الفصل 161
💜🍃💜🍃💜
🍃💜🍃💜
💜🍃💜
🍃💜
{ رواية ﻣﻠﻜﺘﻚ لاﻧﻲ اﺣﺒﻚ ﺑﺪﻭﻥ ﺇﺩﺭﺍﻙ ..
ﻭ ﺃﻧﺎ ﻣﺎ ﺍﺩﺍﻧﻲ ﺃﺣﺪ ﻳﻘﺮﺏ ﺃﻣﻼﻛﻲ } ....
@ahgeel 🌺
.
*. #البارت161🌺*
..
..…………
ﺳﻌﻮﺩ
ﻳﺘﺼﻞ ﻻﺑﻮﺭﺍﻛﺎﻥ
ﺳﻌﻮﺩ ﺑﺤﺐ / ﻫﺎ ﻳﻮﺑﻪ ﺍﺧﺒﺎﺭﻛﻢ ﺑﺸﺮﻧﻲ ﻣﺘﻰ ﺑﺘﺠﻮﻥ ﺍﻥ ﺷﺎﺀ ﺍﻟﻠﻪ
ﺑﻮﺭﺍﻛﺎﻥ / ﺧﻼﺹ ﻋﻘﺐ ﺛﻼﺙ ﺍﻳﺎﻡ ﺍﻥ ﺷﺎﺀ ﺍﻟﻠﻪ
ﺳﻌﻮﺩ / ﺯﻳﻦ ﻳﻮﺑﻪ ﺍﻧﺎ ﺑﺎﺧﺬ ﺍﻟﻘﻤﺮﺍ ﻣﻦ ﺑﻴﺖ ﻣﻄﻠﻖ ﺧﻞ ﺗﻌﻴﺶ ﺑﻴﻨﺎ
ﺑﻮﺭﺍﻛﺎﻥ ﺑﺤﺰﻡ / ﺍﻧﺴﻰ ﻗﻤﺮﺍ ﻫﺎﻟﻮﻗﺖ
ﺳﻌﻮﺩ ﺑﺎﺳﺘﻨﻜﺎﺭ / ﺷﻠﻮﻥ ﺍﻧﺴﺎﻫﺎ
ﺑﻮﺭﺍﻛﺎﻥ / ﺍﺳﻤﻌﻨﻲ ﻭﺣﻂ ﺍﻟﻜﻼﻡ ﺑﻘﻠﺒﻚ ﺍﻟﺒﻨﺖ ﻃﻠﻌﺖ ﻣﻦ ﺑﻴﺖ ﻣﻄﻠﻖ ﻭﺍﻣﻨﺖ ﻟﻬﺎ ﻣﻜﺎﻥ ﻟﻴﻦ
ﻳﻮﻡ ﺍﻟﻮﺻﻴﺔ ﻭﻻ ﺗﻄﻠﺐ ﺗﺸﻮﻓﻬﺎ ﻭﻻ ﺍﺳﻤﻊ ﺍﻧﻚ ﺳﺎﻟﺖ ﻋﻨﻬﺎ
ﺳﻌﻮﺩ ﺑﻬﺪﻭﺀ / ﺷﻠﻮﻥ ﻳﻮﺑﻪ ﻣﺎ ﺍﺳﺎﻝ ﻫﺬﻱ ﺍﺧﺘﻲ
ﺑﻮﺭﺍﻛﺎﻥ / ﺭﻏﺒﺘﻬﺎ ﺍﻧﻚ ﻣﺎ ﺗﻌﺮﻑ ﻟﻬﺎ ﻃﺮﻳﻖ ﻭﺍﻧﺎ ﻭﻋﺪﺗﻬﺎ
ﺳﻌﻮﺩ ﺑﻘﻬﺮ / ﻳﻌﻨﻲ ﻭﺵ ﺑﺘﺤﺮﻣﻨﻲ ﻣﻨﻬﺎ
ﺑﻮﺭﺍﻛﺎﻥ ﺑﻬﺪﻭﺀ / ﺟﺎﻙ ﺍﻟﻌﻠﻢ ﻭﻟﻮ ﻋﺮﻓﺖ ﺍﻧﻚ ﻣﻨﺒﺶ ﻭﺭﺍﺉ ﺃﻭ ﻗﺎﻳﻞ ﻟﻠﻨﻤﺮ
ﺍﻧﻲ ﺍﺩﻝ ﻣﻜﺎﻧﻬﺎ ﻣﺎ ﺗﻠﻮﻡ ﺍﻻ ﻧﻔﺴﻚ
ﺍﻏﻠﻘﺖُ ﺍﻟﺨﻂ ﻭﺍﻧﺎ ﺍﻏﻠﻰ ﻣﻦ ﺩﺍﺧﻠﻲ ﻟﻤﺎ ﺧﺮﺟﺖ ﻣﻦ ﺟﺪﻳﺪ ﻫﻞ ﺗﻢ
ﻃﺮﺩﻫﺎ ﻭﺍﻫﺎﻧﺘﻬﺎ ﺍﻡ ﺧﺮﺟﺖ ﺑﺎﺭﺍﺩﺗﻬﺎ ؟ !
……………
ﻫﻨﺎﺩﻱ
ﺑﺎﺳﻞ / ﻫﺎ ﺍﺳﺘﺨﺮﺗﻲ
ﻫﻨﺎﺩﻱ ﺑﺘﺮﺩﺩ / ﻣﺎﺩﺭﻱ ﻣﻮﺍﻓﻘﻪ ﻭﻣﻮ ﻣﻮﺍﻓﻘﻪ
ﺑﺎﺳﻞ / ﺷﻠﻮﻥ ﻳﻌﻨﻲ ﻣﺎ ﻓﻬﻤﺖ
ﻫﻨﺎﺩﻱ / ﻳﻌﻨﻲ ﺍﻟﻘﻤﺮﺍ ﻭﺍﻳﺪ ﻣﺪﺣﺘﻪ ﺍﻧﻪ ﺧﻠﻮﻕ ﻭﻣﺤﺘﺮﻡ ﺑﺲ ﺍﻧﺎ ﻣﺎ ﻭﺩﻱ
ﺍﺗﻐﺮﺏ ﻋﻨﻚ ﻣﺎ ﺑﻘﻰ ﻟﻲ ﺍﻻ ﺍﻧﺖ ﺑﻬﺎﻟﺪﻧﻴﺎ
ﻭﺿﻊ ﻳﺪﺍﻩ ﺧﻠﻒ ﺭﺍﺳﻪ ﻭﺍﺳﺘﻨﺪ ﻋﻠﻰ ﺍﻟﻜﻨﺒﺔ / ﺣﺘﻰ ﺍﻧﺎ ﻟﻠﺤﻴﻦ
ﻣﺎ ﻭﺍﻓﻘﺖ ﻭﻗﻠﺒﻲ ﻣﻌﻮﺭﻧﻲ ﻋﻴﻞ ﺷﻠﻮﻥ ﺍﻟﺤﺎﻝ ﻟﻮ ﺻﺎﺭ ﺻﺞ
ﻫﻨﺎﺩﻱ / ﺑﺲ ﺍﺫﺍ ﺻﺎﺭ ﻧﺼﻴﺐ ﻣﺎ ﻓﻴﻪ ﻣﻠﺠﻪ ﻟﻴﻦ ﺑﻌﺪ ﺍﻟﻮﺻﻴﺔ ﻣﺎﻗﺪﺭ ﺍﻓﺮﺡ
ﻭﺍﺧﺘﻲ ﻣﻮ ﻣﻌﺎﻱ ﻭﺗﺮﻛﺖ ﺑﺎﺳﻞ ﻭﻏﺎﺩﺭﺕ ﺍﻟﻤﻜﺎﻥ
ﺍﻟﺘﻘﻂ ﺑﺎﺳﻞ ﻫﺎﺗﻔﻪ ﻭﺍﺗﺼﻞ ﻟﻠﺬﻳﺐ ..
ﺍﻟﺬﻳﺐ / ﻣﺮﺣﺒﺎ ﻭﻣﺴﻬﻼ
ﺑﺎﺳﻞ / ﻭﺍﻟﺒﻘﻲ ﻓﻴﻚ ﺍﺷﺤﺎﻟﻜﻢ ﺍﻥ ﺷﺎﺀ ﺍﻟﻠﻪ ﺑﺨﻴﺮ
ﺍﻟﺬﻳﺐ / ﻳﺴﺮﻙ ﺍﻟﺤﺎﻝ
ﺑﺎﺳﻞ / ﺍﻧﺎ ﻛﻠﻤﺖ ﺍﻻﻫﻞ ﻭﻣﺒﺪﺍﺋﻴﺎ ﻣﻮﺍﻓﻘﺔ ﺑﺲ ﻋﻨﺪﻫﺎ ﺷﺮﻁ
ﺍﻟﺬﻳﺐ / ﻣﻮﺍﻓﻖ ﻋﻠﻰ ﺷﺮﻃﻬﺎ
ﺑﺎﺳﻞ / ﻣﻌﻠﻴﻪ ﺍﺳﻤﻌﻪ ﺑﺎﻻﻭﻝ ﺷﺮﻃﻬﺎ ﻣﺎ ﻓﻴﻪ ﻣﻠﺠﻪ ﺍﻻ ﺑﻌﺪ ﺍﻟﻮﺻﻴﺔ
ﺗﺒﻲ ﺍﻟﻘﻤﺮﺍ ﺗﺤﻀﺮ ﻣﻠﺠﺘﻬﺎ
ﺍﻟﺬﻳﺐ ﻳﺘﻨﻬﺪ ﺑﻀﻴﻖ / ﺍﺑﺸﺮ ﺻﺎﺭ ﺑﺲ ﺍﺫﺍ ﻫﻲ ﻣﻮﺍﻓﻘﺔ ﻋﺸﺎﻥ ﻧﺒﺪﺃ ﺍﻻﺟﺮﺍﺀﺍﺕ ﺍﻟﻔﺤﻮﺹ
ﻭﻛﻞ ﺷﻲﺀ ﺍﺧﻠﺼﻪ ﻻﻥ ﺍﻟﻴﻮﻡ ﺍﻟﻮﺻﻴﺔ ﺑﻜﺮﺍ ﺍﻣﻠﻚ ﻭﺑﻌﺪﻫﺎ ﺑﺎﺳﺒﻮﻋﻴﻦ ﺍﻟﺰﻭﺍﺝ
.………
ﺍﻟﻘﻤﺮﺍ
ﺑﻌﺪ ﻣﺎ ﺧﻠﺼﺖ ﻣﻦ ﻗﺮﺍﺀﺓ ﺍﻟﻘﺮﺍﻥ ﺭﺟﻌﺖ ﺍﻟﻤﺼﺤﻒ ﻟﻤﻜﺎﻧﻪ ﻭﻃﻮﻳﺖ ﺟﻼﻝ ﺍﻟﺼﻼﺓ ﻭﺑﺪﻟﺖ
ﻣﻼﺑﺴﻲ ﺍﺑﺘﺴﻤﺖ ﻭﺍﻧﺎ ﺍﺗﺬﻛﺮ ﻛﻼﻡ ﻋﻤﻲ ﺑﻮﺭﺍﻛﺎﻥ ( ﻳﻮﺑﻪ ﺍﻧﺎ ﻃﺮﺷﺖ ﻟﻚ ﻛﻢ ﺑﺪﻟﺔ ﻭﺻﻴﺖ ﺍﻡ
ﺳﻠﻤﻲ ﺗﺎﺧﺬﻫﺎ ﻟﻚ ﻳﺎﺭﺑﻬﺎ ﺗﻌﺠﺒﻚ ) ﻭﺍﻳﺪ ﺍﺳﺘﺎﻧﺴﺖ ﺍﻧﻪ ﺍﻫﺘﻢ ﺑﺎﺩﻕ ﺍﻟﺘﻔﺎﺻﻴﻞ ﺑﺲ ﺣﻠﻔﺖ
ﻋﻠﻴﻪ ﺑﻌﺪ ﺍﻟﻴﻮﻡ ﻣﺎ ﻋﺎﺩ ﻳﻄﺮﺵ ﻟﻲ ﺷﻲﺀ ﺧﻼﺹ ﺑﻌﺘﻤﺪ ﻋﻠﻰ ﺭﺍﺗﺒﻲ ﺣﺘﻲ ﺍﻡ ﺳﻠﻤﻲ ﻗﻠﺖ ﻟﻬﺎ
ﺑﻘﻂ ﻣﻌﺎﺝ ﺑﻤﺼﺮﻭﻑ ﺍﻟﺒﻴﺖ ﻭﺑﺴﺎﻋﺪﺝ ﻓﻲ ﺗﺪﺭﻳﺲ ﺍﻟﻴﻬﺎﻝ ﺍﻟﻤﻬﻢ ﺍﺣﺲ ﺍﻧﻲ ﺍﻧﺴﺎﻧﻪ ﻣﺴﺘﻘﻠﻪ
ﻓﺘﺤﺖ ﺍﻟﺸﺮﻳﺤﺔ ﺍﻟﻴﺪﻳﺪﺓ ﺍﻟﻰ ﻳﺎﺑﻬﺎ ﻟﻲ ﺍﺣﻤﺪ ﻭﺑﺪﻳﺖ ﺍﺳﺘﺨﺪﻣﻬﺎ … ﺍﺑﺘﺴﻤﺖ ﻛﻞ ﺍﻣﻠﻲ ﺍﻟﻴﻮﻡ
ﺍﺷﻮﻑ ﻛﺎﺋﺪ ﺍﺑﻰ ﺍﻃﻠﺐ ﻣﻨﻪ ﻃﻠﺐ …
ﻃﻠﻌﺖ ﻟﻠﺼﺎﻟﺔ ﻭﺣﺼﻠﺖ ﺍﻡ ﺳﻠﻤﻲ ﻭﻳﻬﺎ ﻣﺨﻄﻮﻑ ﻭﻣﻮ ﻃﺒﻴﻌﻴﻪ
ﻭﺑﻜﻞ ﻫﺪﻭﺀ / ﺧﺎﻟﺘﻲ ﻓﻴﺞ ﺷﻲﺀ
ﺍﻡ ﺳﻠﻤﻲ / ﻻ ﻳﻮﻣﻪ ﺑﺲ ﺷﻮﻱ ﺗﻌﺒﺎﻧﻪ
ﺍﻟﻘﻤﺮﺍ / ﻻ ﺩﺍﻭﻣﻴﻦ ﺍﻟﻴﻮﻡ ﻭﺍﻧﺎ ﺑﺴﺪ ﻣﻜﺎﻧﺞ
ﺍﻡ ﺳﻤﻠﻲ / ﻻ ﻓﺪﻳﺘﻚ ﺑﺪﺍﻭﻡ ﺗﻌﺐ ﺑﺴﻴﻂ
ﻣﺎﺭﺗﺤﺖ ﻟﻮﻳﻬﺎ ﺑﺲ ﻣﺎﻗﺪﺭﺕ ﺍﺿﻐﻂ ﻋﻠﻴﻬﺎ ﺑﺲ ﻳﺎﺭﺏ
ﻣﺎ ﻳﻜﻮﻥ ﺷﻲﺀ ﺻﺎﻳﺮ ﻟﺒﻨﺘﻬﺎ ﺳﻠﻤﻲ …
ﻋﺪﺕ ﺍﻟﻰ ﺍﻟﻐﺮﻓﺔ ﻭﺑﺪﺃﺕ ﺑﺎﻟﻠﺒﺲ ﻭﺍﻻﺳﺘﻌﺪﺍﺩ ﻟﻠﺨﺮﻭﺝ
ﺛﻢ ﺍﻟﺘﻘﻄﺖ ﻭﺭﻗﺔ ﺑﻴﻀﺎﺀ ﻭﻛﺘﺐ ﻓﻴﻬﺎ …
ﺧﺮﺟﺖ ﻣﺴﺮﻋﺔً ﺍﺗﺘﺒﻊ ﺍﻡ ﺳﻠﻤﻲ ﻭﻗﺒﻞ ﺍﻥ ﺍﺻﻞ ﺍﻟﻲ ﺍﻟﺴﻴﺎﺭﺓ ﻭﺿﻌﺖ ﺍﻟﻮﺭﻗﺔ ﺟﻨﺐ ﺣﺎﺋﻂ
ﺍﻟﻤﻨﺰﻝ ، ﻭﺻﻌﺪﺕ ﺍﻟﺴﻴﺎﺭﺓ ﻭﻛﺎﻟﻌﺎﺩﺓ ﺑﺼﻮﺕ ﻫﺎﻣﺲ ﺳﻠﻤﺖ ..
.………
ﺃﺣﻤﺪ
ﻣﻊ ﺍﻥ ﻣﺎ ﺷﻔﺖ ﻫﺎﻟﺒﻨﺖ ﺍﻻ ﻣﺮﺗﻴﻦ ﺑﺲ ﻟﻜﻦ ﺳﺒﺤﺎﻥ ﺍﻟﻠﻪ ﺷﻌﻮﺭ ﺳﺮﺍ ﻓﻴﻨﻲ ﺍﺣﺲ ﺑﺎﻧﺪﻓﺎﻉ
ﻧﺎﺣﻴﺘﻬﺎ ﻻﺯﻡ ﺍﺳﺎﻝ ﺧﺎﻟﺘﻲ ﺍﻡ ﺳﻠﻤﻲ ﻋﻦ ﻛﻞ ﺷﻲﺀ ﺍﺑﻐﻲ ﺍﻋﺮﻓﻪ
ﻭﺻﻠﻨﺎ ﻟﻠﻤﺸﻔﻰ ﻭﻗﺒﻞ ﻻ ﺗﻨﺰﻝ ﺧﺎﻟﺘﻲ
ﻗﻠﺖ ﺑﺼﻮﺕ ﻋﺎﻟﻲ / ﺧﺎﻟﺘﻲ ﺷﻮﻱ ﺍﺑﻐﻴﻚ
ﺍﻟﻘﻤﺮﺍ / ﺧﻼﺹ ﺧﺎﻟﺘﻲ ﺑﻨﺰﻝ ﻭﺑﻨﻄﺮﺝ ﻋﻨﺪ ﺍﻟﺒﻮﺍﺑﺔ
ﺍﻡ ﺳﻠﻤﻲ ﺑﻬﻤﺲ / ﺍﻧﻄﺮﻙ ﻻ ﻋﺎﺩ ﺗﻜﻠﻤﻴﻦ ﺑﻠﻬﺠﺘﻜﻢ
ﺑﻀﺤﻜﺔ ﻣﻜﺘﻮﻣﺔ / ﺍﻥ ﺷﺎﺀ ﺍﻟﻠﻪ
ﺑﻌﺪ ﻣﺎ ﺗﺎﻛﺪﺕ ﻣﻦ ﻣﻐﺎﺩﺭﺗﻬﺎ / ﺧﺎﻟﺘﻲ ﻫﺬﻱ ﺻﺪﻕ ﺑﻨﺖ ﺍﺧﺘﻚ ؟
ﺍﻡ ﺳﻠﻤﻲ / ﺍﻳﻪ
ﺍﺣﻤﺪ ﺑﻬﺪﻭﺀ / ﻣﺘﺰﻭﺟﺔ ؟
ﺍﻡ ﺳﻠﻤﻲ / ﻻ
ﺍﺣﻤﺪ ﺑﺎﺑﺘﺴﺎﻣﺔ / ﻛﻢ ﻋﻤﺮﻫﺎ ﻭﻣﺨﻠﺺ ﺩﺭﺍﺳﻪ ﺍﻭ ﻻ ﻭﻣﺘﻲ ﺑﺘﺮﺟﻊ ﻻﻫﻠﻬﺎ ؟
ﺍﻡ ﺳﻠﻤﻲ ﺑﺼﺪﻣﺔ / ﻣﺎ ﺷﺎﺀ ﺍﻟﻠﻪ ﻭﺵ ﻫﺎﻻﺳﺌﻠﻪ
ﺍﺣﻤﺪ / ﺧﺎﻟﺘﻲ ﺗﻜﻔﻴﻦ ﺟﺎﻭﺑﻴﻨﻲ
ﺍﻡ ﺳﻠﻤﻲ ﺑﻬﺪﻭﺀ / ﻣﻮ ﻣﺘﺰﻭﺟﺔ ﻋﻤﺮﻫﺎ ﻣﺎ ﺳﺎﻟﺘﻬﺎ ﺑﺼﺮﺍﺣﺔ ﺑﺲ ﻣﺎ ﺗﻮﻗﻊ ﻓﻮﻕ ﻅ ¢ ﻅ ¤ ﺳﻨﻪ
ﻭﺩﺭﺍﺳﺔ ﺑﻌﺪ ﻣﺎﺩﺭﻱ ﻋﻨﻬﺎ ﻭﺑﺘﺮﺟﻊ ﻻﻫﻠﻪ ﺑﻌﺪ ﺷﻬﺮ ﺍﻥ ﺷﺎﺀ ﺍﻟﻠﻪ
ﺍﺣﻤﺪ / ﺯﻳﻦ ﻫﻲ ﺑﺘﺠﻲ ﻣﻌﻜﻢ ﻟﻠﺒﺤﺮ ﺑﻜﺮﺍ
ﺍﻡ ﺳﻠﻤﻲ / ﺍﻥ ﺷﺎﺀ ﺍﻟﻠﻪ
ﺍﺣﻤﺪ ﺑﻬﺪﻭﺀ / ﺑﺠﻲ ﺍﺗﻮﻧﺲ ﻣﻌﻜﻢ ﺍﺫﺍﻣﺎ ﻋﻨﺪﻙ ﻣﺎﻧﻊ
ﺍﻡ ﺳﻠﻤﻲ ﺑﻄﻴﺐ ﻧﻴﻪ / ﺣﻴﺎﻙ ﺍﻟﻠﻪ
.………
ـ #وصلنا_لنهاية_البارت 🔮
*💜ـــــ #يتبــع👇ــــــ💜*
💜📚 @ahgeel 💜📚🖋
🍃💜
💜🍃💜
🍃💜🍃💜
💜🍃💜🍃💜