جواهـــر - الفصل 19 - بقلم دانة الروح - مكتملة | روايتك

من الصباح جواهر ويا الريم ونوفا يختارون احلى شي وجواهر بكل مره تعارضهم يا هذا غالي يا هذا مكشوف يا هذا ماعجبني لونه الريم: جواهر خلاص والله حيرتينا معاج اكثر الفساتين حلوه المصممه: آنسة جواهر بدك شي مميز احكي لى عليه بلكي بشوف عندنا بالمحل فيه كمن قطعه راح يوصلوا اليوم بنقدر نشتغل فيهم لبكره بيكونوا على العصر جاهزين جواهر: مدرى بس اوكي انا ابي شي بسيط وبنفس الوقت مو غالي المصممه: ولو آنسه جواهر بدك شي ارخص صراحه هيدي اسعارنا واستاذ سلطان بيعرف هالشي جواهر تضايقت من سمعت اسم سلطان ياربي وش دخله بعد في هالأشياء نوفا: اقول جواهر يالله شو رايج نروح له المحل على المغرب ونشوف القطع الجديده الريم: وليه تروحون المصممه: انا بجهزهم وبجيبهم هووون ازا بدكم الريم: ايه خلاص من بعد المغرب بس لا تتاخرين علينا اوكى نوفا: اوكى انا ابي هذا الفستان البنفسجي حلو بالمره عجبني المصممه : ولو تكرمي إزا بدك تقيسيه وبعدين نشوف شو ممكن نعدل فيه الريم تهمس لجواهر: صراحه بيزعل منج ابوج ولو بعد عرف سلطان يعني كل هذول الفساتين الحلوه ولا عجبج شي منها جواهر: وليه ما اخذتي انتي الريم: معي كم فستان ما لبستهم يعني جدد اخذتهم اخر مره لما سافرنا باريس جواهر: طيب بنشوف الفساتين الجديده وان ما لاقيت خلاص باخذ هذا الفستان التركواز يعني هو احلى شي بس والله غالي الريم: وش همك انتي غالي ولا شو اللى تبينه بتاخذينه ..اقول جوليا لو سمحتى هالفستان التركواز نبيه عشان جواهر وبنشوف بعد الجديد اللى راح تجيبينهم المغرب اوكي المصممه: اوكي ولا يهمكم بس ................ في ليدز وبالتحديد شقة عالية عالية: هلا وعليكم السلام فيصل: هلا وغلا بهالصوت عالية: اشلون جبت الرقم فيصل: اصلا لو انتي قلتي لى اياه ما كنت ادور عليه شو اخبارج مستانسه هناك عالية: الحمدلله واشلون الاهل عساهم بخير فيصل: كلهم طيبين تعرفين انا بجي لندن بكره عالية: اها والله ليه فيصل: ولهت عليج قلت اجي اشوفج عاليه تبتسم : عادى كم شهر وراح ارد الديره فيصل: هالكم شهر راح يذبحوني وانا انطرج عالية: هههههههههههههه فيصل: فديت هالضحكه والله عالية: بس انا هالاسبوع ما راح اقدر اجي لندن وراى اختبارات وما اقدر والله انزل عند بنت عمي رجاوي فيصل: ومن قال عادي انا اجي لعندج المهم اشوفج واسولف معاج وبعدين انا ريلج مالجين على بعض ما فيها شي عالية: اوكى عادى هلا بس ها لا تقول ليه مشغوله عني فيصل:هههههههه لا تشيلين هم المهم اشوفج وبس ( وين تروحين عني ) عالية: اوكى سلم على اهلك فيصل: هههههههه يعني طرده عالية: لا ما قصدي ع بالي بتسكر فيصل: امزح وياج يالله لما اوصل ان شاء الله راح اتصل عليج فيصل: نسيت اقل لج عالية: ايش فيصل: احبج موووووووت عالية حمرت خدودها وسكتت فيصل: يالله طيب قوليها وانتي شو عالية: انا شو شو .؟ فيصل: ايوه انا احبج وانتي عاليه بحيا: وانا بعد يالله باي فيصل:ههههههههه مع السلامه عالية تفكر مع انها ما شافته الا كم مره لكن بدت تحبه حتى لو ماقالها الا كم مره ...................... مبارك: اشلونج يمه اليوم وهو يحب راس امه مبارد هذا ولد عم مساعد والده توفى بالحادث قبل 6 سنين وامه انشلت من هذاك اليوم امه: الحمدلله انت اشلونك واشلون الدراسه وياك مبارك: الحمدلله يمه تمام ماشي الحال ...الا وين روان ( اخته اول سنة جامعه تخصص ديكور داخلي ) امه: اكيد بغرفتها مبارك: تعرفين يمه زوج اهل لبنى الله يرحمها طيبين مرره امه: ايه سمعت لو ما القطيعه اللى صارت بسبة وفاة لبنى الله يرحمها مبارك: لا ليش وش اللى صار امه خبرته بالسالفة مبارك: الحمدلله انهم رجعوا مع بعض مره ثانيه امه: نسيت ما شفت اخوك وينه مبارك: عبدالله اخذ زوجته لبيت اهلها وبيردون ان شاء الله للحين مو قادر اعرف ليه خليتيهم يروحون في بيت لحالهم امه: ياولدي خلهم ياخذون راحتهم وهم ما جلسوا معي الا بعد الحادثه اللى صارت والله يرحمه والدك والحمدلله انت معاى وروان والشغالات موجودات لو ابغى شي بلقاه مو مقصرين على انتوا مبارك: لما اعرس اول شرط بتشرطه على زوجتي انه نجلس معاج امه:الله يسمع منك والله تفرحني انت اطلب ترى انا عيني على وحده مبارك تفاجأ: يمه ارجوج لا تقولين الخطابه يابت صور بنات ماودىهالطريقه القديمه... اللى انا اختارها راح اختارها بنفسي وان شاء الله قريب( يفكر باللى شافها بالمزرعه حلوه بس مبين بعيونها الحزن ليه لازم يسأل عنها ويعرف منهي اكيد اخت محمد بتكون) ........ عبير بغرفتها على السرير وتتخيل وجه شخص قدامها( ياربي ليه افكر فيه وش عرفني من هذاك اصلا ) نزلت وراحت لعند امها وابوها عبير: السلام عليكم اشلونك يبه يمه وحبت راسهم الاب+الام: الحمدلله بخير امها: هلا عبير الا وينها مهوووي ما نزلت على الغدا عبير: ههههههه تلقينها على الجهاز ابوها: اخر شي بكسر الجهاز على راسها اشوفها زودتها طول وقتها عليه عبير: يبه تتسلى يعني وش تبيها تسوي ...بروح اشوفها وبنزلها معاى لهنا راحت وهي بالطريق سمعت امها تتكلم مع ابوها امها: تعرف يابو سبف ام تركي بالمزرعه همست لي بشي ابو سيف: ايش الام: تبي تاخذ عبير لولدها محمد الاب: والله هذي الساعه المباركه ما بلقى حد احسن من اولاد اخوى الام: على الله بس محمد يوافق للحين هو ما يبي الزواج الاب: طيب وليه قالت انها تبي عبير لابنها الام: انا حسيت من كلامها وبس ونظراتها لها الاب: اها لا تستعجلين الامور يمكن ما يصير شي الام: قال الله ولا فالك والله بتجنن بي هالبنت لمتى يعني يرضيك حالها تظل على طول بهذا الشكل اللى صار صار وانتهى خلاص عبير هنا توقف تنفسها وهي طالعه الدرج تسمع هالكلام عبير بخاطرها( لا لا مابي اخذ احد مابيه مابيه لا تغصوبي عليه )...راحت لغرفة مها ولقتها على الجهاز عبير: يا ربي لمتى بتظلين هنا ما نزلتى على الغدا مها: مالى نفس اكلت سندويتش على الغدا بالجامعه ... لو تشوفين هذا بغريب الدار عليه ردود صراحه شخصيته حلوه تعجبني عبير: وش محروم وش هالكلام الماصخ ياللى انزلى ولا بسكر الجهاز ترى عيب عليج طول الوقت على الجهاز مالك شغله الا هالمنتدى وخرابيطه امي وابوي يسالون عنج مها: اوكى اوكى خلاص بسكر لحظه بكمل الرد عليه وبسكر وببدل ملابسي يالله نزلي وانا بتبعج والله .............. سمع دق على باب الغرفة: ايوه دش سعيد: اقول انت وينك يالله ما بتروح وياي عند راشد نبارك له بالعرس طلال: الا بروح لحظه بسكر الجهاز اوكى ( طلال بن عمها هذا هو غريب الدار نفسه اللى بمنتدى مها ) طلال راح مع صاحبه سعيد للعرس وهو يفكر بصاحبة المنتدى عجبته شخصيتها وحاب لو يتعرف عليها اكثر لازم يجيب ايميلها بأي طريقه ... سعيد: وين بالك مشغول طلال:هههههههههه لا ولا شي وش مشغول فيه غير البنات اللى ماخذين عقلي سعيد:ههههههههه والله ياخوفي عليك من هالبنات لا توقع نفسك بمشكله بعدين طلال: ماخذيت منهم الا سوالف وشوفه وبس غيره الحمدلله ما تجاوزت حدودي ...بس والله لما اشوف وحده جميله احس روحي بتطلع وراها لازم اتبعها سعيد:هههههههههههههه الله يساعدك على جي ما راح تعرس ابد لو كل مره بتشوف وحده حلوه تتبعها طلال: وش نعرس عزاااااااابي للأبد احسن من وجع الراس وصلوا العرس وسلموا على صاحبهم راشد وباركوا له . ................. رجاوي: قولي والله احلفى انتي بس متى صار هالكلام واشلون ما تقولين ولا ما تبيني احضر يعني جواهر بحزن: لا تزيدني رجوووي فديتج والله صار بسرعه ياليتج تجين والله رجاوي: ياليت اقدر بكره معي تقديم بريسنتيشن يعني حتى لو جيت بعد بكره ما يمداني الحق شي ..... يالله لا تسوين فيني بالعرس بعد جذي والله اذبحج جواهر:ههههههههههه فديتج انتى اول وحده وبعدين منووو بيرقص في عرسي غيرج رجاوي: ايه ع بالي جواهر: اقول ها شو اخبارك امس اتصلت لقيته مسكر كنت متصله بوقت متاخر رجاوي استحت: اقول جواهر اممم يعني مو عارفه اشلون ابتدي جواهر: قولي فديتج شووو رجاوي: احمد جواهر: احمد اخوي وش فيه رجاوي بحياء: يبي يتزوجني جواهر وهي تصيح: والله احلفى رجاوي وهي تضحك:هههههههه والله جواهر: احلى خبر سمعته ... بس غريبه مو هذا اللى ما كنتي طايقته وتتضايقين لما يقرب او يكلمج رجاوي: اوووه هذا زمان جواهر:هههههههههههههه ايه زمان يالله قولي لى كل شي بالتفصيل رجاوي خبرتها بكل اللى صار معها رجاوي بخوف: فكرج اهلى بيوافقون على هالشي جواهر: لا رجاوي: لالالالالا تقولين جواهر: اكيد بيوافقون وبعدين من متى اهلى ما يتمنون سعادتنا رجاوي: بس اخاف ماما ترفض يعني عشان ببتعد عنها ولا شي جواهر: الا بتكون متطمنه انه احنا الخوات ويا بعض لا تحاتين انتي بس .... بتصل عليه الحين العيار زين اراويج فيه ما يتصل ولا يقول لي رجاوي: فديته جواهر:ايه الحين فديته طيب يالله باي بروح انام الحين صدع راسي من دوخة الفساتين اليوم رجاوي: لا تنسين الصور مع حبيب القلب جواهر: بالعرس ان شاء الله مو الحين رجاوي: والله امعط شعرج لو ما صورتي اوكي يالله ديري بالج مع السلامه جواهر: مع السلامه ............................ سلمان: اول ما تخلص الكورس بتخطبها يعني احمد: اكيد ولا تبيها تفلت من ايدي سلمان:ههههههههههه ليه طير بيطير احمد: تصدق انى سعيد ومبسوط من هالشي ..بس فكرك بتوافق علي سلمان: الف بنت تتمناك وسامه وجاه وش بعد تبي اكثر ومو من الشباب الباطلين يعني لابد لك صولات وجولات هنا كم مره معي احمد:ههههههههه الله يرج ابليسك تتذكر البنات اللى حاولنا نرقمهم لا وبعدين يتغلون وبالاخير اتصلوا علينا وععع عليهم سلمان:ههههههههههههه زين ربك ستر ما تمشكلنا فيهم شفت اخوانهم حشا مو باخوان الا فتوة هههههههه احمد:هههههههههه احب رجاوي سلما: زين درينا وش بعد احمد: وبس احمد+سلمان: هههههههههههههههههههههه احمد: وش رايك نروح هالويك اند الى برايتون نشوف ونسلم على الربع واليوم اللى بعده نروح الى ليدز سلمان فز قلبه من سمع طاري ليدز يعني بيشوف عاليه: اوكى تم احمد: سمعت البنات بيروحون هناك عشان بنت عم رجاوي يعني فرصه (وغمز له بعينه) اشوف رجاوي من غير جو الدراسه سلمان:ههههههههه طيب ولا يهمك ............................ ليال: يمه بروح بيت عمي تبين شي امها: لا سلمي عليهم .. ليال: الله يسلمج ...شوي وسمعت صوت هرن السياره ليال: اوووه هذا مساعد يالله بااي ...... روان: هلا بالقاطعه وهي تسلم على بنت عمها ليال: انا ولا انتى ها اشخبارج واشلون خالتي روان: تعالى بنروح لعندها اعتقد انها صحيت الحين يالله ليال وروان دخلوا غرفة ام عبدالله ام عبدالله: هلا بنيتي هلا ليال قربي ليال: اشلونج خاله وتحب على راسها اشلون صحتج ام عبدالله: الحمدلله تمام ما نشكي باس د وفجاه دق الباب ودخل مبارك الغرفه ..من شافته ليال تغشت على طول ونزلت راسها مبارك: سمحوا لى ما كنت اعرف امه: هلا مبارك ماحد غريب بنت عمك مبارك: ادرى بها هههههههه اشلونج ليال واشلون عمي وخالتي ليال: والله تمام مبارك: وليه منقطعه عن زيارتنا هذي الفتره ليال: شوفوا من يتكلم من اللى قاطع انت ولا انا انا بكل يومين ثلاث هنا مبارك:هههههههههه يالله يمه انا بطلع شوي مع الربع الا صح ان شاء الله استانستوا بالمزرعه ليال: ايه والله مزرعه حلوه والجو كان حلو وسوالف ليت روان جت معنا ام عبدالله: والله عجزت اقول لها روحي ما فيها شي تقول وش عرفني فيهم وبعدين ما بروح واتركك بحالج ليال: عادى والله ما فيها شي انتي جايه معنا وحتى انى قلت لنوفا انى بجيب بنت عمي روان قالت حياها الله وكانت فرحانه بهالشي مبارك هنا قال اها اسمها نوفا: هذي اللى كانت واقفه قريب من البوابه لما دخلنا المزرعه ليال فجت عيونها: نوفا ما اظن كانت قريب البوابه اول ما جيت كانت داخل البيت .. يمكن قصدك على وحده من بنات عمها اظن عبير يمكن لانها دشت متاخر وسلمت علينا اظن هي مبارك: اها طيب يالله مع السلامه انا استاذن ما راح اتأخر روان: تعالى بوريج الشيل اللى فصلتهم قريب عجبني الديزاين مالهم روعه راحت ليال مع روان بنت عمها للغرفه وكانوا يسولفون ليال: ليه مبارك يسأل عن بنت عم نوفا روان: وش عرفني انا ليال: لا يكون اعجب فيها ...بس هذي ارمله لا يقرب صوبها هذا اللى سمعته روان: احلفى يعني زوجها مات ليال: ايه اللى عرفته من نوفا بس حراام بعدها صغيره عمرها 22 سنه ودايما تلقينها هاديه يعني مو مثل مها اختها روان: مسكينه الله يعوضها خير ان شاء الله ليال: ان شاء الله ........................... بدر: يبه ابي اقول لك شي ابوه: ايش بدر: قررت انى اتزوج ان شاء الله ابوه: والله هذي الساعه المباركه ومنو تبي تزوجها ولا تبي امك تدور لك على وحده بدر: لا يبه انا اللى ابيها موجوده ابوه:هههههههههههههه اووه نسيت عيال هالزمن يجهزون كل شي وبعدين الاهل يعلمونهم بدر: ههههههههه الله يطول لى بعمرك يبه ويخليك لنا ذخر ان شاء الله ابوه: ومنهي هذي بنت عمك بدر: من بنت عمي مو مخطوبه تقصد جواهر ابوه: والله لو تبيها ما اظن اخوي بيرفضنا وليتك قلت لى من قبل بدر: لا يبه جواهر اشوفها مثل اختي صح في مره حسيت انها ممكن تكون غير بالنسبه لى لكن لا انا ابي بنت خالتى وعد ابوه: والنعم والله بنت اجاويد بدر وهو فرحان: يعني موافق يبه ابوه: اكيد موافق خلاص بكلم ابوها وان شاء الله هالاسبوع نروح نخطبها بدر: والوالده ابوه: ايش فيها امك بدر: يعني تعرف لانه وضعهم عادى مو ناس هاي هاي على قولتها مدرى بس مابي الا ترضى عن زواجى ابوه: لا تشيل بخاطرك بترضى بنت اختها هذي مهما كانت طبعا الام عارضت بالبدايه عشان وضع العايله لكن بالاخير رضت وخطبوا وعد وحددوا الملكه والعرس بعد 5 شهور يعني في شهر 9 وقرر بدر انه يبتدي ببناء بيته يعني بعد سنه تكون ان شاء الله جاهزه لهم مؤقتا يجلسون عند اهلهم ........................................ يوم الملجة والكل مرتبش واللى تسوي الماكياج بعدها ما خلصت من جواهر نوفا: ياربي اقول لينا متى تخلصين لينا: شوي بس بخلص نوفا: تصدقي طالعه قمر والله اخوي بيتخبل لما يشوفج لينا وهي تبتسم من هالكلام جواهر: خلينى اخلص يكفي التوتر اللى احس فيه تجين انتي بعد توتريني اكثر اقول قلبي ويهج الحين يالله نوفا تخلى نفسها زعلانه: انزين بروح عنج برجع بعد شوي وتطلع لسانها جواهر من شافتها كذا ضحكت لينا: يخزي العين شو طالعه أمر بعد نص ساعه تقريبا الكل كان بجناح جواهر الريم والبندري وبنات عمها اما ام سلطان والبقيه جالسين تحت ,, وشوي يدق الباب عبدالعزيز: اقول البندري خلى جواهر توقع من سمعت جواهر هالشي ارتجفت وتوترت زياده وهي تهمس لنوفا: والله قلبي بيطلع حسي فيني نوفا: يالله عاد وقعي ولا ما تعرفين جيبوا لها احسن حبر عشان تبصم الكل:هههههههههههههههههههه� �هههه جواهر ارتبكت واخذت القلم من البندري وكتبت اسمها اول ما خلصت وتسمع زغاريد الفرح من الريم وامها ونوفا وبنات عمها وباركوا لها نزلت لتحت الصاله على انغام موسيقى كلاسيكية قالت لهم لو يحطون لها اغنيه ربشه ماهي مسؤوله لو قامت ترقص الكل بارك لها وجا وقت لما بيجي سلطان وبيدخل ويلبسها الشبكه جا معاه والده وابو عبدالعزيز واخوانها دخلوا وسلموا عليها وباركوا لها اعمامها سلطان اول ما دخل كانت عيونه على جواهر وكيف راح يكون شكلها ما صدق عيونه هذي الحين صارت زوجتي ياربي يالله اقدر اسعدها وتسعدني معاها قرب منها وجلس بجنبها على الكوشه ومن بعدها رفع الطرحه وباس جبينها جواهر من ابتعد عنها تنفست يالله شو يصير معاي وليه ارجف بهالطريقه .... شوي وجت نوفا وسلمت وباركت لها وباركت لسلطان اخوها ومعاها وضحه بعد وجت امه وسلمت عليهم وباركت لهم وجابت وياها الشبكه ولبسها اياها سلطان طقم الماس خفيف على شكل قلوب وبداخله زمرد اخضر لايق على عيونها اختاره وحجزه من يوم ما خطبها ..بعد ما الكل راح ما ظل الا امها معها وفهد وابراهيم بالمجلس وبعدين استاذنت امها: يالله بخليكم جواهر وهي تمسك ايد امها وتهمس لها بلغتها: لا تتركيني بروحي ضحكت امها وردت عليها : اخوج معاج بعدين برجع سلطان: اقول ابراهيم اظن بنتك تصيح روح الحق ابراهيم:ههههههههههه ما سمعت والله الا اذون تسمع من ورا الجدران فهد: يعني تبي تقول بعد هوونا احنا بعد ياخي خلين اويا اختنا ما شبعنا منها سلطان: من يومك وانت ذكي وشاطر تفهمها على طول فهد وبعدين اختك ما باكلها لا تخافون فهد+ ابراهيم:ههههههههههههههههه� �ههههه جواهر كل ما تسمعهم يتكلمون ويضحكون يزيد تورتها وارتباكها وبخاطرها لا تروح فهد خليك انت وابو خليل فدوه لا تخلوني بروحي معاه ابراهيم وقف: يالله فهد خلنا نرحمه يالله نشوفك بعد شوي 5 دقايق هههههههه سلطان: الله معاكم من راحوا وهي تناظر بالارض وبس سلطان: مبروك جواهر جواهر وبصوت واطي: الله يبارك فيك سلطان: ما كنت اظن انج بهالحلاه كلها طالعه قمرهم كلهم جواهر هنا تلون وجهها وما عرفت ترد سلطان: ليه بعيده تعالى قربي لما ما شافها تحركت قرب جنبها سلطان على طول وقفت من الخوف سلطان تفاجا بحركتها: جواهر لا تخافين اجلسي مكانج خلاص ما راح اقرب جلست جواهر وهو ظل مكانه : اقول ان شا ءالله بس عجبتج الشبكه جواهر: زينه سلطان: طيب طالعيني شوي جواهر رفعت عيونها شوي وبعدين نزلتهم سلطان: يالله محلا هالعيون اقول جواهر بخلى نوفا تعطيج رقم جوالى اوكى ويعني صرت ريلج وخبرت عمي اني باخذ رقمج بعد جواهر: اوكى سلطان: بكلمج بالليل لا تنامين جواهر طالعت فيه وهي مستغربه: يعني اظل سهرانه منتظره اتصال منك لا والله سلطان من سمع كلامها وشاف حركتها وهي تقول هالكلام له ضحك من خاطره جواهر بخاطرها (واي ضحكته تخبل ... بيجنن بي هذا ) ابتسمت ونزلت راسها حياء سلطان: ههههههههه فديت هالابتسامه انا والله وفجاه يدخل ابراهيم ومعه بنته وامه سلطان : اوووف ما كملنا بعدين بالتلفون سلطان وهو يبتسم: هلا والله بالنسيب ليه تاخرت علينا ابراهيم: هههههههههه قول والله طيب كان تتصل على قبل وشوي ودخل عليهم فهد ..جابوا المصوره وتصوروا الجميع مع بعض ومن بعدها كل واحد راح لبيته طبعا بعد ما نوفا عطتها رقم سلطان وهي تضحك لما طلبت منها الرقم جواهر: اذلفى تضحكين طيب بنشوف وقت لما تتزوجين نوفا: ما راح انتظر حتى حد يعطيني رقمه الا باخذه منه لما نكون بروحنا جواهر:هههههههههههههههه مجنونه وتسوينها ........................ باليوم اللى بعده سافرت جواهر مع والدها ايطاليا قبل وجلسوا هناك يومين ... امها وابراهيم طبعا رجعوا ثاني يوم من الملجه فيصل جا الى لندن ومن هناك سافر الى ليدز بفس الوقت اللى سافرت فيها رجاوي مع البنات الى هناك بالويك اند استقبلتهم عاليه بمحظة القطار وعلى طول راحوا بجولة في محلات المدينه ...بعدين توجهوا الى مطعم وتغدوا وطول يومهم سوالف وضحك وبالاخير راحوا للسينما ومن بعدها ودتهم للفندق اللى حجزوا فيه وكان بنفس مكان السينما من الجهة المقابله وباتت معهم هذاك اليوم لانه صاحبتها بعد راحت نزلت ويك اند لندن مع اختها وزوجها كانت عالية تسولف مع رجاوي اللى خبرت بالاحداث الجديده عالية: تحبينه رجاوي رجاوي: تعرفين والله كل كرهي له اللى كنت احس فيه انقلب وصار حب وزاد بعد احسه كل دنيتي بس ما قدرت اقولها له وللحين ما كلمته ولا رديت عليه عاليه: حرام عليج رجاوي: يعني تبيني اقل له انا احبك جذي ببساطه لا خليه شوي يحتري عشان يعرف هو ماخذ مين رجوووووي عاليه: الله عليج يعني تبين تلعوزينه شوي معاج شوي ويرن تلفون عاليه عاليه: هلا فيصل: هلا والله بهالصوت اشلونج بعد عمري عاليه : الحمدلله بخير ..الحمدلله على السلامه فيصل: الله يسلمج انا هنا بليدز ابي اشوفج والله ولهان لشوفتج عاليه باستغراب: بس تدرى الحين ما اقدر الساعه 7 متاخر الوقت ما اقدر اطلع بروحي فيصل: انا معاج زوجج انتي بس قولي لى وين مكانج وانا اجي عاليه بتردد: انا مع بنت عمي وصاحباتها بالفندق وقالت له اسم الفندق فيصل: خلاص بشوف لى تاكسي وبحاول اجي فيه مطعم المكان نسولف شوي ونشرب لنا شاي او بارد عاليه: اظن فيصل: خلاص حبيبتي يالله بتسبح والبس واجي عاليه: مع السلامه وسكرت من عنده .................. بالصدفه وفي نفس الفندق كان احمد وسلمان حاجزين وصلوا بوقت متاخر واكنت غرفتهم بالطابق اللى تحت غرفة فيصل جا فيصل وجلس مع عاليه بمطعم الفندق شربوا قهوه وجلسوا يسولفون شوي فيصل: ها اشلون الدراسه عاليه: الحمدلله تمام ماشي باقي لنا سنتين ونص نخلص ان شاء الله باخذ صيفي هالسنه عشان اخلص بسرعه فيصل: تاخذين صيفي وانا عاليه: وانت شووووو فيصل: اهون عليج تتركيني ( راسج يابس متى بس ) عاليه: ههههههه ما تهون لكن ابي اخلص الدراسه عشان ما ارد لهنا مره ثانيه فهمت فيصل: شو رايج نتمشى شوي عاليه:ههههههههه تتمشى ما فيه مكان تتمشى فيه بالليل تعرف الكل الحين بالبارات الله يكفينا يعني كل المحلات مسكره الا المطاعم ممكن او السينما فيصل: شو رايج نروح نشوف اخر عرض بالسينما عاليه بتردد: قبل شوي رحت ويا البنات شفنا فلم بالسنيما هنا فيصل: لا قولى لى بسينما غير نروح لها احسن يعني تغيير جو وبعدين ليه خايفه انا ريلج الحين عاليه : لا مو خايفه اوكى بروح اعلم رجاوي وبرجع لك فيصل: ليه رجاوي وليه امرج الحين انتى مو قايله لها انج معاى خلاص خليها ويمكن تكون مشغوله يالله عشان لا يروح علينا العرض واحسن نرد بدري لهنا ولا عندج مانع عاليه: اوكى خلاص يالله راحوا لمنطقه غير بالشارع الثاني وشافوا لهم العرض قبل الاخير على الساعه 10 بالليل وبعدين توجهه بالتاكسي للفندق عاليه: ليه قلت له يروح للفندق عندك فيصل: نسيت لا اجيب لك الهديه اللى جبتها لك وانا بكره ان شاء الله مسافر الصباح بدري عندي شغل بخلصه بس دقايق وبرجع اوكي راح ينتظر التاكسي عاليه: اوكى خلاص بنتظر هنا بالبهو فيصل: على راحتج بس مو حلوه تنتظرين هنا وش رايج انتظري عند باب الغرفه وبطلع الهديه وانزل معاج عاليه وعقلها مو عارف شعرت بخوف من كلامه: ما يحتاج فيصل هنا عصب: يعني راح اكلج انا مو واثقه فينى وانا الحين مالج عليج خلاص يالله بنرجع الفندق تعالي لما شافته عاليه معصب : لا خلاص يالله بطلع هي دقيقه وبننزل ونرجع الفندق فيصل: اكيد لما كانت طالعه معه بالمصعد سلمان كان داخل بهو الفندق وبالصدفه شافها واستغرب ايش جاب عاليه لهنا ومن هذا اللى معها وقف شوي وشاف رقم الطابق اللى رايحين له وبلا شعور ضغط على نفس رقم الطابق شوي وما شاف احد راح لغرفته وهو يفكر احمد: اشوفك تاخرت وين رحت سلمان: اقول تدل عاليه بنت عم رجاوي احمد: ايوه ايش فيها سلمان: شفتها هنا بالفندق ويا واحد احمد متفاجا من هالكلام: ايش وش تقول انت متاكد انها هي سلمان: والله هي استغفر الله كنت اظنها بنت خلوقه ومؤدبه وطلعت من البنات اللى هم احمدكان معصب اذا هذي بنت عم رجاوي بهذا الشكل توصل رساله لاحمد من رجاوي وقتها شاف الرساله وعلى طول اتصل عليها احمد: وش صار رجاوي: عاليه للحين ما وصلت قالت اناه بتطلع شوي والله مشغول بالي عليها ومسكر جوالها مدرى ليه احمد في خاطره اكيد بتسكر جوالها استغفر الله وش اقول لها الحين احمد: عطيني رقم جوالها هي قالت لج وين رايحه رجاوي: ايوه راحت تشوف ريلها جا من الكويت وللحين ما رجعت احمد تفاجأ من سمع هالشي يعني عاليه متزوجه استغفر الله ظلمنا البنت احنا احمد: زوجها ههههههههه عيل لا تشيلين هم بترجع ان شاء الله دامها مع زوجها ...... وحس بالراحه وهو يتكلم اما سلمان ما كان فاهم شي من اللى يصير احمد بعد ما سكر الجوال: الله يسلمك اللى شفته ويا عاليه يكون زوجها سلمان: ايش عاليه متزوجه مو معقوله بس ما يبين عليها وماحد خبرنا احمد: استغفر الله ظلمنا البنت ظل احمد يتصل على جوالها بس ما فيه رد ...بالاخير هون وشوي يجي اتصال من رجاوي: مشغول بالي والله احمد الله يخليك وش اسوي الحين احمد: انا هنا ولا يهمك بنلقاها رجاوي: وين هنا ليدز قصدك احمد: ايه مع سلمان جينا قبل شوي بالقطار انتوا في أي مكان رجاوي خبرته باسم الفندق احمد: ولا يهمك بتلقينا هناك ومعنا عاليه ان شاء الله رجاوي: شوووو معكم ليه انتوا عارفين مكانها احمد: ايه عارفين لانه سلمان شافها مع زوجها هنا بالفندق يالله بكلمج بعدين يالله رجاوي: اوكى طمني راح سلمان مع احمد وسألوا الريسبشن عن حد من العرب غرفته في هذاك الطابق وعرفوا الاسم ورقم الغرفه وراحوا لهناك دق احمد على الباب وهو مستحي وش راح يقول للرجال بس لازم عشان رجاوي تطمن شكلها كان مره تعبان دق مره ثانيه وبالاخير انفتح الباب وتفاجا باللى قدامه عاليه وهي شكلها مبهذل وبعيونها الخوف والرعب من شافت احمد وسلمان طاحت على الارض تبكي بليدز وبالتحديد بالفندق اللى كان فيه احمد وسلمان اول ما شافوا هذا المنظر تفاجأوا اما عالية فظلت تبكي وهي طايحه بالارض عند ريول سلمان وهي تشاهق وتتكلم بكلام عالية : ما قصدت اموته ما قصدت هو السبب هو السبب وهي تصييح على طول احمد دش الغرفه الا ولقى رجل طايح على الارض وراسه مغرق بالدم وبجنبه زجاج مكسور فازة زهور طايحه على الارض سلمان نزل على الارض وحاول يهدي عاليه بصوته اما سلمان على طول مسك عالية من كتوفها وقفها وهي تصيح سلمان:خلاص عالية اهدي لا تخافي ما صار شي عالية طالعت فيه وعيونها متروسه دموع : هو السبب هو السبب ما قدرت كان يبي ي ..... ورجعت تصيح وجسمها كله يتنافض من الرعب ما حس بروحه الا يضمها له كأنه يحميها من هالكون كله .... بعدها عنه بعد لحظات حس انه ملك الدنيا وقتها سلمان طالع بعيون عاليه: لا تخافين انا معاج ما راح يصير لج أي شي وانا عايش عالية وهي تسمع هالكلام حست باحساس غريب ( هذا والغريب يحميها من اقرب انسان لها زوجها آآآآه يا دنيا) . سلمان جلس عالية على الكرسي وراح لاحمد اللى شافه يقيس نبض الرجل ويلمس راسه اللى كان الدم طالع منه احمد: بعده حي ما فيه شي بس الظاهر الضربه جت براسه ينزف لازم نوديه المستشفى لا يموت عالية واقفه تطالع فيهم وهي خايفه ومرعوبه: بيحبسوني ما سويت شي والله ما كنت اقصد سلمان: اهدي عالية ما راح احد يأذيج بشي وضم ايدها في ايديه وطالعها بنظرة حست معها انه فعلا قد هذي الكلمه وراح سكر الباب جاب بايده كاس مويه سلمان: اشربي هذا اهدي احمد: سلمان لازم نوديه المستشفى ضروري اخاف يروح من ايدينا وبعدين نتورط بهالشي سلمان رد عليه بصوت عالي: لحظه اول شي نعرف شو صار ..ووجه كلامه لعاليه ..ايش صار تكلمى عاليه مين هذا .! عالية بدت تنزل دموعها: هذا زوجي بس احنا مالجين وبس وقال لى بيجيب هديه وبس ما فكرت انه ممكن يسوي هذا الشي والله ما فكرت انه يمد ايده علي بالغصب ما تحملت وضربته باول شي قدرت امسكه بايدي ابي ابوي يجي مابي اكون بروحي سلمان وهو معصب: النذل واهو اللى مسوي فيج هالشكل عالية نزلت راسها اشلون راح ينظرون لها الحين لكن تستاهل ولا مفروض ما تطلع معاه للغرفه يالله كيف كان كلامه حلو وجميل ما ظنت ابدا انه راح ينقلب بلحظه وان كان زوجها بس مو بالغصب سلمان: شوفي انتي قولي انه اغمى عليه اوكى وكانت الفازه على الطاولة هذا كلامج راح يصير اوكي عالية: لو صحى بيبلغ عني بيحبسوني انت ما شفت اشلون الشر كان بعيونه وهو يهددني سلمان: قولي هالكلام وما عليج اوكى واحنا معاج وان تكلم بكلمه انا اللى بتفاهم وياه يالله الحين بس المشكله ملابسج بهالشكل عاليه توها تنتبه لملابسها شوي من كمها ممزق وعلى طول حطت ايدها عليه ونزلت بنظرها للارض حياء احمد: انا بروح بجيب رجاوي وانت خلك وياها هني وعلى طول برجع لكم مسافة الطريق احمد: الو رجاوي رجاوي: ايوه احمد ها لقيتوا عالية احمد: لو سمحتي اوكى جهزي روحك بتروحين معاي رجاوي خافت من كلامه: لوين احمد .؟ احمد: لما اوصل اكلمج اوكى يالله انا جاي خبرها بالسالفه رجاوي: النذل الحقير يبي يغتصبها الله ياخذه اشلون راح يصير فيها الحين احمد احمد: ما عليج ما راح يصير شي ان شاء الله.... انتي هدي بالج يالله تعالي ويانا بنروح المستشفى الكل راحوا للمستشفى طبعا بعد ما طلبوا له الاسعاف وجت الشرطه بعد عشان تسأل عن اللى صار وكان فيه سين وجيم احمد اتصل على والده اللى خبره بالسالفه ووعده انه ما يجيب سالفة لجواهر اما ابوه فعمل اتصالاته للسفارة عشان المشكلة اللى صارت وبلغه انه بيكون معاهم بالكثير بعد بكره وان شاء الله خير وبيتصل على المسؤولين اللى يعرفهم الحين .. نفس الشي سلمان اتصل على ابوه عشان يشوفون حل لهالمسأله الشرطة طبعا ما صدقت كلام عالية وبدا التحقيق الا عالية تبات بالسجن عندهم سلمان معصب وقال لهم يخلونه هو بدالها يبات بالسجن وبعد ما كلموا اللى يعرفوهم واتصالات مع السفارة طلعت عالية بكفالة على اخر الليل وهي حالتها حاله لكن بشرط بدون ما تسافر من البلد ... اليومين اللى مروا كانوا اشبه بكابوس على عاليه ورجاوي طبعا رجاوي ما راحت كليتها وظلت مع عالية .. البنات رجعوا الجامعه بعد طبعا ما غيروا السالفه انه عاليه مريضه بالمستشفى وممنوع الزياره عنها ... وبالاخير قرروا انهم يخبرون اخو عالية بدر اللى على طول بنفس اليوم جا لندن واليوم الثاني ليدز عالية اول ما شافت اخوها ركضت عليه وهي تصيح ضمها له وهو يهديها وجلس مع احمد وسلمان وخبروه باللى صار فيصل بالمستشفى حالته حرجه وللحين ما صحى .... راح يزوره بدر هو وسلمان واول ما شافه بدر: تفوووه عليك والله لو ماهو بهالحاله كان وريته شغله سلمان: اللى نبيه يصحى ويتنازل عشان القضيه يقفلونها وتقدر عاليه تكون حره بدر: راح يصحى ويتنازل ولا بيشوف شي عد ما شافه يبي يعتدي على اختي بالغصب من اول قلبي مو مرتاح له وسمعت جم شغله عنه بس امي كانت مسيطره على ابوي الا تزوجه لكن زين عرفنا حقيقته شنهي..... كان يتكلم بغضب والله لو والدي يدري بالموضوع قلب الدنيا فوق تحت. تدرى اشلون انا لازم اتصل على والدي قلت لهم مسافر مصر عندي شغل وراجع ما يدرون اني هني .. لازم يعرف بالسالفة نكون وقتها خلصنا من هالمشكله لما يجي سلمان: الشور شورك احسن بعد ..... آه اسمح لي بس اشلونها الاخت عاليه الحين ان شاء الله بخير ( من امس سلمان ما شاف عاليه لكن يعرف اخبارها من احمد اللى مرتين اتصل يتطمن عليهم ) طلعوا من المستشفى ومن هناك على الفندق لقوا احمد بدر: والله مو بعارف شنو اقول ..اللى سويتوه مع اختى ومعنا جميل ما راح ننساه والله. احمد: وش سوينا الله يهداك يعني هالموقف لو صار لاحد ما تعرفه بس من ديرتك اكيد بتسويه من غير ما حد يقول لك اشلون عاد الحين واحنا اهل ونعرف بعض. بدر: اقول ما قصرتوا والله واحنا اشغلناكم عن دراستكم الحين انا هني وان شاء الله بعلم ابوي واكيد بيجي لكن انتوا روحوا كملوا دراستكم . سلمان: لا اسمعك تقول هالكلام احنا مو رايحين الا اذا خلصت المشكله كلها والتفت على احمد... الا اذا انت تبي تروح خلاص روح انا بظل هني لين تخلص المشكله ان شاء الله ونتطمن عليكم احمد: وش اروح رجلي على رجلك مو رايح لين تنتهي المشكلة ابو عالية عرف بالسالفه بنفس اليوم وحجز وطبعا من غير ما يعلم زوجته او يقول لها شي زوجته: ومن وين طلعت هالسفره المفاجئه بالاول بدر والحين انت انتوا خاشين عني شي قولوه الحين وفكوني زوجها: الله يهداج اقول لج رفيقي تعبان مريض وبروح وياه تقولين لى حصل شي زوجته: ما سمعنا بهالصاحب الا الحين والله لو ادرى بشي صار عقب هالكلام ما راح يصير خير زوجها: جهزي لى شنطتي انتي بس وتعوذي من ابليس ما شي صاير زوجته: اقول عالية كله مسكره جوالها ابي اتطمن عليها ليه ما تتصل انت برجاوي تشوفها زوجها: يمكن مضيعه الرقم او جوالها انسرق ان شاء الله بعدين بتصل عليها زوجته: لا الحين ابي اكلمها زوجها: رجاوي بكامبريدج وبنتك بليدز يعني مو عند بعض زوجته: طيب وان صار اتصل بس خلنى اتطمن وبس ولا بجيب رقمها وبتصل عليها زوجهاك انزين جيبي رقمها واتصلي عليها عادى يالله فكيني ترى الطيارة بتفوتني ............ اتصل والد عاليه على ابنه بدر: اقول ترى امك تحاتي عاليه كله مسكر جوالها خلها تكلم من أي جوال اوكى وتطمنها لكن لا تجيب لها سالفة فهمت بنفس يوم وصول ابو عاليه بالليل على مطار هيثرو بلندن صحى فيصل من الغيبوبة اللى هو فيها يومين الدكتور : He the time by a wealth and health from the coma .But he needs a rest quantity day with it is a middle shaking by the brain from the hitting but what believed that it is with being affected on it at all ) هو الحين بخير وصحى من الغيبوبة .لكن يحتاج راحة كم يوم معه ارتجاج متوسط بالمخ من اثر الضربة لكن ما اعتقد انها بتأثر عليه ابدا( بدر: Can we talk with him doctor? يعني نقدر نتكلم وياه الدكتور: Ok but just for few minutes. It's better for one person to see him not all of you. ( اوكي دقايق لكن بس واحد منكم يزوره ) دش بدر عليه وقرب من السرير بدر: الحمدلله على السلامه فيصل فج عيونه وساكت بدر: بقولها كلمه وحده ترى لو ما تتنازل عن القضية وتقول انك انت اللى غلطان وربي اللى بسماه ما نتركك لحالك ابد وبتشوف شي عد ما شفته وهذا كلامي لك ولا تفكر جاه اهلك ومالكم بتقدر توصل بها مكان لو انت بالمريخ بنوصلك ترى للحين ما تعاملت ويانا فيصل كان يسمعه وما رد عليه ( هذا اللى انا جبته لنفسي الله ياخذها كانت بتموتني وزين انها تنحبس هني ...) فيصل تكلم بصعوبة من تأثير المخدر : اختك طالق بدر: فكه منك ومن ويهك يالنذل وبكره اشوف التنازل ولا والله يافيصل انا اللى بنحبس فيك واطلع فضايحك الاولى والتالي اللى خاشها عنا.قالي لى صاحبي فيك بس ما قدرت اصجه واكذب عيوني لكن الحين ابصم بالعشره كل اللى قاله عنك صج ميه بالميه فيصل حس انه يهدده صج : يالله اطلع برا الله ياخذكم انت واختك بدر: بكره الوعد وبتتنازل فهمت كلامي زيييييييييييييييين قالها له وهو يتوعده وبصوت كله غضب فيصل: بتنازل مو خوف منك لكن مابي اشوف ويه واحد فيكم ..يالله بره بدر طلع وهو معصب على الاخر ...لكن قال بيتنازل هذا اللى يبيه وبس. سلمان: ها بدر بدر: يالله نروح من هني احس انى مخنوق. طلعوا من المستشفى واليوم الثاني وصل ابوه على قطار الظهر وانتهت المشكله بعد ما وقع فيصل على التنازل انه هو اللى كان غلطان. ..... انتهت مشكلة عالية ورجعوا الجميع الى لندن بنفس اليوم عالية وابوها يضمه لصدره: خلاص عاليه انتهت المشكله حبيبتي وفكه منه النذل لو ندرى انه سواته جذي من اول ما زوجناه رجاوي: الحمدلله افتكيتي منه وما صار بينكم شي خلاص عاليه حبيبتي بدر: عاليه شنو رايج بنروح فرنسا كم يوم انا حجزت خلاص بكره طيارتنا ان شاء الله ابوه: احسن تغيرين جو واحنا بعد رجاوي شنو رايج تجين ويانا فرنسا رجاوي: امممم والله مدرى عمي بس اشوف المحاضرات اللى على بهالاسبوع انا غبت عنهم يومين عمها: بنجيب لج عذر ولا يهمج بس انتي تعالي ويانا تستانسين بعد وتكونين ويا عاليه بدر: يالله رجوووي وافقي اوكي رجاوي: هههههههههه خلاص بالمره نشوف اخر موضه هناك نجيب كم بدله معانا بدر: حشا ما صدقت البنيه ابوه: بدر عيب عليك شنو هالكلام على بنت عمك رجاوي:هههههههههه عادي عموووو بدر وادله زين يحب مرات يتغشمر عاليه: مابي اروح مكان ابي ارد الكويت تفاجأوا الكل بكلامها ابوها: بنرد بعد ما نسافر يومين باريس بالاول يالله زهبوا اغراضكم رجاوي: دراستك عاليه وين بتروحين عاليه: ما بكمل مابي خلاص عافت نفسي كل شي بدر: عاليه خلى عنج هالكلام وربي عجبتيني كان اخذتي شي غير المزهريه هههههههههههههه 7 غرز والله قوية الكل : ههههههههههههههههههههههههه هههههههههههه ... بس سكتوا لما شافو وجه عاليه تغير ولمحة حزن باين عليه ابوها: يالله روحي ارتاحي انتي ورجاوي راحوا البنات اما بدر جلس يسولف مع والده بدر: يبه الحين شنو راح نقول لامى والناس ابوه: ما حصل نصيب وفكه اصلا هو ما يستانس يقول كلام غير جذي لانه هو اللى بيتضرر من هالشي وسمعته بعد وان صار كلمة الحق معنا وماحد له عندنا شي بدر: وانت الصاج طيب امي ابوه: يووووووووووه والله نسيت خلنى اتصل عليها واطمنها انه عاليه معها اجازة وشفتها ويمكن تجي معي . بدر: بتعلمها باللى صار ابوه: بقول لها انه فيصل طلقها مابيها تعرف من حد غريب لكن المشكله لا ما راح اعلمها الا لما نرجع الديره بدر: احسن ونزلوا لتحت بهو الفندق لقوا احمد وسلمان هناك ظلوا وياهم وتعشوا طبعا مع بعض واما البنات فطلبوا لهم عشا بغرفتهم ..طبعا ابو بدر كلم ابو فيصل وخبره بالموضوع كله وقرر يجي يشوف ابنه بالغرفه رجاوي تحاول في عاليه انه تخرجها من الحاله اللى هي فيها رجاوي: فديتج عالووووه يالله تعالي كلي وياي يالله عاليه: مالى نفس رجاوي بروح احط راسي مصدعه بنام وراحت ظلت رجاوي بروحها بالاخير اخذت لها سندويش وعصير والباقي تركته .. باليوم الثاني بالمطار كان بدر ويا ابوه يخلصون اجراءات السفر وعاليه ويا رجاوي وسلمان واحمد احمد : لو سمحتي رجاوي ممكن كلمه وقفت رجاوي وتقدمت لعند احمد وقتها جا سلمان ووقف قريب من عاليه سلمان: عاليه لو سمحتي ممكن كلمه واسف ادرى يمكن ما تتقبلين مني هالكلام عاليه: تفضل سلمان: ان شاء الله لما اخلص هالكورس انا بجي لديرتكم وبخطبك من الوالد ابيج على سنة الله ورسوله عاليه تفاجأت ما قدرت ترد عليه سكتت من الكلام اللى اول مره تسمعه مع انه احساسها لما يكون موجود كان عادى لكن الحين تبدلت شوي حست براحه من يوم ما شفت موقفه وياها بالمشكله. سلمان : لا تقولين شي الحين بليز خليها بوقتها ومو مهم عندي شو راح يكون جوابك بعدها المهم علمتج باللى في قلبي من اول يوم شفتج فيه وبس يالله ارخصي لى مع السلامه وديري بالج على روحج تراج وربي غاليه على واااايد مع السلامه عاليه ما قدرت ترفع راسها من اللى سمعته: مع السلامه واول ما راح رفعت راسها تطالع فيه ياليت الجرح اللى بقلبي يطيب كنت اقدر احس باللى انت تحس به ... معقوله الانسان اللى بديت احبه واهواه يطلع بهالصوره. ورجع تفكيرها لما خطبها وكيف يوم الملجه واشلون كان يقول لها الكلام الحلو دايما حتى انها بدت تميل وتحبه وبالاخير يطعنها بهالشكل .. دمعت عيونها وهي تتذكر وغطت ويهها بايديها وبدت تصيح. ***************** بالليل قبل ما تنام اتصلت عليها العنود العنود: فديت العرووووووووسه انا مبرووووووووووك جواهر: ههههههه الله يبارك فيج ليتج وياي والله لو تشوفين حالتي اشلون ارجف بغيت اهرب وقتها جزيرة لحالي العنود: لحالك ولا مع سلطان جواهر: ياربي اسكتي عاد تطنزين يعني ما مريتي بهالحاله قبلي آآآه لو كنت معاى هنا جان انطردتي انتي بعد ويا اخواني هذا مرررره ما استحى ابد العنود: احلىىىىى رومانسية مو هذا اللى تبينه جواهر: شووو اللى ابيه يخلي خواني ليه يطردهم والله لو ما لساني مو قادر ينطق بكلمه كنت برد وبقوله خليهم احنا مستانسين فيهم العنود:ههههههههههههه احلى لحظات ذكرتيني بضاحي جواهر: ايه اشخباره العنود: يسلم وايد مشتاقه له الحين اتصل وانا طوفته عشان خاطر العيون الخضرا بس بعرف اشلون ارضيه ههههههههههههه جواهر: ههههههههههه اكيد الا صج اشلون ابو كرش راكان العنود: الحمدلله يسلم الا اقول متى راح تردين الديره جواهر: على نهاية الاسبوع بعد ما ارجع من بريطانيا العنود: اها سلمي على رجووووي وعاليوووو اوكي جواهر: ان شاء الله يوصل يالله الحين بخليج فديتج العنود: ديري بالج ومبروووك مره ثانيه وسلمي على حبيب القلب هههههههههه جواهر: ما بسلم يالله باي العنود: هههههههههه انزين يمه منج تخرعين تالى الليل.. تصبحي على خير جواهر: وانتي من اهله بعد ما سكرت جتها رسالة مع نفس الرقم هذي ثالث مره ياربي انا لازم اشوف حل مع هذا يا ترى حد يسوي فيني مقلب ولا شوووو بس نوفا ما تعرف الرقم يمكن مهووي او عبير بسألهم . اتصل سلطان ومخزنه رقمه على اسم الحبيب الغامض ههههههههه مدرى بس جا على بالها لين تعرفه زين وفجاه رد فكرها عند بدر تنهدت ليت بس ..... انتبهت انها ما ردت وعلى طول فتحت السماعه سلطان: السلام عليكم جواهر: وووعليكم السلام سلطان: هلا بهالصوت اشلونج جواهر : .....بخير وانت سلطان: الحمدلله بخير بسماع صوتج وشوفتج ..جواهر جواهر: هلا سلطان: اليوم انا اسعد انسان انى اخذت اللى تمناه قلبي وانتي جواهر بخاطرها يالله ايش هذا السؤال اكيد بيكون لكل وحده بيوم ملجتها فرحه حتى لو ما بينتها سلطان: جواهر وين رحتي جواهر: هني سلطان: بكره ان شاء الله مسافرين أي وقت جواهر: على 11 الصباح سلطان: بروح وياكم المطار ... جواهر: ماله داعي .؟ سلطان: اشلون ماله داعي ولا ما تبين تشوفيني يعني جواهر: لا ما اقصد بس لا تكلف عمرك سلطان: اكلف عمري للي يرخص له عمري جواهر اسحت من كلامه وودها المكالمه تنتهي يالله سلطان: اقول جواهر شو رايج لما ترجعين الكويت انا اللى اوصلج جواهر: بس انا بروح من هناك على طول يمكن مو بعارفه اسأل ابوي سلطان: اها طيب وان صار ورجعتوا قبل هنا اوصلك ابي اتعرف على عمي واهلك كلهم جواهر: ان شاء الله سلطان: اوكى بخليج الحين تنامين اكيد صحيتي بدري اليوم تصبحي على خير يالغالية جواهر: وانت من اهله سكرت وهي تحس بشعور غريب شوي وجتها مسج " تسلم عيون بالمحبة خذتني طال الزمان ولا تغير هواها ياما بريحان العواطف كستني واهدتني ازهار الفرح من رضاها تستاهل التقدير ياهي رعتني لكن انا وشلون بلحق جزاها " << ربي يخليج لي >> ابتسمت هذي من سلطان مدرى تحس بشعور غريب ناحيته يمكن لانه صار خلاص زوجها وشوي كانت بتقفل الجوال الا وجت رسالة من نفس الرقم الغريب وهالمره كاتب فيها <<مبرووك بس والله ما يستاهلج >> ردت عليه بدون ما تفكر << يستاهلني ويستاهل اكثر وانقلع >> قفلت الجوال على طول وراحت تنام . هني عاد عصبت من الخاطر وقررت انها تخبر اخوها عن المسجات اللى تجيها دايما **************** ليال: السلام عليكم اشلونج نوفا وشمسويه نوفا: والله تماموووووووو انتي اشلونج اشلون الاهل ليال: تمام ربي يسلمج وش قولج تيين لعندنا انتي ومها وعبير اخر الاسبوع بالمره ننبسط ويا بعض سوالف وبالمره اهو عيد ميلادي نوفا: اها قولي كذا من الاول تبين هدايا ههههههههههههههه ليال:ههههههههه يالدبه زين انى اكلمج وادعيج بس لا تيين هالاسبوع تيين اللى بعده اوكى نوفا: ورانا ورانا الهديه بتكون احسن نجيبها هالاسبوع ونخلص ليال:هههههههههههههههه هالله هالله بالهديه السنعه نوفا:ههههههه ولا يهمج ما طلبتي شي بعلم بنات عمي وان شاء الله اعلمج متى راح نجي ليال: زين يالله الحين اخليج وراى بحث انتي سلمتيه للمس ولا بعد نوفا:خلصته من غير نفس كلام بيني وبينج خليت شغالتنا تساعدني فيه ليال:يؤ يؤ والله فكرة بشوف بس وين شغالتنا احسها خبله يالله تعرف تطبخ وتخم الغبار وش راح تسوي تخترع لنا بعد بحوث ماظنتي نوفا:ههههههههههههه يالله اوكى اخليج الحين امي تنادي بشوف اكيد خلووود ملعوز الدنيا يالله مع السلامه نوفا: ايوه انا جايه وتنزل بسرعه ام نوفا: نوفا اتصلي على بيت بو احمد شوفي خالد عندهم ذبحني للحين ما جا ما يعرف ما احبه يتأخر على المغرب نوفا: وليه ما اتصلتي على جواله طيب ام نوفا: كله مسكر يالله فكينا عن الحكي الزايد نوفا:ان شاء الله طيب اوريك خلووودي اذيتنا والله بعلم عليه ابوي ... وراحت وهي تتحرطم بالكلام جواهر سافرت باليوم الثاني مع والدها وطبعا سلطان راح وياهم بالمطار سلطان: اقول جواهر راح توحشيني جواهر: ما بغيب سنة سلطان: ههههههههههه طيب ما راح اقولها الا لما تغيبين سنة جواهر بدلع: يا سلام تبيني اغيب سنة زين والله عرفت شنو تفكر فيه سلطان : الله يسامحج للحين ما تعرفين بايش افكر فيه ( آه لو تدرين باللى في قلبي ) ... انا بلحقكم بكره ان شاء الله جواهر من الصدمه: اشلون تلحقنا سلطان: ههههههههههه يعني ما تبين اجي وياكم مشكوووووووره بنت عمي ما عليج انبسطي بروحج بس اعرفي انه هذي المره الاخيره راح تكونين بروحج. جواهر: لا والله طيب ولا يهمك راح انبسط وبروحي سلطان: وربي احلى جواهر هههههههههههههههههه شوي وتجيها رساله على جوالها وتفتحها وتلقاها من نفس الرقم مكتوب فيها ( أنا مالي سوى حبك تدلل يحفظك ربي حبيبي .. يووووووووووووه ما أقصد ! نسيت أنك بعد عمري نسيت أنك قمر هالكون وبحبك والله أنا مفتون تبين الصراحة والوضوح وصمت يشغل البوح أنت اللي على عمري تموووووون وأحبك وين ما تكون !! سقرة سعيده ولو انك بشتاق لج موت ) جواهر عقدت حواجبها تفكر بهالمسجات يالله من هذا .... سلطان: جواهر من اللى مرسلك الرسالة جواهر: ها ولا شي سلطان ما حب يضغط عليها بس حس انه هالمسج اكيد وراها شي جواهر تفكر : ياترى اعلمه ولا لا اكيد بيسوي لي سالفة وبيقول لي من وين يعرفج هذا ومين صاحب هالرقم وبلاوي احسن اطنش وراح اعلم فهد لما ارجع ان شاء الله شوي ويجي ابوها : يالله جواهر بنروح الحين سلطان سلم على عمه: مع السلامه عمي تروحون وترجعون بالسلامه عمه: الله يسلمك سلم على الوالد يالله مشينا جواهر سافرت جواهر ويا والدها فرنسا واول ما وصلوا هناك بالصدفه اتصلت جواهر على رجاوي اختها اللى عرفت منها انه طايرتهم وصلت قبل ساعه باريس وعرفت اسم الفندق اللي ساكنين فيه لكن لما خبرت ابوها طبعا قال لها انهم خلاص حاجزين بالفندق لكن اكيد بيخليها تشوف اختها طول اليوم وتقدر تجي وقت النوم للفندق بعدين. سلموا الرجال على بعض ....... جواهر وهي تسلم على رجاوي وتضمها لها: فديتج رجووووي والله اشتقت لك يالدبه رجاوي وهي تضحك: لا والله خلى سلطان الحين يسمعج جواهر: اووووف منج يالله عاد عطيتج ويه قلبيه بسلم على بنت عمي وراحت تسلم على عاليه: فديتج عالوووه اشلونج وشخبارج وغمزت لها واشلون فصووووووولي هههههههههههههههههههههه عاليه سكتت وشافتها جواهر بلحظه حزن: عالوووه شنو فيج ليه نظرة الحزن بعيونج هني عاد عاليه ما قدرت تقاوم وجرت من قدامها وهي ماسكه ايدينها على ويهها وتصيح جواهر متفاجئه من هالموقف وطالعت برجاوي اختها : شنو صار انا بايش غلطت ابي افهم شنو فيها عاليه رجووي تكلمي رجاوي تلعثمت: ولا شي بس بس ... جواهر: بس شنو خبريني مو معقوله عاليه اشصار معها ابي افهم رجاوي: طيب تعالى جلسي انا بعلمج بكل شي بس انتبهي بليز لا عاد تكلمينها بالسالفه يكفي اللى صار معها نبيها تنسى شوي ..وخبرتها بعد ما خلصت جواهر: كل هذا يصير وانا وين ليه ما علمتيني مو اختك انا رجاوي: الله يهديج اشلون اعلمج احنا ما صدقنا انه افتكينا من السالفه الغبره بس تعرفين وقفه احمد اخوج ويانا (قالتها بهمس وهي تبتسم ) ورفيقه سلمان صراحه وقفه رجال ما ننساها لهم والله. جواهر: الحمدلله انهم كانوا هناك وساعدوكم ... وشوي رساله لجوال رجاوي ..طالعت بالجوال وابتسمت جواهر: اها يعني من احمد رجاوي: والله ما بينا أي شي بالتلفون لا تخافين بس يسأل عني وعن عاليه واخبارها من هذاك اليوم بكل يوم يرسل رسالتين مره الصباح ومره المسا وانا ارد عليه يعني من يومين وبس ما بيها تكون عادة لا تخافين جواهر: ههههههههههه كل هذا تقرير ما طلبته والله لكن زين اعرف منج مو منه وغمزت لها لا تنسين بعدين علميني باللى صار وياج انتي بعد .... يالله خلينا نروح لعاليه الحين جواهر: عالوووه فديتج فيني اروح برج ايفل فوق واطالع الدنيا يالله تعالي امشي ويانا وبعدين بابا عازمنا الجميع بمطعم قال عنه انه اكله مرررره حلو عاليه: اوكى بس العشا مابيه برجع الفندق جواهر بزعل: والله لو ما رحتي ويانا ما راح اروح هذا انا قلت انى بستانس وياكم وانبسط حرام عليج والله تخلين سلطان يقهرني عاليه: اوووه نسيت جواهر مبروك وسلمت عليها ... قربت جواهر منها وضمتها اكثر جواهر: الله يبارك فيج ويعوضج اخير منه ان شاء الله عاليه ان شاء الله قالتها بحزن رجاوي: يالله ترى ما بنتأخر بعدين شوبينج اوكى هذا انا قلت لكم جواهر:ههههههههههههههه ومن اللى بيدفع ان شاء الله هالمره رجاوي: الله يخلى بطاقات الائتمان يامكثرها وما اعتقد عموووووو سالم وعموووووو تركي بيخلوني ادفع شي ولا انتي شنو رايج جواهر:هههههههههههههههههه وانا اشهد يالله بنات تجهزوا وراحوا ويا ابوها وعمها لبرج ايفل طلعوا فوق التاور عند المطاعم مع انه عاليه كانت حزينه لكن انبسطت واستانست وكل تفكيرها كان عند سلمان تتذكر كلماته لما قالها ( لا تخافين انا معاج ما راح يصير لج أي شي وانا عايش ) جواهر: اللي واخذ عقلك ياحلوووو انت يا جميييييييييل رجاوي:هههههههههههههه تصدقين جواهر سلمان هذا وااايد انسان محترم جواهر: منو هذا سلمان بعد .؟؟؟؟ من وين طلع ؟ عاليه نزلت راسها بالارض تسمع كلامهم رجاوي: والله جد هذا الله يسلمج من البحرين وعايش طول حياته هناك ورفيق احمد اخوج جواهر: اها وشوي اخذتها للجانب الثاني من التاور اما عاليه ظلت مكانها تطالع وهي تتذكر سلمان ( وقفته معاى ما راح انساها ... لكن انا وين الحين ليه ياربي يصير كل هذا معي ) بدت الدموع تتجمع بعيونها وغصب عنها دمعه يتيمه لقت طريقها للنزل على خدها ولما جت بتمسحها جت عينها بعين واحد اجنبي كان يطالعها ويبتسم نادت عليها جواهر فعلى طول انتبهت ولحقتهم جواهر: عالوووه تعالي شوفي هذيك القلعه وااااااااايد حلوه اشرايج نروح نزورها بكره ان شاء لله وبالمره هناك مطعم قريب من المكان ومنتزه حلو داخل القلعه عاليه: جيت لها مره تتذكرين كنا ويا بعض ما ودى رجاوي: ولا انا بعد اشرايكم نروح منطقه ثانيه غير باريس ودي اروح الريف الفرنسي آآآآه ما احلاه جواهر :هههههههههه هي انتي اصحى من الروايات اللى تقرينها ...بس حلو نغير منطقه بنعلم بابا وعمي ما اظن راح يرفضون ... وبعدين راح نقولهم عالوووه تبي تغير المكان وغمزت لها عاليه ضحكت لاول مره بعد اللى صار: هههههههههههههه اها يعني صرت انا الشماعه اللى تعلقين عليها طيب جواهر ما عليج قولى اللى تبينه كم جواهر عندنا احنا جواهر قربت وضمتها : فديت قلبج علوووه وربي ما يستاهلج اللى... وسكتت. يستاهلج احسن منه واغلى وان شاء الله بتلقينه وتقولين بنت عمي قالت عاليه ردت وهي تفكر: الله كريم يالله تعالوا بننزل غريبه ما جوا معنا رجاوي: جالسين تحت يناظرون البنات الحلوات ما عليج بعلم الريم عليه ههههههههههههههههههههههههه ههههههه عاليه: من الريم جواهر: الله يسلمج هذي زوجة ابوي وايد حبوبه وصغيره بعدها بالسن ومعها ولدين تؤأم الوليد ومحمد عاليه: اها ربي يخليهم ... نفسي اشوفهم رجاوي: اقول جواهر جبتي صور الملجه ولا لا جواهر: غثتيني ع بالج هم وياي اشعرفني بلقاكم هنا اصلا وبعدين لسه ما طلعوا يدوب امس صارت الملجه واليوم احنا هنا رجاوي:شوفي هذول وع عليهم وربي لا جمال ولا اخلاق طالعي اللى هناك تلتفت جواهر ورجاوي المكان ويضحكون: ههههههههههههههههههههه فري فرييييي يايبه رجاوي: امحق فريييي ههههههههه عاليه تضايقت وودها ترجع: يالله بننزل تحت مشينا بنات نزلوا لتحت وطلعوا من هناك على الاسواق القريبه في شارع الشانزليزيه طبعا جواهر ورجاوي ما قصروا شنط وتنانير وبلايز اخر موديل اما عاليه فما اخذت شي وطول الوقت متى نرجع خلصونا .. لكن جواهر اخذت لها شنطه اما رجاوي فاخذت لها جاكت طويل من الجلد الاسود ومن هناك راحوا للفندق الكل بدل ملابسه وبعدها بساعتين راحوا على المطعم يتعشون بالمطعم اللى كان يطل على النهر وحلوووو بالمره منظر يخبل. *********** في الكويت حسن: هلا جسووووم اشخبارك ابو احمد جاسم: والله تمام انت اشلونك واشلون الديره والله ولهت عليها حسن: والله تمام انت متى بترد يالقاطع ما ولهت علينا جاسم: حشا يقول ولهت على عيونك الزرقا وشعرك الاشقر غشيم والله حسن:ههههههههههههههههههههه� �ه ايه صج كلامك الا اقول ما شفت لى وحده عيونها حمرا ولا شي جاسم: حشا تبي بنت ولا ذيبه حسن:ههههههههههههههههههههه� �ههههههههههه الله يرجك هههههههههههههه المهم اشلون الدراسه ان شاء الله تمام جاسم: الحمدلله ماشي حالها اقول حسن ما مريت على الاهل حسن: الا قبل امس والله تعرف عمي ما اقدر اخليه بروحه اذا ابنه قاطعه وراح بلاد بره جاسم ابتسم: ربي يخليك ادرى اخو واكثر من اخووو بعد حسن: المهم ما نطول عليك انتبه لنفسك اوكى ولا تنسى تدور على بنت حلوه تجيبها وياك جاسم: ههههههههههههههههه ولا يهمك ما طلبت شي يالله بحفظ الله حسن: مع السلامه سكر حسن ومن هناك اخذ سويك سيارته وراح على بيت عمه عبدالله ابراهيم: هلا والله ابو علي اشلونك سلم عليه حسن: الحمدلله بخير انت اشلونك ابو خليل اشلون غادووووه حبيبة قلبي زوجتي ابراهيم: لا والله انا انجنيت اخليك تاخذ بنتي وتصير ريلها حامض على بوزك حسن:هههههههههههههههه اصلا لو تبينى ماحد يقدر يمنعها بس وينها والله لها وحشه ابراهيم: اكيد ويا الشغاله هالحزه تلاعبها لحظه بشوفها يروح ويجي بعد شوي ومعاه غاده حسن من شافها قدم ايدينه لها وهي على طول راحت وياه: فديت قلبج وروحج يا حياتي انتي مو قلت لك تحبني تهواني مالك عذر الحين ابراهيم:ههههههههههههههههه ايه طيب طيب نشوف لما تكبر ان ما عافت هالويه حسن:افاااااااااااا غادووووه انا مين غاده: حتن بيبي حسن: الله واكبر وربي قالتها سمعتها حبيبي ابراهيم: ههههههههههههه وانا اقول ليه طايح عندنا بالساعات تسولفها وتدلعها عشان بس تسمع هالكلمه حسن: حبيبي شو حسن جاب لج معاه ويطلع من جيبه حلاوه اول ما شافتهم برقت عيونها من الفرحه : حوااااوه حسن: فديتها ..يالله كلهم عشانك ابراهيم: حسنووووه لا تخرب اسنان بنتي فهمت حسن: ما عليك الله يخلى معجون الاسنان بالاسواق اكيد تدله ... الا وينها خالتى ما شفتها ابي اسلم عليها ابراهيم: والله مع المعرس يجيبون شويه اغراض ما اظن بيتاخرون تعشا هني عندنا حسن: لا والله ما اقدر بروح البيت الوالده بروحها تعرف بدر وابوي سافروا ابراهيم: الا صج استغربت لما اتصل على بدر يقول لى احجز لى بسرعه في الطايره اللى رايحه لندن ولا تعلم احد ولا كلمنى من وقتها ومسكر جواله حسن فج عيونه وتفاجأ: ايش يعني اهو ما راح ابد الى مصر ابراهيم حس انه غلط لما قال لحسن: امممممم هو قالك راح مصر حسن: وابوي راح بعده بساعات بنفس اليوم لندن عشان رفيقه لا المساله فيها شي انا بتصل الحين على الوالده تعطيني رقم ابوي لحظه .... وينادي على الخدامه تجي تاخذ غاده ابراهيم: حسن شنو بايش تفكر حسن: لحظه ..ايوه يمه اشلونج حسن: لحظه ..ايوه يمه اشلونج ......... حسن: طيب اعطيني رقم ابوي ابي اكلمه ......... حسن: لا بس اكلمه عشان يجيب لى شي وياه من هناك تعرفين عشان ولد عمي حسن هديه عرسه ......... طيب يالله ارسليه اوكى انا انتظر يالله مع السلامه ...... حسن: فيه شي اكيد صار شي كايد ولا ما يروحون لهناك على طول لحظه ..... ويتصل مره ثانيه على رقم عاليه اخته حسن: ماكو تعذر ليه مسكره جوالها ابراهيم: منووووو حسن: عاليه اختي مسكره جوالها اكيد فيه شي صار معها اشلون اثنيناتهم يروحون مره وحده ابراهيم: الحين انت لا تقعد تفكر بافكار بايخه ما صار الا كل خير ان شاء الله لما يوصلك الرقم اتصل وبتعرف كل شي شوي ويجيه الرقم ....... اتصل على ابوه اللى طمنه انه ما فيهم شي بس عاليه تعبت شوي وكانت بالمستشفى والحين بخير وعطاه الجوال يكلمها وتطمن عليها وكلم اخوه بدر ولما تطمن انهم بخير خبر ولد عمه ابراهيم . ************** عبير: مهووووي يالله عاد قلت لج خليني بروحي مها: تعرفين احسج هاليومين متغيره من يوم ما رجعنا من المزرعه عبير: ها وش يعني متغيره شمسويه مها: مدرى لا يكون صار شي من وراى عبير: اقول لج شي والله بااايخه ماعندك سالفه يالله خلينى اناااااااااام وراى دوام بكره مها: يالله طيب خلاص نامي بروح افر بالمنتدى اشوف وش الجديد اللى فيه ( اشتقت لغريب الدار ومواضيعه لى فتره ما شفته بالمنتدى اكيد مشغول ) وهي تلف بالمنتدى وترد على المواضيع شافت دخول غريب الدار ارتاحت بشوفته وبدت تعلق على بعض المواضيع وشوي جتها رساله استغربت فتحت الرساله الا وهذي هي من غريب الدار السلام عليكم ورحمة الله وبركاته السموحه منج اختى الكريمة ..بس حبيت اسجل اعجابي بشخصيتك القويه والاحترام المتبادل بين الجميع واللى تفرضينه على الكل بدون طلب وانا جد سعيد اني اكون واحد من اعضاء هذا المنتدى وانه اقرا ما تكتبه اناملك الطيبه من مقالات رائعه لكي كل التقدير والاحترام غريب الدار مها ابتسمت اها يعني معجب بشخصيتي ما عليك ...بعدين بيكون سوالف غير الاعجاب ما يعرف انه انا ما اكلم حد من المراقبين هنا ابد الا اذا ابي اوجه لهم رسائل عشان شي محدد بالمنتدى يالله وش لى فيه المهم انه عضو فعّال بالمنتدى ومواضيعه ومشاركاته حلوه وهذا اللى ابيه وانه بعد يجيب اعضاء يعرفهم للمنتدى بفكر مره برد عليه بس مو الحين من اولها لا يقول ما صدقت ابي القى رساله منه ..اخلص من تركيب الاستايل الجديد للمنتدى وبعدها ارد عليه عبير جت بتنام الا وهذا اتصال لها من نوفا نوفا: سلامووو عليكم يا بنت عمي اشلونج عساج طيبه مرتاحه عبير: الحمدلله تمام بسماع صوتج كنت بنام نوفا: انزين ليال عازمتنا هالاسبوع بالويك اند عيد ميلادها وبالمره وناسه بنات ويا بعض ها اشقلتي عبير: مدرى والله بخبر مها بكره الحين ما فيني اقوم من الفراس وراى دوام يالله نوفا تصبحي على خير نوفا: يوووه طيب طيب يالنوامه تصبحي على خير ولا تنسين اوكى عشان ارد عليها مع السلامه عبير سكرت من عندها ونامت خبرت اختها مها اليوم الثاني اللى عجبتها الفكره وبالمره انها تغير من جو البيت خبروا الوالده الوالده رفضت بالاول: ليه تروحون انتوا ما تعرفونهم ولا يقربون لكم شي وبعدين هذي اخت حرمة محمد الله يرحمها يعني من بعيد مها: يممممه حرام البنت سوت تلفون تعزمنا يعني نرفض ونقول لها الوالدة رفضت ما تبينا نجي لعندكم وبعدين اهي راح تجي اكيد لعندنا الوالدة: طيب طيب فكينا من حشرتك الحين انا بروح لعند خالتك وما بتأخر مها سلمت على امها وضمتها: فديتك يمه سلمي على خالووووو *************** في فرنسا اليوم الثاني راحوا الجميع الى ليون وانبسطوا هناك ورجعوا بقطار المساء لباريس اليوم الثاني راحت جواهر ويا ابوها الى لندن جلسوا يوم واحد شافوا فيه احمد واستانسوا ويا بعض احمد: جواهر جواهر: هلا احمد: تصدقين احبج واااااايد جواهر:ههههههههههههه طيب ومين بعد احمد: واحب رجااااااااااااااااااوي فوق ما تتصورين وربي الحين مشتاقه لها ليتها معنا هنا جواهر: ياعيني على الرومانسية ...بس احمد اقول هذي اختي لا تلعب عليها سمعت حرام عليك احمد وبدا يعصب: ليش شايفه البنات يجون البيت يتشكون مني عند الوالد جواهر: اسفه ما قصدي بس انتي اشتبي اخر شي احمد: ابيها زوجة يعني ابيها ايش ..؟؟ نظر لاخته وحرك راسه اشتفكرين فيه انه انا من الشباب اللى ما عدهم سالفه يركضون ورا بنات الناس يخربونهم وبس جواهر: انت غير طيب بتعلم ابوي ولا لا احمد: بعلمه ان شاء الله بس مو الحين لما ارجع بالاجازه اخلي هالشي احسن لبعدين اشرايج جواهر: طيب ولا بتعلم احد احمد: يالسوسه اكيد انتي اللى قايله لفهد اخوي شي جواهر:هههههههههههههه وربي ما قلت له شي ليش اهو سألك احمد: ما فكني امس الا اقل له اش اللى فيني بالاخير من حشرته قلت له اانى احب وان شاء الله قريب لما ارجع بخبره بكل شي ..ونفس تفكيرج لا تلعب ببنات الناس ومن هالخرابيط جواهر ابتسمت ومسكت ايد اخوها: فديت اخوي اللى بيكون زوج اختي واستفربت وفجت حلقها ..اشلون تجي ههههههههههههههههههههه؟؟ ضحك منها احمد وكملوا سوالف ويا بعض ...اليوم اللى بعده راحوا الى ايطاليا وبالصدفه في الجناح وهي تمشط شعرها وتجهز روحها بيطلعون يتمشون شوي في روما .. الا ابوها رن عليها بالانترفون يقول لها ابوها: جواهر خلصتي جواهر تركض بسرعه لعند الانتر فون وترد : انا هنا بابا بس دقايق اوكي ابوها: اوكي اجهزي وتعالى لا تطولين عندي لج مفاجأه اوكى جواهر: طيب يايه الحين. وما انتظرت على طول كملت تسريحة شعرها وربطته بمشبك وحطت لها جلوز خفيف طالعت بتنورتها كانت لابسه تنوره جينز طويله مفتوحه من جانب واحد ولابسه معها بودي احمر علاقي وعليه جاكت ازرق اكمامه طويله بس ما لبسته تركته على الكنب وقالت بتشوف المفاجاه وبعدين بتكمل لبسها فتحت الباب المشترك اللى بين عرفتها وغرفة ابوها .... ودشت المكان وهي تتكلم جواهر: انا هنا بابا شنو المفا.......... وتطالع بعيون عسليه وساع وشعر كستنائي غامق ولابس تي شيرت قميص بيجي مخصص عند الاكمام وعلى جانب واحد بس ولابس بنطلون اسود طالع مرررررررررره كشخه اول ما شافها وقف وابتسم: اشلونج جواهر جواهر بعدها متصنمه مكانها ما عرفت اشلون سلطان هنا ابوها: ها وش رايج بهالمفاجأه توه داش على الجناح جواهر كانت فاجه حلقها وتوها عرفت انها كانت مو لابسه الجاكت ولا شي على شعرها وركضت على طول غرفتها وسكرت الباب وهي تتنهد بقوة شوي بعد ما هدت راحت ولبست الجاكت والبوت وحطت شيلة على راسها من غير ما تلفها ودشت مره ثانيه الغرفه سلطان وهو يناظرها ومبتسم: ماشي الحمدلله على السلامه ابوها:ههههههههههه وانا قلت مفاجاه حلوه مو مرعبه جواهر تنزل راسها بالارض وهي مستحيه وحمرن خدودها اكثر: الحمدلله على السلامه سلطان قرب منها وحبها على راسها: الله يسلمج انتي اشلونج ترى نوفا تسلم عليج واااااااااااايد مشتاقه لج وتقول لج لا تنسين هديتها من كل مكان جواهر هني رفعت راسها وطالعت فيه : ههههههههههه طراره وتتشرط بعد لكن ولا يهمها الدبه اجيب لها احلى هدايا من كل مكان ابوها: يالله خلصتي جواهر بنروح جواهر: اوكى بجيب الشنطه بس راحت غرفتها وتحجبت زين واخذت شنطتها والجوال وطلعت معاهم ..كانت الفسحه حلوه تفرجوا فيها على روما اول مره تجي ايطاليا دايما يروحون اسبانيا او بريطانيا وفرنسا ...... وبعد ما خلصوا الغدا جاء رجل متقدم بالسن تقريبا في حدود ال70 من عمره وتقدم من ابوها وناداه باسمه التفت ابوه اول ما شافه وقف وصافحه وسلم عليه وبعدها عرفه بابنته وبزوجها الرجل يقول لسلطان: انت محظوظ انك اخذت وحده بهالجمال ..ومحظوظ اكثر انه هاللى قدامك يكون ابوها سلطان رد عليه: انا محظوظ من قبل لانه عمي سكت الرجل اما تركي فعجبه رد سلطان على الرجل..جواهر كانت تستمع لهم وهي تبتسم من بعدها سمعت ابوها يكلمها ابوها: اقول جواهر الحين بعد ما خلصنا الغدا روحي ويا سلطان للسوق واشتري اللى تبينه بكره ان شاء الله بالليل طيارتنا بنرجع لازم اكون هناك عشان المشروع الجديد جواهر : لا بس خلاص ما بي اذا ما بتروح وياي ابوها: ما فيني يا بنتي والله لازم اشوف هالريال الحين واكلمه لانه مسافر بعد 3 ساعات وفرصه ولا كنت بروح له سفره ثانيه واجتمع فيه.. وزين لاقيته. سلطان: ما عليك يا عمي روح وبوديها السوق ومن هناك نتعشى وبنرجع بعدين ابوها: خلاص يالله اشوفكم على خير .. استاذن سلطان ومسك ايد جواهر وطلعوا من المطعم ومن هناك على السوق ...لفت بالمحلات وما كان يتكلمون وايد مره استوقفهم واحد بالشارع يبي يرسمها لانه عيونها اسرته طبعا سلطان ما وافق بالبدايه جواهر بدلع: بليز سلطااااااان خله يرسمني ابي اشوف اشلون راح يرسمني اول مره احد يرسمني سلطان بخاطره: انا اول من رسمك بقلبي وبعيني من يوم ما شفتك وبعده رسمك موجود عندي جواهر: وين سرحت يالله بليز سلطان سلطان: اوكى خلاص يالله بس لا يطول وكلم الرسام بعد تقريبا 20 دقيقه خلص الرسم وكانت الرسمه تهبل فعلا اجاد رسم عيونها . شكروه واعطاه سلطان فلوس بس رفض وقال هي هديه مني للحلوه اول ما سمع كلامه سلطان حس بالغيره ولزم عليه الا ياخذ الفلوس واخذها كان سلطان طول الطريق ساكت لاول مره يحس بالغيره ... جواهر ما تكلمت لفوا بالمحلات واخذت لها هدايا لبنات عمها واخوانها ..وبالاخير جلسوا بمطعم ياخذون لهم عشا خفيف كانت جواهر تطالع الناس اللى حولها ومبسوطه جواهر: بتظل ساكت وايد ليه ما تسولف ترى مللت بي سلطان: مللت بك ولا بعدك تتذكرين كلمات الغزل من هذاك الرسام جواهر: اوووه انت ليش كذا فكر ضيق هذا رسام ومو انا اول وحده توقف قدامه ياكثر المودلز اللى وقفوا بدون يعني انا وجه يمر عليهم بكل يوم الالاف منه سلطان: اوكى خلصنا بايش تبينا نسولف جواهر: اممم انت ليه خطبتني سلطان: ردينا للسالفه خطبتك لانج بنت عمي وابيج وما راح القى احسن منج جواهر بخاطرها دايما يقول ابيج ابيج ما يقول لى احبج ياربي وش اسوي فيه هذا ابد ما عنده رومانسيه الضايعه معاه سلطان: بايش تفكرين جواهر: ها ولا شي طيب سلطان: وانتي ليه وافقتي جواهر نفس رده: لانك ولد عمي وراح تصوني وتهتم فيني ولا راح القى احسن منك سلطان بخاطره نفسي اسمع منها كلمه احبك يا سلطان يا ترى متى راح تحبني هالبنت اللى مجننتبي جواهر: والحين من اللى جلس يفكر سلطان: هههههههههه وحده بوحده حلال عليكم حرام علينا يعني .. وكان يلعب بالجوال اللى قدامها جواهر: لا تلعب بجوالي تخربه ترى بتجيب لى غيره سلطان: اجيب لك اخر نوع بعد ولا يهمك وبالصدفه وهو يكلمها فتح الرسائل الوارده وشاف اخر رساله بدت عيونه تزيغ من مين هذي الرساله سلطان: من هذا اللى مرسل لك هالرساله جواهر اخذت جوالها منه بسرعه: انت ليه تفتح رسائلي تبي احد يتلقف ويفتح جوالك سلطان قدم لها جوالها وقال لها: خذيه وافتحيه لو تحبين ماعندي شي اخبيه جواهر طالعت فيه بتكبر: وانا ما عندي شي اخبيه لكن مفروض تستاذن بالاول سلطان: من اللى مرسل لك اخر رساله جواهر تتذكر ايش اخر رساله الله هذي من اللى ما تعرفه المجهول يوووه ونست ما تمسحها من جوالها ..بارتباك شوي : من مين ما كان يكون سلطان مسك ايدها وقرب منها: انا قلت من وين هالمسج اللى بجوالك جواهر: فك ايدي آي عورتني قلت لك من مين ما كان يكون انا اشعرفني فيه سلطان: لا باين ويقول لك سفرة سعيدة وبشتاق لك جواهر: شوف تصدق ما تصدق انت حر انا قلت ما اعرفه وبس ويالله مالى نفس اكمل عشا بروح ووقفت على طول سلطان مسك ايدها وجلسها مره ثانيه سلطان: لما اقول انا متى نروح راح نروح فهمتي جلسي الحين وتعوذي من ابليس بتروحين تحبسين روحج بالغرفه طول الوقت ... واعرفي شي ترى انتى الحين زوجتي يعني سمعتك من سمعتي ... أي حركات كنتي تسوينها بديرتك عندنا غير واظن انتي شايفه حياتنا اشلون جواهر طالعت فيه بنظرة غضب وتجمعت الدموع في عيونها يظن اني بنت سهله بهذا الكلام واني اكلم شباب طيب والله لاوريك يا سلطان وجت بترد عليه بس قالت احسن اسكت ومفروض انا اعلم حد من خواني على هذا اللى يطرش لى مسجات ما اتبهدل ويا هذا السلطان وانا اللى قلت عليه ما عنده كلمه يبي يفهمني انه يقدر يتحكم فيني ..بس بعيده عليه سلطان وقت اللى راجعين فيه الفندق كله متلوم من نفسه اشلون قلت لها هالكلام اول ما جت جواهر لغرفتها رمت الاكياس على الارض وجلست على السرير طلعت جوالها وجت على طول الرسائل الواردة وجت بتمسحها بس توقفت ..لا بخلي فهد يشوف لى الرقم ضروري لازم سكرت جوالها وجلست تصيح لين نامت صحت بعد ساعتين بدلت ملابسها وجلست تقرا شوي قرآن وبعدها رجعت تنام سلطان بغرفته كان مررره معصب من هذا اللى يكلمها يا ترى اهي تعرف احد قبل اكيد حياتها هناك فري وما تتغشى اكيد بيكون عادى تتكلم مع احد قبل وتتعرف عليه وبعدين اهي حلوووه مو حلوه الا تذبح بعيونها آه يا جواهر لو تعرفين اشكثر انا اموت على التراب اللى تمشين عليه ... سلطان او لما شاف جواهر تحت ببهو الفندق سلطان: صباح الخير جواهر: صباح النور سلطان: بعده الحلو زعلان ابوها: وانا اقول ليه متغيره سلطان بدينا من الحين تزعلها سلطان: والله ما زعلتها وان كنت زعلتها ترى انا آسف وحقج على وهذا راسج ابوسه وتقدم وحب على راسها ابوها: يالله روحوا تمشوا ولفوا بالمدينه شوي ما فيني على اللف والدوران كبرت وبنفس الوقت بخلص شغل معاي وبنتغدى وبنرتاح شوي ومن بعدها بنروح المطار جواهر ما ردت ولا شي وتقدمت من الباب ..... اخذوا لهم تاكسي يلفون بالبلد وبعدين خذاها لمحل تحف وهدايا اخذت منه تذكارات الجزء العشرون الفصل الأول في المطار بعد ما سلم على فهد اللى جته مكالمه ورد عليها التفت على جواهر سلطان: توصلون بالسلامه ان شاء الله وانتبهي على الدراسه نبي نسبة حلوه عشان تكون الهدية حلوه جواهر: لا والله يعني لو ما اكو نسبة ما راح القى هدايا فديتني انا بتييني الهدايا من كل صوب مو ناطرة هديتك سلطان متفاجأ من ردها ( انا وش قلت عشان تقول هالكلام ) سلطان وحب يغيظها اكثر ورفع صوته شوي عشان فهد يسمع هالمره لانه كان مشغول يتكلم بالجوال سلطان: هديتي انا اكيد بتكون غير لانه سلطان ولد فهد هو اللى فكر فيها واختارها وانا من انولدت ما احب اختار الا احلى واجمل واغلى الأشياء ( كان يقصدها بهالشي ) جواهر سكتت فهمت من كلامه الاخير انه يقصدها بس بعدين ردت عليه جواهر: يمكن الأشياء الحلوه اللى تختارها مرات ما تكون مرغوبه ..... سلطان: انا ما اختار الا اللى انا مقتنع فيه مو مغصوب عليه جواهر حست هني بارتباك اش القصد من كلامه ... يقصد انه مو مغصوب على لا لا ما اظن لما سألت نوفا عارفه شي عن هالموضوع يعني اكيد ما تبي تعلمني وبعدين راعي المسج اكيد يعرف سلطان واكيد يعرف عني ولا ما يطرش مسجات في اوقات ما اتوقعها ..جواهر جواهر يالله جواهر التفت : ها شنو قلت فهد: قلت يالله خلاص بنروح الحين سلطان قرب ومسك ايدها وطلع شي من جيبه صندوق مربع ومغلف سلطان: افتحي هذا لما توصلين ان شاء الله وراح اتصل ان شاء الله اتطمن عليكم ..... تروحون بالسلامه قالها وهو يشوف فهد مشوا للطياره وجواهر طول السفره وهي تفكر ايش اللى بالصندوق ..لقافه تبي تعرف بس قالت لا احسن لما اوصل مثل ما قال اخذت لها القرآن وبدت تقرا ما حست بالوقت ...... نامت شوي على كتف اخوها فهد وبايدها القرآن ما سمعته الا يكلمها انهم وصلوا الكويت .... بعد الاستقبال في المطار طبعا استقبلها ابراهيم ووياه كانت غاده اللى من شافتها جواهر جلست تبوسها وتحضنها جواهر: فديت هالويه انا فديت غدوووه الحلوه جعل يومي قبل يومج فهد: وش هالكلام الحين جواهر ولا اهتمت: فديت حبيبي انا وين راحت عموووووووه غاده: عموووووه واهر جواهر: فديت هالكلمه انا وااااااي بتخبل بي هالبنت والله ابراهيم: ولييييييه ازعجتينا ما عليه بتعرسين وبتيبيين درزن منهم بتشبعين وبتملين بعد تبيين الفكه جواهر: يؤ فديت عيالي انا اللى بعدهم ما جوا ..... وفديت هالبنت اللى قدامي وراحت تحضنها وتبوسها فهد وابراهيم ضحكوا على تصرفاتها ... بعد ما وصلوا والسلام وطلعت جواهر لغرفتها تبدل ملابسها حطت الكيس على الطاولة وشوي تذكرت الصندوق راحت على طول وافتحته لقت فيه سلسلة جوال ذهب ابيض ويا فصوص الماس عباره عن قلب مقسوم وبطاقه مكتوب عليها " معج نص قلب ومعي النص الثاني..... واتمنى اشوفهم مع بعض قرييييب" جواهر( ياربي شنو هالكلام الحلو ...بس ليه ما يفكني ويقول بصراحه اذا يحبني او بس مغصوب على لاني بنت عمه ..والله ما اسأله بخليه وبشوف اخرتها معاه وين بنوصل) ..................................... الكل في دراسته لاهي والعلاقه ما بين رجاوي واحمد بكل يوم تزيد ...رجعت روضة من الامارات وكملت الجامعه نفسيتها صح تعبانه بس مع تشجيع اهلها لها وصاحبتها ووقفة ولد عمها وخطيبها معها خلتها تكمل الجامعه وهي مرتاحة.... والشباب بعد صارت علاقتهم قويه مع بعض طلعات وتجمعات ونادر ما يطلعون البنات معاهم سينما او مطعم .... ............................... العنود ويا جواهر بالمول يتشرون بعض الأغراض من باريس غاليري العنود: وااااو هالعطر وايد احبه بشتريه جواهر تجي وتاخذ العطر منها وترجعه مكانه: نعنبو دارج كل ما اروح وياج تيبين بس اكياس العطور والله لعلم عليج ضاحي بقوله كل الفلوس راحوا بالعطور العنود: فديت بس طاريه علمي عادي بيقول لج لو تبي اكثر انطيها عيوني جواهر: ماظن عيونه بتنقلب الى غرشه عطر تضربها العنود على كتفها: بنشوف وقت عرسج شنو بتسويين زين اذا ما خميت المحلات كلها باللى فيها جواهر: والله انا بخمهم الا بخليه هو يخمهم لي ويجيبهم لغايه عندي العنود: اوب هذي قويه عاد بنشووووف يا جواهر الخليج هههههههههه الا اقول وشخبار الحبيب الغامض جواهر: نفس الشي سلام وشخبارج واشلون الاهل شنو تسوين وبس ما نطق ابد.... ولا حتى سألني عن الهديه اشرايي فيها تصدقين عاد ..قهرني والله بحركته وانا ما اهتميت بعد ما شكرته.... ولا راح يقولها اعرفه ماخذني بالغصب بس انا بصبر بعد شهر ولما نخلص الدراسه بطلب الطلاق خلاص اخليه يروح لحاله وانا اشوف حياتي العنود: انتي ما تيوزين عن هالكلام اشلون ماخذج غصب شوفي لو غصب ماراح يكلف على نفسه ويكلمج بالاسبوع مرتين وثلاث فهمتي وبعدين ليه ما تسألينه جواهر: تبيني اضيع كرامتي قدامه واقول له انتي تحبني ولا لا ....ماخذني غصب ويشفق علي وقتها لا والله ما اسأله العنود: عيل لا تنطرين انه اهو يجي ويقولج... ابيج تشيلين هالشي من راسج يا بنت الناس لو ما يبيج ما تزوج وبسرعه ملج بيومين صار كل شي ابي افهم علميني مو هذا ماله شخصيه ولو بطلب أي شي بينفذه لي وين لما قلتي ما ابي تراجع ولا شي الا مصمم يملج فيج وبعدين هالمسجات وانتي عرفتي مصدرها يعني كلها السالفه جذب بجذب جواهر: اخر رساله مو جذب انا حاسه انها صج حتى لما سألت مره نوفا ما جاوبتني ابدا وسكتت العنود: بتيننيني انتي اقولج ليه يتصل ويكلمج اذا هو ما يبيج جواهر: آه بموت قهر عنودي ...... مو حاس والله فيني .... يبين انه طيب وحنون بس مدرى احبه او اكرهه لما اكلم نوفا وتخبرني عنه سوالف اقول اشكثر هو حنون وطيب واحس وقتها اني احبه..بس انا ما اعرف ما عاشرته زين بس مدرى والله عمره ما قال لى احبج ما قالها لي والمفروض بكل واحد لزوجته يقول لها هالكلام صح ما حسسني انه مرتاح معاي مدرى اشلون بعدين لو هذي علاقتنا الحين اشلون بعدين ... فهمتي العنود: بيجي يوم اكيد وبتسمعين منه احبك وااايد وبالاخير بتملين منها يوتطلبين لا يقولها لج جواهر: ما راح امل بس هو يقولها ...وحتى ما يقول اشتقتي لي او شي من الكلام الحلو بالله ضاحي ما يقول لج هالكلام العنود: يقول جواهر حبيبتي اسمعيني ما بيج تخربين حياتج وانتي ما بديتيها بعد اشلون تطلبين الطلاق فكرج اهلج بيوافقون جواهر: اهلي ما راح يرضون لي اني انظلم وياه وما اكون سعيده العنود: انتي حاولي من ناحيتك تقربين منه شوي حسسيه انج مهتمه فيه بالله تسألينه شنو سوا او اشتاق لج او ما بيي يشوفج جواهر: بصراحه طلب يجي يشوفني بس انا صديته وقلت له وراي دراسه العنود: اها يعني يت منه بالاول انتي بس هذا اللى مقفل مخج تبين بس اهو يقول احبج واهو يقول اشتاق لج واهو يبتدي بكل شي ولما قال بشوفج قفلتيها بويهه ترى انتي ظالمه جواهر: بس خلصنا من سالفة الحبيب الغامض خلنا وياج انتي وضاحي الا ما قلتي لي وين رايحين شهر العسل علميني العنود من سمعت طاري ضاحي استحت: سر حتى انا ما اعرف للحين ههههههههههه جواهر: والله العنود: ايه ما يبي يعلمني ابدا يقول بنفس اليوم تعرفين وانا مجهز كل شي جواهر:ربنا يسعدكم ان شاء الله بس ها يا ويلج اذبحج ترى لو نسيتي رفيقه عمرج العنود: ليت عند ضاحي اخو توأم كنت بوافق تتركين سلطان وتتزوجينه عشان نظل بنفس المكان مع بعض جواهر: يا ريت والله هههههههههههههههههه بس عادي ملحوقه اشرايج اتزوج ضاحي وياج تعرفيني ما راح اتعبك موليه العنود بعصبيه: لا والله ترضين اتزوج سلطان جواهر: خذيه كله لو تبين من الحين حلال عليج ههههههههههههههه العنود: ههههههههههههههه الله يغربلج عدوينج يالله خلينا نكمل شوبينج ........................... وهم رايحين يكملون سوالف وضحك يجي واحد يعترض بطريقهم .........: اقول الحلوين لوين رايحين العنود: خلك بروحك احسن لك يوز عن طريقنا .......: الرقم هو ********* واستقبل مكالمات الحلوين وبس جواهر: من زينه يوم تقطه علينا وخر عن دربنا ابرك لك ولا وربي بالنعال ونزلت تلمس رجلها ..لما شاف حركتها على طول بعد العنود:هههههههههههههه يغربلج شنو بتطلعين النعال تكفخينه فيه جواهر: لا بس تهديد ههههههههههههههههههههه ...................... نوفا طلعت بعد العشا لغرفتها وشوي وجا لعندها سلطان نوفا: حيا الله سلطان سلطان: قلت اسولف ويا اختي الحبوبه لو ما وراج مذاكرة نوفا: ملينا منها سلطان: نبي نسبة ترى نوفا: ولا يهمك بس انت جهز روحك للهديه سلطان: تامرين اللى تبينه شكولاته جالكسي سنكرز أي حلاوة نوفا: لا والله تلعب علي بشوي حلاوة لا بوديك مكان ما ابي وعلى راحتي وانت تدفع سلطان:ههههههههههههه ما تنعطين ويه انتي نوفا خلت روحها زعلانه: طيب خلاص ما نبي شي يالبخيل سلطان يقرب منها ويسلم على راسها: كم اخت عندي انتي بس جيبي النسبة وفالج طيب نوفا: ايه قول كذا ياخوي يا حبيبي سلطان:ههههههههههه الا اقول ما كلمتي جواهر هالفتره نوفا: الا مكلمتها امس ليه قالت انك انت تكلمها سلطان: ايه اكلمها بس احسها تكلمني بدون نفس نوفا:ههههههههههه يعني الحال من بعضه سلطان يطالعها: اشلون يعني ما فهمت نوفا: هي بعد تقول لي انك تكلمها بدون نفس دايما سلطان وهو مستغرب: انا لا والله بالعكس بس مدرى احس اني لو بقول لها كلام بتزعل ولا بتغير السالفه والله مو عارفه هالبنت من وين اجي لها نوفا بتردد: اقول سلطان علمني الصح ..انت ماخذها بالغصب سلطان: من قال هالكلام نوفا: صح ولا غلط يعني ما كنت تفكر فيها وابوي قالك تاخذها ..انا سمعت مره طلال يعلم امي بالسالفة سلطان: ابقولج كل الحكايه وجوابا على سؤالك ايه صح ابوي اول من قال نوفا: حرام سلطان ليه تلعب بمشاعرها وليه تاخذها لو انت مغصوب عليها وليه تمثل علينا انك تبيها حرام والله جواهر ما تستاهل كل هذا منك ... من يوم ما شافت المسج وعلمتني وهي متضايقه سلطان:أي مسج نوفا بارتباك: ها انا قلت مسج لا ما قصدي اقصد لما هي قالت لي سلطان: نوفا انت مخبيه عني شي ما اعرفه .... مسج شو علميني ابي اعرف نوفا بخوف: ماشي بس سلطان خلاص السالفة راحت سلطان وهو جد وبدا يعقد حواجبه : اقول نوفا من اللى يرسل المسجات لها نوفا: انت تعرف عن المسجات وليه تسأل سلطان: لا ما اعرف استنتجت من كلامك يالله ابي السالفه من اولها انا اسمع نوفا: بس توعدني ما تقول لها شي ولا تقول لأحد اني علمتك سلطان: ليه فيه احد يعرف غير جواهر نوفا منزله راسها: محمد وفهد سلطان: وانا اخر واحد زوجها اخر واحد طيب يا نوفا قولي ابي اعرف خبرته نوفا بالمسجات واشلون اخر مسج كانت وكيف عرفوا من فهد مصدرها وبالاخير اش صار سلطان: كل هذا وانا وين ..وليه ما علمتيني انا من البدايه عشان اضع لهالمسجات حد نوفا: هي قالت بتعلم فهد بس تأخرت وسافرت ونست لغاية اخر مسج ما شافتها سلطان: الله يسامحج مشاعل تهدم حياتي عشان ايش نوفا: يعني ما تعرف انها تحبك سلطان باستغراب فاج عيونه: تحبني ليش ما عمري قربت صوبها ولا فكرت فيها ابدا نوفا: الحب من طرف واحد سلطان: لو صدق تحب ما تأذي اللى تحبه بس هذي قلبها اسود نوفا: خلاص عرفت غلطتها مسكينه اخوها ما يخليها تطلع أي مكان سلطان بغضب: تستاهل اكثر بعد نوفا: من كذا يمكن جواهر تفكر انك مغصوب عليها قام وقف ومسك ايدها وطلع من الغرفه الى قسمه ولغرفته نوفا: ايش صار وين موديني ؟؟ سلطان: تعالي ...شوي وطلع من الكبت البوم ومجموعة فريمات شوفي وطالعي هذا اللى انا مغصوب عليها وش سويت نوفا جلست تطالع بفريمات الصور كلها عباره عن رسوم لوجه جواهر وهي تبتسم او هي ساكته او هي نايمه بس اللى استغربت منه في رسمه واهي فاجه عيونها زين وحلقها مبين عليها مصدومه من شي نوفا : وش هذا اشلون رسمتها بهالشكل ووين طيب سلطان: هذي اول مره اشوفها بالمول وياج من يومها دشت قلبي ولا راح تطلع منه ان شاء الله .... هذا اللى انا مغصوب عليها بكل ليله اجلس لحالي هنا واتخيل شكلها وهي نايمه او مبسوطه آآآه لو تدرى اشكثر احبها واتمنى اليوم اللي يجمعنا سوا مع بعض اليوم قبل بكره ويوم ابوي طلب من طلال اخوي يزوجها حسيت بطعنه بصدري اشلون تكون لواحد غيري وارتحت لما سمعت من طلال انه ما يبيها ولا يفكر بالزواج ... من اول ما شفتها بالمول وهي ماخذه قلبي تفكيري والله نوفا: الله الله كل هذا .... طيب وليه ابوي يغصب جواهر على طلال سلطان: يعني قريب من سنه وبيخلص وعادي سنتين وبعدها يتزوجون ولانها بنت عمي يعني ما حب انها تروح لاحد غريب ...تفكرين ليه استعجلت على الزواج عشان ابين لها انه لي شخصيه تفكر انه الناس ممكن تمشيني على هواي بس لا نوفا باستغراب: مو فاهمه؟ سلطان وهو يبتسم خبرها بسالفة المزرعه لما سمع كلامها بالتلفون ويا صاحبتها نوفا: اها عشان كذا استعجلت بالزواج سلطان: هههههههههه كنت اتخيل شكلها اشلون استقبلت خبر زواجها بس ارتحت انها ما عارضت ولا شي كنت خايف من هالشي نوفا: ههههههههههههههه منت بسهل طلعت سلطان: والله احبها احبها اه بس لو تعرف نوفا بعدها مو مصدقه: طيب ليش ما تقولها هالكلام سلطان: مرات احس بخوفها .. مع انى احاول اخليها تثق فيني بس مدرى لما احس منها بخوف او ملل وينقلب على طول قسوة اسكت اقول يمكن مع الايام بتتغير سرحت نوفا شوي ومن بعدها: سلطان خلي هالشي علي وبتعرف اذا جواهر تحبك ولا لا اوكي سلطان بحزن: يعني ابدا ما قالت انها تحبني .... طالع بفريمات الصور وجمعها وحطهم بالكبت مره ثانيه نوفا مسكت ايده: جواهر طيبه ولما تتكلم عنك او تسألني عنك احس بسؤالها الاهتمام واكيد هالشي مو من فراغ اكيد مهتمه فيك وتحبك ولا ما تسأل عنك.... تبتسم قلت لك جواهر بتكون بنفسيه غير انت بس حاول تعطيها شي من الكلام الرومانسي وحتى لو صدتك ما عليه تقبلها وبتشوف اسمع مني سلطان : تسألك عني بكل مره نوفا: ههههههههه ايه تقول لي ابي اعرف اطباعه وتستحي تسألك بهالشي فأنا اقص عليها قصص سلطان: لا والله اف بي آي اقول مره ثانيه لو سألتج عن شي قولي لها الاخبار خلصت من عندي تلقينها بمحطة سلطان اوكي نوفا:ههههههههههههه ان شاء الله ولا يهمك .......................................... جواهر رجعت لدراستها وطبعا حسن اخوها تزوج وكان العرس روووعه في افخم صالة اعراس ومن بعدها سافروا الى شرق اسيا شهر العسل ورجعوا وبعدين سكنوا في بيت لحالهم اما رجاوي جت قبل العرس بيوم وراحت بعد العرس بيومين ... العنود وجواهر طبعا بكل يوم يذاكرون ويا بعض استعداد للاختبار النهائي ...وما باقي على عرس العنود الا شهر طبعا بعد الانتهاء من المدارس ..... ..........................................بيوم وهي تذاكر اتصل عليها سلطان من طالعت الرقم اوووه ياليت الا اشتقت لي متصل ما فيني ارد بس بالاخير ردت جواهر: السلام عليكم سلطان: وعليكم السلام ...اشلونج جواهر واشلون الاهل جواهر: الحمدلله تمام انت اشلونك واشلون الاهل ونوفا سلطان: بخير .... ونوفا الاف بي آي ما عليها كلام بالدراسه وبقنوات الاخبار جواهر:ههههههههه اشتقت لها والله سلطان: هههههههههه زين انه تشتاقين لها ومو مشتاقه حق ناس غيرها جواهر سكتت وبخاطرها ( فديت اللي تقوله ..... ياليتك تكمل ابي اسمع شي منك يطمني انك مو ماخذني بالغصب ) سلطان: بيي الاسبوع الجاي ان شاء الله عندي جم شغل عندكم جواهر: والله سلطان: ايه ... وغير الشغل اشتقت لج جواهر ( اول مره تقولها ): بتقعد وايد هني ولا جم يوم سلطان: يومين بس لكن على حسب لو تبيني اقعد بقعد اسبوع ليش لا وانتي دليلي السياحي تكونين جواهر: لا والله شنو رايك اهد الدراسه واسرح وياك من مكان لمكان سلطان: والله ودي بس لا حرام اخر سنة بنخليج تكملينها جواهر: لا والله مشكور ما تقصر سلطان ( ياربي تسحرني لما تقول لا والله دايما طفله احبج والله موووووووووت) جواهر: سلطان وينك سلطان: وياج بخليج تذاكرين زين لما بوصل بسوي لج تلفون جواهر: اوكي سلم على خالتي ونوفا سلطان: وبس جواهر: عادي على كل اهل الرياض لو حبيت سلطان: هههههههههه لا يكفي اثنين اعرفهم امي ونوفا حست بفرحه شوي لانه سلطان حسته متغير شوي تحسه مبسوط ويتكلم ببساطه حتى انه قالها مشتاق مو مصدقه ..... كلمت على العنود من بعد المكالمه تخبرها العنود: هههههههههه طيب طيب يالعدال علي كل هذا لانه قالج مشتاق عيل لو قال احبج شنو بتسوين جواهر: يارب يقولها تصدقين احسه غير هالمره غير يارب ما يتغير بعد هالمكالمه ..بس لازم اتطمن واعرف انهمو ماخذني غصب. العنود: ردينا على السالفه الماصخه ....ان شاء الله ما بيتغير والمره الجايه دورك تقولين له مشتاقه لك جواهر: لا والله خليني بثقل شوي عيب العنود: ايه اثقلي لين تصيرين دبه ما تطيقين تتكلمين ههههههههههههه جواهر: يالله باي الحين بخليج ديري بالج على حالج احبج موووت واحبه بعد العنود: هههههههههه طيب يالله تصبحي على خير جواهر: وانتي من اهله الجزء العشرون الفصل الثاني نوفا وليال وبنات عمها وروان صاروا علاقتهم اكثر من اول بكل ويك اند يتجمعون عند وحده اما مبارك فكان تعبان وحتى دراسته اهملها فتره ومن بعد ما كلمه عبدالله اخوه رجع لها .......ام مبارك حبت عبير وكانت لما تجي لعندها تفرح بشوفتها مع انه روان ما حبت انها تبين انه هذي عبير اللى يبيها مبارك وتمنتها تكون لمبارك ولدها في يوم كانوا البنات مجتمعين عند روان ...كانوا بالغرفه يسولفون ومبسوطين روان: الا ما قلتي لي عبير بتظلين بنفس المدرسه ولا طلبتي نقل عبير: لا مرتاحه هناك فيها مع انه شوي جدولي مزدحم بس احسن من انهم ينقلوني خارج الرياض ماظني ابوي بيوافق وبيقول لي استقيلي بالاخر ليال: حرام والله تستقيلين وبعدين هالوافدين اللي يجون من الخارج ليه ما يحطونهم بالمناطق البعيدة ويخلون اهل البلد في مكانهم نوفا: يا العنصريه انتي ويعني الوافدين ماعندهم عوايل بعد ...وبعدين ليه معقدين السالفة اصلا الواحد يتعرف على بلاده بهالطريقه مها:ههههههههههه السياحة في بلادي الكل:هههههههههههههههههههه� �ههههههه عبير: اشرايج روان نروح نسلم على الوالدة ما شفناها من يوم ما جينا روان وهي تغمز لليال: اوكي وانتوا بنات انطرونا هنا نوفا وهي توقف: يا سلام عليكم واحنا ما نعرف الواجب الا ستوا عبير لا معاكم بنروح نسلم راحوا البنات سلموا على والدة روان وجلسوا يسولفون معها وبعدين استاذنوا منها ام مبارك: وين رايحين نوفا: نخليج خالتي ترتاحين ما ورانا الا الازعاج ام مبارك: البيت بيتكم وحياكم الله في أي وقت زين والله تنبسطون مع بعض لكن ها قربت الامتحانات كل وحده ترى بمذاكرتها ودروسها مها: ما وراى شي قاعده بالبيت من غير شغل ولا مشغله ليال:ههههههههههههههه الا وراج هالمنتدى ام مبارك:ايش منتدى مها وهي تغمز لليال: ولا شي خالتي قصدها وراي منتديات الكوره احب اتابعها ام مبارك: وانتي بنيتي عبير عبير: انا معلمه وادرس بمدرسة ابتدائي ام مبارك: ما شاء الله عقبال الباقي نوفا وهي ترفع ايدينها: يارب بعد دعوه غيرها خالتي تكفين ام مبارك:ههههههههه ونشوفكم عرايس ان شاء الله نوفا: آمييييييييييين الكل: ههههههههههههههههههههه طلعوا من عندها ولما جت عبير بتطلع قالت لها ام مبارك: عبير يا بنتي خلك هنا شوي معاي سولفي عبير وهي تطالع بروان اللى على طول ما صدقت امها تقول هالكلام روان: خليج هنا مع امي يالله بنات وطلعتهم بسرعه ليال بره: اوووه شوي شوي علينا ليه تدفينا كذا روان: بعدين اعلمكم نوفا: السالفه فيها شي لا يكون اللى في باليييييي روان: ماشي في بالج ويالله نطلع فوق جلسوا شوي وبالصدفه جا مبارك اول مره بدري من السهره وعلى طول راح لعند امه الغرفه يسلم عليها ... ومن غير ما يطق الباب فتحه وشاف بالصدفه المفاجأه اللى قدامه عبير من شافت مبارك على طول نزلت راسها وتغشت بالشيله على ويهها وهي منحرجه على الآخر ام مبارك: ايوه مبارك فيه شي ولدي مبارك: لا ولا شي يمه آسف بعدين بجي ...وطلع على طول وقلبه يدق بسرعه طبول يالله وش اللى جابها هنا بالبيت ام مبارك وهي تطالع في عبير: هذا ولدي مبارك عبير : اها طيب ...ووقفت خلاص خالتي انا بستاذن الحين بخليج بروح اشوف البنات اسمحي لي وجت حبت على راسها ام مبارك: مسموحه يا بنتي وسلمي على الوالده هناك عبير: ان شاء الله يوصل طلعت عبير على طول وطلعت بالدرج الا وهذا مبارك قدامها من شافها تصنم وشي بخاطره على طول طلعه مبارك: اسمحي لي بكلمه عبير وقفت ولا ردت وهي مررررره مرتبكه وقلبها يدق بسرعه لاول مره من بعد عادل زوجها يدق قلبها لما تشوف هالانسان ليه يارب مبارك: مو بقادر افكر او اعيش حياتي عادي من اول ما شفتك ..... آسف بخلي روان تكلمك .... السموحه ومر من جنبها حست وقتها انه الزمن توقف مافيه الا هي وياه ( وش يقول هذا يفكر فيني من يوم ما شافني ....)هزت راسها وعلى طول طلعت لغرفة روان اول ما دخلت كانت سرحانه نوفا: زين والله قلتي اختي وبنات عمي موجودات عبير: ها هذا انا ..... اقول مها يالله دقي على اخوي سيف يجي ياخذنا مها: وش فيج ليه مرتبكة كذا .... وبعدين قالك سيف اليوم ما راح يجي راح عرس واحد من اصحابه نوفا: انا باخذكم معاي الحين بيجي تركي ابو عبدالعزيز روان: من هذا نوفا: اخوي الكبير ومتزوج من العنود ومعه عبدالعزيز وسما مها: طالع هذي ان تقول احد يتعرف عليها الحين هههههههههههههه طلعوا البنات وكل وحده راحت لبيتها........ ...................... جواهر بالدراسه عادي ويا العنود واول ما رجعت من المدرسة تغدت ويا الاهل وجت بترتاح وتنام ووياها كانت غاده بنت اخوها الا وهذا اتصال ن سلطان سلطان: السلام عليكم جواهر: وعليكم السلام هلا والله سلطان: هلا بالغاليه اشلونج جواهر؟ جواهر: الحمدلله تمام ربي يسلمك اشلونك انت واشلون الاهل ؟ سلطان: الحمدلله كلهم يسلمون انا بالفندق تو الحين وصلت جواهر ما استوعبت: والله انت الحين هني بالكويت سلطان: ايه بفندق الشيراتون جواهر: الحمدلله على السلامه ...وليه ما قلت متى بتوصل كنت قلت لأخوي ابو خليل يستقبلك بالمطار سلطان: لا عادي... الحين بتغدى وبرتاح ساعه ....وبعدين ادرى وراج دراسه اش رايج تخلين اخوج يمرني على العصر الساعه 4 ونص اكون ارتحت ومنها اجي لعندكم ....ودي اجي الحين بس مو حلوه الكل جاي من الدوام تعبان جواهر: عادي والله سلطان: يعني تبين تشوفيني الحين جواهر ارتبكت وما عرفت بايش ترد: قصدي عادي يعني لو بتيي هني حياك سلطان: لا خليها على العصر زين مع السلامه الحين راحت جواهر علمت اخوها ابراهيم اللى على طول اتصل عليه وعرف رقم الغرفه وتركه يرتاح من السفر ................ العصر اول ما صحت من النوم غسلت ويهها وتوضت وصلت وبعدها تعدلت حطت لها كحل اسود خفيف مع جلوز وردي شفاف ولبست تنوره خضراء مخمل مع شيفون اسود على الاطراف تحت وفيها كذا قصه من عند الخصر مع بلوزه سوده .... سرحت شعرها ونزلت خصلات وحطت شيلتها على كتوفها ونزلت لتحت ... نزلت لتحت بالصالة لقت امها جلست معها شوي يسولفون امها: u r beatufil I think all this for ur husband Sultan جواهر: ههههههههههههه I'm beatiful before he became my husband don't u think so? امها: ur right جواهر:وينها غدوووه امها: نامت قبل نص ساعه ..... صارت شقيه هالبنت تبي كله بس لعب ولا تبي بعد تاكل ..ياليت يسمع الكلام ابراهيم ويتزوج جواهر: اكيد راح يتزوج بالاخير لا تشيلين هم شوي ويسمعون جرس الباب ...الشغاله فتحت الا وهذا حسن مع عاليه بنت عمه رحبوا فيهم جواهر: هلا والله وغلا بعالووووه وراحت سلمت عليها حسن: السلام عليكم .....طالع هذي ما شافت الا عالوووه جواهر:ههههههههههههههه فديتها بنت عمي اشلونج عالوووه اشلونك حسن وعن الهذره الزايده حسن: طيب انا بخير والحمدلله عاليه: اشلونج جواهر وحشتينا يالقاطعه ما تسألين ولا تقولين لنا بيت عم تيين تسليني شوي جواهر: والله انشغلت بالدراسه تعرفين اخر سنه ابي اجيب النسبة الحلوه امها: هلا عاليه اشلونج واشلون الاهل عاليه بعد ما سلمت على خالتها: الله يسلمج خالوووه الحمدلله تمام يسلمون امها: الله يسلمهم تعالي قربي اجلسوا حسن: وين حبيبة حسن ما اشوفها اليوم جواهر: ماما تقول فكه نامت قبل شوي حسن: حرام عليكم اشلون تنام وانا قلت بشوفها طالعوا هالجيس اللي جايبه لها وطلع كيس فيه بعض الدمى الصغيره ام ابراهيم: ماحد مدلعها الا انت وابوها البنت صارت تلعب اكثر من انها تاكل والله حسن: قلت لكم خلوني وياها شهرين وانا اجيب لكم اياها دبه جواهر : بروح اشوفها يمكن صحت ولا شي امها: نورما اعتقد هناك قريبه منها لو صحت جواهر: لا انا بروح نسيت جوالي بعد بالغرفه وراحت خذت جوالها وهي رايحه صوب جناح اخوها الا وهذي نورما شايله غاده جواهر خذتها منها وبوستها بخدها: فديتس عموووه انا صحيتي من النوم تبين دادا ( رضاعه حليب ) غاده حركت لها راسها معناه ايه .... جواهر: Norma make some milk for gada and bring it downstairs in the sitting room ........... نزلت فيها لتحت وهي نازلة الدرج الا وهذا بدر ولد عمها بعد وصل..... بدر: السلام عليكم الكل: وعليكم السلام بدر: اشلونج خاله اشلون عمي ماعدنا نشوفه بالديوانيه هاليومين خالته: والله مثل ما تعرف شغل واجتماعات ومسافر ان شاء الله بعد يومين الى هولندا لحضور اجتماع الصحه العالمي بدر: يروح ويرجع بالسلامه سلمي عليه ...ها اشلونج جواهر ...... هلا وغلا بهالويه اللى ينور هلا بالحبيبه بنت الغالي ...وبوس غاده بخدها بس ما اخذها من جواهر حسن: هيه انت شنو حبيبه ما حبيبه لا تقرب صوب خطيبتي لو سمحت الكل:ههههههههههههههه عاليه: رح انت وياه الحين بتنطرونها لين تكبر والله يكون كل واحد هو عكازه حسن: بسم الله علي ما راح اعجز بسرعه دوم شياي ان شاء الله بدر:هههههههههههههه من الحين انت عجوز طالع بويهك زين ولا بالله هذا شكل شب حسن: المصيبه الواحد اللى ما يقدر كمال وجمال الأجسام ( حسن يتدرب في نادي كمال الأجسام ) جواهر:ههههههههههههههههه لا وبعد كمال اجسام كملت قربت عاليه منها وخذتها وقعدت تبوس فيها عاليه: غدوووه الحلوه منو انا غاده وهي تطالعها جواهر: هذي خالوووه عاليه ...تتذكرين ايام زمان وياها عاليه:هههههههههههههههههه غاده بحياء: عاله عاليه:ههههههههههه ايه عاله فديتس انتي وبوستها بخدها ... .... اول ما شافها حسن قرب منها بس مارضت وكانت ماسكه عمتها جواهر اللى ضحكت منها جواهر: ههههههههههه حبيبتك ما تبيك اليوم زعلانه عليك تعال بوقت ثاني .... حسن ويخلي روحه زعلان: افااااااااااا وليه الزعل انا اراضيها ان شاء الله ...غدووووه حبيبة حسن شوفي شنو جايب لج بهالجيس وحطه قدامها غدوووه من شافت الكيس بعدت شوي من عمتها جواهر وجت لناحية الجيس اللى اول ما فتحته لقت الدمي اخذت لها ثنتين كل وحده بايد ورجعت لحضن عمتها .... بهالوقت وصل سلطان مع ابراهيم اللى دشوا البيت على طول وتفاجأ لما شاف جواهر قاعده ويا حسن ولد عمها جنبها وغاده بحضنها طلع براسه الغيره والعصبيه اشلون تقعد كذا مع رجال غريب ..... عاليه لما شافته تفاجأت لانها ما تعرفه وسالت عنه على طول خالتها عاليه بصوت واطي: خالوووه من هذا خالتها: هذا سلطان زوج جواهر عاليه وهي تطالع جواهر اللى حمرن خدودها بشوفته ووقفت لهم ومعها غاده اللى على طول خذها ابوها منها ابراهيم: السلام عليكم وكاهو سلطان يبته لكم سلطان : السلام عليكم وحب راس خالته وصافح حسن اللى قدم ايده له حسن: وعليكم السلام هلا والله ..وطالع في ابراهيم يعني يقول له من هذا ابراهيم: هذا سلطان زوج جواهر حسن: اها هلا والله سلطان حياك الله انا حسن ولد عم ابراهيم بدر: هلا حياك الله سلطان وسلم عليه سلطان كان مو عاجبه انه جواهر جالسه عادي ويا اولاد عمها من غير غشوه وتسولف معهم وتضحك سلطان وكلامه فيه الجديه شوي : اشلونج جواهر جواهر: الحمدلله تمام .... وعلى طول ما طالع لها وحول على غاده ...... سلطان: ومنهي هالحلوه اللى معاج وقدم ايده له اللى على طول راحت لعنده حسن: يوووه طالع هذي الخاينة الحين من اول وانا اراضي فيها وهالهدايا كلها وبالاخير تتركني وتحط عينها على واحد غريب ابراهيم: سلطان ماهوبغريب الا من اهل الدار وبعدين لا تتعب روحك غاده بنتي ماهي لك يا الشاطر حسن هههههههههههههه عاليه وجواهر:هههههههههههههههههه� �ههههههه ابراهيم: اشلونج عاليه اشخبارج عاليه: الحمدلله تمام طاب حالك وانت اشلونك ابراهيم: الحمدلله ربي يسلمج ايه سلطان وهذي بنت عمي عاليه سلطان من غير ما يطالع فيها زين كل نظراته مع غاده : حياج الله اشلون الاهل عاليه بصوت واطي ومنحرجه: الحمدلله بخير جواهر لاول مره تتكلم : الحمدلله على السلامه سلطان وكنه لاول مره يشوفها ( يالله بتذبحني هذي وتخلي الناس تشوف هالجمال ياويل حالي وانا وين بعيد عنها ) سلطان: الله يسلمج اشلونج جواهر واشلون الدراسه وياج جواهر: الحمدلله تمام ماشي الحال جلسوا الكل اما جواهر وعاليه فطلعوا لفوق عاليه: ما شاء الله ولد عمج وزوجك محلاه وباين عليه طيوب ربنا يسعدكم جواهر جواهر بخجل: امين ها شنو رايج عاليه: صراحه وسيم من وين ياي جواهر وهي تضحك:هههههههههه والله من الرياض عاليه: ههههههههههههههه ع بالي من كوكب ثاني شوي ويدق الباب عليهم فتحته جواهر: هلا ابو خليل شنو عندك ابراهيم: سمحوا لي وهو يطالع بعاليه .... ابقول سلطان كنت عازمه على العشا فقال نخليه احسن غدا ويا الاهل واهو الحين عازمنا على العشا لكن بره في مطعم على جذي جهزي روحك اوكي جواهر بتردد: لا ما اقدر عاليه هني مره ثانيه خله يتعشى هني احسن عاليه: جواهر شنو هالكلام ما عليه انا جييت زياره سريعه وراى مشوار لازم اروح له جواهر: ادرى اخترعتي هالمشوار اقول انثبري واقعدي عاليه: والله وراى مشوار بياخذني حسن بجلس نص ساعه وبروح ابراهيم: تيي ويانا عاليه ما فيها شي اهي وحسن انا قلت له عاليه: لا شنو اجي وياكم بروح مشواري وابتسمت بشوفج مره ثانيه استانسي جواهر: اوكي بس تيين مره ثانيه ابراهيم: خلاص عيل اشوفج بعدين بنروح الحين نلف بالديره شوي وبنرجع حزة المغرب .. (وهو يطالع بعاليه) سلمي على عمي وخالتي عاليه: ان شاء الله يوصل .............. بعد المغرب كانت جواهر مجهزه روحها وشوي يجيها اتصال من نوفا جواهر: هلا والله بهالصوت اشلونج نوفا اشخبارج يالقاطعه نوفا: ايه انا ولا انتي اشلونج اقول سلطان وينه جواهر: بسم الله توه ياي من عندكم لحقتي تشتاقين له نوفا: فديته اخوي حبيبي ان ما اشتقت له بشتاق لمين؟؟؟ جواهر: تشتاقين لجواهر يالغلا هههههههههه نوفا: ايه ومشتاقه لج والله اهو عندكم جواهر: بيجي بعد شوي طلع ويا اخوي نوفا: امي تدق عليه وكله مقفل جواله جواهر: بعلمه لما اشوفه انه يدق لكم ولا يهمك اكيد جواله فضى من البطاريه نوفا: انزين شتسوين الحين علميني جواهر: والله ولا شي اجهز روحي بنطلع الحين نوفا باستغراب: ويا سلطان جواهر: ايه نوفا: بروحكم جواهر: ايه شنو فيها زوجي نوفا: احلفي جواهر: هههههههههههههه ويانا اخوي وبعدين عادي ما فيها شي لو طلعنا انا وياه نوفا: اها يالدبه طيب اخليج ولا تنسين خليه يتصل على امي اوكي جواهر: ان شاء الله وسلمي على البنات هناك وحشتوني حييييييييل نوفا: الوحش ما تشوفينه ان شاء الله جواهر:هههههههههههههههه يالله قلبي ويهج مع السلامه نوفا:هههههههههه طيب مع السلامه يالدبه ................. بعد المغرب جواهر لبست جينز ويا بلوزه بيضا وجاكت اسود ولبست عباتها وشيلتها ونزلت لتحت تنتظرهم يرجعون بعد الصلاه جا سلطان ويا اخوها ابراهيم ابراهيم: السلام عليكم ها جاهزه اشوف جواهر ابتمست: ايه توني نزلت بنطلع الحين ابراهيم: ايه بس شوي ابدل وارجع لكم دقايق ...راح ابراهيم سلطان قرب منها: اقول جواهر ان شاء الله بتطلعين بهالشكل جواهر طالعت فيه: اش فيه شكلي مو عاجبك سلطان: اظن انتي فاهمه يعني وين الشيله على وجهك جواهر: سلطان هني عادي انا اطلع بدونها ما فيها شي سلطان: اظن انه انا الزوج مو انتي مافيه طلعه بدون غشوه عندنا غير وهني نزعت برقع الحيا يعني جواهر طالعت فيه بعصبيه وامتلت عيونها بالدموع وجت بترد عليه الا وهذي امها طلعت من المجلس على طول طلعت الدرج امها: لوين جواهر جواهر: من غير ما تطالع فيها: نسيت شي بروح وبجي امها: هلا سلطان اشخبارك سلطان : الحمدلله اشلونج خاله وينه عمي ام ابراهيم: في المجلس تعال قرب راح سلطان عند عمه وسلم عليه وشوي جا ابراهيم ومعاه جواهر ابراهيم: السلام عليكم اشلونك يبه ابوه: الحمدلله بخير ابراهيم وهو ياخذ بنته من عند ابوه: حبيبة بابا وينها اليوم وبدا يضحكها ويلعبها غاده: بابا لووووح ابراهيم: بكره اوديج ملاهي مع عموووه جواهر الحين مع ماما جلسي اوكي جت امها وخذتها منه لكن غاده الا تبكي وتصيح تبي معه جواهر: حرام ابراهيم بناخذها معنا سلطان: خلها تجي معنا ابراهيم: وين تجي بعدين بروح عند الربع لا ما فيني يالله خلونا نمش وصلوا مطعم الابراج حب ابراهيم يروى سلطان اشلون منظر الواجهه البحرية بالكويت في الليل ......كان المنظر روعه وسلطان لاول مره عجبه المنظر وقت الاكل رفعت جواهر غشوتها وجا الجرسون اعطاهم المنيو وطلع سلطان: جواهر الناس حوالينا ابراهيم: ايوه ليه فيه شي سلطان: قصدي اممم لا ولا شي ابراهيم فهم قصده يمكن عشان هي رفعت الغشوه من عليها بس سكت ما حب يتدخل بينه وبين اخته جواهر: عادي الكل لاهي بالعشا يالله طالعوا بسرعه ترى ما تغديت اليوم وايد مدرى احساس اني بطلع مكان ههههههههههه سلطان قرب من جواهر: طيب .. اشتبين تطلبين جواهر وهي تطالع بالمنيو: ابي شوربة عدس بالاول وبعدين ابي ستيك سيزلار سلطان: اشرايج نذوق طبق جديد ما نعرفه ابراهيم: على شنو تتساسرون انتي وياه جواهر:ههههههههههههههه يا شين اللقافه بس ياخوي ابراهيم: انا ملقوف يالدبه جواهر: فديتك خيو ابو خليل اسمعوا يالله انا باختار وانتوا عاد وحظكم موافقين سلطان طالع في ابراهيم: امرنا لله يالله شوفي واختاري اختارت جواهر وطلبوا الاكل وكان شوي نص نص يعني ما عجبهم ولا بعد حبوا طعمه سلطان: الله يسامحج هذا اللى اخترتيه الحين جواهر: عادي مو قلت انت نتذوق شي جديد يالله كل وانت ساكت ابراهيم: احلى اختي ايه جذيه ابيج دايم قويه طالع فيه سلطان وبعدها ضحك بصوت عالي حتى الناس اللى حوله التفتوا له ابراهيم: الله يغربلك فضحتنا بهالصوت قصر حسك شوي جواهر:هههههههههههههه خلصوا العشا ومن هناك راحوا للمول اما ابراهيم قال انه بيروح عند ربعه واما جواهر قالت نفسها تروح تشوف فلم بالسينما سلطان: خلاص اظن انتي تدلين البيت بعدين نرجع بكاب جواهر: شنو نرجع بكاب لا بخلي الدريول يجي وقت انتهاء الفلم عادي ابراهيم: لا توصون على احد ولا شي ابرجع لكم بس سووا لي مسج اوكي سلطان: خلاص تم يالله مشينا لفوا بالمول شوي ودشوا محل ساعات كانت جواهر تطالع بالساعات وعجبتها ساعه حلوه جواهر وهي تمسك ايد سلطان لا شعوريا: شوف شوف هالساعه اشحلاتها صح سلطان قرب منها وابتسم لاول مره يحسها على طبيعتها : ايه حلوه تبينها جواهر: لا عندي وايد بس مابي سلطان ابتسم من ردها وما علق ودشوا محل ميك اب وعطور وفجأه طلع سلطان تلفونه واتصل: لحظه جواهر ابتصل بخصوص الشغل وطلع من المحل شوي اهي كملت مشاويرها بهالوقت جا ثلاثه شباب وقربوا منها لما شافوها بروحها ولانها متعوده ترفع الغشوه من على ويهها لما تطالع بالمعروضات اللى قدامها ........1: يابوووووووووووك شنو هالجمال ......@: اقول يالحلوه امري تدللي اشتبين احنا حاضرين وبدا يرقمها الثالثه كان ساكت اما هي من سمعت تعليقاتهم راحت مكان غير ولا ردت عليهم واهم كله متابعينها ويعلقون عليها بالاخير واحد وقف في ويهها: اقول مو علينا هالحركات يالحلوه شنو اسمج انا اسمي ناصر ......: وانا خالد مبروك: انا بمشي ترى يالله خلونا نروح ما تنعطى ويه هذي جت بترد عليه الا وتسمع صوت من وراهم سلطان: انت وياه روحوا قبل ما ارتكب فيكم جريمه الحين ناصر: يمه خرعتني قلبي يرجف وانت اشدخلك بينا سلطان كان في ايده كيس اول ما سمع كلامه على طول قرب من ناصر ومسكه من ثوبه: مبين عليك مو بولد اصل ولا اولاد الاصول مو سواتها بهالشكل قرب مبارك منهم ومسك ايد سلطان: ياخوي احنا اسفين حقك علينا يالله امشوا جواهر: سلطان سلطان خلاص فكه الله يخليك فكه سلطان والشباب راحوا على طول سلطان قرب من جواهر: زين كذا رحت شوي القا اللى ما يسوى يسوى كذا وربي كنت برتكب فيه جريمه اليوم لانه تجرأ وطالع فيج جواهر لاول مره تشوف سلطان معصب وخافت بالاول بس من كلامه حست انه يغار جواهر: لهالدرجه تغار علي سلطان: الغايره شديده وخصوصا لما يكون حد من اهلي جواهر حست باحباط من كلامه يعني مو مهتم لها الا لانها وحده من الاهل مشت قدامه من المحل وهو تبعها سلطان مسك ايدها : هيه انتي وين رايحه وخليتيني واقف جواهر : لا والله ابروح بنشوف الفلم تاخرنا يالله عاد سلطان في نفسه( ياربي هالبنت بتطير برج من عقلي ) مسك ايدها هالمره بالغصب وراح وياها شافوا فلم كوميدي وانبسط انه شافها تضحك ومرات يطالع فيها وهي مندمجه مره على الفلم ...جواهر مره بالصدفه وهي تضحك شافته يطالعها بس كملت ضحك ووناسه سلطان بعد ما طلعوا من الفلم : الفلم حلو جواهر: شنو حلو الا يفطس من الضحك ما شفت الريال لما دش البيت ولقى المفاجأه ههههههههههههه سلطان: ههههههههههههههه ايه مفاجأه مسكين وربي لو كنت مكانه كنت تجننت من يومي مع هالعيله جواهر: كاهو ابراهيم يالله سلطان مسك ايد جواهر: لحظه خذي هذي جواهر طالعت بالكيس: شنو فيه سلطان: يا شين اللقافه بس جواهر:هههههههههههههه طيب سكتنا سلطان: ابتصل عليج لا تسكرين الجوال اوكي جواهر: ان شاء الله وصلوا سلطان للفندق بالاول وبعدين راحوا البيت .............. اول ما وصلت غرفتها على طول راحت بدلت ملابسها وتوضت وصلت ومن بعد قرت لها من القران ولما كانت بتفتح الكيس الا وهذا اتصال من سلطان جواهر: هلا سلطان: السلام عليكم جواهر: وعليكم السلام هلا وغلا سلطان: ها اشرايج جواهر: في شنو؟؟؟؟؟ سلطان: يعني ما فتحتي الكيس ؟؟؟ جواهر: بدلت وصليت وكاني بفتحه الا وهذا اتصال منك لحظه اشوف شوقتني سلطان: ههههههههههه طيب يالله افتحيه قدامي جواهر حطت الجوال على السرير وفتحت الكيس لقت فيه صندوق فتحت غلاف الهديه الا وهذي الساعه جواهر( مو معقوله الله ..... ولبستها بايدها) جواهر رفعت الجوال: مشكور سلطان ربي يخليك لي سلطان: ما قدر اشوف عيون جواهر تتمنى شي وما يكون لها وان شاء الله دايم بتلقين اللى تتمنينه جواهر حمرن خدودها: ليه كلفت غاليه ادرى فيها سلطان: ما يغلى عليج كم الف عادي الفلوس تروح وتجي والخير وايد الحمدلله جواهر: ها اشرايك بالكويت سلطان: ههههههههههههه حلوه والاحلى انج انتي منها جواهر: .......... سلطان: جواهر جواهر: سم سلطان: سم الله عدوينج ... تكلمي ليه ساكته جواهر: ولا شي بس احتريك اشلون الشغل وياك سلطان: ماشي ما عليه ...... جواهر: بكره ان شاء الله بتتغدى هني سلطان: ان شاء الله جواهر: اشتقت لنوفا والله سلطان:هههههههههه اشرايج اخليه تجي جواهر بفرح: والله سلطان:ههههههههههههه امزح يالله الغاليه تصبحي على خير واحلام سعيدة جواهر: وانت من اهله سكرت جواهر جوالها وراحت تنام ........