الفصل 36
@riwait_221
📖 روايـة أنتي حمول الوقت وأنا سندها .
(البارت 36 )
.
وصل دكان ابوه
اللي عجز يوقف على رجله من الفجعه اقبل عليه يبوس راسه وهو حزين على حال ابوه اللي باين فيه كسرته : انا اسف يبه تكفى يايبه سامحني
ابو مقبل لللي تعلق فيه بخوف: وش طلعك ؟ وش سويت هيا فيها شي؟ شلون طلعت
مقبل : لا يبه لا كلنا بخير
ابو مقبل : شلون طلعت
مقبل : طلعني ضابط بن حلال توسط لي وطلعني لكن اخذ علي تعهد ما اقرب هاذيك الديار
ابو مقبل : انا احلف عليك قبلهم ما تطبها ابد
مقبل: يايبه تكفى هيا مقدر اخليها
ابو مقبل : هذاك اول قبل يصير اللي يصير هيا راحت وصار عليها لللي صار كل للي تسويه تكتف يدينك وتقبل بالحكم وباذن الله بنيتي ماهي مطوله في الظلم
مقبل : نسكت ونترك بنتنا ذليله
ابو مقبل : لا تفتح الجروح ولا تبدي كلام ماتحسب حسابه هاذي عادات وتقاليد وصارت اسكت وانتبه لامك احمد لله انك طلعت حنا بعدنا حيين
سكت مقبل وطلع متجهه لسعد مافيه غيره ينقذه لكن واجهه سعد اللي جا يركض اول ماوصله الخبر حضنه بخوف : مقبل شلون طلعت
مقبل بضيق: ضايقين اني طلعت
سعد: لا والله لكن غريب المفروض سنهز
مقبل : طلعني ابن حلال
سعد: تعال تعال اجلس وقلي كل السالفه قاله مقبل كل شي وسكت وهو يقول : ابي اطلع هيا ياسعد
لمس مقبل جرح سعد لكن قال سعد وهو يخبط يدينه ببعض: خلاص ماعاد هي في يدينا هيا عليها دين وتقضيه لا انا ولا انت ولا ابوك بكبره يقدر يطلعها
مقبل : هذا كلامك؟
سعد: انا اكثر انسان رافض هالعاده لكن ابوك عطاهم وصار للي صار
مقبل : ونسكت؟
سعد: غصب بتسكت اختك شرت دمك بدمها
مقبل مسك راسه بعبره: يا علني قبلتس يا هيا
سعد : اذكرالله وارجع لامك مسكينه وقف قلبها
مقبل : هذا لللي بيصير
طلع لبيتهم ورجع لامه اللي تحضنه كنه نازل من سما وطلعت عزوف وتركتهم وهي تبكي هيا
___.
وفي دكان ابو سند
كان سند شارد ذهنه وضايق وهو يفكر بأمس وبالعذاب اللي حصل منه وحصل له تذكر دموع هيا وتذكر قوتها بعد
اخذ نفس وهو يعتبر اسوء ليله اول ليله انتهت ومابقى الا القليل
لف على صوت فزاع: سند وين وصلت؟
سند: فزاع متى جيت؟
فزاع: من ساعه اناديك وش فيك
سند اخذ نفسه : مافيني شي اقلط
فزاع: صاير شي مع الغره؟
سند : كل شي زي ما يبونه
فزاع: وانت وش تبي؟
سند: انا مابي ثاري من غره
فزاع: حصل الحاصل ياسند لا تهز نفسك بهالكلام وانت بنفسك تقول هي كانت قويه يعني ضعفك ذا بيأثر عليك
سند: انا ماني ضعيف انا صاحب حق
فزاع: حقك في دم اخوك ياسند
سند : اااه يا مجاهد اااه
فزاع: لا تضغط على نفسك بتسيرها اليالي وتنهي قصة هالثار
.
#أنتي_حمول_الوقت_وأنا_سندها
#لاتطلبون مني بارتات جديدة الا اذا شفت التفاعل قوي ❤️
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇