كتبت أسمي على صدر السما وأيامي - الفصل 13 - بقلم ألايدا | روايتك

مواز اللي تشوف صوره ضبابيه وهي متخدره...تلاهث...غمضت عيونها بقو وهي تستجمع قوتها:لا ياموزه ماوقت ماوقته...انتي اقوى من كيه سلطان وفيصل اللي تلاقو قدام العماره وطلعو السلالم مع بعض لانه اللفت تأخر...وهم مايحبو الانتظار.. سلطان وهم يصعدو الدرج قريب من شقة احمد ومها....بفجعه انقبظ قلبه:هذا صوت مها وراح ركض... وفيصل لحقه.. سلطان اللي شاف باب شقتهم مفتوح... دخل على صراخ مها... وعفط بسرعه بعد أحمد عنها... أحمد وهو هايج مايشوف شي قدامه من الغضب العارم اللي يعتريه:من هذا؟؟!! مها وهي ميته صياح...ماقادره تنطق وبشهاق غطت وجها...منهاره سلطان وهو يغض البصر وعاطي مها ظهره وهو ماسك أحمد عنها:أحمد تعوذ من بليس فيصل اللي وقف برا...ماحب يدخل وخاصه انه سمع صوت مها... سكر الباب لا يلاحظ حد من الجيران و توصله اصواتهم... سلطان اللي سحب أحمد للمطبخ وبعتاب:قولي اش فيك على البنيه؟ أحمد بكره طلع كل اللي بقلبه:انت اش دخلك؟!... هذا بيني وحرمتــــــــــي فاهم؟ سلطان اللي حس بنغزة أحمد وبجديه وهدوء:أحمد مهما صار مايحق لك ترفع يدك عليها أحمد مسكه من ثوبه وبنفس الانفعال وهو يهزه:حصلتها مع واحد فشقتي....واحد شكله من عمرها...ماهو انا الشيبه بالنسبالها اللي سرق منها احلام عمرها واول شي كان انت سلطان بقق عيونه بصدمه يطالع فأحمد بفجعه.... اول ماستوعب عصب وهو يدف أحمد عنه:انت اكيد استخفيت...مها بنت عمي وبس...و اعتبرها اختي أحمد ببتسامه ساخره:أختك هاه؟!.... وبثقه:ماتمشي علي هالحركات انت تحبها سلطان كنه حد عطاه كف رجع لورا خطوتين... اكتفى بالصمت وطلع عن أحمد اللي لحقه... انتبه انه لسالم(مواز) اللي اختفت...وماها بعد...كيف؟!... هو لفظ انفاسه بين يديه...ماتحرك مثل الميت...معقوله يكون بس اغمى عليه... عفط لمها... دخل غرفتها وحصلها متكوره على نفسها وتصيح بلوعه...عفط يفتش عن سالم(مواز)...فالكبت...فالحمام ...مثل المجنون مها اللي فزت بفزع و ترجف بخوووف...وهي تشوفه يقرب منها... أحمد وهو صاك اسنانه:ويــــنـــه؟! مها بلعت شهقتها ودموعها تنزل:هذا مب ولد هذي وصرخت بكل جوارحها ببحه:ربـــــــــيــــــــ? ?ـــتــــــي وكملت بشهاق:هي لابسه كيه عشان محد يعرفها لانا بنمثل مسرحية للتخرج ماتعرف من وين جابت هالكذبه بس شكلها ضبطت معها وردت لاحمد عقله... أحمد يحاول يستوعب اللي تقوله بس مايدخل العقل...عبس وهو يفكر...وعقله يردله...صحيح وجهه صافي...الشباب فهالعمر يكون طالعتلهم لحيه وشنب....لالا...مستحيل!! مها ع حالتها:لابسه كيه عشان مسرحية فالمدرسة يوم التخرج أحمد طلع بسرعه بيتأكد...توه بس تذكر وين شاف هالوجه...وماشافه من شوي عند ذياب...كان واقف يوم طلع من اللفت طالع ومها بيعد...ماركز عليه لانه شكله تعبان...ومريض... طلع و يركض لشقه صقر... حصل سلطان واقف قدام الباب... توه بينطق ولا ذياب يفتح الباب وبصراخ:اوووف اش فيكم كل ساعه حد جاي ماعرفت ادر...آه أحمد الي دفه بسرعه ودخل بلهاث...شاف ع زاهر اللي جالس يحل هو وسيف ومحمد:وينه ربيعكم الرابع؟ محمد قطب حواجبه:قبل لاتجينا كان طالع ذياب بعصبيه:انت اش فيك؟!...استخفيت؟! أحمد ما فـ راسه غير سالم(مواز) مسك ذياب من كتوفه:شفته وين راح؟ ذياب رافع حواجبه بستغراب:ياخي لاتحاول الولد من ساعه راد بيتهم انا لحقته من طلع ولا واحيتله سلطان وهو يجلس بهدوء:انا اصلا من طلعت من عندك ماشفته...شكله بس دخلنا المطبخ قام وشرد محمد اللي مافاهم شي:اش صاير؟ زاهر بقلق:سالم فيه شي؟سلطان وهو يقوم يشغل التلفزيون بجديه:ماصاير شي قابلو دروسكم أحمد طلع عنهم بسرعه...ونزل بسرعه مثل المجنون عسى يكون حارس العماره شافه...او يلحق عليه لانه مريض ومابيواحي يبتعد وايد... ****************************** ****************************** وعند مواز اللي اول مادخل سلطان وأحمد المطبخ استجمعت قوتها وهي تحس انها بطيح من طولها بس لازم تشرد...غلطت يوم انها قامت خبصت وبلعت سموت الحبوب زين انها للحين ماطاحت عليهم وانفضحت.....بس مها... هالاحمد بيذبحها اكيد... طلعت وهي تحاول تتوازن...وتحس راسها ثقيل...الحبه مفعولها قوي....بس يخدر... وصلت للباب بتعب...فتحته وهي تلاهث:ياربي تحملي شوي مواز بس ماقدرت وطاحت ماتدري من الألم ولا الحبوب...ولا الخرعه...ولا الصدمه...المهم كل شي تولف عليها... فتحت عيونها وهي تحس بهوا بارد يلفح وجها...غمضت عيونها وهي تفكر...و فتحت وهي تتعدل فجلستها... انتبهت انها فسياره... و فالشارع... عبست وهي تصد صوب السايق اللي عدالها....شهقت ويدها على قلبها :فيصل؟!!! فيصل بدون ملامح.....وعيونه ع الشارع.... يسوق بكل برود مواز خافت بس ماتعرف ليش مرتاحه:اش صار؟ فيصل ببرود:كنتي بشقه احمد مواز تذكرت:ايه صح... وشهقت:مهاااااااااا ياربي لا يكون سوابها شي؟!! فيصل عطاها نظره حقد وهو يوقف السيارة:جا الوقت اللي لازم تعرفي فيه حدودج...انتي زودتيها وايد يالبويه...ماكان قاصرنج غير تخربي بيوت الناس ونزل بعصبيه كبيره... مواز اللي تحاول تستوعب كلامه:هذا اش يقول؟!! فيصل اللي لف وفتح بابها وبدفاشه:نزلي مواز توها بتنطق بس سحبها بقسوه ونزلها:هيه انت أ... فيصل اللي ماترك لها فرصه تكمل...وسحبها وراه لداخل بنايه مواز وهي مبققه عيونها فالمكان...شكله فخم وراقي...بس شكله مكان شغل...معقوله جايبنها وزاره؟!!...هذا انهبل اكيد؟؟!! مشت معه بطاعه ومن دون اي مقاومه وهو ماسك معصمها ويمشيها عداله.... فتح باب مكتب ودخلو:السلام عليكم مديرك موجود؟ السكرتير باستنكار:وعليكم السلام..ايه بس عندك موعد؟ مواز اللي شبهت على السكرتير شايفتنه مكان بس ماتذكر وين ومتى... فيصل اللي ماكثر معه كلام ودخل على المدير... مواز اول ماشفت الرجال اللي جالس ورا المكتب الفخم...تيبست وهي تشد يدها من فيصل...اللي مارحمها وسحبها وراه بقوه... مواز عضت يده ودموعها بدت نزل تباه يفكها بس ولا كأنها تعضه...سحبها ووقفها قدام الرجال...وثبتها قدامه من كتوفها بعنف... *******************************ذياب بعصبيه وهو يبند التلفزيون:هيه ماتشوفني ادرس الشباب بالله كيف بيركزو؟!...انا شارد هنيه ادرسهم عن ازعاجكم ولاحقيني لييييييييييش؟ّ!! سلطان تكتف بضيق:زين اوووف ذياب رجع لشباب:يله شباب نكمل سلطان عبس:ذيابوه ذياب وهو مندمج يفهم ولا معبر سلطان... سلطان صرخ عليه:استاذ ذياب ماشفت فيصلوووه كان معي مدري وين اختفى؟ ذياب انقبض قلبه عللى طاري فيصل...شحب وجهه:متى؟ سلطان:قبل لا اصعد لاحمد وفكر شوي:الا صعد وراي احيده بس مادخل...طلعت وماحصلته!!! ذياب وقف بشهقه:شو يعني فيصل كان معك؟!! تدارك الوضع بسرعه:اقووول شباب كملو دقايق وراجع راح بسرعه سحب سلطان معه للمطبخ.... سلطان:اوووه اش فيك؟!! ذياب بجديه وخوف:ألحين انت صعدت لاحمد ليش؟ سلطان تغير وجهه.... ذياب عرف انه في مصيبه صارت:قولي سالم كان فشقه احمد صح؟ سلطان عبس:صح انت اش دراك؟!! ذياب:و فيصل كان واقف على الباب؟ سلطان بيستخف مب فاهم شي:صح ذياب مسك راسه:الله اكبر...راحت فيها البنت وطلع تلفونه بسرعه من جيبه... سلطان شهق بلقافة:فهمني اي بنت؟!!...كيف عرفت؟!!..اش ستوي؟؟؟!! ذياب وهو يتصل على فيصل:رد رد رد...عقب بفهمك... اوووف مايرد وفكر شوي:انتو جايين باي سياره؟ سلطان مقطب حواجبه:سيارة فيصل...ليش؟؟؟ ذياب بفجعه:سيارته....الحق عليه عيل شوف سيارته بعدها فمكانها ولا.... بسسسرعه سلطان بعناد:زين بس ليش؟ ذياب بلع ريجه:اوووف مامنك فايده وراح ركض عنه... سلطان بيمووت من اللقافه مافاهم شي....!!!؟ ذياب اللي نزل ركض....بس ماحصل سياره فيصل شات الارض بقهر...شاف الحارس وراحله... الحارس(شيبه):ياولدي انا كنت اتغدى توني بس راد ماشفت حد ذياب تبسمله مجامله لانه اكبر عند وباحترام:تسلم يابو مازن وفخاطره:ياويلي وينك يافيصل؟!...الله يستر...ياربي وش اسوي انا ألحين؟!! ********************************* فهد اللي من خذ حبوبه وجا طبيبه حس عمره احسن...وجلس كمل شغله... رفع راسه يشوف من داخل عليه وهو منهمك فشغله ينقذ اللي يقدر عليه... شاف فيصل داخل عليه ووهو يسحب وراه حد بس ماركز...تبسم باستغراب...جا بيقوم يرحب فيه...بس فيصل سبقه...و... مواز تمنت الارض تنشق وتبلعها...ولا تكون بهالموقف... غمضت عيونها بقو ودموعها غاسله وجها الشاحب... فهد اللي طالع في الولد الواقف قدامه باستغراب ماركز على ملامحه وهو يرفع راسه لفيصل اللي انرسمت ابتسامه جانبيه خبيثه كلها شر على وجهه...و بنبره كلها نشوة نصر:جبتلك حفيدتك فهد تنفس بقو كنه فسباق...وهو يحاول يركز فملامح الولد اللي قدامه و دموعه تنزل...فيصل سحب الغتره من راس مواز اللي فتحت عيونها بفزه...تبا تلاحق على الغتره بس مسك يدها و وهو يغرس يده بقسوه فالباروكه اللي على راسها:عرفتها ولا نفصخ الباروكه؟ فهد اللي من الصدمه ماقادر ينطق ولا يتحرك...تيبس مكانه وهو يشوف حفيدته بين يدين فيصل و اول مره منهاره وبهالوضع والحاله... فيصل اللي استشف من ملامح فهد:عرفتها صح؟! فهد طالعه كنه يسأله ليش؟!!! فيصل تبسم وهو يهز مواز بقو:جبتلك البنت اللي ربيتها على حساب غيرها...ومفتخر فيها وخواتها...عشان تشوف بعيونك نتيجه تربيتك الفــــاشـــلـــة وترك مواز اللي ماكان اصلا فيها قوة توقف...وطاحت على ركبها ودموعها غاسلة وجها وهي تشاهق مامصدقه الكابوووس اللي هي فيه... فيصل رفع يديه و بيد وحده غتره موزه:ألحين اذا تقدر زوجها... لانه هالفاشله ماقدرت تحافظ حتى على نفسها فهد سكين ونغرست فصدره...فقلبه المريض...فالصميم...شهق وهو يحاول يتنفس يحس بخنقه..و يده على رقبته...ماقادر يستوعب كل هالصدمات اللي تطيح فوق راسه الوحده اكبر عن الثاني... فيصل تبسم ابتسامه جانبيه كلها شر..ونزل لمستوى مواز اللي موطيه راسها للارض وسانده جسمها بيديها وترجف بقو...سمع آهاتها...همس لها:رفعي راسج شوفي جدج وهو يموت...بسبتج...و بسبت غباءج...هههههههههه فرد الغتره واغطى راسها...و وقف بثبات:اذا انبني ضميري امكن بكفر عن ذنوبي وبتزوجها...والحين اش رايك اردها للبيت او اخليها عندك؟ فهد يطالعه وهو يضغط على الزر ينادي فارس...اللي دخل بفجعه وهو يشوف فهد بحاله يرثى لها:طااال عمرك فيصل طلع بكل ثبات وابتسامه شيطانيه انرسمت على وجهه... ********************************* ********************************* أحمد اللي رجع لشقته بخيبة....ماقادر يستوعب اللي صار...هو اش اللي صار؟!...هو اش سوى؟!....ضرب مها و جرح اعز ربعه... حط راسه بين يديه يحسه ثقيل... فز ع رنين فونه اللي علا...رد وهو يشوف اسم اخوه وبتنهيده:السلام عليكم خالد بصوت حزين:انت من متى مازرت امي؟ أحمد وهو يحس بخنقه ماله بارض شي:امس شايفنها انت اللي مقاطعنها تراها عيت وهي تتصل فيك وترسلك تبا تشوووفك خالد وهو متلوم:بروحلها بس افضى ترا مافضيت شاسوي؟َ!! أحمد رفع حاجب باستنكار:انت عندك اهم من امك يعني؟!! خالد بتعب:حن لازم نتشاوف و بخبرك أحمد عبس وبجدية:تخبرني بشو؟!!! خالد انهار:بكل شي احسني ياخوي بستخف والله خلاص ماعدت اطيق بروحي اشيل هالهم أحمد نسى همه:اي هم بعد؟!! خالد بصوت مخنوووق:أحمد والله اني محتاجلك بموووت خلاص تعبت أحمد انقبض قلبه على اخوه يعرفه مدلل ومامتعود على الشقا:خلاص خلاص وينك فيه انت؟!! خالد بتنهيده:اقربلك شقة صقر أحمد قطب حواجبه:اي شقه؟!! خالد:اشقة اللي ذياب مستقبل فيها العيال يدرسهم أحمد فهم:اهاه شقة صقر هذيك؟!! خالد:هو استأجرها لامن قريب عشان اقرب لشغله واريحله من الفندق أحمد تبسم بسخرية:طلع عمي جاري وانا اخر من يعلم هه خالد:ماعلينا المهم بشوووفك ضروري أحمد:زين متى؟؟؟!! خالد:انا الحين خلصت بس بنمر الشركه... عمر وعمك بيشوفو جدك اونهم متحلفيله... و عقب بحصلك بس نرجع أحمد زفر بضيق:شكله فاتتني وايد علوووم.....زين سويلي رنه خالد:تم... يله عاذرتك أحمد سكر بدون مايقول شي....فر الفون وماعارف شيسوي...مسك رسه يحاول يرتب افكاره...عشان ع الاقل يساعد اخوه المحتاج له********************************* ********************************* فيصل اللي ركب سيارته وهو يرد على اتصال ذياب اللي وصلت المكالمات منه اكثر من 20 مكالمه لم يرد عليها:السلام عليكم ذياب بفجعه:انت هيه وينها فيه البنت؟ فيصل بابتسامة جانبيه:هههههههههههه يردو السلام بالاول ذياب خلاص اعصابه تلفت:وين البنت فيصل؟؟؟ فيصل تبسم بهو يضيق عيونه بخبث:وصلتها لجدها ذياب شهق:شوووووووووووو؟؟؟!!! فيصل ببرود:ههههههه اسكت اظن فهد انجلط ذياب بفجه:ليش؟!!! فيصل بجدية:يالغبي ألحين بتتأدب وبيعرف عن فعايلها وبيصلبها بدل لاتغافلهم وتلعب من وراهم...ولا بيقدر ينطق لاني مستحيل ارتبط بوحده مسوده وجهه فهمت؟ ذياب بلع ريجه:الله اكبر عليك يالخبيث...من وين لك بهالافكار؟!!! فيصل:ههههههههههههههه قصدك الفعايل....المهم أدبتها وأدبت جدها اللي مأذنكم ههههههههههههه والله وطلعتو خوافين ذياب بجديه:بس مو حرام اللي سويته؟ فيصل بلهجة جادة وبعصبية:وحده مانه بعمرها وتماشي شباب...وماهامها شي...وفوق كل هذا خربت ع ربعها ماخلتهم يعرفو يذاكرو ولا عرفت انت تدرسهم...وكل هذااا كوووم وانها تهدم حياة أحمد بفعايلها كوووم ثاني...وشي ماينسكت عنه الصراحه ذياب تنهد بضيقه:حتى ولو اسلوبك خطأ...كيه توقرت ع الشيبة وعليها فيصل بابتسامة شر:وهذا المطلووووب...يله عاذرتك بروح احتفل ذياب توه بيرد بس فيصل ماعطاه فرصة وسكر على طول عصب و بقهر:ليش يافيصل ليش حرام عليك؟!!! فيصل اللي شغل سيارته بيحرك من مواقف الشركه بس طلعت مواز فوجهه...بقق عيونه وهو يشوف وجها المحمر وعيونها اللي تلمع شر وحقد...لمح بيدها سكين...شهق:من وين فيها حيل توقف؟!....وهالسكين من وين جابتها؟!! ضرب هرن يباها تبعد من قدامه... مواز وهي تحس نار شابه فضلوعها...بتطفيها وماعاد يهمها شي...هالادمي تجاوز حدوده...ولازم تنتقم لنفسها منه وهي تتذكر... اول ماحست الالم خف وشافت فارس مقابل جدها اللي فقد وعيه....وشافته يتصل بالاسعاف...حست كل ذرة من بقايا قوة فجسمها تجمعت فجأة من الغضب والقهر اللي تحسبه...قامت ولحقته بسرعه...شافت سلة فواكه وفيها سكين بنص مكتب الانتظار...مرت وسحبتها وطلعت بسرعه...مارح تودره قبل لا تنتقم منه...كانت ضعيفه وبس بدا مفعول المسكن ماعاد شي بيمنعها عنه... و رفعت السكين وشمخت السياره بها بكل قوتها... فيصل نزل بفجعه وهو يصارخ عليها مثل المجنون يحسها تغرس السكين فصدره مافسيارته الغالية:هيـــــــــــــــ? ?ـــــــــــــــه انــــــــتــــــــي سيـــــــارتـــــــــــي وراح لها بيوقفها بس اول ماحستبه جاي صوبها عفطت للارض لقطت حصاه بحجم يدها وفرتها بكل قوتها المهزوزة ع زجاج السياره اللي تكسر مع صرخه فيصل المفجوووع...و اللي مابقى فيه عقل... عفط صوبها والغضب عامنه... مواز والسكين بيدها تحتميبها و بلهاث:لا تقرب مني احسلك فيصل مسكها وسحب منها السكين بكل سهوله وهو يلف يدها بيكسرها لها من القهر على سيارته.... مواز صرخت بألم وهي تحس يدها تنيطحن بقسوة:آآآآآآآآآآآآآآه عمر اللي مارين من قدام المواقف ويسوق على راحته:يالله ياجدي الله يسامحك صقر تنهد:اخيرا بشوووفه وبكلمه من كم سنه الله بالستر بس خالد معصب واعصابه تالفه:وانت هيه ليش تسوق ع الراحـ... وقطع كلامه وهو يلمح فيصل:هذا ماكنه فيصل؟! عمر وهو يدور بعيونه:وينه؟ صقر اللي رن فونه اول ماشاف رقم منى رد:الوووو...مشغوول اش هناك؟ خالد شهق:وقف وقف...هذا هووو من هاللي يتضارب معه؟؟؟!! عمر اول ما وقف خالد عفط لفيصل...و هو نزل وراه... مخلي صقر يتكلم فالسيارة خالد اللي يحاول يفك مواز من فيصل:فيييصل ودره فيصل انتبه لنفسه وهو ماعاد يسمع صراخ مواز...دفها بقو ع الارض بعيد عنه بقرف... مواز طاحت ع الارض وهي تتلوى بألم فظيع بس تحاول تكابر وماتبين... تحس يدها عنت من الالم....ماتقدر تحركها....تداركت دموعها وهي تبلع غصتها بوجع كبير... عمر يحاول يهدي فيصل الهائج:فيصل الله يهديك لاتحط دووبك كم دووووب ياهل!! خالد اللي انتبه للسيارت فيصل.... شهق بفجعة:ول اش مستوي هنيه؟!!