الفصل 13
بالسيارة عاليه تقول لرجاوي: والله ابي اتذكر هالويه وين شفته من قبل بس مو قادرة
رجاوي: أي ويه تقصدين ؟؟؟
عالية: هذاك اللى بالمطعم مبجج عيونه فينا
رجاوي: اها ههههههههههههههه ما علينا يا كثر الفيسات اللى تتشابه
عاليه: هههههههههههههههه طالع هذي لا وجامعه في بريطانيا امحق من جامعيه بالله وش تدرسين هناك تركي تقول فيسات اسمها يالجامعيه faces
رجاوي: زين زين عرفنا قلتها جمع بالعربي انتي وش عرفج بلغة الضاد يا الصينيه
عالية: هههههههههههههههههه لا بالله طيب يا فيسات
رجعوا البيت وبعدها بساعه جا اخوها بدر واخذها للبيت
.............
قبل ما تفتح الأف بي آي نوفا التحقيق مع جواهر ..ابتدت تسألها جواهر: ليه تغشيتي من اخوى فهد ماهو ولد عمك
نوفا: الله حتى لو ولد عمي ما اقدر اشوفه الا من ورا حجاب
جواهر: ومن قال يعني انا ما اقدر اشوف اولاد عمي واكلمهم عادي
نوفا: هههههههههههيبه هذاك زمان هناك بديرتكم مو هنا ...تقدري تكلمينهم لكن لازم تكونين متغشيه على ويهج
جواهر: يالله انا اختنق من البرقع وما احبه ... اشوى انا ما راح اكون هنا دايم
نوفا سالتها باندهاش : ليه انتى ما راح تعيشين هنا على طول
جواهر: لا جيت بس فتره الاجازة هذي لما تخلص برد ديرتي
نوفا: ولا عاد بتجين لهنا
جواهر: الا بالاجازات اكيد لكن بكون هناك .... وحبت تغير السالفه اوكى علميني وشخبارج تعرفي نوفا وربي مبسوطه انى لقيت لي بنت عم بنفس كبري واقدر انى اسولفها ونكون مبسوطين ويا بعض
نوفا: بصراحه وانا بعد ارتحت لج وايد بس تفاجأت فيج
جواهر باندهاش :ليه وش فيني خلاج تستغربين منه
نوفا: وربي تخبلين وش ذا الجمال ..؟؟؟
جواهر باستحياء: لا عاد عاديه ما فيني شي ازود عنج انتى ما شاء الله عليج حلوه
نوفا: شكرا على المجامله ...وربي تاخذين العقل يا جواهر جالكسي
جواهر من سمعت هالكلمه وماتت عليها من الضحك ههههههههههههههههاهههههههه هههههههههههههه ههههههههههههههههههههههههه هههههههااي
جواهر: مره وحده جواهر جالكسي تصدقين مرات صاحباتي ينادوني كذا ههههههههههههههههه
اصلا ما صنعوا جواهر جالكسي الا لما شافوني يمكن
نوفا: يحق لج تقولين هالكلام ..وربي وضحووووه بتموت من القهر
جواهر باستغربا: منهي وضحه هذي؟؟؟
نوفا: اختى الكبيره بس الله لا يوريج كله شايفه روحها هههههههههههههههههههههه لو ماهي متزوجه كان بتنقهر اكثر واكثر ...لا وتخطط لزواج خواني دايما هههههههههههههههههه
جواهر: ليه طيب انا وش سويت لها ... لا اعرفها ولا شي
نوفا: تنقهر من هالجمال الا صج من وين شريتي العدسات اللى بعيونك
جواهر: ههههههههههههههههههههههههه هههههههههههههه اللى خلقهم خلق غيرهم بعد بكل الالوان
نوفا: احلفى انهم مو عدسات ,,انا شكيت بس قلت يمكن عدسات
جواهر: هههههههههههههههههههه لا والله
نوفا وهي تصفر : ما شاء الله ترى انا لا تخافين مني ما انظل حد بعين.. (حست انها زودتها بالاسئله شوي )
جواهر: هههههههههههههههههههه الله الحافظ من كل شي
نوفا جناحك حلو بالمرررررره تعرفي اول مره اشوفه
جواهر: ليه هو كان جناح احد من قبل
نوفا: لا ما اعتقد لكن اول مره اجي هنا رحت جناح الريم من قبل والبندري ....ستايل شي شي الاثاث والديكور اللى مسوينه بالغرف
جلسوا شوي على الكنب وفتحت جواهر التلفزيون على قناة غنائيه وكانت اغنيه للفنان علي محمد:
*******
هيل الله يا قمر نور علينا
هيل الله على المحبه سرينا
هيل الله ومعانا المحبين
ومن نبع المحبة ارتوينا
هيل الله لا تنامين يا عين
ليالي العمر دايم قليلة
*******
جمعنا العمر كله في ليلة
وكل عاشق ترى نادى خليله
صدق راعي المثل ياخلي لي قال
ترى قلب المحب دايم دليله
*******
يا سبحان الذي بالزين حلاك
يا سبحان الذي على الناس علاك
عطاه الله قليبي وولاه
على كيفه يحطه ويشيله
******
اول ما سمعتها على طول ما قدرت تتمالك راحت وطلعت الصوت وهي تقول لنوفا: تعالي ارقصي معي والله الاغنيه هذي مرررره حلوه تعجبني (على فكره جواهر تحب الرقص واي اغنيه حلوه فيها طرب تحب ترقص عليها )
نوفا: ههههههههههههههه لا يبه خلها بوقت ثاني يالله ارقصي
كانت جواهر ترقص على الاغنيه ونوفا تصفق لها ....(ياحظه اللى بياخذها ما شاء الله عيني عليها بارده بنت عمي الزينه هههههههه )
فهد سمع صوت الاغنيه عالي بالمره وكان نازل لتحت جا ودق على الباب ماحد رد عليه ...دخل لغرفة جواهر لقاها ترقص ونوفا تصفق لها اول ما شافت فهد تفاجات على طول حطت شيلتها عليها ووقفت تصفيق وهي منحرجه .... جواهر ما وقفت رقص لما شافت فهد الا كملت رقصها وجت لعنده واخذته من ايده عشان يرقص معها ..ماكذب خبر رقص لها العرضه وهي تضحك معاه وظلوا كذا وشوي عبدالعزيز اخوهم كان جاي ومعاه البندري واولاده تركي وشهد لما سمعوا الصوت هم بعد راحوا يشوفون وش اللى يصير
لقوا فهد يرقص العرضه وجواهر تنعش بشعرها قدامه على طول فهد سحب اخوه عبادي وكمل معاه رقص
البندري من شافتهم كذا ابتدت تصفق لهم وتضحك واما الاولاد عجبتهم الرقصه وظلوا يتصايحون ويرقصون معهم بالوسط ..طلعت الريم وزوجها من الغرفه يبون يعرفون وش يصير لقوهم الجميع يرقصون بالنهايه ...
لما شافها ابوها ترقص ويا اخوانها ابتسم وارتاح وراح وهو مبسوط اما الريم كملت مع البندري تصفيق ولما خلصت الاغنيه راحت جواهر ولمت اخوانها بحضنها وهي تضحك من البسطه ..( غمضت عيونها ووقفت ضحك تبي تحس بدفا اخوانها لها شوي وابتعدت عنهم وهي تبتسم لهم)
جواهر وهي تبتسم وتناظر اخوانها : يالله خلصت الحفله نشوفكم مره ثانيه هههههههههههههه
الكل :هههههههههههههههههههههههه� �هههه
فهد: جبت لك هذول وعطاها كيسه فيها حلاوه اول ما شافوها اولاد اخوه عبدالعزيز نطوا لعند جواهر : عمه عمه ابي حواوه الجوج (ابي حلاوه ارجوج)
جواهر: عطتهم كل الكيس : عطوه ماما وبعد العشا تاكلونه زييين
شهد :زين وراحت لعند امها مع الكيس
البندري: بتخربين علينا اسنانهم يا عمتهم
جواهر تسأل البندري: ههههههههههههههه ما عليه هالمره وبس الااشلون الاهل عساهم بخير
البندري: يسلمون عليج الحمدلله طيبين ...يالله تعالوا تينا تروشكم شويه وبعدين تتعشوا وتناموا يالله ..هههههههههههههههه عجبتني الحفلة بس يا خساره ما لحقنا عليها الا بالنهاية
جواهر: هههههههههههههههه المره الجايه اسوي لج دعوه قبل
تركوهم الجميع وراحت جواهر لعند نوفا اللى صفقت لها
نوفا: ما شاء الله ترقصين حلوووووو اقول وين تعلمتي هالرقص الخليجي وش اسم المدرسه بروح اسجل فيها
جواهر: ههههههههههههههههه امممم ببيتنا وبس هههههههههههههه ما نسمع اغنيه الا نرقص عليها رجاوي علمتنى احسن مني بوااايد والله لو تشوفين رقصها تعرف بكل شي هندي اسباني الحين تبي تتعلمه ههههههههههههههههههههههه
نوفا: اها اسباني الا صج امك الله يرحمها اسبانيه صح
جواهربنبرة حزن: ايه
نوفا تغير الموضوع: على كذا تعرفين تتكلمين وترقصين اسباني انتي
جواهر: ههههههههههههه الكلام ايه الرقص يعني مو وايد .....
نوفا: عندكم اهل هناك بعدهم
جواهر: خال امي بس من زمان لى اكثر من 4 سنين ما شفناه مره جا للكويت واحنا رحنا هناك مرتين وجلسنا وياهم فتره 3 اسبابيع كانت احلى اجازه انبسطنا فيها بالمررررره شي والله
نوفا: الله وبدت تحلم
جواهر تدفها : هههههههههههههه وين سرحتي
نوفا: لما بتزوج لازم اروح اسبانيا شهر العسل وايطاليا وسويسرا
جواهر: ههههههههههههه على كذا بتظلون 3 شهور عسل مو شهر عسل واحد
نوفا+جواهر: ههههههههههههههههههههههههه هههههههههههههههههه
تسولف مع نوفا: طيب ما علمتيني وش شعورج لما عرفتي انه انتى منتي بنتهم ولا تقربين لهم
جواهر بعصبيه شوي: ومن قال انى مو بنتهم هذيك خالتي اخت امى اصلا ويعني مو بغريبه حسبة بنتهم صح انصدمت انه ابوي ما طلع ابوي لانه اللى اعرفه ماما ندى مو امى وهذا عادي بس على بالي انه ابوي خذاها بفتره وبعدين رجعها وهذا تفكيرنا كلنا اللى بالبيت
نوفا: اها اوكى ما قلتي لي العيشه هنا احلى ولا بالكويت
جواهر: ههههههههههه من اولها لو قلت بتزعلين هنا صح في بيت ابوي ومو مقصر بشي معاى ولا اهل البيت كلهم بس هناك روحي تركتها
نوفا: الله الله يعني الحب الاولى هناك ...منهو هذا اللى خذا قلب جواهر
جواهر مرتبكة : ها وشهو اللى ماخذ قلبي انا قصدي انه روحي تركتها في بيتنا هناك مع ابوي وامي وخوانى واختى رجاوي والعنود فديتها صاحبتي واختى لزم
نوفا: معاج اخت من امج بعد
جواهر: لا انا الوحيده بس قصدي خواني اللى تربيت وعشت معاهم هذول هم اهلى ...
نوفا : واحنا يعني جايين من الشارع .... الله لنا ونصير بيوم روحج
جواهر: انتوا تاج راسي وربي يخليكم لي ان شاء الله وخلاص هم بعد انتوا صرتوا غاليين عندي ولو انى ما تعرفت عليكم زين
نوفا: ولا يهمك جواهر الا اعرفج على بعض صاحباتي اخليهم ينقهرون من جمالك وبنروح سوا للسوق ناخذ لنا شوبينج واللي تبينه بس انتى آمري قولي متى وانا حاضره
جواهر: تسلمين يا الغلا ....... كملوا سواليف لين وقت العشا نزلوا تعشوا مع البندري والريم والعيال اما ابوها واخوانها لانه نوفا هناك تعشوا بمجلس الرجال .. من بعد العشا جلست نوفا شوي معهم يسولفون تحت بالصاله وشوي يرن جوال نوفا
نوفا: الووو السلام عليكم
سلطان وعليكم السلام يالله نوفا ترى انا جيت بره
نوفا: الله بدري بعدها الساعه تسع
سلطان: شوفي انا بروح ويا ربعي مو فاضي بعدين عشان كذا جيت اخذك للبيت
نوفا: اووه طيب خلاص بلبس عبايتي وبطلع
جواهر: وين نوفا بتروحين
نوفا: ايه جواهر اخوى سلطان جا وبعدين ما راح القى حد يرجعني
جواهر: اوكى الله وياج ومشكوره على الزياره نوفا
نوفا: العفو يا الغاليه انا مبسوطه انه لي بنت عم حبوبه مثلك ...بروح اجيب عبايتي
طلعت معها جواهر وطلبت منها رقم جوالها وخزنته عندها ...سلمت عليها وراحت
على الساعه 1بالليل جواهرراسلت العنود وبعدها راسلت رجاوي اختها مسجات وهي كانت ترد عليها وكانت مبسوووطه بالمره ..ما جاها نوم ولا عجبها شي بالتلفزيون ...وفهد راح يسهر ويا اصحابه ولا ودها انه يكون معها يسهرون سوا ويسولفون ..فهد صار اقرب لها اكثر شي وتحس معاه بالراحه وبالامان (ربي يخليه لي ..قالتها بخاطرها ) جتها فكره تنزل لتحت بالمجلس هناك مكتبه وتختار لها بعض الكتب يمكن شي يعجبها
كانت لابسه بيجاما قطنيه ... حضنت جسمها بايديها الجو بارد بهالوقت من السنه زين انها لابسه شرابات برجليها ما تحب تنام اكثر شي الا وهي لابستهم غريبه موووووو ؟؟؟؟نزلت لتحت وفتحت الثريا القريبه من المجلس ... دخلت المجلس نورت الاضاءه وبعدها وراحت للمكتبه وابتدت تطلع كتاب كتاب تشوف المقدمه عن ايش وهي منسجمه بالمطالعه
الا وصوت من وراها فاجأها وخلاها تصرخ وتطيح الكتب اللي بايدها
ــــــ في بيت نواف عم جواهر ــــــــــــــــ
نواف : اقول منيرة خبري الاولاد بكره معزومين بالعشا في بيت عمهم ابو عبدالعزيز
منيرة: وش مناسبته .؟؟
نواف: مسوي عزومة عشان بنته جواهر اللي يت
منيرة: يعني خلاص بتعيش معاه على طول
نواف: ايه عنده بالبيت. ويبيها تتعرف على اعمامها ما اوصيج خلى البنات يعاملونها باحترام ويعدونها شراة اختهم زين
منيرة: ان شاء الله ولا يهمك بعلمهم
...على فكرة عم جواهر هذا هو عمها بالرضاع ويقرب له من الاصل ولد خالته .... اللى توفت بعد ولادته وهو اصغر من ابو جواهر بسنة معاه بنتين عبيربأول سنة كلية معلمات ومها ما كملت تعليمها ما جابت مجموع بس شاطره بالكمبيوتروطول وقتها على النت صممت لنفسها منتدى ومشرفة عليه ... ومها وولدين سيف الكبير
*************
وابتدت تطلع كتاب كتاب تشوف المقدمه عن ايش وهي منسجمه بالمطالعه
الا وصوت من وراها فاجأها وخلاها تصرخ وتطيح الكتب اللي بايدها
............. بسم الله بغت تموت من الرووعه اللي صابتها والتفت بهدوء وشافت شاب اول مره تشوفه
....... اكيد عرفتوه .!!!!!!
اخوهااااااااا احمد اللى يدرس بالخارج
احمد وهو يصفر: (.........) من انتي .؟؟؟؟
جواهر وهي خايفة ما تدري وش تسوي بس خلت روحها مو خايفه وردت عليه بسؤال مثله : انت اللي مين .. ؟؟
احمد باستنكار: هه انا اللي بالأول سألتك ولا ما تدلين اسمج
جواهر: انا اليوهرة جواهر بنت تركي بن عبدالله ...
احمد وهو يطالعها باعجاب من ردها : والنعم فيج بنت اصل واخت رجال والله وانا واحد من هذول الرجال ..وهو يبتسم
جواهر فتحت عيونها: انت
احمد : ايوه انا احمد وتوني واصل من بريطانيا
جواهر تقدمت منه وهي مبتسمة ومدت ايدها تصافحة ..ماترك لها مجال خذها بحضنة وبعدها طالع فيها وربي حلوه اختى ..وين كنتي من زمان ...الا اقول مافيه بنات خوالج يشبهون لج انا حاضر بخلص بعد كم سنه ويصير العرس
جواهر ههههههههههههههههههههههه
اخذت الكتب من على الارض
احمد: الا اقول وش تسوين الحين
جواهر: ما جاني نوم .. قلت اخذ لى أي كتاب اقرا فيه لين يجيني النوم وما عندي كتب ومره شفت المكتبه والكتب اللي فيها قلت احسن اخذ كتاب من هنا وهذا انت خرعتني
احمد: ههههههههههههههههه ما قصدي والله بس تفاجأت فيج وحبيت اعرف انتي منو على بالي حد اعرفه ...يعني قلت قبل لا تحط شيلتها وما اقدر اشوف ويه القمر بعدين
جواهر: ههههههههههههههههههههههههه ههههه اها قول كذا من الاول من تقصد امممممممم ما اعرف الا نوفا وبس
احمد وهو يبتسم : اكيد نوفا لازم تشوفينها قبل ادرى فيها اف بي آي العيلة كل شي تحب تعرف عنه
جواهر: والله انها حبوبه وطيبه دخلت قلبي من اول ما شفتها
احمد وهو يبتسم: ادرى انها طيبه وتنحب ههههههههههههههه يالله انا بروح لداري انام لى اكثر من 13 ساعة والله ما نمت
جواهر: اوكى وانا بعد بروح يالله تصبح على خير واشوفك ان شاء الله الصباح
احمد: هههههههههه ان شاء الله بعد الظهر مو الصباح ما تعرفين انه وقتي الظهر اصحى يعني لو صار ما صار ما احب اصحى الصباح .....
....كل واحد طلع على غرفته وراح ينام .....
*****************
على الساعة 9 ونص صحت ..طالعت بالساعة وتقلبت بالفراش تبي تنام ... لكن بالاخير ما قدرت تكمل نومها مدرى ليه خايفة من شوفة اعمامها ..تخاف لا يصير شي
بدلت ملابسها وانزلت تحت ... جت ماري الشغالة تسألها لو تبي فطور بتجهزه لها ... وافقت وراحت بعد ما افطرت اجلست بالصالة وفتحت لها التلفزيون تقلب بقنوات الريسفر ..شوي وتشوف البندري وهي نازلة ويا شهد بنتها
البندري: صباح الخير جواهر اشلونج
جواهرك الحمدلله تمام ..هلا شهوووده تعالي عطي عمة بوسه
جت لعندها شهوووده وعطتها بوسه بخدها ....اخذتها جواهر وشالتها لفوق وحضنتها هههههههه جواهر تقول لشهد : فديتج يا احلى البنات انتي والله
شهد ردت عليها: احلى يعني انا حلوه احلى وايد منهم
جواهر: ايه احلى منهم كلللللللللللللللللللللهم حتى انا انتى احلى مني ومن ماما ومن كلهم
شهد: انا احلى البنات ههههههههه ضحكت
البندري: يالله عاد يا احلى البنات نبي نتريق بعدين تعالي سولفي ويا عمتج ...انتبهي لا تطيرينها فوق بالسما بكثر المدح فيها مو ناقصين هي من الاساس دلوعة ابوها هههههههههههههه
شهد عمرها 4 سنين واخوها تركي عمره 5 سنوات
جواهر: الا اقول وينه تركي. بعده نايم؟؟؟
البندري: ايه عبالج اول ما راحوا ناموا الا يطالعون بسبيس تون وما رضى ينام حتى يخلص توم وجيري بالقناة الثالثة مصيبه يجي وقت متاخر ههههههههه ..يالله شهووده تعالي وخذتها لغرفة الطعام ..بعد ما راحت البندري ويا بنتها جتها مسج على جوالها لقتها من ابراهيم اخوها يخبرها فيه بانه حسن تقررعرسه حسن بعد شهر .....
وتتصل على طول على ابراهيم: الووو السلام عليكم
ابراهيم: وعليكم السلام هلا والله بالقاطعه نعنبو دارج انتي ما تستحين يا البايخه وتقولين اشتقت لخواني ولازم اكلمهم واسأل عنهم
جواهر ههههههههههههههه: فديتك اخوى وربي ولهاااااااانه عليك ابو خليل وعلى سواليفك وادرى قاطعه ما كلمتكم لي يومين اعذروني والله بس انا كلمت ماما ورجاوي اكيد هذيك الماصخه ما علمتكم
ابراهيم: الا علمتنا بس اتغشمر وياج والله ولج وحشه البيت بدونج ما يسوى بس انا فيه الحمدلله الحين صار يسوى الحين
جواهر: يا البايخ اصلا انا ادرى البيت بدوني ولا شي هههههههههههههههه يالله الحين ابي اكلم ابو علي ابارك له
ابراهيم: اوكى وديري بالج على روحج يالله اكلمك وقت ثاني
جواهر: هههههههههههههههه يالله مع السلامه
جواهر اتصلت على اخوها حسن تبارك له ولما كانت تكلمه نزل اخوها عبادي وسمعها تقول
جواهر: فديتج اخوى وربي لكم وحشه كلكم فديتكم ...سلم على ابوي واااااااااااااااااايد اوكى وعلى ماما بوسها ع راسها اوكى لا تنسى بكلمها اكيد بالليل ان شاء الله ..مع السلامه
نزلت الريم ويا ابوها ... بعد ما افطروا جلسوا شوي مع بعض يسولفون وخبرتهم انه احمد جا بالليل امس
الريم: جواهر جهزي روحج بعد نص ساعه بنروح المجمع اوكى عشان تشترين لج لبس للحفلة
جواهر: بس انا عندي ياكثر الفساتني وبعدين اللي جبتيهم نسيتي ولا لا
ابوها: روحي وياها جيبي أي شي يعجبك اوكي هذا انا اللي ابيه ولا تهتمين للفلوس اوكى
جواهر: ربي يخليك يبه بس والله ما يحتاج اجيب بعد
الريم: يالله عاد انا بروح لفوق بشوف العيال صحوا ولا لسه وبعدين بروح اجهز روحي اوكى بدق عليج ...راحت الريم وجلست جواهر ويا ابوها
ابوها: ها جواهر مرتاحه هنا ومبسوطة
جواهر: ايوه يبه لا تحاتي والله مبسوطة ... ولو كنت مو مرتاحه تفكراني بجلس هنا للحين
ابوها : الحمدلله بس ابي اطمن عليج
جواهر: تطمن يبه انا مرتاحه والله ... عن اذنك يبه بروح اجهز روحي
*************
راحت جواهر ويا الريم للمجمع ولفوا فيه ..لقت لها فستان حلومن الشيفون عجبها لونه احمر بلون دم الغزال غامق ورقبته عريضه على اطراف الاكتاف شيفون اسود واكمامه قصيرة لعند المرفق نهايتها دانتيل اسود ...شرت الفستان ولو انه غالي شوي وبعدين دورت على اكسسوار مناسب له وشنطة ايد ..خذت لها بعد جم شغله لاختها رجاوي ولصاحبتها العنود وبنت عمها عالية ..رجعوا بوقت الغدا تغدوا وطلعت صلت وبعدها ارتاحت لها شوي ونامت اول ما صحت بعد العصر على الساعه 5 .زشوي وبدلت ملابسها لبست لها بنطلون برمود جابته لها اختها رجاوي مريح وبلوزة عليه تي شيرت ونزلت لتحت مالقت احد بالصالة قالت بتنزل بالحديقة
اول ما وصلت هناك لقتهم جالسين هناك الريم والبندري ومعاهم فهد واحمد والعيال يلعبون قريب منهم بالالعاب وطالعوا فيها ابتسمت لهم وهم كانوا يطالعون فيها
قام احمد وفز من مكانه ومسك ايدها وسحبها بالقوة : هيه انتي وين تنزلين هنا بهالشكل .. وجرها قدامه لداخل البيت ,تفاجأت جواهر بهالحركه وكانت مصدومه ... مسكت ايده تبيه يفكها
جواهر: فك ايدي اقولك ...انت وش دخلك باللي البسه ولا لا
احمد: مو ناقص الا تلبسين على كيفج وتروحين فيه بكل مكان ..ماعندنا بنات يلبسون بهالشكل
جواهر: وش فيه يعني لبسي محترم وعادي مافيه شي وانتوا خواني واهلي .زقلت لك فك ايدي ووقفت مكانها ...
احمد يجرها لجوه ..جا فهد ومسك ايده
فهد: فك ايدها وش فيك انت عليها
احمد: طالع هذي ما تشوفها وش لابسه ..خلها تبدل ملابسها ولا والله ما يصير خير فيها
فهد بعد احمد عن جواهر اللى انحرجت حيل من هالموقف وخصوصا قدام البندري والريم واول ما فك ايدها على طول ركضت لغرفتها وسكرت الباب .زسمعت دق على باب الجناح وبعدين صوت فهد على السبيكر
فهد: جواهر افتحي الباب تكفين ...احمد شوي غشيم ما قصده شي والله ..افتحي الباب
طنشته جواهر وظلت تبكي من هالموقف عند اهلها كانت تلبس كذا لبس مريح وماحد يقول عنها شي ولبس تشوفه مو فاضح لكن تفكيرهم الظاهر غير... يعني هذا وهي بعدها ما عاشت وياهم الا جم يوم يصير فيها كذا لو صار وعاشت معهم وش راح ممكن يسوونه ..خلاص قررت انها ترجع لبيتهم ...ظلت تبكي لين راحت بالنوم .....
*****************ــــــــــ بيت عبدالعزيز عم جواهر ـــــــــــــ
نوفا: يمه يمه وينج بنتأخر ترى على العزومة
امها وهي ترد عليها ونازلة على الدرج : الله ما صارت ازعجتينا والله لج ساعة وانتي تقولين لنا هالكلام ليه ما رحتي من قبل وفكتينا من هالهرج الزايد
نوفا: الله اشلون اروح وامي فديتها مو معي وراحت حضنتها وباست راسها
امها: ايه العبي بمخي ها قولي وخلصي وش تبين
نوفا: مابي شي والله فديتج بس ابي منج طلب
امها: وشهو ..؟؟؟
نوفا: لما تشوفين جواهر اعزميها تجي لعندنا بكره
امها: الله بيت عمها وحياها الله متي ما جت ما يحتاج لها عزومة
نوفا: ادرى بس فديتج خليها تجي منج وانج عزمتيها ...وفيه بعد شرط
امها: طرار ويتشرط وش تبين بعد
نوفا: لا تعلمين وضحه تراها بتغثني وبتقعد على راسي تحن ادرى فيها مو عاجبتها سالفة جواهر ومدرى ليه براسها شي تخطط له الله يستر بس من مخططاتها
***************
وضحه: تعرف ابوعبدالرحمن (هذا سعود زوج وضحه ولقبه كذا) اليوم معزومين عند بيت عمي تركي ابوعبدالعزيز
سعود: والله وش المناسبة .؟؟؟؟
وضحه : قال ايش مسوي عزومة هشان جواهر تتعرف على عايلتها
سعود: اها تتعرف عليكم زين والله للحين سالفة غريبه لكن بهالزمن كل شي يصير
وضحه: انت ما راح تجي على العشا
سعود: هذي انتي قلتيها عايلتها انا ما اقرب لها يعني بوديج وبرجع آخذك وبس
وضحه: طيب ومشاعل بتروح معاي ....
سعود: وشهوله تروح ليه .؟؟
وضحه: حرام عليك بغيتها تنبسط ويانا خلها ارجوك
سعود: علمي امي لو وافقت ما عندي مانع
سعود زوجها هذا ولد خال امها وماعنده الا اخت وحده اللى هي مشاعل وبس ..والده متوفي من 5 سنين وهو مديردائرة بوزارة الاتصال
**************
انتفضت جواهر وصحت فجاة على صوت الانتركوم وصوت الريم
الريم: جواهر جواهر افتحي الباب معي شي ابي اعطيج اياه
غمضت جواهر عيونها وفتحتهم مره ثانيه ... تفكر( انا نمت ليه ...ايه الحين تذكرت )
قامت وافتحت الباب للريم
الريم شافت عيونها المتورمة من كثر البكا واشفقت عليها اعطتها صندوق وقالت لها وهي تبتسم :يالله افتحيه وشوفي
جواهر فتحت الصندوق لقت طقم ناعم من الذهب الابيض ومعاه حلق واسواره باللون الاسود والاحمر..
جواهر: اللـــــــــــه جميل بس لمين هذا..؟؟
الريم: لج انتي .. انا خذيته عجبني ولايق على فستانك اللى راح تلبسية ان شاء الله اليوم
جواهر حزينة : مشكورة الريم مابي شي منك ... لو ابي بطلب انا قلت لك
الريم: جواهر لا تزعلي من احمد شوي ترى هو عصبي مرات بس قلبه طيب انا اعرفه
جواهر: لا عادى ما زعلت .. ونزلت راسها بالارض
الريم: روحي يالله خذي لج شاور وبعدين جهزي روحج اوكى يالله ماباقي وقت انا بلبس الحين وبنزل تحت اوكى قبل لا احد يجي
جواهر: اوكى ان شاء الله
جواهر وهي تفكر ( بنسى كل شي بستمتع بالحفلة اللى مسويها لى ابوي ومن بعدها بعلم ابوي انه خلاص انا بروح وبرجع عند اهلى خلاص ..اشتقت لهم بالحييييييييييييييل ..وانا غريبه بينهم والظاهر بعضهم ما يبيني هنا )
حطت طقم الذهب على التسريحة وراحت تاخذ لها شاور بعد تقريبا ربع ساعه وكانت بالدريسنج روم تشوف الفستان مره ثانيه .... بالاول بعد خناقتها ويا احد اخوها ما كان ودها تحضر اى حفله وبتخليهم وبتسكر الباب ولا راح تفتحه ابد لليوم الثاني لكن الحين خلاص غيرت رايها بتوريهم من هي جواهر ...يبونها لعبه بايديهم ..اهلها ما ربوها على كذا لها تفكير ولو حد يبي ينصحها او يقول لها شي يتناقش معها بالاول مو يفرض عليها شي ... وهذا ال (حمد) اللى شايف روحه عليها بتوريه من هي جواهر بالاخير
.... ابتدت تحط الماكياج على عيونها ولما بدت تحط الجحل سمعت دق على غرفتها ..استغربت يمكن هى ما سكرت باب الجناح
جواهر: تفضل
دخل احمد وهو كاشخ ولاول مره تشوفه بالغترة والعقال
وقفت ايدها ولا كملت حط الجحل بعيونها ... طالعت فيه وهي ساكته
احمد : جواهر انا آسف
جواهر: على ايش آسف
احمد: بس ما حسيت بروحي اشلون تطلعين بهذاك الشكل يعني تحت الركبه وتي شيرت ما يستوى لو حد جا مثلا وعلى طول جا للحديقه وش يكون موقفنا احنا علمينا طيب
جواهر: كان تقدر تقول لى هالكلام مو تسحبني وراك كنه سويت فضيحه لك
احمد ابتدا يعصب شوي: انتى اختي لو حد مثلا جا من اولاد عمامي وش راح يكون موقفج
جواهر: والله احسن له يروح ولا يطالع
احمد بعصبيه شوي : قلت آسف وخلاص اوكي بس المهم اختى حاسبي مره ثانيه على لبسج لو كنتي بره البيت فهمتي كان يطالعها وكنه يامرها
جواهر طالعت فيه بعد : اوكى فهمت خلاص
احمد وهو يبتسم: يا زينج زيناه بتكونين احلى وحده بالحفله وقرب صوبها وباسها على خدها وطلع
تفاجأت جواهر من حركته ( عصبي صح بس الظاهر عليه قلبه طيب مثل ما قالت الريم )
وكملت جحل عيونها ..... اوووه نسيت وعلى طول راحت اتصلت على العنود صاحبتها
العنود: الووووو
جواهر: السلام عليكم
العنود: وعليكم السلام هلا بالقاطعه يا الخايسه لمتي بتظلين هناك وربي تولهت عليج حرام تعالي بس كفايه
جواهر: هههههههههه والله وانا بعد تولهت عليج وعرفت انى لو ما سولفت وياج الحين ونسيت انى ادز لج مسج بالليل اكيد بسمع منج هذا الكلام الحلو ههههههههههه اشلونج وشمسوية
العنود: الحمدلله تمام ...... يالله عاد اذلف من قدامي ..لحظه اليوهرة هذا الغبي سلمانوووه والثول يالله اذلف
العنود: اليوهرة هذا سلمانوووه يبي يكلمج
جواهر: هاتيه تولهت على مصاخته هههههههههههههههههه
سلمان: هلا باليوهرة اشلونج يا الحلوه
جواهر: هههههههههههههههههه انا بخير وانت اشلونك
سلمان: الحين الحمدلله انا تمام...... بس بعد نص السنه مو تمام
جواهر: ليه ان شاء الله موتمام بعد نص السنه
سلمان: بترجع ريما لعادتها القديمه يعني بنرجع للمذله والبهذله مع المدارس والمدرسين
جواهر: ههههههههههههههههههههه زين يسووون فيك يا كسلان اصلا لو تدرس وتكون شاطر مثل اخوانك ما تقول هالكلام
سلمان: اووووه بدينا النصايح يالله خذي العنود باااي
جواهر: ههههههههههه العنود
العنود: هلا نقره والله سلمان هذا زين فكنا وراح ..علمينى وشخبارك وش تسوين الحين
جواهر: انا اجهز روحي عندنا اليوم حفلة
العنود: وااااااااااااااااو حفلة منشان شنو ؟؟؟
جواهر: عشاني ليه احم احم انا شويه يعني ما يسووون لي حفله
العنود: الله الله ومن قدك
جواهر: ابوي مسوي لي الحفلة عشان اتعرف على عمامي ... يالله انا بروح اكمل لبس اتصل بكره فيج اعلمج عن الحفلة
العنود : انا بتصل عليج لا تتصلين يالله ديري بالج على روحج
جواهر: وانتي بعد ..وسلمي على خالتي مع السلامه
العنود: مع السلامه
***********
فكرت تتصل على امها وترتاح بسماع صوتها وتنسى اللى صار مع اخوها .....واتصلت عليها وكلمتها وكلمت رجاوي اختها وهي تقفل الجوال .... سمعت صوت الانتر كوم: جواهر افتحي الباب ..هذا صوت فهد اخوها , على طول فتحت الباب
اول ما طالع فيها قال: ما شاء الله ولا ملكة جمال تبارك الله
جواهر بحياء: لا عاد ملكة الجمال ولا احلى منهم يدوب احنا على قدنا
فهد: الا تدورين عقول الرجال ..الله يسعدك بولد الحلال اللى يصونك ويعزك ...قولي آمين
جواهر بحياء وهي تضحك ههههههههههه: آمين بعد عمر طوييييييييييييييييييييييي يييييييل
فهد: بعدك زعلانه على اخوى احمد
جواهر: لا مو زعلانه اهو جا واعتذر مني ما صار شي خلاص
فهد: احمد عصبي هو كذا بس لا تاخذين على خاطرك منه وتبين الصراحه
جواهر: ايش
فهد: ما كان مفروض تلبسين هذاك اللبس وتنزلين بره تعرفي مرات اولاد عمامي يجون فجأه وعادى بالحديقه ممكن يدخلون يعني مو حلوه بحقك والله وانتى اللى راح تنحرجين منهم ترضين انهم ينظرون لج نظرة مو اوكى
جواهر: لا والله بس لبسي ما فيه شي وانا البسه مرات عندنا
فهد: هناك غير وهنا غير على الاقل بالحديقه يعني اكثر شي البسي الملابس العاديه وشيلتك خلها دايم عليج لو حد جا فجأه لا سمح الله تقدري تحطينها على راسج ..فهمتي كلامي
جواهر: فهمت فهد ربي يخليك لي..قربت صوبه وعطته بوسه على خده
جواهر وهي تضحك: هههههههههههههه قبل لا احط الروج يالله بخلص الحين وبلبس
فهد: ايه نسيت عمى عبدالعزيز وعايلته جوا يالله اخلصي وانزلي اوكى
جواهر: دقايق ونازله
راح فهد وكان بيسكر الباب وهو بيطلع الا وحد انصدم فيه
طالع فجاه الا وهذي نوفا وشيلتها طاحت على كتوفها ..وطالعت فيه باحراج وعدلت من شيلتها
نوفا: آسفه والله وعلى طول دخلت لجناح جواهر
نوفا: جواهر وينج بنت عمي
جواهر: هلا والله وراحت سلمت عليها
نوفا: وااااي ما اقدر ترى على هالجمال طالعه مره تخبلين الواحد ههههههههههههههههه لا واحلى مني ما ارضى والله وانا على بالى اللى بكون نجمة الحفلة
جواهر: الله يخس ابليسج ههههههههههههه ليه بحفلة ملكات جمال ..يدوب ميك اب وكحل وفستان وبس
نوفا: لو كذا ايه والله بحط صباغ الدنيا بويهي بس اطلع حلوه مثلك
جواهر: انتى حلوه والله وخلى الكلام هذا يالله بلف شعري وبنزل وياج
نوفا: لا اتركيه هو حلو كذا والله
جواهر: والله يعني ما يحتاج الفه لورا
نوفا: لا ما يحتاج يالله اخلصي بعرفك على عايلتي الحلوه
جواهر: هههههههههههههه لا حشا من اول وانتى حلوه وحلوه لا يكون انا بعايلة اصلها حلاوه وانا مدرى
نوفا+جواهر : ههههههههههههههههههههههههه هههههههههههههههههههه ههههه هه
فهد وهو نازل تحت يفكر ببنت عمه نوفا ..ما شاء الله عليها احلوت عن آخر مره شفتها فيها لكن تظل بعدها صغيره ونزل تحت لعند الرجال بالمجلس وهو يبتسم ..
*****************
كانت الريم تسولف ويا ام نوفا وشوي جرس الباب دق وراحت الشغالة تفتح وهذي منيرة وبناتها
وصلوا زوجة نواف ... وبعدهم على طول جت اخت زوجها عايشة ومعها بنتها الكبيرة الجازي اللى حامل بالشهر السادس وبنتها الصغيره الهنوف وهذي عاد رفيقة مشاعل وتحبها
طلعت جواهر من الجناح وبتنزل تحت بهذي اللحظه دق جرس الباب وكانت وضحه ويا مشاعل ولما ابتدوا يسلمون على بعض بمجلس الحريم الا والباب انفتح ودخلت جواهر ويا نوفا معها وماسكه ايدها وهي تبتسم ....كل اللى بالصالة كان سكووووووت ... وصار المكان هدوء على الاخر
قربت صوبها الريم: هلا جواهر تعالي قربي وسلمي على اهلج
قربت وقالت : السلام عليكم
الكل: وعليكم السلام
الريم ابتدت تعرفها بالعايله وحده وحده
عمتها الوحيده سنها تقريبا فوق الاربعين تلبس نظاره وجسمها متين شوي اول ما شافتها قالت لها تعالي وسملت عليها على راسها وجلست تتم تطالع فيها وبعدها قالت: ما شاء الله عليج عروس والله .... بنتها الجازي تشابه عليها وطبعها مثل امها تقربت منها وسلمت عليها ...اما الهنوف وهذي اللى ابد ما قدرت تهضمها لانها صافحتها وبس وحتى ما سألت عنها بعدها جت منيرة وبناتها زوجة عمها نواف وهذول طيبين خصوصا زوجة عمها حبوبه وتنكت بعد اول ما شافتها:
منيرة: يا زينها الجواهر وين كنتي مخبايه عننا
جواهر بحياء: وين مخبايه كانى خالتي انا هنا قدامكم
عبير سلمت عليها وكانت جميلة احلى ما فيها عيونها العسليات اعجبوها وجمالها هادي وطبيعي وشعرها فالته على خصرها واصل
اما مها اختها بالعكس كانت شوي سمينه وباين عليها مرحه بدليل ابتسامتها
ولما جا دور وضحه وكانت بتسلم عليها مدت ايدها لها وصافحتها توقفت جواهر ( باين عليها مو طايقتني موليه مثل الهنوف هذول وش فيهم علي من اولها الله يستر )
جت لعند مشاعل حست منها نفس الشي ولكن تركتها تسلم عليها ....
وضحه: هلا جواهر
جواهر: هلا بج بنت عمي
وضحه: ما توقعنا انه تجين بهالسهوله بعد حياتج هناك ..ولا بينكم مشاكل لا سمح الله
امها والريم والبندري طالعوا فيها بنظرة : ( مجنونه هذي اكيد بكل جرأه تقول لها هالكلام )
جواهر فجت عيونها ما توقعتها تتكلم بكل وقاحه بهالشكل ومن اولها: لا الحمدلله ولا مشاكل ولا شي وابوي جا واخذني من حقه ومن حقي بعد انى اشوف اهل ابوي
البندري والريم طالعوا فيها وابتسموا ( زين عرفتي تجاوبينها ..معروفه عن وضحها لسانها اللى ما ترحم فيه احد)
رجعت وضحه وما اهتمت لنظراتهم وهم يطالعونها : الا ما قلتي لنا يا جواهر اكيد مشتاقه لاهلك صح ..الحياة هنا ممله مو مثل اللى كنتي عايشتها
طالعت فيها امها بنظرة مؤنبة ( وش الفكرة اللي تدور براسها..الله يستر)
ام وضحه: لا بالعكس وش ممله لو ممله كنا هاجرنا من زمااااان ههههههههههههههههه
ضحكوا معها البنات كلهم
جواهر: بالعكس الحياة حلوه هنا وناسه وهدوء ما اطيب منها عيشه
وضحه كملت بعد كلامها : يعني ما اشتقتي لديرتك
جواهر كانت بترد عليها لقت الريم ردت عنها : مشتاقه لاهلها غريبه ليش هي مو بين اهلها مو ناقصها شي والحمدلله
وضحه سكتت من ردت عليها الريم ولفت وجهها الناحية الثانيه تكلم مشاعل
الريم انحرجت من تصرف وضحه لكن جت ام وضحه وقالت لها : يا ام الوليد وليه كلفتوا على روحكم بالعزومه مشكورين والله هذا بيتنا ما يحتاج وجواهر بنتنا نجي نشوفها في أي وقت
الريم: ولا كلفه ولا شي بيتكم بس ابوها حب يعزمكم من زمان ما تجمعنا مع بعض وجت هذي فرصة
*****************
جواهر: ها عبير انتي وين تدرسين
عبير: انا ادرس بكلية المعلمات بكون تيتشر ان شاء الله عن قريب بعد ما اخلص هالسمستر
جواهر: اها بالتوفيق يعني وش تخصصك
عبير: وش بعد English طبعا
جواهر: حلو يعني نقدر نتفاهم بالانجلش انا وانتي ....So Do you have any ideas how to enjoy our holiday here and not to be
مها تقاطعهم: اوووووف يبه ذليتونا ما صارت يعني تعرفون لكم جم كلمه صرتوا خلاص اولاد اجانب
ضحكوا الكل منها
نوفا: والله انا مشكلتي عاد هاللغة الله يستر علينا وبس نييب فيها مجموع
جواهر: سهله يبي لها تركيز بالجرامر وبعدين كل شي يكون اوكى
نوفا: اسكتي يا ام اللغات عندج سهله اما احنا يدوب نحفظ لنا ( هو آر يو ..أم فاين ثانكيو)
عبير: منهي ام اللغات .. ليه تعرفين لغة غير الانجليزية؟؟؟
نوفا: ايه سمعت العصفورة قالت لي ههههههههههههههههههههه شوفوا ما يبي لها الا مخيخ مثل مخي العبقري يفهمها دام انه والدة جواهر من اسبانيا اكيد تعرف تتكلم اسباني صح ولا لا
عبير ومها: ايه صح
جواهر: مو شرط ياماما ناس اهلهم من مكان بره ولا يعرفون اللغه ابد
نوفا: خلينى اكمل يا جواهر جالكسي
جواهر + عبير+مها: ههههههههههههههههههههههههه هه
عبير: حلوه جواهر جالكسي
نوفا: اوووه خلوني اكمل اوكى ومع اللغة الانجليزية والعربية يصير معها 3 لغات صح ولا انا غلطانه ممكن تسلفينا لغه بس عشان ننجح بالامتحان وبعدين نردها لج كامله مكمله والكمال لله
ههههههههههههههههههههههههه ههههههه ضحكوا البنات من تعليقها
مها: وااااااااو حلو مره قابلت واحد بالشات اسباني ما عرفت اهرج وياه بأي كلمه ابد سويت عليه بلوك وديليت هههههههههههههههههههههه
جواهر: اها انتى تروحي للنت تشات يعني ..احسه ملل وكلام فاضي والله
مها: اللى ما يعرفك يجهلك والله انه عالم راااائع يبي له اللى يعرف لها ودام انى جالسه بالبيت لا شغل ولا مشغله قلت اسلي روحي بالتصاميم ومرات اخش الشات.. وعدلت من جلستها قدامهم احم احم وتهمس بشويش باذن جواهر (لا تعلمين احد انا صاحبة منتدى ولما تجين لعندنا بوريج الموقع اوكى )
سمعتها نوفا: هين يا الدبه انا قلت لج من قبل علمينى عن موقعج ما تبين تخافين اني اسرق الاضواء منج
مها: ما تقدرين اصلا تسرقين الاضواء مني ..لانى انا بروحي نجمة الموقع
عبير: يالله على الفشخره حقتكم يالله عاد منج انتي وياها وربي ما تسوون شي بعد جواهر اهى اللى بتاخذ الاضواء منكم
نوفا + مها: هي هي هي هي بايخه
جواهر تضحك منهم هههههههههههههههههههههههه ( يا حليلهم )
الريم : يالله تفضلوا الجميع ا بنروح نتعشى الحين العشا جاهز ....بعد العشا جلست البنات ويا بعض
مشاعل تسولف مع الهنوف
مشاعل: وش رايج بجواهر
الهنوف: حلوه بس ممله حيييل
مشاعل: تصدقي احس انها طيبه لكن بنفس الوقت ما حبيتها الله اعلم
الهنوف: شايفه روحها ما تشوفين اشلون تتدلل بالكلام كنه ماحد غيرها هنا
....
الهنوف لجواهر: اقول تعرفي ماركة (.......)
جواهر: لا ما اعرفها ليه
الهنوف: لا ع بالي انج تعرفيها بقولج وش احلا فيها روجها ولا الميك اب
جواهر: لما اتعرف عليها ان شاء الله اعلمج ...بس الحين مشغوله ما فينى اتعرف على اصباغ
حمر ويه الهنوف من رد جواهر ولما سمعت البنات وضحكهم ما تحملت وراحت على طول لعند امها
عبير+ مها+ نوفا بصوت عالي يضحكون ههههههههههههههههههههههههه هههههههههههههههههههه ههههه هههههههه طالعوا فيهم الحريم وهم مستانسين
نوفا: الله يخس ابليسج وربي سكتيها هههههههههههههههههههههه حلوه اصباغ
جواهر: يعني جايه تحرجني اعرف هالماركة ولا لا ع بالها من وين جايه من الصحراء
نوفا وبعدها تضحك ههههههههههههههههههههه الحين كسبتي عدوة ثانيه لج
جواهر باستغراب : الله ليه هو لى عدوة من قبل وانا ما اعرفها
نوفا: ها لا ولا شي قصدي انها راح تحطج في بالها
جواهر: تحطني ما تحطني ما على منها ثاني مره تعرف هي منو تكلم
نوفا: انا اعرف اكلم جواهر جالكسي
جواهر+نوفا : ههههههههههههههههههههههههه هههه
جواهر وهي توقف: يالله تعالوا وش رايكم نروح داري نكون على راحتنا اوكى
وقفت عبير ومها بس مشاعل ظلت بمكانها نادتها جواهر: مشاعل ما راح تجين معنا
مشاعل طالعت بالهنوف اللى ماده برطمها وبس بعد ما تبي تظل بروحها ويا سوالف الحريم الكبار : اوكى بجي وراج انا والهنوف
جواهر: اوكى بس خلي حد من الشغالات يدلج على جناحي اوكى
وراحت ويا بنات عمها لجناحها ... شافوا الجناح وعجبهم بس مها قالت لها
مها: بالله الجناح وش عليه يا كبره ثلاث غرف على الفاضي ولا فيهم وحده تفتح النفس
جواهر بعصبيه ردت عليها: والله الجناح عجبني ولو حابه اغير شي فيه ابوي ما راح يرفض
مها: انتى ما فهمتيني والله قصدي ملل بروحك وينه ملح الحياة ....... الكمبيووووووووترررر
جواهر: اها قولي كذا من اول خسج الله على بالي تتطنزين على الجناح
عبير: صراحه روعه ذوق حلو
جواهر: ابوي قال لي لو شي ما عجبك فيه بيغيره لى على حسب ذوقي
نوفا: طالع هذي على حسب ذوقها من سمعها الحين تقول مصممه ديكور قصور وفنادق
جواهر: ها ها ها يا الماصخه مو شرط بس فيه ذوق يفرق لو انتى تحبين لون يمكن انا ما احبه مو شرط الذوق بهالشي وبعدين تقدرين تنسقين عليه القطعه اللى تناسب المكان وايضا لون الغرفة
مها: يبه فكونا عاد من هالخرابيط يالله خلونا نشوف شي بالتلفزيون
جواهر : اوكى وراحت فتحت التلفزيون...
مها: هاتي هذي المهمه عنج واخذت منها الريموت كنترول وابتدت تفر بالقنوات
كانت اغنيه لراشد الماجد
متكبر علينا تصايحوا البنات ومسكت نوفا جواهر ووقفتها : يالله والله ان ترقصين بنرقص كلنا وتوقهم وحده ورا الثانيه ضحكوا منها البنات وابتدوا يرقصون سوا وهم مستانسين وفجاه دخلت عليهم الهنوف ومشاعل لما شافوهم يرقصون ويضحكون وقفوا عند الباب يطالعون فيهم ... شوي وقربت منهم جواهر واخذت بايد الهنوف عشان تنضم لهم بس مسكتها الهنوف وقالت لها وبصوت عالي: هدي يدي وش جا ع بالج ارجوز ترقصينه مثلهم
تفاجأت منها جواهر ..هي ليش تعاملني بهالشكل وش انا سويت لها ..؟؟
تركتها جواهر وراحت تنضم للى يرقصون بس وقفت تصفق لهم لانه ما صار لها نفس تكمل الرقص معهم بعد موقف الهنوف معها ... اما مشاعل ما عجبها موقف الهنوف
مشاعل: خفي شوي على البنت ليه تعاملينها كذا
الهنوف: مو طايقتها والله ...
مشاعل: وليه طيب طلعتي وياي لهنا وانتى ما تبينها
الهنوف: مدرى بس كذا لقافه ابي اروح وياج خلاص ما فيني انى اتم هنا انا بروح لتحت يالله باي وطلعت من الجناح
مشاعل: الهنوف وين تعالي ... ما عطتها ويه وراحت بطريقها
مشاعل راحت واجلست على الكنب قريب من جواهر اللى بطلت تصفيق وظلت تطالع ببنات عمها اللى يرقصون ...خلصوا الرقصه وهم يضحكون مع بعض
جواهر: ياحليلكم والله بنات عمي هههههههههههههههههه زين كذا تسووون ريجيم بكل يوم الرقص مفيد لتخفيف الوزن
مها: ههههههههههههه طالع هذي وش تقول الرقص مفيد لتخفيف الوزن لا يبه انا عاجبني وزني يا حليلي وانا مثل الدبدوبه ولا احسن اصير عصله مافينى الا لحم على عظم
رن تلفون الغرفة عندها ..شالته جواهر: اوكي طيب بننزل الحين
جواهر للكل : يالله بننزل عمامي جوا ويبون يسلمون علينا
نوفا: عن نفسي انا اعرفهم من زمان لكن ما يمنع نسلم عليهم
جواهر والكل :ههههههههههههههه ما تيوزين انتي من هاللسان الطويل
نوفا: فديت هاللسان اللى هو ياخذ لى حقي دايما
جواه: يالله عاد عن القرقره تعالي بننزل وراحوا انزلوا لقت جواهر اعمامها وقربت منهم وسلمت عليهم وبعد السلام كل واحد خذا عايلته وراح لبيتهم
*************
بالاخير دخلوا اخوانها من مجلس الرجال لعندهم تغطت البندري وحطت الشيله على راسها
..اول واحد احمد اللى صفر: واااااااااو فستان روعه وش حلاته واللى محليه اكثر اكيد جواهر
عبدالعزيز: اكيد جواهر حلوه بس مو باحلى من ام تركي
البندري استحت من كلامه وارتبكت: يالله انا بطلع اشوف العيال عن اذنكم
عبدالعزيز ويا اخوانه يضحكون هههههههههههههههههه
فهد: حرام عليك زين كذا احرجتها قدامنا
عبدالعزيز: الله ما قلت شي امدح في ام اولادى عادي
ابوه: ايه امدح ما عليك منهم بس اشوف انه كلهم حلوين وخصوصا الريم ريم الغزال ههههههههههههههههههههههههه هههههههه ضحكوا عاد الكل على ابوهم
الله الله وش هالغزل اللى قدامنا لا يبه احسن لنا نروح دارنا نشوف لنا فلم ما نقدر على هالكلام
الحلو نرد عليه
الريم: هههههههههههههههههه ايه روحوا لداركم وانا بعد المهم يا ابو عبدالعزيز ان شاء الله كل شي كان تمام والعشا اعجبهم
ابو جواهر: الحمدلله ماشي قصور وانبسطنا الجميع والحمدلله ...
الريم: الحمدلله اوكى انا بستاذن الحين بروح انام
ابوجواهر: وانا بعد بروح يالله تصبحوا على خير يالله اولادي روحوا ناموا خلوا السهر مو زين وبعدين عبدالعزيز وراك سفرة للشرقية عشان شركتنا اللى هناك
عبدالعزيز: ان شاء الله يابوي ولا يهمك تصبحوا على خير
الكل: وانت من اهله ...
كل واحد راح لداره وجا احمد وفهد لعند جواهر بعد ما بدلوا ملابسهم وقالوا لها بنجيب فلم وبنسهر عليه
جواهر: فديتكم والله اوكى ابي اشوف تروي نفسي اشوفه والله
احمد: الله قديم هذا انا عندي سي دي دي في دي افلام جبتهم من عند صاحبي بنشوفهم دقايق واجيبهم
راح وجاب الافلام واختاروا فلم رعب ترجتهم جواهر انهم يشوفون غيره بس اقنعوها انه حلو مررره جلست تتابع معهم وكل ما جت لقطه تخرع تغمض عيونها وتحط ايديها على ويها وهي تصارخ وهم يطالعون فيها ويضحكون بالاخير بعد ما خلص الفلم
فهد: اوكى انا جاني النوم خلاص بروح تصبحوا على خير
احمد: وانا بعد يالله تصبحوا على خير
جواهر وهي مرتعبه: ايه تقولون الحين تصبحوا على خير من وين يجيني النوم وانا متخرعه من فلمكم البايخ كله قتل ما احب هالافلام
احمد: لا وتقول متخرعه انتى اصلا شفتي شي كله ماله ايديج على ويهج ومغمضه عيونج
فهد: ههههههههههههههه خلى الليت مفتوح واذكري الله كله خرابيط وكذب يالله تصبحوا على خير
...جلست جواهر متخرعه من حكايه الفلم وسكرت باب الجناح زين وبغرفتها فتحت الليت وراحت على السرير واخذت لها رواية تقراها ... جا على بالها بدر ولد عمها ..يا ترى وش يسوي الحين بكره ان شاء الله بتحاول تكلم عاليه وتسألها عن اخبارهم الجيمع ..كملت روايتها لين ما جاها النوم وهي على كذا