طفلتي اليتيمه - بارت 19 ليله من فبراير - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت19* *ليلة_من_فبراير* *☆ ☆ ☆* يازينها الدنيا مع لمة خواتي الفرح يملكني ويطربني حكيهم هم عزوتي والسند وهم غلاتي يالله طلبتك لاتوريني بكيهم يا بنت ابوي الاخت مو كلمة تنگال احط روحي درع وبروحي افديهم ❤️ ماويةـ رجلي راح ياخذ رجلج لاربيل جاي وفد اجنبي خاص بالاعضاء التناسلية يروح يكشف عليه هنا ـ يعني شنو تقصدين.. يتعالج ـ ان شالله يارب ويرجعلج مثل العتوي مابي شي وتجيبيلنة بزازين صغار ـ اااالله علييج يعني همة كالوو يتعالج صبااح ـ اوكفي لاتصيحين وتسمعين الحياية اليمج.. ماريد احد يعرف ابـــــــــــد خلي ابو همام ياخذة ونشوف شيحجون شيطلبون وذاك الوكت يصير الحجي ـ ان شالله الله يفرح كلبج يا ماوية ـ عيب هالحجي يولي هو اخوية قبل لايصير رجلج والله جان سويناهه من دمان بس الله يعلم بحالنة ضروفنة التعبانة احنة علئ كد الحال ولو الحمد لله علئ كل حال والا جان من زمان اخذناه وشفنة شنو علتة بس شسوي للمصيبة الاسمة ابونة ملهدات الفلوس علئ كلبة وميصخة يصرفهه علئ وليدة ضناه.. ـ الله كريم ـ يابة الله كريم الحمد لله بس انتي حضريله فد بنطلونين قميصين سترة غيارات داخليه فد زوجين تلاثة هالوكت كردستان شوي باردة بالليل ـ اي .. زين ماوية اني ماروح وياه ـ لا نهاوند وين تروحين همة زلم وين ميحطون رجلهم يحطون راسهم و ينامون مينخاف عليهم بس اذا انتي وياهم لازم ياجرون علئ الاقل غرفتين وتعرفين الفلوس يادوب مدبريهه .. ـ مادري ليش خفت وصار عندي احباط شلون راح ابقئ لوحدي هنا يم هالعجوز.. ـ اشو ساكتة.. لا تنقهرين غير وكت تروحين ان شالله ـ لا عادي والله بس يعني اول مرة راح افارك صباح.. ـ يمة الحب يمةةة.. ذاااك اليوم اتزوجتوو شبسرعه حبيتي مضرووبة ـ هههه .ـ يلة ولج خلص الرصيد راح ينطبك بوجهج .. وها صدك اليوم العصر همام لو واحد من الولد يجيبلكم التلفزيون ـ فدوة لقلبج ماعرف شلون اشكرك ـ لا تشكريني ولا شي بس ديري بالج علئ صبيح وهاي هية كلشي ماريد منج… يلة عيوني مع السلامة ـ سديت التلفون وخليته علئ المراية ريتال ـ ها خير شبيهه ماوية ـ راح ادزلي تلفزيون ـ اااي همزين واخيرا ـ اي والله من يوم التوفت امي ازدهار الله يرحمهه لا شفت تلفزيون مثل البشر ولا لزمت ريموت واكلب علئ راحتي لازم اتفرج وية الكاعدين شوف همة شيعجبهم لازم اكعد اشوفه.. ـ هسة طالعه مسلسلات حلوة اتفرجي عليهن عود ـ اي ان شالله بس شايله هم منو ينصبة فوك ـ صباح يعرف هالسوالف هو دائما يصعد يضبطلنه الاشارة مالت الصحن ـ صدك؟ ـ اضاهر هواي شغلات متعرفيهه عن صباح ـ لا اعرف بي يصلح العواطل من سألتة ليش هالدرنفيسات والمادري شنو بكنتورة كد يسولفلي. ـ اي ويعرف يضبط الصحن واي شي عاطل بالبيت يسوي كهربائيات لو بواري حنفيات يعني منحتاج نجيب احد من برة يشتغل هو شايل البيت ـ اذا هيج بكلشي يعرف ليش ميشتغل للعالم ونحصل فلوس ـ جان فترة يشتغل خطية ذب كل حيلة علئ الشغل طول النهار يفتر وين ميريدون يطلع بس ابوية ماينطي شي اي فلس يحصلة ياخذة منة ـ زين ابوج شمدري هو هالكد حصل ـ يبووو ابويـــة الله لا يبلشج وياه عاشري النذل والساقط ولاتعاشرين بخيل شحال ابوية كلهن لامهن نذل وبخيل وساقط ـ عزة ـ اي والله ولج خطية من يشوفه طالع يسالة وين رايح واذا يحس بي يجذب يمشي وراه ومن يعرف طالع بشغل يروح يسويلة هوسة شكبرهه يخزي كدام العالم ويكلهم الفلوس الي بجيبي تجي هالخصي شنو تتحاسبون وياه عاد العالم بيهم بطلت من ورة ابوية متجي عليه وبيهم لا والله يجون بس من شاف صباح هيج الوضع يكرب النهار كله وبس الخمستالاف يحصلهه ومن غير السب والغلط والتشهير تعرفين صعبة يحجي كدام الزلم عليه هو هيج حالته .. كال بعد مااطلع اشتغل عليمن هالبهذلة بس التعب محصل ـ لو عدنة فلوس نطلع نأجر والله نعيش احسن عيشة ـ بغداد غاليه وهسة الاوضاع تعبانة قتل علئ الهوية وانفكارات بكل مكان وين تروحون ـ اي والله صدك .. بس شلون لازم نحصل فلوس خو مو نبقئ هيج ـ صدك تعاي احجيلي شنو كلتلج ماوية بعد ـ كالت لاتحجين الا تصير بس راح احجيلج لان اثق بيج متحجين لاحد ـ اي اكيد لا تخافين ... ـ ابو همام زوج ماوية يريد ياخذ صباح لاربيل يكول جاي وفد اجنبي يفتهمون بهالسوالف ـ يالله بلكي الله تنحل مشكلتة ـ اي والله ان شالله… ابو صباح ـ هناااااوندد هناااوندد ـ كاعدين نسولف وسمعت صوتة يجعر عوذة .. ليش هيج يصيح ريتال ـ دكومي شوفي شيريد تلكي لو يريد جاي لو كلاص مي ابد يمحرك روحه ـ هسة انزل .. تريدين اجيب شي من جوة ـ جيبي مي وياج ـ اوك .. حطيت الشال علئ راسي ونزلت لكيتة واكف يم الدرج ـ شسالفة طرشة متسمعين ـ نعم شتريد ـ امشي جيبيلي مي ـ انت مو واكف يم المطبخ روح اشرب ـ وليش اروح ااانتي خدامة مشتريج بفلوسي غصبا عنج وعن الخلفوج تخدميني ـ هووووف .. دخلت المطبخ ترست كلاص مي ونطيته .. عود دياخذ الكلاص مني ولزم ايدي راسا جريتهه ـ انتي شكد عمرج ـ 14 سنة ـ زين انتي تشبهين ابوج لو امج ـ مادري .. ردت اروح وجرني ـ وين رايحة .. تدرين بيج روعه من عمامج .. بس يمكن الشفة والخدود والحاجب الحلو علئ امج لان عمامج مو هيج خلقتهم ـ مادري .. كملت ـ لا سويلي جاي ـ تؤ .. هووف .. اخذت القوري وخليت بي مي وجاي وعلئ النار شمرته ـ حطيله هيل ـ ماندل وين الهيل ـ بالكاونتر جوة ـ عرفت يريدني ادنك حتئ يتفرج .. كعدت بالكاع وطلعت الهيل ـ خلينة نتفرج حتئ الفرجة هم حرام ـ تدري ابوية اصغر منك ومات ـ اعوووذ بالله منج ومن كلاامج السمم باليكرهوني يكوون شتتفاولين عليه هيي حيوانة متستحين تحجيهه هيج بوجهيي ـ لعد انت شكبرك متستحي هيج تحجي وتسوي ام خزام. ـ شيحجيي ووولج؟!! ـ ارتبكنة اثنينة من فاجئتنة ام خزام ـ ها شبييكم اشوو وجوهكم تتلاطم وتضرب الوان شنو بيناتكم ـ والله عمة ماكو شي ـ عمة تعميج يالادبسزز لعد ليش وجهج كام يضرب الوان هيج لو ماعندج شي ابو صباح ـ شبيج حبيبة يعني ماكو عم يوكف يم مرة ابنة ام خزام ـ لا تعلمني بيك كل دروبك الوصخة اعرفهه ـ يااادرووب انوب واكف يم جنتي دتسويلي جاي ـ ااانييي اجيت علئ كلمةة شكبرررك متستحي هيج تحجيي وتسوووي فهمووني شنوو يعني نهاوند ـ ام خزام صوتهه ارتفع وصارت عصبية التم البيت علينة وكلهم اجوي للمطبخ ريتال وشمياء وساجدة وفلاح احس روحي اتورطت شجاني وماحجيت لصباح هسة منو يكول يصدكوني .. فلاح ـ شبيك يابة ـ امك دتخررف علئ توالي عمرهه ام خزام ـ لو ماكو شيي ليش وجووهم تتضرب الوان ريتال ـ شنو صار نهاوند احجي شنو شبيكم ـ مـ ماكو شي بس والله جنت اسوي جاي وراد هيل ووهاي يعني ابو صباح ـ هييية ادبسزز طلبت منهه هيل تخلي بالجاي تكلي اهووو كلتلهه متستحين تحجين هيج ويايه واني بكد ابوج تكلي وانت متستحي هيج تحجي وتسوي.. بلة شمسوووي اااحجي كوولي مو عيييب عليج هيج تتصرفين ويايه ريتال ـ ادري يايبة الف مرة كلتلك تريد شي كلي اني اسووي ليش الا نهاوند ـ مشتررريهه بفلوووسي كاعددة بهالبييت تاكل وتشرررب وكلشي ما مستفاااد منهه فوكاهه ماخذهه هالخصي حتئ حفيد مثل البشر متعرف تجيبليي شتريديني اعووفهه باااابة هااي خدامةة لاكي فلوسي بالشارع انيي ام خزام ـ يعني هيج الحجي معقولة؟ ابو صباح ـ ماعاجبج تصدكين لاتصدكين ماجابرج علئ شي فهمتي شيماء ـ روحي نهاوند يمعودة اني هسة اكمل الجاي ماتسوة تصير مكشلة شكبرهه علمود استكان جاي ام خزام ـ هوو منو مسوي المصايب غير هالعجووز يعني ليش الا هية تسووي ساجدة ـ اي ياعمة مو كلج السبب غير خطية دافع فلوس بيهه ومامحصل شي ـ ساجدة تحجي ووتباوعلي بطرف عينهه وتضحك .. عفت كلشي وصعدت اركض لغرفتي.. ماعرف شلون خلصت من هالمصيبة شكد حقير هالعجوز بقيت كاعدة لوحدي بالغرفة العب بالتلفون و انتضر صباح شوكت يجي ماعرف ليش اليوم شوي اتأخر سمعت هوسة جوة وصياح بس ماهتميت كلت بيناتهم شعليه ريتال. ـ وولج ووينج تعالي همام اجئ ـ صدك ـ شنو مدتسمعين الهوسة جوة وابوية سواله مصيبة ـ عزة ليش ـ وج يريد ياخذهن منكم وضل يصيح علئ همام خطية ـ طلعت روحي من هالعجوز خليت الشال علئ راسي ونزلت اركض .. همام اول مرة اشوفه سلمت عليه ووكفت وكلتله .. شكراا همام تعبانك ـ انتي مرة خالي صباح؟ ـ اي اني مرة خالك صح وانت همام ابن ماوية مو بلة ـ اي اهلا وسهلا ـ ياهلا بيك ابو صباح ـ فاتحين كافتريا للتعارف هنا نهاوند ـ انطينيا اني اشيلة لغرفتي همام ـ لالا اني اشيلة ابو صباح ـ اضاهر ماسمعتي شحجيت نهاوند ـ شحجيت ؟ ـ هالتلفزيون يضل هنا اني اريدة ـ ليش عود؟ ـ يعني شسوين بي؟ ماضل عليه غير الخصي ومرتة يريدون تلفزيون ـ لاتتجاوز علئ صباح .. ودير بالك تكول عليه خصي مرة ثانية ـ اي بلة شوفيني شراح تسوين ـ اتقربت علئ التلفزيون وشلته من الكاع ولو ثكيل بس كدرت اشيلة كابلني همام واجتي ريتال ويايه ـ عووووفو التلفزيوووون هناااااا ريتال ـ شسووي بي ياا يابة مو عندك هالتلفزيون هي طلابة لو مغثة علئ الفاضي نهاوند ـ ماعوفه وشيريد يسوي خلي يسوي هالتلفزيون هدية عرسنة ابو صباح ـ لج ياعررس تجذبون الجذبة وتصدكوهه ـ اي نصدكهة والماعاجبة يصدك يطبة مــــررض… اتقدم عليه ابو صباح وضربني راشدي راسا اندفرت علئ ريتال ولزمتني همام اخذ التلفزيون خلاه بالكاع بهالاثناء دخل صباح وشافني مضروبة وكاعدة ابجي مفتهم شنو السالفة صباح ـ شبيج نهاوند شنو صاير ابو صباح ـ زين اجيت .. شيل التلفزيون اخذة لغرفتي همام ـ ما انطيك التلفزيون الا اخابر امي ابو صباح ـ انعل ابووك لابو امك گوااد صباح ـ غير احد يفهمني شصاير نهاوند ـ اختك ماوية وزوجهه اشترولنة هالتلفزيون والستلايت وابوك يريد ياخذه من عدنة وحتئ ضربني تقبلهه صباح ـ لـ لـ لأ ما اقبلهة .. ابو صباح ـ اكل نعل ووولگ خصي خاف صدكت نفسك رجال لان زوجناك اثنين نسوان جاي هسة تريد تصير رجال براسي .. ما اقبلهه ابو حلك المعووج شيلة يلة وودي بغررفتي نهاوند ـ هذا تلفزيوونة مالتنة جابو النة بيا حق تااخذو مني ام خزام ـ عيب تكسرون حجاية ابو خزام متستحون هو خلك تلفزيون نهاوند ـ لا ما استحي كلكم عدكم بغرفكم تلفزيونات بس اني ماعندي وهذا حقنة مالتنة صباح ـ خلي ياخذة نهاوي اني اشتريلج ـ ميين تشترري من الديون الغركان بييهن يوميتك بس خمستالالف متكلي ميين نجييب انت بعدك ما مسدد اقساط التلفون وبعد عدنةة كومة احتيااجات مين نجيبهه .. ليش ساكت احجي هذا حقنة رجعة منهم ميكفي ضرربني وسكتتت صباح ـ ضرربج ابو صباح ـ واكسر راسج بعد قليلة اادب وشوفيني الخصي مالتج شيريد يسوووي ريتال ـ يمعوودة يمة احجي ليش ساكته ترة كلمة الحق مينزعل منهه ام خزام ـ يابة ابو خزام لخاطري انطيهم تلفزيونك القديم واخذ هالجديد نهاوند ـ ليشش عود صباح ـ لخاطري سكتي عديهه الله يخليج ماريد مشاكل وياه ـ يحجي ويايه بهمس .. كلش انقهرت منة احس انغبنة هذا مالتنة غراضنة ليش ياخذو من عدنة عود يريدون ينطونة القديم يتصدقون بي علينة .. اضطريت اسكت من شفت صباح خايف من ابو ويترجاني اسكت اخذو التفزيون من عدنة والستلايت وصعدة همام فوك بغرفة ام خزام صعدت وكفت يم غرفتي كلش مقهورة من موقف صباح .. ميصير هيج يقبل بالظلم ويضل ساكت لازم يحجي ويثبت نفسه نطو لهمام التلفزيون القديم وشفت ابووصباح بعيني اخذ ريموت التلفزيون وخلاه بمجرة وكال مابي ريموت هالتلفزيون مكسور .. نقلوهن لغرفتي الغراض القديمة بس ابد مفرحانة ولا عاجبني الديصير كلة من الضهر لليل صباح ملتهي ينصب الصحن الجديد والستلايت لابو وبعدين اجئ علئ غرفتي ضبطلي التلفزيون والستلايت بقيت ساكتة ماحجيت اي كلمة التلفزيون ماخذ الريموت مالته والستلايت مابي ريموت ولازم نكلب من الجهاز نفسة يعني كل شوي نكوم نكلب .. يافرحة ماتمت صباح ـ حقج تضوجين ـ انت لو مساندني جان ماكدر يحجي ـ ماكددر نهاوند اخاف منة ـ من شنو تخاف ؟ انت رجااال ليش تخاف منةة ـ هو عقدتي من زمان ماكدر اواجهه ـ شتوااجه ومن شنو خاايف اذا يضربك انت اقوة منة ترة هو رجال عجوز تكدر تمنعه ياذيك ـ ما اكدر اكسرلة كلمة ماكدرر ـ اي لعد ضل هيج تشتغل النهار كلة وكلشي ممحصل غير الخمستالاف .. والباقي ابطنة هو ومررتة والغراض الزينة ياخذهه وينطيك المكسرة ويضرربني وانت ساكت وممهتم علئ هالحجي باجر عكبة حتئ مرتك ياخذهة منك وانت عندك عاادي لان تخااف منـــــة حجيت هالكلمة بساعه غضب ضل فاتح عينة عليه ويخزرني شكلة صار يخوف ـ شتقصدين ـ ما اقصد شي.. بس هيج مجرد حجاية واجتي بلساني ـ اااااذاا اكوو شي احجييلي ـ ليش صرت عصبي شبيك اجئ لزمني من جتفي وكعد يمي ماعرف شبي شكلة صاير يخوف ـ نهاوند لاتضمين عليه .. ـ يعني شأظم .. شبيك صباح ـ كلامج ذكرني بسجئ همين جانت هيج تحجي بس بوقتهه مفتهمت شتقصد احجي نهاوند ابوية عينة عليج لو شنو ـ انصدمت من كلي نفس كلام سجئ معقولة همين جان يسوي هيج وياهه لعد شكد وصخ هالعجوز حاول يحجيني صباح بكل طريقة بس اني سكتت ماعرف ليش احس لساني معكود وماكدر انطق واحجي.. وكف علئ حيلة وحجئ بصوت يخوف ـ سكــوتج معناهه اكو شي ... احجي لاتضلين ساكتة لأأأأن ممعقولة اثنيجين تحجن نفس الحجااية اكيدد شايفات شيي ـ لا صدكني ماكو شي بس يعني انت فاجئتني بهالحجي ـ والله العظيم اذا اكتشفت اكو شي اقتلج واقتلة ـ عزة شبيك صباح شنو هالحجي ـ كافي ماضل براسي عقل كلشي اخذذ مني انوب لاحكني علئ شرفــي ـ اضطريت اجاريه خفت لايسوي شي لو صدك يقتل ابو وتصير مصيبة جبيرة ونروح اني وياه بالرجلين وكفت ولزمته من ايدة .. شبيك صباح يعني انتة شنو تسمع تصدكة ـ اثنينجن نفس الحجي ماكو هيج صدفة ـ يـ يمعود شبيك الناس كلشي تحجي واكيد حجينة يتشابه يعني شلون نسكت بعد منحجي ـ استغفر الله ـ بقيت احجي وياه وكوة هداء وكعد بمكانة .. انت لاتغديت ولا اكلت لكمة وهسة صار الليل.. اروح احضرلك العشئ ـ خلي اسبح وارتاح والله كريم ـ لعد اني راح اروح احضر العشة .. ماحجئ وياية .. اخذ ملابسة وراح الحمام نزلت جوة احضر بالعشة نزل ورايه صباح .. وين تريد تتعشئ؟ ـ امشي نصعد لغرفتنة نتفرج وناكل ـ اوك .. شال صباح الصينية وصعدنة للغرفة فتح التلفزيون علئ قناة mbc وكعدنة نتفرج وناكل ماحجينة اي كلمة خلصنة واخذت الصينية ونزلت شفت ابو صباح سويت نفسي ماشفته جان واكف يم الحمام شافني واجئ دخل للمطبخ غسلتهن وسويت جاي طلب مني اصبلة هو هم جبت الكوب وصبيتله علئ السريع وصعدت اركض همزين ماسوة حركة حقيرة مثلة انطيته كوب الجاي وكعدنة نتفرج مليت من هالقناه اريد اكلب واشوف شي حلو رحت كلبت وشفت مواقف ترفيهيه رجعت اتفرجنة شوي ورديت كمت اكلب ـ اعرف بيج ضجتي من هيج وضع بس صدكيني هاليومين ادبرلة ريموت اهم شي راحتج ـ هزيت راسي يعني اي .. ـ لا تضلين مقهورة هيج ـ لا عادي لاتهتم.. ـ بس اشو ماوية ماكالتلي علئ الغراض ـ هية خابرتني بالنهار وكلتلي خطية تريد تفرحنة عود .. المهم كلتلي شي اهم من التلفزيون ـ شنو؟ ـ راح ياخذك رجلهه لاربيل ـ ليش ؟ ـ جايين اطباء مختصين بحالتك يريد يعرضك عليهم ـ صــدك؟ ـ اي والله خطية شكد جانت فرحانة هية وتححي ـ اشو محد كلي ـ ابيش يحجون وياك شلون يخابروك وانت ماعندك تلفون… ـ هم صدك ـ حتئ كلتلي حضريلة جنطة صغيرة ـ شلون اسافر واني ماعندي ولا فلس ـ الفلوس عليهم .. وان شالله اكو نتيجة ـ ماريد اكلف احد وماريد اتأمل علئ الخالي بلاش ـ جان مقهور ويحجي بغصة .. شنو هالحجي اولا ماوية اختك وهذا زوجهه يعني مو غريب وثانيا لاتيأس شنو هالحجي اتفائل وكول يالله وبعدين جرب حضك والكاتبة الله يصير نكول علئ الاقل سعينة ـ والنعم بالله ـ باجر احضرلك هدومك ويبقئ شوكت يخابرون وياخذوك ـ تجين ويانة ـ لا فلوسهم متكفي يعني انت وهو زلم تكدرون ادبرون نفسكم بس اني من اجي لازم يإجر غرفتين اقل شي ومصاريف زايدة .. الفلوس محتاجيهه منريد نبعثرهه.. ـ ان شالله .. خلي انام بحضنج ـ تعال .. خله راسة علئ حضني وكمت العب بشعرة ونام مر اكثر من خمس ايام خابرت ماوية وكالت بعد تلث ايام يروحون صباح وابو همام لان الوفد وصل لاربيل يروحون من وكت حتئ يحجزون من وقت صباح ـ شلون اكول لابوية رايح لاربيل ـ لاتحجي صباح اسمع كلامي ـ لعد شنو اكلة من اغيب كم يوم ن البيت ـ كلة مساافر وية رجل اختي للونسة ـ هذا وين يصرفلة هالحجي هسة يكلب الدنية ـ خلي يكلب الدنية ولا يمنعك .. احس ابوك ميريدك تتعالج صدكني اذا كلتلة رايح علمود علاج مستحيل يقبل تروح والله حتئ ماوية حجت هالحجي ـ يعني اكولة رايح اتونس ـ اي رايحين تشوفون كردستان ـ بس هيج وكت باردة عدهم ـ يمعود هية الناس تروح حتئ تشوف الثلج وين اكو ابغداد ثلج ـ ان شالله .. احبج لان دائما تساعديني وتسانديني رغم بعدج صغيرة ـ الدنية كبرتني كبل وكتي .. وبعدين اذا ماوكف وية زوجي وية منو اوكف.. خلة راسة وختل بحضني مثل الطفل اول مرة ينام والفرحة بوجهه حتئ من وكت نام وكأنو يريد الايام تمشي بسرعه صار ثاني يوم وسمعت صوت ساجدة تبجي يم الدرج .. كمت من الفراش اركض طلعت برة شفتهه واكعه يم الدرج وتبجي وكومة دم يمهه عزاا شـــــبيج ساجدة .. رررريتااااال رررريتااال ـ ها ها شبيكم ـ الحكيي ساجدةة ساابحة بدمههه مادريي شبسهه.. ـ عزاااا شننو شبييج ولااادة عندجج ساجدة ـ أ..أ اي ماادتحملل ريتال ـ ياااابة ياااابة الللحك سااجدة عدهه ولااادة ياااااابة ابو صباح ـ هاااا وووجع وااني شكوو وين رجلهه هو يووديهه ـ يمعوود مو ووكت هالحجيي كووم ااخذهه رااح تموت .. وج يمةة يووم ووينج ابو صباح ـ طلعت راحت لبيت اختهه من الصبح .. شو وينهه ساجدة شبيهه ريتال ـ عزااا .. ووولج يمصخمة ررجلج وين ساجدةـ خابررته كال هسة اجي ووماادري وين صاار نهاوند ـ ساجدة فتحت رجلهه وكامت تدفع الدم صار بكل مكان منضر مرعب ويخوف ابتعدت عنهه ماعرف شسوي لا هالعجوز يقبل ياخذهه ولا زوجهه موجود شفت شي طلع منهه عرفت هذا الطفل ريتاااااااال الحكييي هذاا شنوو ـ ياااا ولج يمعودة مو هيــج مادبرر شي ااني لج شيماااااء يااابة وووين نسووانك يمعـــوووديييين وووج خااااله خااااله يمعووودييين الحكوولي ـ التمو شيماء وونسوان هالعجوز يتفرجن عليهه عزا صارت فرجة للناس سمعت ساجدة تكلهن بعد ماكدر خلص كعدت يم رجلهه ريتال وام هناء زوجة ابوهه وماعرف شديسوولهه جسمي كلة كزبر من هالمنضر اجئ هالعجوز ووكف بعيد يتفرج علئ جنته دمي احترك .. شبييك تبااوع متستحيي ـ انجبييي لــــج انتي شقندددرة مابقئ عليه غير الخدم يحجون مرة ابنيي صيري سباعية ووجيييبي يلة عفيةة كل بيباتنة جانن يجيبن بالزررع لا مستشفئ ولاصرف زايد يلة دفعي دفعي خلي يطلع الطفل ساجدة ـ وخروو عنييي لاتخلوو يتفررج عليه ووولكم ام هناء ـ ووولك متحوووز من سوااالفك ررروح مناااااا ابو صباح ـ حسبة بنتي من شنو مستحين يلة يلة. جيبي نهاوند ـ اضطريت ادفعه .. وخر عاد لا تضل تتفرج اخجل شووي ـ الله… فدوة لهل ايد الناعمة ـ يحجي بهمس هالحقير رفعت ايدي وتفلت عليهه لان لزمته صرخت ساجدة صرخة عفتة ورحت اركض لكيت ريتال وام هناء مطلعين راس الطفل وباقي جسمة جوة يحاولون يجرو ام هناء ـ لاتجري قوي لا ينكطم راسة.. ابو صبااح اتحــرك يمعود راح تمووت هية وابنهه ابو صباح ـ جري جري يلة طلع راسه بقئ الجسم يلة جيبوهه لو الا صرف زايد نهاوند ـ انفتحت الباب ودخل خزام ركضت يم الدرج وصرخت .. الحگ خزااام مرررتك رااح تموووت الحــــگ صرخ شنوو وصعد الدرج بكمزتين خزام ـ ليـــــش مانقلتووهه للمستشفئ ابو صباح ـ بابااا طلع راسة دجيبووهه وفضوهه ام هناء ـ ماكدر بعد اسوي شي مدعرف شسوي راح يموت الطفل واني اروح بالرجلين نهاوند ـ ريتال كامت ادفع بايدهه الئ ان طلع جتف الطفل وبدة شوي شوي تسحبة وطلعتة كلهم كامو يصلون علئ النبي اخذتة ام هناء تمسح بي بس بعدة مربوط بحبل داخل ابطن ساجدة جوة .. عزااا شنو هاي ريتال ـ خزام .. بعد ماعرف شسوي الحك مرتك الحبل السري مجلب والجارة خاف تكتل مرتك ام هناء ـ جيبولهه داااية سستر صخام ولكم اتحرركو شنو انتو ابرد من الثلج المرة راح تروح من ايدنة ـ الطفل يتحرك بس مابجئ لونة ازرك خطية .. شالهه رجلهه وريتال شايلة الطفل وتمشي قبلهم وعلئ كيفهم يمشون خزام ـ هسة شلون راح اخذهه شهالفضايح ادري غير تصبرين شوي بين ما اجي ريتال ـ هو هذاا حجي دكول لمرة دتطلك اصبري احجي وية ابوك البخيل ابو صباح ـ ااااادبسززز حسابج ويايه بعدين ـ يااابة درووح لعبت نفسنة ادري شوكت تتصرررفهن علئ الكبر ابو صباح ـ بنت الكلبببب يومج قبل يوومي ان شالله نهاوند ـ راحو خزام وزوجته وريتال شايلة الطفل وياهم والحبل السري بعدة معلك بساجدة ويجوز تموت دخلت المطبخ حتئ انظف نفسي لعبت من الشفتة من الصباحيات عزة بعينك يالعجوز اذا هيج حاله ومتقبل تصرف فلوس بيهه لعد وين تصرفهه زين نسوانة الثمانية شلون جابن كبر طمك شكد عار صفيت لوحدي بالمطبخ ام هناء مو دائما تنزل متحب تختلط بيهم اووف شلون هبطة من الصبح غسلت مواعين وبديت انظف الكاع لكيتة واكف علئ راسي جبت الماسحة وخليت الوصلة بيهه وكمت امسح ـ ها شكلتي ـ عن شنو.. يحجي بهمس ويغمز بعينة ـ مو عرضت عليج اريحج ـ منو كلك اني تعبانة ـ حالج حال السيارة مشتريهه ومحد راكبهه والله حرام هيج سيارة متنركب .. اووف شوكت تقتنعين ـ اايع كبر شنو هالحجي شمرت الماسحة وطلعت اركض من المطبخ خلي تجي ريتال ووياهه انظف حبست نفسي بغرفتي انتضرهم يرجعون مر الوكت تقريبا صارت بـ12 الضهر يلة بينو نزلت شفت ساجدة زينة مابيهه شي والطفل بيد ريتال مكمطي.. اوي فدوة شكد حلو ريتال ـ ربج ستر ما مات هو وامة خزام ـ سوايتك يايابة متنحجي ولا تتسولف ابو صباح ـ تعرف مرتك علئ وجه ولادة شكو عايفهه براسي ـ غير رايح للشغل قابل طالع العب ـ اي عوووف فلوووس جوة ايدهه مو تعال اصرف وبعدين نتحاسب عبالك غشمةة اني ـ صدك جذب كل عقلك هيج تحجي يعني حفيدك ميهمك ـ شسوي بي عندي غيرة هو اصلا يارقم بيهم مادري ـ الحجي وياك ضايع .. امشي ساجدة اصعدج فوك ـ اخذ زوجه وابنة وصعدو فوك شوي ونزلت ريتال ـ اشو مامنظفة يانهاوند ـ ها .. ماكدرت انضف ـ ادري يا نهاووند مترهم هيييج يعني الاا اني موجودة كلت هسة انتي كملتي كل شي وبس ارجع اطبخ شنو هالحجي هذا متسوين شي الا اني موجودة ـ بقيت ساكته ماعرف شنو احجي وياهه.. اخذت الوصلة وكمت انظف علئ السريع حتئ لا تزعل مني ولو شوي وجهه ثكل عليه بس ميخالف اصالحهه بعدين لان بس هية بالبيت احجي وياهه.. بقيت وياهه اساعدهه بالطبخ وبعدين كمنة نسولف حجيتلهه شكد مستغربة من تصرف ابوهه ـ شعبالج لعد .. ولج احنة البنات كلنة زوجنه واخذ كل مهرنة فلس ماشوفنه ـ يا ـ والله خلف الله علئ اامي ونسوان ابوية هنة يجهزن بناتهن.. والا هالبخيل لو بيدة حتئ هةالهوئ يبيعه ـ همست ..عزة شلون لو يعرف بصباح الله يستر ـ يلة المركة استوت بقئ بس التمن اعوفة يتهدر اريد اروح اسبح .. تريكتي لو لا ـ وين اكدر اكل نفسي لعبت من الشفته ـ و الله حقج.. يلة اروح اني ـ راحت ريتال سبحت واني وراهه اجئ صباح وياه رصيد وفلوس تقريبا 150 الف دينار وريموت للستلايت جديد جايب .. مافرحت بالريموت بكد ما استغربت مين هالفلوس.. هاي مين جايب هالفلوس ـ بعد يومين اسافر وماريد اطلع واتونس وانتي بعدج ممتونسة ولا اشايفة خواتج ـ ياونسة صباح انت رايح تتعالج ـ ميخالف اسمة سفرة لاربيل ـ زين مين هالفلوس ـ اداينته كل خمسين الف من واحد شفتي هيج دين مركع حضري نفسج نروح اليوم نشوف خواتج ـ اتفاجئت من كال اليوم ... اليوم؟ ـ اي هسة نتصل ونطلع لابو نؤاس يلة رايح اسبح وحضري الغدة لا تتأخرين ـ حضرت الغدة وصعدتة بالغرفة .. كعدنة نتغدة وكمت اسولفلة عن الصار الصبح ـ يعني ساجدة جابت؟ ـ اي والله ـ صدك جذب هذا ابوية شبي وصل هالعمر وهيج مجلب بالفلوس ـ ستوني اكلت وياك من الصبح نفسي تلعب من الشفتة ـ المهم كامت بالسلامة جان ماتو اثنينهم .. ـ اي خطية ـ يوم الـ الج ان شالله وتفرحيني ـ ابتسمت ودنكت راسي .. ان شالله ـ جيبي التلفون واتصلي علئ وداد ـ اوك .. اتصلت علئ وداد وكالت متكدر اليوم تجي لابو نؤاس .. فـ اجلناهه لباجر العصر طلع من الغرفة وراح لغرفة اخو واني وياه ..دك الباب وفتحتله ريتال ودخل للغرفة اتحمد علئ سلامة ساجدة وابنهه وشال الطفل شفت فرحه بعينة من حضنه خطية مبين يتمنئ يصير عندة طفل ان شالله ربي يرزقة علئ نيتة الطيبة طلع فلوس من جيبة يمكن عشرتالاف وخلاهه جوة راس الطفل وطلعنة من الغرفة… صار ثاني يوم العصر بدلت علئ السريع جنت متلهفة اطلع من البيت واشوف خواتي صار كومة مشايفتهن لبست تنورة كابوي وقميص وردي وشال وطلعنة طول الطريق اتخيل شلون راح اتلاكة وية خواتي احس كلبي يريد يطلع من الفرحة اكو هواي سيارات وازدحامات بس يمشي السير ماواكف وصلنة منطقة بيهه بنايات عالية وساحة فارغة بيهه كم شجرة احنة وين ـ وصلنة… هاي ابو نؤاس ـ هاي عمارات يمهه مو ـ لا هاي فنادق هنا امشي ننزل وادليج ـ نزلنة ودخلنة من الباب هواي عوائل جاية مو بس احنة كلي خابريهم خلي نشوف وين كاعدين .. خابرتهم وكالو ابقو يم البوابة هسة نجيكم ضلينة كم دقيقة واكفين وشفت نغم جاية تركض علينة نسيت نفسي متزوجه ولازم اكون رزنة اخذتهه بركضة من يم صباح ورحت حضنت نغم واجتي وراهه الحان وصبا احس من حضنتهن ردتلي روحي لج لحووونة صايرة بطةةةة نغم ـ انتي صدددك اتزوجتي ـ اي هذا صباح زوجي ـ ليش ماكلتي اريد اشووفج بالبدلة البيضة .. ـ ضحكت وماجاوبتهه . . انتبهت خاله وداد وجهالهه ويايه والله مانتبهت عليج اسفة.. كمت وبوستهه ـ لا خاله عادي حقج ـ تباوسنة وعرفتهه علئ صباح كلنة دخلنة جوة الحديقة طلعت جودلية خاله وداد وفرشت وكعدنة عليهه صباح التهه وية خواتي وجهال خاله وداد اخذهم وراح يشتريلهم وكعدت اسولف اني ووداد ـ خالة اشو لا حلقة بيدج لاحافة وجهج ممبين عليج متزوجه عبالك ـ ابتسمت وكعدت احجيلهه شلون تزوجت ـ صدك تحجين شلوون هيج يزووجوج هالساقطين ـ شسوي اكدر احجي ـ وهو شلونة وياج ـ وردة حباب ابد ميأذي.. ـ يلة الله يعوضج بي خير ان شالله تعوضين باولاددج بس خاله نصيحه لاتكثرين جهال ابد خلفي واحد وبس ـ ردت احجيلهه عن صباح بس شفته اجئ وسكتت .. خواتي الحمد شوي اطمنت عليهم خاله وداد هواي مداريتهم مشئ الوقت بسرعه خواتي بحضني كاعدات كل شوي وحدة تجي بس كلبي متعلق بلحونة يمكن لان اصغر وحدة صار الليل واجئ وكت الفراك ولازم نرجع حضنتهم وكمت ابجي وداد ـ ليش تبجين بعد صار عندج صباح ووشوكت متحنين خابري وتعالي هنا نتلاكة ـ همست الحجي سهل بس الله يعرف شلون دبرنة هالفلوس .. اي ان اشالله خاله بقيت لازمة خواتي ونتمشئ الئ ان اخذ سيارة تكسي صباح حتئ نرجع حضنتهن وبوستهم وسلمت عليهم ورجعنة للبيت جنت بهاليوم بين فرحانة وبين حزينة لا اعرف اضحك من كلبي ولا اعرف اسيطر علئ دموعي غيرنة ملابسنة وكعدنة علئ الجرباية ـ ليش هالحزن ـ ماريد افارك خواتي وباجر انت راح تسافر يعني كلهه التمت عليه حضني وكام يبوس بيه ويضحك ـ هلاهلاهلا تحبنيي نهاااوي ـ اي لعد ليش ماحبك ـ فدوة لهل حلك الحلوو ـ اكول انت كلت لابوك؟ ـ لا مو اني .. اني ماحجيت وياه ابو همام هو كلة ـ اشو ماحجئ شي ولا صار عصبي ـ والله اني هم مستغرب اشو لاكلي فلوس ولا شي مادري ليش سكت.. بلكي الله هداه وحس علئ نفسه ـ يعني هو عرف انتو رايحين للونسة ـ اي ابو همام كلة وجاوبة عادي روحو شعليه ـ كلبي انخمش من هيج كال ممعقولة هالبخيل هيج يعديهه علئ خير ـ تعالي تعالي نامي بحضني خلي اشبع منج ـ نمت علئ ايدة وغفينة اثنينة صار ثاني يوم وكعدنة التلفون لان وقتناه علئ ساعه خمسة الفجر دخل سبح صباح وطلع.. ابو صباح ـ شعندك تسبح من الصبح ـ لعد شلون اروح وصخ ـ هههههعع علئ اساس جنت تشتغل وية مرتك الليل كلة وتوصخت .. ـ يعني بس الي يصخم يسبح علئ حجيك نبقئ ووصخين وكاتلتنة العفونة ـ هههييي هيي والله يالله نهاوند ـ اسمع ابو صباح يستهزء بصباح وكلبي يحترك اريد اطلع اجاوبة بس اخاف يعرض لصباح وميخلي يروح دخل صباح وغير ملابسة واخذ الجنطة ونزل جوة ينتضر ابو همام جبت طاسة مي بيدي حتئ اشمرهه وراه جنت اشوف امي ازدهار هيج تسوي وية بابا من يطلع اماكن بعيدة.. دگ التلفون وودعني وطلع وطلعت وراه شفته صعد السيارة وذبيت المي وراه وراه دخلت وسديت الباب ورجعت الكاسة للمطبخ التفتت حتئ اطلع شفت ابو صباح ساد الباب وجاي عليه عيونة تخوف .. شبيك ليش ساد البااب ـ احذري تعيطين لو تصيحين ابليج ابلوة متتصوريهه.. واخليج تحيرين بزمانج وللحكاية بقية…….. 🥀