عاصفه الصقر - الفصل السادس - بقلم شهد عبد الهادي عيساوي محمد | روايتك

عاصفه الصقر البارت 6 ملاذ :انا مش لوحدي ياصقر معاي فريقي وقبل دا كله معايا ربنا.. ولازم اخد حق بابا اللي اتغدر بيه منهم.. بس هما ميعرفوش هويتي الحقيقيه ،صقر بخوف عليها :بس انا مش عايز اخسرك بعد ما لاقيتك، ملاذ بدهشه:ايه ،صقر بحب :انا حبيتك يا ملاذ وعايز أفضل عايش مع شريكه حياتي اللي عصفت بقلبي ورجعته للحياه من تاني ،ملاذ بعدت عنه وقالت بتوتر وحزن :مينفعش.. لا.. مينفعش دا يرجع يحصل تاني ،صقر :عارف ان انتي كمان بتحبيني بس بتكابري ،ملاذ :افهمني مش هينفع ياصقر، صقر بحزن :لانك متجوزه ،ملاذ بتصحيح :بس انا مش متجوزه، صقر بامل صغير :وريم؟، ملاذ بحزن شديد ودموع :ريم تبقى بنت اختي اللي خسرتها قبل سبع سنوات خسرتها بسببه.. بسبب الحب.. انا بكرهه لأنه قتلها بدم بارد، رفع صقر عنه الغطا ووقف على رجليه وقال :مش فاهم حاجه ،ملاذ بدموع :اقعد وهحكيلك وانت قاعد عشان محدش يدخل ويشوفك وتخرب كل حاجه ،رجع وقعد مكانه بس رجليه كانت ملامسه الأرض فسحبها وقعدها جاره بمسافه بعيده شويه وقال :احكيلي متكتميش، ملاذ بدموع :قبل سبع سنوات ريم كانت لسه بتدرس في رابعه طب وانا كنت في كليه الشرطه اول سنه فيها.. ريم حبت واحد زميلها في الجامعه أكبر منها في آخر سنه كليه كان.. حبته اوي وكنا انا وهي لوحدنا بعد ما حصل خير حادث بابا وماما وخسرناهم للأبد.. وزميلها كان بيضحك عليها واوهمها انه بيحبها وخلاها تتجوزه عرفي وحصل بينهم علاقه.. وبعد ما اخد منها كل اللي عندي عايزه وضحك عليها واخد كل فلوسها ورماها وقالها كلام وحش اوي.. وبعدها بشهر عرفت انها حامل وكانت فرحانه.. وافتكرت انها لما تقوله هيتأسف ويرجعوا لبعض بس صدمها.. لما قالها انه مش ابنه.. شك فيها وفي ابنه!.. وبعدها حالتها النفسيه ادمرت بس مكرهتش اللي في بطنها ومرت شهور الحمل على خير بس.. بس في اليوم المشؤم اللي خسرتها.. كانت راجعه من الجامعة وبتعدي الطريق جات شاحنه وصدمتها ونقلوها على المستشفى وكانت حالتها حرجه اوي وولدوها واستغربوا ان الحنين حي وحالته كويسه بس.. بس هي حالتها مكانتش كويسه ولما دخلت عندها طلبت مني إني اوديها لأبوها ولو رفض اربيها انا وخلتني اوعدها اني اكتبها باسمه واكمل تعليمي في الكليه وبعدها طلبت تشوف بنتها بس.. بس ملحقتش تشوفها ماتت قبل ما تشوف بنتها، صقر مسحلها دموعها وقال :باباها عمل ايه، ملاذ بكره :انكرها انكر بنته خدتها وربيتها انا ووفيت بوعدي ليها وكتبتها على اسمه عشان محرمهاش من اسم ابوها.. انا بكرهه وبكره كل صنف الرجال لأنهم خاينين وغدّارين ،حضنها صقر بحنان فانفجرت ببكاء مرير في حضنه وقالت :انا خسرت بسببه اختي وتوأم روحي ،تدراكت انها في حضنه فبعدت عنه ووقفت وقالت بجمود:عشان كدا مستحيل ارجع واجرب شعورها واخسر ابني حتي ولو كنت هدوس على قلبي.. مستحيل احب واثق في راجل، صقر بابتسامه حب أعطته جاذبيه :القدر جمعنا في ظروف وحشه بس عشان نداوي جروح بعض عشان نداوي غدر وجراح اللي حبناهم عشان نداوي قلوبنا.. انا مش هو.. ومش كل صوابع إيدك شكل واحدوكذالك البشر مش كلهم كويسين ولا كلهم وحشين.. فيهن الكويس والوحش ياملاذ، طرق شخص الباب ودخل وقال بمرحه :انا عارف ان القصر منور بيا وحـ،صدم من ملاذ وبكائها فراح عندها بسرعه وسحبها لحضنه وقال بقلق :ملاذ مالك في ايه ليه بتبكي، ملاذ بتمسك فيه وبدموع :خسرتها يا مراد، فهم مقصدها وقال بحنان :خلاص اهدي.. ادعيلها ياملاذ، ومسحلها دموعها وقال بذهول :صحيح امتى وصلتي مصر،ملاذ وهي بتمسح دموعها قالت :من حوالي ٣او٤ شهور ،مراد بصدمه:كل دا ومعرفش.. لحظة هو بابا عارف؟!، ملاذ بسخريه :عارف!.. دا هو اللي طلب اني انزل مصر وكان متابعني طول الطريق وحاطط حراس عليا فاكرني طفله صغيره ،مراد :هو خايف عليكي انتي عارفه اللواء بيحبك قد ايه ياسعادة الرائد، ملاذ :عارفه دا... كان صاحب بابا الله يرحمه ولحد دلوقتي معتبرني بنته... صحيح عملت ايه في المهمه، مراد :حلو.. شويه إصابات وخدوش متعودين عليها ياعمري.. اااه، حين لفظ بكلمته الاخيره لم يستطع صقر كبت غضبه فلكمه بقوه ،مراد بذهول شديد :صقر انت رجعت توقف على رجليك!!، جرت ملاذ وقفلت الباب وقالت بهمس :هقولك كل حاجه بعدين بس المهم محدش يعرف بالسر دا يامراد ،صقر بغضب :متقوليش اسمه فاهمه انتي بتاعتي انا وبس فاهمه يعني ايه، مراد بألم من فكه :افهم الأول ياغبي انا وملاذ زي الخوات وانا كنت مدربها اصلا، ملاذ بتسأول:بس انت بتعمل ايه هنا؟، مراد :ههه بصي بقى ياستي انا والمجرم دا صحاب من الطفوله بس اتفرقنا في الجامعه لاني دخلت شرطه وهو هندسه بس دا مكنش عائق ابدا في طريق صداقتنا.. صحيح ايه اخبار ريمي وحشاني اوي، ملاذ بهمس :تعالى الفيلا وشوفها ،ضحك مراد وقال :حاضر يامعلم، وقال بتفحص شديد :انتي كويسه ؟!، ملاذ :كان مجرد خدش، مراد :انا مقصدتش على اصابتك في أمريكا انا قصدت دا،وأشار على كتفها وقال :اللواء قالي باللي حصل، ملاذ :عملوا كدا عشان فاكرني حبيبته يامراد ،مراد بمرح :للأسف ميعرفش انك هو ههه... نفسي اشوفه لما يعرف ان الحسناء اللي أعجب بيها هي كابوسه اللي سرق منه راحته هههه،صقر :مراد انا بحب ملاذ وعايز اتجوزها ،بصلها مراد بدهشه وضحك ،ملاذ بتوتر:لا مستحيل، مراد بمرح :هو انت مش هتبطل العاده دي ،صقر :لا انا بحبها بجد وعايزها شريكة حياتي، مراد بحزن :اديها شويه وقت ياصقر لان اللي حصل كان صعب عليها، حست ملاذ باهتزاز تليفونها فطلعته كن الشنطه فشافت اسم جاسر فإستغربت وردت عليه وقالت بهدوء :ايوه ياجاسر.. في حاجه ؟، جاسر بتوتر شديد :اا عايز اقولك حاجه مهمه اابس، ملاذ قلبها انقبض فقالت بتريس:قول في ايه.. ريم كويسه ،جاسر بتوتر :ريم اتخطفتواللي خطفها رامي الغطاس... ابوها، ملاذ بصدمه وخوف :ايه رامي.. بتقول ايه ازاي دا حصل كنت فين، جاسر :انا كنت جايبها من المدرسه واحنا في الطريق جات عربيه فيها حراس وضربوا علينا نار فوقفت العربية وضربوني واخدوا مني ريم بالغصب وقال لي واحد منهم ان لو عايزين ريم ترجع تاني تبقي توافقي على عرض رامي الغطاس ،ملاذ بغضب :نجوم السما اقربله مني وريم هرجعها لحضني من تاني وهندمه على اليوم اللي فكر يأذيها ،وقفلت في وشه ،مراد بتوجس :ريم مخطوفه؟! ،ملاذ بكره :اه.. مش هسيبه عايش بعد كدا، مراد:اهدي وقولي لي ايه اللي حصل ،حكتلهم ملاذ باللي حصل، صقر بغضب:دا مجنون رسمي، مراد بهدوء :ملاذ متنسيش انها بنته كمان ،ملاذ :انت مش فاهم رامي زيي.. رامي بيعمل اي حاجه عشان يوصل للي عايزه حتى لو القتل كان الحل لمشاكله فهيقتل بدم بارد ،واتصلت على رقم معين وثواني واتاها الرد ،ملاذ :اجهز انت واللي معاك عندنا مهمه جديده ،المجهول :امرك يا فندم،ملاذ :مراد باباك ميعرفش حاجه ،مراد بضيق:لو انا مقولتش فغيري هيقول.. انا معاكي ياملاذ، ملاذ :انت اللي هترجع ريم وانا هروح لرامي، مراد :هتعملي ايه ،ملاذ:مش هعمل انت اللي هتعمل، مراد :قصدت رامي هتعملي ايه معاه ،ملاذ:ولا حاجة هروح اعمل زياره صغيره مراد بتفكير:طالما هاديه يبقى بتفكري في مصيبة، ملاذ :لا ابدا، صقر :انا جاي معاكم ،ملاذ:جاي فين انت كمان هو لعب عيال وبعدين هتيجي ازاي بوضعك دا ياصقر ،صقر بخبث:انا عارف ازاي وكمان عندي فضول اشوف رامي دا، مراد:لا انتوا اتجننتوا رسمي ،ملاذ:صقر اقعد وبطل شغل العناد ،صقر:هو انتي بس اللي يحقلك تخاطري انا كمان اسطوره وعندي تاريخ يشهد ليا بدا، ملاذ :تمام.. بس مش هتتحرك من هنا فاهم، صقر بغضب:بس انا مش عايزك تروحي لوحدك للكلب دا ،طلعت ملاذ بهدوء وخرجت من القصر، مراد:صقر ملاذ مش صغيره وهي عارفه بتعمل ايه كويس، صقر:خايف عليها.. خايف لاخسرها، مراد:متخافش ملاذ ميتخافش عليها لا دا يتخاف منها.. يلا همشي انا عشان ارجع ريم ،وطلع وساب صقر هادئ بعض الشيء فسمع طرق على الباب ودخل خالد والابتسامه مزينه وجهه ،خالد بحنان:اي اخبارك اليوم ياصقر، صقر :بخير يابابا، خالد قعد جاره وملس على شعره بحنان وقال:لا مش بخير.. لو خبيت على كل الناس عندي انا مش بتعرف.. قول ياضنايا فيك ايه ليه انا شايف الحيره في عينيك ،صقر بتعب وألم :مش عارف اقول ايه.. انا فعلا مخنوق ومحتار جدا وحاسس اني واقف على كرسي وحوليا اصفاد وفي حبل حولين رقبتي واللي مفروض انها مراتي تكون هي اللي مقوياني وسنداني.. مش السياف اللي مستني فرصه عشان تكتب نهايتي بالدم.. انا تعبت اوي ومعدتش قادر أواجه.. واعدائي كل يوم بيزيدوا عدد وقوه وانا لوحدي، ودخل في حضن خالد ودموعه نزلت بقهر ووجع وصوت بكائه مكتوم ،خالد بحنان :خليك واثق ان عدل ربنا قريب ومصير الظالم ياخد جزاته والحق يرجع للمظلوم.. انا عارف انك موجوع بس انت بترجع تداوي نسفك عمرك ماانحنيت لحد غير ربك ومهما المحن كانت صعبه انت بتتخطاها بقلب حديد ،صقر بقهر:انا كنت مخدوع عشر سنين وفاكرها بتحبني زي ماكنت بحبها بس هي كانت طماعه حتى بعد ما ربنا رزقنا بأسر طبعها متغيرش... بس توصل انها تخوني طول المده دي!.. دا انا بقيت اكره صنف النسوان بسببها وحتى خايف ان البنت اللي حبيتها تغدر بيا زيها مع اني واثق ان ملاذ مش مروه.. وان ملاذ قلبها اتربى على الحب والخير.. قلبي بيقولي ملاذ مش مروه وعقلي بيقول كلهم صنف واحد.. انا محتار اوي قولي اعمل ايه، بعده خالد عن حضنه ومسحله دموعه وقال بحنان ابوي :انت عندك الحل دايما.. روح لطبيب القلوب واشكيله وجع قلبك وهو هيداويه وهيدله لطريق الصح ،بصله صقر ودخل في حضنه وقال بحب:طول عمرك واقف في ضهري حتى لما كبرت بتعاملني بحب وعوضتني كتير وكنت دايما جاري في كل ازمه شكرا يا أفضل اب وصديق ،خالد :يلا عشان اساعدك تتوضى وتصلي ،ابتسم صقر وقال بهمس :طب اقفل الباب ونصلي سوا وانا هفرح قلبك ياابو صقر ،استغرب خالد كلامه وراح قبل الباب من الداخل وقال :قول في ايه،وقف صقر على رجليه وقال _انا خلاص رجعت من تاني ،نزلت دموع خالد وراح عند ابنه وهو مش مصدق اللي شايفه فقال بتلعثم:اانت ررجعت تتوقف من تتاني ،قعد صقر بتعب وقال :اه الحمد لله بس لسه مقدرش امشي كتير محتاج تمارين كتير.. بسمحدش يعرف دا سر بينا هيبقى حتى ماما متعرفش، خالد بسعادة :عمري ماهقول.. المهم انت فعلا وقفت قدامي ولا انا كنت بتوهم ،ضحك صقر وحرك رجليه وهو قاعد وقال :لا انا فعلا وقفت عليهم اهو شوف ازاي بحركهم.. بس عايزك تحكيلي ايه اللي حصل في المده اللي كنت فيها في غيبوبه.. ايه اللي حصل وخلي أسر يكره امه كدا ،خالد :هقولك، "عند ملاذ" اتجهتملاذ بسيارتها لفيلاه "هارون الغطاس" والد "رامي الغطاس" وصلت أمام بوابه الفيلاه الحديديه ونزلت من عربيتها ودخلت لمدخل الفيلاه فأوقفها آحد الحراس وقال:مين انتي وعايزه مين، ملاذ:روح قول لهارون الغطاس ان ملاذ مصطفي الحديدي برا،سمحلها الحارس وقال :اتفضلي رامي بيه مدينا أوامر ان لو وصلتي ندخلك علطول، وبصت للحارس بسخريه وقالت :رامي بيه ههه،ودخلت لداخل الفيلاه فشافت هارون الغطاس وهو قاعد على السفره يحتسي فنجان القهوه خاصته وبجواره فتاه من فتيات الليالي وهي ترتدي فستان عاري اشبه بفساتين السهرات المحرمه تلك.. دقق هارون في ملامحها وشرق في رشفة قهوته ووقف بصدمه وقال برعب:ررريم،ملاذ بقوه :لا مش ريم دي انا، زادت صدمته لما عرف انها تلك الفتاه الجميله هي نفسها كابوسه المزمن فقال بتلعثم شديد :ممـ. مملاذ،ملاذ :برافوا ذاكرتك قويه عرفتني بسرعه.. متخافش جيتي مش ليك بس كمان قريب هتكون الكلبشات في ايديك وحبل المشنقه حولين رقبتك،... /ايه دا وانا اقول الشمس منوره الفيلاه ليه اتاريها شمسك انتي.. حمد لله على السلامةمع انها متأخره اوي بس عادي اصل قلبك ابيض وبتعديها... يتبع...... مع اني كنت حابه اخلي نهايه البارت قبل ماتدخل الفيلاه بس حبيت اخليكم تشوفوا رد فعل هارون لما شاف ملاذ ههه دا قطع الخلف 😂😂 ياترى ملاذ بتفكر في ايه واللي ناويه تعمله وهل مراد هيقدر يرجع ريم ولا لا وايه هو كره أسر لأمه وخيانه اي اللي اتكلم عنها صقر وحابه اعرف رأيكم بعد ما عرفتوا ان صقر رجع يمشي من تاني وهل القلب هينتصر ولا العقل ملاذ وصقر هل سينتصر الحب ويصبح عشق يداوي جروح الزمان في معركه بين القلب والعقل أيها سيكون المنتصر في النهايه وما هو مصير الفائز في معركه الحب والشر هذه تابعوني لمعرفه كل جديد 🙂😘😘😁 بقلمي :شهد عبد الهادي عيساوي <<قرآني مؤدبي 🌹>> تفاعلوا حبايبي ومنتظره اراءكم في الكومنتات فوت +فولو +استمتاع اراكم في البارت القادم احبائي 😘🤓