن بالي عن الناس وينك} 💜🍃💜🍃💜 🍃💜🍃💜 💜🍃💜 🍃💜 💜 📖 @ahgeel 🍃📚 ..💜 *. #البارت_المائة* .. وكلهم قالو ان الربو صار مرض العصر الكل صار فيه ربو يعني ماتكبر الموضوع مـره وتتصبر اذا بتزعل وتعترض راح تتعب زود والكل هون الموضوع عــليها . . بـعد مرور آسبوع ميعاد طلعت من المستشفى مع جود بدون وجد  وميعاد كانت كل يوم تروح المستشفى تزور وجد بنتها وبنتها جود طلعوها معها بنفس الـيوم مـيعاد كانت حاطه جود بسريرها جنبها ونايمـه وهي تعبانه جود ماهي مخليتها تنام من كـثر ماتبكـي وصايره تنام هي ويها النهار كـله وسلمـان كان طالع لدوامـه كالعاده وكان رافض فكرة ان ميعاد تتــركه  ٤٠ يوم وتروح تقضي فترت نفاسها في بيت اهله مره كان رافض ومــيعاد كانت راضيه وماعارضتـه  حتى هي ماتبي تبعد عنه دقيقه وحـده ~ طبعآ سلمان رجع لدوامه رجع بشكل رسمي بعد ماتم طرده من قبل بوعبدالعزيز الي تعذر منه وسلمان مازعل منه كان عارف ليش سوء كذا معه الا من خوف علـيه ~ نـجي لجميلتنا ميعاد من قوة تعبها ومن كثر مافيها النوم كانت نايمـه بعـمق شديد وماحست في جود الي كانت تـبكي صوتها جدآ ماينسمع الا زن بسيط صوتها قصير مره بالموت ينسمع كانت ميعاد تنام بغرفة روابي السابقه الي جهزوها لميعاد وبنتها بشكل كامـل كان توه داخـل للبيت ومار من هـناك  وسمع صوت بكى جود الهادي وقف مقابل الباب وتردد يـدخـل ثم آستجمع كل قوته وطل براســه ممكن جود لحالها وميعاد بعيده عنها وشاف ميعاد كانت نايمه وماهـي حاسه في جود الي تبكي  واضح من تعبها ماحست عليها ومشى بهدوء متجه لها حتى وصل لـسرير جود وتم يناظرها لـفتره وهي كانت تبكـي وونزل مستواها وشالها وهزها بشويش : ويش حبيبي انتِ جوعانه ياعيون عـمك وخالگ جودي جوعانه وتم يناظرها وهو يبتسم لكمية الطافه والجاذبيـه الي بهذا المخلوق الـصغير ونزل يقبل يدينها الصغيرة وخدودها وعضها وهو يدعبها وسكتت  يوم جلس يقبلها ضحك معاذ : شـه صغيرون يـحب  الشيل من الحين ملكعـه انتِ شنووو ياصغيرون اكلگ شيز كيگ آنتِ وشذا الخدود القطن معاذ حامل جود بحضنه ويقبلها وهو وده ياكلها من صـغرها ولطافتها كطفله رضيعه صـغيرة  براءة تقوطر ومشى فيها لـخارج الـغرفه وهو يلعبها ويسوالف مـعها ويقبلها كلها ١٥ دقيقةو مـيعاد صحت  وفتحت عـيونها بكسل واول شيء سوتـه حطت عيونها بسرير جود الي جنبها وفتحت عيونها على وسعهااا: جود؟! وقفت بسرعــه وهي تناظر الغرفه بشكل كامـل : وين بنتها وتناظر الساعه : سلمان مايرجع الـحين وخالتي عندها موعد في المستشفى وماهي راجعه الـحين يمـه وين بنتــــي  من آخذ بـــنتــي وطلعت ركض لصاله تدور بـنتها وقلبها يـضرب بقوووة من آخذ بنتها من مكانها وقفت بجمود وهي تشوف معاذ جالس وبحضنه جود وذايب معها مــيعادددد عـصبت ومــــشت له وقفت مقابل لـه وهي تاخذ جودددد من حـضنه وتضمها لـصدرها بتملگ شديد وهي تناظره بــحددده : اقل شيء عطيتني خبر انك راح تاخذها مو آصحى مرتاعـه ادور بنتي مـعاذ ماقدر يفسر نظراتها الحاده ورفع حجبه : معصبه عشاني خذيتها كانت تبكي وماحبيت آصحيك هذا جزاي راحمك مـيعاد مشت بتصددد عـنه وهي تضم جود لـصدرها وتحتويها مـعاذ : شيء واحد ابي آفهمـه لـيش تكرهيني ليش تعامليني بذا الاسلوب ولاكانـي شيء بعيونگ مـهمشتنـي بس عشاني صرت  آخوگ من آبوگ آبوك الي ماكـنت آعرف عنه  انه ابوي الا قبل موعد موته بفتره بسيطـة ليش كل هذي الحده مـعي ويش ذنـبي آنـا حتى تكرهيني حتى تصدين عـني ليش منتي راضيه فيني عرفنا بعض بنفس الحظة انصدمنا بنفس الـوقت يش فرقنا عن بعض حتى تاخذين مني موقف مـيعاد ماردت عـليه وعطته ظـهرها ماشيه مطنشته او بالاصح ماعندها رد مقنع حتى تقد ترد عـليه معاذ تـنرفـز منها ومشى  ومسك ذراعها ووقفها حتى صار مقابل لها ووقف بـوجها وهو يناظرها بعصبيه : اتوقع اني اتكلم مـعك مااكلم جدار آنـــا مـيعاد رفعت عيونها وحطتها بـعيونه ورفعت حجبها وهي تناظره بشكل بارد : ويش منتظر منـي ويش تبي آسوي لگ آنا مـن جيت هنا عـرفتك على ساس انگ آخو زوجـــي ؟!! بس تكون آخوي ومن لحمي ودمي هذا شيء مو داخـل مزاجي شيء ماحسبت له حـساب حـتى شخص غريب عني يطلع آخوي  ويش منتظر منـي يامعاذ لايكون تبيني آعدك مثل ثامر ومصعب وطلال ؟!؟ مـعاذ ارتبك وماعرف يرد عـليها مـيعاد : آنت آخو سـلمان يامعاذ ومافي شيء يربطنا حتى لو كان فيـه ويش منتظر منـي ويش منتظر ويش تبي منـي شيء انا ماني قادره آتقبله عشان كذا مايحق  لگ تفكر آنگ تعاتبنـي وصـل ..؟! معاذ نزل راسه وآبتسم بشكل ساخــر ورجع يناظرها وهو رافع حجبه : قلتي منتي راضيه تتقابليني طيب فسري لي وقفتك مـعي الـحين بهذا الشكل  بنص الصاله وفي البيت لحالنا بدون حواجز لو كنتي معتبرتني آخو زوجك ماجلستي واقفه معي بهذا الشكـل  وغير انك واثقه من نفسك  بدون تردد وخوف هذا آيش يعتبر ياميعاد كاشفه لـي بشكل و اضح والسبب آيش بالله عليك غير الايام الي راحت ماكنتي تتغطين عني الا بوجود سلمان مـيعاد ارتبكت حجر لـها وصدت عنه وهي تتهرب من عيونه : ليش آشقي نـفسي وآنت تعد من محارمـي وآتغطى وآضيق على نـفسي مـعاذ آبتسم بسذاجـه من نفسه وصد وماقدر يحط عيونه بعيونها وهو يقول كلامه هذا : شوفي انا مدري ويش هو احساسي ناحيتك بهذي الـحضه بس الي آعرفـه آني مابي آشوف منك التجاهل والتهمـيش ذا شيء يضايقني مابي آشوف منك التجاهل والتهمـيش ذا شيء يضايقني ميعاد يوم آنحبستي انا مدري ويش صار لـي ماتعاطفت معك عشانك زوجة آخوي وبس لابالعكس المشاعر الي آحس فيها ناحية وداد آختي حسيتها ناحيتگ نـفسها وآكثر احس انقص ظـهري  يوم مات آبــوي حسيت بـضيق مو طبيعي مـيعاد مابي نـكون كـذآ آبي آشوف خواتي وآخوانـي عندي رغبه اتعرف عليهم  وابيكم تعدوني واحد منكم وفيكم مابي آكون نــكرة  لي شهور وانا جالس ادمر نفسي بسبب هذا شيء انا معتبر نفسي نكرة كنت ابي اعرف اهلي وآقول لهم آني ولدهم وآخوهم بس خايف يصدون عني مـثلگ بالضبط مثل  ماانتِ صاده عـني الحين خايف يرفضوني نـفسگ  من حقي  اعرف اهلي مو ذنبي اني كنت عايش بكذبه حتى تتجاهليني شعوري اقــوى من شعورگ  كنت عايش بكذبة طول هذي السنين فجاءة اكتشف ان الشخص الي اسميه يبه يطلع زوج امـي ضيعت نفسي ومحد كان قادر يفهمني مـيعاد جمدت آطرافه ورفعت عيونها وتناظر عيون مـعاذ وتحس هز شيء كبير بداخـلها شيء تحرگ بشدة  ضاقت آنفاسها ورجفت يدينها وتضم جود حتى تخفف من رجفتها  وهي تناضره يفضفض لها وهو متجاوز كل الحواجز الي هي بنتها بينهم معاذ ابتسم والدمع تجمع بمحاجره من ضيق كان كابته بصدره : انحبستي مااعرفك صح بس كنت متاكد انك مـظلومة افكار كثيرة تجمعت براسي ناحيتك تعبت نفسيتي آنتظر اخبارك على نار بشكل يومـي ماقدرت آبين لحد شكثر آنا زعلان عليك ماقدرت آعبر عن مشاعري ويش بقول ميد سلمـان مستحيل يفهمني غير كذآ مات آبوي ماقدرت آبين حزني لي اي آحد مـحد بيفهمني يوم كان حي كنت قاسي مـعه قابلته مره وحده بحياتي كان  اول لقاء لنا وانا جرحته بكلامـي كان يبي يـضمني بس انا ماخليته ماقدرت آسمح له يقرب مني  ماقدرت شيء غصب عـني ماغاب عن بالي دقيه آنــــه هـــو نفسه الشخص الي قـتل آبــوي آبــوي قـتل الـشخص الي آسميـه يبــه كميت مشاعر تجمعت بهذيك الــحـظه وزاد عليهم انت حسيت روحي تنتزع منـي وانا جالس آتصارع بين وبين نـفسي محد بـيفهمني محد بيعذرني انا ماني قادر آفهم نــفسي ضايع آحسني مـجهول بدون لااصل ولا فـصل مدري آثبت على نـسبي  وفـصلي الـمزيف الي ماآنتمي له  والا آبين للكل من آنا وايش هي آصولــي بكره لا تزوجة ويش آقول انا ولد جهاد الي رباني وآعتبرني ولده وهو مايدري آني ولد الشخص الي كان يكرهه  والا ولد منصور الي مااشوفه الا شخص قاتل ماشوفه الا  قاتـل آبوي هـل آنا نـكرة جاوبيني مـيعاد جمدت بصدمهبعد مانزلت دمعته بـــعجز يوم ارتجفت نـبرتـه رغم جفاها مـعه الفتره الي راحـت جاء يفضفض لـهـا رغم انها كانت تـكسره بصدها عـنه نزلت جود فوق الكـنبه ومشت لــه ورفعت رجولها بتضمـه معاذ صار يناظرها بصدمـه ميعاد سحبته وخمـــتـه بقوة بصدرها وبكت وهي عتبانه على نفسها : ماكان قصدي آخليك تحس بكل هذولي ياخـــــوي اذا انت حسيت بكل شيء ذكرتها من ناحيتي من الحين انا معتبرتك عزوه لي وسند وبعدين من قال آنك نــــكرة ميعاد تمسگ وجها وهي تناظر عيونه وتمسح دمعته : ويش متعبك معاذ هز كتوفـه بعجز  آبتسم بضياع : مدري آحس ضايع في اشيء كـثيرة براسي  تعبت ياميعاد كل ماحسيت نفسي ضايع رحت سكرت عشان آتنسى بــس تعبت من القذارة الي انا طايح فـيها كل مالي وآغرق الكل يعيرني  الكل يقلل من رجولتـي بس مايدرون وشهو شيء الي وصلني لهذي للــمرحله جالسه اتعالج بس كل شيء ضدي الظروف الاشخاص مـليت من نفسي محد صحاني على نفسي الا موت ابوي الى مـتى وانا حياتي كلها خمور وقرف كنت ابي اعرف منهم اهـلي وعرفة منهم آهلي بس زاد علي الحمل اكـثر آحـس الدخول لـهم صـعب مدري ويش ابي مدري ويش آبـــي مـيعاد مـسكت يده وسحبته يجلسون بالكنبه وتهمس بحنيه مـعه : معاذ انت مو مجبور آنك تغير هويتك بس عشان آبوي هو ابوك الحقيقي لاتفكر بالنسب والاصل بنهايه هذا شيء بيتعبك ابقى كما آنت ولد جهاد الي الـكـل يعرف آنك ولــدة مو هو آبوك الي تفتخر فيـه يامعاذ بـس من حقيك آنك تتعرف على آخوانك وخواتك  الموضوع سهل بس انت لاتأخذه بحساسيـه محقك الكل يعرف انو آحنا آخوانك بس انت تغلب على خوفك وانا بوقف جنبك معاذ صار يناظرها بصدمة : جد ميعاد بتوقفين مـعي مـيعاد ضحكت : عندك شك بذا شيء معاذ حس براحـه مو طبيعه وآبتسم برضاء : شكرآ لتفهمك ماتوقعت انك سهله كذا حسيت بتعب معك  يوه بناتك الحين بيبتلشون فيني انا  اصير خالهم وعمهم بنفس الوقت بيتوهقون ويش يقلون خالي والا عـمي مشكلة صراحـه ميعاد ضحكت : ههههههههههه يحول الي يبونه عاد مـيعاد وقفت  تا خذ جود الي رجعت تبكي : حبيبي آنت ياروح ماما جيتگ جيتك ياروحي وتحملها وبحضنها وتحط اصبعها عند شفتها وهي فتحت فمها وهي تتبع اصبعها الي تحركـه : جوعانه حبيبتي وذا خالگ مايعرف يتصرف الحين اخليه يسوي لگ حليبك وهو مايشوف الدرب معاذ : تمزحين صح تراني مـعرف ميعاد رفعت حجبها وهي تضحك : تتعلم ويش وراگ عندك اعتراض لاسمح الله مثل ماتعلم سلمان عشان جود  ورائد عشان ولده عبدالله ويش ناقصك انت عشان ماتتعلم خـال وعــم زيـــنـه تعال نكرفك نستفيد منك شوي والله زوجتك راح تدعي لـــي بالجنه البارده عشاني بسنعك معاذ بلع ريقه : كذا نظامـك وانااخوگ ميعاد ترفع حجبها وهي تضحك: قدامي اشوف بنتي جوعانـه وبزرالــعنود بطريق وعندك ولد اختك عبود بعد تسنــع بنفتح حضانه عندك انا ووداد والعنود معاذ خزها وهو يـضحك : ناويه تكـرفيني حظرتگ منطول لك لايكون امي جيبتني ونطلتني لكم انتم ووراعينكم ميعاد ضحكت وهي تحتضن جود : قدامي آشوف ولاتكثر حكي ودخلو داخل الغرفه وميعاد جلسة على الـسرير وتحط رجل على رجل وتحضن جود بصدرها وتشرح لـمـعاذ ومعاذ صار يتبع خطوات شرحها وبعد ماخلص مده لها : بس كذا مـيعاد خذته وهي تبتسم : وبـس كـذا خلصنا سـهل صـح معاذ ابتسم : المهم نسيت أسالك وجد كيفها وكيف صحتها الـحين بتروحين لها اليوم ميعاد اختفت ابتسامتها واخذت نـفس عـميق صادر من آعماق قلبها وهمست : الحمدالله بخير احسن من قبل بكثير والدكتور طمني انها راح تطلع قريب يعني بالكثير اسبوع او اقـل يلا هانت الحمدالله واكيد بروح لها ماني متحمله يمر يوم بدون لااشوفها النوم يجافي عيوني من كثر ماافكر فيها بعدها عني اكثر شيء مهزومه نفسي عـنده معاذ لاتشوفها كبر الـكف حـيل صغيرة وجسمها ضـعيف مره مدري كيف متحمله وصبرة مااضمها ماالمـسها اشوفها من خلف القزازة يامعاذ من يوم طلعت من بطني ماشميت ريحتها  ماضميتها مابستها ماتعرفة عليها محطيتها بصدري مالمستها معاذ جلس جنبها وحط يده على كتفها وضغط بخفيف وهو يناظر عـيونها وابتسم : كلها ايام معدوده وتجتمعين فيها تـحمـلي كل شيء بـيهون فكري بشكل آجابـي وبعدين وجد قويه مثل آمـها نسيتي منهي بنتها  بالله عليك والا نسيتي من عمها من خالها وابتسم وغمز لها مـيعاد آخذ نـفس عـميق ثم استوعبت وضحكت :  ههههههههههه يعني غصب تحشر نـفسك ضحك معاذ  وغمز لها : عمها وخالها ملزوم آدخل نفسي شسوي وخذتهم الـسوالف والضحك لفتره طويلـه آندمجو مـع بعضهم بسرعه كل الجبال والحواجز  الي كانت بيوهم انهدمـت وتلاشت ومابقى منها الى الرذاذ معاذ ارتاح ان ميعاد تقبلته هذا شيء مهم بنسبه له قبل موعد حظور سلمان للبيت تفرقو  عشان ماينحطون بموقف بايخ ماجاء وقت الي يقدرون يشرحون فيه لسلمان . . مابين آصوات الآجهزة وطنينها الـمريب للـقلب البشري  الصادره من هذاگ المشفى الـكبير  وراء تلك الجدران واصوات اجهزت نبضات القلب تضخ بكل مكان نقدر نحدد ونقول بقسم حضانة الاطفال تقدم بخطواته لهذاك القسم ودخـل وهو يحمل لفه وبحضنه جثت طفله صغيرة بحجم الكـف بارده ساكنه  ماتم على موتها الا ساعات مـعدوده ماتتحرك توقفت نبضات قلبها مايصدر صوتها ولا حركتها ماانكتب لها تعيش وكان الموت قسمتها ونصيبها [ واصبحت طير من طيور الـجنة ] طفله مايتجوز عـمرها آسبوع واحد ماتحمل جسدها تعبها وماقدرت تقاوم حتى تعيش وكانت ضحيه شخص راح يستغلها وهي توها مابعد وعت على الدنيا واقف فـي مقدمة الـمدخـل يراقب بحذر شديد وحتى يقدر يصيطر على الـوضع استغل منصبه  بعد ماآخلى المكان من الممرضات ومن الطاقم الطبي بشكل كامل  بهذا القسم آستخدم حجج كثيرة واستخدم منصبه حتى قدر يخلي المكان لـه ورفـع عـيونه الحاده الـي آنعمت وماصارت تعرف لاحق ولاباطل الي ماصارت تشوف الصح من الغلط وماصارت تميز شيء غير نيته السيئة وحطها بعيون الممرضه ويأمرها تدخل الـحضانـه وتنهي الي كان يطمح له الممرضه آسيل مـشت بخطوات خايفه مرتبكة ماتملك هذيك الجراءة الي تسمح لها تنفذ كلامه بس الحاجه حدته آجبرتها تسوي اشيء فوق مستواها وما ان وصلت عند مكان الطفلة وجد بنت سلمان بن جـهاد الـ... حتى جتها نـفضه باكمل جسدها ارتجاف شديد كل خليه بجسدها ترجف ولفت على وائـل وهي خايفه مرعوبه : الي بنسويه يسمى جريمة خـطف نتحاسب عليها آستوعب تقدر تكنسل كل شيء الي تسويه غلط فكر في العواقب طلبتك مابي اكون شريكتك بهذي الجريمة كل شيء بينكشف آبوها محقق آستوعب راح تخسر وظيفتك وحياتك وراح تضيع نفسك وتضيعني معك وائــل غمض عيونه بجفى ثم فتحها بحده انقرف من طاري سلمان : اسيل ويش حكينى قبل اتوقع فهمتك كل شيء مالگ فرصة انك  تتراجعين بالدقيقه الاخيرة آنا ماخطرت عشان اتراجع اسيل وهي مرتبكة ومخنوقه من ضغط الي جايها : عطيتني وعد ترجعها لـعند امها وائل يضغط على اسنانه بشدة ويهمس : وانا عند وعدي والطفلة ماراح تبعد عن حضن امها ماني مفرقهم كثير  يلا اسيل آستعجلي مافي وقت الوقت المحدد لنا ١٠ دقايق بالموت قدرت عليه استعجلي لا توهقينا غلط واحد منك بتراجع عن وعدي لگ اسيل تجمعت الدموع بعيونها : لاتكفى لاتتراجع ابي انقـل لمستشفى جدة عند آهلي الغربه ذبحتني آبي اشوف امي كل صبح ابي آقضي وقت مع اهـلي تكفى لا وائل بحده : اجل استعجلي كانك تبين اتوسط لك وخذي وجد ماعندنا وقت بسرعه يااسيل آسيل وتقرب وتناظر وجـد الطفله الصغيرة نايمه بهدوء وتمد يدينها المرتجفه وتشيلها وتلفها بالبطانيه الي مـعها وتقربها لصدرها تحضنها وائل صار يتلفت حوالينه وهمس : بسرعـه اطلعي اسيل جمدت رجوالها بالارض وصارت تتنفس بسرعه : مقدر وائل عصب. : نــعم اسيل بسرعه اقولك والله ماراح يحصل لك خير اسيل بكت وصوتها يرجف :كيف بتقدر تنام وانت سبب بخطف طفله  امها بتنهار بتخاف على بنتها حرام عليگ بيوقف قلبها مابقى شيء على موعد جيتها عشان تشوف بنتها كيف بتكون ردت فعلها اذا جت وماحصلت بنتها خاف ربگ مو لهدرجه قلبك قاسي ماخبرتك كذا هذا مو انت وهذي ماهي اخلاق دكتور مثلك عهدي فيك حنين ليش جالس تشوه صورتك بعيوني وائـل ضغط على آسنانه وزفر بحده : آســيل  لاتكثرين كلام اسيل بكت بصمت  وهي تحس مغلوب على آمرها وتعرف معنى كيف تكون بعيد عن احضان اهلك ومشت برتجاف شديد طالعه من الـحضانه وتزيد من احتضان وجد الـصغيرة وائـل تكلم بصرامه : البنت آنتبهي لهـا اكثر من نـفسك صحتها اكلها كلهم عليك يلا السيارة تنتظرك برا غلط واحد قسم بالله مو اكنسل نـقلگ وبس اتسبب بـفصلك من مهنتك بشكل نهائـي آسيل هزت راسها بطيب و مشت طالعه وهي تحمـل طفله بريئة كانت ضحيت حـقد وائــل وهيجانـه مالها ذنب في افعاله وائل  في البداية كان متقبل انها تزوجة ورضاء وتقبل قال قسمة ونصيب بس فكرة انها اتتـزوج بشخص كان يعرفه وكان يدري بمشاعره ناحيتها هذا الي  غلبه لغضبه وحقده وترك منه شخص ثاني مغبون مقهور قلبه آحترق وائـل تقدم لمكان وجد وحـط مكانها جثت تلگ الطفله الي متوقف عنها النبض من ساعات معدودة طفله كانت لقيطه حصلوها عند عتابات احدى المساجد طفله كانت ضحية نزوة طايشه جسدها ماتحمل برودت هذاك الطقس كانت نايمه بصمت  كانت تحمل ملامح تشبه ملامح وجد الاطفال بهذا الـعمر يشبهون بـعض ماتبين ملامحهم الا بعد شهرين او ثلاثـه مسح وجها برتباگ شديد وصار يتلفت حوله ومسح بصامتها بالمناديل وتنهد تنـهيده طويله طلعت من آقصى آنفاسه عارف بفعلته هـذي انه جالس يقترف جرم بميعاد يدري آنـه راح يوجعها يدري آنه راح يكسرها راح يجرحها بس هو مجروح هو يـبيها ومازال يحبها بيرضا فيها هي وبناتها بس تـكون لـه تحبه هـو ماتحمـل يشوفها زوجة لشخص غيره ولا من بعد سلمان صـديق آخوه الي كان جنبه بيوم ملكة الي بارك لـه بملكته الي عده آخـوة صافحه نطق له كلمة مبروك وهو يبتسم له ومشى وهو يحاول يتجاهـل آفعاله وجالس يقنع نـفسه ان الوضع مارح يطول وطلع من هذيك الـحضانه تارگ طفله ميته مكان وجـد بنت سلمان بنت جـهاد الـ.... بعد ماشيك على كل شيء طلع وعيونه متغورقه دموع وفتح ازرير ثوبه الاولى وطلع لمكان يقدر يتنفس فـيه وآخذ نـفس طـويل وهو يتنهد بحـسرة يحس بثقل كبير على صدره  هذا مو هـو هذا مو وائـل مو قادر يسيطر على نـفسه تقدم خطوة ومايقدر يتراجع  عنها خطفه لوجد بهذي الطريقه تجبره يكمل باقي خطواتـه جالسه يقـنع نـفسه ان كل شيء بيكون آحسن من قبل ورفع عـيونه يناظر الساعه موعد جيت ميعاد تزور بـنتها وحمل نـفسه وطـلع من الـمستشفى بـكبره مايبي يفكر ولا يتخيل كيف بتكون ردت فـعلها لاجت وحصلت طفله تحمل اسم طفلتها وانحكم عليها بالموت وهـي حـيه  راح يجن جـنونها بتنهار كيف بيتحمل قلبها كيف بتهضم الـخبر ماحصل فكرة يستردها فيه غير هذي  الفكرة اجابياتها اكثر من سلبياتها بنسبه لوائل غضبه من سلمان اعمى عيونه . . عمري ما فكرت فيك، وما خطر في البال حبك، لحتى قلبي قال أبيك، وقالت عيوني أحبك. قمت أفز لشوفتك، وأتحرّى جيتك، أنتظر حبي الجديد، بعد ما فكرت فيك. كنت أشوفك من قريب مع جميع الناس عادي، ما تخيلتك حبيب رايح بقلبي وغاد.. الـعنود كانت حامـل بالشهر السادس وبرز بطنها ومشغله فواز وتتدلع عليه مستغله وضعها وهو ميت عليها مشت وهي طالعه من المطبخ وبحضنها صحن توت  وجلسة جنب فواز الي تم يناظرها مع كل خطوة تخطوها ومع كل حركة تتحركها  ويبتسم مو مـصدق لحد الحين مو مـستوعب الـعنود وهي تاكل التوت  وتناظره : ويش تناظر تبي فواز  رفع يده وحاس شعرها وهو يبتسم : بالعافيه وحط يده على بطنها البارز وهو يتلمسه ويعض شفته السوفليه : المهم ولدي يتغذاء ويستعجل ويطلع طال انتظاري لـه الـعنود نزلت راسها وهي تبتسم له ومن لمحت ريناد طالعه من غرفتها دفت يد فواز عن بطنها بسرعه وفتحت يدينها على وسعها : هـلا بالغاليه هلا في بنتي الجميله هلا بأجمل ريناد شافتها عيوني  ريناد مـشت ركض بترمي نفسها بحضن العنود فواززز : هوب هوب شويش شويشش بتعاورين اخوك يالدفشه ريناد ضمت العنود من على جنب وصدت عن فواز بغيرة ا لعنود وهي تلعب بشعر ريناد : صاحي انت كيف تعوره وهي اخته الكبيره تخاف عليه اكثر مني ومنك يالخبل فراز ضحك بسخريه : واضـح  ريناد :ماما اليوم بابا بيجي يأخذني العنود رفعت عيونها تناظر فواز ورجعت تناظرها : ريناد ماما امس كنتي عنده رينـاد : الـيوم بيعرفني على جدتـي يقول انها تبي تشوفني الـــعنود اتسعت حدقت عيونها على وسعها وجمدت مـلامحها بــصدمــة وحطت عيونها بعيون فواز وتتصاكك آسنانها ببعضهم : فـواز فواز تنهد ووقف : شيء لابد منـه يالعنود بس بكلمة واتفهم مـعه لاتشلين هـم ممكن ماتتوترين وقفت الـعنود وهي مرتبكة وتحط يدها على ظهرها وهي تعض شفتها السفليه بـقلقل وتمشي للغرفه ولحقها فـواز وسكر باب الغرفة ولفت عليه الـعنود  وهي معصبه : مو على كيفه يقرر شيء بخصوص بنتي بدون علمي فـواز شتبيهم يقلون ميد بنتي شتبيهم يسمونها بنت آيـش ... فواز تنهد ومسح على وجها : يرضيگ تكون بدون اصل وفصل الى متى وهي تنتمي للميتم وهي بنتكم يالعنود يالعنود استوعبي ريناد  بنتك مو بشكل رسمي يرضيك الـعنود آخذت نفس عمـيق : فواز مابي احد يقول ميدها كلمه تجرحها ريناد ماتدري عن شيء ماتدري ويش آحنا لبعضنا تضن انها بنت ابو وام انفصلو عن بعضهم فواز : آخوانگ لازم يعلنون انك كنتي زوجة تركي بسر وريناد كانت تعبانه وسافرتو فيها خارج البلاد تعالجونها بسم الله عليها بعيد عنها الشر اما تبقى الطفلة مجهوله كذا وكل شيء يصير بالخفيه هذا شيء انا ماراح  ارضى فيه يالعنود الٰعنود : هذا الي تشوفـه الناس راح تنبش من تحت الارض يافواز ماهموني الناس كثر ماتهمني بنتي ماعندي استعداد. تسمع كلام يكدر خاطرها الناس طز فيهم ماهموني بس بنتي بنتي يافواز  مابي احد يقتل برئتها فواز  حوط كتوفها بيدينه وهو واقف مقابل لها ورفع حاجبه اليسار : شكلك نسيتي من آنـا او من آكـون الـعنود عقدت حواجبها : عـندك حــل يخليني اتحرر عندك حل يفك لي قيودي فواز آبتسم بهدوء : عندي اوراق تثبت آنگ كنتي زوجة تركـي على سنة الله ورسواله يوم كان عمرگ ١٢ سنـة زوجك آبوك وعندنا توقيعه زوجك بالسـر وعندي اوراق طبيه تثبت ان ريناد كانت مسافرة للعلاج في امريكا ومارجعت الا من سنـه وعند اوراق طلاقك من تركـي شتبين آكثر من كذا الـعنود صارت تناظره بـصدمـــه شديدة وهمست : تستهبل صـح فواز تقدم وفتح الكمدينه الي عند راسـه وطلع مـلف ومده لها : شوفي هذي فيـهاالاوراق وقانونيه ورسمية  وذا احد فكر ينبش ماراح يحصل الا هذي مقابل له بالمرصاد ريناد تستاهل حياة نظيفه واضحه بعيده عن الغموض بعيده عن النكران تستاهل تكون البنت الي الكل يعرف اصلها وفصلها ومنهي امها ومن هو ابوها والا ويش رايك تستاهل لا قالت هذوالي اهلي تقولها وهي رافع راسها فخورة واثقه من نفسها تحس نفسها تنتمي لـهم قدام الكل يالعنود والا ويش رايك الـعنود حست برجفه تمسكنت في اقدامها ورفعت عيونها تناظره والدموع فاضت من جفونها وصارت تتصفح الملف ماهي مصدقه كيف قدر يسوي كل هذا كيف قدر كانه حقيقي ولا في اي اثبت يثبت ان كل هذا مزور العنود نزلت دمعه من عينها اليمين : كذا تعرض نفسك للخطر جالس تتلاعب في اشيء قانونـيه ماهي من حدگ يافواز فواز آبتسم وقبل جبينها بحراره : لاتخافين ريناد معتبرها بنتي  دام هي حمل بطنك وتستاهل التضحية يالعنود وهذا شيء آنسي آنه مزور وآعتبره واقع وحـصل الـعنود مشت مسرعه ورمـت نفسها بـحضنه وتعلقت فيه بقوة وبكـت بصوت مــٰرير وهي فعلن ممتنه لـه كلمات شكرآ ماتكفيه ولا توفيه على جمايله مـعها فواز غمض عيونها وهو رافعها عن الارض وحاضنها وهمـس : هذا ولاشيء يالعنود انتِ جبتي لـي فرحة عمري يالـعنود من دريت آنك حامـل وانا الفرحة ما وسعتني مستوعبه آني بكون آبو يالعنود آبــــــــــو ودار فيها وهو يصرخ بكلمته وهو يضحك والعنود ضحكت من كل قلبها وهي تضحگ وكل تفكيرها بهذي العبارة تأملت فيها كثير حستها تمثلها ..قد يرزقك الله بشخص يعادل كل ماخسرته في حياتگ وقد تخسر شخص ترزق بعده بحياتگ .. ونزلها على الارض وقبل جبينها بحنيه  ويناظر عيونها وهمس وهو ماسگ يدينها بيدينه : لحظاتگ هذاگ اليوم قبل خمس شهور  بضبط وآنتِ داخله من هذا الـبـاب يالعنود ولسانك يحمل كلمات قلبي تمنها وكان ينتظرها من زمان آشكرك على كل شيء واشكر وجودگ في حياتي آجمل نعمة ربي انعم علي فـيها الله لايحرمني منــگ الـعنود تحركت مشاعرها ونزلت دموعها ضحك فواز : انتِ على كل شيء تبكين الـعنود ضمت ذراعه وهمست : دموع الفرح اجمل سعادة ممكن يحس فيها الانسان آجمل شيء انك تبكي من شدت فرحك يافواز مبسوطة آنـگ زوجي مبسوطة آني دخلت غيبوبـه آني جيت لباريـس كل شيء خيرة ماتوقعتك تكون نـصيبي فواز آبتسم . . نرجع (قـبل )خمس شـهور الـعنود غيرت حالت الـبيت بشكل بـسيط كانت الانوار خافتــه والموسيقى هاديـه والشموع تملئ الـمكان كـله بالطافه بالصاله جابت التركيبات على شكل صورة مجهوله  ونثرتها بالارض وجهزت جوء هادي لـهم وطلبت من فوا ز يجي يلعب معها ويركب التركيبات وصارت تساعده حتى آكتمـلت وطلعت صورت جنين برحم آمـه فواز مافهم  او نقول ماتوقع الـعنود : ماتعني  لك شيء هذي الـصورة فواز عقد حواجبـه بعدم آستيعاب : وراء لسانك شيء صح الـعنود وقفت وهي تبتسم بــخجل : شرايك تشيك على غرفتنا عندي لك هديه صغيره راح تعجبك فواز ابتسم وهو رافع حجبه : اليوم زوجتي مدلعتني جوء رمنسي ومتكشخه لـي وزود عليها هديه انتِ لحالگ هديه العنود حمرت خدودها : بس هديتي راح تحملها طول عمرگ راح ترتبط فيك للأبد ماودك تشوفها فواز زاد حماسه : يـلا ومشى رايح للغرفه وفتح الـباب وكانت الشموع مـوزعه ببترتيب على ارض الغرفه وشغل الانوار وفتح عـيونه بدهشه وهو يناظر ملابس آطفال كـثيرة وفوق التسريحـه ستاند متوسط الحجم في صورة طفل برحم آمـه ومكتوب تحتها : أجمل دورة في الحياة هو أن تكون أباً تهتم بطفلك الصغير وتغمرة بحبك وحنانك .. فــــواز تم لحظات ساكت ومتسعه حدقت عـيونـه وتمثل الـصدمـة الـعنود خافـت ورتجف لسانها : لايكون استعجلت لايكون ماتبي عيال لايكون عصبت فـواز رد عـ...ـلي فواز مازال يناظرها بنفس النـظرات وهمس : آنتِ حامــل الـعنود هزت راسها في آيـه وهي مرتبكــة فـــواز بـسرعه بدون لا تحـــس فيها بدون لا تداركــــه سحبها من يدها وبسرعه وشالها وهو رافعها لـــــفوق محوط خصرها بيدينه ورافع راسه يناظرها وشعرها تناثر على وجه فواز ويصارخ بصوت عــالي كانه مجنون : ويشششش قلتي وويش #آنتهى { #رواية_حسبي_على_الي_حال_بيني_وبينك_يامشغلن_بالي_وينك } *💜ـــــ #يتبــع👇ــــــ💜* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜