حسبي على اللي حال بيني وبينك يامشغلن بالي عن الناس وينك - الفصل 60 - مكتملة | روايتك

عالم القصص والروايات 📚: "روايــــة حسبي على الي حال بيني وبينك يامشغلن بالي عن الناس وينك" 💜🍃💜🍃💜 🍃💜🍃💜 💜🍃💜 🍃💜 💜 📖 @ahgeel 🍃📚 ..💜 *. #البارت_الستون* . |***⭐️🌪_ تركتني في بلاد الكفر وماحميتني وما فكرت تسال عني وش برتجي من رجال ماحمني ماحرسني في بلاد الكفـر مستحيل اسامحك على كل شيء صار لي خلال هذي الثالث آيام وآئـل منصدم وقرب بيمسك يدها ميعاد تبعد عنه وصرخت ؛ لاتقرب محرمـه عليك وذا آكثر شيء مسعدني بذي الحظه لاتزعل نفسك خلك في الي انت فيـه ابد لاتنصدم لاتكدر خاطرك ياعمري ماجيت عشان آكدر خاطرگ يكون بس بعلمك ان طلال آخوي منوم في المستشفى من ثالث آيام يتوقعني ميتـه  وانا مارحت له ولا راح اروح له بس اعلمك كانك شهم ورجال آوقف مع صدقيك  يا حظرت الدكتور وآئـل قل ياطلال آختك كانت مخطوفه آنا مادريت عنها وهـي هربت وجتني وطلقتها مافي شيء يربطني فيها ومشت تدور الي كان مخبى عنها ممكن تقول له ان كان فيك خير بعد وآئل منصدم ومسك رآسه؛ منتي طالعه من هذا الباب تفهمين راح تجلسين هنا لين نرجع لرياض ميعاد مشت تآخذ آغراضها وجوازها وكل شيء يخصها  ومشت للباب ؛ آمنعني كان فيك خير وآئـل وقف قبال الباب ويتكلم وهو يرص على اسنانـه ؛ ميعاد طلبتك مابي استخدم القوة مـعك ميعاد وتحط عيونها بعيونـه بتحدي ؛ قلت لگ آبعد والا قسم بالله لا آسبب لگ مشكلـة ماتتخيلها آتقي شر الحليم لآغضب آبعد عن وجهـي ياوائل آحسن لگ آبــعـد للحين آنا ساكتـه وللحين ماوجعت لك قلبك آبعد عني وائل ابتسم بنكسار ؛ في وجع آقـوى خسرت البنت الي احبها ميعاد لاشعوري تفلت بوجها ؛ الله ياخذ ابو الحب الي تعرفه لابوك ولابو حبك الكاذ ولابو مشاعري  الحقيرة الي صدقتك مستحيل آسامحك لاتجيني بعدين نـدمـان  وتتعذر بعد ماعشمتني بوعد كذآب تصدق كنت اضنك غير كنت واقول لنفسي ان هذا الرجال غير عنهم كلهم بس ياغبنتي فيك وآئل نزل عيونـه بالارض وتكلم بقهر وصرخ عليها ؛ طيب ياميعاد لگ الي تبينـه تفضلي وين بتروحين لـه مالك احد هنا مالك الا آنا تفضلي وشرع باب الشارع لها ميعاد وهي تسحب اغراضها وطلعت بكل ثقه وتحدي لـه ؛ آشفق عليگ وربي مسكين مصدق بخاف وبرجع لگ رجعتي لگ مستحيلـه نتفاهم على إجرآت الطلاق لارجعت الرياض ابي كل شيء يكون رسمـي وتنحذف من حياتي الي كان دخولك لها غلط وغلط مستحيل آكرره ومشت وهي تسحب اغراضها لجهت الـتكــسي سلمان فتح الباب ونزل آمام آنظار وآئـل توسعت عيونـه بصدمـه وسلمان مشى وآخذ آغراض ميعاد وركبهم الـسيارة وهو الي كان مو معطي وآئل اي آهميـة وميعاد ركبت لجواء تاركـه وآئل يفهم سبب قوتها وسبب تحديهالها سلمان بعد ماركب اغراضها فتح الباب بيركب جنبها وقفه صوت وآئل الي وصل لها من مسافات ؛ سـلمان ميعاد وعيونها بعيون سلمان ؛ طلقني سلمان ماقدر يخفي آبتسامتـه ولـف له بكل برود العالم كـله ؛ نـعم بغيت شيء جاء بيتكلم الا وتوقف سيارة بجانب سلمـان وانفتح الباب ونـزل منها آبوعبدالعزيز وعـزام صديقه الي بنفس الوقت آخو وآئـل سلمـان رفع حجبه وآبتسم ؛ بوعبدالعزيز بوعبدالعزيز مشى لسلمان ركض والخوف واضح من صوته ؛ سلمان يابوك مافيك شيء وش صار فيكم البنت وينـها تكلم سلمان بهدوء تكلم ؛ آنا وميعاد بخير هربنـا من كم ساعه بس الغريب في الموضوع واحد منهم ساعدنـا على الهرب بس راح نمسكهم كلهم ان شاءلله بوعبدالعزيز مشى لسيارة الي فيها ميعاد وفتح الباب : كيف يابنتي آصدقيني القول انتم بخير ميعاد وهي تعدل نفسها ؛ انا بخير بس سلمان جرحـه يحتاج يكشف عليه ويحتاج تـعقيم لان الغرز انفكت هناگ سلمـان لف لها ورفع حجبه ؛ بوعبدالعزيز صرخ عليه ؛ لاتناظرها تكلمي وش صار لكم ماراح آخذ العلم الا منها هي ميعاد تنهدت وتكلمت وقالت كل شيء صار بحظور وآئل المصدوم الي يسمع وش حصل لها والصدمـة الكبيرة لـعزام وهو ينـاظر ميعاد توه الحين يفهم ان ميعاد صديقة نهال آختـه هي نفسها ميعاد زوجة وآئل اخوه وهي نفسها البنت الي يبيه ميعاد وهي نفسها البنت الي كان معجب فيه وهـي بحد ذاتها بنت بو ثامر وهي نفس البنت الي كانت بيدين تركـي ذاك اليون هي نفس البنت هـي ميعاد الي نشفت ريقي هي ميعاد الي يحبها سلمان وبنفس الوقت بنت عدوه وهي ميعاد الي هي زوجة اخوي هي ميعاد الي آنقذتها من يدين تركي الي كذبت وانكرت آنه خطفها هي ميعاد تشكلت في بنت وحده من آنتِ وش علاقتك بكل هـذولي كيف تشكلتي بعقلي بكل هذولي الي حولي في بنت وآنسانـه وحده ملامح وجـها تـغيرت ١٨٠ درجـه ورجع للخلف وهو يحس مخنوق من صدمتـه كيف بكون طبيعي مع اخوي وصديقي وانا المعصب من سلمان عشان عينه عليه وثري انا حاط عيوني على شيء ماهو لي وعلى وحده تصير بنت آكبر تاجر مخذرات ياقذارت التفكير في هذا شيء ومشى عنهم وهو يحس بيختنق بوعبد العزيز مسكها تحقيق معهم ووآئل التزم الصمت والنار تسري بصدره ماله حق يعصب ماله وجه يصارخ وهي كانت بوضع حرج وهو مو حولها ميعاد ؛ نمشي للمستشفى ثم للي آتفقنا عليـه سلمـان يناظر بوعبد العزيز ؛ كمل الباقي  دامكم جيتو وجيتكم هنا اكبر غلط وراح احاسب عزام على هذا شيء بعدين ابو عبد العزيز ؛ انا فاهم ان الموضوع كله آستدراج بس ماقدرت آجلس بالرياض وآنت محبوس هنا ومدري وش وضعك وانت بين وحوش مافيهم رحمه وآنت خلقه جريح سلمان ؛ طيب اليوم ترجعون لرياض مافي وقت يابوعبدالعزيز  كيف تركت كل شيء هناك وجيت لي هنا بوعبدالعزيز ؛ لاتخاف فـواز في الرياض سلمـان ؛ رجع لرياض آجمل واطلق خبر سمعته بوعبدالعزيز ؛ وعلى راس الشغل بعد تطمن هنا مضيعت وقت جلسته هنا كانت غلط من البدايه آصلن سلمـان ؛ حلو كلها كم يوم وبرجع لرياض عندي شغله هنا بخلصها وبرجع مع ميعاد بوعبدالعزيز ؛ سـلمـان لاتخبص رجلك على رجلي سلمـان يناظر ميعاد ؛ الجميلة كان لها طلب ومقدر اردها خايبـه برا شغلنا لاتخاف تطمن بوعبدالعزيز بعصبيه ؛ وتقولها بكل برود انت هارب من عصابه خطيرة وآكيد يبحثون عنكم مستحيل آتركم بدون حمايـه وش تبي ميعاد تكلمـي ميعاد وعيونها بعيون سلمان وتطلب منه يتكلم عنها سلمـان : آختها هنا في رومـا وتبي تحصلها بوعبدالعزيز آتسعت عيونه بصدمه كيف تعرف عن العنود سلمان تكلم يوضح لها ؛ سمعت آخوها طلال يتكلم وهي متآكدة ان آختها هنا بوعبدالعزيز فهم ؛ طيب يابنتي مالك الا آجمعك في آختك بس جلستك هنا مستحيلة اليوم كلنا على آقرب طيارة لرياض راح نشدها ومابي نقاش ميعاد نزلت وهي منفعله وتحس راح تنهار مافيها طاقه تتحمل ؛ سلمـان لاتكفى مقدر آتحمل مقدر اطلع من هذي المدينـة بدونها بوعبد العزيز بحده ؛ كلامي يمشي عليك وعلى سلمان لاتطلبين منه الفزعه لانه مايقدر يعصانـي ميعاد مشت وهي تبي تبعد عنهم ؛ طيب كلامك يمشي على سلمان بس علي انا لا واختي ماني طالعه الا وهي مـعي سلمان سحبها ورجعها لمكانها ؛ ميعاد آسمعي منه والله راح يصير كل شيء تبينه بس وجودنا هنا خطر علينا بالرياض اقدر آحميك هنا وجودك خطر ومع اختك بعد راح يزيد الخطر الموضوع مو سهل نتعامل مع عصابات خطيرة ولازم تتحملين وتصبرين ميعاد بكت منهاره وتبعد يدين سلمان ؛ ماآخاف منهم والعنود مقدر آتحمل بعدها عني آكثر ماتفهم ماتحس فيني قسم بالله بموت من شوقي عليها ترا الشوق يموت يموووووت مقدر اتحمل بعدها عني اكثر من كذا وصرخت وهي تبكي ؛ مطلع من هذي المدينـة بدونهااااااا  مطلع بدون العنود حرام عليكم خذو روحي بس لاتجبروني على شيء نفسي تعوفه مقدر آترك قطعت قلبي بعد ماشميت ريحها سلمـان سحبها بالقوة لداخـل السيارة وميعاد صرخت برفض بس كان آقوى منـها وآجبرها تركـب وآئـل يحس بيموت من الي يشوفه قدامـه ومشى لعند باب سلمان وفتحه وصرخ ؛ شل يدينـك عنها ياسلمـان وآتركـها ماتبي تكون معكم ميعاد آنزلي كفايه الي شفته وسمعته ميعاد رفعت عيونها له ؛ لاصرت زوجي وقتها ذيك الساعه تعال آفرض  كلامك عـلي انتهيت ياوائل ومالك اي حق في كل اموري  شيء ماتخصك سلمان يخفي آبتسامته وميعاد رجعت مكآنها وهي تتنفس بصعوبه وكلها يصارخ يبي العنود سلمان ؛ نمشي وقسم بالله مو صاير الا الي يرضيك ممكن تثقين فيني ميعاد مسحت الدمعه المتطرفه بين رموشه ؛ طيب بسمع منگ بس راح تجيبها لي سلمان يآشر على عيونه ؛ من عيوني بوعبدالعزيز سحب وآئل وسكر باب سلمان وآشر لهم يحركون وآئل نفض نفسه بعصبيـة ؛ شل يدينـــك عنـي وين راح تاخذونها بوعبدالعزيز ؛ لمكان يقدم لها الحمايه الي انت ماقدر تقدمها لها وآئـل جمددد مكانـه من كلمتة الي كانت جدآ قويه عـليه لف بوعبدالعزيز لعزام وركب جنبه ؛ حرك للمستشفى بنطلع طلال كيفه الحين قلتو له عن اخته عزام وهو للحين مو مستوعب وش قاعد يصير ؛ بخير آحسن من آمس بكثر ارتاح يوم عرف انها حيـه والا قبل كان يشبه المجانين بوعبدالعزيز ؛ الله يلوم الي يلومـه وش تبي يصير فيه وهو مايدري اخته ميته والا حـيه شاف انها ماتت بس مافي جثه تثبت موتها الحمدالله الي حفظ له عقله تحمل ذا الرجال شيء ثقيل المهم العنود احفرو الارض وطلعوها لـي ماقال لكم طلال مكآنها عزام ؛ للحين ماتكلم الرجال يعيش صدمـه يتعدها وان شاءلله نعرف مكآنها . . |🍂✨_ في ارض الرياض بتحديد في ذاك البيت الفاخر المتوسط الحجم  لاهم اغنيا ولا هم فقراء بس النعمه واضحه على آهله والفخامـه والاناقه طاغيـه. على آصحاب البيت كانت العنود جالسه بالغرفه وماطلعت منها تنتظر رجوعه لـها وهي خايفه من كل شيء حولها مضت اليوم كلـه بغرفتهم ورافضه الخروج مـنها . . كانت معصبه وتهز رجوالـهـا بقوة والنار تطلع من عيونها ومستحيل تنسى هذيك الحظة  من دخول فواز وبيده بـنت غريبه عليـهم والصدمـه لما قال لهم اقدم لك العنود زوجتـي تحس راح تنجلط كيف يتزوج بنت تعرف عليها في بلاد الـكفر انهبل ذا الولد لايكون ساحرته وجت تبلش ولدي فيها بـو فواز ؛ خلاص يافوزيـه ماله داعي كل هذي العصبية تزوج  الولد وصار الي صار فات الفوت مافينى نسوي شيء البنت زوجته ومانقدر نقول شيء وهو رجال وفاهم لنفسه صرخت فوزيه معصب ه : لي سنين آترجاه يتزوج بنت عم سلمان صديقه رزآن  البنت تناسبه لي سنين وانا بزوجه بنات اختي وبنات عمـه ورافض يقول مرتاح مابي آتزوج  آتركونـي عزابي والحين بعد غيبه يرجع لي ومعه بنت الا بزر ماشفت شكلها كيف صغيرة عمرها اكيد ١٦ او ١٧ بالكثير ١٨ ويقول هذي زوجتي اعنبو بليسه غابني ماندري وش وراها من بلاوي بنت جايبه لك من اوربا ويقول انها من قبايل معروفه تطمنو وش نبي في وحده رايحه لهناك لحالها صايعه طايشه  ماتدري وش فيها وش مافيها آبو فواز ؛ لايسمعك فواز قسم بالله لايقوم الدنيا عليگ انتبهي للسانك يافوزيـه وآحترمي كلامـه وماعاد صغير عمره ٣٦ سنـة وعقله في راسه آهجدي وقري ارضك يامـره فوزيه تكلمت بجمود ؛ ليش مالي حق آتكلم عشاني مـرت آبـوه هو ولدي انا ربيته  انا سهرت عليـه آنا الي ربيتـه انا آمـه وكلمتي راح تمشي عليـه غصبن عليه وهذي البنت مالها جلسة في بيتي نشوف يا آنا ياذا الـبنت الي مالها لاآصل ولا فصل ومشت طالعه لدور الثالث ونار تسبقها في مشيتها وكل خطوة تخطيها تحرق المكـان بو فواز بقلة حيله : فوزيه وين رايحه لـه فوزيه وهي معصبه ؛ بشوف وش عندها هذي ومن هي وليش هي هنا ومن بنته وش اصلها ليش متوقعني بجلس بإرضي وفي غريبه جالسه في بيتي ومشت تاركتـه وهي النار تشتعل بصدرها من غضبها . . |🎶✨___ العنود كانت تتآمل بالغرفه وتناظر آغراض فواز وذوقه بغرفتـه آنسدحت على السرير بتعب وتركت شعرها ينساب على ظهرها ونفخت شفايفها بضجر ؛ قال ماراح آتآخر بيصير يوم كامل من طلعته وينك يافـواز ووقفت وهي تناظر في آغراضه ومشت تفتخ الدواليب وتناظر وش فيها بفضول اول شيء فتحته عباره عن آسلحه بأشكال مختلفه واحجام مختلفه بخوف سكرتـه ورجعت للخلف وفتحت الستاره الي كانت تطل على جهت الحديقه الجانبيه وبقربها مسبح متوسط الـحجم محوط في سياج مشت ورمت نفسها على السرير مره ثانـيه وهي تحس بضجر فضيع فراغ يسكنها غربه وحده موحـشه مافي شيء تعرفه عن نفسها الا آسمها وآنها صارت زوجة فواز الي ماتعرف عنـه الا آسمـه من هو وليش تزوجني وليش صار ذاك العطوف بعد ماكان مايطيقني آفكار تآخذها وآفكار تجيبها والنتيجه وحدة مازالت تغوص في بحر الغموض الدامـس الي تلبسها وآنفتح الباب بـــقـوة والعنود برعـب فزت من مكآنها بـــخوف وطاحت عيونها الخايفه المرتبكه بعيون فوزيه الغاضبه الي يصدر منها الشرار والغضب ووقف الـعنود وهي تحس بكميت الاحتقار بعيونها ومشت فوزيه وهي رآفعه راسها لفوق بكل غطرسه وتعجرف ؛ حلو مانمتي العنود لاشعورين صارت يدها ترتجف هي خايفه خلقه من حالها وهاذي ارعبتها آكثر مشت لها فوزيه حتى وصلت لها وكانت طويله ونحيفها وجسمها مرتب رغم تقدمها بالعمر الا ان شكلها يعطي اصغر من عمرها بكثير وشعرها الاسود الطويل  منسدل الى نهاية ظهرها وتناظر العنود بكل آحتقار ؛ وش نيتك وش تبين من ولـدي وين اهلك ومن انتِ بنتـه انطقي العنود من خوفها منـها جلست على السرير رجولها مـهي قادره تشيلها وتهز كتوفها بقل حـيله في مدري آصعب شيء تنسآلين عن نفسك عن ذاتك وتردين بكل صدق بكل ضعف في ماادري ماآعرف ضحكت فوزيـه بعدم صبر ؛ في آحد مايعرف من آهله في احد مايعرف من هـو بزر قدامك آنــا تكلمي بسرعة لا ارميك برا هذا البيت ليش تزوجتي في فـواز تكلمـي الـعنود وتحس راح تختنق من خوفها وهزت كتوفها في ماآدري فوزيه بسخريه ؛ اكلم لي طرمــه آنـا تكلمـي ولاتختبرين صبري يابنت مرت علي هذي الاشكال  تكلمـي من آنت دخلت حور بعد ماسمعت صراخ امها بـغرفة فـواز ؛ يمــه فوزيه مالفت لها ؛ حور آنقلعي بـرا آتركيني آتفاهم مـع هـذي بنت الشوارع حـور وهي الي ماتقدر على امها : يــمــه فـواز بيعصب منك تكفين آتركيها شوفي كيف خايفه منـك يمـه صرخت في وجها ؛ قلعته الي مايستحي على وجها الي ماحشمني ودخل بنت آبليس في بيتي بدون آذنـي الي تزوج بدون لا يسآلني لهدرجه حاقرنـي ليش ماني آمـه ولايهمه اني اكون راضيه عليه العنود قامت تقضم شفايفها وهي تتنفس بسرعه وصلهم صوت فـواز الي تكلم بهدوء؛ السموحه ياالغاليه وقدرك وحقيك عالي لاتشكين بذا شيء لفت عليه فوزيـه وهي معصبة وتآشر على العنود وهي محتقرتها ؛ وهـذي وش وضعها تكلم تقدم لها فواز بزيه الـعسكري ووصل لها ونزل مستواها وباس رآسها ويدها ؛ هـذي زوجتـي يايـمـه ماسويت شيء حرام متزوج على سنـة الله ورسوله فوزيـه لفت تناظر العنود الي تقضم آظافرها وترتجف ولفت تناظر فواز بعدم رضاء؛ كيف تكون زوجه حتى آسمها ماتعرف تنطقه ولاتعرف تتكلم كيف فـواز ولدي شيخ الرجال ياخذ وحده بـزر طفله مافيها ولا شيء يشفع لها تكون زوجه تكون مــره شف كم عمرك وكم عمرها ٣٦ سنـة ياخذ بنت بهذا الـعمر هذي شف كيف جسمها ولاهيكل عظمي مافيها قوه تشيل نفسها كيف ذي تحمل كيف بتتحمل كيف بقول لها مرت ولـدي فواز آبتسم بهدوء ؛ يـمـه وآنا آحب الاطفال يجذبونـي والحمدالله زوجتي منهم فوزيه مسكت راسها وشدته ؛ هذا الي بيجنني تفكيرك بياخذ لي عمري فواز ماتفهم وبعدين منهـي بنته وين اهلها تكلم فواز منتبه على العنود الي راح تنهار من كلام آمـه وماغاب عنه ارتجاف جسمها الضعيف ومسك فواز آمـه وسحبها لـبرا : يـمـه بقول لك كل شيء تبين تعرفينـه بس وقت ثانـي يرحم لي والديك قسم بالله تعبان يايمـه والبنت هذي الي مو عجبتك وماهي جايزه لك هي زوجتي وماتزوجتها الا انا آبيها وماني راضي عليها بشينـه يايمـه خوفتيها وهي اصلن خايفه خلقه من نفسها وخالتها استقبلتها اجمل استقبال البنت وضعها مو كويس وفاقده ذاكرتها بحادث عشان كذا ماعرفة ترد عليك  صار لها من الحادث من اربع شهور آتمنى يكون بقلبك شوي رحمه وتكوني لطيفه مـعه والي صار من شوي مابيه يتكرر لو سمحتي يايمـه البنت مريضه ومن بكره راح تتعالج عن طبيب نـفسي الين ترجع لها ذاكرتها الى ذاك الوقت طلبتك كوني حنونه عليـها تمر بظروف الله آعلم فيها مابي منك الا آسلوب ومعاملة ترضي الله وترضيني يايمـه فوزيه سكتت وماردت عـليه وفواز لف عنها تاركـها ودخل غرفتـه وقفل الـبـاب عليـهم وحط عيونـه بعيون العنود الي كانت تحاول تهدي من نفسها فواز تقدم لها وجلس جنبها بس العنود زحفت عنه وتبعد عـنـه وهي تعض شفايفها بزعل ماهي قادره حتى تعبر عن مشاعرهـا فواز آنسدح بعرض السرير بـتعب بزيه الـعسكري وفصخ الشوز وفك سلاحه من على خصرة وحطه في الكمدينـه ؛ تصدقين آني مشتاق لگ يومي كان ناقص بدونگ العنود ماردت عليـه فواز آبتسم وهو يشوفها تتعبر بزعل نفس الاطفال رفع يده وسحبها من معصم يدها حتى صارت جنبـه ولف لها وانسدح على جنبه اليمين ورفع يـده اليسار وحوط خصرها جرها لـه وحتضنها العنود معقده حواجبها ورفعت عيونها العسليـه الناسعه لعيونـه الرماديـه الحاده  ومازالت تقضم شفايفها بزعل فواز بهدوء ؛ تبين تبكين آبكي مايحتاج تحبسين عبرتك فرغي الي فيك عشان المشاعره الي تضايقيك تروح عنـك اكثر شيء يوجع الانسان مشاعره السيئة العنود آمتلت عيونها بالدموع  ونازالت تمنع نزولها ومازالت حطتهم بعيونـه الرماديـه الوسيعه فواز سحبها ودفن رآسهـا بصدره بحنيـه ومسح  على ظهرهـا وعلى شعرها وباس راسها والعنود بلتت صدره بدموعها ؛ يالعنود صدقيني كل هذي الايام الي تزعجك راح تمر وراح تنسينها وراح تعرفين تردين على الكل مو بس آمي وكلك ثقـه من نـفسك العنود تكلمت ؛ معرف ماعندي ثقه بنفسي عشاني معرف نفسي يافواز فواز رفعها عن صدره وتربع بنص السرير وهو ماسك يدينها وهي طوت رجولها وتناظره دموعها ماجفت من على خدودها ؛ وش الي مزعجك يالعنود العنود وهي ترمش اكثر من مره وتآشر على نفسها؛ آنـا معقوله قبل كانت شخصيتي ضغيفه لهدرجه يافواز معرف اتكلم من صرخت علي انربط لساني وقمت ارتجف وانا خايفه ومتشوقه اعرف من آنا فواز ؛ الـثقه مطلوبه يالعنود ولازم تتعلمينه آنا معك انك فاقده ذاكرتك وماتعرفين شيء عنك بس لازم تكونين قويـة وتقتلين خوفك لازم تكونين قوية انتِ زوجة فواز الـ ... العنود تبتسم ؛ كيف آقدر اتعلم الثقه في نفسي وهي منزوعه آخاف حتى من الهواء الي آتنفسه كيف ماتبيني آخاف من الناس فواز ؛ تقدرين بس آنتِ انوي وتحدي نفسك وتحدي الكل وراح تكونين مثل ماتبين وآكثر وانا جنبك يالعنود  تذكري اني بمد يدي لك كل ماتعثرتي كل ماطحتي آنا جنبك بكل مكان وزمـان يدي مبسوطه لك يالعنود بس ابي تسعدين قلبي في شرف المحاوله مو اي كلمة تزعلك مو اي كلمة تبكيك اجبري نفسك تكون قويه وواثقه كوني واثقه اني ماخذيتك الا وآنا راضي فيك وشاريك وآبيك بزينك وشينك بس ساعدي نفسك شوي راح تكونين افضل من الكل العنود مسحت دموعها ورسمت على شفايفها آبتسامـة فقيره يتيمه تكسي منها القوة والثقه ؛ وعد بكون مثل ماقلت وراح ترجع لي ذاكرتي وبتحداء نفسي والظروف فواز ؛ عافيه عليگ كوني كذآ يلا بنخمد بكره عندي مهمه مثل ماقلت لك اني عسكري ومرتبتي عاليه وشغلي ياخذ نص يومي يالعنود ممكن بنشغل عنك هذي الفتره بس صدقيني بعوضك عن كل دقيقه بغيب فيها عنك العنود رجعت شعرها وراء اذنها ؛ ماعندك مشكلة من هذي الناحـيه ماني مشغلتك فيني آنت لاتشيل همي انا بكون بخير فواز انسدح بتعب على السرير وكلها ثواني ونام بتعب شديد وواضح عليه والعنود آنسدحت جنبه وعيونها عليه وتناظره وهو نايم كيف محافظ على فخامت شخصيته حتى وهو نايم . . |_ بعد مرور ثالث شهور بتفاصيل جدآ عاديـه طلعت ميعاد من العده  وكان طلاقها مـن وآئل صدمـه لكل العائلـة والسبب مجهول مثل ماقلنا والغضب ماكل قلوب آخوانها كلهم من وآئـل كيف يطلقها كيف يترك بنت بعمرها بإسم مطلقه بنسبه لبو ثامر كان معصب ان الناس راح تتكلم في بنته وانها تزوجة بدون زواج كبير  وماتم من زواجها الا نص شهر وطلقها آكيد العيب فيها ومن مايسلم من كلام الناس ، ميعاد كانت مو مهتمه في طلاقها على كثر ماكانت مهتمه في سالفة الـعنود اختها بعد مارجعت من آيطاليه لرياض بعدها بيومين اتصل عليها سلمان وقال لها انه حصل آختهـا الفرحه مو شيلتها وقتها وطلعت معه للمكان ال ي تسكنـه آختها بذاك اليوم كانت مع سلمان بنفس السيارة وتناظر البيت الي كانت واثقه ان العنود فيه ورجفتها ماقدرت تخفيها وتناظر سلمان ؛ صدق العنود هنـا سلمان اصدقني القول والله آعصابي تعبانه احس راح يغمى عـلي من صدمتي ماني مصدقه ان اختي حيـه كيف كذا يطلع الميت حـي وتحرك يدينها وهي تعبر عن مشاعرها ؛ متخيل كنت اروح بالخش والدس وازور قبرها وآبكي عنده وانا اعرف ان دخول المقبره  محرم لنساء  بس في شيء جواتي يجرني ماصدقت انها ماتت آنا اختي ماتموت والله قلبي يحس ماتموت  وتتركنـي تعرفني ماآتحمل بدونها كيف تغيب عني كيف  سلمـان قسم بالله مافي شيء يهنا لي بدونها معقوله راح ينتهي هذا الكبوس وبجتمع في ماء عيوني سلمان حن قلبه لضعفها وقلت حيلتها ؛ وهذي اختك رجعت لگ سمي بالله وروحي لها ميعاد بتفتح باب السيارة بس لفت بسرعه له وهي مرتبك ؛ جد اختي هنا ياسلمـان آحس من صدمتي ماني قادره استوعب سلمان حس فيها ونزل من السيارة ومشى لها وفتح باب سياره لها ومد يده لها ؛ تعالـي ميعاد وهي تناظره ؛ مقدر رجولي ماتشيلني قلبي نبضاته قويه خايفه يوقف من فرحتي وماآشوفها سلمان نزل مستواها ومسك عضدها وسحبها حتى وقف ميعاد تمسكت بذراعه وشهقت ؛ رجولي مااحس فيها سلمان مقدر آمشي والله ماآمزح سلمان فاهم وش جالسه تحس فيـه وسحبها وهي متمسكه فيـه واتصل على فواز الي فتح لهم الباب ودخلو منـه وميعاد فعلن حست انها نست كيف تمشي ومتمسك في سلمان الي يجرها معه والخوف متكدس بقلبها خايفه يتحطم قلبها ويصير كل شيء كذب بس لامستحيل انا سمعت صوتها انا حسيت فيها كيف يكون حلم وسراب يارب رحمتك ماصرت اميز مابين الخيال والحقيقه بس مااحلم هذا سلمان وهذي انا اتنفس آشوف بس رجولي ماهي قادره تشيلني لهدرجه خوفي تكدس بخطواتي يارب آجبر لي هذا القلب والله مافيني اتحمل ودخلو للمجلس الي كانت ريحته تفوح في العود والبخور الي منتشر في كل مكان والريحه الي تشرح القلب كانت حور واقفه وهي متغطيه فواز ؛ حور بتكمل الباقي ياسلمـان بنترك  البنات مع بعضهم سلمان ترك ميعاد الي ترجته مايتركها بس تركها وطلع هو وفواز لبراء للحديقه حقت البيت وسلمان ؛ فواز فواز تنهد ؛ بشرح لگ كل شيء لاتعصب وانت ماتدري عن شيء سلمان ؛ وليش بعصب عبث مابيك تربط حياتك في ابوها واناآعرفك واعرف نيتك فواز ؛ مايهمني ابوها مايهمني الا هـي ونسيت من هو ابوها لان نهايته بتكون على يدي ياسلمان سلمان ؛ لها بنت كيف بتقنع اهلك في بنتها كيف راح تشرح لهم يافواز وهذا انت تتصرف بدون لاتستوعب بدون لاتفهم وش جالس تسوي فواز ؛ بس ترجع ذاكرتها لها وقتها اناآعرف كيف بتصرف ياسلمان في آشيء كثيره ومخفيه مدري متى توضح بس ترجع ذاكرتها بفهم وش صار لـهـا سلمان آحتاج معلومات عن زوجها وعن آسمه ابي معلومات كامله عنه سلمـان تنهد ؛ مدري وش بقول لك بس ادرى بنفسك يافوآز وميعاد حساسه بخصوص هذا الموضوع من افتحه تسكره وتعصب لاآنفتح السالفه وراها مصيبه كبيره فواز بقهر ؛ مو طبيعي الموضوع بنت عمرها ٢٣ سنـه عندها بنت بعمر ريناد عقلي مايستوعب ياسلمان سلمان يحك دقنـه ؛ كل شيء بيوضح في وقت قريبآ فوآز ؛ الا آقول سلمان آخبارك كيف اوضاعك سلمان ؛ لاحدث ولاحرج والمجهول ماتحرك وسكوته ماهي علامات خير يافواز احس  هذا الهدوء ماقبل العاصفـه فواز وهو يضرب كفوفه ببعض؛ الله الله ياسلمان وصرنا نخاف سلمان رفع حجبه ؛ آنا آخاف كثر منها الخوف من المصيبه الي مخبيه لنا لازم تنتبه لنفسك حتى انت سكتو من سمع صوت الصراخ الصادر من داخل البيت . . |🎶🌿_ دخلت العنود للمجلس وهي تتذكر كلام فـواز وتفرك يدينها ببـعض الى ذيك الحظة المنتظره وطاحت عيونها بعيون مـيعاد وجمدت مكآنها وهي تناظرها بقرب منها مـيعاد زادت آنفاسها وضربات قلبـها تدفق بشكل سريع  وصرخت بصدمة بفرحها بطيرها لفوق ؛ الــــــــــــعنـــــود آختي روحي  فلذت كــبدي حشاشت جوفـــي ومشت لها بخطوات متردده ووواسعه مشتاقه فرحانـه العنود تناظرها بجمود ماتصدر منها اي مشاعر غير الفراغ والبرود ميعاد وقفت وتناظرها وشهقت وضحكة وهي مبسوطه ضحكت مثل المهابيل ومدت يدها بشوق ومسكت كتوفها بشغف ؛ حقيقيه هذي آنـتِ  والله آنها آنتِ والله آنت العنود آختي توآمـي روحي قطعت قـلبي المفقوده قلت لهم انك ماتتركيني محد صدقني ميعاد قربت لها بعطش قلبها تبي تحضنها تبي تروي قلبها الكسير وتجبر كسره حور كانت جامده من هذا  الموقف  وقف شعر جسمها من هوله بس الصدمـه يوم دفت العنود ميعاد عنها بـصد برفض لها رفض انها تقرب منها  وتكلمت ببرود عكس العاصفه المريره الي تسري بعظام ميعاد ؛ كـونـي بعيده عني لوسمحتي لازم تكون بينا مسافات آنا معرفك ماآتذكرگ والله ماآعرفك ميعاد آتسعت عيونها على وسعها و تبتسم وتقرب منها آكثر ؛ مـيعاد توآمك آختك مستحيل تنسيني كيف تنسيني وآنا الي ميته بغيابك لا يالعنود لا يالعنود انسي الكل الا انا طلعنا من مشيمه وحده من رحم واحد تشاركنا بك ل شيء لاياآختي لاتصدين عني كثير علي العنود خافت منها ومن تعلق ميعاد فيها ودفتها وهي خايفه منها وصرخت ؛ ابعدي عنـي آبـعدي ميعاد فتحت عيونها بصدمـه  وقربت وهي معصبه مصدومه ؛ ضميني مشتاقه لگ ابي اشم ريحتك ابي آشبع منك  لاتكسريني بعد آنتِ العنود مشت خلف حور وغرست اظافرها بكتفها وبكت ؛ خايفه طلعيني من هنا ياحور ابعديها عـني ترعبني ميعاد جن جنونها كثير ياعالم كـثيرررررر علي وصرخت بدون استيعاب ؛ تــعالـــي ضـــميني خذيني بــــحضنــــــــگ آقولگ آشتقت لگ  كيف ماتشتاقين لـي صرخت عليها لدرجه ارعبتها تـعالي لميني ماتفهمين قلت لك تعالي تكفين تـعالي يالعنود وشهقت وهي تطيح من طولها على الارض بتوسل وترجي وتمد يدها ميعاد بترجي ؛ تعالي مشتاقه لگ روحي بتطلع من شوقها لگ العنود وعيونها كلها دموع صدت وتغرز اظافرها بكتف حور الي تتآلم منها : طلعني من هنـا تكفين حور #آنتهى { #رواية_حسبي_على_الي_حال_بيني_وبينك_يامشغلن_بالي_وينك } *💜ـــــ #يتبــع👇ــــــ💜* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜