الفصل 15
سمع صوت اخوه احمد : فهد فهد وينك
فهد: انا هنا وش بلاك تصايح
احمد ووجهه مقلوب: جواهر اختى محمومه على الاخر لقيتها طايحه بالممر وتهذي قم يالله بنوديها المستشفى بسرعه
فهد انتفض وخاف على اخته وعلى طول ركض وراه ...سلطان من شافهم كذا ماعرف وش يسوي ظل بمكانه
شوي وظهر عليه احمد وفهد اللى شايل اخته كانت عليها عباه والغشوه يدوب تخفي وجهها
سلطان: سيارتي قريب تعالوا يالله باخذكم المستشفى
احمد: انت روح ويا سلطان وانا بلحقكم بسيارتي
راحوا بسيارة سلطان وكان فهد مع جواهر بالسيت اللى ورا .... يطالع بنظرة قلق
فهد: سلطان ياخوفي والله الحمى عالية بالمررررره
سلطان: لا تحاتي ان شاء الله بتكون بخير
شوي ويسمعونها تهذي: يبه لا تتركني مامي اشتقت لج .....العنود العنود ابيه وسكتت
فهد فهد
فهد: نعم جواهر تبين شي
جواهر سكتت ولا تكلمت
سلطان من سمع صوتها تأكد انها هي معقولة .... معقولة البنت اللي شافها تكون بنت عمه
وصلوا المستشفى وقاله سلطان بيجيب كرسي ولما حطها اخوها فهد على الكرسي طاحت غشوتها شوي من على ويهها وكان سلطان مقابلهم وشاف الويه قلبه بدا يدق بسرعه (هي هي يعلني افداها وش صار معها ليت الحمى فيني ولا هي ) راح على طول تقدمهم بالطوارى ينادي على الدكتورة تجي تشوف المريضة وجت الدكتورة وشافتها
فهد: احمد حد يدري بالبيت انه احنا هنا
احمد: ايه صحيت الريم وعلمتها ... وابوي قالنا نتصل نطمنه عليها انا ما طعت اجيب الريم اخر الليل لهنا لو صار شي قلت لها بتصل
....جتهم الدكتورة : انتوا وش تقربوا لها
فهد: احنا خوانها ها بشري اشلونها الحين
الدكتورة: الحمى مرتفعه عطيتها مغذية الحين وبنشوف لبعد ساعتين وش راح يصير
فهد: يعني فيها شي
الدكتورة : لا تخاف حمى مرتفعه وبس وان شاء الله راح تقوم بالسلامه
الكل: ان شاء الله .... شوي فهد يلتفت على سلطان : سلطان روح للبيت احنا اسفين والله اتعبناك معنا
سلطان: وش هالكلام اللى ماله معنى اذا انتوا خواني وهلى ما اتعب معاكم تبيني اتعب على الغريب ..ما بروح الا لما اشوفكم الكل رحتوا يعني لا تتعب حالك واسكت
احمد: هههههههههههههه ول سلطان واذا اصر على شي لازم يسويه عاد الله يعينها اللي بتاخذك
سلطان وهو يفكر( الا الله يعيني على تعب قلبي من يوم شفت بنت عمي )
بعد ساعتين جتهم الدكتورة مره ثانية .....
احمد: ها بشري اشلونها الحين يا دكتورة
الدكتورة: بصراحه الحمى ما نزلت الا نص درجه ومضطرين بهالحاله انه نخليها تنوم عندنا بالمستشفى لبكره لغاية ما نشوف وش راح يصير ان شاء الله وصراحه ما نقدر نعطيها أي مغذيه الحين او ابر ما علينا الا نسويه بالكمادات وبس ونشوف وش راح يصير مع هالحمى .. احد من الحريم معكم عشان يظل معها احسن بالقسم
فهد : يعني اشلون اختى بيصير فيها شي ؟؟
الدكتورة: ان شاء الله ما بيصير فيها شي بس محتاجه وقت عشان الحرارة تنزل وماعندنا الحين الا طريقة الكمادات بالمويه البارده
سلطان: خلاص انا بروح ادور على غرفة خاصه وانت احمد احسن تخلي احد يجي لعندها
فهد: لا تتعب حالك انا بروح اخذ لها الغرفه ..بس قبل بروح اشوفها
سلطان: اوكى بنتلاقى هناك عند الريسبشن وانت .. يناظر احمد : روح وجيب حد يجلس وياها
**********
فهد دخل على اخته جواهر شاف ويهها محمر والمغذية عليها باسها على راسها ( فديتج يا الغلا ... فهد قلبه طيب مثل سلطان بس الفرق بينهم انه فهد حساس لدرجة ممكن دموعه تنزل في موقف صعب)
راح لعند سلطان اما احمد راح للبيت وعلم الريم باللى صار اللى راحت استاذنت من ابوه وجابت لها تبديل جلابية وبعض الاشياء وحطتهم بشنطة صغيرة وعلى طول راحت مع احمد اللى طمن ابوه انه ما فيها شي بس عشان الحمى بيخلونها عندهم وبكره الصباح ان شاء الله بيخرجونها من المستشفى, وانه بيخلي الدكتورة تتكلم وياه لما يوصل لهناك عشان يطمن اكثر
...بعد ما وصلت الريم شافت فهد ويا سلطان اللى قال لها انهم بينقلون الحين جواهر للغرفة الخاصه بالقسم الخاص راحوا للقسم ينتظرونهم لين ينقلون جواهر وظل سلطان بره ولما شافهم يجرون السرير ... نزل راسه ومن بعد دقايق طلع عليه فهد
سلطانك اوكى انا الحين بستاذن أي شي تبونه اتصل على اوكى
فهد: مشكور سلطان ما تقصر ... تصبح على خير
سلطان: وانت من اهله وسلامة الغالية مره ثانيه
فهد: الله يسلمك
راح من عنده وكانت الريم تشوف الممرضه اللى تحط الكمادات البارده على جبهتها لهم تقريبا ساعه بعدها بدلت الممرضه واهى بدت تحط لها الكمادات ..شوي وطلبت من احمد وفهد يروحون صارت الساعه تقريبا 4 وهم ما ناموا ...رفض فهد بس بعدين قالت له انها بتتصل عليهم وتطمنهم وهي نايمه الحين
****************
رجع سلطان للبيت وهو متضايق ليش انه بنت عمه مريضه وبالمستشفى وبنفس الوقت فرح ليش انه لقاها ,اللى شافها بالمجمع طلعت بنت عمه ..شوي وعصب بس ليه ماغطت ويهها من الناس , اكيد بيعرف من نوفا وش اللى صار بس الحين احسن يروح ينام ...
***********
في الصباح كانت رجاوي مع امها وابراهيم وحسن يتريقون
رجاوي: يمه تعرفين جواهر قالت ان شاء الله بتيي هالاسبوع
امها: ادرى بنتي فديتها ما صبرت
حسن: ههههههههههههههه لا صج صبرت شوفيها اسبوع الحين لها هناك انا قلت ما بتكمل يومين وبترجع
ابراهيم: ابو علي خلك بس من الخربطه الحين يالله ابيك بموضوع
حسن وهو يقوم: اوكى يالله واحنا على طريقنا بنروح الشغل وش رايك وصلني مافيني اروح بسيارتي كسلان
ابراهيم: هههههههههههههههههه على امرك ابو علي يالله عاد ياكسلان جداً
جلست رجاوي ويا امها يسولفون شوي
رجاوي: دريتي يمه رفيقة جواهر العنود انخطبت
امها: لا والله مبروووك عقبالكن ان شاء الله
رجاوي: عن نفسي بعد الدراسه الحين مابي لازم اخذ الشهاده بالاول وبعدين يصير خير العريس بلقاه
امها: والله الدراسه تفيدج بتربية اولادج بس لو ماخذه ريل وموفر لج كل شي ليه اتعب روحي بالشغل
رجاوي: وي يمه على نظريتج مايقول هذي اشتغلت من زمان وكانت تعيل روحها
امها: فديت ابو ابراهيم مو مخليني محتاجه لشي ربي يطلو لى بعمره
رجاوي: هههههههههههههههههه فديت هالكلمات اللى طالعه من ثمك عسل وربي اقول يمه وابتدوا يسولفون بالانجلش مره وبلغتهم الاسبانيه مره
امها: هههههههههههههههههههه وش قالوا لج الحين مركز تدريب لغات
رجاوي: ما فيها شي بعدين الحمدلله شفتيني من اول سمستر ماخذه اعلى الدرجات باللغة
بالجامعه على طول بتخصص لو حبيت
امها: ان شاء الله اشوفك مخلصه ومعرسه بعد
رجاوي: ههههههههههههههه قلنا تووو الناس ما عاش اللى بيعرس علي ويجلسني عشان دراستي
امها: ههههههههههههههه يارب يجي بس عشان قلتي هالكلام
**************
نوفا سمعت دق على الباب : يالله نوفا اصحى اباج
نوفا صحت وفتحت الباب وهي تتثاؤب : ياربي على هالصباح صباح الخير ها وش بلاك سلطان وش تبي
سلطان: يالله قومي اغسلي هالويه النعسان ومشطي كشتك وتعالي وياي بنروح
نوفا: اووه سلطان عن البياخه الحين وين تودينا يعني على الصباح والرياض وماكو بحر وين نروح يعني من صباح الله خير
سلطان:يالله بنت عمج جواهر بالمستشفى ما تبين تتطمنين عليها
نوفا صاحت عليه: جواهر وش فيها جواهر وش بلاها وليه بالمستشفى
سلطان: حمى بس منومه هناك ليش انه درجة حرارتها عاليه بس قلت لو حابه تشوفينها يعني وتطمنين عليها لانى انا بروح لهم
نوفا وهي تبتسم: ايه قول كذا من الاول اه منك يا العاشق لحقت تتوله عليها بس تعال اصلا اشلون تتوله عليها وانت ما شفتها
سلطان: يالله عاد اخلصي معك 5 دقايق مو اكثر بنتظرك تحت
******
سلطان لقى امه وابوه يفطرون على الساعه تقريبا 8 ونص
سلطان: السلام عليكم اشلونكم يابوي يمه
الكل: وعليكم السلام هلا وسهلا اشلونك انت
سلطان: الحمدلله بخير ...وصب له جاهي واخذ له كراوسون وهو ياكل
سلطان: يبه انا بودي نوفا للمستشفى
امه: وي وش بلاها نوفا فيها شي
سلطان: لا يمه ما فيها شي لا تتخرعين بس بنت عمي جواهر من امس منومه بالمستشفى
ابوه وامه: بسم الله عليها وش فيها
سلطان: حمى كايده ما طلعت منها وقالوا لازم تتم عندهم يوم بالمستشفى وباخذ نوفا تطمن عليها وبس
امه: طمنا عليها يمه لما توصلون لهناك
سلطان: ان شاء الله بمه
ابوه: يابوك انا كلمت اخوي تركي امس بالليل وهو رحب فينا وقال لنا نجي على يوم الخميس يعني بعد يومين ونخطبها رسمي ها وش قلت
سلطان: اللى تشوفه يابوي ..يالله انا بروح الحين ...من شاف نوفا نازلة
امه: خلها تفطر قبل لا تروحون
لا تخافين عليها بشتري لها شي واحنا ماشيين ...
نوفا: صباح الخير ...وحبت على راس امها وايد ابوها
امها+ابوها: صباح النور هلا بنوف القلب
نوفا: ايه فديتك والله وفديت هالويه يارب يخطبني واحد يشبهك
امه : وي حشا لسانها متبري منها ماهي بنت مؤدبه
نوفا: ههههههههههههههه مع السلامه بالطريق اشترى لها سندويتش تاكله مع عصير ومن بعدها اشترى بوكيه ورد ابيض عطاها اياه
***********
رجاوي بغرفتها راحت دزت مسج على جواهر( يوهرة الخليج اشلونج يالحلوه . ولهت عليج )
وعقب رسلت لها مسج ثاني ( جواهر اتصلي علي ابااااااج ضروري بليز )
... استغربت ماجاها رد من بعدها قررت تتصل اتصلت باول مره وماحد رد عليها ..بعدها بشوي ردت عليها شغالة
...: Yes mam
........: May I speak to Jowaher plz
......: She is not here she >>
وسمعت صوت ريال ...... ومن بعدها
......: السلام عليكم
رجاوي خافت: اممم وعليكم السلام لو سمحت مو هذا تلفون جواهر
احمد: ايه تلفونها من معي اختي
رجاوي: انا اختها رجاوي ممكن اكلمها لو سمحت ابيها
احمد: والله الحين صعبه تلفونها بالبيت نسته لما بروح لعندها بخليها تكلمج اوكى
رجاوي وهي خايفه : وش صار بجواهر وين راحت من الصباح وبعدين انت منوووو؟؟
احمد: انا اخوها احمد ... وما فيها شي شويه حمى هي بالمستشفى من امس بس احسن لا تخافين وبخليها تكلمج انا الحين رايح لعندها
رجاوي: فديتها اختى بليززز وش صار معها......
احمد وبدا يعصب شوي: قلت لك ما صار شي شوية حمى وهي طيبه
رجاوي: اوكى لا تنسى تقولها تتصل ترى بالي مشغول عليها
احمد: ان شاء الله ولا يهمج اختى مع السلامه
رجاوي: اوكى باي وسكرت بسرعه في ويهه
احمد ..: وش ذي اعوذ بالله منها ...اخذ تلفون جواهر وراح للمستشفى ...جواهر كانت صاحيه ومعها الريم ولقى ابوه عندهم وفهد ..شوي ويدخل عليهم عبدالعزيز ويا البندري
جواهر: انا بخير ربي يخليكم ماله داعي كنتوا تجون كلكم
ابوها: ما تعرفين غلاتج عندنا ليمن الحين
دمعت عيون جواهر لا اراديا وحست بحب ابوها واخوانها لها : ربي يخليكم لي
جا لعندها ابوها وضمها لصدره ..... شوي ودق الباب ... احم احم
جواهر: هذي نوفا وهي تبتسم
الريم: هلا والله نوفا تعالي تقدمت شوي
نوفا: سلطان هنا معاي
تغطت البندري والريم واما جواهر عدلت شيلتها على راسها وبس .. وطالعت بابوها
ابوها: خله يدخل ....
سلطان من دخل طالع شوي بينهم وشافها ابتدا قلبه يدق جا صوبه عمه سلم عليه
سلطان: اشلونك عمي وشخبارك الحمدلله على سلامة جواهر
عمه: الله يسلمك
سلطان: سلامات بنت عمي
جواهر وهي منزله راسها بحياء: الله يسلمك
سلطان: اوكى انا بستاذن ولما تخلصي نوفا علميني انا بره انتظر
احمد وفهد: اشلونك سلطان وراحوا وياه وتبعهم عبدالعزيز
عبدالعزيز: اقول البندري لا تطولين عيالج عند امج وتدرين يالله خالتوه تمسكهم شوي قهوة الصباح ما راح تخليها
البندري: ابو تركي ي ي ي وهي ماده برطمها
عبدالعزيز: ههههههههههههه يالله انا بره انتظرج
من بعد ما طلع عبدالعزيز ما بقى الا عمها, نوفا طلعت برقعها وسلمت على عمها
نوفا: عمي اشلونك وسلامة جواهر
عمها: الله يسلمك ما فيها شي تتدلع علينا بس تبي تعرف غلاتها عندنا
نوفا وهي تلم جواهر: فديتج جواهر اشلونج الحين ..بعدها الحمى
جواهر: انا احسن الحين هيه نوفا ترى لا اعديج بالحمى لو جلستي جنبي وعقبها تمرضين وتدعين علي
نوفا: هههههههههههههههه فديتج جواهر لا تخافين ادعى على عمرى ولا عليج .. التفت صوب الريم والبندري وسالتهم عن حالهم اشلونج بعد السلام شوي وراحت نوفا اما جواهر فالدكتورة قالت محتاجه راحه وقالت بترخصها على اليوم الثاني شافت الحمى بعدها ... كلمت جواهر رجاوي ليش انها اتصلت عليها وطلبت منها ما تعلم امها انها بالمستشفى ومن بعد كلمت امها وطمنتها على صحتها,, باليوم الثاني طلعت جواهر من المستشفى
*************
فهد: منورة البيت برجعتك
جواهر: منروه باهلها ربي يخليكم
الريم: يالله تعالي ارتاحي ولا تنزلي اوكى
وشوي ويجي هجوم العيال والبندري تصارخ على شهد وتركي تعالوا الشغالة بتغير ملابسكم وشوي ووقفت لما شافت فهد
البندري: اسفه هلا جواهر حياج الله نورتي البيت
جواهر: هلا البندري ...اهليييين شهوده تركي فديتكم والله تولهت عليكم
قربوا من عمتهم
شهد: عمة عمة انتى وش فيج ... مستثفى
جواهر: ايه الدكتورة عطتني ابره ودوا
تركي: والله وانتى بكيتي
جواهر: ههههههههههههههههه ايه بكيت وايد لانى ما شفتكم
البندري: يالله تعالوا خلوا عمتكم ترتاح
شهد: عمه تعالي معنا
جواهر: بعدين بجي انا بنام تعبانه شوي فديتس عمه
تركي: بابا يودينا اليوم العاب تروحين معنا عمه
جواهر: مره ثانيه حبيبي يالله روحوا غيروا ملابسكم مع ماما
الريم: يالله جواهر ....طلعت لغرفتها ولقتها مرتبه ما شاء الله عليها ماريا شغالتها ترتب كل شي من الصباح لين المسا وتبخر كل الغرفه بقسمها
جواهر: ابنام شوي احس شوي راسي دايخ
الريم: اوكى على الغدا بصحيج
... بعد ما طلعت جواهر جاها اتصال من امها
امها: جواهر فديتج حبيبتي ها بشريني انتي اليوم احسن
جواهر: ايه يمه احسن والحمى راحت والله
امها: الحمدلله من قالت لى رجاوي انج شوي تعبانه من الحمى تمنيت اني اطير واكون ينبج
جواهر: ربي يخليج لي يمه اشلونه ابوي واشلون خواني
امها: الحمدلله كلهم كويسين ويدوا يسولفون شوي بلهجتهم من بعدها كلمت رجاوي
رجاوي: ها طمنيني وشخبارج انتي
جواهر: الحمدلله
رجاوي بصوت واطي: طلعتي من المستشفى
جواهر: ايه طلعت الحين وانا بالبيت علمتى حد
رجاوي: افاااا السر ببير ما علمت احد بس انشغل بالي عليج والله وبعدين تعالي
جواهر: ها وش بلاج
رجاوي: منهو هذا اللى رد علي باول مره انا من زود القلق عليج ما سألتج
جواهر: اها اعتقد احمد لانه هو اللى جاب تلفوني
رجاوي: وي ياربي لك الحمدل والشكر شايف روحه
جواهر: هههههههههههههههه ايه مثلج
رجاوي: وي يتمنى يكون مثلي
جواهر: اوكى عن الغلط يالله قلبي ويهج بنام الحين احس راسي شوي دايخ يالله مع السلامه
رجاوي: مع السلامه وديري بالج على حالج
**********
في نفس اليوم بالليل جا اهل جاسم رفيق حسن اخو عاليه عشان يخطبونها رحب فيهم ابوبدر ومن بعد تكلم والدجاسم ....؟؟؟
ابو جاسم: والله يابو بدر جينا لعندك نخطب بنتكم لولدنا جاسم
ابو بدر: ياهلا ومرحبا ومليون غلا زاد لنا الشرف بجيتكم ياخوي ... وان شاء الله تكون من نصيب ولدكم والنعم فيكم عرب وما راح نلقى مثلكم اصل وفصل .... بس تعرف لازم نشاور على الاهل قبل , ومن ناحيتي ماعندي مانع ترى جاسم حسبة ولدي حسن.
ابوجاسم : الله يعزك ويشرف مقدارك ابو بدر, زين عاد حنا الحين بنستاذن وراح ننتظر منكم الرد
ابو بدر: لا كان ولا استوى تروحون من غير ما نكرمكم ..العشا جاهز رح يا حسن خليهم يزهبون العشا لنا....ويقوم حسن ويطلع من المجلس ويخبر اهله انهم يزهبون العشا للرجال بالمجلس
ابو جاسم: ما يحتاج ما تقصرون ان شاء الله بالافراح سوا
ابو بدر: قلت يابو جاسم لا صار ولا استوى اجلس يا رجال خلنا نسولف لاحق على طلبات الاهل اللى ما تخلص ههههههههههه
الكل: ههههههههههههههههههههههههه هه ... كان جاسم مبسوط بالمره من رد ابو بدر وطالع بحسن اللى اول ما رجع لعندهم دزه بشويش على كتفه : يا المعرس نقول يعني من الحين مبروووك (يهمس له بشويش)
جاسم ابتسم ورد عليه: ان شاء الله ويارب عقبالك
بدر: بايش تتساسرون انت وياه
حسن: يا شين اللقافه بس
جاسم+بدر:ههههههههههههههههه هههههههههههه
...................
والد عاليه بغرفته خبر زوجته بامر جاسم
الام: لا بنتي ما راح تاخذ هذا الا بتاخذ ولد عز وغني ( ام عالية مع انها حرمه مسيطرة وتحب المظاهر بالحيل وقدام الناس لكن بنفس الوقت تخاف على اولادها وتحبهم كثيييييير)
الاب: وش فيهم يعني هذول ناس محترمين وما شاء لله عليهم مرتاحين ماديا اللى اعرفه وبعد صاحب ولدك واعتقد تقدرين تسالين عن اخلاقه وكل شي
الام: ولو انا عالية خطبوها ناس مني اول امس بالحفلة ولسه ما عطيتهم جواب ,, وبعدين انا ما قلت شي في هذول والله يسعدهم بس ابي بنتي بعد تكون مرتاحه
الاب: اشلون وانا وين رحت ابوها ومن متى بتزوجين بنتنا من غير ما اعرف
الام: كنت بقول لك بس انشغلت امس مثل منت عارف ويا اهلى ورجعة اخوي من السفر وهذا انت الحين عرفت ولد ناس معروفين وعيله ولهم سمعه بالبلد وبيحطونها على كفوف الراحه وش تبي بعد
الاب: شوفي قولي لي منهو هذا اللى خطبوها من عندك
الام: امه شافت عالية مره معي بالحفلة وعجبتها وتبي تاخذها لولدها وهم من عايلة خالد سالم ال... واسمه فيصل وقالت امه لو موافقه البنت بيجونا رسمي يخطبونها لكن لو ما تبون خلاص ماله داعي الخطوبه الرسمية ..شفت اشلون هم ذوق
الاب: اوكى ياللى تتبعين انتي الذوق ...وشوفي هذول الناس ما راحوا وشاوروا الا جو على طول واخطبوها يانوافق يا نقول لهم لا .... الحين بنشاور البنت ونشوف رايها يمكن ما يعجبها اللى تبينه او يمكن ما تبيهم الاثنين مابي الا راحه وسعادة بنتي فهمتي
الام: وانا بعد وما عليك ان شاء الله بتكون بنتك سعيدة
ابنادي عليها وبالاول علمها عن اللى خطبوها اول وبعدين قولها عن هذا صاحب ولدك سمعتني
الاب: سمعتك وما راح اضغط عليها وانتي شوفي عاد لا تمارسين عليها حركاتج ادرى فيج يبه حفلاتك ومعارفك ما راح تدوم لج ابد
الام: بس بس عن الصجه درينا يهالنصايح بنادي عليها
الاب وهو يفكر( ابد هذي الحرمه ما راح تتغير لكن .... ربنا كريم )
عاليه تدق الباب وتدخل لغرفة اهلها
عالية: ايوه يبه انت تبيني
ابوها: ايوه بنتي تعالي هنا اجلسي جنبي
عالية تجلس وتناظر ابوها: ايوه يبه حبيبي فيه شي
ابوها: ايوه فيه ولهت عليج
وتلم ابوها وتحبه على راسه :ههههههههههههههه وانا هنا قدامك ربي يخليك لى
ابوها: اقول عاليه فيه ناس جو يخطبونج
عالية سكتت وفتحت عيونها: يخطبوني مين ؟؟
ابوها: صراحه هم اثنين اللى تقدموا وانتى عاد اختاري وانا ابيج بالاول والاخير تكوني سعيده ومبسوطة
عالية: يبه انا ادرس الحين
ابوها: شوفي الدراسه ما تأثر لو انتى موافقه نشترط عليهم بعد ما تخلصين دراسه وحتى لو تزوجتي شرط تكملين دراستج مثل اول ها وش قلتي
عالية: طيب من هم بالاول
ابوها: جاسم رفيق حسن اخوج .... من سمعت باسم جاسم فز قلبها شافته شاب وسيم وينحب من اول مره ويتغشمر حيل ودايم حسن يسولف عنه انه شاب ممتاز
ابوها: ها وش قلتي ...هنا انتبهت عالية لابوها
عالية: ها يبه وش قلت
ابوها: لا منتي معي ابدا انا قلت لك ترى كلهم من عوايل محترمه جاسم نعرفه لكن الثاني ما نعرفه الا انه من عايله معروفه ومحترمه وبس
عالية: يبه خلني افكر اوكى وبعدين بعلمك بقراري هذي حياتي طول العمر ومابي اخسرها بلحظه
ابوها: فكري يابنتي زين ولا تخلين احد يضغط عليج ابدا
عالية: اوكى يبه تامرني بشي بروح لداري
ابوها: لا يابنتي الله وياج ..
عالية بدارها تفكر باللى تقدموا لها ...هي ما تعرف هذاك الشاب الثاني بس تعرف جاسم وشافته كذا مره يمكن ما انتبهت له لكن تعرفه انه رفيق حسن اخوها وبتسأل عنه من اخوها لكن الثاني اشلون تعرف عنه ..وبعدين لازم تفكر بدراستها هي لازم تكمل دراستها ما راح تضيع عليها ابدا
...... جتها امها بدارها هذاك الوقت ..حاولت تعلمها عن الشاب الثاني عاليه بتفكيرها ( اها يعني من طرف امي يا الشاب )
جتها امها: ها بنتي اكيد ابوج علمج عن اللى اخطبوج والله وبنتي وصارت عروس وبتروح مننا
عالية: يمه مابي اتزوج بكمل دراستي
امها: عن البياخه الحين كل بنت مصيرها للزواج ..وتعرفين فيصل اللى يبيج مرررررررررره ذوق وولد ناس لا وبعد ازيدج شاعر يعرف يقول القصايد ادرى في البنات هاليومين موتهم بالقصايد
عالية: منهو هذا فيصل
امها: ولد ام مشاري اعتقد شفتيها بالحفلة هذاك اليوم ام رفال
عالية: رفال ما غيرها المتكبرة واللى تشوف الناس من طرف خشمها
امها: لا تكبرينها انتي عاد رفال هذا طبعها وبعدين انتي بتاخذين اخوها يعني مو هي وهي خلاص انخطبت ومصيرها للزواج... لا وتعرفي قالوا انهم مسويين فلة لفيصل اول ما يعرس بيروح لها يعني بتعيشين ببيت لحالج ها شو قلتي
عالي: بس يمه ما اعرفهم ...وبعدين جاسم ولد ناس ونعرفه حتى لو من بعيد واخوي حسن يقول عنه انه شاب كويس وهذا الفيصل وش عرفني باخلاقه ولا فيه
امها: شفتي امه انتي صح ... وش رايج فيها مو حرمه زينه وطيبه شفتيها
عالية: ايه بس مدرى عن ابنها هذا ..وبعدين ابي افهم ليه ما تحبين جاسم انتي
امها تناظرها بعين: ليه انتى تعرفين جاسم من قبل ولا تحبينه
عالية: لا والله يمه لا اعرفه ولا عمري كلمته الا لو رديت عليه بالتلفون عشان اخوى حسن وبس
امها: اشوى على بالي ...
عالية: يمه انتوا صدق مربينا شوي فري وهذا انا اكمل دراستي بره وبروحي لكن مو معناه انى ما اعرف ديني وعاداتي وتقاليدي
امها: ما قلت كذا بس مرات الواحد الفري يتهيأ له كل شي حلال وزين ...صح انا احب الحفلات والمظاهر وهالأشياء لكن ما يعجبوني بنات اليوم واللي اسمعه دايم
عالية: يمه بكل مكان تلقين الزين والشين .....
امها: خلينا من هالكلام ترى والله ابيج تعرفين انه ما اتمنى لج الا كل السعاده والراحه ... فكري زين وترى انا جاسم مو موافقة عليه حتى لو ما وافقتي على فيصل فهمتني ولو تبيني غضبانه عليج طول عمري وافقي على هذا اللى تقولين عليه جاسم ..يالله انا طالعه الحين
عالية: طيب ...( ياربي وش اللى انا فيه الحين ...بنشوف فيصل هذا لو بيوافق ندرس بره اوكى وبنشوف هذا جاسم لو بيوافق ندرس بره ولا لا ..ياربي وش هالبلية امي لو زعلت علي اعرفها وما اقدر ازعلها بس ليه تغصبني وش اسوي الحين ) ......
جلست امها باليومين اللي بعدهم تحن على راسها اول ما تشوفها وتضغط عليها لين ما وافقت واقتنعت فيه مع انها كانت تميل لجاسم لكن من سوالف امها عن الولد حست انها بتعيش مرتاحه معاه لا وبعد كلمتهم امها عشان تكمل دراستها ببريطانيا وماعنده اى مانع الولد , وتقرر يجون اهل فيصل باخر الاسبوع يعني قبل سفر عالية للدراسه بيومين عشان يخطبونها رسمي ...
....ردوا الجواب لاهل جاسم ...كان جاسم ويا امه جالسين بالصالة يطالعون التلفزيون وفجاه دخل عليهم ابوه
ابو جاسم: السلام عليكم
جاسم + وامه: وعليكم السلام هلا ابو جاسم
ابوجاسم يطالع في ولده بعيون حزينة,, زوجته حست فيه
ام جاسم: ابو جاسم وش بلاك اشوفك متضايق
ابو جاسم: والله الجماعه ردوا على اليوم
جاسم فج عيونه : وش كان ردهم
ابوجاسم: قالوا انه ما راح يلقون احسن مننا عرب ومعروفين لكن تقدموا لها ناس قبل وافقت عليهم
ذيك الساعه حس جاسم انه سطل ماى بارد انكب عليه سكت ولا عاد تكلم بكلمه ... ومن بعدها وقف وقال : انا بروح الحين
امه: لوين يا وليدي
جاسم: ابروح اتمشى متضايق بختنق لو جلست هنا
ابو ه: يبه الزواج قسمه ونصيب وان شاء الله تلقى لك البنت اللى تسعدك وتهنيك
جاسم: غير عالية مابي خلاص اتزوج يالله مع السلامه
(جالس على كورنيش البحر يلعب بالرمل ويطالع غروب الشمس له تقريبا اكثر من 3 ساعات وهو بهالحاله شاف عدة مكالمات من رفيقه حسن بس مطنشهم ولا رد عليه ...ضاقت عليه نفسه اشلون واحد غيري ياخذها ..اشلون اقدر اعيش بدونها بالاخير جت في باله فكره قرر يسافر ويكمل دراسته بره هو خلاص ماله قعده هنيه بالديره وعالية مو معه),
لما رجع البيت خبر ابوه عن هالشي اللى بالاول حاول يثنيه عن قراره بالاخير رضى ووافق وسافر جاسم لاستراليا ودموع قلبه رافضة تنزل وتريحه من الهم اللى شايله بصدره .... كان بوداعه حسن اخوه ورفيق حياته اللى كان متاثر
حسن: جاسم لهالله بروحك ولا تنسى تطمنى عليك , وتصدج عاد والله الديره بدونك ولا راح تسوى شي
جاسم: لا مو لهالدرجه وياك الربع ما بيقصرون معاك ان شاء الله
حسن: انت عارف وش كثر انا متضايق بس وربي مالى يد بهالشي مع انى حاولت ان....
جاسم: خلصنا حسن سالفة وانتهت ما ودى اسمعها ...الله كريم والله يسعدها يالله اشوفك على خير ان شاء الله
سلموا على بعض ودخل قاعة المغادرين بالمطار , ظل حسن واقف مكانه وعيونه حزينه ومهموم ..ياترى لو صار معي كذا وجواهر رفضتني راح اسوي مثل حسن واهرب من الديرة
****************
جواهر: يبه ابيك بسالفة ممكن
ابوها: تعالى ها طمنيني اشلونج اليوم
جواهر: الحمدلله تمام
ابوها: المهم تاخذين الدوا لين يخلص
جواهر: ولا يهمك يابوي
جواهر: اممممممممم يبه ابي شي منك ... ابي ارجع الكويت
ابوها تفاجأ وفج عيونه: ليه يابنتي حد مضايقج هنا ولا قالج كلام الريم البندري حد من خوانج..؟؟
جواهر: لا يبه بس بتخلص الاجازه خلاص والحين الترم الثاني يعني دراستي واخر السنة لازم اسافر
ابوها: دراستج ولا يهمج انقلج باحسن المدارس الخاصه اللى هنا واجيب لج بعد لو تبين معلمات يعلمونج لو تبين بالبيت وانا كنت مخطط لهالشي ان شاء الله... يعني ما يحتاج تروحين من هنا اللى تبينه بتلقينه انا ما صدقت انج ييتي وعشتي بينا
جواهر: ادرى يبه ما بتقصر ولا قصرت معاى والله وكل اللى هنا حبيتهم هلى وناسي بس يبه هذولاك اهلي بعد
ابوها وهو شوي معصب : يعني احنا ماصرنا اهلك هذولاك ربوك صح وعشتي معهم 17 سنة وانا لو كنت ادرى والله ثم والله ما تركتج عند حد غيري يربيج تجين الحين تبيني اتخلى عنج بكل سهولة ما اقدر حرام عليج
جواهر خافت من كلام والدها ولا تبي تزعله عشان الازمه الاخيرة اللى جته : يبه ربي يخليك شوف انا بقول لك شي والله انى مرتاحه هنا مثل ما انا كنت مرتاحه هناك وما توقعت فعلا انى اتاقلم وياكم خفت لا يكون اهل البيت مو طايقيني ابدا وشايفين نفسهم علي ..فكرت قبل ما اجي وش راح اكون بالنسبة لهم مجرد غريبه يستقبلونها يومين وبعدين بترجع بس من جلست بينكم وحسيت حبكم لي تمنيت انى اكون عشت وياكم من زماااااااان والله ...
....كل هذا وابوها يطالعها : طيب وليه تبين تروحين وانتى مرتاحه معنا ؟
جواهر: يبه على الاقل هالسنة انا خلاص اخر سنة اوكى خلينى اكملها هناك وفي اى وقت اقدر اجي لهنا او حد من خواني يجي لهناك , وبعد ما اخلص الدراسه وعد انى خلاص اجي على طول لهنا بس صعبه هالفتره ارجوك يبه هناك رفيقاتي من وانا صغيره وياهم اختى رجاوي تحتريني قبل لا تسافر لدراستها ارجوك يبه على الاقل انت صبرت هالسنين كلها وانت ما تدري اصبر بس ترم واحد وان شاء الله بجي واعيش وياك هنا على طول اللى تامرني فيه
ابوها ارتاح من كلامها : والله يابنتي تقولين اللى بخاطرج
جواهر بتردد : والله يبه فديتك وتقرب من ابوها وتحط راسها على صدره يضمها له ويبوس راسها : لو تعرفين غلاتج عندي والله غلاتج بغلاة والدتج عندي ...تنهدت جواهر آآآآآه اول مره يطري امها قدامها بهالشكل فعلا حست انه ابوها صج حبها من قلبه
جواهر رفعت راسها وطالعت بابوها: يبه ها وش قلت
ابوها يبتسم: اوكى خلاص روحي
جواهر تصيح وتحضن ابوها وتبوس فيه: فديتك يبه ربي يخليك لي .... واقدر اروح متى
ابوها: متى دراستك بتكون ؟
جواهر: هي بعدها يعني اسبوعين لكن ابي اروح بعد كم يوم عشان اختى بتروح اخر الاسبوع الجاي ابي الحق عليها واكون معها اوكى
ابوها : اوكى خلاص انتى حددي اليوم وانا بخلي عبدالعزيز يحجز لج ويسافر معج
جواهر: لا عبدالعزيز لا تكلف عليه, خلي فهد يجي وياي ارجوك يبه
ابوها: هههههههههههههه اوكى ادرى يدلعج وايد فهد
جواهر: فديته والله ليه يعني ما استاهل حد يدلعني
ابوها: تستاهلين الدلع كله والله
جواهر: يالله بروح اعلم امي بالتلفون وباست ابوها على خده وطلعت تركض وهي فرحانه
ابوها: ههههههههههه شوي شوي على روحج توج طالعه من المستشفى ...وهذي الريم داخله للغرفة
الريم: وش فيها جواهر طالعه مبسوطه وفرحانه
زوجها: بترجع الكويت
الريم وهي فاجه عيونها: وش قلت اشلون بترجع الكويت ليه انت بتتركها تعيش هناك .... مو انت جايبها خلاص تعيش معنا
زوجها: بتظل هناك بس هالترم الجاي عشان دراستها وبعده بتجي هنا على طول
الريم: طيب وش الفرق تنقل دراستها لهنا عادي ما فيها شي
زوجها: خلاص خليها براحتها الحين وهي مبسوطه وبعد الدراسه بتعيش هنا على طول يعني كم شهر وهي معنا على طول
الريم: دام انك راضي خلاص بس فكرت انك بعدين راح تتضايق من هالشي
ابوها: تضايقت بالاول بس لما وعدتني انها بتعيش ويانا على طول بعد هالفتره قلت خلاص صبرت واصبر عادي كم شهر واذا الا اشتقنا لها بنجيبها تجلس ان شاء الله معنا يومين ثلاث, طيارة العيلة تجيبها عادى
...........
كانت ام نوفا جالسه ويا نوفا واخوهم طلال
نوفا+ وامها: ههههههههههههههههههههههههه هههههههههههههههههههه ه
نوفا: بس بس الله يرج ابليسك طلالووووو وربي بموت من الضحك
امها: طلال يغربل ابليسك والله اتعبتنا من الضحك
طلال: ههههههههههههه هذا يزاي انى قاعد ابسطكم بالسوالف شوي تبون تسمعون اخر المقالب اللى سويناها بالدكتور واحد معنا بالجامعه واللى راز خشمه قدام الكل ولو حد تاخر في مادته يطالعه بنص عين ويقوله( انت يافندي روح كمل نوم الكهف في بيتكم )
نوفا+امها: ههههههههههههههههههههههههه
طلال: والله جد واذا حد تأخر عن مادته مرتين يعرف انه ساقط فيها ولو يجيب له عذر من الملك نفسه
نوفا: ها وش سويتوا فيه علمنا ؟
ام نوفا: لا خلاص ما فينى اسمع بروح اشوف المطبخ وش سووا فيه الخدم
طلال: يمه فديتج ابي اذوق من هذاك المندي اللي تسوينه وربي مشتاق لطعمه الحلو
امه: فديتك يمه ابصلحه لك ولا يهمك
طلال: فديت عيونج الحلوه الملونه انتي
امه تضحك وهي تمشي : بزر وكلامك كلام واحد مغازلجي اضحك بيه على البنات مو علي ههههههههههههههه
نوفا: يغربل بليسك انت تاكل بعقول الناس حلاوة على قولة اخوانك المصاروه
طلال: يالله طسي انا بروح
نوفا: وييييييين حرام عليك كمل لى سالفة الدكتور
طلال: بروح اتصل نسيت صاحبي اتصل عليه مافيني بكملها بعدين
نوفا : بليزززز طلالوووو كملها الحين بعلمها لصاحباتي وبعدين منهو هذا صاحبك اللى بتتصل عليه
طلال: يالله طسي من قدامي لغرفتج يالله يالاف بي آي
نوفا وهي تطلع لسانها له وتوقف: وعععععع عليك .....وتركض من قدامه
طلال: وجع .....
............
الا وينهم هذول: يمه يمه ...وضحه تنادي على امها
امها جت من صوب المطبخ: هلا بنيتي جلسي شوي وبرجع لج
وضحه: وش تسوين انتي بالمطبخ مو كفايه هالخدامات هناك بعد انتي تدشين
امها: والله فديته طلال بخاطره مندي قلت اسويه له
وضحه: هذا الدلوع لمتي وانتي تنفذين له كل شي
امه: فديته لو ما سويت لعيالي لمين بعد ..... شوي واجي لعندك فديتها نوفا وتعطيها بوسه على خدها وراحت للمطبخ
وضحه جلست بالصالة تفر بقنوات التلفزيون ..وشوي وظهرت عليها نوفا سلمت عليها وخذت منها نوفا الصغيرة تلاعبها وتبوس فيها
امها: حي الله بوضحوووه ها وش علومج من يوم الحفلة ما شفناج وين رحتي عنا
وضحه: فديتج يمه بس تعرفين العيال والبيت وابوهم بعد
امها: ههههههههههههههههه
نوفا تلف صوبها: قولي ابوهم وبس من غير ما تحطين السبب على نوفا وخواتها فديتهم
وضحه تخزها بعين: جبي ي ي انتي عاد ...ها يمه وش اخر الاخبار
نوفا بسرعه قبل امها: جهزي روحك سلطان اخوج بيتزوج
وتفج وضحه عيونها : يمه وش هالكلام
امها: نوفا وجع وسكتي يالله عاد وخذي نوفا لفوق لاعبيها يالله طسي من قدامي
نوفا بزعل: اوكىىى خلاص بنرووووح ونخليكم واسراركم اللى ما تخلص بس تدرون عاد شي انا اعرف بكل اللى يصير خليتوها اسرار ما اسرار ادرى فيها قبلكم بعد ومن مصادرها وراحت وخذت نوفا معها...
وضحه: حشا ام لسان هذي اف بي آي وربي ما كذبتوا عنها يالله عاد طسي رازه ويهك قدامنا...اقول يمه اشلون بيتزوج وعلميني منهي هذي ..؟؟ وبعدين وانا من زمان اعلمكم على مشاعل واخيرا عرفتوا
امها: لحظه لحظه بنتي لا يروح بالك بعيد لا مشاعل ولا غيرها ... سلطان قرر يتزوج وبياخذ بنت عمك جواهر
وضحه: شوووووووووووووووووووووووو ووووو انتي تتكلمين جد
امها: ايه جد يعني اكذب عليج
وضحه وهي معصبه: ومالقى الا جواهر والله مشاعل تسواها وتسوى مليون جواهر مثلها
امها: ثمني كلامج زين عيب عليج انتي ويهج ,, هذي بنت عمج يعني ما هي غريبه
وضحه: الا غريبه تجي بعد هالسنوات كلها وتاخذ سلطان اخوى على الجاهز
امها وفاجه عيونها: اقول وضحه عن الكلام والحشره سلطان مو حلاوه بصندوق معروضه للبيع واعتقد فيه عقله وانسان فاهم ياخذ اللى يبيه ولو يبي مشاعل كان فكر فيها من زمان حتى وانتى قدامه تمدحين فيها
وضحه سكتت وماردت على امها: متى صارهالكلام
امها: قبل امس بس ...وبعدين البنت بعدها تدرس وللحين ما رحنا خطبناها رسمي يعني لسه كلام بكره ان شاء الله بيروحون يخطبونها رسمي
وضحه: زين والله يعني لو ماجيت وعلمتوني كنت بعرف من بره والله ما قصرتوا صرت غريبه الحين ما تعلموني وزعلت
امها: والله كنت بدق عليج اليوم وبعلمج بس زين جيتي اليوم وقبل امس جواهر بنت عمك كانت تعبانه ومنومه بالمستشفى زين انتي هنا احسن تتصلين عليها وتتحمدين لها بالسلامه
وضحه: وش فيها ...؟؟
امها: حمى ما قامت منها الا بعد يوم الحين بالبيت يقولون احسن
وضحه بخاطرها ( يعلها ما تقوم منها كانت ) : اوف طيب بنتصل عليها ولا يهمج
امها: شوفي وضحه ترى لا تخربين على اخوانج هذي حياتهم وهم حريين فيها سمعتي مثل ماهم ما يتدخلون بحياتج هم بعد انتى لا تتدخلين بحياتهم سمعتي
وضحه: زين زين سمعنا وتفر بقنوات التلفزيون من القهر .... انا بروح الحين جيت اسلم وبس وايه اعزمكم على حفلة ميلاد نجلاء بكره بس الظاهر بالخطوبه ما راح احد يجي ليه ما تاجلونها هالخطوبه
امها: والله الرجال قرروا وخلاص الا اذا جت من عند عمج
وضحه بمخها تخطط لشي: انا بتصل على الريم واطلب منها جواهر واتحمد لها بالسلامه
امها: اوكى بروح اشوف الطبخ برجع بعد شوي
وقتها اتصلت على الريم وسلمت عليها
وضحه: اقول الريم سمعت بكره الرجال جايين لعندكم
الريم: ما تكلمت ماحبت تقول شي عرفت من زوجها هالكلام لكن سكتت
وضحه: ادرى تعرفين عشان خطوبه سلطان
الريم: حياهم الله
وضحه بس اللى اعرفه انه جواهر توها طلعت من المستشفى ليه ما تخلونها بعد بكره
الريم: مالى كلام من بعد كلام الرجال والله وبعدين هم مو جايين عشان يشوفونها الا يخطبونها
وضحه: ادرى بس يعني عشان امي ما تشوفها بهذاك الشكل التعبان يعني ترتاح لها بعد يوم ونجي بعد بكره ..... ايه نسيت على فكره بكره حفلة عيد ميلاد نجلاء بنتي بتكمل 5 سنين معزومين الكل ....اقول الريم ممكن اكلم جواهر واتحمد لها بالسلامه اسفه ترى ما عرفت الا الحين من الوالده
ولا تخافين ادرى ما راح اعلمها بشي ابد
شوي وتكلمها جواهر وتتحمد لها بالسلامه وما عزمتها قالت بتعرف من الريم تجي ولا ماتجي ما تهمني سكرت من عندها بسرعه ومن بعدها راحت لبيتهم تعذرت انها تجهز للحفلة وتبي تشتري بعض الاغراض للبيت بعد ....
*************
بعد الغدا الريم لزوجها بالغرفة: اقول ابو عبدالعزيز ادرى انه الجماعه بكره بيتكلمون عشان جواهر ليه ما تخليها لبعد بكره تعرف جواهر لسه طالعه من المستشفى وشكلها مو عاجبني يعني تبي لها راحه بعد يوم ها وش رايك
زوجها: والله فكره بس انا قتل لاخواني اشلون ارجع بكلامي
الريم: انت ما بترجع بكلامك بس عادي تعذر لهم بشي وبعدين بيشوفون جواهر شكلها بعده تعبان احسن ترتاح يوم ها وش قلت هذا عاد رايي
زوجها رد عليها: يصير خير ..... تأجلت الخطوبة يومين وكلمهم ابو جواهر واعتذر منهم
.................
من عقب صلاة العصر جت لعندها نوفا وشوي وصلوا بنات عمها مها وعبير استانست وياهم
جواهر: ها عبير اكيد بيكون اشتقتي لتدريس اليهال
عبير: يؤيؤ ليه بس هالسيرة الحين الله يهداج زين عرفنا راسنا وين من ريولنا (عبير مدرسة ابتدائي بنات )
جواهر: ههههههههههههه احنا يالله متحملين المعلمات اشلون عاد انتوا تتحملون الطلبه والله ربي يكون بعونكم
مها: ياربي الحين ما لاقيتوا سالفة الا هذي خلونا نتمتع باجازتنا
جواهر: والله عاد قدامك التلفزيون طالعي نوفا تفر فيها من الاول
نوفا: وياليت لقيت شي زين
جواهر: طيب وش رايكم نلعب لعبه
مها: حلو وش هي لعبتها
جواهر: لعبة افلام واغاني اخر حرف من الاغنيه يبتدي باول حرف فلم والعكس بعد وش رايكم
عبير: حلو يالله بس على كذا بنكون فريق
اوكى وابتدوا باللعبه وصياح وضحك لين قريب المغرب جا سيف واخذ مها وعبير اللى وعدتهم جواهر ان شاء الله تزورهم بأقرب وقت وبتجي هي ونوفا ..... ظلت جواهر تسولف ويا نوفا
نوفا: تعرفي جواهر اتمنى ايش
جواهر: ها ايش يا الاف بي آي ههههههههههههه
نوفا ماده برطمها: اووووه انتي بعد وهذا اللقب من وين سمعتيه عاد
جواهر :ههههههههههه سمعت فهد اخوى يقوله
نوفا فاجه عيونها: قولي والله
جواهر: هههههههههههههههههه والله
نوفا: فضيحه ياربي اشلون عيني تجي بعينه مره ثانيه بيقول عني كل كلمه مسجلتها بشريط وتسمعه بعدين عشان تعرف وش فيه
جواهر: ههههههههههههههه مو بعيد تسوينها اف بي آي
نوفا بزعل: بس خلاص وربي ما احشر روحي بشي هذا يزاي انى احب اعرف انه الكل مبسوط وفرحان
جواهر وهي تلم نوفا: فديتج والله امزح مو فهد قالها الا احمد اخوى اما فهد يا حليله والله يحب كل الناس ولا يقول عنهم شي
نوفا ابتسمت من خاطرها: وي فديته ولد عمي ادرى فيه ما يغلط
جواهر: هههههههههههههه ايه لازم تفدينه هذا فهد اخوى مو اى احد
نوفا: وفديت اخواني بعد كلهم
جواهر: ههههههههههههههههههههههه طيب وانا
نوفا: فديتكم كلكم ارتاحي الحين ههههههههههههه
جواهر: وش رايج نروح الحديقه شوي
نوفا: حلو يالله بس اخاف حد من اخوانج هنا يكون
جواهر: لا قريب المغرب ما يكونون هنا بالعصر اوكى لكن الحين لا يالله روحي انتي وخلي الشغالة تجيب لنا عصير نشربه هناك وانا بتبعك بعلم الريم وين احنا اوكى
طلعت نوفا من عند جواهر وحطت شيلتها على راسها ولما وصلت تحت الطابق الارضي وكانت تمشي وتلعب بجوالها وما شافت اللى طلع من المطبخ وصدم فيها جوالها طاح واما هي جت عيونها في عيونه الوساع السود
وهي مرتبكة على طول اخذت شيلتها وحطتها على ويهها
نوفا: آسفة
فهد وهو يمد ايده وخذا الجوال وعطاه لها: لا عادى اشلونج بنت عمي وشخبارج
نوفا وهي مستحية: الحمدلله تمام
فهد: دوم مو بيوم استاذن ومشى وكمل طريقه
نوفا لحالها( ليش انا غبية كذا وليه ارتبك ولد عمي عادى يعني شايفني من زمان بتجي الحين حتى لو حطيت الف غشوة على ويهي بيعرفني)
راحت للمطبخ وخلت روز تجيب لهم العصير بالحديقة .... واول ما كانت بتطلع للحديقة طالعت فوق بنظرها الا وفهد واقف على النافذة يطالعها
استحت نوفا ورجعت شيلتها على راسها وعطته ظهرها وكملت طريقها لعند جواهر
جواهر: انا قلت عصير مو مندي وش عليه هالتاخير
نوفا: ولا شي كنت امشي
جواهر: والله على بالي كنتي رايحة بطيارة ههههههههههههههههههههه
نوفا وهي ماده برطمها : زين طيب ضحكي
جواهر: فديتج بنت عمي بس شفتج تأخرتي على
نوفا: وهذي انا قدامج اوكى يالله نحش باخر فلم شفته
جواهر: هههههههههههههه والله تصدقين لي فترة ما شفت افلام تولهت عليهم خصوصا لما نروح السينما ويا عنوووده رفيقتي...تواعدوا نهم يجيبون لهم افلام ويجلسون يشوفونهم مع بعض ..جت الشغالة بالعصير وبعد ما شربوا بشوي جا اخوها طلال وخذاها حاولت جواهر تخليها تظل معها للعشا بس رفضت نوفا وراحت
نوفا: اوكى يالله مع السلامه واشوفج بكره ان شاء الله بالحفلة ..وانتبهي لا تتكشخين زود مابي عمة نوفا اللى هي انا حد يكون احلى منها
جواهر: هههههههههههههه زين ولا يهمج ..مع السلامه وسلمي على خالتي وعمي
نوفا: يوصل مع السلامه
الجزء الخامس عشر
الفصل الثالث
بالليل كان سلطان بغرفته بعد ما رجع من السهره... فتح دفتر رسمه وطالع بالرسمه .... ياترى يابنت عمي بتكونين لي ولا لا ياترى راح ترضين فيني ولا لا ...ياترى انا احبها ولا معجب بس في شكلها ... انا ماقد كلمتها الا اشلونج والحمدلله على السلامه ...ياترى هي دلوعه مثل نوفا وام لسان تحب تتدخل بكل شي ولا لا ...ياترى تحب تصيح لو مالقت اللى تبيه واشلون اقدر اسوي معها ....اووووف بالاخير تعب من هالتفكير وسكر الدفتر وراح على السرير ونام
********
على الساعه قريب العشرالصباح وتسمع جواهر صوت الانتر كوم ..يالله جواهر فجي الباب بسرعه يا الكسولة ...اووووه من هذا على الصباح ( امس سهرت شوي تسولف ويا عنوووده تولهت عليها وظلوا لهم ساعه وهم يسولفون)... قامت وفتحت الباب وعلى طول ردت على السرير وحطت البطانيه عليها
فهد: يا الكسووووووولة قومي يالله الساعه 10...
جواهر: فهد حرام عليك ابي انام خلني
فهد: اللى اعرفه انك تقومين هالوقت تعبانه جواهر ولا شي
جواهر: لا بس فيني نوم امس تقلبت بالفراش ما نمت والله واتصلت على رفيقتي العنود وجلست اسولف معها
فهد : يالله عاد انتوا وهذرتكم البنات مع بعض اوكى بخليج تكملين نوم ..وابتسم بفكره خطه
...... بعد دقايق وتسمع بحركه داخل غرفتها تشيل اللحاف من عليها الا وهذي شهوده عندها
جواهر: شهوده كيف جيتي
شهد: جيت
جواهر: من فتح لج الباب
شهد: مفتوح الباب ..يالله بتلوحين معنا العاب مع فهد يالله
جواهر: وين نروح
شهد: عمو فهد بيجيب لنا العاب يالله وبنشتري حق نوفا هابي بيرتي يو
جواهر: اها اوكى اوكى لحظه بخلي احد يوديج تحت ...وتتصل على ماريا عشان تجي تاخذ شهوده عند امها ...روحي مع ماريا وانا بجي اوكى فديت هالعيون الحلوه وباستها على عيونها
اتصلت على فهد تسأله: لوين بتروحون
فهد: لا ولا مكان بس باخذ العيال محل الالعاب وامشيهم شوي اممم فيه شي
جواهر: فديت اخوى اوكى انا بجي معاكم
فهد: لا لا انتي نامي تقولين امس سهرانه
جواهر: لا لا مافيني نوم بجهز روحي وبنزل تحت اوكى دقايق بس ...وسكرت على ضحكة فهد
جواهر: يالله نروح هذي انا جاهزه
فهد: وش يالله نروح بالاول تفطرين وبعدين نروح
جواهر: لا لا بفطر هناك ولا ما تبي تفطرني على حسابك هناك
فهد: افا لو تبين فطور وغدا وعشا اليوم ما نطلع من المول ابد
جواهر: هههههههههههههههه فديتك يالله مشينا ....نادى فهد على الاولاد
مصيبه هي بروحها ويا فهد والاولاد مستانسين انهم بيطلعون خذوا خوانهم مع اولاد اخوها عبدالعزيز اول ما وصلوا وداهم فهد لكافييه السينابون بالمول طلبت لها نسكافيه ويا فطيرة السينابون اكلت منها اما الاولاد خذ كل واحد منهم ميلك شيك شوكولاه ... بعد تقريبا 20 دقيقة راحوا وحوطوا شوي بالمول ووصلوا لعند محل الالعاب تويز آر أس طبعا الاولاد حدث ولا حرج من شافوا الالعاب تخبلوا عليهم ......
فهد: هههههههههههههههههه شوي شوي علينا قبل لا ندخل فيه شروط , يعني كل واحد ياخذ له لعبة صغيرة وبس ياكثر الالعاب اللي بالبيت اوكى وبعدين كل واحد ياخذ هديه لنوفا اوكى شهد والوليد اخوها مع جواهر اما محمد وتركي مع فهد
...بنفس الوقت كانت نوفا جايه المول مع اخوها سلطان وداخلين المحل من الجانب الثاني شوي وكانت جواهر تشوف لعبه لنوفا مع شهوده وتركت ايد اخوها بعد دقيقة التفتت مالقت اخوها تنادي عليه
جواهر: ولييييييييييييد ولييييييييييييييييد وينك ...ياربي وين راح هذا شوي وتروح للجانب الثاني ولما تجي بتلف وبسرعه تصدم بجدار ابيض جت بتطيح وفكت ايدها من شهوده لا تطيحها معها لكن حست بايدين مسكوها من خصرها ...
......: بسم الله عليج ..فيج شي اختي
جواهر وهي تطالع للشاب ومنحرجه منه وجت بتتكلم
سلطان: شهوده هلا شهوده حبيبي اشلونج وفك عنها وراح لم شهوده اللى شافته وعطته بوسه على خده والتفت صوب جواهر (ياربي ثاني مره التقي فيها بهالشكل وبكل مره حالتي ما تسر ...وش يصير معي اركد يا سلطان بنت مثل كل البنات عادي )
شهوده: هذي عمه يواهرليه طيحتها
سلطان: هلا بنت عمي اشلونج عساج طيبه
جواهر وهي منحرجه بالمره: ما فيني شي حبيبتي شهوده شوفي انا اوكى ..... وهي مرتبكة ردت عليه: هلا ولد عمي انا بخير الحمدلله انت اشلونك
سلطان: انا تمام الحمدلله
شهد: عمو فهد ثوووفه وهذي هي تأشر الا ويشوفون بالجانب الثاني فهد ومعه اخوانه وتركي
جواهر ارتاحت من شافت اخوها وياه : الحمدلله وتروح على طول وتمسك ايد شهد وتبتعد عن سلطان
جواهر: وليد وينك روعتني عليك والله
فهد: ليه ما انتبهتي له
الوليد: لا تخافون انا كبير اعرف لو ضعت بعلمهم على بيتنا .... بخلي ابوي يشري لي جوال
جواهر: ههههههههههههه لا والله عشنا وشفنا اطفال معهم جوالات
الوليد: والله بالمدرسه ربعي اكثرهم معهم ولما يسالوني اطنشهم واقول لهم ما اجيبه للمدرسه ما احتاجه ابدا لما اروح المول ماما عطتني اياه مره
فهد: والله مو مضيعكم الا تربية الجوال هذي يالله خلصتوا ولا بعد
جواهر: لا بعدني ما شريت هديه لنوفا ربع ساعه وبخلص راحت جواهر واخذت معها شهد واختاروا لنوفا لعبة فله وشرت شهد لعبه وحاسبوا على الهدايا وشوي ويجي سلطان
فهد: هلا سلطان واشلونك ..ها اشوفك انت بعد تشتري هدايا لنوفا اخاف بعدين لا يبنون لها غرفة من كثر الالعاب هههههههههههههههههه
سلطان: وش نقول عاد هذي نوفا من سمعتني بروح اشتري لنوفا قالت وانا معك ...شوي وتجي نوفا من شافت جواهر عرفتها سلمت عليها
نوفا: هلا جواهر حبيبتي اشلونج ولهت عليك
جواهر: هلا نوفا انا طيبه وانتى اشلونج
نوفا: مثل مانتي شايفه شريت الهديه والحين بشتري لها بعد الفستان امها مافيها تكمل لوازم الحفلة وعطتني هالمهمه عنها
سلطان من سمع هالكلام من نوفا: اها وانا اقول ليه مصممه ايبج للمول مع انه محلات الالعاب يا كثرها
فهد: اشلونج نوفا عساج بخير
نوفا: ها انا تمام الحمدلله , انت اشلونك ,,
فهد: الحمدلله بخير
نوفا: يالله سلطان نحاسب ماعندنا وقت يالله اشوفج بالحفلة اليوم اوكى جواهر
جواهر: ان شاء الله
سلطان: يالله اشوفك على خير فهد
فهد: ان شاء الله وايه نسيت اعتقد الوالد كلم عمي صح يمكن بكره الموعد وغمزه بعينه
ارتبك سلطان شوي وتغير وجهه: ايه طيب يا النمر يالله مع السلامه
فهد حب يحرج ولد عمه شوي : ههههههههههههههههههههههههه هههههه
جواهر: وش فيه سلطان تغير ويهه فيه شي
فهد: ولا شي يا احلى اخت بالكون كله وياحظ اللى بياخذك
جواهر فاجه عيونها: هههههههههههههه ايه طيب يالله نروح بعد احنا ابي ارتاح تعبوني هالعيال ياربي اشلون يابوهم
فهد: هههههههههههههههههههه مصيرك مثلهم
جواهر: بعد عمر طوووووووووووويل اكمل دراستي وبعدين افكر بالزواج والعيال
فهد: نشوووووووووووووووووف هههههههههههههههههه ..
حاسب فهد وطلعوا من المحل وعلى طول للبيت
البندري: فديتكم ها تركي شريت لنوفا هديه
تركي: لعبه بس
البندري: ههههههههههه طيب وانتي شهووووده
شهد: انا بعد لعبه وعمتي يواهر شرت لعبه حلوووووووووووه وبعد سلطان شرى لعبه حلوووووووووووووووه
البندري: سلطان ليه انتوا شفتوه هناك
ارتبكت جواهر شوي: ايه جاي ويا نوفا شروا العاب وهدايا لنوفا وطلعوا
البندري: اها يالله تعالوا بنحط الالعاب وبدلوا ملابسكم يالله بابا بيجي بعد شوي يتغدى معنا ...خذت العيال اما جواهر جلست شوي ويا فهد بالصالة يطالعون بالتلفزيون وبعدين راحت لجناحها صلت وغيرت ملابسها ونزلت على الغدا وياهم...
*****
بالليل في بيت وضحه الكل كان متيمع عشان حفلة عيد ميلاد نوفا ... وكانوا الاطفال فرحانيين بعد اكلهم للكيك حطوا لهم اغاني للاطفال وعلى طول نوفا خذت بنت اختها الصغيرة ورقصت فيها والكل يصفق لهم ويضحك ..... بس كانت فيه عيون تراقب جواهر ...اكيد وضحه ( هذي بتصير زوجة اخوى لا كان ولا استوى ما راح تاخذه سلطان لشعوله وبس وراح نشوف )
باليوم الثاني بالليل جا اعمام جواهر وكل الريايل راحوا للمجلس هناك ..كانت جواهر لابسه فستان حريرعادي بدون قصات ولا شي لونه عنابي وفيه رسوم ورود بيضا على صفرا بس فيه حركه من اليدين على الاكمام ويا شيفون ابيض واصفر وطالعه فيه تخبل بعد ما حطت ماكياج خفيف باللون العنابي على عيونها وكحلتهم شوي ..مع انها ما كانت تبي تحط ميك اب بس قالت لها الريم لو تحطين ميك اب بتطلعين كشخه سمعت كلامها ولقت زوجة عمها واستغربت انهم ما جابوا نوفا معهم ..
زوجة عمها الهنوف: الله الله على عرسوتنا الحلوه وش هالزين كله ربي يحفظج من كل عين يا بنتي
استحت جواهر : أي عروس خاله وهي مستغربه... بس مثل كل البنات عاديه
الريم: هههههههههه ايه عاديه بس محلوه شوي
الكل:ههههههههههههه
الهنوف: اكيد عروس ....وطالعت بويه الريم اللى عطتها اشارة بعيونها .... البنات بنفس عمرج يقولون لهم عروس لين يتزوجون والله زمانا معرسين واحنا اصغر منكم عاد الحين انتوا ودلعكم لازم تخلصون مدرى شو دراسه وبعدها جامعه
جواهر: وليييه وانا اقول ليه نسبة العنوسه تزيد بين البنات اتاري من كثر كلام الحريم عليهم يالعروس يا العروس بكل مره يصكونهم بعين ولا حد يجيهم ابد
الكل: ههههههههههههههههههههههههه ههههه
جواهر: الا خاله وينها نوفا ليه ما يبتيها معاج
الهنوف: احسن خلها بالبيت كل يوم وهي تطلع اليوم دوري انا اطلع
الريم+ البندري: هههههههههههههههههههه زين حظنا احنا نشوفج هنيه
الهنوف: لا بس قالت ما تبي راسها يعورها وتبي تنام بدري
جواهر : سلامتها ما تشوف شر والله ابتصل عليها الحين اطمن عليها
الهنوف: خلى الاتصال الحين وعلميني وشحالج بنتي ها واشلون الاهل هناك بالكويت
جواهر: يسلمون خاله ولهت عليهم والله .....
الريم: الا وين وضحه ما جت وياج
الهنوف: والله راحت تزور وحده من ربيعاتها صار لها حادث وقالت لازم تروح تتحمد لها بالسلامه ان شاء الله المره الجايه
الريم: ان شاء الله
*********
بمجلس الرجال كان عبدالعزيز وتركي ونواف جالسين جنب بعض وبالجانب الثاني كان عبدالعزيز وولد عمه تركي بجانب سلطان وفهد جالس ويا طلال واحمد يستمعون للى ينقال
ابوسلطان: ها وش قلت يابو عبدالعزيز
ابو جواهر: والله ياخوي بنتكم وهذا ولدكم ومن جهتي انا موافق واخوانها جالسين قدامكم لو حد معترض يعلمنا
فهد: انا معترض
الكل طالع فيه
سلطان: ليه معترض يافهد فيني شي يعيبني وانا ولد عمك
فهد: لا مافيك شي وانا اشهد ريال من ظهر ريال بس كذا
ابوه: اقول فهد الظاهر ما معك سالفة اسكت واركد خلى الكلام للى اكبر منك
فهد: ما قلنا شي يابوي انتوا على العين والراس بعد كلامكم ماشي كلام غيره بس اشلون يجي هذا على الجاهز ياخذها واحنا بعدنا ما شبعنا منها لا والله خليها عندنا 10 سنوات بعدين تعال خذها
الكل: هههههههههههههههه
ابوه: وقفت قلبي الله يرج ابليسك .. قلت وش بلاه فهد على ولد عمه ما يعرفه عشان يعترض من اولها
سلطان وهو يبتسم: الله يغربلك روعتني ولا يهمك بنجيبها لك بكل يوم
عبدالعزيز اخو جواهر: ومن قال بتجيبها لنا ..الا بتعيشون معنا هذي اختنا الوحيدة وما راح تعيش بمكان غير
تركي اخو سلطان: وش مكان غريب بيت عمها بحسبة ابوها
نواف عمهم لما شافهم كذا: لحظه لحظه للحين احنا ما وصلنا للزواج قلبتوها عرس ووين بتسكن على طول يابوك احنا بالخطوبه يعني الكل موافق ولا لا
الكل: موافقين هههههههههه
نوفا: بالبركة يابوك وسلم على اخوانه والكل بارك لسلطان
ابو جواهر: بس لازم ناخذ راي جواهر
ابو تركي: اكيد واحنا منتظرين ردكم علينا
ابو جواهر: واعتبرها بنتكم من الحين وانا واثق من هالشي
فهد لسلطان بهمس: اوريك يا سلطان ان ما لعوزتك بطلباتنا حتى تاخذ اختي
سلطان: تسويها ادري فيك يا النمربس كل طلباتكم موافق عليها من الحين بعينك يعني لا لعوزه ولا شي
فهد: ههههههههههههههههههههههههه ... بعد العشا الكل راح للبيت وكانت جواهر بقسمها ودخل عليها ابوها
جواهر: حبت راس ابوها: هلا يبه اشلونك
ابوها ضمها له وخذاها جنبه وجلسوا على الكنب بصالة الجناح الصغيرة
ابوها: ها اشلونج جواهر ..والله وصرتي عروس بنتي
جواهر فجت عيونها ليه هالايام يقولون لي عروس
جواهر: لا انا وين والعرس وين بعد الدراسه ان شاء الله لما اتخرج من الجامعه
ابوها: شوفي جواهر اليوم يايين عمامج عشان يخطبونج لولدهم سلطان
جواهر فجت عيونها وفمها وهي مستغربه: سلطان ولد عمي اخو نوفا
ابوها: ايه اخو نوفا ها بنتي وش قلتي ترى سلطان انا مربيه وريال ينشد بيها الظهر ولو كان يبيج طلال ولا غيره ما وافقت بس سلطان هذا ادرى فيه بيحطج بعيونه وان شاء الله بتكونين معاه سعيده
جواهر متفاجأه بالموضوع: يبه بس انا ادرس ومافي قلبي الحين غير الدراسه
اوكى ما قلنا شي دراستج كمليها بس يبه لازم نرد لهم بيا ايه او لا
جواهر: واهلي يدرون
ابوها طالع فيها: واحنا مين
جواهر: بس هذولاك بعد اهلي لازم يعرفون
ابوها: اكيد راح يعرفون لكن القرار لج مو لهم وانا عطيتهم كلمه انى موافق
جواهر بضيق: يعني غصب اخذه
ابوها: مو غصب لكن منيتي انج بتوافقين عليه ان شاء الله وولد عمك ما فيه شي يتعيب ولو تعرفيه زين راح على طول توافقين من غير كلام
جواهر: هذا انت قلتها .... بس حتى لو وافقت مافيه عرس الحين الا بعد تكملة دراسه
ابوها: يصير خير ها وش قلتي
جواهر: يبه عطني مهله افكر وبرد عليك ولا اقل لك ... انا بروح الحين ارجع ديرتي وهناك بفكر
ابوها: لا يابوج هنا راح تفكرين وتعطيني القرار عيب نخلى العرب ينتظرون القرار وانتي بمكان غير
جواهر: اوكى عطني مهلة يومين ايه وفيه موضوع بعد يومين بسافر بخلي فهد يحجز لي اوكى يبه
ابوها: يصير خير ومحتاجه شي علميني لو الفلوس اللى معك مو كفايه هم بعد انا حطيت بحسابك هذا اليوم كم بيزة
جواهر: يبه ما يحتاج والله الريم عطتني هذاك اليوم وانت عطيتني من قبل وش اسوي فيهم كل هذول الفلوس
ابوها: اشتري لروحج اللى تبينه وانتى قلتي بتسافرين اشتري فيهم الهدايا لاهلج
جواهر: اوكى يبه
ابوها باسها على جبينها: اوكى انا بروح الحين انام تصبحي على خير
جواهر: تلقى دايم الخير ان شاء الله
بعد ما راح ابوها ظلت جواهر تفكر .( سلطان ما غيره يبيني ,, اشلون هو ما يعرفني ويالله كلمته 3 مرات وتضحك ههههههههههه الا مرتين فشيلة انصدمت فيه ومره لما كان شكلي يخرع من الحمى ..يا ويل حالي لو وافقت يعني ببتعد خلاص من ماما وبابا واختى رجاوي ورفيقتي العنود ... اممممم شكله حليو واحلى مافيه عيونه العسلية وغمازته اللى بلحيته وسكسوكته محليته اكثر واكثر ..وش جالسه انا افكر فيه ... وبدر حطت ايديها على راسها منيتي بدر وينك يابدر ليه ما جيت ياربي وش هالمصيبه يعني لو وافقت احلامي كلها راح تضيع ولو ما وافقت وش السبب مافيه شي ينعاب ... ياربي وش هالمصيبة اللى حلت علي ... احسن شي بتصل على عنوده
العنود: هلا وغلا
جواهر: السلام عليكم هلا عنوووده اشخبارج حبيبتي
العنود: طيبه ولهت عليج ها طمنيني وش اخبارج
جواهر بضيق: مو زينه عنوووده لحقي علي
العنود: بسم الله وش صار جواهر ليه كذا تصايحين
جواهر: خطبني ولد عمي وش اساوي
العنود: هههههههههه الله يغربل بليسج خرعتيني والله على بالي شي كايد
جواهر: يا سلام لا وبعد تبين شي كايد احسن من هذا وش اسوي والله راسي عورني وانا افكر
العنود: وبدر
جواهر: هذي انتي قلتيها بدر تعرفيني مع انى ما ابين اللى بقلبي بس والله بدر احبه من واحنا صغار وابوي يبيني اقرر قبل لا اسافر وش اسوي علميني
العنود: شوي شوي علي وين تسافرين وابوج وش يبي بالضبط
جواهر: قالي ابوي لازم اقرر قبل لا ارجع الكويت وانا قررت ارجع بعد يومين
العنود وهي تصارخ حتى جواهر بعدت السماعه عنها: ياهيييييييييييييه فديتج والله ما بغيتي تتولهين علينا ابد وتردين لديرتج يا العياره
جواهر: مبسوطه انى برجع بس عطيني حل لهالمشكله اللى صارت وش اسوي الحين
العنود: وليه ما علمتي ابوج انه القرار بعدين
جواهر: الا بس ما طاع الا اقرر قبل لا اسافر يقول عيب اخلى الناس تنتظر القرار وانتي مو بالبلد
العنود: اممممم والله صراحه مشكله وبعدين بدر هذا مسكت يعني لا تاخذين منه حق ولا باطل يبه خليه لو يبيج كان تكلم عليج ولا لمح لج على الاقل
جواهر: حرام عليج لا تقولين جذي على بدر بس اهو ما يحب يبين اللى بخاطره اكيد اعني له شي
العنود: والله انتى تتخيلين طيب قولي لي شي مره كلمج او لمح لج بشي انه معجب فيج
جواهر: لا بس نظراته تقول لي جذي
العنود: ههههههههههههههههه نظراته ولا نظرات اخوه حسن
جواهر: ياربي انا وين وانتي وين وحسن مثل اخوي حسن يعني ما افكر فيه وريحي بالج اوكى
العنود: اوكى لو ما وافقتي وش راح يصير قولي لهم ما افكر بالزواج الحين بعد الدراسه بفكر
جواهر: ابوي يقول لي ما يمنع دراستج كمليها حتى لو وافقتي على الزواج يعني مالى عذر وولد عمي شاب ما ينعاب والله ريال بمعنى الكلمه وسيم وكل الصفات اللى تبيها البنت فيه
العنود: آخخخخخ يا ويلي انا من ضاحي لو ما انخطبت كنت بقول لج ارسليه لنا مع ماركة صنع في السعوديه هههههههههههههههه
جواهر: انتي رايقه اشوف حرام عليج شوفي لي حل
العنود: يعني مافيه حل الا الموافقه ..اوكى وافقي يمكن بعدين تقدري تقولي لا
جواهر: فكرج عادي بعدين اقدر اقول لا وما يصير زواج
العنود: عادي ياما ناس تنخطب وبعدين بفترة يفسخون الخطبه ما فيها شي ومن يدري يمكن بعدين تحبينه
جواهر: ههههههههههههه ما اظن ...فديتها عنووووووووده ممممممممممممموح على مخج الذكي
العنود: ههههههههههههه ادرى انى ذكية يا الذكية ههههههههههههههه
جواهر: فديتج ريحتي بالي الحين بنام وانا مرتاحه يالله بكره عاد دورج تتصلين فيني يا البخيلة اوكى
العنود: ههههههههههههههه ولا يهمج باي وتيك كير
جواهر: اوكى تصبحي على خير
العنود: وانتي من هله
سكرت جواهر تنهدت بقوووه كنه جبل وانزاح من على صدرها ..الحين بتنام وهي مرتاحه
****************
اليوم الثاني علمت جواهر اهلها بموضوع الخطبه امها فرحت لكن بنفس الوقت عرفت انه خلاص بتبعتد عنهم جواهر للابد بهذا الشكل ابوها ما علق وقال انه والدها اتصل عليه وعلمه بالموضوع من قبل بس منتظرين قرارها اخوانها تفاجاوا وخصوصا رجاوي اللى من سمعت الخبر اتصلت عليها على طول
رجاوي: اها وانا اقول ليه ما جيتي بسرعه اتاري حبيب القلب خطف قلبج منا واحنا ما ندري
جواهر: هههههههههه فديتج رجاوي ياريت كنت اعرف من قبل الا هربت قبل لا يسوونها
رجاوي: الله لهالدرجه ليه شكله ما ينبلع
جواهر: هه ومن قال ولد عمي ما اوسم منه طول بعرض ووسامه ما شاء الله عليه يطيح الطير من السما والبنات يطحيهم من الدرج الكهربائي بالمول
رجاوي: ههههههههههههههههه اوف اوف لهالدرجه يا بختك يا حلوه عاد هو يتحمد ربه لقى له ام عيون خضرا وساع وخدود مورده
جواهر: ايه انتي بس قصدي فيني الحين قصيد مو لهذيك الدرجه ههههههههههه هم بعد اهو عيونه عسليه ووساع
رجاوي: ويلي انا وويل قلبي من وين هذا بعد جاي الا اقولوش رايج تجيبين لى معرس بعد هديه
جواهر: هههههههههههههههههه زين والله وش رايج اجيب لج واحد من اخواني ينفعج احمد
رجاوي: وي وي اعوذ بالله شوفي عاد هذا الاحمد اخوج ما واطنته من يوم ما رد عليه خشمه بالسما وي علي فديتني انا اللى بياخذني الا يدلعني ويدللني ويجيب لى العالم تحت ريولي
جواهر: هههههههه طيب يا الملكة رجاوي الحين بروح السوق يالله اتصل عليكم بكره ان شاء الله
رجاوي: هيه انتي لا تنسين الهدايا السنعه اوكى
جواهر: اوكى ولا يهمج سلمي مع السلامه
رجاوي: مع السلامه
على الغدا كان الكل يتغدى ولا احد جاب سالفة الخطوبه
ابوها: ها جواهر وين سرحانه
جواهر ما انتبهت لابوها كانت سرحانه في سفرها واشلون راح تشوفهم بعد غياب الاسبوعين اللى حستهم كنهم سنتين مع انها كانت مبسوطه
جواهر: لا ولا شي يبه
عبدالعزيز: جواهر ترى انا حجزت انتى واحمد بكره ان شاء الله الساعه 8 بالليل طيارتكم
جواهر: ليه فهد ما راح يروح معاى
فهد: لا يا الغاليه وراى شغل والله بكره بروح جده من الصباح وحتى لو رجعت بجي بعد موعد طيارتكم
جواهر وهي حزينه : والله راح اشتاق لكم وايد وربي الشاهد
ابوها: انتى عاد لا تطولين علينا وفي أي وقت تحبين تجين هنا ما عليج الا تقولين لنا
احمد: اصلا شوقها بيخليها ما تجلس اسبوع هناك الا تقول تعالوا ودوني الرياض على اول طياره
الريم: المشكله انك بتسافر بعد اسبوع احمد يعني من بيرجعها
احمد: اووه نسيت هالشي ماعليه احسن شي تمي هناك لين اجازه الصيف اجي اخذك بالمره من هناك
فهد عطاه بوكس بايده على كتفه: يازينك وانت ساكت والله عندها خوان غيرك يجيبونها وقت ما تحب
الكل: هههههههههههههههههههه
بعد الغدا راحت جواهر ويا ابوها للمجلس وهناك
ابوها: ها جواهر وش رايج ما علمتيني
جواهر: الشور شورك يبه اللى تقول لي عليه انا انفذه
ابوها : يعني موافقه
جواهر منزله راسها بالارض: اللى تبيه يبه يصير ان شاء الله
ابوها وهو فرحان: الله يبارك فيج يا بنتي وان شاء الله ما بتلقين الا كل السعاده ويا ولد عمج
وضمها وباسها بجبينها وهي حبته على راسه
لما رجعوا
احمد: ها بشروا ولد ولا بنت
الكل:هههههههههههههههههه
ابوه: قولوا لاختكم مبروك
الريم: الف مبروك جواهر وقربت منها وضمتها وباستها وهم بعد البندري باركت لها
جوا خوانها وباركوا لها .... دمعت عيونها من فرحتها لما شافت اخوانها وحبهم لها
فهد: بروح ابشر سلطان
ابوه: ههههههههههه خلنى بالاول اتصل على اخوى قبل
فهد: عادى اتصل انت عليه وانا اتصل على سلطان ما فيها شي
احمد: اوكى انا بطلع الحين لبيت عمي بشوف طلال بكره سفره يمكن ارجع بالليل
فهد: اوكى انا بجي بعد المغرب نتعشى سوا بالمطعم علمت الربع
احمد: ايه راح نتقابل هناك ويا مبارك وفواز
فهد: اوكى عيل نتلاقى هناك ان شاء الله
بعد احمد ما راح ...جواهر استاذنت منهم وطلعت على غرفتها.....بقت الريم والبندري وعبدالعزيز وابوه ..
ابوه: تركي تعال لعند جدوووو اليوم ما سلمت على
تركي طلع من حضن ابوه وعلى طول يركض لعند جده
سلم عليه جده: ها تركي وش تبيني اجيب لك
تركي: حواوه
جده: ههههههههههههه يابوك والله اسنانك للحين ما طلعت زين من كثر اكل الحلاوه
البندري: شفت يا عمي والله تعبت وانا اقول لابوه لا تشتري لهم حلاوه ما يسمع الكلام
عبدالعزيز: الله انا اجيب الحلاوه للحلاوه اللى عندي هم وامهم
ابوه: والله خربت سنون العيال من هالحلاوه اللى تحبها مدرى طالع على منو
عبدالعزيز: طالع على ابوي وانا اشهد
ابوه: هههههههههههههههه
البندري وهي تجر ايدين شهد: يالله تعالي شهوده اسبحج واغير ملابسج تعالى نامي شويه ارتاحي من صباح الخير صايحه ..تعالى تركي عند ماما يالله بنروح لفوق ننام
عبدالعزيز: خلى البنت وياي شوي مافيها نوم
البندري: وي ما تشوفها خفاش الليل ماتحب النوم بالليل تسهر لين الساعه 3 الفجر وكله من نومة المغرب اللي تحبها
شهد: مابي بجلس مع بابا
عبدالعزيز: روحي شهوده ويا ماما انا بعدين بالليل بوديج السوبرماركت معاى تاخذين اللى تبيه
شهد وهي تفج عيونها فرحانه: والله
ابوها: ايه انتى وتركي وانا وبس
تركي: وماما
البندري: فديتك انت وفديت هرجك وكلامك
عبدالعزيز: يابوي شفتها تتفدى غيري وانا موجود
الريم+ ابوه: هههههههههههههههه يحق لها دلوع العيلة
البندري: وفديت ابو تركي بعد انبسط الحين يالله شهوده وتركي وقامت اخذتهم معها لفوق
عبدالعزيز وهو يبتسم: الله لا يخلاني منكم
ابوه: اقول عبادي جبت الملفات وياك عشان اجلس ويا فهد واعلمه وش نبي بالضبط
عبدالعزيز: ايه معاي تبيهم الحين
ابوه: لا مو الحين العصر انا الحين بروح انام شوي على العصر ان شاء الله ..وقام
جلست الريم ويا عبدالعزيز شوي يطالعون بالتلفزيون بعدين الكل راح لغرفته