حسبي على اللي حال بيني وبينك يامشغلن بالي عن الناس وينك - الفصل 68 - مكتملة | روايتك

عالم القصص والروايات 📚: {روايــــة حسبي على الي حال بيني وبينك يامشغلن بالي عن الناس وينك} 💜🍃💜🍃💜 🍃💜🍃💜 💜🍃💜 🍃💜 💜 📖 @ahgeel 🍃📚 ..💜 *. #البارت_الثامن_والستون* .. الانسان المنحط سمته الاستهانة بالنفس البشرية ياتركـــي تـركي حمر وجها وعصب منه ؛ الزم حدودك وثمن كلامگ يافواز فواز رفع حجبـه ؛ كيف تبيني آثمن كلامـي لشخص ماثمن حدود الله وشـرعـه كيف تبيني آلزم حدودي معگ  وانت متعدي حـدود الله وانت بكامل قواگ العقليــة مافي شيء يشفع لگ مافي شيء يغفر لگ ياتركي تركـي وهو المجرم الي يبي يجرد نفسه من جريمتـه :صار وانتهى من سنين لـيش تحاسبني بشيء آنتهى طـيش صار وآنتهى فـواز بهدوء ؛ ابي اعرف الى اي مستواء وصل  لـه مدى  تفكيرگ ابي آقوس وضع عقليتگ مع كلامك هـذا  تركـي صد عـــنــه فواز بتركـيز ؛ بنتگ كـيف قدرت تمشي امور حياتها مدرستها اشيء كـثيرة كيف قدرت تمشيها تركـي ؛ حطيتها  بدار على اساس يتيمـه امها وابوها ماتـو بحادث  وبعد فتره رجعت وتبنيتها متخيل اني متبني بنتي فواز آبتسم من صعق مايسمـعه وبنفس الوقت حاول يهدي نـفسه ؛ ياحنيتگ عليها زين ماتقصر تركي انفعل يوم لمس السخريه بصوته : بنتـي هـي روحي وكل حياتـي فواز ببرود ؛ وكنت نعم القدوة لهـا لما تكبر كـيف بتقولها لكل الفلم الدرامي الي سويته اكيد بيجي يوم من الايام وراح تعرف آنها طفلة آبوها الحقيقي متبنيها كيف راح تشرح لـهـا معقول بعقلگ الصغير هـذا مافكـرة انها بس تكبر راح تحس في مشاعر مايحق لها تحس فيها دام الموضوع كلـه كـذبه مو حرام بحقهآ راح تحس بعدم الأنتماء لك هذا اول شيء ثانـي شيء راح تشتاق لي امها وابوها الي على اساس موجودين وانت قدامـها كيف راح تشرح لها كيف راح تـفسر كل هذا الـكلام الموضوع آعمق من كـذآ تركي : ماراح تعرف شيء راح يكون نفس ماهـــو فـواز ؛ خـير ان شاءلله ومـشى فـــواز وهويحاول يطلع حرته في المشي من حر مافيـه وخلفه تركـي مشى ونـطق ؛ بس آمها ماتت هذا الي صعب الموضوع عـلي هذا الي قهرني وامها عندها توأم وتمثل عليها انها آمها مافي شيء حرني الا موت الـعنود وآن بنتي تنادي خالتها في ماما فـواز ماتحمـل منـه ينطق آسمها على لسانــه الـنجس وضغط على اسنانه ؛ الله يرحمـها تركـي بيكمل كلامٰـه فواز قاطعه وهو يناظر لبعيد بتركٰــيز شديد ولفت انتباهـه شيء من بعيدد ومـشى وهو يحني جسده ويناظر في آمتداد المكان : آسكت ومشى وهو ينزل راسـه وتركي لـحقه وفواز بآمــر : لاتصدر اصوات في خطواتگ والا خلگ في مكانگ تركي هـز راسه ومشى خلف فواز وفواز مشى حتى صار قريب من الرجال الي لبسين ثياب وكلهم متلثمين ومـعهم معدات حـفر اشكال وآنواع ومجتمعين حول عشبت " القرقاص .. هو الورد الاصفر الي في البر المشهور عند سعودين.. في ناحيـه معينــه وحطين خيمتهم وشبين نارهم وجيبين قـشهم من باب التمويـه ان الوضع طبيعي ومعهم مثل الجهاز الي مشونـه على الارض وكأنهم ينتظرون منـه أشاره مـعينـه وهذا شيء مافات فواز الــي آنسدح على الارض وصار يزحـف بجسددده بدون لايحسون فـيه حتى صار شبـه قريب منـهم حتى ساوى نـفسه  في الارض والاعشاب والشجيرات الصغيره مخفيته ومع آحترافيتـه قدر يخفي نـفسه وتركي جلس بعيد عنه في مكانه ماقدر يجاري فواز في قداراته العسكريـه الرجال الاول الي ماسگ الجهاز بعد مابداء الجهاز يـصدر الاصوات ؛ هــنا مكانها هـنا جماعتنا حطتها هـنا على نفس الموقع الي وصلنـا الرجال الثانـي : آجل نـبداء بالعمليـه يارجل يلا هنا الموقع كان عددهم لايقـل عـن ٦ رجــال وكل واحد منهم آخذ شيء وبداء يـحفرون وفواز مـلتزم الـصمت ويراقب من بــعيدد ونزل يده وصاري يبحث عن جواله بجيبه وطلعه يبي يتـصل وهو يحس ان الوضع مشكوك فـيه بس الـصدمـه مافي ابراج وجوالـه شريحته " mobily" عـض شفته بقهر حتى مايقدر يرسل حتى رسالـة وآستمر في مكانــه ويراقـبهم بيشوف آخراتها مـعهـم وآستمـر حـفرهم لقطعه كبيره من الارض لساعات عـديده آرهق فـواز من وضعيتـه وسدحته بذات في بعض من اجزاء جسده تخدشت من زحـفه على الارض .. . . |🍃✨____ في ساعه ٣:٤٥ فـجرآ آستغلت خــلـو البيت من ابوها ومن اخوانها  تمشي على اطراف آصابعها بكل هدوء  بعد ماطلعت من غرفة ابوها وسرقت منه اسم المـلف المطلوب منها توصلـه لهم ومشت للمكتب العام وقفلت الباب عـليها كذا مـره وهـي خايفه وتتنفس بسرعـه وتفتح الطابعه وتطبع كل الاوراق الموجوده فـي الملف وهي مـستعجـله وبعد ماخلصتهم رتبت الملف نـفس ماكان وسكرت كـل شيء وطلعت من الـغرفـه ومشت راجعه ترجع الي سرقتــه ماخذ منها الا كم دقيقه وهي مرجعته لمكـانـه وهي تمشي بوسط الغرفه في الـظلام الي يغطيها حـست في اصوات اقدام صادره من الدرج القريب منها وركضت تقفل باب الـغرفـه وصارت تناظر بوسط الظلام بخوف ورتبـاگ ومالقت مكان الا تـحت الـسريــر وركضت واندست تحت السريـر الا على فتحت باب الـغرفـه وتشتغل انوار الـغرفه كلها مـيعاد حبست آنفاسها وهـي خـ ايفه تنكـشف وغمضت عيونها بقوة وضربات قـلبها ماهي راضيه تهـدى ابو ثامـر فتح باب غرفته في مفاتيحه ويكلم  بصوت غاضب : كـيف قدرو يمسكونــهم كـيففففف كـيفففف آنسب مكان نـستلم فيـه البضاعه كيف قدرو يطحون عليهم آبي افهم كيف وكل واحد من الرجال الي هناگ محترفين اربي كلابه انا ماتفهمممممم الكلامممم  اشبعهم على فاضي بلاش على حـسابي انتبه خلهم يقطعون السنتهم كـويسس آبي آسم الشخص الي قدم البلاغ بسرعه لاتتأخـر عـلي وسكر مكالمته ومشى وهو يسب ويلعن ويشتم  وجميع الالفاظ السوقيه والرذيلـه ذكرهـا يعتقد بإنه أذا تلفظ فيهم راح تخفف عليه مصيبتـه راح يرتاح مثل مايعتقد كـثير من الناس لكن جاهــل مايدري آنهم مايجبون له الا السيئات والذنوب وتثقل من أوزاره يوم القيامـه جاهـل اصبح لايكترث حتى ليوم القيامـة في يوم القيامـه يفصل الله بين الناس يوم القيامة، ويحكم بينهم بالحق والعدل. فتعطى الكتب.. وتوضع الموازين.. وينصب الصراط.. ويحاسب الناس كلهم فرداً فرداً. فآخذ كتابه بيمينه إلى الجنة.. وآخذ كتابه بشماله إلى النار. مـيعاد تغورقت عيونها بالدموع ومـر في بآلها سؤال هـز كيانها هـز كل مافيـها مثل الصاعقه المدمره يـقع عـليها ويشطرها نـصفين من هوله قليل من الناس التي تستشعر هـذا السؤال ماذا قدمت لآخرتگ ياآبي يامـيعاد السؤال يقع على الجميع ا نـغرق في الذنوب والمعاصي بدون لانشعر المشكلة في المعاصي والذنوب أنّ العبد يستصغرها بدايةً ثم لا يلبث يعتاد عليها فلا يُلقي لها بالاً، فيبدَأ يرتكب في كل مرةٍ معصيةً أعظم. الذنوب هي الشؤم على العباد في دنياهم وآخرتهم فقد توعّد الله تعالى العاصين والكافرين من عباده بالمعيشة الضنكى والعذاب الأليم والخلود بنار جهنم ماذا قدمنـا ليوم الـبعث لاآذكر الا ذنوبي الصغيرة والكبيرة نمر مرور الكرام....نخاف ذكره.... ...يأرّق المنام... حديقة جرداء...خالية من معالم الحياة...كمرتاديها... محمولون على الأكتاف....اكتسوا بالبياض... نخاف مجرد التفكير بالسفر إلى هناك... نهاب ذلك المنزل المكون من مترين... ونسرح في دنيا العالم الفسيح دون رهبة... ذلك المنزل الذي سنمكث فيه فترة الانتظار... انتظار النفخ في الصور... وخروج الأجداث من القبور... ...انتظار يوم النشـــــور... تلك الدار......ماذا أعددت لها؟؟؟هل ستكون دارك حفرة...أم روضة؟؟؟ ماذا أعددت لمقابلتك الشخصية لأهم موقف؟؟؟ ماذا اعددت لمنكر ونكير؟؟؟؟ ماذا أعددت من خلطات لنقاء وصفاء وجهك... هل خلطاتك كافية لإنارة وجهك يوم لقاء الرسول؟؟ ماذا له ستقول؟؟؟.....وكيف عن تساؤلاته ستجيب؟؟؟!!! مـٰيعاد كتمت صوت بكائها بعد ما عبرت بعض الكلمات المؤثرة في بآلها لثوانـي الـى متى الـى متى وآحنا في غـفله الى متى وآحنا في آستغفال الـى متى محد فينا يعرف متى راح تغزيـه سكرآت الـموت ميعاد عـضت تشيرتها بقوة عشان تكتم نفسها ومايصدر صوتها وفي بألها الف شيء وشيء حياتـها صارت مـثل الـشريط يمشي قدامها آغلاطها الصغيرة والـكبيرة تجاهلها لي آمور صغيره كثير آشيء تساهلت فيها بحياتها تهاونت فيها كــثير ماآهتميت فيها معقوله ربي يعاقبني ويجزيني  الحين بكل ذنوبي الي آقترفتهآ هذي حـوبت كل شيء سويتـه بحياتـي  يمتحني في ارواح آعز نـاسي مكسوره جالسه آطعن آبوي من ظـهره مـع عدوة هـو آبوي رغم كل شيء ورغم ذنوبه حتى لو كان شخص سيء يبقى آبوي وآنا بنتـه ياوجـع قلبي يابوي آبو ثامــر آنسدح على سرير وهو منغبن والـغضب واضح من بؤبـؤ عــيونـه تنهـد بصوت مـسموع ميعاد وهي تـحس  بحركاته وتسمع لها { سلامة راسگ و روحگ من كل آهـ، يوجع قلبگ } طفى نور الغرفـه وكلها كم دقيقه ماتسمع الا صوت شـخيرة ميعاد طلعت بهدوء ومشتى بخفه للباب حتى طلعت من الغرفـه وتتـنهد براحـه وتفتح جوالها الي كله رسايل واتصالات من ابو منـيف ميعاد غمضت عيونها بصبر وتتصل عليـه ابو منيف بصراخ : ساعتين مختفيه لـيش هذا شيء ممنوع عـندي من آول مااتصل تردين عـلي فاهمـه مـيعاد تعض شفايفها بقهر : طـيـ...ـب آبومنـيف بأمـر : آبي بشارتي آبي العلم الـزيــن ابي علم يوسع صدري مـيعاد : آخذت الـنـسخـه من الملف الي يخـص الشركـه الي تــخص  آجتماع الاسبوع القادم آبو منـيف ؛ سلميها عفاف يابنتي عافيـه عليگ ميـعاد ببـرود ؛ بسكر آتوقع آنتهى شغلنـا آبومنيف بحده : مو آنتِ الي تحددين ذا شيء فاهـــمــه ميعاد رفعت عيونها لفوق ماتبي تبكي ماتتحمل آحد يعاملها بهذا الاسلوب : ابو منيف صرخ عليها : فـــاهمه الكلام الي آقوله انا ولالا آنــطقي ميعاد : فاهمـه ابو منـيف بحده : آبيگ تكونين عـضو بشركـه ميعاد ردت بنفعال : وجامعتي تخصصي طـب باقي لـي آسبوعين وتبداء آختباراتي خـف علي هذي الـفتره على الاقل آتخرج بهدوء لو سمحـت ابو منيف ببرود : قلتي طـب تخصصگ ميعاد : ايه ابو منيف بأمـر : آلاجتماع راح تحظرينـه وراح تكونين عضو بكل الاجتماعات مـيعاد غمضت عيونهآ بعدم صبر : مـقدر ابو منـيف : مـتأك ـدة مـيعاد بضجر منـه تكلمت بعصبيه : خلاص الي تبيه وجبته لگ لاتطلب مني شيء فوق طاقتـي وسكرت في وجـها وهي تتنـفس بـسرعـه ومسگت قلبها الي بادي يـنغزهـا بشكل قــوي وتنـاظــر كـيس  آدويتها المتناثـــرة فوق الـتسريحـه حـقت الـقلب كلها جديده مافتحت منها شيء وكلها مهمه مسكت الـكرسي القريب منها وهي باديه تتنافــض ورفعت عيونها تناظــر نفسها بالمـــرايــه وجها حـيل تعبان واضح الـتعب فيها حـيل ميعاد بقهر : كل هذا التعب مبين فيني ومحد من اهل بيتي ملاحظ مـحد مهتم لـحـالـي لي فتره عازله نـفسي ليش مافقدونـي غمضت عـيونها ورجعت راسها على وراء : اللهم رحمتك أرجو فلا تكلني إلى نفسي طرفة عين، وأصلح لي شأني كله، لا إله إلا أنت مشت وآندست بسريرها وغطت نفسها وغمضت عيونهـا تهرب من مواقعها ، بـعد مرور سـاعـه ونـص  صحت مـفجوعه على صوت صـراخ واصوات عاليـه قامت من سريرهـا وتعثرت في البطانـيه وطاحت على الارض  وقامت وفتحت باب غرفتها  وهي مصدومـه من صوت الصراخ الي صادر تحت بدور الاول :وششش صايررررر لكممممم ام ثـامر جالسـه على الارض وتصيح وتنايـح  وتماضر ماسكتها  وتبكي معها : يمـه وش قال لگ ثامـر يمـه آنطقـي تكـفينننن آم ثامر بحالة صـدمـه وتشهق بصوت عالي مـيعاد ارتجف قلبها ونزلت مستواء آمها وتهزهاااا بقوة : يمـه آنطقي آخوي وش فـيه يمــه ام ثامر وهي تبكيي وتضرب صدرها : كان يكلمني يكلمني والله ماسمعت الا صوت فرامـل ومارد عليه وانقطع الخط بوجهـي ولدي ياحسرتي ياثامـــررررر يمـه ولدي يمــه ياولدي مايرددد علي ميعاد سحبت جوال امها وتتصل على ثامر جواله مـغلق وتتصل على مـصعب وجواله مـغلق بتردد آتصلت على طلال وبنفس الوقت مـغلق تماضر بكت بصوت عالي : يمـه تصرفي شوفي وش صار على آخوانـي تكفين يايمــه تكـفينننننن ميعاد لـفت عليها بكامـل جسدها ونطقت بتوتر : من مـع ثامر بسيارة تماضر : مـصعب ميعاد مسكت راسها بضياع ام ثامـر وهي تنوح وتضرب صدرهآ : كلمو آبوكم يابنات وين آبوكم تماضر تتصل على ابوها ميعاد ركضت لـفوق وهي تصارخ : يــبــه يــبـه يـبـه وتشرع عليها الباب ولحقتها تماضر وام ثامر ابوثامر فز على صراخـه منصدم حالتهم : بسم الله وش فيكممممم ميعاد جلست جنبه وعيونها متغورقـه : مـصعب وثامــر يبـه يبـ... وماقدرت تكمل من النفضه الي جتها وهي خايفه ام ثامر تجلس بالرخام وتمسگ يده بتوسل : عيالي تكفى يابو ثامر جب لي عيالي سالميـن تــكفى ابو ثامر يناظرهم منفجع فز من مكانـه: عيالي وش فـيهمممم ثامر وش فيـه مصعب وش فيـه تماضر شرحت لـه السالفه وركض غير ملابسـه بسرعه وطلع مـن البيت يدور عيـالـه ميعاد راحت لغرفتها وهي تحس خايفه آخواني روحي تحترق عليهم هم بخير ولالا وتشوف رساله وصلتها مااهتمت لها وصلها اتصل من ابو منيف وغمضت عيونها ماله خلقه وردت عـليه مجبوره : نـعم ابو منيف بنبره بارده : تبين تطمنين على مصعب وثامر شوفي الوتسآب وسكر الـخط في وجها ميعاد يدينها قامت تنتفض الدم نـشف من راســهــا من قوة كلامـه الي شطرها ذليلـه لـه وبسرعه تفتح الوتسآب وتشوف كلامـه: بكل مـره تعصين كلمة لي راح يكون هذا مـصير كل شخص يـعز عـليگ والـقرار لگ هل مره حادث بسيط  فيهم رضوض بسيطه المره الثانـيه توصلگ جـثثـهم لاتعصيني عشان ماآكسر لگ قلبگ آكــثر وتشغل الفديو وهي تشوف تفاصيل الحادث كانو يمشون بين الحارات فجاءة جتهم مـطبــه والطبلون لف بقوة لجـهـت الـيمين  وكان مقابل لـهم عامود كـهرب صدمو فيـه بشكـل عــنيف حتى انعدمـت السيارة من قدام وتجمعو شباب الحاره على سيارة حتى طلعو ثامر ومصعب من سياره  ووصلت الاسعاف وكانت وجيهم وثيابهم فيها بقع من الـدم مـيعاد من هول ماشافتـه جلست على الارض من غير رآيهـا ومسكت رآسهااا منصدمــه : خـلاصصص تعبت تــعبتتتت جالس يلوي ذراعي في اخواني وتمسك جوالها وتتصل عليه ويعطيها مشغول وقفت وهي ترجف بعد مافهمت شكثر هو خـطير الشخص هـذآ كيف يرمي ارواح اخواني للخـطر بدون لايخاف بدون لايرحمهم ليش يظلمهم ليـش وتتصل ثانـيه ورد عليها وهو يضحك بتغطرس شديد : ان شاءالله قدرتي تفهمين جديتي بكل حرف اقولـه لگ مـيعاد وهي المحروق قلبها : وش سويت فيهم ياحقير ياكلب ووويش صار لخواني آنـطق ابو منـيف : برسل لگ فديو آطمنگ عليهم هذي قرصه لگ عشان ماتطلعين عن كلامـي وش صار بتروحين ولالا ويقلدها بستهزاء ؛ مـقدر خلاص الي تبيه وجبته لگ لاتطلب مني شيء فوق طاقتـي مـيعاد والدم نـشف من عروق راسها مستفز : خـلاص صار آخوانـي وينهمممم وش فيهم ابو منـيف : ماينفع معگ الا العين الـحمراء مافيهم شيء الا رضوض بسيطــه مافي شيء يخوف بس اطلعي عن كلامـي ممكن تصير اشيء ترعب لـهم عشان كذآ آنتبهي على كلامگ مـعـي ميعاد قامت تـقضم  آظافرها وهمست بإنكسار : طـيـ..ـب ابومـنيف : قولي آن شاءلله واناآبوگ مو طيب وبس تدرين انا بحسبت آبوگ يابنتي ولابغيتي تفضفضين لـي لايردگ الا لسانگ يابنتي مـي عاد قلبها يغلي من الـقهـر والكره والـحقد الـشديد : ممكن آسكر ابو منيف : بحفظ الله وسكرت ميعاد : الله لايحفظگ الله ياخذگ ودخلت الوتساب وهي تشوف اسم المستشفى وصور اخوانها ثامر يـده مجبسه ومصعب راسه ملفوف بشاش الصور ماكانت واضحه مـره عشانها ماخذينها لهم من بعيدد لبست عبايتها وخذت جوالها ونزلت مسرعـه مع الدرج ام ثامر وهي المنهاره على عيالها : وين طالعه ماتشوفين حالنا ميعاد: ثامر ومصعب بخير بروح لـهم ام ثامر بكت من فرحتها: احلفي من قال لگ ميعاد : والله يلا يمـه البسي عبايتگ وتعالي نروح لهم تماضر ؛ وانا بجي معكم ميعاد : انتِ اجلسي مع رينـاد نايمـه بتقوم وتخاف اذا ماحصلتگ عندها لاتتركينها لحالها بنطمنگ يلا يمـه وطلعت ميعاد وام ثامر ركضت تجيب عبايتها وطلعت خلفها . . |🍂🍃___ فـواز يراقبهم لساعات طـويله آنصدم من كميـت اكياس الـمخدرات الي طلعت من تحت الارض آعداد ماهي بـسيطه وقامو يحطونها في شنط الـعزب حقت الكشته كانت مـعهم شنط كثيره في اشكال وآحجام  مختلفه فواز طلع جوالـه وقام يصور كل شيء شافته عيونـه بس ظلام ماوضح مـعه زحف للخـلف حتى رجع وراء مبعد عنهم ومـشى بحذر بين الظلام  الي خيم على المكان كله مافي الا النجوم والقمر الي معطين المكان القليل من الـنور مشى يبحث عن ابراج حتى تركي مايدري وينــه ووابتسم يوم حصل الابراج  بس شبـه ضعيفـه وارسل لسلمان وارسل للمركـز وارسل مـوقعــه وقدم بـلاغ وسكر جهازه ومشى بهدوء شديد وطلع مسدسـه وصار يلتفت يمين ويسار يتأكد انو محد شافـه وانو مافي احـد حولـه حتى رجع لمكانه يراقب من بعيد كلها ساعه ونص الا والقوات الامنيـه محاصره المكـان بكل هدوء تراقب وش جالس يصير وماخذين احتياطاتهم ، فـجاءة يـصدر صوت الانذار الـعالي الي بـث الرعـب في الرجال ويتلفتو يمين ويسار وطلعو اسلحتهمم وتكلم ضابط : المكان محاصر بالشرطـــه وتقدمو مجموعه كبيره من شرطة ووقف معهم فواز رافعين آسلحتهم علـى الـمجرمين الـخونــه انصدمو من عدد رجال الـشرطــه بس مازالو موجهين اسلحتهم لـهم فواز تكلم بصوت عالي وبحده : لاتقاومون الممنطقه محاصره في رجال الـشرطه نزلو آسلحتكم مالكم مـفر جلسو يناظرون بعض وبقل حيله رمو اسلحتهم على الارض ورفعو يدينهم حتى كلبشوهم  رجال الـشرطـة كلهم وقامو يفتشون المنطقه كـلها "لا يلقي الشر سلاحه حتى يلفظ آخر أنفاسه؛ فهو لا يعرف الصلح والمهادنة أبداً" بعد مانظف المكان من القذرات الي كانت تغطيه تنهد فواز براحـه يحس بشعور جمـيل بعد ماطاح عليهم بالصدفـه شعـور ماينوصف سلمـان والشباب جو لموقعه وهم فخورين فـيه والخـبر انتشر عند الشباب الي في الـمخيم سلمـان يربت على كـتف فواز وهمس لـه : فـخور فيـك هذولي الكلابه الي قبضت  عليهم بفضل الله ثم فضلگ محد بيستلم التحقيق معهم الا آنـا لاآوريهم نجوم الـظهر فواز يغمز له بثقه : ماعندي شگ بشطارتگ طلع الكلام من عيونهم قبل السنتهم آنا حاس ان هذي البضاعه الضخمه راجعه لصاحبنا سلمـان رفع حجبه : نـفس آحساسي هو الي يقدر على شيء ضخم نفس كذآ فواز : وصلتني معلومات سريه قبل شهر بضبط ياسلمان آنـه راح يستلم بضاعـه ضخمه ماتوقعت ولا ١٪‏ اني انا الي بطيح عليها بالصدفـه رحمت ربگ واسعه بهذا البلد وآهله وهذي الارض  ياسلمـان الله يمهل ولايهمـل سلمـان : الـحمدالله وعسى يكنون باب خير ويكنون من طرف آبو ثامـر تعبت وآناآشوفه يكبر قدام عيونا واحنا واقفين عـاجزين قدامـه مانقدر نتصرف نعرف عنه بس ماعندنا دليل يثبت شيء عليـه فواز : ياخوگ  من ظلم لابد ان يظلم لاتنسى لكل ظالم نهايـه ولاتنسى ان دار الظالم ظلام ولوبعد حين سـلمان : مافي شگ بهذا شيء بس صبري بادي يـقل ماادري هل بتحمل آكثر من كذآ طالت فيني يافـواز طق صـبري الـقهر يـحرق قلبي كفايه راح ظالم من يديني بدون لايعاقب فواز : قصدگ ابو منيف الي صار له حادث وانفجرت فيه السيارة سلمـان : بضبط مات بدون لايتعاقب في الدنيا فواز : وين بيروح يعاقب في الحفره الي انرمى فيها تحصلها جحيهم عـليه ماكان له نصيب في الدنيا لكن له نـصيب بعقاب الاخـرة لاتنسى ذا شيء سلمان تنـهـد : الله كريم فواز : تذكر ياسلمان من عصى الله سلط الله على قلبه جنديان لاينفكان عن قلبـه حتى يتوب الي هم الـهم والـغم ياخوگ سلمـان مسح على وجهآ: وانا عصيته وعسى الله يتوب علي وقلبي متروس بالهم والغم يافـواز فواز فهم قصده : الافكار السودويـه الي بعقلگ بخصوصها ان شاءلله نظفتها ياسلمان سلمـان : تأكد انها شيء وآبوها شيء مستحيل آخلط بينهم آكيد انت حاس بشعوري بنته صارت زوجتگ فواز : رجعت لها ذاكرتهـا ياسلمـان سلمان سكت لثواني ثم ضحگ بفرحه : احلف متى ذا الكلام صار ميعاد راح تطير من الوناسه ومسگ جواله : بتصل عليها اقول لها فواز سحب الجوال منـه : لاتقول لها طلال هنا وهو الي راح يتصرف سلمان ماعجبه كلام فواز : عطني الجوال ميعاد لازم تعرف فواز : راح تعرف بس مو بهذي الطريقه شف كم الساعه سلمان : طيب براحتگ امش نرجع للمخيم ورجعو كل الشباب للمخيم فواز دخل هو وسلمان مع بعض طلال فـز من شاف سلمان من وين شافه وجها مو غريب علـيه قد شافه من قـبل بس ويـن سلمان وباقي الشباب سلمو وجلسو آبو رآئد : الحمدالله على سلامتكم ياشباب رد الجميع : الله يسلكم فواز مشى لعند طلال وجلس جنبـه طلال لـف عليه : ترانـي على نار يافواز آبي آشوفها تكفى اشتقـت لها فواز يبتسم لـه : قم مـعي اعذرني لطعتگ ووقفو مـع بعض طالعين من الخيمـه الا على دخلت تركــي طــلا جمدت جميع مـلامح وجــها وتقسى نظراتـه لتركي الي ارتبگ من شاف طـــلال طلال بصوت جلف : تركـي وش جابـگ هنـا ليشش آنت هــنا فواز يراقب النظرات الملتهبـه الي بينـهم بصمت شديد تركــي وهو مرتبگ من نظرات طلال الحاقده الي واضح منها الكره الشديد : انت الي وش جابگ هنا انا هنا مع آهلي آنا الي آسألگ ليش آنت هنـا طلال ناظر لفواز بـسرعـه وصدمـه مستحيل آسمح للعنود تكون قريبه من تركي كل هذا الـقرب نـطق بغضب ماله تفسير : هذا الـرذيـل ويش يصير لگ فواز بهدوء ويرفع حجبه ومركز على تعبير وجه طلال : مايصير لـي شيء  آخو صديقي مافي علاقه تربطنـا ليش تعرفون بعض آنتم طلال حـس براحـه  تنهـدد براحـه شديده : زيـن فواز بدقـه في كلامـه : وش صاير بينكم عداوة ذا شيء واضح حيرتني صراحـه في البدايه خفت ان تركـي يقرب لي يوم عطيتك الجواب وضحت الراحه في ملامحك عسى ماشر ياطلال طـلال بحده ويناظـر تركـي بنظرات حاده نظرات كلها كـره : ماحبيت يكون نسيبي تقرب لـه هذي الاشكـال خلگ بـعيد من الثعلب الي نفسه عشان لاتطعنگ بظهرگ بغفله منـگ فـواز يمثل الاندهاش والغباء : عـجيب آمركم تيسرنا ياطلال مابي يكون بينك شحنات ويتكهرب الـجو تفضل معي تركـي : نـسيبگ متزوج من بنات آبـو ثامـر الـ... يافـواز فواز يبتسم بثقه : آيـه نعم ويلف على فـواز بحيره : آعذرني على فضولـي بس ابي آعرف من خذيت ميعاد والا تمــاضــر مـيعاد تزوجة اكـيد تماضـر فـواز يبتسم بشكل غير مفهوم لتركـي : لاهذي ولا هـذي لاميعاد ولاتماضـر الـثالثـه ومـشى عـنـه تاركــه مثل الصنـم واقف  في مكانــه تـقشعر جسددها بالكامل ومشى طـلال خــلفــه طالعين من المكان تركــي واقف مـثل الصنم مـن الـثالثـه  مـن هـــي هم ثلاث بنات بنات بو ثامر والثالثه ماتت تلعب في آعصابي يافواز والا وش قصتگ مافي ثالثه الا الـعنود مشى لبرا ويطلع جـوالــه يتصل على آمـه الي كانت جالسه داخل  المخيم حـق النساء وصله صوتها : هلا يابوي تركـي وهو يمشي مثل المجنون الهايج في بحر آفكاره من الثالثه من هي : يمـه بسألگ عن شيء ام تركي : سم يابوي وش بغـيت حبيبي تركي وهو يضغط على اسنانه : زوجة فواز معكم ام تركي : لا طلعت اتصل عليها زوجها وطلعت له لـيش يابوي تركي : يمـه ويش كان آسمـها ذكريني فـيـه ام تركـي : الـعنود يابوگ بنت آبو ثامـر  الي كان صديق آبوگ الله يرحمـه ويغمد روحه الـجنـه تذكرهم يايمـه تركــي وحدقت عيونـه تتسع بشكل تدريجي : يمـه ممكن غلطانه ممكن مـيعاد متأكدة يمــه آكيد انگ غلطانـه اكيد مـيعاد مستحيل تكون الـعنود ام تركي : هـو ليش تشكك فيني ياولدي والله الـعنود مـيعاد توأمها خطيبت آخوگ سلمـان تو روابي عـمت آخوانگ تقوله للعنود وجلسو يهذرون عـن توآمـها والله متـآكده تركي ارتجف صوتـه : فيها وحمـه برقبتها من جهت اليمين انصدمـة ام تركي وعصبت : من وين شايف زوجة فواز آنت ليش تسألنـي عنها ماتستحي على وجهگ انت تركي تتسـع حدقت عيونه بصدمــه ونطق بعصبيه : قولي لـي فيها ولالا ام تركي انخرشت : بسم الله علي آيـه فـيهآ تركــي جمرت عـــيونــه وطاح منـه الــجوال بــصدمـه مستحيل يصدق الا اذا شافتها عــيونــه ويـحس رجوله ماهي قادره تـشيله يحس الدنيا تدور فـيه كـيف يرجع الميت من قبرة كـيف ترد لـه روحه بعد موتــه ام تركي ؛ تركي ليش تسأل قل لي خوفتني  الو الووو تركــي تررركـي وين رحت لـه الوووو . . |💓🍃_ في المنطقه الثانـيه من زوايا الــمخيم عـنـاق حميم بينهم كل واحد فيهم يبي يطفي نار شوقه يبي يملئ الـفراغ الي بداخلهمممممم طلال منهارررر يبكي وهو يشوفها تعرفه تنطق اسمها ماهي مستاحشه منـه تعرفــه تذكره بكل تفاصيلـه يحس الدنيا مو سايعته من فرحتـه ويقبل كل ماتطيح عليه شفاته خدودها انفها جبينها يدينـها راسها ويضمها لصدررره وهو مو مصدق الي جالس يصير قدامـه هاذي الـعنود آختــه توحي لـه تحس فيــه العنود الي آنهارت من شافته منهار ويبكي بحضنها مثل الطفل الـصغيررررر الي كان ضايع منه شيء غالي عليه ويوم رجع له بكى من فرحتـه صد عـنهم فــواز تركهم براحتهم طلال وهو يبوس يدينها كل شوي : بذمتگ تقولين آسمي مره ثانيـه طلبتك يالعنوددد من آنـا طلبتگ جعلگ بالجنــه العنود ضحكت وسـط دموعهااا : طلال آخوي حبيبي طلال روحي طـلال طلال ضمها بصدره وهو يشم ريحتهآ تنهدد براحـه كـبيرة ومشى ومسگ يدها وجلسو على جن ب مع بعضهم اخو وآختــه العنود : طلبتگ ياخوي طلال يناظرها وفرحان فيها يحس بيطير من فرحتـه : عيوني لگ عطيتگ ياخوگ آمريني وانا بنفذ دامني آشوفگ بخير ياخوگ العنود تبتسم لـه : آنا كـيف وصلت لهذي الـحال آشرح لي طلبتگ لاتخفي عـلي شيء آمنتگ الله ياطلال آنگ ماتخفي علي شيء ياطلال طـلال تغيرت مـلامح وجــها الفرحانه الباكيـه للجمود تغيرت نبرت صوتـه : وقـته ياخوگ العنود بأصرار : طـلبتگ ياطلال عشت الضياع بما فيه الكفايه آبي آعرفني كـويسسس مابي آعتمد على ذاكرتـي ساعـدنـي ياطلال طـلال وقف وآخـذ نـفس عـمـيق وفتح آزرير قميصه الأولـه العنود وقفت مقابل لـه وتناظره بكل رجـاء طلال قرب منها ومسگ يدينها : مستعده  تكونين قويـه وتسمعين وش صار بغيابگ ياخوگ #يتبع { #رواية_حسبي_على_الي_حال_بيني_وبينك_يامشغلن_بالي_وينك } *💜ـــــ #يتبــع👇ــــــ💜* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜