حسبي على اللي حال بيني وبينك يامشغلن بالي عن الناس وينك - الفصل 87 - مكتملة | روايتك

عالم القصص والروايات 📚: {روايــــة حسبي على الي حال بيني وبينك يامشغلن بالي عن الناس وينك} 💜🍃💜🍃💜 🍃💜🍃💜 💜🍃💜 🍃💜 💜 📖 @ahgeel 🍃📚 ..💜 *. #البارت_السابع_والثمانين* .. راح تطلعني من هذا المكان  برضاك آنت بدون لايدرون ربعك حـتى وراح تتحد معي برضاك بدون اي ضغط مني انت وابو ثامر في اصابعي راح امشيكم على كـيفي سلمـان ضحك بقوة بوجــها :ههههههههههههه تبطي عــظم وتهـبي يالوصخ  وتــخسى وتـعقب حلم ابليس بالجنـه بو منيف رفع عيونه ويناظره  براحه شديد : كيفك لا تصدق  الحين بس راح تصدقني بعدين ماعمري قلت كلام الا انا قـده انا قول وفعـل يابوجهاد قول وفـعل سلمـان ماتحمل ثقته الزايدددده بنــفسه وطاح فــيه ضرررررررب مــبررررح والكل واقف يناظر سلمــان الي صار يضرب ابو منيف بشكل شرس ويلعنه ويـسبه بغضب شددديدددد ورماه بالارض وماسلم جسمه من الجرووووح وصرخ بعصبيه : والي خلقني راح تندمممممم راح تندم ياخسيس وانت وابو ثامر مصيركم القصاص انت امرك منتهي والدور عـليه ومشى طالع بعد ماتركـه مابين الوعي واللاوعي من هول الضرب الي حصله من سلمان وسلمان حـس بوغز بقلبه ذا الكـلب ماهو قليل شــر ومايقلو شيء عـبث اكيد في باله شيء وشيء كــبيـــر راح يحرقني ويحرق آبو ثامـــر مــعي ركب سيارتــه وهو ماشي للـبيت  ويحاول يهدا على قد مايقدر ووصل وتنهددد وحط راسه على الدركسون بضيـق شديدد وتنهدد ونـزل ودخـل للـبيت ورفع عيونه يناظر السكون العجيب الي في البيت مااهتم ومشى طالع لشقتـه ودخـل وهو يدورها بعيونه بس كانت صاله فاضيه ومشى للغرفه ودخـلها شافها نايمـه مشى ياخذ له دش سريـع يهدي آعصابـه وطلع بعد نص ساعه  ورمى نـفسه جنبها وظل يتأملها بهدوء لــفتره كان وجها محمر انفها و خدودها الدموع على اهدابها كانت ضامـه مخدتها بقوة على بطنها ونايمــه سلمـان كره نـفسه وكره كل الناس الي حولـه . . نرجع لــعفاف الي كانت نايمـه بهذيك الغرفه بدون اي حركة بدون اي شعور نايمـه من آمـس وللحين مــاصحـت او نقدر نـقول من هول صدمتها نامـت لفتره طويله  ثامر يناظرها يتأكد انها للحين حـيه ولالا نومها مو طبيعي ابد من آمس نايمــه وللحين ماصـحـت والي زاد صدمته بعد ماعرف انها جت لزواج يعني شافة كل شيء وعرفة نيته فيها ، ثامر بعد ماطلع من هذيك الغرفه الي حط عفاف فيها رفع عيونه لروابي الي كانت لبسه جنـز وتشيرت ابيض ساده  وشعرها رافعته بشكل مبهذل وجالسه على جوالها تطقطق وتكلمتء بهدوء بدون لاتناظر لـه : للحين نايمـه من امـس لحدالحين ماصحت ؟! ثامـر : ايـه للحين نايمــه روابي رفعت عيونها وهي ماتنسى كيف دخلها ثامر امـس كانت لبسه وكانت مضبطه شعرها معقوله حظرت الزواجنا : عرفة عن زواجنا ثامر جلس مقابل لــهـا : اتوقع عــرفة روابي رجعت تطقطق على جوالها وهي ساهيـه تفكر .. [ امس بالليل بعد ماطلع ثامر روابي من الـقاعه لفلتهم وكل واحد فيهم غير ملابسه بعد حفل الزواج واخذ دش ولبس بجامته وجلس يتعشون وتغير جوهم مــره روابي وهي معها سيديات كـثيرة ومتربعه بنص الصاله  وهـي تنقي شيء فيهم : بنتابع فلم بس مدري ويش نـشوف بضبط تعال ساعدني واختار مـعي الله لا يهينگ ثامر تافف : ياكثر حنتك كيف اجوء الفلم روابي ضحكت وهي تغمز له : يعين اكشن على كوميدي نخاف ونضحك مع بعضهم والله ضحكة بعد الخوف تروي القلب ثامر ضحك : شكلك مجربه الـشعور روابي : آووه خـبرررة والله شعور بـطل ورفعت سيدي : هذا قصته تضحك وتفجع قد قريت عـنه بنشوفه ووقف وهـي تحطه في الدفيدي وتشغله على تلفزيون ولفت لثامـر : وين الـعشاء مـيتـه جوع عصفير بطني صارت تصفر من اليوم وانا مجوعه نفسي ماخذه وضعيت العروس المستحيه ثامر ضحك : ماراح ناكل على طاولة الطعام روابي كشرت : لا مابي ادخل في اجواء الرسميات بناكل على الارض  ياخي تونس آكـثر وتشبع حتى احس اخذ راحتي اكثر  ونتابع الفلم بعد ثامر ضحك : زين بروح اجيبه واجيك عاد تعالي ساعديني الله لايهينگ ومشى يجيب سـفره ولحقته روابي تساعده وتحط الاكـل على الارض وترتبـه وبعد ماانتهو تربعو جنب بعض ومطفين الانوار يتابعون الفلم وداخلين مـعه خوش جوووو وضحكهم واصل للجيران مع صراخهم روابي مهبوله وخلت ثامر ينهبل مـعها ثامر العاقل الراكد الهادي انهبل مع روابي ومـع جوها الي آعجبــه صدق من قال من عاشر قوم اربعين يومآ فهو منهم روابي وهي تضحك وتعلق على الفلم : شه شه ههههههههههههههههههههههههههههههه يقلع شـكلـه الكلب ثامر يضحك ومغطي وجهااااااا الي حمر بعد ماانتهى الــفلم وقفت روابي تـشيل اكلهم ووقف ثامر يساعدها وبعد ماخلصو روابي صارت تتثاوب : وين غـرفتي فيه ثامـر عقد حواجبه : راح ننام بـغرف منفصله روابي رفعت حجبها وتكتفت : اكيد آيه انت لك غرفتك وانا لي غرفتـي  ثامر لاتنسى هذا زواج على الوراق كانك بادي تنـسى ثامـر : مانسيت شيء مو انتِ الي تذكريني ياروابي  بس ماحسبت حساب للغرف المنفصله  ويش فيها لاتشاركنا الغرفه ليش تضايقت ي روابي طيرت عيونها بصدمـه : هـيه لايكون مـفكر اني بنام مـعك بنفس الـسرير مابعد انهـبلت انوم جنب رجال غريب عنـي اصحى ياثامـر آصحى ثامـر : انتِ الي اصحي ماراح يصير شيء والسرير كـبير الا اذا انتِ تشكين بنفسك وخايفه يصير شيء فهذا شيء ثانـي روابي صارت تناظره بجمودد وتكتفت بعصبيه : واثقه من نـفسي واعرف حدودي زين بس انت كأنك خذيت وضعيت الزوج الي يبي زوجته مـعه ثامـر عصب : روابي لاتكبرينها وهـي صغيرة بناتي بيعشون معي وعفاف بعد  كيف راح يكون الوضع مقنع اذا كانت غرفنا منفصله روابي وهذا الي ماحسبت حسابه ابددد  وهمست : ثامر انا ابي اخذ راحتي بيصر كل شيء نفس مااتفقنا بس نكون بغرفه وحده لا ثامر  انا متعوده اسوي كل شيء بغرفتي براحتي لبسي اهتماماتـي  بنفسي رياضتي كيف برتاح وانت بتشاركني نفس الغرفه وغير كذا ماني متعوده في وجود شخص معي بغرفتي ولا بعد رجال افهم قدررر ثامر غمضض عيونه ورجع فتحها : راح تتـعودين ومشى تاركـها و دخل للغرفه ورابي تكتفت بزعل وجلسة بالصاله وانسدحت على الكنبه  بضيق وصارت تناظر الـسقف بعد عشر دقايق طلع ثامـر وهو مـستعجل من الغرفه وهو مغير ملابـسه وووووواضح عليه منصدم من شيء روابي عقدت حواجبها : هيه ووين رايح له ثامــر وهو مـستعجل : عفاف مـع السواق يقول يكلمـها وماترد عـليه وقفت روابي وهي تناظررره : يعني ثامر : بشوفها ممكن عرفة اني تزوجـت روابي : طيب وطـلع ثامر وهو مـستعجل  لشارع ومشى لسيارة السواق : وين عـفاف السوق وهو خايف : بالسيارة بابا والله مدري ايش فيها بس ماما كانه مثل مجنون يسوي حركات تخوف ثم الحين من ساعه مافيه يتحرك ممكن ماتت مشى ثامـر  بسرررعه وفتح باب السيارة وشاف عفاف متسنده على الدريشه ومغمضه عيونها وعبيتها كانت كلها مفتوحها وجسمها متعري تأفف ثامـر ومشى يحركها يشوف نبضها تنهد بعد ماتأكد انها نايمه وعدل عبايتها وسحبها حتى شالها ومشى وهو يدخل فيها للـبيت وطلب من سواق يروح ومشى ودخـل لبيتـه  روابي الي شهقت وهي تشوف ثامر داخل وشايل حرمــه : من هـذي من هذي ثامـر : عفاف ومشى وطلع لدور الثاني ولحقته روابي ومشى لوحده من الغرف ودف الباب برجـله ونزل عفاف على سرير وشال عبايتها وغطها بالبطانيـه وهو منقرف منها روابي كانت واقفه وتناظره بهدوء : ويش فيها هذي من اول يوم رمت نفسها علينا يالليل النـشبه كان صبرت شوي ضحك ثامر : ضريرتك وتحمليها روابي ضحكت بسخريه وطلعت وهي ماهي مهتمه ابد لوجود عفاف ولحقها ثامر ومسگ روابي من يدها وسحبها معه لغرفتهم : مابي آعتراض وهذي المخزيه  وجت ابي شطارتك روابي تأففت ومشت معه لداخـل الـغرفه وثامر سكر الباب وقفله روابي صارت تناظر الغرفه وكانت كبيره وشكلها مره فخم ويجنن ثامر راح رمى نفسه على سرير وبينام وحط وسايد كثيررره بالوسط : وهذا حاجز وحطيته مالگ عذر تعالي اخمدي روابي ضحكت ومشت تنسدح وتنام وهي تبي تنسى وجود ثامـر معها بنفس الغرفه حست برتباك شديد ماهي متعوده بس تعوذت من بليس ونامت وهي حيلها حيل مـهدود .. بعد ماصحو ثامر ورابي مره يومهم وراح يومهم كله ضحك وسوالف وعلى الليل راح ثامر يشك على عفاف مازالت نايمـه ميل فمه وطلع وتركـها وهو ينتظر الحرب الي راح تـقوم وكيف بٰيستعد لها روابي وقفت :وهي تناظر الساعه الي صارت ٢ بالليل / ماودك تقومـها مو معقوله كل هـذا نوم ثامر تمـغط بكسل : هي راح تقوم من نـفسها متى مابغت تقوم راح تـقوم بروح انام عندي بكره شغل روابي : غبيه يوم خذيت اجازة شـهر عـسل غبيه توقعتك خذيت اجازه ثامـر ضحك : عادي كنسلي اجازتك روابي مشت وتحط الاب بحضنها : لا بستغلها عندي شغـل بهتم فيه بهذي الاجازة فرصه وجتني عيب آضيعها ثامر : زين تصبحين على خـير ومشى ينام ورابي جلسة لصبح تطقطق على الابتوب وشابكه السماعات في اذونها وتغني بصوت هادي وهي مندمجه وتشتغل .. فـتحت عـــيونـها وهي تحس بصداع قوي براســها  وماهي قادرة تركـزززز من قوتــه ووقفت وهي تبي تتذكر ويش صار لهابضبط  وتناظر المكان الي هـي فيه بإستغراب شديدد تبي تستوعـب هي وينها فـيه ماتذكر شيء غير هذيك القاعه المشؤومـه وشــهقت بصوت عــالي وكأنــها تذكــرت وبشكل تدريجي طاحت الارض بقوة على ركبها وهي جالسـة تستوعـب الي صار لــهــا وجمدت مكأنــها وووصارت تناظر نفسها بالمرايه الي قدامـهااااشكلها شعرها ملابسها مكياجها الي خــرب تجمعت الدموعها بشكل تدريجي وتحـس قلبها يــخفق بــشكــل قوي وهي تذكرررررر كل شيء صار آمــس وهمست وهي تبكي بشكل مـقطع مابين بكائهاتشهق بقوة لدرجه تحس انها ماهـي قادره تاخـذذ نـفس تحس الهواء قـل من حولها ووووجها يقلب بنـفسجي ثمممم يرد لهاااا بعلو صدرها وهبوطططه وصارت تنتفضض وهي تحط يدها على وجها ويدها الي كانت ترجف بشكل مو طبيعي وكان صعقه كهربائيه اصابتها : ثامـر ثامررر ثامررررر مايسويها طـيب لـيششش ووقفتتت وهي تنتفـضضض ومشت وهي تناظر الغرفه وتناظر فيها السرير الـثانـي عقدت حواج بها ومشت وفتحت الباب بهدوء وهي كل جمسـها يرتجف وقلبها يدق بقوة وطلت براســها برا الـغرفـه وطلعت منها وانصدمـــت وهـي تـشوف هذيك البنت جالسه بعرض الصاله وتطقطق في اللابتوب وماخذه راحتها وكان البيت بيتها انا ليش هنا  جمدددتتتتتتت مكانها وهي تناظره بـحده وحقد مـلى لها قلبها وجــٰمرت عــيونها وصارت تتنفس بـقوة وبالقوة تلقط آنـفاسها  هذي هـي نـفسها الي سرقت ثامر مني الي لبست فستانـي الي آخذت كــل شيء انا تعبت فــيه   هـي الي آنزفت له بدالي الي سرقت ليلتي مــني هذي هــي جالسه هنا وماخذه راحتها مستحـيل تنسى ملامحـها هذي الـي صارت شريكتي هـذي الي صارت تشاركني بالشخص الي خنت صديقتي الي كنت اعدها صديقة عمرري خنتها عشانـه هـو هـذي بإي حٰق بإي جراءة تكون زوجتــــه ثامــر لـي لحالي آنا زوجته انا آم بنتــه وهذا الرابططط القوي الي بينــا من هذي البزر حتى تدخـل بينــا مو عـفاف الي ينحط فوقها شــريكـه مــو عــفاف كانت تناظرررررر روابي مع كميت مشاعر تراكمـت جواتها من صدمـة عجزت تستوعبها مـن حقد من كره ومن غــيرة ماهي طبيعيه ومـشت لها وهي ماهـي ناويـه خـير والشرار يطلع من عيونها بهذي الـحظة راحت لها وهي ناويه تجرم فيها ومشت وتكلمت بصوت عـــالـي : والله راح آخــــليگ تندمين على اليوم الي جابتك فــيه آمك على هذي الــــدنــيا ياحثالة ياسراقت الرجاجـــيـــل روابي رفعت عيونها على صوتها العالي وتناظر عفاف لي كانت ماشيــه لـــهــا وكان جني مـتلبـس فـــيها وعيونها صايرة مــثل الجمـــر روابي قمطت آم الـــعافيـه ووقفت بسرعه  وهي تحتمي منها وراء الكنـبه وصرخت بصوت عـالـي : ثامـــــــــــــرررررر ثامـــــــــررررررر عفاف وهي ماتشوف شيء قدامها من جنونها  وتبي تمسكها : تعالي والله ماراح اخلي فيك عـظم سالم يالواطيــه دامك خوافـــه ليش تاخذي شيء مو لگ روابي وهي تضحك بشكل يستفزها : شوفي وجهك وكحلك السايح بسم الله بليس واعوانـه يخافون منك مو آنـــا ثامـــــــــر ثامـــــــــررررررر ثامـــــــــرر طـلع ثامرررر مرتاع من الــغرفه : روابي ويششش فيكككك  ورابي من طلع ركـــضت  لــــه بسررررعه مستغله لفت عفاف له الي صارت ترتجف بصدمــه وضمـــته وهي تحتمـي فــيه : والله ماني خوافه بس وجــها يروع قل اعوذ برب الفلق من شر ماخـلق عـــفاف جمدددت مكأنـــها وهـي تناظر روابي بحضن ثامــر الي ياما حلمت فيــه من هاذي حتى تكون فـيه ثامر حط ذراعه عليها يحتويها ورفع عـيونه لعفاف بــحددد وحـقد تراكم بـقلبه وكأنـه تذكر من هـي : نـــعمممممم ويش عندككك عــفاف بكت بصدمة وهي تناظرهممممم وهمست برتجاف : قل لي انك جالس تسوي فيني دقـه بس مو صحيح الي آفكر فـيـه ياثامــر من هاذي حـبيبي طلعه من هـنـا لاتخليها تهدم بيتنا روابي تخصرت وهي تناظر عفاف بحده وهي منقرفه منها وتناظرها من فوق لـتحت : هو اصلن لكم بيت عشان انـا اهدمـــه تطمني حبيبتي مابعد وصلت لمرحلتك مابعد صرت هدامـت بيوت نـفسك مابعد فكرة آخذ زوج غـيري عـفاف مـشت وهي بيجن جنونها لهم تبي تبعد روابي عن ثامـر جت بتمسك روابي وناويه تدفنها بالارض وتدهن اصلها بس ثامر حط روابي خـلفه ووقف بــوجها وهو يناظرها بــقرف عفاف صرخت بنهيار : ابعدد بمسح بكرامتها بالارررررض ثامر تكلم بسخريه : ليش هو انتِ عندك كرامـه عشان تفكرين بكرامة غيرگ بالاول فكري بكرامتك الي بعتيها برخيـص عفاف ناظرته بجمودد وشفتها صارت ترتجف وشهقت ماهي مصدقه مستحيل يكون هـذا ثامررررر وين هذاك الي قبل شهر وينـه  وصرخت : ويش مـغيرك انت ماكنت كذاااا اكيددددد ساحرتكك اكيددددد مسويه لك شيء وين كلامك لـي وينــه وين الصفحه الجديدة الي فتحنا من شهررر وين كلامك وين مغازلك لي نظراتك الي كلها حب واحترام ويــن الي كل هذا ثامـر وقف يناظرها بجمود شديد عفاف شهقت : ثامر تكلم لاتكسر فيني اكثر من كـذا لا تجنني حرام عليك ثامر صد عـــنه وصرخت على روابي : ساحرته يالمنحطه يالرديـــه ويش موسـيه لزوجي ماكان كــــذا روابي ضحكت بحده : الزمي حدودگ روابي بنت سلمان بن جهاد الـ.... ماهـي عــفاف ولا توصلين ظفر روابي لـيش  تحسبين الناس نـفسك تشرك في ربــها وتكفر بدينها عـشان تتقرب من الـسحره  وتـطلب منهم يسحرون زوج صديقتها عشان شهواتها ورغباتـــه الرذيـله ليه تتوقعين ان كـــل النــاس نــفسك حقيرة منحطه عديمة اخلاق انانـيه ماتحب الا نـفسها وبــس عــفاف وكأن آحد ضربها كــف قووووي وصارت تناظر بصدمه ورفعت عيونها لثامر : ويـش تــ...ـقولين آنت ولفت لثامر ومسكت يده وهي تصيح وتشهق بقوة : كذابه لاتصدقها كــذابه انا ماسويت شيء لگ انا ماحطيت لك سحرررر كذابــه برفع عليك قضية قذف وتشوفين انا ماخليتك تتمنين لسانك ينقص ولاقلتي كلامك هـذا جت روابي بترد بس قاطعها ثامر : قلبي روابي لحظة ولـف لعفاف يناظره بحده : ص ح انتِ ماسويتي شيء آبد عفاف ضحكت وهي تمسح دموعها : ايه ماسويت شيء ثامر : يعني ماقد تقربتي لـي قبل قبل لاتموت  نهى  وقبل لاتحمل انربط لسان عـفاف بصدمـه ثامــر عقد حواجبه : عفاف انا شفت وقريت كل شيء بالحرف الواحد كل شيء كتبتيه انا قريتـــه الا صح عـفاف ماقلتي لي ليش انا تزوجتك كيف صرتي زوجتي كيف حملتي منـي عجزت افهم عفاف صارت تناظره بصدمــــه ونطقت بخوف : انت تحرشت فيني انت آغـتـصـ.... ثامــــر صرخ بشكل تردد صوته في البيت كــله : بل كــــــــــــــذب عٰـفاف انفجرت وهي تطيح على ركبها بالارض وتصارخ وهي تبي تفضي الي خبته جواته لسنين : هــــي السبب هـي السبب هـي الي خلتني آفكر فــيك هـي الي خلتنـي آتعلق فـيگ ثامر جلـس بالارض وشدد شعرها ورفع راسها وهو يحط عيونه الغاضبه بعيونها : منهـي بـس منـهي عفاف صارت تتنفس بـسرعه : نــهـى ثامــر ماتحمــل واخذ راسها وصقعه بالارض بـــقوة وه يانفس بــسرعه ورابي شــهقت بصدمــه وارتبكت وهي تشوف خشم عفاف ينزف دم بقووووووة ثامر شاد على شعرها وتكلم بشكل بارد : قولي المستور آحسن لگ عــفاف صرخت بالألم شديد وبالقوة تتنـفس ثامــر ترگ شعرهاالي كان قاسي ملمسه من السبريـه ووقف يناظر عفاف الي بالارض وخشمها ينزف : اسمــعگ عــفاف ضحكت بـقهر : تبي تـعرف لك الي تبيه ماكفاك الي في الدفتر ثامر مـشى وجلس مقابل لها وضحك بسخريه : لازم اسمع منگ عــفاف رفعت عيونه لـها بقهر شديدددد وصرخت بصوت عالي وقفت وتحرك يدينها وهي تتكلم وتفضي كل شيء بصدرها : نهى هـي الـسبب بكل شيء هـي الــسبب هـي الي جنت على نـفسها محد قالها تتكلم فيك عنـدي والله والي خلقني ماكنت مهتمه فيك الا من بعد كلامها عــنگ من بعد ماشفت حبك لها كنت مستنكرة وضع حبكم معقوله في رجال سعودي  يعشق زوجته بهذي الطريقه  كانت دايـم توريني صوركم مه بعض الهدايـا الي انت تجيبها لها كـل شهر غـير رسايلگ لها لاجيت تسافــر ياثامر طلعاتكم بختصار ماكانت تخفي عني شيء بخصوصكم كانت تعلمني بكل كلمة انت تقولها لها ومن اجتمع فـيها مافي سيره تحكي فيها الا آنــت ومافي سالفه تطريها الا آنت مافي على طرف لسانها الا بس ذا ثامـــر ثامر وثامــر وعيونها ماتشوف الا ثامــر انا بنت انا آنثى تمنيت آكون مكانها تمنيت اكون زوجة ثامــر تمنيت انـي نهى حبيت حبك المجنون له يوم زرتها للـبيت كانت مبسوطه بجيتي وصارت توريني الحركات الي انت تسويها لـهـا وكانت تحكي لي كيف انك ماترضاء عـليها ابد كنت اشوف حياتها ورديــه بزياده وعايشه عيشت الملوك ومن تطري لها سفرة وتبيها انت تترك كل شيء يشغلك وتنفذ طلبتها ماتمر اي عطلة الا وانت مـسفرة صرت آتضايق من تحكي فيك اعصب لاشفتها تكلمك انقهر لاشفتك تغازلها وغير كذا مره طلعنا طلعت بنات انت ماقدرت تتركها معنى جيت وصرت بعيد تنتظرها حتى خلصت سهرتنا ومشيت في الوقت الي هي تبيه ماقدرت استوعب شكثر انت تحبــها قلبي مشاعري تحركت يوم قابلتك هذاك اليوم بالصدفه في بيتكم حسيت بمشاعر ناحيتك تعوذت من بليس قطعت في نهى لفترة طويله بس عشان ابعدك من تفكيري بس هي صارت تدورني تسأل عنـي اناعارفه انو نهى مـعتبرتنـي اقرب ناسها ومن زود فرحتها فيك تبي تشاركني هذي الفرحه بس انا ماقدرت اتحمـل عـــشقتك ياثامر بس نهى جتني يوم شافتني ابعد عنها زعلت بكت ماتبي تخسرني انا رجعت لها وانا كنت اقول نزوه وبتروح ابي آتغلب على شعوري ومااخسر صديقتي الي ماعمرها قصرت معي بشيء ابد كانت آكثر من آخـت ماعمرها جتني ويدها خاليـه بس ماراحت  هذي النزوة الي احس فيها غصبن عـني صرت بدون احساس افكر فيك دايم صرت اسرق من جوال نهى صورك وأتأملك صرت اتصل فيك واسكت واسمع لنبرت صوتك صرت اروح لنهى بس عشان آشوفك كنت آطلع لگ على ساس بالغلط ماحسيت بنفسي الا انـي ابيك لي نـسيت منهي نهى ومن انا ماعاد صرت اتحمل اشوف حبك لها ماقدرت اتحمـل وانااشوفها تحبگ وانت تبادلها الـشعور شعور جواتي جالس يحرقني ماحبيت تكون لها بغيتگ لي ذا شيء يحرقني يوجع لــي قلبي نهى الي جملتگ بعيوني هي الي تركتنـي اعشقيك ما يحق لحد يلومني هي الي تنلام هي مو آنــا محد قالها تطلع اسرار بيتها لي ليش ماكلت تبن وسكتت وماجلسة تسوالف لي عنك حكيتي مره مرتين عن زوجك مو يكون هو محور حديثك لسانها ماعاد صار يعرف يحكي الا فيگ آنت في شيء اسمه خصوصيات مابين اي علاقه بالحياة نهى ماكانت راضيه تفهم ذا شيء كل شيء تكبه وانا ماقدرت اتحمل انا حبيت صفاتك وحنانك وحبك منها  تربعت بقلبي غصب عـني ماعرف اركز بحياتي ماعرفة اركــز بنفسي حياتي انقلبت فوق تحت ماقدرت اتحكم بنـفسي انا مابغيتك من راسي كلامها هو الي علقني فـيك آصعب شعور مريت فيه بينك وبين نهى كنت لازم اختار واحد فيكم النيه كنت بختار نهى بس حبك بقلبي كان آقوى من حبي لنهى الي كانت صديقت عمـر حاولت اجيب راسك في كثير اشيء بس انت كنت وفي لها ثامـر كان يسمعها ومصدوم وعيونه تراكمت فيها الدموع  وهمـس : ومازالت وفي لها حتى انحط بقبري و انتِ النقطة السودة الي دمرت حياتنا روابي كانت تسمعها وشصبت مكانها وماقدرت تمسك دموعها وهـمست : لو كنتـي بنت اصيله وبنت حمايـل يوم حسيتي بمشاعرك هذي القويـه كان لقيتي الف حجه وحجـه تقطعين علاقتك فـي نـهى تتغيرين عليـها تبعدينها عنگ في الف طريقه وطريقـه بس انتِ قلبك مو نـظيف انتِ ماقدرتي تحفظين عرضك كيف راح تحفظين كرامتگ نهى غلطانـه يوم آنها تحكي بخوصياتها  بس انتِ غلطگ كـبير نذله وصـخه استغلت حتى طفله صغيرة عشان مصالحه الذاتـيه عـفاف رفعت عـيونها بكره لروابي ووقفت : مو المفروض تخافين مني صديقتي وخنتها انتِ ايش ممكن آسوي فـيگ روابي ضحكت وهي تناظره بقوة وثـقه شديدة بنفسها : نهى كانت طيبه وعلى نياتها ماكانت قادره تشوف خبثك بس انا اوعـيه واقوى مما تتصورين  مو انا الي آخاف منك ومشت لهاووقفت بوجه عـفاف وصارت تناظرها بقوة : انتِ الي خـافي منـي للحين ماعرفتنـي زيــن على رغم ان شكلك يروع انتِ وكحلك السايح كانك وحده من حقين مدمنين المخدرات بسم الله الرحمن الرحيم  بس مو منك من كحل الطيبين بس اقولها لگ ياعفاف خافي مـني تراني ماني قليلة شــر ومشت روابي وجلست جنب ثامر وتحط يدها على ظهره  وتسند دقنها على كتفه بدلع عـليه وتناظر عفاف بحده : ولاتنسين من اكون انا زوجـة ثامـــر كان فيگ خير حاولي تغلطين معي غلط واحد بـس وشوفي كيف برد عليگ عـفاف صارت تناظرها بــحده شديد ة روابي وقفت يوم وقف ثامر وهمست : اشفق عــليگ صراحه عفاف صدت وهي تقضم اظافرها ثامـر وهو يناظرها من فوق لـتحت : هو عندك خيارين راح تختارين واحد فـيهم عفاف رفعت عيونها لـه وشهقت : لاتطلقني آصير لگ  الي تبيه بس لا تتخلى عن ام بنتـگ ثامر ضحك بسخريه وتكلم بتهديد كان جاد فـيه : وبنتي ويش ذنبها تكونين آنتِ آمـها مسكينه ذا البنت مسكينه كانك مستغلتها بكل صغيرة وكـبيرة بس هذاني آحذرك ياعفاف بناتي كـلهم خط آحمر من عبير لـعهود ثــم نجي عند القسم المهم والي آبيك تحسبين له الف حـساب روابــي ثم روابي زوجتي قسم بالله بالي رفــع الـسماء بدون عــمد لو آشوفك بس مضايقه روابي بـشيء ماتلومين الا نـــفسگ عـفاف حست بتعب شديددد  تحس نفسيتها مدمـره من كل مكان وتحس بضعف شديد بكامل جسدها من  صدمتها الا انها فعلن مصدومة  وهي تشوفه يدافع عنها وهو يهددها وهي الي مستحيل تتجاوز كلامه هي مو بس تحبه ومريضه فيه هـي بعد تخاف منـه ناوي يسوي فيها شيء اكثر من كـذا ويش غـير الي سواه لـهـا حـست بإلم كــــبير وهمست : ماكنت مـتوقعه آن الخيانه والغدر تحر هـل كـثر طيب نـسيت نهى يوم تدخل هذي لحياتك ثامـر رفع حجبه :  محد يقدر ينسيني نهى وبعدين انتِ اخر وحده تتكلمين  بهذا شيء هو لك وجه عشان تحاسبيني عفاف صدت ودموعها نشبت بعيونها وهي تفكر بنهى بشكل جـدي و هي بعد حـست بنـفس الشعور حسيته بالقهر والالم الي انزرع بقلبي بس هي وجعها اكبر  منـي آهنيك ياثامر عرفة كـيف تنتقم لها لعبتها صـح عرفت كيف تخليني آحـس بشعورها عرفة كـيف تترگ اثر بقلبي عمري ماراح آنسى ادق تفاصيله الصغيرة والكبيـرة عفاف كانت واقف وتنتفض وهي تبكي وتنتظر ثامر يكمل كـلامـه ثامر رفع عيونه يناظرها : الخيار الاول  هو اني اطلقيگ وطبعان بتكون الحضانه مـعي لعهود وماعاد اسمح لك تشوفينها الا بعد ١٥ يوم تجيك وقت الويكند عفاف عضت شفتها وصارت تبكي وركـضت حتى جلست عند رجله وهي تحس هي الي جالسه تذل نفسها وراضيه : لالالا الا الطلاق ياثامر تكفى لا ابوس رجـلك مالي احد اروح لـه جعلك بالجنه من اروح لـه والله مالي احد انت زوجي واهلك اهلي ماعندي آحد يحبني والله محد يحبني محد فيه ماعندي اهل وانت تـعرف لاترميني بشوارع بدون آحـددد طلبتگ والله راضيه بكل شيء تبيه مني بس لا تطلقني لاتحرمني من بنتي ثامر ابعد عنها وصد : الـخيار الثانـي هو اني اخليگ على ذمتي بس بشرط لو ماشفتك تطبقينه قسم بالله اطلقيك بالثلاث وارميك ولا ارد لگ خـبررر شهقت عفاف وصارت تتوسل له : والله آنفذه مهمه كان والله ماعندي آحد انت اهلي كلهم سو فيني الي تبي اجلدني قطعني بس لاتطلقني ثامررر عشان خاطر عهوددد ثامر كمل كلامه : الشرط هو انك تكوني بذمتي بس منتي متزوجه ولا مطلقه مثلك مثل المعلقه مالي علاقه فيك ولا لك علاقه فيني وعيني لاتشوفك لاني منقرف منك وكان باقي فيك شويت ضمير فكر في بنتك  وابيك تربين عهود احسن تربيه وتعدلين من اسلوبك واخلاقك مع الــكـل وشيء الـمهم روابي مااشوفك مقربه لـها ابيك تقولين لها ابشري وسمـي وماتردين على كلامها ابد مابي الا اشوفك معطتها كل الاحترام والتقدير عفاف كانت تناظررره بصدمة كثير ياثامررر: مـستحـيل ثامر تكلم بشكل بارد : اجل توكلي الزم ماعلي زوجتي وبناتـي انا عطيتك فـرصه انك تبنين حياة نضيفه مع بنتك بس دامك ماتبين راح يتم الطلاق انا كذا وكذا آنسيني عفاف وهي تناظرررره منصدمه : لالالالالا والله موافقه مــوافقه بس اهم شيء ماتطلقني وماتحرمني م ن بنتي ثامـٰر آبتسم ورفع حجبه : زين الدور الثالث كله لگ مابي اشوفك معتبه لدور الاول والثانـي اطلعي وادخلي مثل ماتبين لحالك ذا شيء مايهمني  الانك ماتهميني ابد بس عهود ماتطلع معك آبد بدون علمي عفاف كانت تناظره بصدمه : هي بنتي مثل ماهي بنتك ماني سافطه لبنتي الشر ثامر : انا ماقلت شيء بس للاسف ربي معطيها ام عليها قلة عقل ومن حقي اخاف عليها منگ ومن افكارك بذات عفاف سكتت وصدت ثامـر لف لروابي ومسگ يدها : آمشي تاخر الوقت وتعبان وبنام وانتِ على جناحك وعيني لاتشوفك هنا ابددد ومشى ورابي معه ودخلو لغرفتهم وثامر سكر الباب وترك يد روابي ورمى نفسه على سرير وهو ضايقه فيه الدنـيا : آخ يانــهى آخ اكثر صفه ماكنت احبها فـيگ روابي تناظره ثامر ابتسم بقهر : هي الي على قلبها على لسانها لافرحة بشيء تسوالف وتحسب ان كل الناس قلوبهم نظيفه نفسها وانهم يحبون لها الخير مثل ماهي تحبه لـهم نظيفه قلبها ابيض وتحسب الكل نفسها ماكنت تحكي عشان تقهر احد بالعكس براءة الكون كله فيها هــي روابي جلست جنـبه وهمست وهي تناظر له : سوالف لـي عنهـا ثامر #يتبع { #رواية_حسبي_على_الي_حال_بيني_وبينك_يامشغلن_بالي_وينك } *💜ـــــ #يتبــع👇ــــــ💜* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜