الفصل 33
@riwait_221
📖 روايـة أنتي حمول الوقت وأنا سندها .
(البارت 33 )
.
هيا ما تقبلت انها بتترك ولدها لكن غصب عليها : هو لكم
وقف سند ووقف معه قلب هيا الخايف لللي عكس هيئتها الثابته ضرب النور بيده وسكره كان يجبر نفس على فعل كارهه كان يبي ينهي هالموضوع بأسرع مايكون
اما هيا كانت هنا نهاية صبرها كانت تبكي بصمت من هاللي يصير معها بكت طول هالليله بكت بكى مكتوم
جزع منه سند اللي ابتعد كارهه لكل شي اولهم صوت بكاها للي تحاول تكتمه
لملمت نفسها باللحاف وهي تبكي بحرقه وطلع سند واتجهه للمقلط واول ماسكر الباب عليها شاف خصلات من شعرها معلق في يده لان ضرب يده بالجدار بقوه ونفضها يبعد شعرها صار راسه يدور فيه التفت على صوت الاذان وتروش يبعد هالمصايب عنه وطلع للمسجد يبي بس يهدا يبي يهدي نفسه
اما هيا اللي فرغت بكاها كله وهي تتحسس شعرها الي تحس بمسكته القويه فيها للحين قامت تبكي واتجهت للحمام وهي تبكي وبعد ماطلعت هدت لكن تجمدت وهي تشوف ساره متكتفه اخر الممر وتناظرها قربت منها وهي حزينه ماتبي تشوفها كذا ولا تبي تشوف سند بصورة الوحش حطت يدها على كتفها وقالت: يوجعتس شي ؟ تبين شي ؟
انصدمت هيا ماتوقعت ابد بتنسأل هالسوال توقعت كل شي الا الحنيه قالت بهمس : لا
ساره بهدوء : الله يعينتس ويصبرتس على مصيبتس وان بغيتي شي انا ساره تعالي لي
تركتها وراحت واتجهت هيا لغرفتها كبرت وصلت وهي تحمد ربي سخر لها ساره
بعد ماصلت ارتمت على فراشها تبي الامان
_______
وعند مقبل بعد الفجر
التفت على صوت الباب والسجان ينادي : مقبل
اتجهه له بعد مالف سجادته: سم
السجان: يبيك الضابط
طلع معه مقبل مستغرب ولقى الضابط قاعد ومعه ورقه : تعال يامقبل
مقبل : خير ياطويل العمر ؟
الضابط : ان شاء الله خير سم هاذي الورقه
مقبل : وشو
الضابط: افراج الف الف مبروك
مقبل : وشوووو وش تقول قول والله
الضابط : مايحتاج احلف هاذي هي قدامك
مقبل: بس شلون علي حق عام
الضابط : انا عرضت ظروفك عليهم وان امك وابوك وحيدين مافيه احد يراعهم وحاولت لين عطوك العفو لكن تحت التعهد ان ما تتعرض ابداً لعائلة القتيل
مقبل: ابشر وبيض الله وجهك
الضابط : ماسويت شي لكن انتبه واعرف تحكم في غضبك وماهي كل مره تسلم الجره
مقبل : ابشر ابشر
الضابط : رتب امورك والله يسهل لك
طلع مقبل يركض وجمع اغراضه وطلع بعد ما سلم على كل المساجين يبي يروح يحرر هيا وامه وابوه لكن وقوفوه اول ماكتبوه تعهد في حال دخل ديرتهم يسجن على كثر ما فرح حزن وضاق صدره طلع ما احد عرف بطلوعه واتجهه لديرتهم شفقان عليها وخايف
_______.
.
#أنتي_حمول_الوقت_وأنا_سندها
#يتبع👇 ..
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇