الفصل 17
.....................
بعد رجوع محمد باسبوع ابتدوا يجهزون الملكه والعرس بنفس اليوم ما حب محمد ينتظر وهم وافقوا طبعا بعد اقناع مساعد اخته بهالشي .... كانت التجهيزات في بيت اهل محمد على قدم وساق (ههههههههه كتبتها بالعربيه الفصحى ) يعني ما باقي شي وتخلص طبعا الجناح المخصص له جددوا فيه الاثاث بالكامل طبعا غير تغيير ببعض احزاء البيت واثاثه ....
جناح محمد كان باللون البحري مع الذهبي وكان طبعا هاللون اللى تحبه لبنى من بعد ما عرف هالشي من مساعد.... كان متلهف انه يكلمها لكن طبعا هالشي ما راح يستوي الا بعد الملجه على كذا قرر تكون الملجه والعرس بنفس اليوم ماعاد فيه صبر انه يعيش بروحه اكثر بعيد عن لبنى
.....بنفس يوم العرس كانت لبنى مرتبشه ويا التجهيزات اختها ليال طول الوقت من الصباح داشه وطالعه عليها توريها يا فستان يا الجزمه يا ايش تحط في شعرها واما هي فكانت مرتبكه على الاخر هذا يوم عرسها اشلون راح تتصرف... جوا يساعدونها بنات عمها امل ونادية وهدى كانت امل متزوجه السنة الماضية وما كملت تعليمها وجالسه بالبيت اما هدى في اخر سنة كلية المعلمات ونادية عاد هالبنت بالثانوية العامة وعندها سنة تجنيد اجبارية يالله يشوفونها بالمناسبات مصريه عن جد ههههههههههههههه تاكل الكتب آكل
كانت الماكييرة تجهز العروس
هدى: اقول غمقي شوي الميك اب ترى اليوم عرسها مو يكون خفيف
لينا: ان شاء الله مدموزيل ولا يهمك راح اخليها احلى من أمر14
امل: اقول لينا اخلصي بسرعه الله يخليج ترى ماباقي الا ساعتين
لينا: ولا يهمك مدام
.....بعد ما خلصوا البنات وكانت امها وزوجة اخوها ليلى معهم
امها: فديت بنتي .... وبدت عيونها تدمع لما شافتها لابسه الفستان وكاشخه
لبنى من شافت دموع امها بدت الدموع تتجمع بعيونها
ليال: ياربي خلاص ما نبي فلم هندي الحين بتخربون عليها الميك اب
ناديه: والله البنت حلاتها بطبيعتها من غير ميك اب ولا خرابيط بويهها
امل: انتي يا مناصرة مساواة المراه بالرجل فكينا من هالسوالف
نادية: اصلا انا ما اكلمك وابداء الراي لا يفسد للود قضيه
هدى: بليز ناديوووووه خفي علينا ترى الحين مو تسمعين علينا وش اللى ذاكرتيه اليوم يوم عرس تفهمين ولا نعرفج بهاليوم لما يجي دورج
نادية: هه انا ما راح اتزوج الا بعد ما اكمل دراستي الجامعيه واخذ الدكتوراه وبعدين افكر بالزواج والمستقبل ..!
لبنى: هههههههههههههه يا زينكم بس وانتوا ساكتين والله حرام عليكم خليتوني مرعوووبه اكثر من اللى فيني
الكل ضحك: ههههههههههههههههههههههههه ههههه
زوجة عمها: يالله يا بنات عن الحشره هني يالله وخروا عن العوس خلوها لحالها وانزلوا نعنبو داركم وش يقولون عنا الناس اهل العروس ماهم فيه بالعرس كله منخشين بالغرفه ويا العروس
امل: ههههههههههههههههه انزين يمه يالله كلكم انزلوا لتحت
لبنى طالعتها بخوف.....
امل:ههههههههههههههههه لا انتى اجلسي هنا شوي بنجي لعندك اوكى بعدين
لبني تمسك ايد امها: يمه ربي يخليج لا تتركيني لحالي هنا
امها: فديتج خالووووه لا تخلوني بروحي هنا
زوجة عمها: بنتي الله يهداج لازم نروح شوي عند الناس تحت انزين خلى هدى وياج هنا اوكى بس اول شي خلها تنزل نص ساعه وبعدين ترجع اوكى
لبنى: اوكى بس لا تتاخرين هدى عني فديتج ارجوج
هدى: ولا يهمج يالله بنات ننزل عشان ارجع للعروس الحلوه بسرعه ههههههههههههههه
نزلوا البنات وظلت لبنى لحالها شوي متوترة وتفكر بمحمد وبيومها اللى راح يبتدي معاه ( يالله انك تهنيني وتقدرني انى اسعده واظل معاه طول العمر )
.................
عبدالعزيز: الله الله على المعرس صدق كاشخ اقول يا المعرس وش رايك نسوي لك مقلب
محمد: اقول عبادي اقلب ويهك اوكى
عبدالعزيز وتركي: ههههههههههههههههههههههههه ههههههه
تركي: اقول اخوى اسمع صوت دقات غريبه جايه من هنا ويأشر على صدر محمد
محمد: والله وانت ادرى انه قلبي بيطلع من مكانه مو بس دقات متى عاد راح نخش ونشوف العروس والله تاخروا علينا
عبدالعزيز: ههههههههههههههههه شوي شوي على روحك ترفق فيها ترى مو زين اللى تسويه في حالك
محمد يطالع في ولد عمه: اقول عبادي ترى يا حلاك وانت ساكت
عبدالعزيز:ههههههههههههههه� �ه زين يا ولد عمي هذا وانا قلت بمسك ايدك وعن تفشلنا وتطيح علينا لما بتروح للعروس
محمد: طالع هذا قال يمسك ايدي انت بس نثبر مكانك ابرك لك وش تدخل معاى
عبدالعزيز: هههههههههههههههههههه
تركي: ههههههههههههههههه يابوك زين منه ياخذ الوالد معاه هذا لو بيتذكره
محمد: الشرهه انى اكلم صبيان مثلكم
تركي وعبدالعزيز ضحكوا واستانسوا من الخاطر وطيبوا خاطره وباركوا له .....
محمد خلاص واصل حده: والله تاخروا بخلي مساعد يكلمهم
جلسوا يضحكون عليه من الخاطر
مساعد:هههههههههههههه الله يا محمد اشوفك مستعيل يبه سوالف الحريم تعرفهم عرس وربشه ورقص ومدرى وش
محمد: خلاص يبه قول لهم المعرس بيدخل خلاص يرقصون بعدين وش رايك
مساعد:هههههههههههههههه طيب بعلمهم اصبر بعد نص ساعه
محمد: الله يصبرني بس .... انت كنت في مكاني وتدرى بحالي
مساعد:هههههههههههههه ادرى حالتى كانت اسوأ
محمد:هههههههههههههه
...............
نزلوا لبنى وسارت على انغام موسيقى كلاسيكية هي تحب هالنوع من الموسيقى وطلب منهم محمد يحطون لها هالموسيقى..محمد ما ترك شي من معرفه كل اللى تحبه لبنى من اخوها مساعد اللى بهذلها وهو دايم يسألها وش تحبين وش اللى ما تحبينه ..... كانت لبنى وهي تمشى قدام الحضور طالعه رووووووووعه وتخبل خصوصا فستانها اللى كان شوي مفتوح من ورا وذيل فستانها كان طويل شوي بس احلى شي في لبنى كانت عيونها .........
وهي جالسه بالكوشه ..... جتها بنات عمها كل واحد تبارك لها واما هدى فقرصتها برجلها
لبنى: أي يا الخايسه عورتيني زين تسوين لى علامه من اول يوم لو شافها ريلي وش راح يقول
هدى:هههههههههههههههه افاااااا ما يستوى منج بنت عمي وليه تخلين حد يشوفها
لبنى هنا عاد استحت من الخاطر وحمرن خدودها: يالله عاد خلاص انجبي ي ي ي
هدى :ههههههههههههههههه
امل: بايش تتهامسون
لبنى: ولا شي امل وش رايج فيني
امل: قمر ما شاء الله عليج
جت ام لبنى وخالتها: مبروك يا بنتي
لبنى: الله يبارك فيكم
امها: الحين ترى المعرس بيدخل هذا اللى سمعته
لبنى: ياويلي هدى ...ومسكت ايد هدى اجلس جنبي
هدى: الله وش يجلسني جنبك هدي يدي بروح سي يو يا حلوه بوقت ثاني
لبنى: زين يا الخايسه اراويج
قبل لا يدخل المعرس طبعا الكل تغشى وستر نفسه من اول ما دخل العريس الكل كان يطالعه جا مع والده وابوها وعمها مشعل واخوانها مساعد ومشعل
دخل العريس على موسيقى بعد كلاسيكية .... اول ما وصل محمد لعندها باسها على راسها
محمد: مبروك لبنى
لبنى بحياء وبصوت ما ينسمع: الله يبارك فيك ..كانت مرتبكه وايدها ترجف كان ماسك ايدها وجلسها بجنبه على الكرسي
,, جا اخوها وبارك لها وباسها على راسها كان متأثر واخيرا شاف اخته معرسه وفرحانه بيومها .... قرب والدها وباسها على راسها وهي باسته على راسه وبويهه
ابوها: مبروك يا بنتي
لبنى بحياء: الله يبارك فيك يا بوي
ابوها: محمد هالله هالله في الغاليه تراها اغلى ما عندنا
محمد: بعيوني وقلبي يا عمي
اول ما سمعت لبنى هالكلام صدق حست بفرح من كلامه وبنفس الوقت حمرن خدودها زود
قرب عمها ابو محمد منها وباسها على راسها: مبروك يابنتي
لبنى قامت: الله يبارك فيك يا عمي
عمها: ما شاء الله مزيونه بنتي ربي يهنيكم ويسعدكم ان شاء الله
اسحت لبنى من كلام عمها وهنا قرب عمها مشعل اخو والدها: مبروك يا لبنى الله يهنيكم يارب
لبنى: الله يبارك فيك عمي وباسته على راسه
................
طلعوا لفوق وصوروا مع الاهل كلهم وبعدين تركوهم لحالهم يكملون صور
محمد: اوووف خلاص يبه صورنا كفايه بس عاد اقلبي ويهك عنا نبي نشوف حالنا وهوي يقولها بهمس
لبنى ضحكت بشويش
محمد: ياويل قلبي ...اقول لو سمحتي خلاص كافي صور لنا وش رايك
المصوره: وات سير
محمد: enough can you please go now I have to talk with my wife
المصوره: ok sir just 2 pictures these pictures will last for ever
محمد: ok but quickly please
بعد ما خلصوا التصوير كانوا بروحهم
لبنى جالسه بعيد شوي من محمد ومستحية
محمد: لبنى مبروك علينا ... ما بغيت افتك من هاللزقه اعوذ بالله اذبحتنا بهالصور
لبنى ابتسمت: الله لا يحرمني منهالابتسامه ابد
لبنى بخاطرها امين ان شاء الله
محمد: لبنى طالعيني..
لبنى بحياء رفعت عيونها شوي وبعدين نزلتهم
محمد: الله يقدرني واسعدج ان شاء الله
شوي ودخلت عليهم امه وام لبنى بعد ما دقوا الباب
محمد وهو معصب: ياربي وش جابهم بعد لهنا ما يتركونا شوي لحالنا
امه: يالله محمد ولدي خلى لبنى تغير ملابسها ترى لازم تروحون الفندق وترتاحون
ام لبنى: يالله بنتي تعالي غيري ملابسج
لبنى طالعت في محمد وكانت بتضحك من خاطرها من وقفه محمد وهو يطالعهم
محمد وقف: انزين خلاص اخلصوا انا انتظر تحت لا تطولون علينا انزين
لبنى وقفت: ان شاء الله
محمد: يالله الغاليه بسرعه وطلع من الغرفه وياه امه
جت ذيك الساعه اختها ليال ويا نوفا
ليال: لبنوووووو ها علميني وش قال لج
امها: عيب ليال ياللى ما تستحين بعدج صغيره على هالسوالف ريال ويا حرمته وش دخلج بينهم ؟
ليال: لا بس ادرى اختى ما تعرف للكلام الزين ولا ليه طلع بسرعه اول ما طلعت المصوره
لبنى: اصلا بغير ملابسي ورايحين الفندق ما راح نجلس تعرفين طايرتنا بعد الفجر من الحين يعني يدوب نلحق نروح ننام شوي
ليال بحزن: اها يعني بتروحين حرام تمي ويانا شوي
امها: ربنا يوفج يابنتي ديري بالج على روحج انزين
لبنى: ولا يهمك يايمه ادعي لي بس
ساعدتها امها واختها ليال ولبست عباتها وشيلتها ونزلوا معها لتحت
محمد: اوكى نترخص الحين... تصبحوا على خير
امها: ياولدي هالله هالله في لبنى ... دير بالك عليها
محمد: ان شاء الله خالتي بعيوني ...بس هي وصيها على
لبنى استحت من كلامه
مساعد:ههههههههههههههه ولا يهمك لبنى ديري بالج على محمد
محمد: ايه كذا الكلام يكون مو من اول ما جيت وانتوا تتوصون فيها وانا المسكين ماحد يهتم فيه
ضحكوا منه الكل
امه: فديتك ياولدي دير بالك على روحك وعلى حرمتك انزين ولما توصلون لهناك اتصلوا علينا
محمد: ان شاء الله ولا يهمج يمه يالله الحين نمشي مع السلامه
ودعوا الكل ولبنى صاحت لما جت تسلم على امها وابوها واختها واخوها .... وصلهم للفندق مساعد اخوها ويا تركي اخو محمد
بالجناح سلم مساعد على اخته اللى صاحت اول ما ضمها له
مساعد: وبعدين معاج انتى دموعج بس زاهبه تنزل من اول كلمه
لبنى: بتوحشوني والله.... دير بالكم على اهلى
مساعد: لا تهتمين انتي ديري بالج على صحتج يالله تروحون وترجعون بالسلامه ان شاء الله
...ابتدت حياة لبنى ذاك اليوم وجا عبدالعزيز ولد عمه يوصلهم للمطار ويا اخوه تركي اللى لزم انه يوصلهم معاه ......
بالطياره كانت لبنى دوم تخاف من الطيارات ... محمد اللى من شافها كذا مسك ايدها وطمنها وقربها منه ... اول ما وصلوا لسويسرا ارتاحوا وطلعوا بالليل لمطعم تعشوا وبعدها ردوا البيت
محمد وهو ماسك ايد لبنى: فديتك يا الغاليه وربي احبج واحب هالعيون الحلوه الله لا يخلينى منها ان شاء الله
لبنى بحياء نزلت عيونها
محمد: لا تنزلين هالعيون ابي اناظرهم بكل لحظه وربي ما اشبع منهم ابد هم اللي ذبحوني من اول مره شفتج بالمول
لبنى: والله
محمد: ايه والله من يومها وانا انقلب حالي ..... احبج لبني
لبنى سكتت وعاد ويهها صار احمر
محمد:هههههههههه طيب احبج بعد مره ثانيه
لبنى هنا خلاص: بس محمد
محمد: اونتي ايش قلتي
لبنى: ما قلت شي
محمد: الا قلتي والله
لبنى وهي تفج عيونها: والله ما تكلمت
محمد: تبين تكذبيني يعني الحين قلتي انج تحبيني بعد
لبنى هنا عرفت قصد محمد: ما قلت كذا
محمد : يعني ما تحبيني
لبنى: ومن قال ما احبك
محمد: يعني تحبيني
لبنى استحت وسكتت
محمد: يعني صح ما تحبيني ..؟؟
لبنى بسرعه: الا
محمد: الا شووو
لبنى: يووووه خلاص انت عارف
محمد ضمها له وباسها على ايدها اللى ماسكها: هههههههههه فديت اللى يستحون ويتغلون علينا بكلمه
...مر شهر العسل بسرعه لبنى كان كل يوم يزيد تعلقها وحبها لمحمد اكثر واكثر اما محمد فكان عايش في عالم ثاني حاس انه حياته تبدلت وصارت احلى من صارت لبنى وياه ....ورجع محمد ويا لبنى للرياض وكان في استقبالهم اخوه تركي ويا عبدالعزيز ولد عمه وعلى طول راحت البيت لاول مره تشوف بيتها عجبها الجناح الخاص فيهم ومبين عليه الذوق
الكل كان حبوب معها وفرحوا برجعتهم بالليل راحوا لعند اهلها وتعشوا هناك وبعدين رجعوا للبيت
.......
محمد تذكر باللى صار بعد 3 اسابيع من رجعته ...كانت لبنى دينامو البيت يسمعون ضحكتها وسوالفها ويا الجميع وحبها الجميع لطيبتها ولاسلوبها في التعامل حتى خالد اللى كان يتهاوش ويا نوفا دايما من تكلمه لبنى يهدا ويسمع كلامها ولا عاد يهاوشها مثل زمان
على الغدا بيوم...
عمها: ها لبنى اشلون الاهل عساهم بخير
لبنى: الحمدلله بخير يا عمي يسلمون عليك
عمها: الا اقول ما اشوفهم يعني يزورونج هنا بالبيت ترى البيت بيتهم واحنا صرنا اهل
لبنى: ربي يخليك عمي بس انت تدري طول الوقت امي ويا خالتي ما تقدر تتركها لحالها هالفتره
عمها: ايه ربنا يشافيها ان شاء الله الا ايش قالوا لها الدكاتره
لبنى: ولا شي الشلل ما راح تطيب منه بس مع التمارين ان شاء الله تقدر تعتمد على روحها لكن بناتها بعدهم صغار وصعب يديرون بالهم عليها الحين
خالتها: ربنا يعافيها ان شاء الله وتفرح فيهم
الكل: امين
ابو تركي: ها محمد متى ان شاء الله بترجع للدراسه
محمد: قريب ان شاء الله بعد 3 اسابيع
امه: والله يا يمه ما شبعنا منكم
محمد: قولي ما شبعتي من لبنى طول وقتها وانتى وياها سوالف
خالتها: ربي يخليها والله
زوجة تركي طالعتها
خالتها: وفديت قلبج انتي بعد بس والله كلكم معزتك بقلبي واحده بس انتى ام الغالي ان شاء الله عن قريب ويالله تهتمين لحالج ولريلج بعد كافي الحمال اللى متعبك
العنود: هههههههههههههه فديتج خالتى تدرين وش كثر غلاتج انتى بعد وترى لبنى مثل اختي وزود بعد
لبنى: ربي يخليكم لى ان شاء الله
خالتها: عقبال ان شاء الله ما اشوف ولدكم عن قريب محمد
هنا لبنى انقلب وجهها لحزن ...وعلى طول طالع فيها محمد وغير السالفه على امه
محمد: ههههههههههههه وين بدري انا ابغى لبنى لى وبس وش ابي فيهم القرود يبعدوني عنها
امه : الله لا يقوله ان شاء الله اشوف عيالك تارسين علينا البيت انت واخوانك
هنا لبنى ماعادت تتحمل ووقفت على طول
لبنى: اسمحوا لى بروح داري شوي مصدعه ..
تفاجأوا فيها ومن تصرفها
محمد: هي كانت مصدعه بس انا قلت لها تعالى تغدي معنا بروح اشوفها
امه: يايمه خلها تاخذ حبوب الصداع ...وشوي وسكتت لا وش صداعه لا يكون فيها شي
محمد: وش فيها
امه: يعني حامل اول شي خلها تفحص
محمد انصدم: لا يا يمه ما فيها شي بس شوي صداع يالله انا استاذن بعد وراح وطلع لجناحه
لقى لبنى دموعها على خدها وتبكي بصمت
اول ما قرب صوبها على طول قربت وحطت راسها على صدره وبدت تبكي بحرقه
محمد يهدي فيها: بس لبنى فديتج مابي هالعيون اشوف فيهم دموع
لبنى: قلت لك من الاول انى ما اقدر اسعدك ما راح اجيب العيال ابد ولا راح تشوفهم ..ولا اهلك بعد راح يشوفونهم
محمد: انا مابي العيال ابيج انتي وبس وخلصنا من هالموضوع لا عاد تفتحين فيه سالفه
لبنى بحزن: مو انا الا اهلك وش ذنبهم والله انى غلطت لما وافقت
هنا محمد زعل جد: يعني ندمانه على انج تزوجتيني
لبنى طالعت بعيونه: والله من يوم ماتزوجتك مو ندمانه الا على الايام اللى قبل ما عرفتك فيها ... حبك ملكني روحي وفكري وقلبي ..لكن انا اللى مقصره بحقك وراح اظل مقصرة بحقك وانت والله تستاهل كل خير وتستاهل احسن مني بعد .. انا بموافقتي حكمت عليك تعيش كذا بدون عيال والله انى انا اللى ما استاهل اكون زوجتك او انك تحبني لهالدرجه
محمد: لا عاد اسمعك تقولين هالكلام وربي ازعل من جد .. لو تعرفين وش كثر احبج واحب الارض اللى تمشين عليه.. ربي يخليج لى انا ابي اكون سعيد ومبسوط بحياتي ووالله ثم والله انى مابي الا انى اكون بقربك طول عمري والسعاده اللى احسها بكل يوم تزيد ... من اول ما اصحى الصباح واشوف ويهك قربي دنيتي تضحك لي واحس انه الكون كله ملكي ... بضحكتك وكلامك وطيبت قلبك وفوق هذا جمالك ودلالك قدرتي تملكين قلب وروح محمد .... ربي يخليج لى يالغالية واقدر اسعدج ان شاء الله على طول
لبنى نزلت دموعها غصب عنها من سمعت كلامه ...: ربي يخليك لى ولا يحرمني منك ابد
.....
راحت لبنى لعند اهلها وارتاحت شوي معاهم بالسوالف والضحك جا محمد ياخذها بعد العشا وتمشوا شوي وبعدين رجعوا البيت ...لقتهم جالسين على التقلزيون متجمعين على مباراة السعوديه ويا ايران بكاس اسيا ...الكل كان يشجع جلست وياهم وهات يا سوالف ومزح مع بعض بعدين الكل راح لغرفته
..... قبل لا تنام حست بوخزه بقلبها .... تعوذت من ابليس ونامت على الساعه تقريبا 3 صحت وما قدرت تنام شي تحس بداخلها توضت وابتدت تقرا قران شوي وهي جالسه على السرير ..صحى محمد وشافها تقرا قران ابتسم طالعته بابتسامه ورجعت تكمل قراتها للقران ..قام محمد وراح الحمام ... من رجع ما سمع صوت .. وقف مكانه كانه صنم شاف لبنى نايمه وايدها على صدرها والقران بالجهه الثانيه مفتوح على ايدها وقف قلبه وحس انه رجوله ما تتحرك قرب شوي شوي منها وطالع بوجهها ..نايمه اكيد نامت
اخذ من ايدها القران وارتعش جسمه من لمسة ايدها حس ببروده
قرب وحط ايده على خدها ...
محمد بهمس: لبنى يالغالية لبنى لبنى لبنى ظل يرددها لاكثر من خمس دقايق على طول ركض لغرفه اهله ودق عليهم الباب
فتحت امه الباب
امه: بسم الله ياولدي وش فيك يمه وش صار
محمد ما قدر يتكلم مسك ايدها وسحبها معاه على طول للجناح
جت للجناج وطالعت في لبنى
محمد: ما ردت على يمه لبنى ما ردت علي يمه حلفتج خليها ترد على
قربت امه من لبنى: لبنى بنتي بدت تصحي فيها وحست بشعور غريب بسرعه روح قوم اخوك بسرعه يالله يمكن اغمى عليها ...حست جسمها يرجف وابتدت تقرا قران بصوت خافت وتمسح على راسها حست ببروده بجسمها ياربي يالله ليه بارده
جت العنود بسرعه وعلى طول خذوها للمستشفى
مساعد هو واهله وصلوا للمستشفى على طول بعدهم ..الكل كان بالمستشفى اما محمد فكان في عالم ثاني اول ما شاف مساعد قرب وضمه لصدره وبدت دموعه تنزل
مساعد: محمد وش فيها لبنى علمنى وش فيها
محمد: لبنى ما ردت على ابيها بس ترد على والله مابي شي منها الله يخليك مساعد خلها ترد على لما اناديها
مساعد حس بصدمه محمد وهداه : اذكر الله لحظه بروح اشوف الدكتور ....
من بدا يروح الا وهذا الدكتور طلع عليهم وشاف العيون اللى مصوبه عليه
الدكتور بنظرة حزن: انتوا اهلها
مساعد قرب منه هو وابوه وابو محمد اما محمد من شاف نظرة الدكتور ما قدر يشل رجوله من على الارض
مساعد: بشر يا دكتور اشلونها اختى
الدكتور: الله يصبركم ...ربنا خذ امانته ما قدرنا نسوي شي هي كانت شبه ميته والقلب متوقف ما قدرنا نسوي شي ...عظم الله اجركم الجميع
كل شي بالعالم انطفا يهذيك اللحظه ومحمد ما سمع الا صراخ الحريم اللى كل وحده بدت تصيح في مكان امها ما قدرت تتحمل وطاحت على الارض مغمى عليها .... ام محمد والعنود مسكوها ونادوا على الممرضات يشيلونها للداخل ... مساعد اتكا على الجدار ومسك عمره اما ابوها فجلس على طول بالكرسي ومسكه ابو تركي اما تركي فعلى طول راح لمحمد ومسكه بايده وجلسه على الكرسي
تركي: محمد انت رجل مؤمن وصابر ....
محمد باستغراب: انا كنت بس اناديها ما بي شي كنت بس اناديها ابيها ترد على ..بس ما ردت لبنى ما راح ترد على ابدا ..وابتدت دموع عينه تنزل وما وقفت الا وهو يصرخ باسمها وطالح عليهم على الارض الكل زاغ من شاف حالة محمد وعلى طول جوا الدكاتره والممرضين وشالوه عندهم بغرفة الطوارى واسعفوه وعطوه مهدي عشان يرتاح
ظل محمد بغرفته بالمستشفى3 ايام لا يتكلم ولاشي كله ساكت وصامت ..... يجون اهله كل مره واولاد عمه واصحابه,, وعبدالعزيز ولد عمه ما تركه لحاله طول وقته وهو معاه بس هو كأن العالم من حوله متوقف يحس فيهم ويطالع بعيونه في فراغ وبس ما قدر يتكلم او يرد عليهم يسمعهم وش يقولون ...
في ثالث يوم وفجاه لما كان عبدالعزيز ويا محمد جالس يقرا في كتاب معاه سمع
محمد: انتوا دفنتوها
عبدالعزيز: الحمدلله على سلامتك محمد ها اشلونك الحين ان شاء الله احسن
محمد: انتوا دفنتوها ..!!
عبدالعزيز طالع فيه بحزن والم: الله يرحمها يامحمد اطلب لها الرحمه والمغفره
محمد: وين دفنتوها ..؟؟
عبدالعزيز: محمد تبي تشوف قبرها ..حس انه لازم محمد يرجع لواقعه ويعرف انه خلاص لبنى ما عادت معاه بالحياه
محمد: ايه ودني لهناك
عبدالعزيز: بترخص من الدكتور يطلعك
محمد قام من السرير بشويش يحس رجوله ما يقدر يوقف عليهم وحس انه بيطيح قرب منه بسرعه عبدالعزيز ومسك وسطه
محمد: ودني لها ابي اشوفها
عبدالعزيز اخذه من شافته الممرضه نادت على الدكتور اللى جا على طول
الدكتور: لوين اخوي بعده المريض يبي له راحه
عبدالعزيز: بنرجع بعد شوي
الدكتور: على مسؤوليتك اخوي تراه بعده ضعيف
..............
عبدالعزيز ما رد عليه وعلى طول طلع ويا محمد ووداه لقبر لبنى
محمد هد ايد عبدالعزيز وتركه عبدالعزيز وقتها وما تقدم وياه
محمد قرب من القبر .... ودموع عينه نزلت .... لبنى تركتيني لحالي يا لبنى ... وعدتيني تظلين معاى طول العمر يالبنى ..اشلون اقدر اعيش بدونج ..اشلون اقدر ارجع البيت وانتي مو معي اشلون ... هنا ابتدا محمد يبكي بصوت عالي وجا من وراه عبدالعزيز ومسك كتفه وضمه له طلعت دموع محمد على زوجته الغاليه لبنى اللى راحت فجأه قدام عيونه ما راح ابدا ينسى ابتسامتها اخر مره لما شافته وهي تقرا القران حس وقتها انه لبنى راحت وهي راضيه عنه راحت وهي مبسوطه تمنى انه يكون اسعدها اكثر من كذا بس ربنا ما اراد .... جلس ساعه محمد يبكي وعبدالعزيز وياه ما تركه بعدها قام محمد
محمد: بغيت اروح البيت ما برجع المستشفى
عبدالعزيز: طيب محمد اللى تبيه يصير بس انت ارتاح الحين ..
اول ما دخل البيت عليهم شاف الرجال اللى جوا يعزون وعلى طول التفت عليه ابوه وعمه ومن شافوه حسوا بالم وحزن
قربوا من محمد وعظموا له الاجر وابتدا الرجال يعظمون له الاجر كان يرد عليهم بكلمتين ولا يزيد عليهم ولما حد يساله عن حاله كان ما يرد والكل كان مقدر موقفه يعني معرس ما امداه يتهنا بعرسه شهرين ويصير ارمل فجأه
بعد ما طلعوا الرجال راح لداخل البيت وشاف امه اللى على طول من شافته ابتدت تصيح وقربت منه وضمته له وهي تصيح ولدها وزوجة ولدها اللى راحت بعز شبابها
محمد كانت دموعه تنزل بس ما رد على امه ولا على اخته وضحه او نوفا اللى جوا وسلموا عليه وبدوا يصيحون ما سوا شي غير انه ضمه لهم وبس بعدها طلع على جناحه وسكر الباب عليه
********
جا والده ودق عليه الباب وامه واخوانه بس ما رضى يفتح الباب بالاخير كلموه على الانترفون الداخلي ,, رد بكلمه خلوني لحالي وبس
ظل على هذي الحاله يومين وهو مسكر على نفسه الجناح يالله يقرا قران ويبكي او انه ينام لما يحس بالتعب .... ب3 يوم دق عليه عبدالعزيز الباب وهو على نفس الحال بالاخير هدده عبدالعزيز لو ما فتح الباب انه راح يكسره عليه شوي وانفتح الباب وشاف خيال انسان يمشى وحاله تبدلت
عبدالعزيز: روعتنا عليك محمد حرام عليك والله اللى تسويه فينا وفي اهلك وفي نفسك حرام عليك والله لا ربنا يرضى هالشي ولا حتى بعد لبنى الله يرحمها ترضى اللى تسويه من عقبها
محمد نزل راسه من سمع كلام عبدالعزيز وما رد عليه بشي غير انه دموعه نزلت وابتدا يبكي امه من شافته على هذي الحاله بدت تصيح وراحت لغرفتها اما اخوه تركي فشاله من على الارض ومسكه هو وعبدالعزيز
تركي: محمد انت رجال مؤمن واللى تسويه ما يرضى فيه ربنا ولا رسوله حرام عليك هذا قضاء الله يعني لو صار لاحد مننا وراح بتسوي نفس الشي ترى كلنا لنا يوم ما حد يعرفه وربنا ارد يكون يومها قبلنا كلنا اطلب لها الرحمه ... محمد لبنى تراك انت تعذبها بسواتك خلها تكون مرتاحه ...ارجع لحياتك ولاهلك وللكل.. ترى اللى تسويه ما يتعبك لوحدك الا يتعب لبنى بعد ... ما اظن لو انت رحت لو سمح الله لبنى توقف حياتها وتموت وراك ... مثل ما اسعدتها بحياتها اسعدها حتى وهي بعد ميته ........ارجع محمد اللى كنا نعرفه واللى لبنى حبته ..ارجع محمد اللى لولاه لبنى ما عاشت اجمل ايام حياتها معاه ..بسألك وش اخر شي شفته من لبنى
محمد طالعه باستغراب ورد من غير ما يحس: كانت تبتسم ونزل راسه بالارض يتذكر لبنى لما ابتسمت له وهي تقرا قرآن
تركي: شفت اشلون هي راضيه عليك وانها كانت سعيده معاك الله يرحمها واسعدها الحين لما ترجع محمد اللى نعرفه كلنا واللى عرفته لبنى وبعدين ياخي غير ملابسك ترى والله ريحتك واصله لعند الباب
محمد من سمع كلام اخوه ابتسم: والله متسبح قبل 3 ساعات يمكن اشلون ريحتي واصله لعند الباب
عبدالعزيز: وانا اقول من اول ما جيت باب الجناح وش هالريحه بس خفت لا افشلك
ضحك تركي وعبدالعزيز اما محمد ابتسم وحس فيهم وباللى يسوونه وانهم يبونه يطلع من اللى هو فيه
محمد: انا جوعان عندكم عشا ولا لا
تركي فرح من سمع كلام اخوه: ولو الحين نذبح لك لو تبي ...بخلى امي تزهب لك العشا يالله قم قم وخر عنا تراك خيستنا بريحتك
محمد لاول مره يضحك:هههههههه طيب خلاص عشانك بنتسبح مره ثانيه ضمه اخوه تركي له وضمه عبدالعزيز بعد : عن نفسي انا بخليهم يحطون الجمر ويبخرون المكان
محمد: هههههههههه طيب يالله طسوا الحين بروح اتسبح ترى واشوفكم على العشا اوكى
فرحوا اهله برجوع محمد لحالته الطبيعيه ومع انهم حاسين بعذابه والمه لكن ما بينوا هالشي قدامه كانوا طبيعيين... مرت الايام ورجع محمد لدراسته هو وعبدالعزيز ومن يومها قرر محمد انه ما يكون بنفس المكان اللى عاش فيه احلى ايام عمره مع لبنى وقرر بينه وبين نفسه لو رجع تكون رجعته بسيطه ولازم يشتغل ويأسس له عمل بالخارج واختار يكون مكان عمله بسويسرا لانها ملتقى كل الاعمال التجارية .... والده ساعده في بداية تكوين الشركة وعمه تركي ما قصر معاه بعد مع انهم مو مرتاحين لكن تركوه براحته ...
***********
يتذكر محمد لما قرر هالشي ايش كان موقف اهله من القرار
ابوه: انت وش تقول ياولدي ليه بتشتغل بره ...وش فيه الشغل مع ابوك او مع عمك وين ما تبي تعرف ما راح نقصر هذا حلالك انت واخوانك من بعدي
محمد: بعد عمر طويل ان شاء الله يابوي بس خلوني براحتي ارجوك ...شوي نزل راسه وبحزن تكلم لاول مره يسمعونه اهله
محمد: احس انى مخنوق لما ارجع البيت وخصوصا لما اكون بالجناح لحالي اتذكرها بكل ركن في البيت واتذكر كل شي ما غابت عن بالي ..احس بالم هنا يابوي وأشر على صدره يابوي تكفى طلبتك والله انى لما الف بالشوارع وامر من بيت اهلها احس انى مذبوح يايمه افهموني ارجوكم والله ودي بس مو قادر والله مو قادر انا بجي فترات لكن اعيش هنا ما اقدر ارجوكم خلوني براحتي يمكن مع الوقت اقدر انسى ارجوكم طلبتكم وبعدين هنا اخوى تركي وما شاء الله سلطان وطلال وخالد انا خلاص انتهت حياتي هنا يوم راحت عني لبنى وجلس على الكرسي تدمع عيونه وهو يطالع في اهله ...امه جلست تصيح من خاطرها ووضحه تهديها واما تركي وسلطان كانوا ساكتين ما نطقوا بشي الوالد بس اللى تكلم
ابوه: زين محمد سوي اللى تباه المهم راحتك عندنا وترى هذا بيت اهلك لا تنسى في أي وقت راح تلقانا دايما جنبك ومعك
محمد قام وباس راس ابوه: لا خليت منك يابوي ربي يخليك لنا ذخر ان شاء الله ...وقرب من امه وباسها امه على طول ضمته بقوه وهي تصيح وتبكي
محمد: فديتج يالغاليه لا تصيحين وبعدين بجي وبتشوفيني ما راح اقطعكم انا
امه وهي تبكي: يا يمه نهون عليك تتركنا وتعيش لحالك بمكان غريب من يهتم فيك من ينتبه لك ولا احد
محمد: ماحد راح يموت قبل يومه وسكت .... يتذكر يوم قالها لمساعد باول مره ولبنى تسمعه قبل لا توافق عليه حس انه كلامه اللى قاله صح ويومها كان وراحت الغالية عنه تنهد بقوه آآآآآه يايمه فديتج خلنى اشوف هالابتسامه الحلوه قبل لا اسافر لا توجعين قلبي اكثر ادعي لولدك انه يتوفق بشغله وبحياته لا تنسيني من الدعاء ربي يخليج لى وباسها على راسها ....شوي وراح خذ شنطته وطالع بنظره في المكان لاخر مره وسكر الباب وراح ..... نزل لعند اهله يودعهم
محمد: يمه طلبتك بشي
امه: عيوني لك
محمد: تسلم عيونك وقلبك ... الجناح ابيه يتغير من كل شي فيه لما ارجع ابي اشوف شي غير
الكل سكت ... اما هو فطلع وعلى طول راح ويا اخوه وولد عمه عبدالعزيز للمطار
..... مرت 6 سنوات على الحادث وبكل مره لما يرجع مع انه كل شي تغير من حواليه بس لا زال يتذكر كل شي وكأنه مر بالامس
محمد بخاطره....( مقصر والله في السؤال عن اهل لبنى لكن .... )
بعد اسبوع من رجعت محمد للرياض طرأ شغل جديد بشركته واظطر انه لازم يروح هالمره من غير ما يجلس معهم وقت طويل لمدة اسبوع وبس ......جواهر صحت قبل الكل على الساعه 7 واول شي نزلت الطابق اللى تحت افطرت وبعدها ظلت بالبيت تلف فيه كانها ما شافته لها سنين من كثر شوقها ..... جلست بالصالة اللى فوق تطالع بقنوات التلفزيون وشوي دخلت عليها امها
جواهر قامت وحبت راس امها
جواهر: صباح الخير ماما اشلونج
امها مستغربه منها: صباح النور غناتي ليه صاحيه من بدري شي يوجعج .؟؟؟
جواهر:ههههههههه لا ماما بس اشتقت انى اصحى بدري ما جانى نوم
امها: فطرتي ولا لا
جواهر: الا فطرت ماما بس بروح وياج عشان افتح نفسج للفطور
امها:هههههههههههههه فديت هالويه والله ...شوي ودخل ابوها
قربت من ابوها وحبت على ايده وراسه
ابوها: هلا ببنتي صباح الخير اشلونج
جواهر: صباح النور بابا انا بخير وانت اشلونك .؟؟
ابوها: الحمدلله تمام ...يطالع بزوجته ...بنزل تحت افطر يالله .... نزلوا الجميع وهم يفطرون شوي وجا حسن
حسن: السلام عليكم ..صباح الخير
الكل: وعليكم السلام صباح النور
امه: هلا حسن تعال يمه قرب افطر
حسن: لا بروح اشوف احمد لو صحى ولا لا
جواهر:ههههههههههه احمد اخوى يصحى بدري ما اظن بيصحى على الظهر من عوايده ترى
حسن: بروح اشوفه وبس لو لقيته صاحي بجيبه يفطر معنا
ابوه: ايه ياولدي خله يجي ماحد غريب هنا
........ كانت جواهر تسولف لها عن الرياض واهلها
جواهر: تعرف لو تشوف شهوده وتركي ما تبي تفك عنهم مرررررررررره حلوين
امها: ربي يخليهم .... ما قلتي لى اشلونها زوجة ابوج
جواهر: الله ماما تصدقين الكل يحبها طيبه بالمررررررره وحتى بعد معاى .... ما حسستني انى غريبه عنهم والله من اول يوم شفتها
امها: الحمدلله والله تعرفين يا بنتي قلت بخاطري والله لو اسمع منج انه انتى مو مرتاحه وياهم لاجي باول طيارة واخذج من بينهم
زوجها يطالعها: يعني فكرج لو مو مرتاحه انا بخليها يعني
جواهر تطالعهم وبعدين تجي من ورا ابوها وتضم راسه وتحبه وتقرب صوب امها ونفس الشي وتجلس مكانها: ربي يخليكم لي ولا يحرمني منكم ابد ...تعرفوا اشتقت انى اطلع اليوم ولا ارد الا بالليل ابي اشوف الكويت وحشتني شوف الكويت والله ابي اشوف كل مكان فيها
امها:هههههههههههههه والله لو تبين كل مكان تشوفينه ما اظن انج بترجعين البيت الا بعد اسبوع
الكل ضحك الا وشوي دش عليهم حسن
جواهر وهي تضحك: ههههههههههههههههه قلت لك ما يصحى بهالحزه يبي له ساعات لين يصحى ادرى فيه
حسن: صاحي بيغير ملابسه ويجي لا تحاتين
جواهر فجت عيونها: قول والله ....
حسن: يعني ع بالج انى بصحيه لقيته صاحي بس مو بعارف وين يجي دليته على المكان وبس بيجي ...ابتدا يحط له الزبده على التوست وياكلها
ظلوا شوي يسولفون ...في هالوقت رجاوي كانت نازلة لتحت وهي تغني صوتها عذب بالمره
صباح الخيريا مدلل
عرفت الحب بس مره
ودي في الحلا مره
تمرنا بالشهر مره
واذا حيينا مر واسأل
... تريلالالالالالالا
رسول اشواقي لا ترده
ولا تظن عن هواك رده
سؤالى مهما كان رده
ابصبر والصبر اجمل
حبي..... ما كملت لانها تفاجأت بوجه احمد في وجهها اللى كان يطالعها من فوق لتحت بعده نزل عيونه
احمد : السلام عليكم صباح الخير
رجاوي: وعليكم السلام ...صباح النور
شوي وتبي تمسك الشيله وي فضيحه ماكو شيله والا ركضه لفوق من غير ما تهتم فيه
احمد ابتسم (صوتها حلو وهي احلى موووووت بس هم بعد دلوعه وشايفه روحها بالمره ) ......
شاف احمد الشغاله ودلته على المكان اول ما دخل عليه
احمد: السلام عليكم
الكل: وعليكم السلام
جواهر وهي فاجه عيونها: من امتى صحيت غريبه والله احمد
احمد: والله ما جانى نوم ....لما ابدل مكان ما يجيني نوم لكن باليوم اللى بعده ياويله اللى يصحيني
جواهر والكل:ههههههههههههههههههه� �ه
حسن: تعال احمد ليه واقف
ابو حسن: تعال ياولدي قرب هلا بك والله بين اهلك ترى لا تستحي
جواهر: صج احمد ما كلمتهم امس
احمد وهو يجلس: الا كلمتهم الكل ويسلمون عليج
جواهر: صراحه اتصلت على فهد وبابا وكلمته لما وصلنا بس نسيت مع سوالف البنات والسهره انى اكلم الريم او احد غير
احمد وهو يشرب الشاي: تسلم عليج وتسأل عن احوالج
جواهر: الله يسلمها واشلون وليد ومحمد
احمد: تمام ما عليهم .... شوي وهو يشرب الشاي وتدش رجاوي اول ما جت عينها بعيونه استحت ونزلت نظرها للارض
قربت رجاوي: السلام عليكم صباح الخير الجميع قربت من ابوها وسلمت عليه ومن امها
جلست بجنب جواهر في مقابل احمد
رجاوي: اشلونج يالدبه وينج احاتيج تطقين علي الباب لين تكسرينه اول مره ما تسوينها
جواهر:هههههههههههههه اش اسوي عاد والله قلت اختي مسكينه ما يجيها نوم بدري خلها اليوم سماح تنام براحتها لين تصحى
الك ضحك الااحمد ابتسم ...( يعني مثلي )
رجاوي: عن القرقره الزايده والحجي الفاضي يالله وين تبين نفر اليوم ترى ما فينى اقعد بالبيت
جواهر: وين ما تبين بس بالاول بروح عند عالوووه بنت عمي والله اشتقت لها موت
امها: ايه صج امس سالت عليكم عاليه قلت لها بتجي اليوم ونسيت والله اعلمها انج وصلتي
جواهر: ما عليه عادي بنروح لها اليوم ...يالله اخلصي عاد من الفطور انا بطلع اغير ملابسي واخبر الدريول ينتظر اوكي
حسن: هيه انتوا لوين رايحين ناسييين اليوم انه ابراهيم بيجي اليوم
جواهر: قول والله
رجاوي: برهوم بيجي بعد الظهر وحزة الغدا بتلقانا هني اوكي
امها: عيب شنو برهوم ذا اصغر عيالج
رجاوي:ههههههههههه اوكى ابو خليل ولا تزعلون وابتدت تكمل اكل وهي ولا مهتمه باللى قدامها ولا كأنه موجود
احمد( شايفه روحها ولا كأني موجود بالطقاق علها ما تشوف ... شوي وقام احمد
حسن: وين احمد
احمد: ابروح الغرفه الا ما قلت بنطلع بعد شوي
حسن: اكيد يالله انطرني بجي لحظات بس اكلم واجي
رجاوي:هههههههههههههه ايه يكلم نور قلبه
حسن: ها ها بايخه يالله يبه يمه بنطلع انا واحمد وبعدين بنروحس نستقبل ابراهيم اخوى بالمطار
.......
ببيت عاليه بنت عم جواهر
اول ما فتح الباب بدر اللى كان منصدم بشوفة جواهر
بدر: لا معقوله بنت عمي جواهر هنا الحمدلله على السلامه متى وصلتي
جواهر وهي مبتسمه: الله يسلمك اشلونك بدر واشلون الاهل
بدر: الحمدلله تمام
رجاوي: هيه انتوا يالله اخلصوا خلونا ندش بنظل واقفين لمتى يعني
بدر وجواهر:ههههههههههههههههه
بدر: هلا وانا اقول هالحشره لمن
رجاوي: اشلونك بدر وينه عمي اشتقت له حيل
بدر: ايه باين ما نشوفج الا بالشهر مره
وهم داشين الا حسن ولد عمهم جا : السلام عليكم .... هلا والله وغلا بالنور كله جواهر بنت عمي هنا عندنا
رجاوي: هيه انت جواهر يالعمي وانا وين رحت
حسن: اوووه شيخة البنات نسينا بعد وياها
رجاوي: ايه ع بالي ما شفتني
الكل:هههههههههههههههههههه� �
بدر: الا اقول جواهر اشلون الاهل هناك عساهم بخير وطيبين
جواهر: ايه الحمدلله كلهم بخير ويسلمون
رجاوي: قولوا لها مبروك
طالعت فيها جواهر بنظرة يعني لا تتحجين بس بعد شنو
بدر وهو فاج عيونه: على شنو مبروك
جواهر بحياء: ولد عمي خطبني .... وبعدها طالعت في عيون بدر
بدر وهو عيونه بعيونها : مبروك جواهر وانتي وافقتي
جواهر بعصبيه شوي من رده وبروده: ايه وافقت ولد عمي وكل وحده تتمناه
بدر: مبروك تستاهلين كل الخير ربي يهنيج ويسعدج
جواهرمن سمعت رده يعني ما يهتم انخطبت او لا : وينها علووووه والله ولهت عليها ابروح دارها وعلى طول راحت وتبعتها اختها رجاوي اللى استغربت من تصرفها
رجاوي: وانا معاج وهم طالعين الا وهذي زوجة عمهم نازله قربت جواهر منها وسلمت عليها
جواهر: اشلونج خالتي
فاطمة: الحمدلله تمام اشلونج انتي متى وصلتي
جواهر: امس بالليل
فاطمة: اها كويس ... وطاعلت رجاوي اشلونج رجاوي
رجاوي: بخير خالتي انتى اشلونج
فاطمة: تمام بتطلعون عند عاليه
جواهر: ايه صحت ولا بعدها
فاطمة: اظن نايمه بس زين تصحوها خلوها تشوف نفسها
رجاوي: ليه بتروح مكان
فاطمة: اهل خطيبها بيجون اليوم
جواهر ورجاوي: انصدموا من كلامها متى انخطبت وليه ما يعلمون احد .... راحوا لعند عاليه واول ما وصلوا لهناك رجواي بكل قوتها جلست على السرير
فزت عاليه من النوم وهي مرعوبه وشلت الغطا من عليها: العمى حس..وسكتت شافت رجاوي قدامها وجواهر
رجاوي:ههههههههههههههه يالله اصحي يالدبه معاج بس خمس دقايق بعدها بنطلع ونروح عنج
عاليه وهي تصيح : جواهر مو معقوله متي وصلتي
جواهر: امس يالله قومي بسرعه وبعدين تعالي سلمي ما فيني اسلم على وحده ما غسلت ويهها من صباح الخير
عاليه وهي تقوم من الفراش: بس خمس دقايق وبجي خذوا راحتكم
رجاوي: اكيد بناخذ راحتنا يالله اخلصي بسرعه ......
بعد ما سلمت عليهم عاليه وسألوها عن سالفة الخطبه
عاليه وهي تتنهد: الله يبارك فيكم بس تدرون والله مدرى احس قلبي مقبوض مع انه سألو عنه قالوا اوكى
جواهر: طيب ليه وافقتي عليه لو انتى ما تبينه
عاليه: وش اقول ماما
رجاوي: شوفي يالخبله لمتى امج تتحكم بحياتج ترى انتى اللى بتعيشين معاه مو هي
عاليه: والله مدرى خلاص صار وكان وعسى ان تكرهوا شيئا وهو خير لكم ..اكيد امي ما راح تتمنى لى الا السعاده...ايه نسيت لا ابارج لج جواهر ها اشوف من اول مره رحتي انخطبتي هبلتي فيهم اولاد نوره
جواهر:ههههههههههه لا هبلت فيهم ولا شي ولد عمي اللى تخبل فيني وبس
ضحكوا الكل من جوابها
جواهر: وترى نفس الشي مو مرتاحه لكن يالله ولد عمي مثل ما قلتي وعسى ان تكرهوا شيئا وهو خير لكم
رجاوي: يالله عاد البؤساء اخلصوا ترى وران سوووووووووووق فاهمين وش معناه
ضحكوا منه ونزلوا لتحت سلمت جواهر على عمها وشافت حسن اللى يطالعها بنظرات اول مره تشوفها
جواهر: اقول حسن وش فيك تطالعني جذي فيني شي غلط لا يكون رجعت وانا غير
حسن تفاجأ من سؤالها: ها ولا شي بس سمعت انج انخطبتي صج هالكلام
جواهر وهي مستحيه: ايه صج
حسن بحزن: مبروك يعني خلاص بتروحين تعيشين هناك
جواهر: هذي ديرتي واكيد بروح وبرجع لها وين اخليكم انتوا اهلي
عمها: مبروك يا جواهر ربنا يسعدج
جواهر بحياء: الله يبارك فيك عمي ايه ومبروك خطبه عاليه ولو انها مفاجئه لنا
حسن: حتى خطبتج مفاجئه والله لنا ( يعني اللى كان يحلم فيها خلاص راحت من طريقه ....)
جواهر: يعني من قريب كم يوم بس
طالعت فيها امه بنظره: ولد عمك اللى انخطبتي له يدرس ولا يشتغل
جواهر: يشتغل ويا عمي بالشركه
خالتها: اها مبروك يالله عن اذنكم بروح شوي
زوجها: متى راح تردين ..؟؟
ام بدر: ما راح اطول يالله مع السلامه ..... واقول عاليه لوين ان شاء الله رايحه ترى عارفه الناس راح تجي لا تطولين بره...... ايما تعالي ..... وراحت تنادي على الشغالة
ابوها: انزين ديروا بالكم على روحكم
رجاوي: بياكلنا الذيب يعني هههههههههههههه لا تحاتي عمي يالله مع السلامه
...................
وطلعوا للسوق طبعا المارينا مول هذا عاد يحبون يلفون فيه بكل مره
طبعا الكل بس كان محجب وكاشف وجهه لفوا شوي بالسوق وطبعا ما سلموا من تعليقات بعض الشباب لما يمرون جنبهم او يقطون لهم الارقام ... بعد ساعه تقريبا وصارت الساعه 11
جواهر: والله تعبت خلونا نرتاح بمقهى شي تعبت من هاللى يصير اوووف بكل مكان ارقام ما يملون هذول
عاليه: ههههههههههههه يملون وهم يشوفون احلى 3 بنات بالكويت كلها
رجاوي:ههههههههههههه ايه وانتي الصاجه عاد انا احلى الجميع
جواهر: طالع هذي صدقت نفسها يالله انا بروح عنكم لما تخلصوا دقوا علي بكون عند الكافيهات صوب البحر ولهت انى اشوف البحر والله
عاليه: اوكي ولا يهمج ترى ديري بالج يام عيون خضره ...
رجاوي: خذي مني هالاكياس هذي فديتج يواهر
جواهر: هاتي ادرى عنج بتجيبين غيرهم هههههههههههههه
جواهر راحت بصوب وهم بصوب ...طبعا راحت ودشت المصعد بس قبل ما يتسكر عليها دشوا معها اثنين اهى كانت معها اكياس بكل ايدينها
الشاب الاول: اختي تبينا نساعدج بشي
جواهر طالعت فيه: مشكور
الشاب الثاني: هالاكياش ثقيله نشيلها عنج اختى ونوصلها للمكان اللي تبينه
جواهر: قلت مشكوره مابي وسكتت عنهم
الشاب الاول: اقول خالد اليوم شفت القمر وش حلاها
الشاب الثاني: ايه والله صج حلوه تخبل بالمرررررره وهو يخزها بنظراته
الشاب الاول: اقول خالد كم الرقم وهو يطلع جواله
خالد فهم عليه وقال الرقم بهدوء
جواهر تعرف انهم يتكلمون عنها ويرقمونها .... شوي وانفتح المصعد
اول ما قابلت بويهها كان رفيقتها بالمدرسه مضاوي
مضاوي: جواهر مو معقوله هلا وغلا اشلونج وباستها على خدها
جواهر: هلا مضوي اشلونج عساج طيبه
مضاوي وهي تطالع بالشباب: اشوفك خالد تاخرت علينا وينك فيه امي تحاتيك من اول والله
خالد وهو محرج بالمره يعني هذي صاحبة اخته: كاني ييت بروح لها
جواهر: ههههههههههههه هذا اخوج عينه زايغه هههههههههه لا وبعد رقمني قولي له جواهر انساها تراها لغيرك
مضاوي: لا تقولين ...انخطبتي ..؟
جواهربحياء : بهالاجازة ايه لولد عمي
مضاوي: أي واحد فيهم
جواهر: لا ولد عمي ما تعرفينه سلطان .... اقول مضاوي ترى والله الاكياس ثقيله بالحيل بروح اجلس في أي كافيه وش رايج تيين وياي
مضاوي: والله ياليت بس احنا برنوح الحين بس تعالي بساعدج باخذهم معاج وبعدها بروح اكيد امي تحاتيني هناك يالله
خذت معها بعض الاكياس وجلست جواهر باحد الطاولات وراحت عنها مضاوي بعد ما وعدتها تتصل عليها
اما جواهر طلبت لها كوب كابتشينو وبعدها دقت على العنود
جواهر: صباح الخير اشلونج العنود
العنود: صباح النور هلا وغلا باحلى صوت واحلى ويه
جواهر وهي تضحك: ههههههههههه انا اللى فديت اقول عنوووده وربي لحالي جالسه وعالووه ورجاوي يلفون بالسوق تعالي
العنود: اذبحج وليه ما تقولين لي بتطلعين السوق
جواهر: والله بسرعه جت الفكره براسي المهم بتجين ولا لا
العنود: اكيد وينج فيه الحين
جواهر: بالمارينا مول
العنود: خلاص لما اوصل اتصل عليج اوكى بس ها لا تروحين عني لما اجي بنتغدى سوا هناك اوكى
جواهر: تعالي انتي بس ويصير خير يالله انطرج
سكرت جواهر عنها .... المكان ابتدا يزدحم شوي ...
جواهر كانت جالسه بروحها وكانوا حوالينها عوايل وشباب من كل الجهات فكرت في اخوها فهد قالت بتدق عليه
دقت على اخوها
جواهر: فهد حبيبي اشلونك وشخبارك
فهد: هلا والله بهالصوت اشلونج جواهر ..
جواهر: الحمدلله تمام وانت اشلونك واشلون بابا هناك والكل
فهد: يسلمك ربي كلهم بخير ماعليهم ..اسمع حشره وياج وينج فيه الحين
جواهر: وين بعد بالمول ويا اختي وبنت عمي ولهت انى اطلع واشوف الديره
فهد:ههههههههههههه ايه ولهتي على السوق قولي كذا
جواهر: وين تبينا نروح يعني من الصباح الا اذا بنروح للسوق وهي تبتسم مروا من جنبها 4 شباب باين عليهم عيال ناس وكاشخين بالمره
جواهر: فديتك فهد انا الحين بتصل على خالتي ...ترى انطر اتصال منك اوكى لا تنساني
سمعوها الشباب وهي تقول هالكلام
فهد: انسى روحي ولا انسى اختي الغاليه
جواهر: يالله اشوفك على خير ان شاء الله مع السلامه
...جلست تقريبا لها نص ساعه وشوي ويجيها اتصال
العنود: يواهر الخليج وينج انتي الحين
جواهر وصفت لها المكان وبعد دقايق الا العنود وياها سلمت عليها وجلست عندها
العنود: اقول يواه تطالعين الاربع شباب اللى يالسين هناك بالطاوله قريب منا يطالعون فيج بنظره
جواهر: وش علي منهم يالله اخلصي قولي اشلونه وضاح
العنود وهي مستحيه: احبه يالجواهر فديت طاريه والله
جواهر وهي تضحك:هههههههههههههه ايه الله لنا الحين خلاص بتنسين جواهر وكل شي عنها دام وضاح بالقلب
العنود وهي تدفها على كتفها : وضاح بالقلب من زمان وانتي عارفه هالشي ولا حد خذ مكان جواهر بقلبي لا تخافين
جواهر: فديتج والله تعرفين هنا غير احس انى سافرت لي سنين
العنود: تعالي هنا يالله سولفي عن سلطان
جواهر: قلت لكم امس عنه
العنود: الله ولد عمج ولا تدرين عنه أي شي ..ليه ما تتكلمين وياه مو مسموح لج يعني
جواهر: وين اتكلم وياه انتي ويهج هنا ممكن يكون غير لو الاهل فري مثلنا شوي وواثقين ببنتهم لكن هم بعد احسن يصير بعد الملجه انا اشوفها
العنود: والله ما فيها شي طيب ليه ما يجي لعندكم البيت وتسولفون ويا بعض وتتعرفون على بعض اكثر اظن هذي ما فيها شي وولد عمك مو غريب صح
جواهر: زين اني اشوفه لازم اتغشى قدامه عيب تطلع الوحده كذا وويهها مكشوف
العنود: احلفى عاد يالله على التزمت اوكى خلينا من هالكلام المهم ...انتي قولي لي بجد شنو رايج فيه ولد عمج
جواهر: ماعليه كلام بس تعرفي اليوم لما شفت بدر قلبي دق بشوفته
العنود: درى عن خطبتج
جواهر بحزن: ايه واللى غاضني اكثر انه قال لي مبروك تستاهلين وربي يهنيج قهرني وقتها قلت له ولد عمي كل وحده تتمناه عشان بس قال لي مبروك
العنود:ههههههههههههه لا وتبين بعد يلمح لج بكلمه خلاص يبه انسيه بدر ما اظن انه يحبج ولا كان متكلم عليج من زمان شوفي حالج واذا ولد عمج زين مثل ما تقولين وكل البنات تتمناه خلاص مبروك عليج
جواهر: المشكله ما اكن له أي مشاعر بقلبي اشلون راح اعيش وياه والله مدرى
تكملة الجزء السابع عشر
الفصل الثاني
بنفس المكان كان احمد ويا حسن بالمارينا مول وما جا ع بالهم انه البنات رايحين نفس المكان ...شوي وكان حسن يمشي وجاه اتصال من نورا زوجته فابتعد عنه احمد عشان ياخذ راحته بالكلام اما هو فاتجه لاول محل شافه بطريقه وبالصدفه كانت رجاوي بقسم الساعات تطالع بالمعروضات اللى هناك شوي ويقرب منها شاب ويرقمها ...احمد لما شاف كذا ما قدر ييود عمره على طول راح لعند الشاب وكلمه وهزأه شوي وكان بيضارب معاه لو ما الشاب راح عنه
طالع بنظره لرجاوي: وانتي ليه ما تتغشين على ويهج ولا عاجبج كذا الناس ترقمج بكل مره حلالج هالشي اشوف تبين الشباب يراكضون وراج ...بنات اخر زمن
انصدمت رجاوي من كلامه وبدت الدموع تتجمع بعيونها : انتي اشحقه تكلمني جذي وبعدين لا ابيهم يركضون وراى ولا انت بعد ابيك تركض وراي وطلعت وهي تبكي ( شنو يفكر نفسه ولي امري عشان يحاكيني بهالشكل والله مغرور وشايف نفسه حيل ...) لما طلعت وهي تمسح دموعها كان بالصدفه قدامها اخوها حسن اول ما شافها تفاجأ فيها
حسن: رجاوي شنو صار ليه تبكين ...؟
رجاوي: لا ولا شي بخة عطر دشت بعيوني ودمعت عيوني بس انت هني من متى
حسن: من نص ساعه بس وينها جواهر
رجاوي: راحت للكافييه ترتاح بنروح لها الحين انا وعاليه
حسن: اها جبتي الفريق كله معاج اشوف ههههههههههه اوكى انا ادور على احمد مدرى وين راح
رجاوي من سمعت اسم احمد تذكرت كلامه: اوكي حسن يالله انا بروح ما كملت كلامها الا احمد طالع من المحل وتقابل وياه هي ما اهتمت وقالت لحسن: مع السلامه حسن
راحت للمحل اللى بجنبه لانها عاليه كانت هناك طلعوا سوا وعلى طول راحوا لجواهر
عاليه: شنو فيج رجوووي اشوفج متغيره
رجاوي: لا متغيرة ولا شي بس تعبت بنروح لعند جواهر احسن نجلس شوي ونسولف وبعدها نرد البيت اوكى
عاليه: اوكى اللى تبينه بس هم بعد اشوفج متغيره صار شي وانا مو معج
رجاوي: قلت لج ماكو شي يالله عالوووه ...اتصلت على جواهر وعرفوا وين جالسه هي والعنود ظلوا مع بعض تقريبا ساعه الى الساعه 12 ونص بعدها قرروا يرجعون البيت مع بعض رجعوا ويا عاليه وخلوا السواق يروح للبيت
احمد كان طول الوقت يفكر بكلامه لرجاوي تلوم في خاطره لما شاف اثر كلامه على ويهها ولما دمعت عيونها .... بس هي الغلطانه لانها تطلع بدون غشوة, بس هو مو ولي امرها واهلها شافوها حتى اخوها ما قال شي وش اللى حارقني انا ...
لما كانوا بالباركنج التقوا بحسن واحمد اللي طالع بجواهر اخته وعرفت ليه يطالعها كذا بس زين انه ما تكلم وياها الحين قدامهم
حسن: بتروحون لوين الحين
جواهر اللى ردت على كلامه: بتاخذنا العنود للبيت وننطر ابو خليل هو وبنته
العنود: لا تحاتي حسن على طول من هنا للبيت يالله على خير مع السلامه
حسن: مع السلامه
حسن راح وهو طول الوقت حاس بنظرات احمد لجواهر
احمد: اقول حسن ودي اسألك شي
حسن: تفضل احمد
احمد: ليه البنات ما تخلونهم يتغشون كبار وعيب يطلعون بهالشكل
حسن: والله ياخوي من ناحية هالشي صراحه ما فيها شي الوحده لو محجبه وويهها باين وبعدين خواتي ما شاء الله عليهم يعني ما يحطون ميك اب وخرابيطه وانت شايف بنفسك
احمد من غير ما يحس: بس حلوين ياخوك ومو حلوه انهم يطلعون بهالشكل
حسن:هههههههههه وش نسوي عاد لو كانوا حلوين يعني لو مو حلوين عادي
احمد باحراج: ما قلت كذا بس
حسن: شوف خواتي انا ادرى فيهم اللى يكلمهم بكلمه يردون عليه بعشر ولا يقدر عليهم والحمدلله مربينهم احسن تربيه والا انت شفت غير كذا في جواهر لما كانت عندكم
احمد: لا ما شفت شي
حسن: يالله خلنا نروح نلحق على الطياره ابو خليل الحين راح يوصل
................
راحوا للمطار واستقبلوا ابراهيم وبنته اللى من شافها عمها حسن اخذها كانت بالاول نايمه اخذها حسن وباسها واما ابراهيم خذ شنطه وراح على طول معاهم للبيت ترك ابراهيم يسوق وهو اخذ البنت بحضنه
حسن: والله يا ابراهيم هذي عروسة ولدي ما شاء الله حلوه مثل عمها حسن
ابراهيم : ومن قال انها طالعه عليك ..تبيها تعنس ما تتزوج شبح ويه
حسن: طالع بشيفتك بالاول زين انها طلعت على لا وتحمد ربك وصلي ركعتين شكر عشانها ما طلعت عليك يالشيفه
ضحكوا الكل واحمد يستمع لهم
ابراهيم: الا اقول احمد ان شاء الله اعجبتك الديره
احمد: والله زينه باهلها
ابراهيم: تسلم من طيب اصلك اول مره تجي لهنا يعني
احمد: ايه اول مره
حسن: وما راح تكون الاخيره ان شاء الله
احمد: ان شاء الله ... الا اقول انا نسيت لا أأكد حجز التذاكر وانا بالمطار
ابراهيم: لوين مسافر
احمد: مسافر بريطانيا للدراسه
حسن: زين ومتى انت حاجز ؟
احمد: بعد يومين بس من جيت هنا مفروض اشيك ونسيت
حسن: ما عليك انا اصلا بشوف حجز رجاوي وبالمره بشيك على تذكرتك اوكي
احمد من سمع اسم رجاوي سكت وبعدها سأل: عفوا هي اختك لوين مسافره
حسن: راجعه لدراستها ببريطانيا انت وين في أي منطقه
احمد: انا في برايتون بس نقلت الى كامبريدج
حسن: والله هم بعد رجاوي في كامبريدج
ابراهيم: أي تخصص .. كم باقي لك على الدراسه وتخلص
احمد: تخصص ادارة اعمال واقتصاد ويعني هذي اول سنه باقي 3 سنين ان شاء الله
ابراهيم: ربنا يوفقك رجاوي بعدها فاونديشن ..ويطالع في بنته النايمه عند عمها
حسن: فديت هالعيون النايمه شكلها يخبل ...متى راح تصحى ..؟؟
ابراهيم: اقول حسنووووه خلها تراها تعبتني بالمطار ما خلتني كله اركض وراها أي شي تشوفه قدامها يتحرك الا تتبعه ع بالها تمرن رجولها على المشي ...ويالله نامت بالطياره كنت خايف لا تصحى اول ما تنزل الطيارة
..........
وصلوا البيت وطبعا الكل كان فرحان بشوفة غاده وامهم خذتها وهي او لما وصلت صحت من نومها عماتها ما تركوها لحالها وخصوصا رجاوي اللى قعدت تبوس فيها بخدودها ووتتفداها
رجاوي: فديت هالعيون الحلوه طالعه على عمتج
ابراهيم: ايه الحين كل وحده منكم تقول طالعه على عمتج
جواهر: رجوووي حبيبتي فديتج عطيني اياها شوي الله من اول وهي معاج
رجاوي: اووه جواهر كانت وياج من قبل انا يومين وبسافر
من جا سالفة السفر تكلم حسن: الا صج رجاوي انتي طيارتك مو بعد يومين
رجاوي: ايه ليش
حسن: اظن احمد بيروح بنفس الطيارة وياج زين احد من الاهل يروح وياج
رجاوي: والله عالووه وياي يعني ما يحتاج مرافق بعد
جواهر: اصلا اخوي احمد يدرس هناك ببريطانيا يعني لا مرافق ولا شي
رجاوي: ادرى وبخاطرها ( مالقى الا نفس الطياره يروح فيها معاى بعد .... )
كان احمد وقتها بغرفته يرتاح شوي
على الغدا الكل تجمع الا طبعا رجاوي اللى ما حبت تتواجه ويا احمد مره ثانيه فتحججت بانها بتقعد ويا غاده وبتغديها وبعدين بتتغدى
ابو ابراهيم: ها يابوك خلصنا من المشاكل اخيرا
ابراهيم: خلاص يبه ماكو مشاكل مره ثانيه وتنازلت هالمره بالمحكمه يعني مالها دخل فيها بعد اليوم
امه: الحمدلله واخيرا ...
ابوابراهيم: الا وينها رجاوي ما شفتها
ام ابراهيم: ههههه راحت ويا غدوووه تغديها بعدين قالت بتتغدى بعدين
حس احمد انه هالكلام موجه له ...بس وش يحرقني عنها ما اكلت ما قلت شي غلط الا بالعكس قلت شي في مصلحتها .... وهو طالع من غرفة الطعام الا وهذي رجاوي شايله غاده بحضنها وتضحك وياها من شافت احمد بوزت وكملت مشيها من غير حتى ما تسلم عليه .....
..بعد السهره نزلت رجاوي لتحت تبي تشوف شي تاكله صراحه لا تغدت ولا شي وحتى العشا تحججت انه معها صداع ...هالشي خلى ابوها يجي ويطمن عليها
ابوها: رجاوي يا غناتي ليه ما جيتي تتعشين ويانا
رجاوي: يبه مالى نفس مصدعه والله باكل بعدين أي شي مو جوعانه الحين والله
ابوها: طيب ما اخذت حبوب للصداع
رجاوي: الا اخذت بكون احسن لا تحاتي فديتك يمكن من لف السوق وبس
ابوها: كله بالسوق ياحبكم للسوق والتشري ...من بعد ما راح ابوها جلست شوي وبعدها طلعت للصاله شافت امها ويا جواهر ومعهم غاده
جواهر وغاده بحضنها تشرب الحليب : فديتها وايد كيوت صح
امها: ايه ربي يخليها ..شكلها تعبان اكيد ما شفتيها العصر اشلون تراكض بالبيت مني وهناك خفت عليها والله من الدرج ..يبي لها احد دايم يركض وراها
ابراهيم دخل عليهم على هالكلمه: يمه لا تحاتين انا بكتب في شغاله تكون دايم وياها
امه: وانا وين رحت ويا كثر الشغالات اللى هنا
ابراهيم: ربي يخليج لى بس ولو عشان ما تتعبج حيل
امه: لما راح تتعبني هنا جواهر والشغالات هنا لا تحاتي انت بس واهتم في حالك
ابراهيم عرف امه وش تقصد : الله كريم .... لما تنام خلى جواهر او رجاوي تجيبها لعندي انا بروح انام راسي شوي مصدع
امه: سلامتك ولدي ..طيب ما اخذت شي
ابراهيم : لا تحاتين يمه اخذت حبوب وبيروح لو نمت كله من السفر وبس يالله تصبحوا على خير
شوي ورد
ابراهيم: رجاوي اشلونج احسن ان شاء الله
رجاوي: ايه ع بالي ما راح تسأل عني خلاص غادوووه وياك وين رجاوي الحين منك
قرب منها ابراهيم وباسها على راسها: فديتج والله لا يحرمني منج
رجاوي: ولا منك اخوي ...يالله روح نام وارتاح
ابراهيم: وانتي بعد ترى شكلج يروع الواحد
جواهر:ههههههههههه ايه روحي ترى لا تخرعين غاده الحين وتقوم مفزوعه من نومها
رجاوي: ايه تطنزي انتي بس
امهم: يالله عن التغشمر خلوا البنت راقده الحين لا تصحوها من نومها ...جلسوا شوي يسولفون ومن بعد امهم خذت البنت وراحت فيها غرفتها الا تنومها معها
......
نزلت رجاوي لتحت المطبخ تبي تاكل لها شي ... الساعه الحين قريب ال12 والكل نايم مع انها خايفه بس ما قدرت تنام جوعانه بالمره وصداعها زاد لانها ما اكلت شي
فراحت للمطبخ وفتحت الليت الجانبي ومن بعد فتحت الثلاجه تدور لقت لها قطع بيتزا وكم فطاير بالخضار بتحطهم بالمايكرويف ...شوي وهي تنتظر حست انه احد جاي للمطبخ اكيد هذا حسن اخوها جاي من سهرته اليوم خميس ويا ربعه ..قالت الا تخرعه شوي وتضحك عليه وقفت ورا الباب اول ما شافت الثوب الابيض على طول ...بوووووووووووووووووه
احمد تفاجأ ورجع لورا اما هي انصدمت بشوفة احمد اللى قدامها لا وبعد كانت من غير شيله على راسها ...ظل كل واحد فيهم يطالع بالثاني واخيرا هي تكلمت
رجاوي: عفوا حسبتك اخوى حسن اسفه .... وكانت بتروح بس فكرت بالاكل اللى حاطته بالمايكرويف بتطلع وبعدين بترجع لما يروح من المطبخ
احمد: رجاوي لا تروحين كنت بشرب ماي وبروح الغرفه ..وبعدين ليه ما تحطين شيله على راسج انتي ليه ما تتحشمين
رجاوي هني عاد عصبت عليه : هيه انت مالك خص فيني وبعدين انت منو عشان تقول لي هالكلام ولانك في بيتنا انا محشمتك لكن هذا ما يعطيك الحق انك تكلمنى بهالشكل عندي اهل هم اللى لهم الحق انت اشحقه حارق اعصابك علي .... وما قدرت تكمل دموعها نزلت وطلعت من المطبخ وهي تركض ولغرفتها وصكت الباب بالقوه
جواهر كانت بغرفتها وسمعت صوت بابا غرفة رجاوي يصك بالقوه على طول راحت لغرفتها ودقت الباب سمعت صوت راوي تصيح تروعت عليها
جواهر: رجاوووي حبيبتي شنو فيج فتحي الباب
رجاوي: مابي حد يكلمني روحي
جواهر: فديتج رجوووي ليه تصيحين شنو صار علميني هذا انا يواهر اختج ارجوج فتحي الباب ..شوي وفتحت الباب ورجعت مره ثانيه للفراش تصيح قربت منها جواهر ومسكتها من كتوفها وضمتها لها رجاوي بدت تصيح بحضن اختها
رجاوي: وربي اكرهه اكرهه موت هو ليش يعاملني جذي انا شنو سويت له عشان يكلمني بهالشكل
جواهر: منو هذا اللى تكرهينه
رجاوي: اخوج احمد اكرهه موووت خليه يبتعد عني مابيه يكلمنى ولا يقرب صوبي
جواهر حست انه صار بينهم شي: انزين ولا يهمج بس انتي الحين سكتي ولا تصيحين اوكي ترى هالدموع مابي اشوفهم انزين وباستها على خدها ....يالله ترى لوعتي جبدي وانتي بهالشكل روحي اغشلي هالويه الحين لا اعطيج بلوك وديليت ههههههههههههههه
رجاوي:ههههههههههه طيب يا يواهر انا بلوك وديليت ..راحت وغسلت ويهها ولقت جواهر ناطرتها بالغرفه
جواهر: اكيد ما اكلتي شي بروح اشوف لج اكل وبجيبه اوكي ....
راحت لتحت ولقت احمد بالمطبخ مجهز صينيه فيها فطاير وبيتزا وكاس حليب ..اول ما شاف جواهر
احمد: هذا لرجاوي يالله تصبحي على خير
جواهر باستغراب: احمد لحظه شنو صار بينك وبين رجاوي جالسه تبكي فوق انت اشقلت لها
احمد: ولا شي يالله تصبحي على خير وراح وشكله متضايق ....
اخذت الصينيه وطلعت فيها فوق لاختها ...بعد ما خلصت اكل
جواهر: هني وعافيه
رجاوي: الله يعافيج فديتج اختى والله صج كنت يوعااااااااانه بالمره الحين شبعت
جواهر:هههههههههههههه محدن قال لج ما تاكلين ويانا على العشا
رجاوي: ما كان لى نفس وقتها وبعدين كانت وياي غدوووه فديتها ولهت عليها اشلون بسافر وبتركها
جواهر: شو رايج تاخذينها وياج
رجاوي: والله يا ليت
جواهر: طيب خلينا من هالكلام شو صار بينج وبين اخوي ابي افهم
رجاوي من سمعت سيره احمد بوزت وعصبت : جواهر لا تيبين طاريه لو سمحتي هالانسان ترى ما ينبلع من حلقي بكل مره يقعد يهزأني كني اصغر عياله ولاحد مالى عينه
جواهر: طيب علميني شو صار
رجاوي حكت لها باللى صار من اول المول الى غايه اللى صار قبل شوي
جواهر ابتسمت: شوفي هذا احمد عصبي حيل ومع انه يدرس بره لكن مدرى ليه هو قاسي تتصورين مره كنت لابسه برمود وتي شيرت ومو لابسه شيله على راسي وطلعت الحديقه الكل كان هناك واعرف انه اولاد عمي ما راح يدشون البيت الا اذا يعرفون انه الكل متغشي تصوري لما شافني دزني ومسكني من ايدي ودخلنى جوا البيت وقتها زعلت وتنرفزت من تصرفاته بس هو ما قصده بعدين اعتذر مني ...احمد قلبه طيب لكن عصبي اممم والله مدرى شنو اتكلم عليه يعني ما اعرفه زين مثل ما اعرف فهد اخوى احمد جا متأخر ووقتي معاه قليل عكس فهد اللى كان دايم وياي لكن لما نجلس مع بعض اشوفه عادي مثله مثل حسن وابراهيم والله
رجاوي: شوفي هالانسان ما احب طاريه اوكي طيب مو طيب خليه يبعد عن طريقي اوكي
جواهر لما شافت رجاوي معصبه: اوكى بس انتي هدي بالج وما يصير خاطرج الا طيب .... وابتسمت وعلى ذكر الطيبه ترى لقيته محضر لج هالصينيه واول ما شافني قال لى خذيها لرجاوي وطلع من المطبخ على طول من غير ما يكلمني ولا يرد على
رجاوي فجت عيونها من الصدمه : وهو شو دخله اكلت ما اكلت وليه اخذتي الصينيه منه كان انتى حضرتيها لي
جواهر : اووه راجوي يعني الحين شو صار لقيتها جاهزه وجبتها لج وبس يالله عاد تصبحين على خير وشيلي تفكيري اخوي من راسج
رجاوي:هه اصلا منهو اللى اقعد افكر فيه قبل ما انام
....................
صحى ابراهيم بالليل على الساعه 4 بس الغريبه ما لقى بنته عنده يعني امه اكيد نيمتها معها بس حب يتأكد راح لغرفة جواهر ودق الباب بشويش فجت الباب جواهر وهي نعسانه وتحك راسها
جواهر وعين مغمضه وعين مفتوحه: ابراهيم ها شعندك جاي هالحزه شي صار ..؟؟
ابراهيم: وينها بنتي ما شفتها عندي لما صحيت ..؟؟
جواهر وهي تتثاوب وتحط ايدها على فمها: صحيتني على كذا ما عندك سالفه يعني وين بتكون اكيد ويا ماما
ابراهيم: طيب بس حبيت اتأكد يالله تصبحي على خير
جواهر: وانت من اهله وسكرت الباب
باقي كم ساعه على سفر رجاوي وبهالفتره رجاوي ما حبت تشوف احمد ... رجاوي قالت لهم انها مشغوله بترتيب وتجهيز اغراضها كله تتهرب من وقت الغدا لا تجتمع وياه بس بعد الغدا كانت جالسه ويا الاهل تسولف وتضحك مع غاده وتلاعبها
رجاوي: فديتها بنت اخوي الحلوه والله بشتاق لها حييييييييييل بليز برهومي تعال بريطانيا وجيب وياك غدوووه
ابراهيم: بروهي في عينج اقول حسن الفاظج بالاول وبعدين اطلبي
رجاوي: فديتك والله ابو خليل طيب حبيبي لما يكون معك اجازه جيبها لهناك ولا اقل لكم شو رايكم تعالوا باجازه الصيف يعني يبقى لى تقريبا اسبوع قبل لا اخلص الكورس ها شو رايكم
ابوها: هالسنه بنروح المانيا ويمكن فرنسا
جواهر: واااااااااااو كشخه يعني من الحين اجهز روحي
حسن: طالع هذي صج بنات اخر زمن مخبلين
جواهر تطلع له لسانها
امها تضحك عليها: جواهر عيب البنات ما يطلعون لسانهم
جواهر: ما تشوفينه كله يغيضني
ابوها: انا بروح ارتاح متى طايرتج رجاوي
رجاوي: على المغرب ان شاء الله
ابوها: وبنت عمج ان شاء الله معاج
رجاوي: لا يبه طلع اخوها حجز لها على الخليج ... وانا على الامارات يعني بعدي بساعه
ابوها: مو مشكله بنتي ديري بالج على روحج وان شاء الله توصلين بالسلامه الحين انا بروح ارتاح بداري عن اذنكم
الكل بعدين راح لداره الا جواهر اللى خذت غاده وياها عند رجاوي وجلسوا هناك شوي ومعاهم حسن
حسن: احمد اخوج طلع للبحر قال يبي يشم هوا بحر نظيف مو ملوث
جواهر:ههههههههههههه لا والله وحزه الغدا بعد
حسن: اشوفه اليوم متضايق مدرى من شنو ...كلمتيه انتي
جواهر بارتباك: لا وليه اكلمه احسه عادى ما فيه الا العافيه يتهيأ لك وبس
حسن: يمكن بس احساسي يمكن غلط يالله اشوفكم بعد العصر بالوقت العادي كله سوالف وضحك ويا الاهل والزين انه احمد ما يطلع لفوق الصاله بس كله تحت ولا لو كان يطلع كان بتلتقي فيه بكل مره
.....
بنفس الوقت كانت عاليه ويا اهلها تسولف وتضحك
بدر: اقول عاليه انتي بتسافرين ويا بنت عمي صح
عاليه تطالعه: هو انت خليت فيها بنت عمي يعني ليه ما غيرت لى الحجز للامارات
بدر: والله ما لقيت كله فل شو اسوي حاولت اغير ماكو فايده وبعدين عادي يعني كلها بس ساعه بينكم هي بالاول وانتي بعدها عادي
عاليه بتأفف: يعني حتى بالطياره اجلس ويا منو اكلم طول الساعات
حسن: كلمي الاطوف اللى بالطياره
عاليه: ها ها بايخه
حسن:ههههههههههههههه خلا ص قررت اروح وياج اكلمج وبعدين ارجع على نفس الطياره ها شو قلتي
عاليه: لا يبه ما بيك تغثني طول الطريق وتصدع لى راسي
حسن: مو انتي اللى تبين احد تسولفين وياه الله عليج
امها: عاليه كلمتي خالتج بالتلفون
عاليه: ايه كلمتهم ورحت الصباح لهناك وسلمت عليهم بعد كلهم وعمي يسلم عليكم
امها: زين يا بنتي وشفتي فيصل ولا لا
عاليه باستغراب: وليه فيصل شو راح يجيبه عند بيت عمي
امها : شو بيت عمك لوين انتي رحتي الصباح
عاليه: رحت بيت عمي عبدالله يعني لوين ع بالج لما قلت لج بروح
امها وهي معصبه: يعني عند اهل ريلج ما رحتي وسلمتي عليهم
عاليه: اشحقه اروح لهم بالتلفون يكفي وبعدين للحين ما صار ريلي الا خطبه وبس
ابوها: كلامها صح اشلون تروح ومالها دخل فيهم للحين
الام: والله ماحد مخرب البنت علي الا انت وافكارك ما فيها شي اهل خطيبها وعادي تروح وتسلم عليهم
بدر: يمه الله يهداج لما يصير ريلها ذيك الساعه تروح لهم وبعدين هذا الفيصل للحين مو داش مخي احسه انسان لعاب
امه: جب بدر اشوف طالت وشمخت ماحد تارس عينكم يعني ...الولد مافيه شي ينعاب واهله ناس معروفين
بدر: ادرى باهله بس اهو فيه شي غلط شنو مدرى
عاليه لما سمعت كلام اخوها حست بخوف من اللى هي مقدمه عليه لكن قالت بعدين لما تكون ببريطانيا يمكن تقرر شنو راح تسوي اما الحين بتخليها على كذا
سافر احمد ويا رجاوي بنفس الطياره وكان كرسيها بجنب وحده اجنبيه اما احمد فكان شوي بالمقدمه وجالس بجنب واحد , ما اهتمت انها تطالع فيه او تكلمه وحتى لما ودعوها اهلها ما اهتمت انه مسافر معها بنفس الطياره... بعد اقلاع الطياره بنص ساعه راحت للحمام ولما رجعت تفاجأت باحمد اللى جالس بمكان الحرمه اللى جنبها
رجاوي: روح لكرسيك
احمد وهو مبتسم: بدلت الكرسي الحرمه ما قصرت قلت لها انا اخوج وما لقينا نفس الكراسي وبدلت على طول
رجاوي ما حبت تسوي أي مشاكل بالطياره ..: لو سمحت ممكن تطلع شوي عشان ادش لكرسيي
وقف احمد وهي دشت بالكرسي اللى جنب الدريشه .... جلست وما اهتمت ولا عطته ويه واخذت لها مجله كانت معها وجلست تقرا فيها بعد ربع ساعه تقريبا
احمد كل ماله متملل يبي يتكلم معها بس حس انها ما عطته أي اهتمام
احمد: انا آسف رجاوي وصح مالى حق انى اتدخل في حياتج
رجاوي كانت تقرا وتلخبطت الحروف قدامها من سمعت كلامه بس طنشت ولا شالت المجله من قدامها ..وما تحس الا احمد شال المجله وحطها بينهم
احمد: قلت آسف وحقج علي ... بس مدرى مرات اكون عصبي لكن بدون ما اقصد شي
رجاوي طالعت فيه: طيب وبعد الآسف ايش اسوي يعني
احمد: ابيج تسامحيني وبس
رجاوي: اوكي مسموح وشالت المجله مره ثانيه وكملت قرايتها
احمد لمن شاف ردة فعلها كذا عصب من القلب بس مسك روحه وحط السماعات على اذنه وجلس يسمع ويقلب بالقنوات
بعد وجبة العشا جلست رجاوي متملله ليتها عاليه كانت معها كانوا سولفوا وارتاحت شوي من طول هالسفر طالعت بنظرة جانبيه على اللى جالس جنبها وشافته بعده يستمع للاذاعه ... غيرت رايها ورجعت كرسيها شوي لورا وحطت راسها على كتفها وغمضت عيونها ... صحت رجاوي وحاسه بالدفا حولها الا وشافت روحها متلحفه بالبطانيه يا ترى منو اللى حطها علي ولفت براسها على اليمين شافت احمد يطالعها اول ما شافها صحت نزل نظرته وقال لها
احمد: قربنا نوصل ما باقي الا نص ساعه ان شاء الله ارتحتي بالنوم
رجاوي حمرن خدودها: الحمدلله ...وشالت البطانيه من عليها ورتبتها واستاذنت تروح للحماما اكيد شكلها يروع بعد النوم
احمد بخاطره يالله حتى وهي نايمه جميله ولما صحت بعد ولا اروع ..انا ايش جاعد اخربط من كلام .
وصلت الطيارة الى مطار هيثرو في لندن تقريبا على الساعه 4 الفجر بتوقيت الكويت و12 بتوقيت لندن ..
احمد : الحمدلله على السلامه
رجاوي من غير ما تطالعه: الله يسلمك واخذت شنطة ايدها ووقفت واللى هو بدوره وقف ونزلوا من الطياره كملوا اجراءات المطار.. ... طبعا كانت رجاوي بتنام بالفندق هذاك اليوم ومأكدين لها الحجز وبعدها بيوم بتروح اليوم الثاني بالقطار الى كامبريدج,, اللى ما تعرفه انه حسن خبر احمد عن اسم الفندق اللى راح تنزل فيه رجاوي ومعها بنت عمها عالية وبالمره هو بعد حجز له هناك غرفة
احمد: انتي رايحه لوين ..؟
رجاوي: حاجزة بفندق كارلتون تاور ...
احمد: والله انا بعد بنفس الفندق خلاص بناخذ لنا تاكسي
رجاوي نزلت راسها بالارض( يعني وراي وراي متى بفتك منك ) انا بنتظر عاليه بنت عمي بتجي بعد ساعه مابيها تكون لحالها
احمد: مو تعبانه انتي انا برجع لها مره ثانيه
رجاوي: لا بنتظرها عادي وجلست على اقرب كرسي انتظار
طبعا احمد ما راح وانتظر وياها
رجاوي: ماله داعي تنتظر روح ... لا تخاف ندل الطريق انا وعالوووه
احمد: ما اظن بخليكم بروحكم عادى ما تفرق ساعه او اثنين بعدها بنرتاح
رجاوي بخاطرها( اكيد بترتاح وتبي الفكه اصلا مو شورى انى اكون وياك بنفس الطياره لا وبعد بنفس الفندق )
بعد وصول عاليه تقريبا بساعه ونص الكل راح بالتاكسي رجاوي مبسوطه بشوفة عاليه بنت عمها وياها وقعدت تسولفها وطنشت احمد ولا كأنه موجود معهم بعد ما عرفته بعاليه اللى استغربت من وجوده مع رجاوي بس غمزت لها رجاوي انها بتعلمها بعدين بالسالفة عنه
انتظروا التاكسي اللى وداهم للفندق وبصراحه فندق روعه هذي ثاني مره تروح له بالو مره كانت مع والدها لما كان في مهمة عمل هناك وراحت تزوره وجلست وياه يومين بالويك اند ...
وصلوا للفندق وشافوا حجزهم هو بالطابق الثالث اما هي بالطابق الرابع وطبعا المنظر اللى قدام الفندق روعه لانه قريب من لندن أي ...
وهم ينتظرون بالريسبشن
احمد: متى رايحين للجامعه
عاليه: ان شاء الله بعد بكره بس يا خساره ليتنا بنفس الجامعه بس تخصصها غير وانا غير
احمد: انتي وش تخصصك
عاليه: Decorating )ديكور )
احمد: اها شي حلو ربنا يوفقكم اوكى..... أي شي تبونه ترى انا حاضر
عالية: والله نفسي اروح سينما فلم اكشن وعطته اسم الفلم لو ممكن تعرف متى يعرضونه بصالات السينما هنا
احمد: بسيطه ولا يهمج اختي
رجاوي وهي تطالعها بعين: ما يحتاج تكلف على نفسك .. عادى احنا بعد السوق نروح نشوف شكرا
احمد: ما فيها شي انا بسأل لكم ان شاء الله... يالله انا استاذن الحين
عالية: تصبح على خير وشكرا ..
رجاوي: تصبح على خير
احمد: وانتوا من اهله..اخذوا مفتاح غرفتهم وراحت ويا عاليه
كل واحد راح لغرفته طبعا بالغرفه اول ما وصلت
رجاوي وهي تمسك ايد عاليه وتعضها: يعني اذبحج ما لقيتي الا احمد تطلبين منه يشوف لنا الفلم
عاليه وهي فاجه حلقها
رجاوي: هيه انتي لا تفتحين حلقج انا اكلمج الحين
عاليه فجأه تضحك : هههههههههههههههههه شو اللى صار رجاوي شنو صار معاج انتى وهذا اللى اسمه احمد تصدقين وتغمز لها مزيوووون وكاشخ يا حليله يخبل قولي لى متزوج ولا خاطب ولا شنو
رجاوي: شو على انا منه بالطقاق
عالية: لحظه خلينى اطلع هالحجاب تعبت منه وطلعته ونزل شعرها البني على ظهرها احلى ما في عاليه جمالها الهادي وشعرها الكستنائي المائل للبني الواصل لظهرها
عاليه: اول شي شو يابه وياج بالطيارة
رجاوي: اول شي خلينا نتصل في اهلنا نطمنهم اوكى وبعدين بسهر وياج سوالف وربي اشتقت لج مسافره وكله ساكته ما تكلمت ويا احد وهي تقولها مبوزه
عالية: لا الحكايه فيها شي اوكى يالله انا بروح ابدل ملابسي وع بالي ما اتصلتي اكون انا طلعت واتصل اوكى ..الله يعيني على البرررررررررررد اووووه زين تحركت مشيت
رجاوي:ههههههههههههه والله نفس الشعور يالله اخلصي بسرعه
بالليل بعد ما اتصلوا على الاهل وطمنوهم بوصولهم بدت رجاوي تسولف عاليه وخبرتها بكل اللى صار معها ويا احمد
عاليه: تعرفي شي رجاوي اشوف بعيونه الاعجاب فيج
رجاوي: تتوهمين شو يعجبه وكل ماله الا يهاوشني ويخزني بنظراته وكلامه الماصخ ,مابي اعجابه يحتفظ فيه ابيه بس يبتعد عني وبس ..ياربي لا وبعد بيغثني بنفس الجامعه
عاليه: ليتني وياكم والله بس ها جامعتي حلوه مابي اغيرها وتعودت عليها وزين نتقابل بالويك اند ولا لو كنت وياج ما راح نذاكر ونفشل اهلنا بعدين بالنتيجه
رجاوي: تكلمي عن نفسج يا البوني هههههههههههههههههههه
عاليه: يؤ بعدج تتذكرينها
وقعدوا يتذكرون سوالف زمان
وشوي الا احد يدق باب الغرفه كلهم طالعوا ببعض ياترى منهو اللى جاي لهم هالحزه
شوي وتقرب رجاوي : who is it?
احمد: انا احمد اختي ممكن تفجين الباب ثواني بس
رجاوي وهي تتحطرم ببوزها : وش يابه الحين ...عاليه ما امهلتها دفتها وحطت الحجاب على راسها وفجت الباب
ما شافت الا شوي من جسم احمد ومنزل راسه ومعاه كيس بايده
احمد: اختى هذا عشا قلت يمكن يوعانيين ولا شي لما طلعت جبت منه لكم
عاليه وهي تمسك الكيس: مشكور اخوي ليه كلفت على روحك
احمد: العفو اختي مافيه كلافه ولا شي ... تصبحوا على خير واسف على الازعاج
عالية: وانت من اهله وقفلت الباب ودخلت بالكيس
احمد وهو يمشي لغرفته بالطابق الثالث حتى لما سمعت صوتي ما تبي تشوفني الا تركت بنت عمها تكلمني عنها ما كلمتني..تحمد ربها معطيها ويه ..ومشى وكمل طريقه
رجاوي: ليه اخذتي العشا ومن قاله انه احنا يوعانيين هالحزه
عاليه وهي تحط العشا على الطاولة وتفك الكيس والله لو انتى مو يوعانه انا بموت من اليوع ما اكلت شي والله بالطياره يدوب عصير وساندويتش بس
جلست تاكل وتسولف ويا رجاوي بعد فتره قربت منها رجاوي واكلت وياها يتذكرون سوالف زمان لما كانوا صغار وما حسوا بالوقت لين الساعه قريب الفجر بعد ما صلوا ناموا
***********
احمد وهو بالفراش انا ليه مهتم فيهم بعدين شكلهم يعرفون يصرفون حالهم يعني ما يحتاج انى اكون دايم وياهم ..ما على منهم المهم دراستهم وبس ...باين على عاليه طيبه لكن ليه رجاوي تعاملني بهذاك الشكل مع انى اعتذرت منها لكن باين عليها مغروره وشايفه نفسها .... خلنى من هالتفكير وانام احسن راح في سابع نومه ما صحى الا على الساعه قريب ال8 ..
لندن بهالفتره من السنة تكون كئيبة مغيمه على طول وبرد وثلج ورياح .....
راح احمد من الصباح يتمشى بلندن ويشتري له كم غرض
طبعا البنات ما طلعوا من الفندق وكملوا نوم للظهر اما احمد فلما صحى على الساعه 10 مره ثانيه نزل لتحت وافطر وتمشى شوي قريب من الفندق برجوله واتصل على واحد من الربع
احمد: صباح الخير
سلمان: صباح النور من؟؟ ...احمد
احمد: ايه احمد
سلمان: الله يخليك احمد تعرف كم الساعه الحين ويك اند ليه مصحيني الحين
احمد: انا وصلت هنا لندن انت وينك
سلمان وهو يفج عيونه وينش من السرير: بذمتك وليه ما قلت لي عشان استقبلك
احمد: ياخوك جيت متأخر بالليل وكانوا معي الاهل قلت ماله داعي
سلمان: الاهل خير عسى ما شر
احمد: لا مافيه شي بس يدرسون هنا
سلمان: اها طيب وانت صاحي بدري ليه يعني شفت الجو يشجع الواحد يصحى عشانه
احمد:ههههههههههههههه والله برررررررررد يرد الروح لك
سلمان: لا مبين انك شارب لك شي
احمد:هههههههههههههه ايه كافي وفطائر كراوسون بالجبن
سلمان:ههههههههههههههه زين اوكى نتلاقي على الظهربصحى واشوف القطار القريب متى يروح انت نازل في أي فندق نفس المره الماضية ولا غيرته
احمد: لا مغيره هالمره في كارلتون اقول انا بشوف المحلات شوي اشتري لى كم غرض لما بتوصل المحطه علمنى القاك اوكى
سلمان: خلاص يالله على خير مع السلامه
سلمان هذا ربيع احمد من البحرين ولد طيب وحبوب وهو وحيد اهله من عايله محترمه وابوه سفير البحرين في بريطانيا ويدرس مع احمد في كامبريدج
وسكر من عنده خذ سيارة ايجار ولف شوي بالمحلات ورجع على الساعه 1 الفندق .......
********
بالرياض وتحديدا في مكتب سلطان بشركة الوالد
سلطان: ايوه يابوي تبي شي
ابوه: ايوه ممكن تجيب معاك ملف الشركة العالمية ... ولا تنسى اجتماعنا وياهم بعد العصر
راح سلطان بالملف لمكتب ابوه وتناقشوا بمشاركتهم مع الشركه ..راحوا تغدوا وبعدين على الساعه 4 رجعوا المكتب عشان الاجتماع وبعد الاجتماع راح سلطان ويا تركي اخوه لعند سيف ولد عمه اليوم عرسه ..وطبعا الاهل كلهم يتجهزون لهالمناسبة
نوفا: يمه انا بروح ويا وضحه للصالون بس ابي سلطان يجيب لنا ياخذنا بعدين
امها: شوفي قولي له الحين انا بروح ويا عمتج نشوف المعازيم ما راح اتأخر يكفي تأخرتوا على في وقت الملجه يالله مع السلامه
راحت نوفا ويا وضحا اختها وبنت خالها مشاعل للصالون تمكيجوا وعملوا تسريحاتهم ورجعوا البيت مع زوج وضحه اللى وصلهم البيت الجميع بدلوا ملابسهم وراحوا للعرس
*************
كان العرس رائع مسوينه في قاعة السلام ... رقصوا البنات على بعض الاغاني ونوفا طبعا وبنات عمها مها وعبير رقصوا في الحفل وكانوا يخبلون من الروعه نوفا كانت لابسه فستان عنابي ورافعه شعرها شنيون ...فتحة للفستان على جنب واصله لنصف الساق وفتحة العنق مرفوعه لفوق تبينها شوي طويله الفستان ما فيها تعقيدات بسيط على جسمها واكمامه صغيره تحت كتوفها بشوي اما مها لابسه فستان بيج علاقي عليه جاكت اخضر وباطرافه شك بيج ويا الاخضر وقصته فرنسية من تحت عليها طالع روعه ..وعبير لابسه جلابية من اليشمك كلها شك عبارة عن قطعتين اسود بالاحمر وعلى شعرها اللى صابغته احمر شوي من قدام طالعه تخبل
على الساعه 10 دخلت العروس على اغنيه قمر لعبدالمجيد عبدالله وكانوا حواليها خواتها وامها وجت ام سيف معهم ووصلوها لمكانها وجلسوا شوي يرقصون قدامها خواتها واهلها وعلى الساعه 11 دخل سيف ويا ابوه ..... كملوا العرس وعند الساعه 12 الكل بدا يروح اما المعاريس فراحوا لجناحهم الخاص وباتداو يصورون ويا الاهل بعدها طلعوا على الفندق وباليوم الثاني راح يسافرون شهر العسل الى ايطاليا ..
**********
نوفا بغرفتها بعد ما بدلت ملابسها وطلعت من الحمام جت بتسكر جوالها الا وتلقى 2 مسد كول ورساله فتحت اول شي الرساله يالدبه مشتاقه اكلمج لو صاحيه ردي مسج بتصل عليج
نوفا: فديتج جواهر وبعدها عرفت المسد كول منها ..طرشت لها مسج ودقيقه وتتصل عليها
جواهر: السلام عليكم ...ولهت عليج يالخايسه ياللى ما تتصلين
نوفا:هههههههههه وعليكم السلام هلا والله بناعم الصوت ..انا ولا انتى من رجعتي الكويت خلاص نسيتي انه اهلج موجودين هنا
جواهر: فديتكم والله لا ودوم انشد واسأل عن احوالكم .. اشلونج نوفا وش اخبارج عساج طيبه
نوفا: الحمدلله بخير تعرفي جايين اليوم من عرس ولد عمي سيف
جواهر: والله الف مبروك ها علميني شنو لبستي بالحفلة اكيد كنتي تخبلين
نوفا:ههههههههههههه ايه اصلا انا كنت ملكة جمال وانا مدرى
جواهر: تطنزين يعني والله حلوه وتخبلين يالله ابي اسمع سوالفج والله ولهت عليج وااااااااااايد لا تنسين شي
نوفا: اكيد ما راح انسى واول شي اخوى سلطان فديته
جواهر: يا ثقل دمج شنو جاب هالسيرة الحين انا ابي اعرف شنو سويتي بالعرس رقصتي ولا لا..؟
نوفا: شوي شوي علي لحظه بعلمج من البدايه ...هات يا سوالف
لهم اكثر من نص ساعه وهم يتكلمون
كان وقتها سلطان ماروسمع حس نوفا وهي تضحك
نوفا: ههههههههههه لا والله مو مصدقه احمد ...
سلطان الدم وقف بعروقه معقوله اختى تكلم حد من الشباب منو هذا ... ما تحمل يسمع المكالمه للأخر, وده لو يذبح هالشاب اللى يضحك على اخته ... وعلى طول فتح الباب من غير ما يدق عليه
نوفا: طالعت فيه باستغراب : ههههههههههه اقول هنا ناس حابه تسلم ... وعلى طول قربت التلفون بويهه.. هنا سلطان تفاجأ والغضب اللى كان يحس فيه تحول الى استغراب واندهاش
سلطان خذ الجوال من ايد نوفا
سلطان: الوووووو
جواهر ما ردت انحرجت: ........................
سلطان وهو يطالع بنوفا: ما تكلم قلنا الووووووووو ..وبدت اعصابه تفلت منه
جواهر: السلام عليكم مرحبا
سلطان: كن احد صب فوقه مويه بارده ... صوت جواهر هذا
سلطان: جواهر
جواهر: لبيه
سلطان: اشلونج جواهر واشلونج الاهل عساهم بخير
جواهر: الحمدلله يسلمون عليكم واشلون عمي وعمتي عساهم طيبين
سلطان: الحمدلله يسألون عنج
جواهر: ......
سلطان: جواهر
جواهر: لبيه
سلطان بدون ما يحس: لبى لج قلبي وعمري
جواهر من سمعت الكلام فرت التلفون على السرير مصدومه وما تكلمت ...اما نوفا فجت حلقها وبعدين ضحكت من خاطرها
نوفا:ههههههههههههههه الله الله كل هذا وانا هنا
سلطان طالع فيها : رايقه انتي اشوف يالله اقلبي ويهج تصبحي على خير
نوفا: وانت من اهله ...بس وين جواهر سكرت بويهها ليش ..؟
سلطان: ما سكرت بويه حد ... وهو يعطيها التلفون يالله كلميها...طلع من عندها وهو مبسوط بسماع صوت جواهر
بغرفته راح يشوف رسمة ويه جواهر... متى راح تكون بجنبي ..آه لو تحسين باللى صار من اول نظرة شفتج فيها ملكتي قلبي وروحي وعمري والله
*******
اما نوفا فاخذت الجوال
نوفا: جواهر ..جواهر..ماحد رد عليها
جواهر: هلا
نوفا: وين رحتي
جواهر: طيب اراويج يالكريهه جذي تحطيني بموقف محرج ويا اخوج
نوفا:ما اسمح لج اول شي هذا مو اخوي وبس هذا بعد خطيبج وريل المستقبل اوكى
جواهر: اقلبي ويهج عطيتج ويه انا الحين بهالسالفه يالله كملي لى سالفة العرس
نوفا: ليه كلكم تبوني اقلب ويهي ...بس على أي صفحه..؟
جواهر: يا دمج ههههههههههههه يالله كملي فديتج والله ولهانه
نوفا: طيب تعالي لو ولهانه صج ...تعرفي بعلمج على شي وش رايج تسوينها مفاجأه
جواهر: ايش
نوفا: يمكن بعد اسبوعين بنروح ويك اند للمزرعه الجديده اللى شروها ابوي واعمامي وش رايج لو تيين وتروحين معنا وترجعين السبت يعني ويك اند وبس
جواهر: يا سلام ودروسي
نوفا: اووه ما راح تغيبين الا يوم واحد استاذني قولي أي عذر المهم تعالي فديتج ارجوج
جواهر: والله مدرى صعبه اشلون أي على يومين وارجع
نوفا: ما فيها شي وبعدين مسافة قريبه يعني مو بامريكا عشان تقولين صعبه الا كم ساعه ورجعتي يالله عاد فكري اوكى
جواهر: اوكي ان شاء الله بشوف ظروفي
نوفا: يالله عيل ما راح اطول عليج اوكى سلمي ..تصبحي على خير وترى ها لا تقطعين
جواهر: ان شاء الله يالله مع السلامه
نوفا: مع السلامه
كل وحده راحت تنام اما جواهر فظلت تفكر بكلام سلطان يا ترى يحمل لى اى مشاعر بقلبه طيب ليه انا للحين مو قادره احس فيه ... ياربي ابي ارتاح والله
*******
نرجع للندن على الظهر جا سلمان للفندق وسلم على احمد وجلسوا شوي بالهول تبع الفندق
رجاوي اول ما صحت الظهر اخذت لها شاور سريع ولبست وهي ترجف
رجاوي: ارررررررررر شنو هالبرد اللى يقطع العظام ..انتي يا الدبه خلاص اصحي وتسحب الفراش من على عاليه
عاليه : حرام عليج رجووووي فكيني خلينى انام ليه صحيتي هالحزه بدري
رجاوي: شنو بدري طالعي الساعه وبعدين ابي اروح اشتري لى جم جاكت طويل على بلوفرات مافيني على هالبرد اللى يدش العظم يالله فزي وقومي بسرعه انا بنزل للهول تحت انتظرج ترى لا تتأخرين عشر دقايق بالكثير اوكي
...... كانت رجاوي لابسه بلوفر عنابي وطبعا تحته بودي مع تنوره جينز سودا وجاكت اسود قصير لخصرها واما حجابها فلونه عنابي فاتح شوي بدرجه من البلوفر حطت لها جلوس خفيف وكريم للنهار بويهها عشان هالبروده القارصه ونزلت لتحت الهول
جلست على احد الكراسي ومسكت لها وحده من المجلات تطالعها كان الفندق فيه حركه الناس اللى تدش او اللى طالعه منه وبعض الاجانب جالسين على بعض الكراسي القريبه منها وحواليها ... ولاحظت فيه اثنين شباب جالسين على جنب باين عليهم عرب لكن من وين ما تردي جلسوا يطالعون فيها طبعا كانت الوحيده المحجبه اللى حواليهم
شوي ما حست الا وواحد منهم تقدم
.... احم الاخت عربيه
رجاوي: ايه
الشاب بابتسامة: انا قلت كذا لما شفت الحجاب وشفت الويه اكيد من الخليج
رجاوي: ايوه الكويت
الشاب: هلا وغلا باهل الكويت كلهم انا نواف من السعوديه وجاي سياحه هني ومعاى اخوي
رجاوي: اها هلا فيك اخوي ... اوكى اخوى اسمح لي الاهل جوعن اذنك ..وتشوف من بعيد احمد ويا واحد على طول حطت المجلة ووقفت واتجهت له وتركت الشاب واقف بمكانه
احمد شافها وهي جايه صوبه وشاف الشاب اللى كان يكلمها حس بالغيره منه
رجاوي: السلام عليكم كيفك احمد وطالعت فيه وبعدين اتجهت نظراتها لا اراديا للشاب اللى شافته راح لاخوه وجلس جنبه
احمد: منو هذا اللى يكلمك تعرفيه
رجاوي: لا ما اعرفه
احمد: طيب وليه يكلمك
رجاوي طالعت فيه: وانت ايش دخلك يكلمني ولا لا ...بدا احمد يعصب ووقرب منه سلمان صاحبه لما شافه كذا
سلمان: عفوا احمد
احمد من شاف سلمان قريب منه : سلمان هذي رجاوي تدرس هني... هذا سلمان رفيقي من البحرين
سلمان: هلا رجاوي اشلونج
رجاوي: الحمدلله تمام وانت اشلونك.؟
سلمان: مع هالجو والله بردان هههههههههههههه
رجاوي: ابتسمت وعرفت انه يبي يغير الجو المشحون اللي صار بينه وبين رجاوي وشوي التفت احمد يطالع ورا رجاوي ..التفت رجاوي شافت بنت عمها عاليه جايه ولابسه بنطلون جينز ازرق ويا سويتر بيج مع جاكت طويل اسود وحجابها باللونين الاسود والبيج طالعه كشخه وحاطه بعد بس جلوز حفيف
عاليه لما وصلت لعندهم : مساء الخير مرحبا ..اشلونك احمد
احمد رد عليها بابتسامه: الحمدلله طيب وانتي اشلونج
عاليه: تمام ومستعده للشوبينج وهي تضحك ههههههههه
احمد: هذا رفيقي سلمان
عالية: هلا حياك اشلونك
سلمان: تمام الله يسلمج انتى اشخبارج ...
عاليه : الحمدلله تمام ..يالله رجوووي نبدا نروح السوق
احمد: نوصلكم بطريقنا
رجاوي: ما يحتاي بناخذ لنا تاكسي الفندق
سلمان: افااا اشله تاكسي سيارتي موجوده يالله
وتقدم احمد طالع برجاوي
عاليه: يالله رجاوي تاكسي ببلاش وابتسمت ومسكتها من ايدها وطلعت
مشوا الكل صوب المحلات التجاريه ووقفوا السيارة في باركينج قريب ومشوا برجولهم طبعا عاليه ورجاوي بدوا يلفون بالمحلات كان احمد ويا سلمان قريبين منهم لما يشوفونهم طلعوا من محل يطلعوا بعدهم لين ما تعبوا من الشوبينج وصارت الساعه اربع العصر تقريبا
سلمان: اقول احسن نروح نتغدى والله يعت وتعبان حشا حواطه بالسوق طول هالوقت ما يتعبون.؟
احمد: ههههههههه اوكي خلنا نشوف هذول خلصوا ولا بعدهم
سلمان: اقول احمد عذرا بس انت قلت الاهل هذول اهلك
احمد: وحده اخت اختي والثانيه بنت عمها
سلمان: اختك اللى ....
احمد: ايه رجاوي اختها وعاليه بنت عمها
سلمان: ما شاء الله عليهم بس شكلهم بنات محترمات
احمد: ايه
سلمان: الا صج بسألك منو هذا اللى كان يكلمها بالفندق حد من الاهل
احمد بعصبيه : وانا وش عرفني
سلمان: اوووووهو اشوف طيور الغيره بدت ترفرف على سماك
احمد: لا طيور ولا بجع يالله بروح اسألهم نتغدى وبعدين لو حبوا يكملون تسوق يكملون
راحوا وسألوهم
عاليه ابتسمت: زين والله اسفين ترى تعرفون شوبينج وبنات بينهم محبه متبادلة من زمان هههههه
راحوا مطعم الدار باجوا روود تغدوا هناك ومن بعدها كملوا شوبينج لغاية الساعه 7
سلمان: وش رايكم نروح سينما فيه فلم جديد اكشن توه نازل
عاليه بلا مقدمات: والله زين بنشوفه
رجاوي: انا ما فيني تعبت من الحواطه بروح ارتاح بالفندق
عاليه وبنظرة ترجي: رجووووي خلنا نروح نشوف الموفي بكره نرتاح
رجاوي وهي تطالع فيها: عالووووه بكره نجهز رواحنا عشان الدراسه ولا نسيتي وبعدين انتي ورانا سفرة بالقطار
عاليه: صج بس خلاص الدراسه تاخذنا تدرين فينا نادر ما ننزل الويك اند لندن
احمد: سلمان خذنا السينما نشوف الفلم احسن بدل الجلوس ساعات بالفندق من هالوقت
سلما: ها شو رايكم بنات .؟ وهو يطالع ورا بعاليه
عاليه نزلت نظرها : ياليت والله رجاوي يالله خلينا نروح نشوف الفلم اوكى
رجاوي: اوكى شورج
سلمان: بسمعكم اغنيه حلوه سمعتها من رفيقي اهداء لبعض الناس وهو يطالع لعالية ......عاليه قابلت نظراته وبعدها نزلت عيونها تحس بحرارة بويهها من نظراته يالله لا هذا انا مخطوبه ..
رجاوي من سمعته يقول اهداء لبعض الناس عرفت انه يهديها للى بيخطبها
حط لهم سلمان اغنيه ( حمد العامري )
...ليتني عرفتك باول العمر بدري
وشبعت عيني بالنظر من محياك
نادم على اللى راح من وقت عمري
اللى قضيته دون صوتك ونجواك
......
اشجيتني بمعانقة حب عذري
ليت الخيال اللى يلمك معي جاك
الوقت يتحكم بعذرك وعذري
والشوق اللى خذني بعشقك وداك
.......
امسي وتفكيري مع الشوق يسري
يسري الى جده متيم برؤياك
اشغلتني واشغلت قلبي وفكري
ولا اشوف فوق الكون غيرك ولا القاك
كان سلمان يغني ويا الاغنية ويطالع عالية من مرايه السيارة لانها كانت في الكرسي اللى وراه اما رجاوي فكانت بالكرسي اللى ورا احمد
حتى احمد سرح بتفكيره مع الاغنيه ويا رجاوي ....
ابتدت عاليه تصفق مع الاغنيه بهدوء عجبتها ودشت خاطرها
طالعتها رجاوي تبي تذبحها اما هي فضحكت وشوي حست رجاوي بهزة تلفونها ولا مع الاغنيه ما سمعت لانه سلمان كان كأنه في عالم ثاني مع الاغنيه اكيد يفكر في خطيبته ابتسمت من هالشي وطلعت تلفونها لقته الاهل متصلين
رجاوي: وعليكم السلام هلا والله فديت هالصوت يواهر الخليج
سمعها سلمان ووطى على صوت الاغنيه
جواهر: اووووه من هذا اللى حاط هالاغنيه الرهيبه
رجاوي: ماعندج سالفة انتي
جواهر:ههههههههههههه ولهت عليج يا لخايسه خليتني بروحي
رجاوي: اشلون بروحج ..وياج امي وابوي ايه فديتها غدووه اشلونها ولهت عليها والله
جواهر: فديتها لو تسمعين وهي تقولين واهر هههههههههههههه حذفت الجيم من الاسم شنو رايج فيه علمتها تقول اسمي
رجاوي: يالدبه والله لو ما علمتيها تقول اسمي ان اتواطى ببطنج لما ارجع الديره
جواهر:ههههههههههههه شو دخلني فيج لما تيين ساعتها تعلمينها اللى تبيه ..
رجاوي: طيب علميني اشلون ماما وبابا فديتهم والله شو اخبارهم؟؟
جواهر: الحمدلله تمام كاهي ماما قدامي بتكلمج اوكى
رجاوي: ماما فديت قلبج وروحج اشلونج الغاليه ولهت عليج والله
امها: الحمدلله بخير ..وشوي بدوا يتكلمون مع بعض بلغتهم شوي وتعطي السماعه عاليه
...سلمان قرب من احمد وبصوت واطي: أي لغه هذي يتكلمون فيها
احمد: بعدين اعلمك ....
رجاوي: ماما تبي تسلم عليج
عاليه: هلا وغلا خالتي اشلونج
ام ابراهيم: الحمدلله طيبه وانتي شو مسويه
عاليه: الحمدلله ...تعرفين خالوووه خمت السوق رجوووي ما خلت شي ما اشترته
رجاوي وهي تدزها بايدها
عاليه: ههههههههههههه لا وبعد ما تبينى اعلم
ام ابراهيم: والله شو نسوي رجوووي وعارفين سوالفها بالسوق المهم ديروا بالكم على رواحكم اوكى
عاليه : ان شاء الله خالتي ها كاهي رجووي معاج
رجاوي: فديتج ماما سلمي على بابا واااااااااايد وعلى ابراهيم وحسن اوكى ولا تنسين مرة اخوى الغاليه نورا لو كلمتيها
امها: ان شاء الله ديري بالج على روحج ودراستك وتدفي زين
رجاوي: ولا يهمج الغاليه ..ايه هذي جواهر ماسكتني تبيج لحظه
جواهر: رجوووي حبيبتي اشلون احمد من وصل ما كلمته شو اخباره
رجاوي بهدوء ترد: الحمدلله بخير لحظه وتقدم السماعه لاحمد... جواهر تبيك
جواهر: هلا احمد اشلونك عساك طيب
احمد: الحمدلله تمام وانتي اشلونج واشلون الاهل
جواهر: الحمدلله تمام ...انتوا وين اسمع ازعاج
احمد: رايحين السينما الحين
جواهر وهي زعلانه: ليتنى معاااااااااااااااكم
احمد: هههههههههههههه بس فيه ناس الظاهر انها ما تحب السينما
جواهر: رجاوي هههههههههههههههه تحب الشوبينج اكثر ههههههههه ما عليك بس لما تكون مع الفلم مندمجه ياويله اللى يكلمها او يقرب صوبها
لف احمد على رجاوي: اها طيب يالله بخليج هاج رجاوي
عطى التلفون رجاوي: طيب يواهر فديتج بخليج طولت عليكم
جواهر: اوكى ديري بالج على نفسج اوكى قبل عطني علوووه اسلم عليها بليز دقيقه
عاليه : هلا جواهر اشلونج يا الدبه
جواهر: دبه في عينج والله صار لكم وحشه متي بتييون
عاليه:هههههههههههههه قريب بس 4 اشهر لا تحاتين وايد
جواهر: طيب يالله بخليج انتبهي لنفسج اوكى وهالله هالله بالدراسه والعلامات الزينه
عاليه: ولا يهمج امتياز مع مرتبة الشرف يالله مع السلامه
جواهر: الله معاج ... مع السلامه
******
بعد السينما راحوا للفندق .... باليوم الثاني جا سلمان واخذهم لمحطة القطار ومن هناك الكل اخذ قطاره طبعا رجاوي ويا احمد لكامبريدج وراحوا بعد قطارعاليه بنص ساعه اما هم على طول اتجهوا بالقطار الى كامبريدج ...سلمان ودعهم الجميع وراح
رجاوي تبي تفتح سالفة بالقطار وقدامها احمد في الكرسي المقابل
رجاوي: سلمان خوش ولد محترم ما شاء الله عليه
احمد وهو يخزها بنظرته: ايه وايد محترم
رجاوي: تعرفه من زمان
احمد: ايه ليش
رجاوي: لا بس اسأل
احمد حس بالغيره من سؤال رجاوي على رفيقه سلمان
احمد: بس ترى راح يخطب عن قريب وحده من اهله وملجتهم باجازة الصيف
رجاوي: والله قالتها بتأسف ...ليت بعض الناس يكونون مثله ذوق
احمد شاف نظرتها ... بديتي تعجبين في الولد لكن ما راح تشوفينه انتي لي انا وبس وياويله اللى يقرب صوبك ( فج عيونه وانصدم وش هالتفكير اللى يا في باله .... )
رجاوي: اوكى عن اذنك شوي بقرا وطلعت كتاب من الشنطة اللى جنبها
احمد: طالع هذي ولا كأني موجود قدامها زين طيب انا اللى مفروض ما اعطيج ويه ... غمض عيونه
وصلوا لكامبريدج طبعا رجاوي وصلها احمد لشقتها قريب من الجامعه اما شقته كانت بعدها بشارع
***********
محمد كان يتمشى بسيارته ومر من الشارع اللى فيه اهل لبنى زوجته ..تنهد بقوة وما حس بروحه الا موقف سيارته قدام البيت
بالصدفه كانت سيارة وراه وقفت
شاف واحد نازل من السيارة
.....: السلام عليكم
محمد: وعليكم السلام
....: عفوا تبي شي الاخو.؟
محمد: بس كنت ابي اسلم على مساعد والاهل
....: حياك الله اخوي بس ما عرفتك ..من انت.؟
محمد: انا محمد بن فهد بن عبدالله..
مبارك: والنعم اخوي حياك اقلط
مبارك: انا مبارك ولد عم مساعد
محمد: حياك الله اخوي
محمد: الله يحيك ..دق الجرس الشاب
شوي وفج الباب مساعد اللى من شاف مبارك ولد عمه ويا مين ..مو معقوله محمد بعد هالسنوات كلها وش يابه لهنا
مبارك: السلام عليكم اشلونك مساعد
مساعد: هلا مبارك وسلم عليه حياك الله
محمد: السلام عليكم ..اشلونك مساعد
مساعد رد عليه بدون اهتمام: هلا محمد حياك عاش من شافك بعد كل هالسنين
محمد حس بالفشيله من كلامه ...
مبارك: الله بتخلينا واقفين على الباب
مساعد: اقلطوا حياكم الله
محمد تردد انه يخش حاس انه روح لبنى بعدها بالمكان
**********
يتذكر لما كان مره جاي عند اهلها بيرجعها البيت وهي فجت الباب
لبنى: اقلط حياك بعد هلي وناسي
محمد: احم احم ممكن لو سمحتي تنادين على زوجتي وحبيبة قلبي تقولين لها بنروح
لبنى: الله ما يستوي لازم تجي وتسلم على الاهل وبعدين بنروح
محمد: ومن قال انج انتى بتروحين
لبنى طالعت فيه: الله مو انت قلت الحين
محمد: انا قلت زوجتي حبيبتي انتي مين تطلعين..؟؟
لبنى: انا اطلع كلهم وبعد قلبك
محمد: فديت قلبي لانج انتي فيه.. ذبحتيني بكلامج الحلو يالله البسي عباتج بنروح
لبنى استحت من كلامه : طيب لوين
محمد: روحي انا بسلم على عمي وخالتي
لبنى: زين دقايق وبس
......
دخل محمد ويا مساعد ومبارك كان محمد كل ماله ساكت يسمع مبارك وهو يسولف مع ولد عمه اللى يرد عليه حس محمد انه فيه شي ليه مساعد شايل منه ليش انه ما قدر يتحمل يكون بنفس المكان وهاجر له كم سنه ..بس غصب عنه مو بايده
مبارك: انا استاذن الحين عن اذنكم
مساعد: بدري
مبارك: من عمرك بروح عند الربع يالله اشوفكم على خير وراح مبارك وترك مساعد ويا محمد
محمد: مساعد انا آسف
مساعد: آسف بعد كل هالسنين زين والله عرفت تجي وتعتذر
محمد فاجأه رد مساعد: مساعد انا اعتذر لانى ما قدرت اجي ولا مره هالصوب بس والله مو بايدي احس كأنه احد يقطع قلبي لما اوصل عند بداية شارعكم فارجع على طول
مساعد: حتى الاتصال ما كنت تقدر تتصل ولا تسأل
محمد: والله اتصلت كذا مره بس كله تلفونك مسكر مدرى ليه
مساعد: مو عذر وانت تدل رقم البيت اعتقد
محمد: وش فيك مساعد هذا وانا قلت بشوف مساعد بعد هالغيبه
مساعد: ما قصرت وهذا انت شفتني
محمد من سمع كلامه وقف على طول ما حب انه يطول بالكلام وياه
محمد: مدرى وش اللى مغيرك علي انا محمد مثل ما انا لكن انت تغيرت
مساعد: هه من سمعك صح مثل ما انت يكفي اللى جانا من صوبك
محمد لما سمع هالكلام رجع وجلس
محمد: وش جاك ... تبي تقول الحين اني انا السبب بموت ما قدر يقول اسمها بموتها الله يرحمها
مساعد: مو السبب بالعكس انت ريحتها واسعدتها لكن ما كنا نظن انه اهلك ما يعرفون شي عن سالفة العيال
محمد: وش دخلهم اهلي الحين
مساعد: ما سألت روحك ليه اهلك قاطعونا الفترة الماضية
محمد: اصلا من يومها ما يحبون يتكلمون عن لبنى الله يرحمها ولا عن شي .. لانهم يعرفون وش كثر كنت اتعب لما يمر طاري لبنى ...( آآآآه يا لبنى ذكراج ما غابت عن بالي والله العالم)
مساعد: ليه حتى ما اتصلت علينا ولا سألت طيب قول مساعد اللى اعرفه اسأل عنه
محمد: لما وصلت امريكا كملت دراستي ووالله حاولت اشغل روحي فيها ما حبيت انى اتصل بحد حتى الاهل هم اللى كانوا يتصلون ويدوب ارد عليهم وبس كل همي انى احاول انسى المي واحزاني بهالشي ..وغيرت رقم جوالي
مساعد: اها من كذا انا حاولت كذا مره اتصل بس يعطيني تعذر
محمد: انا ما جيت للبلد بعد السالفة سنتين كملت فيهم دراستي وطلبت من الوالد اني اشتغل وساعدني براس المال والحمدلله شركتي ماشي حالها
مساعد: ربنا يوفقك
محمد: بس تعرف والله اتصلت عليك مرتين يتعذر ومره انت ما رديت
مساعد: ما اذكر بس يجوز كنت مشغول ولما جيت لقيت لا يوجد رقم اكيد مكالمه دولية يعني ما راح اعرف الرقم اللى اتصل
محمد: وش صار ..؟
مساعد: بعد سنة من الموضوع اهلك عرفوا انه كانت لبنى مريضه بالصدفه لما كانت الوالده مع والدتك وخبرتها
بعدين بيوم لما جيت انا والوالد لعندكم جا ابوك وسمعنا كلام انه احنا ضحكنا عليك عشان تتزوج لبنى وانه عارفين انها بتموت وانه احنا السبب في ابتعادك عن اهلك وبيتك وانه كنا طمعانيين بالنسب ....شوف محمد صح احنا مو لدرجه غناكم لكن انت عارف حالنا الحمدلله عايشين احسن عيشه ومرتاحين لكن والله ما وافقنا على زواجك من لبنى الا عارفين انك انت فرحان بهالشي وانك سعيد وتبي اختى تكون لك زوجة مع العلم انه ما خبينا عليك حالتها
محمد كل هذا ساكت وهو يسمع الكلام: مدرى وش اقول لك والله يا مساعد انا غلطت صح وما حبيت اعلم اهلي لانى اعرف انهم ما راح يوافقون على زواجي بس هذي حياتي وانا اخترتها ماحد كان يدري باللى راح يصير ووالله العظيم ما اهتميت متى يصير لى او لها لكن ربك اراد وخذ امانته قبلي والعالم الله انى كنت سعيد ومبسوط لاخر درجه وعشت حياتي اللى كنت احلم فيها معها وانتوا ادرى بهالشي
سكت شوي محمد وبعدها كمل: لو اهلي اغلطوا عليكم فترى عندهم عذرهم كل الاهل كذا وهذا انا اعتذر لكم عن اللى صار وترى انتوا بتظلوا اهلي اللى مالى غنىعنهم وان شاء الله تظل علاقتنا مع بعض واكثر من الاول اللى راح فات ما نقدر نرجعه واحنا الحين عايشين
مساعد: تصدق محمد انا مو كل زعلي على اللى صار بس على انه خسرنا انسان شرواك والله ظني ابد ما خاب فيك وكنت اعرف وقلت لابوي انه اللى صار اكيد انت ما تدري فيه ولا راح ترضى فيه ابد
محمد: شوف ترى قول تم
مساعد: تم بس على ايش
محمد: طلبتك بكره غداكم عندنا الكل انت والاهل وابيك ما تردني انت قلت تم ترى
مساعد: بس محمد انت عرفت باللى صار اشلون تبينا بعد هالسنين
محمد: ما عليك وان شاء الله بيرجع كل شي مثل الاول .....
سلم عليه محمد وراح من عنده ...لاول مره حس محمد بالراحه انه قدر يواجه الالم لما يشوف احد من اهل لبنى
********
نرجع لسلطان اللى دايم الدوم لما يرجع غرفته يكون تفكيره في اول مره شافها فيه ... شاف بنات من قبل ويمكن مره اللى تعرف لانه ما عنده هالسوالف ولا يحبها لكن هذي غير اخذت عقله وقلبه بنظره من عيونها ... بديت اضعف من اسمع صوتها ليه انا كذا والكل يعرفني اني قوي وما تعجبني هالسوالف ..بس هذي غير اخذ رسمة وجهها اللى رسمه وابتدا يرسم من خياله بورقة ثانية جانب من وجهها
..........
جواهر كانت ويا امها يسولفون
جواهر: ايوه ماما تبين شي
امها: بغيت اعرف عن هذا ولد عمك سلطان يعني انتي وافقتي بس ما اشوف بعيونج الشوق والوله اللى اعرفهم في أي وحده تنخطب او جاها احد
جواهرانحرجت : يعني اشلون ماما
امها: انتى مغصوبه عليه
جواهر: لا
امها: طيب ليه مو فرحانه
جواهر هنا بدا الحزن يتجمع بعيونها ونزلت دموعها من غير ما تحس قربت منها امها وضمتها لها
امها: حبيبتي شوفي ولا مخلوق يقدر يغصبج على شي انتي ما تبيه فهمتي
جواهر ارتاحت بحضن امها ...بس امها رفعت راسها بايدينها
امها: فديتج ليه البكا طيب علميني قولي اللى بخاطرج ترى من يوم ما جيتي ما حبيت انى افتح وياج السالفة زين واتحرى شو اللى صار معاج هناك
جواهر: انا احب بدر بس مو معطيني ويه لا وبعد قالي مبروك
امها انصدمت: بدر ولد عمج سالم ما غيره
جواهر: من يوم وانا صغيره وانا متعلقه فيه دوم يهم فيني ولا فكرت اكون لحد غيره ..بدت تبكي لكن هو مو مهتم لو اهتم كان زعل وعصب وقال لي ليه وافقتي ويعني من هالكلام والله كنت في يومها بفسخ خطبتي بس هو ما اهتم ما اهتم وصاحت مره ثانيه بحضن امها
امها: شوفي جواهر ادرى انه بدر شخص ممتاز بس هذا ما يخليج تتعلقين فيه لهالدرجه انتي تدرين المرات اللى يجون فيها اشلون امه تعاملنا وما تحبكم تتقربون من اولادها لكن مع كذا ظليتوا اخوه واولاد عم والحين يت هالسالفة اللى صارت وعرفتي اهلج بعد ورحتي لعندهم لكن لو فعلا بدر يحبج كان علمج صح ولا انا غلطانه
جواهر: اشلون انساه وافقت صح لانه شفت كل اهلي واخواني موافقين عليه هم صح ما ضغطوا علي بس كن وقتها بابا يبيني اقرر قبل لا اسافر ومدرى ما حبيت انى افشل ابوي برفضي فوافقت وقلت يمكن لو عرف بدر راح يلمح لى واقدر وقتها افسخ الخطوبه
امها: اللى سويتيه مو صح
جواهر: ادرى بس هذا اللى كان بايدي وقتها والحين متورطه بهالشي
امها: انتى تعرفتي على ولد عمج عرفتي شي عن اسلوبه وحياته
جواهر: كله كلام وبس مرتين تقابلنا وكم مره رد بالجوال بس مدرى خايفه اشلون اربط حياتي بانسان ما اعرفه ولا احبه
امها: طيب ليه ما تسألين عنه من اخته مو تقولين انها بنت حبوبه وطيبه واعتقد انها ما راح تغشج بشي
جواهر: استحي اسالها اشلون يعني
امها: انتى بعدج تفكرين في بدر انه ممكن يجي ويتكلم
جواهر: مدرى من بعد ما بارك لي ولا اهتم والله انى انقهرت زود حسيت انى ولا شي بحياته
امها: طيب حاولي تتعرفي على ولد عمج يمكن مثل ما قلتي يكون الانسان اللى تمنيتيه وانتى ما تدرين
جواهر: تمنيت شخص وبس وسرح فكرها في بدر ..آه ماما بروح اشوف غدوووه وبرجع
امها: لا تغيرين السالفه غدووه ويا ابوها بغرفته لو ما يبيها بيجيبها لهنا
جواهر: طيب ماما بسأل عنه اممم ايه وبعد نوفا عزمتني اجي بعد اسبوع لهم يعني ويك اند اروح بيروحون للمزرعه كلهم عمامي والاهل
امها: زين والله فرصه يمكن وقتها تعرفين اسلوب حياتهم اشلون وتعرفي عن ولد عمج
جواهر وهي تنظر لامها: يعني اروح
امها: ايه روحي بالمره يمكن تلقين جواب لاسئلتك
...............