الفصل 7
💜🍃💜🍃💜
🍃💜🍃💜
💜🍃💜
🍃💜
🔮روايــــــة
ﻣﻠﻜﺘﻚ ﻷﻧﻲ ﺃﺣﺒﻚ ﺑﺪﻭﻥ ﺇﺩﺭﺍﻙ ﻭ ﺃﻧﺎ ﻣﺎ ﺍﺩﺍﻧﻲ ﺃﺣﺪ ﻳﻘﺮﺏ ﺃﻣﻼﻛﻲ ....
@ahgeel 🌺
.
*. #البارت7 🌺*
ﺃﺗﻤﻨﻰ ﺃﻟﻘﻰ ﺗﻔﺎﻋﻞ ﻻﻥ ﺗﻔﺎﻋﻠﻜﻢ ﻳﻌﻨﻲ ﺍﺳﺘﻤﺮﺍﺭﻱ ....
ﺣﻀﻦ ﺍﻟﻮﻃﻦ ﻣﺎ ﺯﺍﻝ ﺑﻌﻴﺪﺍ …
ﻓﻲ ﺍﻟﻜﻮﻳﺖ ﺍﻟﺴﺎﻋﺔ ١١ ﻇﻬﺮﺍ
ﻣﻼﻙ ﻭﻫﻨﺎﺩﻱ ﺑﺎﻟﻄﺮﻳﻖ ﺍﻟﻰ ﺍﻟﻤﻄﺎﺭ ﻷﺣﻴﺎﺀ ﺍﻭﻝ ﺣﻔﻼﺗﻬﻢ ﺧﺎﺭﺝ ﺩﻭﻟﺘﻬﻢ ﺍﻟﺤﺒﻴﺒﺔ ﻟﺘﻜﻮﻥ
ﻓﻲ ﺍﺣﺪ ﻣﻨﺎﻃﻖ ﺍﻟﻤﻤﻠﻜﺔ
ﻣﻼﻙ ﺑﻬﺪﻭﺀ ﻭﻗﻠﺒﻬﺎ ﻳﺤﻤﻞ ﻣﻦ ﺍﻟﺨﻮﻑ ﺍﻟﻜﺜﻴﺮ ﺑﻞ ﻳﻜﺎﺩ ﻳﻘﻒ ﻧﺒﻀﻪ ﻣﻦ ﺷﺪﺓ ﺍﻟﺨﻮﻑ /
ﺣﺴﺒﻲ ﺍﻟﻠﻪ ﻋﻠﻰ ﺍﺑﻠﻴﺴﺞ ﻣﺎ ﻋﺮﻑ ﺷﻠﻮﻥ ﻭﺍﻓﻘﺘﺞ ﻋﻠﻲ ﻫﺎﻟﻴﻨﻮﻥ
ﻫﻨﺎﺩﻱ / ﺍﻗﻮﻝ ﻭﺍﻟﻠﻪ ﺷﻜﻠﻨﺎ ﺭﺍﺡ ﻧﻮﺻﻞ ﻟﻠﻌﺎﻟﻤﻴﺔ ، ﺻﺒﺮﻱ ﺑﺲ ﻭﺑﺘﺸﻮﻓﻴﻦ ﻭﻫﻰ ﺗﺄﺷﺮ ﻋﻠﻰ
ﻋﻘﻠﻬﺎ / ﻫﺬﺍ ﺑﻴﻮﺩﻳﺞ ﻭﻳﻦ ﺍﺫﺍ ﻣﺎ ﻧﺼﻴﺮ ﺍﺷﻬﺮ ﻓﺮﻗﺔ ﺩﻱ . ﺟﻲ ﺑﺎﻟﺨﻠﻴﺞ ﻣﺎ ﺍﻛﻮﻥ ﻫﻨﻮﺩﻩ
ﻣﻼﻙ ﺑﺘﻔﻜﻴﺮ ﺑﺎﻃﻨﻲ ﻋﻤﻴﻖ ﻛﺎﻥ ﻣﻦ ﺍﻟﻮﺍﺟﺐ ﻋﺪﻡ ﺍﻻﺳﺘﻤﺎﻉ ﻟﻨﺼﻴﺤﺔ ﻫﻨﺎﺩﻱ ﺑﺎﻟﺴﻔﺮ
ﻷﺣﻴﺎﺀ ﺍﻟﺤﻔﻠﺔ ﺧﺎﺭﺝ ﺍﻟﻜﻮﻳﺖ ﻓﻴﻜﻔﻲ ﺍﻧﺘﺸﺎﺭﻧﺎ ﺩﺍﺧﻠﻴﺎ ﻭﺑﺎﻟﺴﺮ ﻣﺎﺫﺍ ﻟﻮ ﺍﻧﻜﺸﻒ ﺍﻣﺮﻧﺎ ﻫﻞ
ﺳﻴﺘﻢ ﺗﻔﻬﻢ ﺷﻐﻔﻨﺎ ﻫﻞ ﺳﻴﻐﻔﺮ ﻟﻨﺎ ﻣﺠﺘﻤﻌﻨﺎ ﺟﻤﻴﻌﻬﺎ ﺍﻣﻮﺭﺍ ﺗﺪﻭﺭ ﺑﻌﻘﻞ ﻣﻼﻙ ﺍﻟﺘﻲ ﻋﺮﻑ
ﻋﻨﻬﺎ ﺭﺟﺎﺣﺔ ﺍﻟﻌﻘﻞ ﻭﺍﻟﺘﻔﻜﻴﺮ ﺩﺍﺋﻤﺎ ﻗﺒﻞ ﺍﺗﺨﺎﺫ ﺍﻱ ﺧﻄﻮﺓ ﻓﻘﺪ ﺭﺑﺎﻫﺎ ﻭﺍﻟﺪﻫﺎ ﻋﻠﻲ ﺍﻫﻤﻴﺔ
ﺍﻟﺘﺄﻧﻲ ﻭﺍﻟﺘﻔﻜﻴﺮ ﻗﺒﻞ ﺍﻻﻗﺪﺍﻡ ﻋﻠﻰ ﺃﻱ ﻋﻤﻞ ﻭﺑﺘﺄﻓﻒ / ﺍﻟﻠﻪ ﻳﻌﺪﻳﻬﺎ ﻋﻠﻰ ﺧﻴﺮ ﻗﺴﻢ ﺑﺎﻟﻠﻪ
ﺍﺑﻮﻱ ﻟﻮ ﻋﺮﻑ ﺍﻧﻲ ﺍﺷﺘﻐﻞ ﻓﻲ ﻓﺮﻗﺔ ﺩﻱ . ﺟﻲ ﻭﻣﺸﻬﻮﺭﺓ ﺑﻌﺪ ﺑﻬﺬﺍ ﺍﻟﺸﻲﺀ ﻻ ﻳﻜﺮﻧﻲ ﺍﻟﻠﻪ
ﺍﻛﺒﺮ ﻭﺗﺄﺷﺮ ﻋﻠﻰ ﺭﻗﺒﺘﻬﺎ
ﻫﻨﺎﺩﻱ ﺗﻀﺤﻚ ﻣﻦ ﺍﺳﻠﻮﺏ ﻣﻼﻙ ﺍﻟﻤﻀﺤﻚ / ﻻ ﺗﺨﺎﻓﻴﻦ ﺍﻟﻌﺮﺱ ﺍﻟﻴﻮﻡ ﺑﺎﻟﻠﻴﻞ ﻭﺑﺎﺟﺮ ﺍﻟﻈﻬﺮ
ﺍﻥ ﺷﺎﺀ ﺍﻟﻠﻪ ﺭﺍﺩﻳﻦ ﻟﻠﻜﻮﻳﺖ ﻭﺑﻌﺪﻳﻦ ﺻﺎﺭ ﻟﻨﺎ ﺳﻨﻴﻦ ﻣﻦ ﻋﺮﺱ ﻟﻌﺮﺱ ﻣﺎ ﺣﺪ ﻋﺮﻓﻨﺎ
ﻫﻬﻬﻬﻬﻬﻪ ﻭﺍﻧﺎ ﻛﻠﻤﺖ ﺳﺤﺮ ﺗﻜﻠﻢ ﺍﺧﻮﻫﺎ ﻣﺸﺎﺭﻱ ﻳﻀﺒﻂ ﻟﻨﺎ ﻛﻞ ﺷﻲﺀ
ﻣﻼﻙ ﺑﺨﻮﻑ / ﺍﻧﺎ ﺷﻨﻮ ﻣﺨﻮﻓﻨﻲ ﻏﻴﺮ ﻫﺎﻟﻤﺸﺎﺭﻱ ﻣﺎ ﺗﺸﻮﻓﻴﻦ ﺷﻠﻮﻥ ﻧﻈﺮﺍﺗﻪ ﺍﺣﺴﻪ ﻧﺬﻝ
ﻫﻨﺎﺩﻱ ﺗﻐﻤﺰ ﻟﻬﺎ / ﺍﻛﻴﺪ ﺑﻴﻜﻮﻥ ﻧﺬﻝ ﺍﺫﺍ ﻳﺸﻮﻑ ﻗﻤﺮ ﻗﺪﺍﻣﻪ ﻭﻻ ﻗﺎﺩﺭ ﻳﻮﺻﻠﻪ
ﻣﻼﻙ ﺑﻌﺼﺒﻴﻪ / ﺗﺨﺴﻴﻦ ﺍﻻ ﻭﻳﻪ ﺍﻟﺒﻮﻣﻪ ﺍﻃﺎﻟﻌﻪ ﺗﻨﻬﺪﺕ ﻭﻫﻰ ﺗﺘﺬﻛﺮ ﺟﻤﺎﻝ ﻭﻳﻪ ﺣﺒﻴﺒﻬﺎ
ﺍﻟﺮﺑﺎﻧﻲ ﺳﺒﺤﺎﻥ ﺍﻟﻰ ﺧﻠﻘﻪ
ﻫﻨﺎﺩﻱ ﺗﺄﺷﺮ ﺑﻴﺪﻫﺎ ﻗﺪﺍﻡ ﻋﻴﻮﻥ ﻣﻼﻙ / ﻫﻴﻴﻴﻴﻴﻲ ﻭﻳﻦ ﺭﺣﺘﻲ ﻳﺎ ﺣﻈﻲ
ﻣﻼﻙ / ﺧﻴﺮ ﺧﻴﺮ ﺍﺵ ﺗﺒﻴﻦ ﺍﻧﺠﻠﻌﻲ ﺑﺲ ، ﺍﻏﻤﻀﺖ ﻋﻴﻨﻴﻬﺎ ﻟﺘﺘﺨﻴﻞ ﻣﻨﻈﺮ ﻭﺍﻟﺪﻫﺎ ﻛﻴﻒ
ﺳﻴﻜﻮﻥ ﻟﻮ ﻋﻠﻢ ﺑﻤﻮﺿﻮﻉ ﺩﻱ . ﺟﻲ ﻭﺳﻔﺮﻫﺎ ﺧﺎﺭﺝ ﺣﺪﻭﺩ ﺍﻟﻮﻃﻦ ﻭﺍﻥ ﻛﺎﻥ ﺍﻟﺴﻔﺮ ﻣﺤﺪﺩ
ﻟﺴﺎﻋﺎﺕ ﻣﻌﻴﻨﻪ ﻭﻟﻜﻦ ﻳﻈﻞ ﺷﺒﺢ ﺍﻟﺨﻮﻑ ﻣﺴﻴﻄﺮﺍ ﻋﻠﻴﻬﺎ ﺍﻟﻰ ﺣﻴﻦ ﻋﻮﺩﺗﻬﺎ ﻭﻟﻜﻦ ﻫﻞ
ﺳﻴﺘﻔﻬﻢ ﻭﺍﻟﺪﻫﺎ ﺷﻐﻔﻬﺎ ﺑﺤﺐ ﺍﻟﻐﻨﺎﺀ ﻫﻞ ﺳﻴﺴﺎﻣﺤﻬﺎ ﺍﻡ ﺳﻴﻐﻀﺐ ؟ !
ﺗﻨﻬﺪﺕ ﻭﻫﻰ ﺗﻨﻈﺮ ﻟﺼﺪﻳﻘﺘﻬﺎ ﺍﻟﺘﻲ ﻣﺎﺯﺍﻟﺖ ﺗﻀﺤﻚ / ﺍﻳﻪ ﺿﺤﻜﻲ ﺣﺒﻴﺒﺘﻲ ﻭﺍﻟﻠﻪ ﻟﻮ ﺍﺧﻮﺝ
ﻋﺮﻑ ﻻ ﻳﻜﻮﻥ ﻣﺰﻭﺟﺞ ﻷﻭﻝ ﻣﻦ ﻳﻄﻖ ﺑﺎﺏ ﺑﻴﺘﻜﻢ ﻫﻬﻬﻬﻬﻬﻪ ﻋﺎﺩ ﺯﻭﺟﺘﻪ ﺍﻟﻨﺴﺮﺓ ﻣﺎ
ﺑﺘﻘﺼﺮ ﻋﺸﺎﻥ ﺗﻮﺯﻩ ﻋﻠﻴﺞ
ﻫﻨﺎﺩﻱ ﺗﻠﻮﻯ ﻓﻤﻬﺎ / ﻳﻌﻨﻲ ﺗﺒﻴﻦ ﺗﻔﻬﻤﻴﻨﻲ ﺍﺑﻮﺝ ﻣﺎﺷﻚ ﻓﻴﺞ ﺍﻧﺞ ﺗﺸﺘﻐﻠﻴﻦ ﺑﻔﺮﻗﺔ ﻣﺎ ﺍﻧﺖ
ﻛﻞ ﻳﻮﻣﻴﻦ ﻋﺮﺱ
ﻣﻼﻙ ﺗﻬﺰ ﺭﺍﺳﻬﺎ ﻭﻫﻰ ﺗﺘﺬﻛﺮ ﺍﻥ ﻭﺍﻟﺪﻫﺎ ﻳﺤﺎﻭﻝ ﺍﻻ ﻳﻀﻐﻂ ﻋﻠﻴﻬﺎ ﺑﻤﺴﺎﻟﻪ ﺍﻟﺨﺮﻭﺝ ﺑﺴﺒﺐ
ﺷﻌﻮﺭﻩ ﺑﺎﻟﺬﻧﺐ ﻷﻧﻬﺎ ﻭﺣﻴﺪﻩ / ﻻ ﻃﺒﻌﺎ ﻋﻴﺐ ﻭﻣﻨﻘﻮﺩ ﻋﻨﺪﻫﻢ ﺑﺲ ﺍﺑﻮﻱ ﻳﻌﺮﻑ ﺍﻧﻰ ﻭﺣﻴﺪﺓ
ﻭﻻ ﻳﺤﺐ ﻳﺮﺩ ﻟﻲ ﻃﻠﺐ ﻭﺗﻌﺮﻓﻴﻦ ﺍﻥ ﺍﺑﻮﻱ ﺣﻴﻞ ﺣﻴﻞ ﻏﻨﻲ ﻭﺍﺳﻤﻪ ﻣﻌﺮﻭﻓﻪ ﻭﻣﺠﺮﺩ ﻫﺎ
ﺍﻟﺸﻐﻠﺔ ﻋﻨﺪﻩ ﻓﻀﻴﺤﺔ
ﻫﻨﺎﺩﻱ ﺑﻬﻤﺲ / ﺍﻭﻻ ﺍﺣﻦ ﺩﻭﻡ ﻣﺘﻨﻜﺮﻳﻦ ﻳﻌﻨﻲ ﻣﺎ ﺣﺪ ﺑﻌﺮﻓﻨﺎ ، ﺑﺨﺼﻮﺹ ﺍﺑﻮﺝ ﻳﻌﻨﻲ
ﺳﻮﺭﻱ ﻣﻦ ﻭﻳﻦ ﻟﻜﻢ ﻭﺍﻧﺎ ﻻ ﺍﺷﻮﻑ ﻋﻨﺪ ﻋﻤﻲ ﺷﺮﻛﺔ ﻭﻻ ﻋﻨﺪﻩ ﺩﻭﺍﻡ
ﻣﻼﻙ ﺗﻌﻘﺪ ﺣﻮﺍﺟﺒﻬﺎ / ﻭﺭﺙ ﻻ ﺗﻨﺴﻴﻦ ﺍﺑﻮﻱ ﺟﺎﻥ ﻋﻨﺪ ﺍﻫﻠﻪ ﺑﺎﻟﺴﻌﻮﺩﻳﺔ ﻭﻟﻤﺎ ﻣﺎﺗﻮﺍ ﻛﻠﻬﻢ
ﻭﺭﺛﻬﻢ ﻭﺍﻧﺘﻘﻞ ﻟﻠﻜﻮﻳﺖ ﺟﻢ ﻣﺮﺓ ﻋﺪﺕ ﺍﻟﺴﺎﻟﻔﺔ ﻟﺞ ﻏﺒﻴﻪ ﻣﺨﺞ ﻭﺍﻗﻒ
ﻫﻨﺎﺩﻱ ﺑﺎﺳﺘﻬﺰﺍﺀ / ﺷﻨﻮ ﺷﺎﻳﻔﺘﻨﻲ ﺗﺴﺘﻬﺒﻠﻴﻦ ﺣﻀﺮﺗﺞ ﻛﻠﻬﻢ ﻣﺎﺗﻮﺍ ﺑﺮﺑﻄﺔ ﺍﻟﻤﻌﻠﻢ ﻣﺜﻼ
ﻭﺍﻛﻤﻠﺖ / ﻭﺑﻌﺪﻳﻦ ﻣﺎ ﺣﺪ ﻋﺮﻑ ﺑﺴﺎﻟﻔﻪ ﺍﻟﺪﻱ ﺟﻲ ﺍﻻ ﻣﺸﺎﺭﻱ ﺑﺎﻗﻲ ﺳﻌﻮﺩ
ﻣﻼﻙ ﺗﺸﻬﻖ ﻭﻫﻰ ﺗﺘﺬﻛﺮ ﻧﻈﺮﺍﺕ ﻣﺸﺎﺭﻱ ﺍﻟﺘﻲ ﻻ ﺗﺠﻠﺐ ﻟﻬﺎ ﺍﻟﺮﺍﺣﺔ ﻭﺗﺴﺒﺐ ﻟﻬﺎ ﺍﻟﺨﻮﻑ
ﻭﺍﻟﻘﻠﻖ ﺑﺸﻜﻞ ﺩﺍﺋﻢ / ﺣﺴﺒﻲ ﺍﻟﻠﻪ ﻋﻠﻴﺞ ﺍﻻ ﺳﻌﻮﺩ ﺗﺒﻴﻨﻪ ﺻﺞ ﺻﺞ ﻳﻜﺮﻧﻲ ﺯﻳﻦ ﺍﻧﻪ ﻋﺎﻳﺶ
ﺑﺎﻟﺴﻌﻮﺩﻳﺔ ﻣﻮ ﻋﻨﺪﻱ ﺑﺎﻟﻜﻮﻳﺖ ﺟﺎﻥ ﺻﺞ ﻛﺸﻔﻨﻲ ﺑﺲ ﻣﺸﺎﺭﻱ ﺍﻟﺠﻠﺐ ﻟﻮ ﺗﻢ ﻋﻠﻰ ﻧﻔﺲ
ﺍﻟﻨﻈﺮﺍﺕ ﺭﺍﺡ ﺍﺗﺼﺮﻑ ﻣﻌﻪ ﺍﺣﺲ ﺍﻧﻪ ﻃﻮﻝ ﻣﺎ ﻫﻮ ﻳﻄﺎﻟﻌﻨﻲ ﻋﻴﻮﻧﻪ ﺩﺷﺖ ﺿﻠﻮﻋﻲ ﻳﻌﻠﻬﺎ
ﺍﻟﻔﻘﻊ ﺍﻥ ﺷﺎﺀ ﺍﻟﻠﻪ
ﻫﻨﺎﺩﻱ ﺑﻀﺤﻚ / ﺍﻗﻮﻝ ﺧﻠﺞ ﻣﻦ ﻣﺸﺎﺭﻱ ﻣﺎ ﺣﺪ ﻧﺎﻓﻌﻨﺎ ﻏﻴﺮﻩ ﻭﺑﻌﺪﻳﻦ ﺍﺑﻴﺞ ﺗﻐﻤﻀﻴﻦ
ﻋﻴﻨﻴﺞ ﻭﺗﺘﺨﻴﻠﻴﻦ ﺍﻟﻄﻴﺎﺭﺓ ﺗﻄﻴﺢ ﻓﻴﻨﺎ ﻭﺍﺑﻮﺝ ﻳﻜﺘﺸﻒ ﺍﻭﻑ ﺷﻠﻮﻥ ﺑﻴﻜﻮﻥ ﻭﺿﻌﺞ
ﻣﻼﻙ ﻭﻫﻰ ﺗﻌﻘﺪ ﺣﻮﺍﺟﺒﻬﺎ / ﺣﺴﺒﻲ ﺍﻟﻠﻪ ﻋﻠﻰ ﺍﺑﻠﻴﺴﺞ ﻓﺎﻟﺞ ﻣﺎ ﻗﺒﻠﺘﻪ ﻭﺑﻌﺪﻳﻦ ﻋﻠﻰ ﻓﻜﺮﺓ
ﺣﺎﻟﻲ ﻣﺎ ﺑﻴﻜﻮﻥ ﺍﺣﺴﻦ ﻣﻦ ﺣﺎﻟﺞ ﻋﺎﺩ ﺣﺰﺗﻬﺎ ﺯﻭﺟﺔ ﺍﺧﻮﺝ ﺭﺍﺡ ﺗﻘﻨﻌﻪ ﻳﺰﻭﺟﺞ ﻟﺨﺎﻟﻬﺎ
ﺧﺮﻳﺞ ﺍﻟﺴﺠﻮﻥ ﻭﺍﺑﺘﺴﻤﺖ ﺑﻨﺺ ﺍﺑﺘﺴﺎﻣﻪ
ﻫﻨﺎﺩﻱ ﺗﻠﻮﻱ ﻓﻤﻬﺎ / ﻳﻊ ﻟﻮﻋﺘﻲ ﺟﺒﺪﻱ ﻭﺗﻌﺎﻟﻲ ﻳﺎ ﺑﻨﺖ ﻭﺑﻌﺪﻳﻦ ﺷﻠﻮﻥ ﺳﻌﻮﺩ ﺍﺧﻮﺝ ﻭﻫﻮ
ﺳﻌﻮﺩﻱ ﻛﻞ ﻣﺮﻩ ﺗﻘﻮﻟﻴﻦ ﻋﻘﺐ ﺑﻘﻮﻟﺞ ﺍﻟﺴﺎﻟﻔﺔ ﺳﺮ
ﻣﻼﻙ ﺗﺰﻓﺮ ﺑﻀﻴﻖ / ﺍﻧﺖ ﻭﻳﻦ ﻭﺍﻧﺎ ﻭﻳﻦ ﺍﻧﺎ ﺍﻓﻜﺮ ﺑﺎﻟﺴﻔﺮﺓ ﻛﻢ ﻣﺮﻩ ﻗﻠﺖ ﻟﺞ ﺧﻠﻴﻨﺎ ﺑﺲ
ﻣﺤﻠﻴﺎ ﻣﺎ ﻧﺒﻲ ﺩﻭﻟﻴﺎ ﺑﺲ ﺍﻧﺘﻲ ﺟﻠﺒﺔ ﻭﻋﻨﻴﺪﺓ ﻭﺑﻌﺪﻳﻦ ﻣﺎ ﻟﺞ ﺷﻐﻞ ﺑﺴﻌﻮﺩ ﻛﻞ ﺷﻮﻱ
ﺗﺴﺎﻟﻴﻦ ﺷﻠﻮﻥ ﻫﻮ ﺍﺧﻮﻱ
ﻫﻨﺎﺩﻱ ﻭﻫﻰ ﺗﺄﺷﺮ ﺑﺄﺻﺎﺑﻌﻬﺎ / ﻣﺎﻧﻲ ﻳﺎ ﺣﺒﻴﺒﻲ ﻣﺎﻧﻲ ﺷﻔﺘﻲ ﺟﻢ ﺧﺬﻳﻨﺎ ﻣﻦ ﺍﻟﺤﻔﻠﺔ ﺣﺴﺎﺏ
ﺛﻼﺙ ﺣﻔﻼﺕ ﺑﺎﻟﻜﻮﻳﺖ ﺑﺲ ﺻﺞ ﺷﻠﻮﻥ ﺳﻌﻮﺩ ﺍﺧﻮﺝ ﺷﻜﻠﻲ ﺑﺨﻄﻂ ﻋﻠﻴﻪ ﻋﻠﻰ ﺍﻻﻗﻞ
ﺍﺿﻤﻦ ﻣﺴﺘﻘﺒﻠﻲ
ﻣﻼﻙ ﺗﺰﻓﺮ / ﻗﻠﺖ ﻟﺞ ﺍﻟﻔﻠﻮﺱ ﻣﺎ ﺗﻬﻤﻨﻲ ﻭﺳﻌﻮﺩ ﺍﺧﻮﻱ ﺑﺎﻟﺮﺿﺎﻋﺔ ﺍﺭﺗﺤﺘﻲ ﺟﻢ ﻣﺮﻩ ﺍﻗﻮﻟﺞ
ﺍﺣﺲ ﺍﻧﺞ ﺑﻄﻴﺌﺔ ﺍﻻﺳﺘﻴﻌﺎﺏ
ـ #وصلنا_لنهاية_البارت 🔮
*💜ـــــ #يتبــع👇ــــــ💜*
💜📚 @ahgeel 💜📚🖋
🍃💜
💜🍃💜
🍃💜🍃💜
💜🍃💜🍃💜