طفلتي اليتيمه - *بارت22* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت22* *ليلة_من_فبراير* *☆☆ ☆* لا تنظر إلى الأوراق التي تغيّر لونها وبهتت حروفها، وتاهت سطورها بين الألم واليأس، سوف تكتشف أنّ هذه السطور ليست أجمل ما كتبت، وأنّ هذه الأوراق ليست آخر ما سطّرت، ويجب أن تفرّق بين من وضع سطورك في عينيه، ومن ألقى بها للرياح، لم تكن هذه السطور مجرّد كلام جميل عابر، ولكنّها مشاعر قلب عاشها حرفاً حرفاً، ونبض إنسان حملها حلماً واكتوى بنارها ألماً وولعا ❤️ ريتال ـ كلنة واكفين عينة علئ ماوية ماعرف وين راحت نهاوند فص ملح وذاب… وين تروح حتئ فلوس ماعدهه.. هاا بشررري ماوية ـ وولج تلفونهه مغلق طلعوو بالشاااررع دووروهه يمعوودين شنوو نكوول لصبااح طلعوووو خزام ـ هسة اطلع ادوررهه لحظة وين تروح قابل ابو صباح ـ وووين وووولت يعنــي شلون طلعـــت من البيييت جنييي كاسبرر حتئ متبين بااااابا هاي بعدهه بالبيـــت لا طلعت ولا رااااحت لا تقشمركم وتصيرون كمش ماوية ـ يعنييي شنووو جوووة البيييت مو دكلك فتشنة علييهه شبر شبر حتئ ام هناء صعدت بالسطح ادورهه مااكو بااابا مااكو افتهم يمعوود ريتال ـ طلع ابوية بالطرمة يدور ولحك خزام لباب البيت ماكو مالكو اثر اتقربت من ماوية وسألتهه .. هية عندج مو ـ عندي شنو ؟ ليش مو انتي متفقة وياهه تطلع ـ عزة صخام لا اتفقت وياهه ولا شفتهه ـ لج شتحجين انتيي اني اعتمدت علييج ـ مو كلتلج ماقبلت نكعد سوية كالت تعبانة واريد ارتاح مو هسة نسولف ـ عزة بعيييييين ابلييييس وووين راااحت هاااي ـ صخااام بس اوكفي خاف بغرفتهه اروح اتاكد لحظة صعدت اركض لغرفتهه فتحت الكنتور ماكو ورة البردة ماكو صدك جذب وين راحت هاي رديت صعدت بالسطح اباوع نزلت لغرفة خاله ام هناء افتريت كل الغرف حتئ غرفة خزام وفلاح دخلتهه بالحمام ماكو نزلت اركض ولج ماااوية هااي مااكوو ـ لالا اوكفي شنو ماكو وين تروح تعالي نشوف ورة البيت خاف خاتلة ام هناء ـ خاف بالمخزن يعني وين تروح ابو صباح ـ من البااااب ماطلعت اني كاعد هنااا محد فتح الباب وطلع ريتال ـ طلعنة اني وماوية ندور عليهه ورة البيت المساحة صغيرة مو جبيرة 2م بـ3م وماكو غرف لو شي بس طرمة عدلة كعدت ماوية ادك وتطلم ـ عزةةة بعين ابليس ولكم هالطفلة وين راحت ـ همستلهه .. انتي مو اتفقتي وياهه تهزميهه ـ لج ماااحجيت شيي مالحكت ابووج جان كاعد علئ حلكي وهية ماقبلت نحجي وياهه انعززلت بغرفتهه كلت ترتاح وادخل عليهه ـ دكي عليهه بلة.. بلكي نلكاهه ـ اي هم صدك ـ بقينة اني وماوية نتصل عليهه بس تلفونهه مغلق دكيناهه بجي ماعرف ليش هالكد خفنة عليهه يمكن لان طفلة بعدهه صغيرة او يمكن لان ابونة اذاهه يمكن شفنه نفسنه بيهه من جنة بعمرهه همين اتاذينه ومعرفنة ناخذ حقنه امشي ماوية ندخل جوة كعدتنة هنا مابيهه فايدة بلكي نلكة اثر الهه ماوية ـ يمكن لان ابوج خلاهه توقع علئ ورقة هيج سوت وانهزمت والا اني كلتلهه احميج ماخليج لوحدج ـ الله يستر دخلنة للهول لكيناهم كاعدين كلهم بس ابوية يفتر وبيدة سبحه.. شنو اشو كاعدين ولا مهتمين فلاح ـ يعني شنسوي ؟ نشيل صورتهه ونطلع ندور عليهه بالشوراع هية دايحه وطفرت من البيت من انكشفت علئ حقيقتهه وانهزمت ماوية ـ البنية خايفة من الورقة الوقعت عليهه وانهزمت بهالطريقة خزام ـ اي هالخطوة ابد مالهه داعي يا يابة ابو صباح ـ ماضل غير ولدي يعلموني اليصير والميصير والصح من الغلط فلاح ـ لاتهتم يطبهه مرض يجوز راحت لعمامهه ابووصباح ـ خابرت عمهه ناصر راد يبجي من كلتله بنت اخوك ماكو عباله اريد منة فلوس بمكانهه ماخايف عليهه بكد ماخايف علئ فليساتة .. فلاح ـ لعد وين ووولت ااكيد انهزمت وية عشيقهه اكيد عدهه واحد جوة ايدهه ضامته من شافت رجلهه مابي خير ريتال ـ حرام هالحجي فلاح انت عندك بنات متخاف عليهن فلاح ـ اذا يصيرن مثلهه فـ سجينتهن حاظرة اذبحهن واكول قتلتهن وغسلت شرفيي بدمهن واكبر رراس بهالدولة ميكدر يحجي ويايه ريتال ـ استغفرر الله هسة هية شمسوية والله العظيم ماعدهه شي ـ مو الخصي جابلهه تلفون شمدريج شعدهه ماعدهه وبعدين ليش من ولة زوجهه هيج سوت اشو جانت مثل الگملة المفروكة لاتحجي ولاتكول بس مبينة تريد تنهزم وية الكواد الجوة ايدهه ماوية ـ شنوو هالحجييي بابا خاااف ررربك… خاااف علئ عررضك لايضربك الله ضربة متكوم منهه بعدد ـ ليشش شمسوووي حتئ يضرربني ـ كل البلاااوي السووويتهه انت وااخوتك وااامك وتكوول شمسوووي خليني ساااكته عميي ـ علئ العمووم يا ياابة خابر صباح واحجييلة عن مرته الكحبة لا يطلع براسنة رجال هالخصي ويكول سويتولهه شي ـ محدد يخابررر صبااح ومحدد يجب سيررة لصبااااح واليكول عليه خصي وحق الله اااخصي بيديي هاااي فلاح ـ هههع قابل كذبنة هو اخوج خصي ام خزام ـ كافي عرااايك سطرتونة ماوية ـ ليش هووو منوو سووة هيج بــــي ووولگ اااني انسئ حقددك وحقااارتك انت وامك واخووتك علييينة اااانيئ ااانسئئ شلوون جنت تتقصددد تضررب صبااح علئ المنطقة الحساااسة اااانسئ انت واخوتك وامك شلون تكاابلتو علييه وهو طفل لايعرررف يدافع عن نفسه ولا يكدرر عليييكم ليشش لان اممك تكررره ااامييي وتاالي جاااينيي هسة ترريدون تحجوولة الصاار حتئ علاااااجة يفشــــل ابو صباح ـ يعني راح يتعالج مو بالصدفة الوفد جاي وراحو شافو ـ اااان شالله يتعالج ويصيرر احسن من عدددكم ووولكم شنو من اااهل انتوو شنوو من بشرررر انتووو ااانت اااب اااانت معقووولة وواجب علييينة نطيييعك انعلل ااابو اليكوول عقووق الوالدييين اااذاا جانو الابااااء مثثلك لااازم نعقهممم ابو صباح ـ طلعيي برررة بنت الكلبببب ادبسززز هذا حجيج مال وحدة باااايعه ومخللصة ـ بلة مستحيت هيج تحجي علئ بنتتك ولااتعبب نفسسك ماا اطلع برررة لو تنطبك السماااا علئ الكاع.. كااافي دمرررتنةةةة ودمررت سمعتنه بين الناااس راااسي ماكدر ارفعه بين وولدي وبناتي واهل زوجي لان ابووية يااااخذ بالفااايز وانساان ميستحيي مخلصصهه مصاايب وعرايك وهوسسات وفلووس حراام ابو صباح ـ وووولكم طرردوهه هالساااقطة فلاح ـ كل هالخررريط علموود وحدة حرامية ـ اااحترررم نفسك ولـــگ شفتت بعييينك اااانت اااتااكد من هالحجيييي ولكم شنوو انتوو متخافون الله تتهمون بأأعرااض النااس هييج بكل سهووولة لاخوف من الله ولا مستحئ ريتال ـ كافي ماوية اهدئي يمعودة انفضحنة بين الناس فلاح ـ شفتت يابة شفتت بعيينك شلون هــييج تحجيي واداافع عن وحدة تهتمك بالحرام ابو صباح ـ هذيج كحبة وهاي كحبة نفس الطينة ـ غيرر من نفسس طينتك طلعتت ووبعدين اااي انت تحررشتت بيهه واللف دليلل بمكاان الدليل الوااحد عنندي ولو اكو شررطة بيهه حظ ماحان انحبست الطفلة واتبهذللت ولعلمك لوو عندي شك بنهااوند واحد بالمية ماساعدهه بس انتت مااا بقيت شي ماسويته بس بقت زناا المحاارم وتختمهه بحسن الختاااام ابو صباح ـ لج شلون هيج تحجين عن ابوج انتي مخبلــــــة هيج تحجيــــــــن بوجهي نسيتتي ااني ااابووج بنت الكلبب ـ اااااي اتخبلللت كااافي الطفلةة مندررري بيهه وووين رااحت وووين انهزززمت من وررة مصااايبك وفوكاهه تريدوون تحجوون لصباااح ليشش.. اني واااثقة كلكم وااثقين ومتاكدين نهاوند مااعدهه شيي بس هييج حقارة مو اكثرر ريتال ـ البيت صار لا يطاق من الهوسة والصياح البي كام فلاح وضرب ماوية راشدي فزعنة اني وخزام ندافعلهه ونفاككهم جريتهه ورحت للمطبخ وفلاح وخزام بقو بالهول يم ابوية امي تجي يمنة تحجي علينة وتروح يم ابوية واخوتي تحجي علينة ام هناء انسحبت وصعدت لغرفتهه بقينة كاعدين بالمطبخ ننتضر رحمة الله ــــــــــــــــــــــــــــــــــــــــــ صباح ـ وصلنة اربيل وية المغررب هلكانين من التعب الازدحامات والاجرائات بالطريق والسيطرات هلكتنة كل شوي ننزل ويفتشونة احنة والسيارة الصاعديهه بالموت وصلنة بين مالكينة فندق علئ كد فلوسنه صار حالنة مثل حال السكارة كوة نمشي وكوة نحجي اربيل كلش باردة هيج وقت وليلهه بارد يدك بالعظم اخذنة غرفة بالفندق بيهه سريرين ونجفينة جفي لا سبحنة ولا غيرنة هدومنة.. انطيني تلفونك ابو همام اريد اخابر نهاوند ـ ميحتاج خابرت ماوية وهية راح تخابرهه ـ عمي ميخالف اشتريلك رصيد بس انطيني احجي وياهه ـ ولك اجمد عيب ماصارلك جم ساعه من عفتهه شبيك متلهف ـ انت مو كل شوي تخابر ماوية اشو عادي عندك ولك ـ ولك اني ماخذ اختك صارلي 22 سنة مكابلة خلقتي غصبا عليه اخابرهه غير تهججني بليلة ضلمة بس انت شدعوة عليك ماصارلك جم شهر من تزوجت ـ رجعتني للحياة مرة ثانية هالبنية متتصور شكد مفتقدهه ياريت عندي فلوس واكدر اجيبهه واونسهه ويايه ـ يابة ان شالله الجايات هواي والعمر ان شالله طويل وتشبعون طلعات وونسان وتخلفونة عتاوي وبزازين من علايم اختك ماوية ـ يارب ماعرف ليش عندي امل قوي ـ ذب حمولتك علئ الله هالوفد اجنبي واختصاص بهالامور لاتخاف صدكني مگضية شغلتك ـ دنطيني التلفون اخابرهه ـ ياخوية الا اكلك الشريحه خربت ـ شنو القصة ليش خربت ـ دخلي انام وباجر اشتري شريحه غيرهه ونخابر عود ـ شنو صاير ابو همام شنو خربت شنو تشتري غيرهه صاير شي احجيلي نهاوند بيهه شي ـ عمي كلشيي ماصاير وكلشي مابيهه والله العظيم بس تتذكر من دخلنة الحمامات العمومية تلفوني وكع بالمي والشريحه اتنكعت بس اني ماحجيت كلت تولي اشتري غيرهه ـ ومين تجيب تلفون ؟ ـ لا التلفون مبي شي ـ اكلك انت دتحجي وية هندي مثلا؟ الشريحه تتنكع بالمي والتلفون مبي شي اشو حجيك ممترابط ـ والله صح حجيك لان نعسان ودايخ من الطريق .. ـ عافني ولف راسة ونام ماارتاحيت الكلامة شنو شبي معقولة يعز عليه تلفون لو رصيد لعد شلون جايبني لهنا يريد يعالجني.. استغفر الله شنو هالافكار خلي انام والله كريم لباجر يصير خير الليل كلة معرفت انام كل شوي يجيني كابوس شكل ومن اصحئ من النوم كلشي انسئ اريد اتذكر بشنو حلمت مااكدر.. عفت ابو همام نايم وكمت يم الشباك وكفت شكد حلوة اربيل منا الفندق عالي والاضوية تلمع يمكن هاي بيوت لان مستوئ واحد وهذيج شقق عمارات او يجوز فنادق اول مرة اسافر خارج بغداد يعني شيصير لو عندي فلوس وجايبب نهاوي ويايه جان هسةاخذتهه وطلعنة نفتر بالشوراع ولو يمكن عدهم حضر تجوال مثلنة.. والله عمي احنة كلشي ماشايفين فوك كل الظيم ابوية بخيل وياخذ راتبي لا مترهم بعد اخليه ياخذ فلوس اذا اكو علاج الي لازم ينطيني ويساعدني مو ياخذ مني جريت بطل المي وشربت شوي احس كلبي مقبوض وممرتاح مادري شبية التلفون يم راس ابو همام بس استحي اخذة ياعمي والله اشتاقيت لنهاوند ماكدر لازم اخابرهه اتسحبت واخذت تلفونة وطلعت برة الغرفة ردت اشغلة ماشتغل حسيت التلفون خفيف فتحته مابي بطارية عجيب ليش شايل البطارية .. يجوز لان اتبلل بس اشو ممبين عليه مبلل ولا بي مي .. يلة ميخالف بلكي باجر الصبح يشغلة رجعته لمكانه يم راس ابو همام وضليت كاعد ماكدرت اغفئ ابو همام ـ ها صباح شنو مانمت ـ لا والله ماكدرت كل شوي يجيني كابوس بقيت كاعد وجريتهه للصبح ـ ساعه بيش ؟ ـ راح تصير ساعه خمسة الفجر ـ يلة كوم نتريك ونبدل ونطلع هم يلة نحجز بلكي نحصل دخولية ـ لا ماريد اتريك ما اشتهي ـ يلة براحتك خلي نبدل ونطلع اذا جعنة اكو مطاعم نشتري ـ لا مو مال هالصرف مين نجيب اكيد هنا كلشي غالي ـ لعد نتريك لفات فلافل ونفضهه ـ ابد ما اشتهي اريد بس اراجع واشوف الطبيب واطمن ـ لاتقلق ان شالله ماكو شي وسالفتك سهلة… ـ دخلت سبحت وطلعت بدلت ملابسي من البارحة بيهن.. طلعنة من الفندق واخذنة تكسي وللمستشفئ عدل تقريبا ساعه خمسة ونص الفجر وصلنة رغم فجرية بس هواي ناس جايين قبلنة ياهو اليحجي يكول جاي علمود العقم خجلت احجي سالفتي وكلتلهم اني هم عقم عندي ابو همام ـ وداعتك كلهم نفس مرضك بس مثل حالك يستحون يحجون لا تستغرب نفسك وتكول اني وحيد بينهم ـ الله اعلم بس شوف وياهم نسوانهم ـ مو هالطبيب مو بس اختصاص بالزلم همين يفتهم بالنسوان ـ ها.. يلة... ننتضر كعدنة اكثر من اربع ساعات حسيت بنفسي دخت وضهري انكسر من الكعدة ابو همام كل شوي يطلع خارج المستشفئ يدخن من يطلع احس بروحي ضعت احس نفسي مادبرهه ابقئ لوحدي هنا يمعود لاتطلع ابو همام ـ انكتلت كتل ماكدر من ريحة الديتول اريد ادخن انسطرت ـ خاف تطلع منا يصيحوني منا ـ عادي يمعود ادخل هو اول وتالي يجوز تدخل لوحدك لان كل الموجودين همة. ونسوانهم دخلو ـ الساعه متمشي .. كل شوي اوكف احرك جسمي وارد اكعد من الخمسة ونص الصبح للوحدة الضهر يلة اجئ سرانة تقريبا بديت ايئس اليوم ندخل للطبيب بس فجأة صاحو اسمي وبقيت صافن ابو همام ـ حگ الصاحولك صفنت دكووم ـ اي والله ممصدك.. ادعيلي ـ ان شالله خير السستر ـ انت اخو ؟ ابو همام ـ لا نسيبة ـ ابقئ هنا ..فقط المريض يدخل ـ اخذتني السستر وضل ابو همام برة دخلت للطبيب وكعدت شوي وياه ميعرف يحجي عربي بس وياه طبيب عراقي همين مختص مثلة يترجم حجينة.. سألني هواي اسألة وسولف ويايه ولامني لان ماجبت زوجتي خجلت اكلة ماعندي فلوس كلتلة علئ الجايات ان شالله اجيبهه اكثر من ثلث ساعه يحجون ويايه وتالي بقو اثنينهم يحجون بيناتهم بالانكليزي كلشي مفتهمتت منهم بس اشوف تعابير وجهم عبالك متبشر بخير الطبيب ـ كوم حبيبي نفحصك ـ شلت هم بكد الجبال شلون راح تفحصوني ؟ ـ انزع بنطلونك والداخلي ـ يعني لازم انزع ملابسي ـ هههه لعد شلون نفحص ياخوية لاتخجل اكو غطة ونغطيك بس لازم نفحصك ـ رحت ورة السدية والقاطع نزعت ملابسي ونمت علئ السدية وتغطيت واجو يفحصوني خجلان من نفسي ماعرف حسيت بأهانة مادري شبية ممرتاح وكاره هالوضع واريد اغمض وافتح اخلص منه الطبيب ـ ترة مابيهه شي ليش هيج حالك متشنج هواي زلم يجون بيهم فتق او شريان متاذي او بروستات او اي مشكلة ثانية لازم يكون هيج الفحص استرخي وفكر تفكير ايجابي ترة التشنج يضر بالفحص ـ حاولت استرخي وافكر بنهاوند هية الشي الايجابي الوحيد بحياتي الطبيب ـ طيب انت عنددك شهوة لو لا ومستمرة لو بشكل متقطع وقليل ـ اي عندي بس قليلة .. ـ ماخذ ادوية معينة سابقا تشرب جكاير كحول حبوب هالسوالف ـ لا ابد دخنت كم مرة وتركت ـ جيد ـ طيب خضعت لعملية سابقا ـ لا ابدا ماسويت اي عملية ـ وشلون متحمل هالاذية وساكت ـ اي صح الالم قوي بس مو دائما يجي ـ بس مينحمل ترة هيج الم ـ جنت اتحمل شسوي ـ انت شغلك فيتر وهالشغل ميوالمك تحتاج شغل اقل جهد .. ـ شنوو بين دكتور ـ لحضة خلي يكمل الطبيب ونتفاهم ـ كملو فحص ولبست ملابسي وراحو كعدو ينتاقشون بيناتهم اجيت وكعدت علئ الكرسي .. خير دكتور ـ طالما عندك شهوة هذا بحد ذاتة شي جيد لكن عندك خلل بالقضيب والخصية وتحتاج عملية باقصئ سرعه بالاضافة للعلاج الطبيعي ـ يعني شكد يكلف وشكد ياخذ وقت ـ ماراح نكذب عليك تكلفة العملية عالية والادوية مكلفة وجلسات العلاج الطبيعي انت تكدر تسويهن او زوجتك بس يحتاج مراجعه مستمرة واكيد تكلفك فـ بيد الله وبيدك ـ شلون ـ لازم تطلع من الخوف المسيطر عليك حالتك النفسية لازم تتحسن ثقتك بنفسك تقويهه انت ماداخل حرب حتئ تخاف وترتبك داخل تستمتع وتفرغ طاقاتك بشكل رومانسي وايجابي ليش القلق والتوتر ـ شلون اكدر اتخلص من القلق والتوتر هذا ـ كلشي بوقتة ومن ضمن العلاج الطبيعي راح يكون .. بس اذا كنت مستعجل علئ طفل ممكن بعد العملية تسوي طفل اانابيب وتستمر بالعلاج الطبيعي الئ الشفاء التام ان شالله ـ اهاا ويصير عندي طفل ـ اي ان شالله ـ يالله يارب .. ان شالله ان شالله ـ تحب نحجزلك للعملية خلال يومين نجهزك ـ شلت هم للتكلفة مين اجيبهه كل الشايلي اني وابو همام ميوصل اقل من ربع قيمة العملية .. خلي ادانش وية اهلي واردلكم الجواب ان شالله ـ اي عادي براحتك بس التاخير مو بصالحك ـ ان شالله ماكو تأخير.. قبل لا اطلع حجو بيناتهم الاطباء حسيت هالحجي علية ولو مفهمت شي الطبيب ـ شوف صباح مر علينة باجر نفحصك مرة ثانية للتاكيد ـ من شنو تتاكدون ـ حالتك 95% تحتاج تدخل جراحي بس خلي نتاكد اكثر مر علينة باجر وان شالله خير ـ ان شالله .. عفتهم وطلعت اجر هموم وحسرات مين ايجب هالكد فلوس هو بس فحص وطارت كل الفلوس الشايليهه ابو همام ـ هاا بشر ـ يكولون بيهه امل بس يحتاج وقت ـ اااااايه يااالله ـ و يراد حفنة فلوس همين يا ابو همام ـ ندبررهه لاااااتهتم لاتخلي بالك يم هالسوالف ـ دنحجي اني وابو همام وطلع الطبيب العراقي ـ ها صباح هسة شلونهه معنوياتك ـ الحمد لله ـ انت المرافق لصباح ـ اني ابو همام نسيبة طمني دكتور شلونهه الفحوصات ـ الفحوصات مبدئيا جيدة بس يحتاج بعد فحوصات ويحتاج عملية باقصئ سرعه ترة ديتحمل الم قوي خصوصا هيج اماكن للرجل شوي تصير الامهه ممقبولة ومو بسهولة يكدر المريض يتعامل وياهه ولا تنسة ياصباح انت هامل نفسك صار سنين لا راجعت لا رحت لطبيب تشوف شنو علتك هاي كلهه تراكمات مو بصالحك وعمر العشرين يختلف تماما عن عمر الثلاثين كلشي بي يختلف نشاطك استجابتك للعلاج تختلف فـ الافضل تسرعون بالعملية وتسووهه اليوم قبل باجر ابو همام ـ المادة موكفتنة يادكتور تعرف اوضاع العراق شلونهه هسة ـ الله يساعدكم بس لان الوفد اجنبي اكيد تصير تكاليف عالية واذا عليه ياعمي متنازل عن اجري صباح ـ لا رحم الله والديك متقصر هذا حقك ـ اهم شي الثقةةة بالنفس لازم تكون ثقتك بنفسك عاليه قبل الممارسة لا تفكر بالسلبيات اشغل نفسك بالايجابيات ابو همام ـ ان شالله.. طيب يحتاج بعد فحص لو استقريتو علئ العملية ـ اكيد يحتاج بعد فحص والافضل باجر همين نفحصة مرة ثانية وقبل العملية همين نسويلة فحوصات عامة صباح ـ اها .. الله كريم دكتور مشكور ـ اهلا وسهلا ـ نترخص مع السلامة ـ الله وياكم ابو همام ـ شبيك تصبصب عرك ـ يمعود امشي شهالفضايح.. ـ هذا علاج شنو فضايح مدكلي شبيك ـ هسة عوف هالموضوع مناوي تتشتري شريحه ـ اي هسة اشوفلي شريحه من نطلع ـ طلعنة المستشفئ واشترة شريحه وفعلهه خابر ابو همام علئ ماوية اشوفة يروح بعيد ويبسبس وياهه ماهتميت رجال ومرته ليش ادخل بيناتهم جنت منتضر يخلص واخذ التلفون منه اخابر علئ نهاوند كلبي مقبوض وممرتاح رغم الاخبار بالمشتشفئ جيدة بيهه امل بس ماعرف شبية ممرتاح.. ها شلونهه ماوية ـ زينة شبيهه تعرف اختك مينخاف عليهه ـ اي صح نچرة وقوية انطيني اخابر نهاوند ـ امشي خلي ناكل لكمة وبعدين خابرهه ـ استحيت منه وخجلت من نفسي ليش ميقبل ينطيني التلفون اخابر سكتت وبقيتهه بكلبي عيب احجي الرجال متعني وجاي وياية ودافع فلوس الكشفية للطبيب انوب اتكابح وياه علمود تلفون .. وصلنة يم مطاعم شعبية راح ابو همام يطلب لفات شفت كم شخص واكفين ويمهم تلفون علئ ميز حاطي .. الله بالخير ـ الله بالخير كاكا ـ هذا تاجير لو شلون ـ اي صح مكالمة داخليه دقيقة 1000 دينار خارجية دقيقة 2000 دينار ـ الدقيقة بالف دينار .. اوك داخليه بغداد وهذا 1000 دينار انطيني اخابر ابو همام ـ هااي شدسووي صبااح ـ بعد دفعت مترهم ارجع الالف منهم دكيت الرقم رن وخلصت الرنة وماكو جواب … عجيب ليش مترد ابو همام ـ يجوز شافت رقم غريب مترد ـ لا اني مخولهه ترد ممانعهه اكدر اتصل مرة لخ كاكا ـ اي كااكا دگ دگ انت ماحجيت ـ اتصلت خمس مرات ماكو جواب احس حيلي انهد اكيد صار شي بنهاوند مستحيل متجاوب ابو همام ـ يجوز نايمة يجوز يم البنات تسولف يجوز هو بمكان وهية بمكان لاتقلق امشي ياخوية وتلفوني خلي بيدك ـ لا مشكور ـ لا تزعل صباح والله مو قصدي ما انطيت التلفون ـ لا شنو ازعل شنو هالحجي .. بس بقئ بالي عليهه ـ دتعال ناكل لكمة ورد خابرهه من تلفوني ـ اتمشينة شوي ليغاد وكعدنة علئ الصبات اكلنة وكملنة واخذت تلفون ابو همام ورديت اتصلت همين ماكو لا اني اررجعع لبغداد اريد اعررف شبيهه ـ يابة مابيهه شيي هسة اخابر ماوية ونشوف شبيهه… ـ اخذ التلفون وراح شوي بعيد خابر ماوية .. استغربت من تصرفة ليش ميحجي كدامي هية اختي والموضوع عن زوجتي شنو معناهه يروح هناك يحجي وياهه.. اتقربت عليهه وصرت وراه بضهرة.. شنو صاير ابو همام ـ ماصاير شي كالت هسة اطلع واروح اشوفهه واخابركم مناك ـ انطيني خلي احجي وياهه ـ شو جنگ ممصدكنة ـ كلبي ممرتاح واصلا خلصت الليل كلة كوابيس شنو صاير ابو همام صارحني ـ ماكو شي والله العظيم ـ انطيني خلي احجي وياهه اخذت التلفون ادك علئ نهاوند ماكو متشيل رنيت علئ ماوية جاوبتني .. انتي وين ـ اني ابييتي يعني وين ـ مو كلج رجلج روحي لنهاوند اريد اعرف شبيهه ـ قابل اني كرندايز اطيرلهه هسة كملت وراح اطلع.. اكلك خاف متعاركين وزعلانة عليك ومتريد ترد ـ كلشي مابيناتنه متصافين والله ـ لا يضل بالك هسة اروح اشوفهه .. بس بشرني شنو كال الطبيب ـ ابو همام كلج ومابية اشرح .. شوفيلي نهاوند وين ليش مترد ـ صار ان شالله لايضل بالك هاي تدلع عليك يمعود ـ سديت التلفون ونطيته لابو همام امشي نرجع للفندق ـ ليش خلي نتمشئ شوي نغير جو ـ لا لا امشي نرجع اخذتة ورجعنة للفندق حطيت ملابسي بالجنطة ولميت اغراضي ـ شدسوي ـ راح ارجع لبغداد ـ صدددك تحجي ـ شعندي باقي هنا؟ فلوس وخلصت لا يفيد افحص مرة ثانية ولا عندي فلوس عملية وكلبي ممرتاح احس نهاوند بيهه شي ماكو داعي ابقئ هنا حاول يمنعني ابو همام ماسمعتلة .. ضل انت ياخوية اني ماعندي شي يلة مع السلامة ابو همام ـ اااوكف انتضررني اجي وياك ـ لم اغراضة وجاب جنطتة وطلعنة سوية راسا صعدنة بسيارات بغداد ابد ممرتاح شنو قصتي شبية المفروض هيج خبرر شوي يرريح نفسيتي بس القلق علئ نهاوند دمرني ابو همام كال شحن تلفونة خلص وضمة بجيبة اتاكدت صاير شي… هسة وكت عصرية يعني وية الازدحامات والسيطرات وكل شوي ننزل نوصل وية الفجر او قبل الفجر بشوي ابو همام ـ لا منا بعد ماكو ذاك التشديد بطريق الرجعه ميتشددون بس من ندخل كردستان هيج مشددين السيطرات هسة منا لاربع ساعات نوصل ان شاالله بس يبقئ منع التجوال ـ ان شالله نكدر ندخل لبغداد ــــــــــــــــــــــــــــــــــــــــ ماوية ـ شووف القهرر صباح وابو همام بالطريق ريتال ـ عزاا صخااام شراح نكول لصباااح يالله وووين صااارت ـ خلي اروح ادوورر ـ تعالي وين رايحه.. ماوية ـ اصبري لازم اعصر دماغي ابوية يكول ماطلعت من البااب وين تروح اذا متطلع من باب البيت مين تطلع ااطيرر ـ السطح عالي مستحيل تكدر تكمز بـ بس معقولة ـ احجي يمعوودة ـ تعالي تعالي نطلع ورة البيت رحنة اني وماوية بالطرمة الخلفية.. يعني معقولة اتشلبهت نهاوند وكمزت منا ماوية ـ معقولة ليش لا السياج كصير وهاي حبال تكدر تلزمهه وتصعد بس هية تعرف بيت ابو مناف ـ لا متعرفهم .. بس منا محد يجي منهم هاي الطرمة الخلفية لبيتهم تعرفيهن هنة اثنين نسوان كبار وابنهم يطلع من الصبح يرجع بالليل يعني فارغة ـ اكلج تعالي صعدي علئ ضهري وشوفي بلكي تلكيهه ـ وكفت علئ ضهر ماوية دنكت من السياج شفتهه متقرفصة ونايمة حاشرة روحهه بين حايطين ونايمة .. لــكيتهه ـ ااااااش .. انزلي انزلي الف الحمد لله والشكر ـ شراح تسوين ـ امشي جنج كلشي ماشفتي ولا عرفتي .. ريتال ـ دخلنة. وسدينة الباب ورحنة للهول يمهم كاعدين مارسين حياتهم عادي ولا عبالك اكووطفلة مفقودة ماوية ـ هااااااا مالكيتوووههةةة ابو صباح ـ بس اشوفهه احركهه حرررك خلي تصبرلي خزام ـ ماعدكم سالفة غير القتل والحررك ادري بشررر لو صخووول احنة ميصيرر هيج ياايابة هسة البنية غايبة منعرف وين هية يجوز نخطفت يجوز صار عليهه شيي ابو صباح ـ عررج ميطكهه هالساقطة مين تنخطف من شباك غررفتهــــه ماوية ـ اني اروح اتااخرت علئ ولدي انطيني عباتي ريتال ـ اي .. هاج حبيبة ـ يابة البنية غريبة عننا .. بس صباح اخونة ولخاطر اخونة نسكت خطية معليه لاتحجولة شي ابو صباح ـ معليكم ولاحد يدخل بهالمووضوع فلاح ـ خلي يعرررف ويجي يشوف مرتة بياحضن نايمة الادبسزز اكو بنية بعمرهه لهل وكت ماراجعه بيتهه ماوية ـ ماكو داعي تحجون خلو هو وياهه واذا عدهه شي هو يكتشفه ليش يكول انتو دمرتو حياتي تتذكرون بسجئ ذب اللوم عليكم اطلعو من هالسالفة همة بينهم يتصافون خزام ـ هم صح ابو صباح ـ الله كريم ـ يلة اني اروح… شلون اقنعهم ينلصمون مادري ابوج وامج وفلاح اكيد ماراح يسكتون ريتال ـ خلي امي وفلاح عليه بس يبقئ ابوية شلون ـ مادري .. خلي اروح اخذهه من بيت ابو مناف والله كريم يلة مع السلامة رحت لبيت ام مناف ماعرف شنو احجيلهم وشنو ابرر الهم جيرانة ضهر علئ الضهر دكيت بابهم وطلعتلي العجوزة امهم سلمت عليهة وشوي سولفت وياهه حجية مرة اخوية كمزت عليكم دتجيب هدومهه واكعه يمكم ومتكدر تكمز بعد وتستحي تجي ـ وين كمزت ـ ورة البيت تعرفين الحبل علئ دايركم وهدومهه شمرهه الهوئ بطرمتكم وكمزت ومتعرف ترجع وخلصتهه بجي خطية ـ هااا صدك تحجين خطية ليش ما اجتي من الباب تاخذهه شلون تكمزز لوصاير عليهه شي ـ لالا حجية ماكو شي يلة. ادخل اجيبهه ـ روحي جيبيهه ـ طبيت اركض ورة البيت بيدي بطل مي فتحتة ورشيته علئ وجهه ـ هاا ـ اااش امشي امشي لاتحجين امشي بسرعه ـ ووين تاخذيني ـ لبييتي ووين يعني .. حسابج بعدين شلون طلعتي هيج بدون متحجين نهاوند ـ اخذتني من ايدي وسلمنه علئ المرة وطلعنة راسا اخذت تكسي وصعدنة لبيتهه .. بالطريق كلشي ماحجت وياية بس جنت شوي مرتاحة ماخايفة وصلنة البيت ونزلنة اول مرة اشوف بيتهه ماجايتهه قبل ماوية ـ هذول بناتي وولدي هسة تتعرفين عليهم .. عندي زينب بنتي بعمرج اخذي منهه هدوم ودخلي سبحي لان ماسبحتي من طلعتي من التوقيف يلة دخلي بين ماحضر العشئ ـ بناتهه شكلهن حبابات بيهن اكبر مني وبعمري البنية البعمري اسمهه زينب انطتني ملابسهه وهية تضحكلي مو مثل همسة بنت عمي ارشد من نطتني ملابسهه جانت تباوعلي بتك عين اخذت الهدوم ودخلت اسبح بقيت جوة الدوش حسيت براحه نفسية لايمي هالعجوز ولا اني بذاك البيت ماريد ارجع لازم اكول الصباح منرجع لذاك البيت ابد خلصت سبح لبست ملابسي ولفيت شعري وطلعت شفتهم ناصبين العشئ والكل يباوعلي كلش خجلت منهم .. همام ـ اكعدي مرة خالي شبيج خجلانة ماوية ـ خالك وابوك شوي ويصلون اطراف بغداد نهاوند ـ صددددك اجووي ـ اي ـ شو بسرعه فحص يعني راح للطبيب ـ هسة. يجون ويفهمونة بس هااا.. كلشي لاتحجين لصباح مو وقتهه ـ والورقة الوقعت عليهه احمد ـ ياورقة؟ ماوية ـ هذا ابني مشروع محامي ان شالله .. جدك وقعهه علئ ورقة عود بايكة منة كوومة فلوس ـ يبللهه ويشربهه وياكلهه لو يزرعهه ابيتة اي شي يرقد يسوي بيهه خلي يسوي ..متفيدة بشي هالورقة نهاوند ـ شلون يعني احمد ـ انتي شكد عمرج؟ مو 14 سنة ـ اي ـ اي خلص انتي قاصر واي توقيع الج ممحسوب لازم ولي امرج ماوية ـ زوجهه ولي امرهه غير ـ اي خالي صباح هو المسؤل عنهه وطالما مو خالي الموقع لاتخافون ميصير شي الا اذا خالي قبل بالورقة وصدقهه هنا كلشي ينقلب لصالح جدي .. وللحكاية بقية……….. 🥀