الفصل 35
@riwait_221
📖 روايـة أنتي حمول الوقت وأنا سندها .
(البارت 35 )
.
ساره: لا توصيني ياجده لا توصيني والله ان رغم حرق قلبي ادري مالها ذنب هالمسيكينه
ثريا بضيق :حسبي لله على من كان السبب
طلعت هيا بعد ما بكت لين راحت عيونها مرتهم بهدوء وراحت لغرفتها بدتت تنظف كل شي وهي قرفانه وكانت خزاري تراقبها من بعيد رغم الظلم اللي عليها جمالها باين وحمدت ربها ان هيا عدوة لسند لان لو ماعداوتهم والدم لللي بينهم لو شافها سند طاح من طوله وكانت متطمنه انه مستحيل يلتفت فيها
_______.
وفي بيت ابو مقبل
دخل مقبل يدور امه لكن صد بضيق اول ماشاف عزوف : ياولد
فزا عزوف وهي تنزل غطاها: من من؟؟
مقبل: مقبل
شهقت وطلعت : مقبل وش جابك ؟
مقبل : بيت ابوي انتي اللي شجابتس
تفشلت عزوف : ا ا اقصد كيف طلعت
مقبل : طلعت وين امي
قبل ما تكلم عزوف طلعت ام مقبل تركض: صوت ولدي صوت مقبل
ركض لها مقبل: يمممه
حضنته وهي تبكي وطاحت على الارض ماهي مصدقه انها تشوفه رفعها مقبل وهو يبوس يدينها وراسها:يمه تكفين يايمه لا تبكين
ام مقبل ببكى: انقطع قلبي من الخوف عليك يمه خفت اني ماعاد اشوووفك ماعاد اشوف ضناي
مقبل: ياعل يومي قبل يومتس يا ميمتي لاتبكين تكفين هذاني عندتس وهذاتس شفتيني
ام مقبل : عسى عيني ما تبكيك يامقبل
ضمها مقبل وهو يكافح دموعه وعزوف اللي منهاره تبكي من حال ام مقبل ركضت تجيب مويه وعطتها ام مقبل اللي بالقوه هدت ومقبل يمسح عليها
ام مقبل : وشلون طلعت يمه
مقبل : عيال الحلال طلعوني يايمه طمنيني عنتس وعن ابوي
ام مقبل : هذا حالنا من بعدكم يا مقبل
مقبل بضيق:وهيا؟
نزلت راسها ام مقبل ببكي : هيا راحت غره
مقبل : ليه يا يمه لييه والله ان دمي فدا هيا ليه ذليتوها
ام مقبل : ذلنا خوفنا عليك يمه ابوك قام وطاح يبي يفزع لك مادرا ان فزعته لك بتذبح هيا
مقبل: والله اني مستعد اروح واجيبها
ام مقبل : صار اللي صار يمه راحت هيا مالها رجعه الا بولد لا تفضح ابوك بين الشيوخ
مقبل : بروح لابوي
ام مقبل : لا تكفى اجلس ماشبعت منك
مقبل : ماني متاخر يمه بجي بجي
طلع على عجل يبي ينقذ هيا بأي طريقه وصل دكان ابوه وهو يشوف نظرات الناس لللي تحمد له على طلوعه بالسلامه وصل دكان ابوه
اللي عجز يوقف على رجله من الفجعه
.
.
#أنتي_حمول_الوقت_وأنا_سندها
#يتبع👇 ..
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇